رواية أنتقام الصفحه 27 (ترميم) الفصل الثامن وثلاثون 38 - بقلم خـلود الـ محسن

ألكاتبة لورا

انستا lorai_alrwi

⛔تفاعلكم على البارت قلباتي اشتركوا بقناتنة على التلي...
.....................

سمعت الدكتورة كالت لامي
:-لازم عملية

:-ليش بنتي شبيهه

:-مو شي خطر زائدة دودية

من سمعتهه كالت عملية كمت ابجي خوف اني من الابرة اخاف مو اسمع عملية صحت عليهه
:-لاا ما اسووي

:-ما يصير ماما ماينرادلهه شي جكة ابرة

:-لا لاا راح تكصون بطني

اجت اميي سحبتني لحضنهه تهدي بية و اني عيني على الدكتورة

:-يمة شبيج هاي انت القوية شجاج

رفعت راسي اباوع لامي و دموعي تنزل من الوجع لازمة بطني بقوة

:-يمةة ما اريد راح يكصون بطني و يخيطونهه لاا فدوة كليلها ما اريدد

لزمت ايدي تعصر بيهه تهديني
:-دكتورة هسة شنو

:-خل نسويلهه فحوصات كاملة بالبداية منو وياكم

:-زوجهه

:-خو ما حامل

:-لا لا عيني مو حامل

:-نكمل اجرائات و بعدهه نباشر بيهه

صحت عليةة
:-دكتورة اني ما بية شي هاي شوفي صرت زينة

احجي احاول اقنعهم اني ما بية شي و اني الوجع ماخذ روحي امي سحبتني الهه اكثر تمسح على وجهي

:-يمة كليلهه ما بية شي

:-اي حببيبتي ما بيج شي

الدكتورة:-اخر مرة اكلت قبل شكد؟

:-ملاذ شوكت اخر مرة؟

:-ما ادري سألي صعب

امي فلتت ايدي و طلعت و اني عيني على الدكتورة
:-اكلج حبابة دكتورة اني ما بية شي جذب شوفي اجذب عليهم

شفتهه ابتسمت و دارت وجهه ترتب بالغراض
:-دكتورة شوفي هو زوجي جذاب يريدني اسوي عملية اني مابية شي انت حبابة لان ضحكتي شوفي

نفتح البااب و فاتت امي و الصعب
:-صصعب اني ما بية شي كللهم شبيك

محد يرد علية تخبلت اريد افهمهم محد مهتم الدكتورة سألتة على اخر مرة اكلت و جاوبهه

:-لازم 8 ساعات يمر يلة نسويلهه

:-شلون دكتورة و تظل تتألم شوفي حالتهه

:-لا ابني تبقى هنا

بقت تحضر بأبرة و اني عيني عليهم يسولفون بينهم امي طلعت ما ادري وين راحت و صعب اجة يمي

:-شوف صعب اني زينة حتى الوجع راح رجعني للبيت اذا صحت اخ وحدة اني اجي وحدي و اسوي عملية بس خل تعوفني

لزم ايدي رفعهه لوجهه و باسهه
:-لاتخافين ماكو شي ماراح تحسين بوجع تكعدين من نومتج تلكين روحج زينة

:-بس انيي هسة زينة شوفني

حاوطني بيدة دار وجهي على الجهه الثانية و رفع ردن التشيرت

:-صعبب فدوة

:-جؤ بابا بس غمضي عينج ما عليج شي

حسيت بالدكتورة لزمت ايدي عصرت عيني قوي بس خلت الابرة بيدي عضيت ايد صعب بقوتي ما حجة شي بسرعة وخرت مني رفعت راسي اباوعلهه

:-شنو دكتورة شسويتيلي راح تسوويلي عملية مو

:-لا حبيبتي هسة تنامين و ترتاحين كالت هيج و طلعت صعب عدل المكان

:-تتمددين

:-لا يجيني الوجع

:-مو كلتي صرت زينة

:-لاتخليهم يسوولي عملية حباب

:-اي اي

سحبني على الفراش و كعد يمي فاتت امي كعدت بصفي تحرك بيدهه على راسي و تمتم بأيات حسيت النعاس سيطر علية الوجع اختفى نمت و لا حسيت بشي كعدت من نومتي بس اني بالغرفة ما ادري اني وين احس روحي مصدعة شكد ما نمت

:-يمة

باوعتلي و ابتسمت بوجهي
:-ها يمة مليذ شلون صرتي

فتحت عيني على وسعهم طفرت من مكاني اتلمس بمكان الوج
:-سووويتولي عملللية

رفعت التشيرت اباوع على المكان ماكو اي اثر

:-شو ما بية شي

:-لا حبيبتي بعد ما مسويلج

:-شوفي ما بية شي خلي العملية تولي هاي شوفي اذا تردين اكوم امشي كدامج

:-يمة هسة بس يخلص المسكن ترجعين مثل البداية اخلصي من الوجع احسلج

:-يمة اخاف واللة

:-لا يروحي

طلعت تلفونهه و وخرت من يمي خابرت ما اعرف منو و رجعتلي تحضن بية

قربت روحي الها احس گلبي طاك عليهه قربت راسي لحجابهه اتنفس بعطرة

:-مشتاكة لريحة الجنة

بس كلت هيج دنكت تبوس بية
:-يروح امج رجعتلج ما عوفج بعد

:-اذا عفتيني اموت واللة

:-اسم اللة عليج

بعدنة نسولف فات دكتور و دكتورة و صعب ووياهم ثنين ممرضات امي رادت تكوم من يمي لزمت ايدهه قوي
:-لاتعوفيني فدوة

:-شوية و ارجعلج

كامت دارت وجهه و مشت رفعت راسي اباوع على صعب اجة يمي باسني بخدي و حجة بصوت ناصي

:-مو تغتصبين الدكتور

فتحت عيني على وسعهم رفع راسة ابتسم و دار وجهه ردت احجي و تذكرت الدكاترة موجودين طلعوا اهلي حسيت بخوف اجت البنية انطتني ملابس عملية واجت وياي للحمام بدلت و اني رجلية وحدة تطك بالثانية من الخوف رجعت لمكاني اباوع عليهم اتخيل شلون راح يسوولي العملية

:-اكلج دكتورة عليج اللة خل انام يلة تسويلي العملية

ضحكت
:-اي اي بس اهدي

الدكتور وكف كدامي يسأل بية ضربني الابرة كال

:-انت متزوجة

:-اي

شسمج الكامل
:-ملاذ احمد

بقى يسأل بية اخر شي اذكرة كتلة

:-مو تخلوني احجي شي يم اهلي بعد ما حسيت بشي

......................

شهاب

من صار هيج وية ملاذ رتيل ما حجت لاحد من اهلي و اني طلعت من البيت ملاذ اخت الي احس روحي تاكل بية حسيت بذنب ليش جذبنة عليهه بس كلة بسبب صعب و لو جنت ادري هيج بالورقة ما ساعدتة بشي كل شي جاي يسوي صعب يضيع روحة

صاف سيارتي بالشارع ما اندل وين اروح من بليل بايت برة البيت عايف دوامي تلفوني يتصل ما ارد عليه مخلي راسي على الكشن و التلفون ما سكت رفعت راسي سحبتة اشوف منو طلع صعب فتحت الاتصال

:-ها شرايد

:-وين انت؟

:-طالع بشغل

كال بصوت خانكتة العبرة
:-شهاب ملاذ بالعمليات

بس سمعتة هيج كال طفرت من مكاني
:-شششنووو شبييهه يا مستشفى وينكم جااي

:-زائدة دودية احنة بمستشفى *****

بس كال اسم المستشفى طفيت التلفون و شغلت السيارة بسرعة على المستشفى رجع تلفوني يتصل فتحتة

:-ها شصار

:-شهاب رُفيدة هنا لا تحجي شي يمهه

:-ميخالف يلة جاي

جانت المستشفى بعيدة عني بطلاع الروح وصلت
شفت صعب من بعيد مرتكي على الحايط و ادية بجيوبة وصلت قريب منهم يمة مرة لازمة قرأن و تقرة

:-ها صعب شصار؟

:-دخلت

اشرتلة بعيوني على المرة
:-ها هاي رُفيدة ام ملاذ

ضربتة على جتفة
:-ولك بكد امك لا تكول رُفيدة

:-لج عيني يلوكلج المهم هذا اشهب

:-هلا يمة

:-هلا بيج خالة

:-اكلك شوكت تطلع ملاذ

:-ساعة و تخلص

:-هي شنو ليش هيج صار بيهه

:-ما ادري

بقينة بصالة الانتظار امهه تدعي و صعب واكف يم الباب ما يتحرك لحد ما طلعوا من يمهه

:-الحمد للة على سلامتهه

صعب دار وجهه علية و حضني ما يعرف شيسوي و امهه تبجي و تحمد اللة ع سلامتهه بقت ثلث ساعة بالغرفة يلة سمحولنة نفوت نشوفهه فاتت امهه و صعب واكف يمي

:-اكلك اني افوت لو لا

:-ليش ماتفوت مرتك خوية فوت

:-مو خاف عيب

:-دفوت فوت هي مالت عيب

:-جا شوف اني من اشوفهه اضعف و مادري بروحي
شتصرف عيب من رُفيدة خاف اسوي شي

:-الزم روحك كل شوية تذكر امهه موجودة

راد يحجي و امهه صاحت علينة
:-يمة فوتو لاتستحون

باوعنة واحد بالثاني ردت اطلع و اخلي صعب يفوت سحبني من ياخة قميصي مشاني كدامة اني خايف لا ملاذ تشوفني و ترزلني و هو خايف لا يسوي شي كدام امهه فتنة ثنينة امهه كاعدة ولازمة ايد ملاذ تبوس بيهن اول مرة اشوف ملاذ هيج وجهه اصفر و تون باوعت لصعب واكف و عيونة عليهه

:-تعالو يمة

كعد صعب مقابيلهه سحب ايدهه بيهه مغذي مسح عليهه و باسهه

:-ملاذ شلون صرتي

:-لساني شبي

:-شبي

:-ثكيل

:-هسة شوية و تصيرين زينة

:-جذاب

فتحت عينهه تباوعلنة رجعت باوعت لامهه
:-جا وين ابوي راح

:-ارتاحي حبيبتي لاتحجين

:-يمة اني حامل

اول ما سألت على ابوهه ضجت عليهه صعب يرفع راسة ليفوك علمود ما يشوفهه من كالت حامل امهه صاحت

:-لا يمة منين

وصعب دار وجهه يضحك
:-تووم هو كال

:-ولج يمة اسكتي مو حامل

:-لاااا شسويتولهم همة ببطني وينهم

رفعت ايدهه تتلمس ببطنهه و امها تخبلت تصيح اسم اللة

صعب:-اي اي حامل اسكتي

:-يمةة وينج لاترحين بعد

عبالي رجعت لوعيهه كتلهه
:-الحمد للة على السلامة خوية

:-ها شهاب تزوجت لو بعدك رتيل كلتلي تحب وحدة

فتحت عيني مصدوم استحيت من امهه شتكول رجعت صاحت

:-رتيل وينهه هم تحب

:-ولج يمة سكتي حبيبتي

:-انتت هم تحبين وعلي

:-ملااذ عيب اسكتي

:-انت مو تحب ام براطم اسكت

امهه ضربتهه على حلكهه بخفة تريدهه تسكت
صاحت بصوت عالي

:-لك صعب ما اختصبت الدكتور واللة

طفر صعب من الكرسي سد حلكهه و امهه لطمت على وجهه اختنكت من الضحك

مدت ايدهه تسحب بيدة منهه رفعهه عنهه صاحت
:-خنكتني الجلب انطوني مااي

فاتت الممرضة ملاذ صاحت عليهه
:-رجلي يباوع للنسوان لاتجين يمة

عفتهم و طلعت رغم ملاذ مو بوعيهه من حجت بس حجايتهه على رتيل ضلت ببالي مستحيل رتيل تحجي وية علي من ورانة من بين افكاري سمعت تلفوني يتصل طلعتة من جيبي استوقفني الاتصال الناس تروح و ترجع و اني واكف بمكاني اباوع للتلفون معقولة بينات بس ينجاب طاريهه كبالي روحي ترجف رفعت التلفون على اذني ما حجيت شي منتضر اسمع صوتهه و اتأكد هاي هي لو لا اجاني صوتهه

:-شهاب

كل شي بداخلي يصيح بأسمهه كلشي بية يرد يصيح احبج اجذب على روحي من اكول ناسيهه رديت ببرود عكس النار البية

:-تفضل منو؟

:-بهل سهولة تنسى

:-مشغول رايدة شي محتاجة شي خوية؟

:-اي شهاب محتاجتك

بلعت ريكي اهدي بروحي رجلية ما تعيني كعدت على الكراسي بالمرر ثنينة ساكتين

:-بينات

:-روحهه شهاب وينك عني

:-شوكت تتزوجين!

:-ما اتزوج نهيت كلشي ما اصير لغيرك

:-شني الصار بينات

:-عفتة علمودك مااكدر اكضي حياتي وية غيرك

:-واهلج؟

:-شهاب مو مهم اهللي اني احبك الك شنو ما اشتاقيتلي

:-بينات لا تلعبين بعقلي شصار احجيلي

:-ما صار شي اخوي و الولد تعاركوا وخربت الخطوبة

كمت من مكاني ما مصدك الاسمعة
:-احجي الصدك واللة يعني شصار شلون كليلي زين وين جنتي هل يومين

:-التلفون ما جان عندي و هسة اخذته شهاب تعال
اخطبني ما دام اهلي متعاركين وية الولد صدك ينطوني الك غيض بي

:-وغلات عيونج علية هل يومين خطاب عد بابج

:-لا تعوفني

:-لا وعيونج

:-باي ماكدر احجي اكثر من هيج

:-روحي بوية

سدت الخط مني اباوع للناس كلشي اشوفة حلو ما مصدك الصار كل و بالي حلم درت وجهي شفت صعب طلع من الغرفة رحت علية بسرعة حاضنة

:-صصععب رجعتلي رجعععتت وجة ملاذ خيير علية

دفعني من حضنة يباوعلي مستغرب
:-شصااير ياهو رجع

ذكرت صعب ما يحبهه و اذا عرف يضوج مني غلست منة
:-هيج خوية ملاذ شلون صارت

:-فضحتني يم امهه ما عافت شي ما حجتة

:-هي واعية ما مسيطرين على لسانهه تريد تسيطر عليهه و هي مو بوعيهه

:-دروح جيب هذا العلاج من جوة

نزلت جوة و صعب رجع للغرفة

................

ملاذ

بديت استعيد وعيي احس بألم بجسمي بس خفيف اباوع على امي تضحك

:-شكوو

:-ها شلون صرتي

:-زينة بس جسمي يوجعني

:-اي من التخدير

:-ارتاحيتوا شكيتو بطنني

:-يمة جا بكيفنة غير علمودج

:-اريد ابول

اول ما كلت هيج فات صعب امي سدت حلكي وخرت ايدهه من حلكي مستغربة

:-ها شكو اريد ابول

:-ولج يمة

اشرتلي بعيونهه على صعب عود اجة
:-صعب يكومني؟

:-وولج مليذ

قربت مني حجت بصوت ناصي
:-ولج شنو بعدج بالبنج منا الولد عيب شجاي تحجين

وخرت من يمهه صافنة على هاي كالت عيب لو تدري بتصرفاتنة شتكول

:-ها ملاذ خو ما تحسين بشي

:-اي احس اريد

ردت اكمل و تذكرت امي موجودة سكتت منة
:-شتحسين

:-لا ما احس شوكت نطلع منا

:-باجر بابا

فتحت عيني ااشرله على امي ضحك و دنك
:-تتعشين رُفيدة

صحت علية من يمي
:-اني هم اتعشة

:-اي اقصد نكعد بالكاع انت تكدرين تنزلين

:-لا مريضة اني كصيتوا بطني جيبولي هنا فوك

ندك الباب و فات شهاب باوعلي و ابتسم انطة لعلاكة مالت الاكل لامي و خلة علاكة علاج على الميز
:-الحمد للة على سلامتج ملاذ

:-شكراََ

:-شلون صرتي ان شاء اللة احسن

:-اي

:-شهاب عوفهه هسة ما تحجي بوعيهه خل نتأكد من الدكتورة يمكن شايلين مخهه مو زائدة

:-شقصدك اني مخبلة

:-ولج يمة ملاذ شبيج

:-تعاي يمة كعديني عدل خل اشوف منو شايلين مخة

:-مو عليج ملاذ على شهاب

درت وجهي منهم ضايجة شهاب راح لان عندة شغل و امي و صعب كعدو ياكلون كامت امي كعدت يمي توكلني شوربة اخذتهه من ايدهه

:-اني اكل كملي عشاج

:-لا يمة حبيبتي ايدج بيهه كانونة ما تكدرين

:-لا اكدر انطيني

اخذتهه منهه رادت تنزل من الجرباية
:-هاا شو بسرعة انطيتينيها فوك ما اني مريضة ما تلحين علية و لا تهتمين بية

ضحكت كالت
:-ولج يمة شجاج تخبلتي جيبي اني اوكلج

:-يلة هاج

اخذتة مني توكل بية اباوعلهه و اضحك ما مصدكة شفتهه مرة ثانية مادري ليش هيج تصرف بس اريد احس بحنانهه دنكت راسي شفت صعب يباوعلنة

:-يمة اني شبعت وكلي ذاك الولد خطية وحدة

الصعب:-ترة هي امي مو امج

:-اممي والعباس

:-امي اسأليهه

:-يمةة ياهو ابنج اني لو صعب

:-ثنينكم ولدي

:-يمة بس اني بنتج واذا مو بس اني ماعرفج يلة عوفوني فوك ما اني مريضة و شاكين بطني متهتمون بية

الصعب:-يلة روحي زعلي

كام من مكانة طكطك ركبتة و طلع علاج من العلاكة
انطانية و جاب بطل مي فتحة

:-شربي يلة

:-ما اشرب الة امي وحدي مو امك

:-اذا رُفيدة قبلت بس انت بتهه ذيج الساعة تصير امج
باوعت لامي

:-ها يمةة منو ابنج

:-ثنينكم يلة شربي علاجج

سويت روحي زعلانة سحبت المي و الحبوب من ايدة شربتهم و درت وجهي بقو كاعدين يسولفون المررضة كل شوي تجي تشوفني و تروح بقيت صافنة عليهم مادري بروحي و غفيت فتحت عيوني متألمة باوعت يمي صعب كاعد يباوعلي اول ما فزيت كال

:-هاا بابا شبيج

:-بطني جاي توجعني

:-اصيح للدكتورة حيل توجعج لو شنو

:-لا عادي بس كعدني عدل

:-خاف تتأذين

:-لا كعدني مليت من النومة رفع رجلة على السرير ثبتة و دنك علية كعدني عدل رفعت راسي علية باوعلي و هو قريب مني باس راسي و ابتعد

:-ها بابا مرتاحة

:-اي امي وين

اشرلي وراة شفتهه نايمة
:-شوكت اطلع

:-الصبح

:-ليش هية بيش الساعة

طلع تلفونة باوع بي
:-ب 2

:-شعدك كاعد

:-ما جايني نوم

:-امي جابت كلشي مو

:-اي

ركيت راسي على السرير و هو كعد ساكتين ثنينة من بعد صمت كال

:-ملاذ

:-همم

:-مسامحتني

باوعتلة عيونة تراقبني
:-عليش؟

:-ادري اذيتج بس وعيونج مو من ادية

:-كل ما تأذيني راح تكول مو من ادية و راح اسامحك

:-ماراح أأذيج اكثر

حركت راسي بمعنى اي حضنت ادية لصدري احس خنكة ببلعومي ثنينة عدنة حجي بس محد من عدنة يحجي

:-صعب

:-عيني

:-عمامي شوضعهم عرفوا بأمي؟

:-محد يكدر يوصل الهه

:-شوكت نروح

:-من تصيرين زينة

:-وانت؟

:-شبية انة

:-هيج

دنكت راسي اباوع على اصابعي وكعت دمعتي على اصبعي مسحتهه و رفعت ايدي امسح بعيني

:-ملاذي

ما رديت علية رفعت ادية ثنينهم مغطية وجهي حسيت بي كعد على السرير حاوطني بيدة

:-وخرر عوفني

:-صووتج امج نايمة

:-وخر مني

:-لاتبجين

بس كال هيج زدت بالبجي خليت راسي على صدرة
:-صعب خل نعيش سوة كلنة عوف الورقة حباب انسى الصار كلة وخلينة نرتاح

:-اششش اشش لاتبجين بابا

:-شوف واللة احبك انت مو تكول امي هي امك لخاطرهه ضل ويانة خلي كلنة نطلع منا عوف عمامك عوف الثار لخاطر امي

رفع راسي من صدرة يمسح بدموعي
:-اهدي بابا مو زين عليج لا تبجين كافي

:-لا لا ما ابجي ساكتة شوف رضيت تضل ويانة اني مو اشوف بيك ابوي لا تروح و تعوفني

:-بس اسكتي شجاج ياروحي اجيبلج مي

:-لا ما اريد بس جاوبني

رجع راسي على صدرة باس شعري و بقى يحرك بيدة على اجتافي

:-خو ما تتوجعين هيج

:-لا مرتاحة

:-اانومج؟

:-لا بس رد علية

:-بابا حبيبي نامي لاتفكرين

:-شوف انت بس كلي اي لو لا بس حاجيني و حتى ما ازعل عليك لان هيج سويت و لا احجي لامي

رفع وجهي علية بقى يباوع علية بلع ريكة
:-ملاذي ما اكدر افهميني

:-بس

:-جؤ اشش يلة نامي

:-صعب شلون تكدر انت مو كتلي احبج

:-لاتتعبيني ملاذ

حركت راسي منة رجع سحبة على صدرة
:-خليج هيج

:-شوف خل اكلك شراح تسوي احجيلي

:-ابوي نكتل و عشت عمري كلة يتيم امي انتحرت و خلت طفل وراهه تلطخ بي الدنيا و كل هذا بسبب عمامي همه مجرمين بس انة اجرم منهم ماكدر انسى

:-بس انت راح تخسر كلشي

:-ارتاح بداخلي ملاذ نار من 18 سنة اريدهه تطفى تاكل بروحي اكل

:-واني

:-تنسيني بعدين

:-ماانسى

:-جؤ اسمعج شي

:-شنو

وخر ايدة مني بقى حاضني بيد وحدة فتح تلفونة شغل اغنية في وحدتي بصوت ناصي

:-مرة انة وحدي بالبيت جنت مريض بيومهه ماكدر احرك روحي خابرت على شهاب ردت ياخذني للطبيب اول ما سمعت صوتة فرحان جان طالع وية جماعتة سديت الخط بوكتهه متمدد على الفراش و دموعي تنزل عرفت بيومهه شنو عازت الاهل عرفت شنو معنى تكون وحيد من يومهه و هل اغنية ما فاركتني

اسمع كسرتة من يحجي كمت اشهك ما اتحمل اشوف صعب هيج

:-تدرين شوكت هل اغنية كمت ابتعد عنهه من شفت عندي ملاذ التجئ الة من اتأذة

:-راح ابقى ملاذ لروحك صعب بس لا تكسرني

:-لاتبجين بابا

وخرني من حضنة بقى يمسح بدموعي
:-اريد اشوف قوتج

:-بيك اقوة اذا رحت راح انكسر

:-جؤ اريد من هل يوم توعديني ما اشوف هل دمعة بعينج اجرحي و تمادي انة بضهرج حتى لو رحت بيوم من الايام ما راح اخلي ضهرج فارغ

:-اذا تماديت راح اجرحك حتى انت أأديك بقوتي صعب دير بالك تروح

ابتسم و دنك جر حسرة قوية
:-ميخالف

:-باجر اروح

:-نامي مريضة انت لا تعبين روحج

:-صعب اذا ما رضيت ترجع اعوفك صدك

:-هسة المريض ينام يرتاح انت كاعدة تطالبين

:-احجي صعب

:-تنامين

:-لا

:-الصبح نحجي نامي امج لا تكعد

:-خل تكعد

شفتة ما رد علية جريت نفس اصبر بروحي باوعتلة
:-كوم من يمي

:-شوفي

:-اريد انام كوم

كام من الفراش خلة المخدة بمكانهه مد ايدة راد يرجعني للفراش

:-معليك بية كل واحد علية بروحة

وكف كدامي خلة ايدة بجيوبة يباوع علية لزمت مكان العملية بيدي ورجعت ليورة اريد اتمدد حسيت بطني نغزتني شوية عضيت شفتي الجوة اهدي بروحي وين ما ادير نفسي ما اكدر و صعب واكف يباوعلي دنكت راسي حجيت بصوت ناصي

:-ساعدني مااكدر

ما حجة شي لزم اجتافي و نزلني على كيف للفراش سحب الغطة علية باس كصتي و رجع لمكانة سحبت الغطة على وجهي ثنينة ساكتين مر هواية وقت وخرت لغطة شفتة كاعد و حاضن ادية لصدرة ما يحجي شي

:-صعب فكر

:-ليش ما نمتي

:-انام بس ريحني بحجاية

:-الصبح نحجي نامي

درت وجهي دموعي تجمعت بعيني تمنيت الكة طريقة اقنعة بيهه يعوف كلشي تمنيت بهل لحضة اغير قرارة بس جان قافل رفعت ايدي امسح دموعي كال

:-دموعج اخر مرة تنزل

:-راح اأذيك واللة راح أأذيك مثل ما أذيتني و اكثر

ما حجة شي غمضت عيني احاول انام بس ماكدرت اسمع صوتة كاعد صاح

:-ملااذ

:-ماتت

:-كبل لا تموت خل تورثلي جكارة

:-انت حير بروحك

شوية و وخرت الغطة مني يباوعلي و ساكت مديت ايدي الة

:-جيبهن

انطاني الجداحة و الجكارة ورثتهه و نطيتهه الة
صار هدوء محد بينة يحجي العلاج ميخليني فترة هواي كاعدة نمت بدون ما احس على روحي

كعدت لكيت امي كاعدة يمي

:-صباح العافية يمة شنو شجاج و لا تكعدين

:-بيش الساعة

:-ب العشرة صبح

:-صعب وين

:-اجاة شهاب كال نص ساعة هيج و يجي هسة على جية

:-شوكت نطلع منا

:-منتضرين صعب يجي و نطلع

:-يمة ساعديني اكعد

كعدتني و ضلت توكل بية
:-يمة شنو هاي شوكت اكدر اتحرك

:-بس يفتحون الخياط

:-شنو ييعني هسة اني بية خيط

:-جا شلون غير هاي العملية يخيطونهه

:-يمةة بعدننني بشبابي و خيطو بطني

ضحكت و ضربتني على جتفي
:-يمة شبعت ماريد بعد

رفعت ايدي حضنتهه بقوة
:-يوم

:-ها

:-مشتاقتلج هوواي

باست راسي و خرت من يمي
:-اسوي كلشي لاجل عيونج اوعدج اعيشج مرتاحة بعد هل يوم

:-اذا واحد لزمنة شلون

:-محد يكدر يأذيج انة بضهرج اخذ حكج من بين عيونهم
كامت تعزل بالغراض شوية و نددك الباب امي صاحت

:-فوت يمة

فات صعب
:-ها ملاذ شلونج اليوم

:-زينة

:-نطلع

:-اي

:-خوش اصيح للمرضة تشوفج و نطلع

راح شوية و رجع شافتني الممرضة كالت ماكو شي اكدر اطلع باوعت على امي و صعب يحضرون امي جابت
حجابي لبستنياة رفعت راسي اباوعلهه

:-وين راح نروح؟

:-وية صعب بين متصيرين زينة

:-لا انت مو اجرتي بيت ببغداد؟

:-اي يمة بس وضعج ما يساعد

رفعت راسي باوعت لصعب
:-لا اكدر ما ابقى هنا

الصعب:-ملاذ بس يستقر وضعج انة اوديكم بيدي

:-لا ما ارجع نروح لبيتنة

صاحت امي علية
:-ملاااذ

:-يوم مارجع مامستعدة أعرض روحي للاذية اكثر من هيج

رفعت راسي اباوع للصعب دنك راسة حرك ايدة على شعرة رجع باوعلي

:-ملاذ شوفي محد يأذيج بس ترتاحين و ترحون وعد

:-ما مستعدة اخاف نفس الخوف الخفتة

:-ملاذ حبيبتي انت تعبانة يا يمة اخاف عليج من الطريق بعيد

ما حجيت شي درت وجهي كل وبالي هل تصرفات تضغط على صعب

الصعب:-رُفيدة عادي احجي وياهه

:-اي يمة احجي

كالت هيج و طلعت وكف كدامي
:-ملاذ شهل تصرفات

:-انت مو ردت اجرح و اتمادة

:-مو على حساب صحتج

:-لاتحاول صعب ماكدر

:-ملاذ شبيج شحلمانة انت

:-كل لامي خل تستعجل لا يلكونة عمامي و خل تجي تساعدني اكوم منا

:-كومي عيوني كومي خلي هل سوالف

:-شوف صعب مو بس انت تمشي كلمتك شفت شلون تغث هل سوالف

قرب مني راد يكومني دفعت ايدة مني
:-صعب واللة اأذيك كتلك فكر لخاطري

طلع بدون ما يحجي شي مسحت دموعي فاتت امي وياهه ممرضة جايبة عربانة ساعدتني كعدت عليهه مااكدر امشي رفعت راسي على امي

:-صعب وين

:-طلع يشغل السيارة

:-يمة شوفي عندي اغراض جوة جيبيهم الي ما ننزل جوة

:-شجاج ملاذ

:-احجيلج بعدين

دفعت العربانة و تحجي وياي
:-تعاركتو انت وصعب

:-لا شوفي يمة من تنزلين اكو كتب على الميز جيبيهن الي

:-ياكتب

:-هيج كتب اني اريدهم

:-والكتاب ذاك

:-يبقى يم صعب

:-قراة كلة

جريت حسرة بتعب
:-اي يمة قراة

وصلنة للسيارة عيني على صعب ما رفع راسة ابد ساعدتني امي و رجعت العربانة صعدت يمي درت وجهي على الشارع غمضت عيني ما اريد اشوف شي وصلنة للبيت امي نزلت و اني بقيت بالسيارة

صعب نزل وياهه باوعت على ايدي نزعت الحلقة منهه شفت اثر الحلقة باقي بيدي رجعت لبستهه جنت مفكرة ارجع الحلقة الة بس شي بداخلي محتفظ بيهه هواية حاولو وياي نبات يوم و بعدهه نطلع بس جنت رافضة هل فكرة ماريد اضعف اكثر صعد صعب شفت امي فتحت الباب الورة

:-يوم صعدي كدام اني زينة

ما حجت شي صعدت كدام خليت راسي على الجامة اباوع على الشارع ما تمنيت اطلع و اني هيج مكسورة من هل شارع تمنيت ارجع و صعب وياي تمنيت ارجع و محافظة على الامانة....
لكن رجعت بكسرة شهاب رتيل صعب كلهم تعلقت بيهم بس كل واحد تركلي اثر بداخلي ماكدر انساة مشينة هواي محد بينة يحجي امي نامت و صعب يسوق و اني راسي على الجامه رفعت عيوني علية شفته يباوعلي بالمرايا الكدامة

:-صعب من نوصل ارييد نحجي وية امي بموضوع

حرك راسة بمعنى اي و رجع عينة على الطريق

جان كلش بعيد امي كعدت و ضلو يسولفون هي و صعب يمشي على كيف خاف اتأذة وصلنة لمنطقة جانت كلش شعبية نزلنة كدام بيت بسيط امي لازمتني تمشي بية و صعب نزل الغراض ردت بس اتمدد من التعب بسرعة امي خلتلي فراش تمددت علية ما جان الي واهس بشي كملو الاغراض صعب كال

:-انة لازم ارجع شغلي كلة عايفة وراي

:-لا يمة اليوم ماتروح ابد

:-ما اكدر اذا تحتاجون شي خابريني لا تترددين باي وكت و انة اذا كدرت امر عليكم

جنت اسمع كوة حابسة دموعي لزمت الحايط سندت نفسي علية و كعدت

:-صعب

ثنينهم باوعوا علية
:-ها ملاذ

بلعت ريكي باوعت على امي منتضرتني احجي بللت شفايفي كتلة

:-احنة عاقدين طلكني كبل لاتروح

باوعلي مستغرب
:-ملاذ

:-يمة شنو جان اتفاقكم بس ارجعلج يطلكني مو صح

:-يمة انت تعبانة مو مال هل سوالف

:-مابية شي ما دام موجود و هو مشغول يجوز ما يكدر يمرنة غير مرة خل يطلكني هسة

:-ملاذ شوفي

:-ماكو بينة شي علمود نستصعب هل موضوع بس عقد سيد خل نطلك

دار وجهه على امي مبين علية شكد ضاج بس جنت اتعمد اسوي هيج لو ننهي كلشي لو نرجع حالنة حال الناس بس اصرارة اجبرني اخطي هل خطوة

:-بكيفكم يمة

:-صعب كبل لا تروح خل ننهي هل زواج هو اساسة جان اتفاق

خلة ايدة بجيبة باوع علية هادء لدرجة باوع لامي الي عيونهه علينة

:-رُفيدة كلي لبتج ما اطلك انة

كال هيج و دار وجهه وصل للباب صاح
:-اودعناكم

خلاني صافنة وراة ماعرف احجي شي امي طلعت ركض وراة شوية و فاتت واكفة بالباب تباوعلي و رافعة حاجبهه

:-هااا شو تباوعين علية

:-شكو ملاذ

:-شنو اريد انام يلة تعبانة

:-ملاذ شصاير بينكم انت و الصعب

:-شنو يمة شصاير

:-يحبج؟

:-لا يمة شنو يحبنيي منين تجيبين هل سوالف

:-ليش ما يطلكج

:-ما ادري ماعرف هو اسألي بعدين يطلكني شوفي يمة

:-ملاذ

:-يمة شبيج مادري

دارت وجهه تريد تطلع برة صحت وراهه
:-يمة

رجعت تباوعلي
:-ها

بلعت ريكي خايفة شلون احجيلهه الموضوع طكطكت اصابعي و رجعت اباوعلهه

:-يمة صعب اخذ الورقة مني

دكت على صدرهه و اجت بأتجاهي
:-ششتتتحجين ولج

:-مثل ما سمعتي

:-ششصصار شللونن

كمت ابجي خوف من امي
:-وووالللة اخذهه غصب عنني

:-ووشسووة ولج شسووة

:-مادريي يمة حاجي انتت

:-وللج ليش هسة حجيتتي

:-جا يمة واللة نسيت

ضلت تلطم على صدرهه و تفتر كل شوية تباوعلي و تسألني و شسوة و شكال من شفت خوف امي زاد خوفي علية تعبت كد ما امي حجت علية طلعت امي تعزل بالبيت شفتهه كل شوية تصفن لو تباوع علية

:-يمة شوفي

:-ملاذ شسوه صعب من عرف

:-خل اكلج يمة ترة صعب يعرف يقرة

:-شلون؟

:-يمة شنو شلون يعني بيا صف بطل هو

:-نجح للخامس و بطل

:- لا ما بطل صعب متخرج

:-ولج مليذ انت شمتعاطية

:-اهو يمة افهميني

غمتني و كامت عبالهه ماعرف احجي صحت وراهه

:-هووو غيير تكولين دارس للرابع شلون ما يعرف يقرة

:-مو جان كسلان امة كوة ممشيتة بالدراسة ادري بي مايعرف يقرة

:-يمة انت تحديثج قديم

بقت امي تعزل بالبيت و فوك البيت اني عليهه جيرانة من عرفوا نازلين جديد جابو النة عشة كعدت امي تلف الي لفات صغيرة و توكلني بالي يم صعب كلشي صار و اجة على بالي هسة اكل لو لا صفنة تجيبني و صفنة تاخذني

:-يمة هم خابرتي صعب واصل لو بعدة

:-لا واللة ما خابرتة

:-خابري

:-شعدج وياة؟

:-لا ماعندي شي بس شوفي وصل لو لا

شالت الصينية سمعتهه تخابر بالمطبخ خليت كل حواسي وياهه بس ما اسمع شتحجي فاتت للصالة صحت عليهه

:-هاا شكال

:-شبيج ولج مو صعب هذا

:-لا يمة هو شكاال

:-واصل ارتاحيي

سكتت منهه و هي تفتر تعزل بالبيت
:-يمة انطيني الكتب

:-شنو هذن الكتب ملاذ

:-هيج يمة كتب عادية

جابتهن و انطتنياهن خليتة بصفي ما الي واهس اقرة لليل امي فرشت يمي تمددت احاول انام امي ضلت تلعب بشعري و تبوس بية

:-يمة

:-ها حبيبة

:-اذا عمامي لزمونة شلون

:-مايلكونة اطمئني

:-خايفة

:-اني وياج لا تخافين

باست راسي و تمددت بفراشهه شوية و نامت بقيت وحدي صافنة على السكف هيج و الكة روحي افكر بصعب ذكرت من يكلي ما اخليج ترحين و احنة جنة متعاركين بوكتهه مسحت دموعي سحبت تلفون امي جان جديد اكلب بي فتت لجهات الاتصال بي بس رقم كاتبة علية ابني لكيت نفسي ضاغطة على اتصال اجاني صوتة رف گلبي

:-هلا رُفيدة

بقيت ساكتة اسمع صوتة ضل ساكت شوية جر حسرة و كال

:-ملاذ

:-وين انت

:-بالغرفة

:-نعسانة ما اكدر انام

:-اوكفي سدي الاتصال خلي انة اخابرج سديتة من يمة لا امي ترزلني على الرصيد كبل خابرني هو فتحت اتصال

:-ملاذ ليش ما نايمة

:-مااكدر انام

:-انة هم ملاذي ما يجني نوم

بلعت ريكي اسمع صوت انفاسة
:-ملاذ ما جاي اشبع من ريحة ملابسج احس خلصت العطر منهن

:-ليش رحت صعب

:-ليش ما ضليتي

:-ماريد
صعب ليش ما تطلكني

:-خلي الطلاك يولي بعدين نحجي

:-مااكدر انام امي عافتني و نامت

:-انومج

:-اي

:-اقرالج شعر

:-اي

جر حسرة يمكن يشرب جكاير كال
:-انت الشعر كلة شحجيلج؟

:-جا شوف لاتحجي هيج ماحبك ترة ظل فاتح الاتصال و اني انام

:-يلة

:-جا ماعندي هتفون اسمع صوتك

:-خلي على گلبج

:-لا ماكدر انام شوف انت ظل فاتح اتصال و اني راح اقرة بالكتاب

:-ياكتاب

:-مالتك

:-شوفي ماريد تعلقين شي بس اقري و انت ساكتة

:-ليش

:-احسن و التلفون لا تبعديينة عنج

عفتة مفتوح سحبت الكتاب اقرة بي و صعب على الاتصال

بينَ ألافِ ألقُصصْ هُنالكَ شَخصٌ دُموعةُ مُتناثرة جالسََ على بِساطََ رث لا يوجد ضَوء في مَدينتةُ سِوى ضَوء ألقمرِ كُلها مَعدومة عًائلةُ مَأواة سَكنةُ و ألرحمَةَ قَد سُلبتْ مَن قُلوبُ ألنَاسِ

أنا ألغريب وسط ألعالم

أنا ألمجهول امام ألوضوح

أنا ألمغترب في بلدتي

أنا ألسهل في قاع ألصعوبة

أنا ألملقب بأبن ألزانية

تُداهمَني أفكارُ ألانتِحارْ أقاومها بِثقَتي بَاللَّة

سَأواجةُ هذا ألعالمْ بقلمٌ و مِمحاة بحقيبةٌ و كُتب أنا مَن سَيقاوم بَالكتمانِ

أنا ألصعب

بقلمي لـورا

.
.
.
.
.للكاتبة لورا

كلانا كتف للاخر♥
الوريد♪