رواية أنتقام الصفحه 27 (ترميم) الفصل العشرون 20 - بقلم خـلود الـ محسن

بقلم الكاتبه لورا
°°°°°°°°°°
انستا lorai_alrwi
°°°°°°°°°°
تابعو قناة التليكرام حباََ♥
…………………………………قرأه ممتعه

رفع راسه يباوعلي كال
الصــعب:-اشتغل محامي

ابتسمت مجامله متأكده ييجذب
:-هههه غير يستقر احجي الصدك

:-لا تصدكين بكيفج
:-صصعععبب احجي الصدك

:-صوتج لج

صح صوتي جان عالي عود سويت صوتي ناعم و طفولي كتله
:-شبي؟

رفع راسه باوعلي عاگد حاجبه
الصعب:-بابا شنو هاي لا تتنغوصين

:-شبيك اشاقه
:-ما احب البنيه الي مو على طبيعتهه احب هيج تتصرف بكل عفويه

:-شقصدك اني مو على طبيعتي

رجع نزل راسه على بطني
:-لا ما كلت هيج اصلا انت اكثر بنيه عفويه بس سكتي

:-اكلك وخر اريد انام

:-خل اغفه و انه هيج

:-كوووم صعب كوم

:-وين؟

:-شنو وين هاي الجربايه شكدهه شكبرهه ما تنام اله عليه؟

ضحك بصوت عالي وخر من يمي و تمدد بمكانه و ضل يضحك

صفنت شويه اني شجاي احجي شنو تنام عليه....
كعدت عدل و عدلت التشيرت مالتي درت وجهي عليه يباوعلي مبتسم

:-ششووف لا تضحك خوش تره ما تدري شسوي

:-شتسوين؟

:-اطيح حضك شسوي

:-شلون انه وياج شششللوون؟

:-تحملني كم يوم و اروح

:-انجبي بابا لا تحجين هيج

راد يحجي و اتصل تلفونه طفر من مكانه الوقت متأخر منو يتصل هسه باوعت عليه سحب التلفون و باوعلي

الصعب:-هاي رُفيده

جنت العب بشعري عفته و صرت كدامه
:-ما ترد يله شمنتضر

:-لحضه شوفي مو كبل تحجين خل نسمع الصوت اول شي

:-اي بس افتح الصوت

فتح الخط و بقى ساكت لما امي حجت
:-الو صعب

:-الو هلا رُفيده

:-شلونك يمه ملاذ شلونهه

:-زينين الحمد لله

اخذت التلفون منه
:-الوو هلو يوم

:-هلا بنيتي شلونج شخبارج

:-زينه اني زينه انت شلونج خو ما احد مسويلج شي وينج هل فتره اشو حتى ماكو رساله خفت عليج

:-وحده وحده ههه زينه اني زينه عندي الج بشاره
:-شنو

:-لكيت بيت بعد بس اخذ جناسينه

:-صصدك يعني راح نرجع سوه يوم والله گلبي يتكطع
عليج اخاف بعد ما نرجع

:-لا ان شاء الله نرجع ما ضل شي بس ادعيلي احصل اغراضنه على الاقل خل نطلع بيهن

:-ان شاء الله يوم حبابه والله راح اموت بدونج

:-سوده عليه يا امي ما ضل شي

:-اسم الله عليج
:-يله حبيبتي اني لازم اروح ديير بالج على روحج و على صعب

:-حاضر
سدت التلفون كوه كاتمه روحي ما ابجي
اخذه مني صعب و بقى ساكت يباوعلي ادير بوجهي لو ارفع عيوني علمود ما تنزل دمعتي

شويه و كال
:-تستحين تبجين كدامي!

:-لا ما ابجي

:-واضح

:-مشتاقتلها صعب

تنهد و حجه بصوت مخنوك
:-تحملي لخاطرج كل هذا تكدرين تشوفينهه وره هل صبر
باوعت عليه احس بيه ضايج حتى حجايته كوه طلعت

:-تشتاق لامك صعب؟

:-ههه طبعاََ

:-صعبه مو؟

:-18 سنه ملاذ ما سامع صوتهه و لا ضحكتهه و لا خوفهه عليه شلون ما اشتاق الها

:-ليش ماتت

كل اسئلتي اريد اوصل لشي اريد اعرف صعب شلون مفسر موت امه يعرف الحقيقه و يسوي نفسه متوهم لو ما يعرف شي

الصعب:-يومهه

:-شلون ماتت

:-احتركت

:-شلون

:-هه شبيج شنو شلون هي احتركت

:-يعني شلون اقصد

دار وجهه و نزل رجليه من الجربايه بقى مدنك راسه بس ما يحجي شي

مشيت على ركبي و صرت بضهره خليت ايدي على جتفه
:-صعب

ما حجه شي بقى يضغط على راسه
عروگه برزت رگبته صارت عباره عن شرايين و عركان بشكل سحبت ايدي منه و بقيت ساكته اخاف احجي شي

باوع عليه عيونه جبود مو حمار طبيعي و صوت نفسه مالي الغرفه رجعت ليوره خفت من وضعه بلع ريگه و بلل شفايفه

:-موو مرريض انني مو مرريضض

:-اي ايي انت مو مريض

:-ملاذ روحي مناا

يحجي و يتنفس بقوه
:-بابا ما بيك شي انت بس شوف هاي اني ملاذ

:-طلعي

بقيت كاعده اديه ترجف اريد احجي شي ما اكدر
قربت ايدي منه اريد امسح وجهه اول ما رفعتهه دفعهه منه كام صار كدامي صاح بصوت رج الغرفه رج

:-لااا تتعااطفين ووويااييي مو مرريضض اننه مو مرريضض

:-ما متعاطفه صعب ما بيك شي انت تعال اكعد

بقى على نفس وضعه انفاسه ترجف يفتر بمكانه و يعصر براسه رجعت ليوره كعدت بنص الجربايه اخاف منه من يسوي هيج ابقى ساكته افضل شي بهل حاله
رجع باوعلي و ياشر على نفسه

:-اني مرريض موو عبالج اننني مررريض

:-لا لااا ما بيك شي

:-اي مو مرريض

:-اي اي مو مريضض

دار وجهه احس اعصابه تلفت شكد ما صاح بصوت عالي و جسمه يرجف

وصل يم الميز مال جربايه عليه تيبلام ما احس غير ضربه و طشره بالغرفه الحمد لله ما جان مشكل بالكهرباء
ويه ما ضربه صحت بخوف

:-اررررييدد اممممييي

كمت ابجي بصوت عالي و هو طلع من الغرفه ركع الباب وراه كمت من مكاني ارجف وضعه مو طبيعي ابد سحبت تلفوني متوتره اخابر امي لو لا

ما خابرتهه لان شايفه صعب شكد يخاف عليه من اكله راح اخابرهه عفت التلفون و رحت اريد افتح الباب ما ينفتح قافله عليه

:-شكد جلب
صحت بصوت عالي

:-الخااايسسس افتح الباب
ما اله صوت يمكن طلع بره

كعدت على الجربايه الخايس الجلب هسه اني شكتلك سحبت التلفون ابحث عن المرض صار بيه وهواس كل

يوم ادور سؤال اروح اسئله اريد اعرف اعرض المرض و شنو ممكن يصير اذا تذكرو الي سسبلهم الرهاب
ضليت صافنه شكتب هسه كتب

:-اذا واحد مريض بالرهاب و تذكر السبب شيصير بيه
بحثت مدري شطلعلي بقيت صافنه زين و ما كوكل حضرني علي هل سؤال رجعت ابحث كل شويه اكتب شي و ابحث مرضى رهاب النار او مرضى الرهاب بصوره عامه

يتصرفون تصرفات لا اردايه الغضب واحد من هاي التصرفات

ممكن هل مرض يؤدي إلى قلق شديد جداً وأيضاً توتر شديد ينغص الحياة ويؤدي للانسحاب من مواجهة الناس والابتعاد عنهم وصعوبة التعايش مع أمور الحياة، ولكن لا يؤدي للجنون

-يله هسه همزين ما يصير مخبل نوب يسحلني هنا و محد يرحمني

احس اختنكت اريد اطلع من الغرفه و هذا قافلهه كمت ادك بالباب اريده يفتحه مر نص ساعه تقريبا و سمعت طكت الباب رحت ركض وكفت كددامه بس فتحه و راح للاستقبال رحت وراه كعد على التخم ما يحجي شي

:-صعب

:-همم

:-وين جنت

:-هنا

:-شلون صرت

:-زين

:-انت عصبي لو مو عصبي هسه

ابتسم شفايفه بيض و عيونه ذبلانه حتى وجهه صار اصفر

الصعب:-لا مو عصبي

:-اجي اكعد ييمك؟

حرك راسه بمعنى اي
جنت واكفه بالباب اجيت كعدت بصفه سحبت ايده انطانياهه بدون ما يحجي بقيت اعصر بأصابعه لو احرك ايدي على ايده شفته ما يتفاعل

:-ابني ليش اضافرك طولانه

ضحك و سحب ايده باوع على اضافره مو طوال اصلا ويه الحم بس اريد يحجي شي

:-لا ماما ما طولانه

:-هههههه شكد حباب انت

:-هه اي

رجع دنك يهز برجله
:-شبيك صعب والله ما احب هيج تصرف

:-شنو؟

:-بيك شي اكو شي يأذيك نروح للطبيب؟

:-لا ما بيه شي بس شوفي

:-ها

بلع ريكه و بلل شايفه باوعلي و رجع دنك
الصعب:-اسف بابا

:-على شنو؟

:-شوفي اني ما اريد اقفل عليج الباب بس ما اريد أذيج اخاف عليج

:-ادري هسه انت من هاي ضايج؟

:-اعرف الحبسه تخنك بس والله مو بيدي من افقد ما ادري بروحي شاتصرف تخيلي لو ضربة التيبلام جايه بيج غير تتطشرين شسوي بروحي انه

تذكرت من ضرب التيبلام جانت قويه سحبت ايده الي جانت بيدي باوعتلهه ما بيهه شي سحبت الثانيه اكلب بيهه هم ما بيهه شي كال

:-شكو شبيج

:-عبالي ايدك متأذيه

:-تخافين عليه؟

:-طبعاَ

:-لا تسوين هيج انتِ بدون خوفج عليه مذوبه روحي شلون من تخافين

:-ها؟
:-حضنيني ملاذ محتاجج

قربت يمه خليت ايدي وره ضهره من شافني هيج سويت سحبني عليه و حضني بقوه بقى حاضني صوت نفسه صار عالي

:-اني وياك صعب راح اخليك تتخطى كلشي

:-اتعب بدونج

:-كافي بابا والله ما اعوفك

:-ملاذ

:-هممم

سحب ايده من ضهري خلاها على شعري و رفعه من جتفي خلاه على ضهري و خله راسه برگبتي سحبت

نفسي منه اريد اوخر رفع ايده على راسي ثبتني ما اكدر اتحرك بس مخلي وجهه بركبتي و يتنفس

جسمي كله يرجف و يكزبر من لمسته و دكات گلبي صارت طبل رجفة صوتي ما اكدر اسيطر عليهه

:-صعب

:-اممم

:-وخر

:-ملاذي

:-صععبب شبيك وخر

ما رد عليه بقى يحرك بخشمه على رگبتي و يتنفس بيهه جسمي قشعر منه

الصــعب:-اضيع و الكه روحي بيج خايف منج انه خايف انهزم خايف اخسر كلشي علمودج

غمضت عيني اريد اهدء اريد رجفة ايدي تروح و ارفعهه ابعده عني ما اكدر

:-صعب حباب

:-عالجيني

:-اي بس وخر

:-مرتاح

:-شبيك وخر

سحب نفس قوي مله ريته بي باسني بركبتي و وخر
كام داير وجهه مني رفعت راسي اباوعله و الرجفه
لازمتني مسح وجهه بثنين اديه

:-لا تضوجين بس مو بيدي و عيونج

كال هيج و طلع خلاني بوسط تشتت كمت للغرفه بطني توجعني من الخوف سديت الباب وكفت كدام المرايا

اباوع لروحي لمست ركبتتي و تذكرت انفاسه بيهه بطني تمغصني كل ما اتذكر تمددت على الجربايه

و لفيت نفسي بالغطه احس رجليه ثلجت و بطني موتتني اريد انسى الموقف ما اكدر كل ما اذكره

دكات گلبي تزيد اريد انام ما اكدر وجع بطني زاد اندك باب الغرفه غلست اعرف بي صعب بس ما اريد افتح

الباب ما حجه شي ما ادري بروحي نمت كعدت على وجع بطني باوعت للساعه ب 8 الصبح

فتحت الباب اريد اروح للحمام لكيت صعب فارش بلممر و نايم كسر خاطري سحبت الغطه عليه رحت للحمام

لكيت الدوره جايتني كعدت بالحمام صافنه الوجع موتني احسب هذا مو موعدهه شكو اجتني شسوي هسه اني

امي جنت استحي منهه شكول لصعب كعدت بزاوية الحمام صافنه شراح اسوي كمت ابجي ما ادري على شنو

بس صعبه ما اكدر احجي شكله هسه كله من وراه هو خوفني و اجتني بقيت هوايه بلحمام ما ادري بلوقت فات سمعت صعب يصيح عليه

:-ها

:-وينج بابا ليش تأخرتي

:-جيبلي ملابس صعب

ما سمعت صوته شويه و صار قريب واكف وره الباب كال
:-ملاذ بيج شي

:-لا اريد ملابس جيبلي

:-حاضر
شويه و دك الباب فتحته شافني بعدني بملابسي

رفعت راسي اريد اخذ منه الملابس كال
:-شبيج وجهج اصفر مريضه

هزيت راسي بمعنى لا سحبت الملابس منه لزمهم قوي
:-شبيك انطيني

:-شبيج؟

:-ما بيه شي

:-متأكده

بس كال هيج كمت ابجي و لازمه بطني بقى يباوعلي مستغرب

:-شبيج بابا مسويلج شي انه خفتي بليل

هزيت راسي بمعنى لا
:-جا شبيج

:-شوف

:-شنو كولي

:-راح اكتبلك رساله بس اقراهه و احذفهه و شوف من تقراهه سوي روحك ما قاريهه اصلا شوف لا لا باوع اريد اروح للسوك اخذني

:-محتاجه شي كتبيلي

:-روح جيبلي التلفون و روح اكعد بلاستقبال ما اريد اشوفك علمود اكتبلك

بقى يباوعلي مستغرب شويه و كال
:-تمام

فات جوه و اني واكفه يم باب الحمام افرك بيديني حاييره شكتبله و الوجع موتني

شويه و طللع بيده تلفوني اخذته منه بقى واكف باوعت عليه

:-روح بلاستقبال

بلع ريكه خله ايده على جتفي رفعت راسي اباوعله
الصعب:-ملاذ لا تخابرين امج اذا علمود بليل ما ادري بروحي و هاي هيه اعتبري ما صار شي

:-لا ما اخابرهه شوف روح و اني اكتبلك

:-زين شوفي فوتي جوه بغرفتج و كتبيلي ليش هنا

:-لا اريد اسبح

:-زين اطلع اني بلشارع و انت ابقي هنا

:-عبالك راح اشرد لو اخابر امي؟

:-يعني ما راح ترحين؟

:-لا

كوه مسيطره على روحي الوجع ياكل بيه من شافني احجي صدك فات جوه فتت للحمام سديت الباب و

كعدت فاتحه الواتساب اريد اكتبله بس ما اعرف شكاب يطلع يمي متصل كل شويه تنزل دموعي و امسحهه طلع يمي يكتب بقيت فاتحة على المحادثه كتب

:-شنو بابا احجي لا تخافين

:-شوف صعب محتاجه شي

:-شنو

:-شيي يعني شوف شي نسائي

كتبت هيج و سديت التلفون احس عيب السويته

-هسه ليش تجيننيي انت ليشش كله من وره عمامي الك** لا من وره صعب هو خوفننني

سمتت صوت رسائل هوايه تجيني
فتحته كاتب

:-بس هيج
تمام بابا اجيبلج شي ثاني
راجع كاتب
اطلعي من الحمام شنو جنيه دقايق و اجي

حذفت الرساله مني و منه ما ادري ليش هيج سويت بس اسوي روحي ما دازه شي

سديت التلفون و بقيت كاعده بالكاع
مر ربع ساعه تقريبا و دك باب الحمام

:-بابا فتحي الباب

كمت فتحته مدنكه راسي انطاني علاكه اخذتهه منه لا هو حجه و لا اني سبحت بسرعه و بدلت فتحت باب

الحمام حايره شللون اخلي وجهي بوجهه رفعت راسي شفته واكف يم الباب بيده خاولي بس طلعت اجه يمي خله الخاولي على شعري

:-يله تعاي فوتي بارده

لزم ايدي و مشيت وراه فتت للاستقبال مشغل التدفئه و ساد البرادي و مخليي بطانيه و مخده بالكاع كعدت

بالكاع ما ارفع راسي عليه شال البطانيه و خلاهه على رجليني

على الميز مخلي مشط و دهن شعر

الصــعب:-امشطلج؟

:-لا هسه امشط

:-لا بابا انه رايد امشطلج

كعد بصفي
الصعب:-بس كعدي عدل خل امشطج

درت ضهري اله لزم الخاولي يحركه على شعري علمود ينشف خله دهن و بقي يمشط علي كيف و كل خصله وحد لم شعري بكيتر كمل و دار كعد كدامي طلع كذلتي و رتبهه بالمشط

:-يله تكومين تتريكين

:-اني اسويي ابقى هنا

:-لا جبت وياي كومي

لزم ايدي و الجاكيت مالته على التخم خلاه على جتفيي رفعت عيني اله باوعلي و ابتسم

:-السبح طلعج حلوه

ابتسمت و دنكت راسي مشيت وراه كعدت بالكاع و هو يحضر بالريوك مشتري جداحه من هاي الي تصير طويله

علمود يشغل الطباخ رغم هو مجرد يسمع صوت الجداحه و يحس اكو نار تتخربط اوضاعه بس من شافني هيج سوه روحه عادي

كمل و خله الصينيه كدامنه فتح صمونه خله بيهه جبن و مربى و انطانياهه

:-اكلي يله
كعد يصب جاي خلاه كدامي

:-شربي كله زين الج

بقيت ساكته ما احجي شي شفته ما ياكل كاعد مقابيلي و ساكت رفعت راسي اله

مــلاذ:-ما تاكل؟

:-من تاكلين انه اشبع

:-اكل هاي السوالف ما توكل خبز

:-هههه والله اشتاقيت للسانج

سكتت و هو كعد ياكل على كيفه ما اهتميت لان ميته من الجوع اذكرت اليوم مو جمعه ليش ما رايح للشغل

:-ليش مرايح للشغل اليوم

:-من تضوجين مني ما اكدر اشتغل ف ما راح استفاد شي اذا رحت

:-شوف انت صدك محامي

:-اي وداعة هل عيون

:-اكل يله ولو ما جاي اصدكك

ضحك و دنك ياكل
كملت و غسلت و هو شال الصينيه غسل المواعين شافني بعدني واكفه كال

:-روحي بلاستقبال هسه اجي وراج

:-لا كمل و نروح

كمل بسرعه و نشف المواعين رجعهم لمكانهم نضف السنك و لزم ايدي فوتني للاستقبال

:-كعدي هسه اجي

كعدت و لفيت روحي بالغطه شويه و فات بيده كوب مي و حبايه كعد مقابيلي انطانيهاهم اخذتهم منه شربتهن
طلع من جيبه جواريب وخر الغطه من يم رجلي سحبتهم بسرعه

الصـعب:-شبيج

:-انطيني اني البس

:-جيبي رجلج

:-لااا عفيه اله هاي السالفه

:-بابا جيبي رجلج

:-صعب والله ما يصير

:-جؤؤ معليج

سحب رجلي و لبسني الجواريب

عفت تلفوني بلحمام طلع شويه و فات تلفوني بيده انطانياه و اخذ تلفونه من على التخم و تمدد مقابيلي

بقيت اكلب بلتلفون و احجي ويه برق شويه و راحت و اني بقيت اكلب بلبرامج اجتني رساله بلواتساب من الرقم كاتب

:-متى يتوحد نفسنا بقبله لا تقل مدتها عن عشر دقائق اجعلك تتمنى ارتشاف الهواء

قريتهه و احس رجفه سرت بكامل جسمي بلعت ريكي خايفه باوعت على صععب شفته ملتهي يكلب باللتلفون

:-صعب

باوع عليه مخلي ايده جوه راسه و متمدد و ايده الثانيه يكلب بيها بالتلفون

:-ها

:-ششووف فدوهه هذا مددري منو يكتبلي كلام مو حلوو

:-شنوو منو وين؟

كعد عدل و يباوعلي خلاني اخاف بالزايد

:-شوف هذا الكتلك عليه والله ما اعرفه و مدري شيكتب

:-شكتب جيبي

:-لااا لا تقراهه حباب بس والله اني معليه

:-جيبي التلفون خل اشوف هذا منو

:-بس لا تقره شكاتب

:-جيبييي

كال هيج و كام سحب تلفوني
:-شوف لا تصيح اني شعليه هوو مدري منو

رفعت راسي اباوعله مخلي وجهه بالتلفون شكد عيب اني من قريتهه استحيت من روحي هسه هو شيكول

:-هذا منو؟

:-والله ما اعرفه واحد جلب

:-ها؟

:-والله هذا جلب ما يستحي مو عيب عليه يكتب هيج حتي فشله من الواتساب هسه شيكولون عليه

:-لا صدك هذا ما يستحي

:-حضره صعب خل يعوي وحده

:-يعوي؟

:-اي جا هذا يعوي تره شكو يدزلي مو يشوفني ما ارد عليه يعني مخليته مثل الجلب بس هو بدون احساس

:-علي كيفج بابا هاي راح احضره

:-اي خل يولي اني صوجي ما حضرته من البدايه ابو القبل

:-بابا يجوز قصده شريفه يقصد قبلة الصلاه بس انت فهمتي غللط

:-لا سيبندي هذا قصده وصخ

:-ولج لسانج هم مريضه و هم لسانج طويل

:-شوف اسكت مالي خلك اني

رجعلي تلفوني و رجع لمكانه فتت للرقم لكيته كاتبله

:-احسلك يكولون عليك تعوي
و بعدها حاضر الرقم

ضحكت عليه صاح
:-شبيك تضحك يا عيني

:-على هذا

:-اممم يستاهل الي يريد يجي يواجه

:-لااا شنو خل يولي اصلا اذا يجي انت تكتله

:-اي بابا صح المهم ما تنامين

:-لا ما انعس

:-اريد اروح اكو شغله مهمه لازم فد نص ساعه و اطلع بس ما اكدر اعوفج

:-لا عادي روح

:-لا خل اشوف شهاب نكدر نأجلهه لو لا

:-لا روح بابا عادي

:-جؤ صبري خل نشوف

گلب بلتلفون شويه و صاح

:-لك ها اشهبي....زيننين ياب اسمع شوف ما تكدر تأجل هل سالفه اليوم اكو موضوع حيل مهم ما اكدر اعوفه..همم تمام تمام يله اشوف شلون ارهمهه زين شوف ساعه نرجع؟....اي اختك مريضه ما اكدراعوفهه
...ههههههه الله يسلمك يوصل الله وياك

سد التلفون و باوعلي يضحك
:-شبيك تضحك

:-شهاب هذا و يسلم عليج

:-تضحكون عليه؟

:-لا بابا و داعتج يضحك عليه

:-ليش ضحكت مبين ضحكت عليه بس ذكرتوني ضحكتو

:-لا يا عيني شهاب ضحك عليه لان كلتله موضوع مهم خل نأجله كال شصاير عباله اكو شي من كتله عليج مريضه ضل يقسم

:-هممم تمام روح ما بيه شي اني

:-خل ننتضر شويه نشوف شهاب شيكول

:-تمام

بقينه كاعدين شويه و اتصل شهاب عرفت من خلال حجيه لازم يرحون اليوم كمل و كال

:-بابا شو باوعلي

رفعت راسي عليه
:-ها؟

:-ساعتين لو اقل و ارجع تكدرين وحدج

:-اي عادي روح بس ساعتين خوش

:-زين اريدج تديرين بالج على روحج و ما تسوسن اي شي و لا تششغلين طباخ اله اجي و لا تسوين اي سالفه و اذا تجوعين انتضريني اجي و اجيب اكل

:-شوكت تروح للطبيب؟

:-باجر بابا وضعنا اليوم مو مالت نروح ارهمهه من يمي

:-جا شوف خو ما شي يخوف رايح اله

:-لا تصفية حسابب و لا يهمج

حركت راسي بمعني اي و هو كام يبدل بقى بالي يمه خاف يصير بي شي ليش ما مداوم و موضوع مهم و
تصفيه حساب رجع مبدل والمسدس خلاه بضهره لابس حتى جفوف نص و لثام بس ما لابسه مخليه بركبته

:-شنو صعب شراح تسوي ليش هيج لابس

:-بابا لا تخافين من ارجع احجيلج

:-شوف دير بالك على روحك و اذا شي خطر حباب لا تروح

اجه كعد مقابيلي بقى صافن عليه شويه ابتسم و رجع كذلتي ليوره رتبهه خله ايده على خدي رفع راسي اله

:-خلي عينج بعيني

خليت عيوني بعيونه احس نضرته راح تخترق عيني تنهد و جر نفس

:- يحفظج علـــي ملاذي

باسني بگصتي و كام طلع بدون ما يدير وجهه بقيت اباوع وراه لحد ما طلع من الباب تصرفاته تخوفني يمكن يحبني بس ما يريد يحجي

رجعت اكلب بالتلفون ضجت منه ماكو بي شي بالي على صعب خاف يصير بي شي اتصلت عليه ماكو مغلق

اتصلت على شهاب هم مغلق خفت اكثر
مرت ساعه و ربع و همه ماكو رجعت اتصلت ماكو

كمت افتر بالاستقبال شغل بالي ليش ما يرد اكيد صاير شي اله

بقيت اباوع للساعه اريدهه بس تمشي مرت ساعتين ضبط و مالهم خبر لا تلفوناتهم تشتغل و لا رجع للبيت

طلعت بالساحه اذكر كلماته گلبي كام يدك حيل خاف صار بي شي ضلت روحي معلكه بالساعه كل شوي و اباوعلهه

كمت ابجي لان شفته تأخر الجو بارد بس ما اكدر افوت جوه و اعوفه ثلث ساعات و ربع ضبط يله نفتح باب 

الشارع اعصابي تلفت بسببه فات يضحك و شهاب وراه و اني امسح بدمعتي و ترجع تنزل

و خوفي عليهم كل خمس دقايق اخابر و ذولي فاتو يضحكون باوعلي و بقى واكف بباب الشارع و شهاب وراه شافني واكفه و حاضنه اديه لصدري شهاب صاح

شهاب:-يله اودعناكم اخواني بلاسلام خل يوكع بيها صعب دار وجهه راد يطلع و صعب لزم ايده

:-اوكف وين مخليني وحدي

:-وين جنتو؟

صعب:-افوت بابا لو لا

:-ووين جنتووو

:-احجي جوه لو هنا خل افوت و نحجي

:-انتتت ما تفكر تكول اكو نعاله منتضرتنني بالبيت كلت ساعتين و هاي مرن ثلث ساعات و ربع و انت ماكو گلبي يفرفح عليك اتصل مغلق و تفوتلي تتضحككك ما تكول هاي راح تتخبل وراي اقلهه اتصال واحد تطمنني بيي

:-حقج بابا بس خلي افهمج

:-لا تفهمني طلعو بره اصللا

شهاب:-والله حقج شتسوين بس خطيه هذا يتيم رجعي درسي حالته مرة ثانيه بلكت ترأفين بوضعه

:-تضحك عليه حضرتك مدرري وين ماخذه ما وووين

:-انننوب وكعتيهه براسي

صعب:-اي ملاذي صصوج شهاب

:-اسكت انت اسكت گلبي مورم منك

رفع ايده يعدل شعره كلهه دم
:-صعب شبيك

رحت بسرعه اله لزمت ايده
:-شبيهه صعب منين هل دم

اشكالهم مخربطه ما جنت منتبهتلهم
:-وويين جنتو شكوو؟

باوعت على قميص شهاب دكمتة الفوك مشلوعه و ضهره مترب و شعرهم ممرتب و صعب ايده مليانه دم حتى قميصه بي اثار

الصعب:-فوتي جوه نحجي

سحبته بدون ما احجي شي فوتهه للاستقبال بقى كاعد جبتلهم مي ثنينهم ساكتين يباوعولي شسوي رحت لغرفة صعب بيها ديتول و كطن جبتهه منهه خليتهه كدام صعب بقيت واكفه و اعقم بيده

مــلاذ:-شهاب

:-اكلج اذا تردين ترزليني بعدين خليهه اول شي رزلي صعب اني احب اخر شي ابقى

:-تلفوني من جهتك اخذه

:-شسوي بي

:-افتحه الرمز مواليدي

:-شكد مواليدج

رد علييه صعب و هو مدنك
صعب:-****

:-فتحته و هسه

:-طلع رقمك

:-شمسجلتني

:-شهاب الحباب

:-ديلا بلا طللعته شتردين بالضبط

:-اكتب عليه شهاب الجذاب
باوعو واحد على الثاني و طكوهه ضحكه

:-على صخام وجهكم تضحكون؟

:-اسف بابا

:-يله شهاب

:-كككتتببت كتتبتت

:-وهسه احضر روحك

كلت هيج و كملت ايد صعب عفتهه و حضنت اديه لصدريه اباوع لشهاب

:-شنو احضر روحي والله ماكو هيج ذله

:-شهاب متساهله وياك يله احضر روحك

:-وابو حزامين محد ذالني هيج ذله

شمر التلفون و صاح
:-حااضضر روحيي حتى استحي اكولهاا احس مثل المطلك روحه

:-احجو وين جنتو؟

الصعب:-تعبان بليل احجيلج

:-و اذا ما حجيت؟

:-طرديني من البيت

:-زين بس تره ما احجي وياك اني

:-ميخالف ارضيج

:-شهاب كوم اسبح خما مجروح خل صعب يعقملك الجرح

:-انت حنينه بس لسانج عام عليج لا تكدرين تصيرين زينه و لا تكدرين تكبحين

:-تريد اهبدك انت؟ معليك يله كوم

الصعب:-اي شهاب انت ما بيك شي اني ايدي تأذت اسبح و جيب النه غده

:-جا مرتك ما تسوي

:-اخاف عليهه حامل

مـلاذ:-شششنوو شبيك منينن حامل؟

شهاب بقى يضحك بصوت عالي و صعب ضرب على راسه هزيت ايدي و كعدت
متوتره اعصابي تلفت من وراهم كامو صعب بدل ملابسه

و شهاب سبح و راح جاب النه غده تغدينه و شهاب غسل المواعين راح للاستقبال و اني رحت لغرفتي

شويه و صعب فات بدون ما يدك الباب بقيت كاعده على الجربايه اكلب بالتلفون رفعت راسي عليه بلكوه ساكته منه شايل الكتاب اعرفه يريد ينسيني بهل سالفه

:-احم ضايج الحلو؟

:-شوف صعب كوه لازمه روحي منك ف خليني ساكته

:-ادري و عيونج بس ما كدرت اجي كبل للبيت

:-شصار ليش هيج احوالكم متخربطه

:-احجيلج بس هسه تعبان اريد ارتاح

:-تعال نام بس شوفف لا عبالك رضيت

اجه يمي على الجربايه بقالي مكان بس اسمه عفته و نزلت جوه صاح

:-صعدي

:-صغيره

نزل يمي و تمدد بقيت اكلب بالتلفون
:-ضايجه؟

:-لا

سحبت الكتاب من يمه بقى ساكت فتحته

:-خليهه مالج خلك غير مره نقره

:-ما بيه شي

........................................
عودة الى الماضي

الصفحه التاسعه عشر

رُفيده

كاعدين مثل كل مره و الباب ندكت كامت امي تفتحهه و سمعنه صوت وحده تغلط علينه

لزمت روح و مشينه للباب امي واكفه ام عابس و بنيه تطلع بعمرنه تسب بينه و تغلط بس شافتنه اجينه

اجت تركض علينه جرت روح من بين اديه و دفعتهه
روح ضعيفه و ناعمه كبل طاحت بالكاع

و هاي نامت فوكهه و ام عابس لازمه امي بقيت اجر بالبنيه ما تكوم من روح و روح بس تضم بوجهه

:-للجججج وخرري والله اخزيج وخرريي

:-لا تدخلن بالخدامه

شفتهه ما تتحرك سحلتهه من شالهه و طلع شعرهه لزمتهه منه بقيت اسحل بيهه كامت روح متروسه تراب لزمت ايد البنيه و عضتهه بقت تصرخ

رفعت راسي و اشوف امي واكعه بالكاع عفت البنيه و رحتلها ركض ام عابس متخوصره و لا هامهه الوضع و

امي ممدده بالكاع بقيت اصيح و الطم اريد واحد يجي نفتح بابا الشارع و ام عابس صاحت

:-يله تماره امشينه

لفن عبيهن و مشن
فات احمد مصدوم من الوضع

:-احممد ااممي امميي

اجه ركض كومهه
:-رُفييده فوتتي جوه شوفي اختج

:-اججي وياااك

:-ووين وينن اخذي روح و امشن لبيتنه بسررعه

كومنه امي بلكوه خلاهه بالسياره و خابر على اخته تروح وياه رجعت لروح غسلتلتها و طلعت ملابس بقينه بالبيت قفلت الباب علينه

اتصلت على عابس ما رد بلاتصال الثاني يله رد اباوع على روح تبجي بصمت و حاضنه روحهه

:-الو عابس

:-الو
:-اني رُفيده

:-هلا خويه هلا شني وين روح بيهه شي محتاجين شي؟

:-لا سلامتك بس شوف عابس اخر كلام هذا روح تأذت بما فيه الكفايه تعرف اليوم شنو الصار؟

:-شكو شصار

:-امك و مدري منو جايبهه وياهه هدن علينه و كسرن روح تكسر و امي بالمستشفى من وراهم لو ما احمد فزع النه و مو بس هيج يا عابس هاي روح ما تحجي اني احجيلك قبل فتره امك تهد و ترد على روح وين ما شافنهه صاحن بنت المسيحيه لو نسويلكم سحر شوف خل يكون بعلمك اذا انت صار سنه من حبيت روح ف روح اختي و اكثر لو مو انت ما ارضه على اذيتهه سويلهه حل وويه اهلك

:-امج وين باي مستشفى

:-ما ادري يله الله وياك

:-ششويه رُفيده بس اريد رقم احمد

:-تمام ادزه الك برساله

:-رُفيده بس خل احاجي روح

:-تعبانه روح الله وياك

سديت الخط منه باوعت على روح ولا يمنه و لا مهتمه للوضع بس الى متى تبقى هيج على الاقل خلي يسويلهه حل

:-روح كومي اكلي شي

:-ما جوعانه خاله شلون صارت

:-مساع خابرني احمد كال زينه بس ضغطهه كله من وره ذني اني اعلمهن مدام هنه هيج يفكرن والله اندمهن لو اعرف اخلي عابس عايش عمره كله يمج

:-لا و امه

:-اسكتتي اسكتتي انت بلاخص ما اريد اسمع منج شي ولج مره ما كتلتيهه امداجج كضتج و مدتج بالكاع

:-شسويلهه غير هي دفعتني

:-واكضهه و اعضهه من خشمهه

:-هههه ايع

:-ضلي ضلي وعلي ما يصيرلج حل غبره و تضلين كل
عمرج غبره تدرين انه بيش افكر

:-بيش

:-بجهالج و الله لو طلعو مثلج احركهم

:-هههه شبيهم والله حبابين

..................................

سديت الكتاب و رجعته لمكانه درت وجهي و غطيت نفسي

:-شبيج ملاذي

:-شبيه؟

:-بعدج ضايجه مني

:-كل واحد يتعاقب عقاب على هاي سالفتكم شهاب عاقبته و انت جاي تتعاقب

:-اسف بابا شسوي و ترضين

:-ما اريد شي

:-زين خل احجيلج الصار و انت احكمي

:-ما اريد

:-خل احجيلج والله وراهه راح تغيرين رأيج

:-و اذا ما غيرته؟

:-طرديني من الغرفه

:-تمام

:-بس ديري وجهج عليه

درت عليه
:-يله احجي

:-بس غطيني ايدي تأذيني

سحبت الغطه عليه رفع ايده حاوطنبي بيها قرب مني و وخر شعري كال

الصعب:-شوفي

.................................
بـــرق

فتنه جوه كال لامي عافت المكينه بقت صافنه علينه كالت

:-انت شنو التردينه برق؟

:-اريد اتعالج

:-هاي هيه التردينه يجرالج

ثاني يوم داومت و كلت للاستاذه فرحت هواييه بوقتهه اجه استااذ من غير مدرسه و هم جان يعرف بحالتنه هو تكفل بكل الامور

قبل لا نكمل اجراءات العمليه بكم يوم اندك الباب و طلعت بيلسان فتحته

جنت كعده بره درت وجهي اريد اشوف منو اجانه شفت الاستاذه جايه

كمت بسرعه و امي طلعلتلها سلمت علينه و فاتت بيلسان قدمتلها الضيافه صاحت عليه كعدت يمهم بقو يحجون لحد ما طلعت ضرف من جنطتهه كالت

:-اني كلش احب برق من الطالبات الشاطرت عندي و ما اكدر اشوف نضرهه يضعف ف جبت هاي الفلوس

نعتبرهن هديتهه للعمليه و ياريت ما اكون قصرت بشي
رفعت راسي شفت امي مصدومه شالت الضرف و رجعته عليهه

:-شكرا استاده السويتي مو شويه و مستحيل انسه فضلج رحم الله والديج اعتبري واصل

:-بس ما يصير ترديني اني جايبته لوحده من بناتي

برق:-شكرا ما قصرتي اعتبري وصل السويتي الي كلش كافي و هاي جيتج تعنيلي هوايه

:-حبيبتي ياريت تقبلون والله اتمنى اساعد بأكثر منهم

:-شكرا ما تقصرين بس سيف و امي حضرو كلشي

:-والله يا برق اني اشوف امي عدهه ضعف بالنضر و گلبي يتكطع عليهه مو يله انت بعدج طفله

:-ههه يله شنسوي الحمد لله على كل حال

راحت احس بفرحه انو شخص صح لا يقربلك و لا يعرفك بس اهتم لامرك كل ما اشوف هيج انسان يزيد كرهي لعمامي

بدو يجهزون للعمليه صارت بمحافظه النجف حضرت اغراضي بليل احس خايفه بقييت متمدده بفراشي

مسويه روحي نايمه حسيت احد اجه يمي بقيت ساكته فتحت عيني شفت امي متمدده بصفي و مخليه ايدهه على شعري شافتني كعدت ابتسمت

مُهره:-ها يوم شعندج كاعده

:-راح انام هسه

:-خايفه من العمليه

:-لا اني اريد اخلص و ارجع اشوف مثل الناس

:-ان شاء الله حبيبتي انت قويه

:-لا تعوفوني باجر

:-لا يروحي شلون نعوفج

قربت يمهه و نمت بحضنهه ثاني يوم كعدنه من الصبح سلمت على اخواني و راحو ويايه امي و سيف

طلعنه متجهين للنجف صافنه على الطريق

سيف:-وين صافنه بنتي

رفعت راسي ابتسمت اله
:-ما صافنه

:-خايفه؟

:-لا

:-ادري بيج بطله هسه تطلعين و تكومين تشوفين احسن من زرقاء اليمامه

:-ههههه اي علمود من تلزم تلفونك اباوع من بعيد اشوفك بيمن تراسل

:-هههه جا خل نبطل ما نسوي العمليه

:-هههه لا اله اسوييهه

بقينه نحجي و نضحك نساني العمليه و صلنه و ثاني يوم دخلت للعمليه جنت خايفه رغم كالو بسيطه فتت و

الحمد لله نجحت العمليه شويه و سمعت صوت امي و سيف يمي احس واحد يبوس بيدي عرفته سيف سحبتهه منه

ضلو كاعدين يمي يتحمدولي بلسلامه لو واحد يوكلني بقينه يوم كلشي جان على المستشفى ثاني يوم طلعنه

و ما كدرت امشي ما اشوف الطريق سيف شالني من باب الغرفه كدام العالم و وصلني للسياره احس الناس كلهه

تباوعلنه جنت اتمنى اصيح بنص الناس هذا اخوي هذا سندي هاي امي بودي الناس كلهه تعرف بتعب امي و

اخوي علينه احس گلبي يصيح بصوت عالي هذول فخري رجعنه للبيت و بديت مرحلة العلاج كل فتره

مراجعه امي تسهر بليل علمود فلوس المراجعات لان المستشفى تتكفل بس بالعمليه استاذتي و الاستاذ الي

جان وياهه ابد ما عافونه كل الوقت يتواصلون وياي لحد ما كملت مرحلة العلاج...................يتبع

.
.
.
.
..

كلانا كتف للاخر♥
الوريد♪