رواية أنتقام الصفحه 27 (ترميم) الفصل الثامن والعشرون 28 - بقلم خـلود الـ محسن

الكاتبة لورا
°°°°°°°°°°
lorai_alrwi للتواصل انستا
°°°°°°°°°°
صوتو و علقو للبارت و احبكم
°°°°°°°°°°
قرأة ممتعه
...نفتح باب السياره و نزل عمي

لزمت ايد صعب احس جسمي كله يرجف من شوفتهم نزل من السياره الثانيه ابنه حسن و عمامي البقيه فات صعب جوه و عاف الباب مفتوح لزمت قميص صعب من وره و ضميت روحي وره

:-صعبب لا تخليهم ياخذوني فدوه

:-محد ياخذج

فاتو للبيت كلهم مجتمعين كدامنه و بس اني و صعب واكفين خاتله بسد صعب احس بروده سارت بكامل جسمي من شفتهم شلون مجتمعين اول ما فاتو صعب حجه بأستفهام

:-عذراََ منو حضرتكم؟

رد عليه عمي عاصم
عاصم:-تعرف كل الزين منو بدون فضايح و بكل هدوء سلمنه البنيه لو نفضحك هنا

تقدم خطوتين و ضحك
:-ههه شنو؟ تفضحوني ليش ناهب منكم

:-خاطف بتنه

:-عفواََ منك بس بتكم هي مرتـي

من كال هيج حسن هد على صعب
:-لككك مررتك شنو منين اخذتهاا

دفعه صعب بيده وحده و صاح بي
:-هييي صوتكك لا تعلي ببنص بيتي

:-اعلي و نص عود محامي حضرتك و تهوبز علينه ملاااذ احجي خاطفج موو

:-مرتـي ما تحجي ويه غرب بره يله

عاصم:-محد غريب هنا غيرك بتنه رايدينها لا نسويها عشاير

:-سووها و اني اضيعكم بالقانون اي واحد يتجرأ يقرب لمرتـي اضيعه ما عندي حديث وياكم ويله شرفوني

عاصم:-ملاااذ تععااي

ضميت نفسي وره صعب لازمه قميصه دموعي تنزل خايفه منهم حجيت بهمس

:-صعب فدوه لا تخليهم ياخذوني فدوه والله يكتلوني

حسن:-ملااااذ ابوي يحجي وياج رديي

الصعب:-شوف انت بلاخص ما تحجي ويه مرتي اطلعو برره

عاصم:-شوف يا ابن الحلال انت ما تعرفنه لضاهر صدك الشمس طالعة و اكتلكم بيدي و ما يرفلي جفن

صعب خله ايده بجيوبه و قرب من عمي بقيت واكفه على صفحه

:-شوف استاذ عاصم *** هيج اسمك الكامل لو انه غلطان ملاذ احمد زوجتي قانوناََ و شرعاََ اي واحد منكم يتصرف تصرف غبي اضيعه برمشة عين

انطيك معلومه عني اسمي الصعب لان من صغري محد فاهمني ف يا استاذ حتلو سجلك نضيف املي الك جرائم ما تعرفني لا تگرب صوبي كتلك اضيعكم واحد واحد واطلع منهه مثل طلعة الشمس

:-تهددني حضرتك اكدر ارفع عليك دعوه انو انت تهددنه

:-اثبات؟

:-كل الموجودين هنا شهود

:-ههه لضاهر نسيت كلكم اقارب شهادتكم غير معترف بيها ها و نسيت تهجمكم على بيتي و اني جنت مسافر

:-شنو اليثبت كلامك

:-صور؟ صوت؟ شهود؟ تريد اكثر من هيج تحب اشوفك

:-نتجازه عشائرياََ بتنه مجبوره تجي يمك

:-ما مجبوره وين ما تاخذونها راح تكول تزوجنه بأرادتها

عاصم:-ملااذ لمي اغراضج و تعاي مو تردين امج

الصعب:-حجيك وياي مو ويه البنيه لو ما شيبتك و عمرك صدك اتصرف غير تصرف

عاصم:-حسن جييب ملاذ

الصعب:-زلمـه ليگرب منهه

حسن ما اهتم اجه بأتجاهي و اني رحت بضهر صعب الي بقى واكف ما تحرك ابد ابجي و اشهك حرف ما اكدر احجي اول ما حسن مد ايده لزم معصم ايدي صرخت و قويت قبضتي على صعب برمشة عين صعب سحب المسدس من ضهره و سحبني عليه احس ايدي الي لازمني بيها حسن نفصخت

وجه المسدس على حسن و صاح
:-اطلع بره

ملاذ:-عوفوني ما اجي ما اريدكم ما اريدكم صعب زوجي

:-عاصم غلطت هواي فتت لبيتي و تعديتو على حرمة البيت طلعو دام النفس راضيه

عاصم:-ملاذ اذا ما اجيتي تحلمين تشوفين امج

كال هيج و مشه صاح وراه صعب
:-اذا رُفيده صار الها شي راح اكلبها قضية رُفيده تجي هنا و اليوم

رجع عمي باوع عليينه رفع اصابعه بتوعد
:-ما راح تتأذه و لا راح يصير الها شي بس ما راح تجي عقابج يا ملاذ احرمج من امج

:-خلي يكون بعلمك بيتكم راح يكون مراقب خلي رُفيده يمك بس ما راح تكدر تسوي شي

:-هيـن يا ملاذ

كال هيج و طلعو كلهم نزلت بالكاع ابجي لازمه ايدي كعد كدامي صعب

:-اشش شبيج لا تبجين والله امج ما يصير الها شي

:-ص...صعب امي امي هاي يأذونها والله انت ما تعرفهم مثل ما اني اعرفهم

:-معليج والله تنحل و محد يأذيها هسه اخابر علي و شهاب اخليهم يراقبون بيتهم اذا تردين نروح نجيب امج و نجي

:-اي خل نجيبها يمنه حباب

:-كومي هسه بارده عليج نحجي جوه

كام و كومني وياه رفعت راسي اباوعله و امسح دموعي
:-يعني راح نجيب امي مو

:-ان شاء الله

فتنه للاستقبال نزعت القميص من راسي
:-شوف ايدي توجعني

كعد مقابيلي و لزمها
:-شبيها بابا

:-حسن سحبها عليه

:-ليش ما عضيتي

:-مو ما يصير نعض الجلاب

:-ههههه عـاشت ايدج

:-اكلك ما خفت اروح ويه عمامي

:-جـؤ واثق بيج و متأكد لو شما حجو راح ترفضين ترحين وياهم

:-هسه صدك راح نجيب امي يمنه

:-لا شوفيي ما نكدر نجيبها بس نروح الها نسلمها تلفون على ابو نريد نتأكد من سلامتها و حقكم لازم تاخذو من عمامج سواء برضاتهم او غصب

:-شلون يعني

:-ننطيها تلفون و اخلي بي خط بس هل خط اخلي مراقب بس ينغلق لو يصير شي نجيب رُفيده بسهوله هسه لو ردت اخذها و رفعو دعوه عليه راح اخسر
بصفتهه تقرب الهم مو الي و ماكو اثباات همه معنفينها او مأذينها

:-اي نكلهم احنه ما نريد عمامي

:-بس ابقى اني غريب عن امج بالقانون

:-و بدون القانون

:-نعتبرها امي

:-تحبها؟

:-هههه شهل سؤال

:-لا صدك تحبها لو لا

فلت ايدي و ارتكى على التخم غمض عيونه و حضن اديه لصدره

جر حسره
:-رُفيده تدرين استحي اكلها خاله لو عمه احس راح انطيها اقل من مكانتها بگلبي و صعب اكللها يمه لان هل اسم بس امك تتلقب بي و لا اكدر اكلها ام ملاذ احسها تصير غريبه عليه

:-امم لذلك تكلها رُفيده

:-اي و اتمنى لو اكدر اسميها غير هيج بس استحي

:-لا تستحتي سميها خاله

:-لا ما اعرف

:-عمه

:-ولج ما اعرف

:-جا سميها ام زوجتي

:-ههه هسه انت شنو مضوجج بالاسم اني اسميها رُفيده و هي راضيه

:-خوش اليوم شنو

:-شنو؟

:-تروح لدكتور

:-جؤ ما اكدر شغل و انت ايدج توجعج

:-لا ما بيه شي صارت زينه ومو بكيفك صعب والله اذا ما تروح ازعل

:-الوضع مو مالت اروح انت ما تشوفين شلون مكلوبه كلاب

:-لو الدنيا كلها تنكلب لو شما يصير انت تروح فاهم

:-الله كريم دكومي اسبحي شوفي شصاير بحالج ما عم عليج غير الحفافه و الصبغ

:-طلعلي ملابس

:-شتلبسين

:-من عندك

:-هسه عمامج يكولون ما يشتريلها ملابس

:-شعليهم بيه لو بيهم حض جان خذوني بس ما بيهم حض

:-يخافون من القانون عمامج

:-اي حتى حسن مخبل ما يخلون بيده سلاح يخافون لا يسوي مصيبه

:-هذا حسن خوش ضامله ضمه بس مو اليوم

:-شتريد تسوي

:-هيج بابا كومي للحمام راح اجيبلج ملابس

:-سويلي المي دافي ايدي توجعني ما اكدر اسوي

:-بعد تردين اجي اسبحج هم

:-انجب

:-والله لو عمامج يسمعون هيج تغلطين عليه محد يعترف بيه بعد

:-لا مو ما اغلط عليك كدام احد بس كدامنه علمود يخافون منك و اذا واحد غلط عليك اني اطيح حضه

:-اي واضح من لبدتي وراي

:-شوكت ما لابده يله سويلي المي و ملابس ثخان كون بردانه

كام بره شويه و رجع
:-يله عفت المي مفتوح

فتت للحمام دخلت جوه المي اديه و ركبتي يحركني مشخطتهن بدون ما انتبه لروحي كعدت جوه المي تخيلت الكهرباء راح تطفه و تصير ضلمه مثل البارحه صحت

:-صعب وينك

:-ها بابا منتضرج

:-انطيني ملابسي لا ينقفل الباب عليه

:-لا ما ينقفل لا تتخيلين

فتحت الباب و صرت وراه انطانياهم و دار وجهه
بدلت بسرعه و طلعت لكيته منتضرني بره

لزم ايدي و فتنه جوه جاب المدفئه كدامي جاب مشط و دهن شعر

:-تمشطين؟

:-لا مشطلي انت

كعد ورايه و نشف شعري بالخاولي
:-على كيف

:-بعدني ما بادي بسم الله

:-ميخالف نسبق الاحداث

:-اممم زين يصير نسبقهه و نتزوج

:-جا هسه احنه شنو

:-اذا اشرحلج قصدي هسه تعوفيني و ترحين لامج

:-شنو قصدك

:-هيج

:-لا كلي عرفت اني

عاف المشط و سحبني من شعري
:-اخخ شبيك

:-شتعرفين ولج

:-اي انت عبالك اني غبيه بس عرفت

:-كليلي شعرفتي

:-قصدك نتزوج و البس بدله و يصير عدنه جهال

ضربني على راسي بخفه
:-اي صح بابا بس بعد لا تفكرين

:-اي باوع مشطلي شي حلو

:-بابا هي غير الدنيا مكلوبه عليج تدورين مشاط بهل زلك

:-انت ما تحبني مبين لان حتى مشاط ما تمشط الي

:-لا بابا احبج

:-تحبني؟

بسرعه رد عليه
:- بابا شتردين اسويلج مثل ذيج المره

:-بكيفك

مشطلي بسرعه و كام لغرفته جاب لابتوب و اوراق كعد يشتغل و تلفونه كدامه كل شوي يكلب بي بقيت كاعده مقابيله اباوعله ما منتبهه لروحي رفع راسه باوعلي و ابتسم

:-حفظتيني لو بعد؟

:-ها

:-شعندج من كعدت لهسه تباوعيلي

:-اكول هذا الاجلح يشبه منو اشو خاله روح امي تكول عليهه تخبل

:-جا انتِ عليمن طالعه رُفيدة تخبل انت منين جايبينج

:-يااا والله اخبل

:-ما خبلتيني

:-مو هو المخبل ما يتخبل

:-هسه من اكوم اشيلج من اذنج واحد يلومني

:-علمود اخابر عمامي اكلهم مجبوره اضل يمه

:-ها مجبوره؟ جا ياهي تبوسني من انام و تحضن بيه الليل كله

:-انجب صعب انت تبوسني

:-ها اي صح اني بستج اليوم الصبح و اني كيفت بالبوسه
صحت بي بصوت عالي

:-صعب اسكت مني

:-ساكت يابه ساكت

:-حقير

:-لا تتحارشين

:-اكلك ارجع كمل شغلك

عفته و فتت للغرفه لفيت نفسي بالغطه اريد انام سمعت باب الغرفه نفتح سويت روحي نايمه حسيته تمدد ورايه

:-صعب

:-عيني

:-ماكو مكان وخر

:-انت بحضني واني على الجربايه اكو مكان

:-اهوو انت ما نعسان عوفني اني انعس

:-لا نعسان

سحب الغطه مني تغطينه سوه حاوطني بأيده
:-اهوو صعب شبيك وخر

:-تعبان ملاذ تعبان

:-ما بيك شي لا تجذب

:-شو انداري خل اكلج شبيه

درت عليه رفعت راسي اباوعله
:-يله احجي شبيك

بلع ريكه و قرب مني اكثر
:-جمارة خلي راسج هنا كال هيج واشر على ركبته

:-ليـش

:-خليها علمود احجي

:-شوف شو باوع بعيوني

:-اضـيع

:-لا ما بيها درابين دباوع باوع

:-ههههه يله عيني باوعت

:-راح اخلي راسي بركبتك خوش بس شوف ما تبوس و لا تعصر ايدي من اتنفس خووش لو مو خوش

:-بس هذن ممنوع؟

:-اوكف خل اذكر

:-لا عاي هيه خلصن

:- ها لا تتنفس بقوه

:-امم و بعد

:-اي شي سربوتي لا تسوي

:-ههههه مو بيدي ما ادري بروحي

:-لا تجذب

:-وعيونج مو بيدي

:-جا ولي مني

:-لا لا يله موافق

:-اااا. احلف

:-بدون حلفان تعاي

قربت منه خليت راسي بركبته رفع شعري و باس راسي
وخرت بسرعه

:-هاااا شنو؟

:-ها شسويت

:-بست راسي ولي يله وخر مني وخرر

دفعته بقى يضحك لزم ايدي و رجعني خله ايده على راسي مثبتني

:-نسيت عبالي مو من ضمن الشروط

:-يله احجي

:-شحجي

:-شنو انت تجذب عليه مو كتلي تعبان خل احجيلج

:-ها اي تعبان اريد انام

:-اكلك وخر انت هم جذاب و هم لوتي

:-جؤ لا تحوسين

:-صعب

:-عيناي

:-ليش تسوي هيج

:-شنو

:-شوف خلي نكعد عدل و نحجي

:-لا ابقي هيج و احجي مرتـاح

:-شنو مرتاح اني ما مرتاحه

:-جؤ اشش يله شتردين تكولين

:-شوف اني مو راح اروح منا

:-امم

:-انت راح تنسى الصار من اني موجودة

:-مثلا شنسى

:-يعني كلشي عشناه سوه

:-ما انسى شي

:-زين شوف خل اكلك بس لا تفهم غلط

:-كولي

:-شايف من انت يمي اني افرح و احس اريدك تبقى مرات افكر من راح اروح منا اضوج و الكه روحي ابجي بس لان انت مو وياي احس ما اكدر بدونك

:-و بعد

:-انت جاي تفهمني مو

وخر ايده من شعري رفعت راسي على المخده صار مقابيلي

:-اي افهم كملي

:-شوف وخر عيونك مني خل احجي

:-رجعي مثل مساع و احجي

رجعت راسي بركبته باس شعري ما حجيت شي
:-كمـلي

:-انت من تعصب اني ما اخاف لان ادري بيك ما تأذيني

:-امم

:-و من اشوفك گلبي يكوم يدك بقوه نطيني ايدك

سحبت ايده خليتهه على كللبي رفعت راسي اباوعله ابتسم
:-انت تضحك عليه

:-لا بابا

:-لا جاي تضحك

:-جؤ كملي

:-لا بطلت

:-زين احجيلج انه

:-اي

نزل ايده و حاوطني سحبني عليه عاصرني بحضنه
:-جعصتني هي هيج كالوها

:-لا كالوها اكثر بس متعاطف وياج

:-خوش يله

:-من اخلي عيني بعينج ما اشوف شي غيرها محاط بالاشياء بس ما اشوف اله انتِ من نضحك اول شي عيني تطيح عليج اشوفج ضحكتي لو لا من اروح تفكيري كله يمج يحجون وياي و انتِ ماخذه بالي اشوف عيونج بكـل الناس اصفن و الكاج كاعده بخيالي مرات ادعي تروحين من بالي كاعد ويه عالم و ناس و اذكر سوالفج و ابتسم من وحدي

:-كل هـذا؟

:-اكو اشياء ما تنوصف بالكلام وصل لدرجة الخـوف منج جـماره

:-من شنو تخاف

:-طحت بالما جنت محسبلهن طحت بيج

:-صعب

:-عيني

:-شوف خل نتفق على شي

:-شنو

:-شو اكعد

وخرت من حضنه و كعدت مقابيله هو بقى متمدد
:-شوف خل نبقى دوم هيج و من امي تعوف عمامي اني اروح يمها و انت تبقى تجينه

:-شلون نبقى؟

:-يعني هاي نضل عاقدين

:-لا

:-ليش؟

:-عـلمودج

:-بس اني اريد ابقى وياك يعني ما اريد ترجع غريب عني

:-مـو غريب بس ما اريدج تتعلقين بيه ما احب اشوفج مكسوره

:-بس ما راح انكسر دامك وياي

:-اروح لا تأمنين بيه

:-وين تروح

:-لازم اخلي نقط على حروف الماضي

:-احجيلي صعب

:-شحجي؟

:-على الماضي

:-مو جاي نقره بالكتاب

:-بس ماكو شي بالقريناه بس خل احجي و انت لا تعصب خوش

:-ليش شوكت معصب

:-لا بس مره خنكتني و البارحه حبستني ما معصب ابد

:-ذن سهلات سوالف حبايب

:-شوف انت ليش ما تريد نضل سوه و كل ما اكلك على الماضي تكلي اشياء مبهمه الماضي شبي

كعد كدامي و ثنه رجله و الثانيه مادهه طلع باكيت الجكاير من جيبه خله بحلكه جكاره بدون ما يورثهه

:-بي ابوي ملاذ بي روح نسلبت بدون ذنب بي طفل تعذب بي ام كد العذاب العاشته اختارت الموت نصيب الها

دنك يفتح بدكم قميصه
:-شتسوي صعـب؟

:-تشـوفين شي من الماضي؟

هزيت راسي بمعنى اي فتح القميص و نزعه نزع الكيمونه لزم ايدي مشاها على خصره لبداية بطنه اثر قديم مثل الجرح بسجينه اول مره انتبه اله رفع راسه يباوعلي و اني ما زلت امشي ايدي على الاثر بلعت ريكي متأذيه من شوفة هل اثر

:-شنو هذا صـعب

:-ترديني انسى؟ اعرف اني انسان حقير ما انسى شي بس ما راح اطلع من الماضي لحد ما اخذ بثار كلشي مرينه بي كل السنين العشتهه بشارع اطلعها بيهم كل الاذيه العاشتهه امي اخذها من بين عيونهم

:-منو

:-هواي ناس ملاذ هواي

:-عوفهم خايفه عليك تتأذه

:-ما اكدر مرضي ماضيي حاضري كلشي ملاذ كلشي تأذيت بي شلون اعوفهم ما عندي شي اخسره لذلك ما راح أتأذه

:-شراح يصير؟

:-هسه؟

:-بعدين

:-صعب يروح ينولد انسان ثاني اما ينكتل اما يعدم كَ مجرم

بلعت ريكي سحبت ايدي منه سحب قميصه لبسه يحجي و هو يلبس بالقميص

:-لا تخافين ما عندي شي وياج بالماضي ما راح تتأذين

:-بس ما خايفه منك خايفه عليك اني

قربت عليه سحبت القميص منه ادكم بي
:-كلت ما عندك شي تخسره مو؟

:-جؤ ما عندي

:-و اني

سحب نفس قوي خله ايده فوك اديه
:-شو باوعيلي

رفعت راسي اباوعله
:-انتِ و شهاب كـاسريني ملاذي

:-تكدر تاخذ حقك بالقانون

:-ماضي بدون دليل لا شيء قانونياََ

:-صعب

:-عيني

:-شوف شو خليني احجي

:-احجي

:-اني مو غبيه و لا صغيره اعرف انت تحبني بس ما تحجي ما ادري ليش شغلة ثانيه ليش بعدين تندم يجوز اذا سويت الراسمه ببالك راح تتأذه و تأذينه وياك ليش ما ترسم طريق ثاني الك

:-جـؤ اني ما احب

:-بكيفك صعب بس شوف اني ما اكرهك و لا اشوفك مثلك مثل باقي الناس شلون ما تريد تفهمهه افهمها و هسه روح اريد انام

:-وصيتج من قبل لا تحبيني

:-ما حبيتك روح منا و لا تسوي شغلات تخلي علاقتنه تقوه اكثر و نتأذه بعدين انت راكب راسك و اني ما مستعده اتلقة اي وجع بسبب شي وهمت نفسي بي

:-اريد اعوف ذكره طيبه بيناتنه

:-كل الطيب لا تهتم و بأي وقت تحتاجني اني موجوده

:-مـلاذ

:-روح صعب اريد انام

:-ضجتي

:-لا روح تعبانه ما نايمه زين

:-براحتج

كال هيج و طلع تمددت بفراشي غصه بداخلي ليش حجيت هيج ليش ضعفت كدامه معقوله حبيته بهل سرعه ليش خلاني احبه كله بسببه

-اني مو ضعيفه و انكسر علمود حب و احتمال مو حب بس تعلقت بي لان يهتم بيه غمضت عيني ما اريد افكر بي اني مو ملاذ الي تضعف كدام شخص و لا ملاذ الي تبجي علمود شخص

دفنت وجهي بالمخده ماريد اصدك اني ابجي عليمن و ليش ابجي سمعت الباب نفتح ايدي ترجف غمضت عيني قوي مستحيل اخلي يشوفني ضعفت علموده حتى انفاسي كطعتهه في سبيل ما يسمع رجفتهه تمدد بصفي على الجربايه حاوطني بيده

:-ملاذي

:-همم

:-شبيج

غلست منه بس يحجي كلمه بودي اكوم اكفخه على وجهه

:-بابا
ملاذي
...جمارة
...بلبل
...طفلة گلبي

:-شتريد اني مو كتلك بعد لا تسوي هيج

:-ماكدر ولج ماكدر شو باوعيلي خل اشوف عيونج

:-وخر اكرهك

:-ميخالف بس خل اشوف عيونج

دار وجهي عليه و اني ضميته بالمخده بسرعه يبين عليه باجيه اني ما اعرف السبب البجيت عليه لو سألني شكله

:-بش خل اشوفج

:-شتريد

:-خل ارضيج

:-ما زعلانه بس روح

:-جبتلج شغله خل اشوفجياهه

:-ما اريد

:-شو خل اشوفج والله تعجبج

:-صعب حباب ماريد شبيك

:-ضايجه مني

:-عليمن روح ما ضايجه كتلك انعس

:-صوتج شبي

:-شبي

:-تبجين جنتي

وخرت المخده من وجهي باوعتله و رفعت حاجبي
:-ليش يمه ابجي

:-ههههه اخخ يبعد طوايفهم لا تديرين وجهج مني

:-شتريد يله

:-ليش باجيه

:-ما باجيه شبيك انت عليمن ابجي

:-خوش كومي خل اشوفج

:-شوفني

:-شو كومي ادري شنو حامل كل شويه و تلفلفتي بفراشج

:-منين حامل

:-هسه لو مسوي شي اقوه من البوسه جا كلت حامل و عفتج

:-انجب صعب و وخر من عندي

:-بابا اسف وعيونج

:-عليمن؟

:-ما ادري اذا ضوجتج اسف

:-لا ما ضوجتني

:-زين شوفي هاي اكو شي بيدي افتحيها علمود انطي الج

:-شنو

:-دكعدي و اخذي

كعدت و هو خله ايده كدامي سادهه بقوه لزمت اصابيعه اريد اسحبهم ماكو مثل الحايط

:-اكلك خاف فارغه

:- لا وداعتج بيها شي

كعدت على حيلي و لميت شعري سحبت ردن التيشيرت
:-ها شنو راح تحاربين

:-هي ايدك ينرادلها حرب

:-يله انت نجرة يجوز تدبرينهه

:-شنو يجوز هسه افتحها

بقيت احاول اديه موتني و ايده ما مفتوحه و هو بس يضحك

:-انت ليش تضحك هاا تضحك عليه كوم اطلع بره انت و البيدك ما اريد شي

:-لا اوكفي حاولي اخر مره

:-ماريد روح

:-لا شي يفوتج

:-افتحها انت اديه راحت و انت مثل الحايط و لا تحركت
فتح ايده بيها الكلاده ام الحلقات رفعت راسي عليه
مصدومه ما اعرف احجي شي

:-شنو صعب؟

:-نلبس الحلقات؟

بلعت ريكي ابتسمت و سرعان ما خفييت ابتسامتي متوتره ما اعرف اسوي شي

:-ها تلبسين لو لا؟

حركت راسي بمعنى اي فتح الكلاده و طلع منها الحلقات
سحب ايدي و لبسني الحلقة الي بيها اسم روح شويه بيها كبر عليه

رفعت ايدي اباوعلها بستهه و ضليت اتلمس بيها عيوني دمعت

:-جؤ جؤ انة اريدج تفرحين ليش تندميني اسوي هيج

:-دموع فرح

:-اامم خوش

راد يلبس مالته
:-لا نطيني اني البسك

ضحك و انطانياهه لبستهه اله

:-ملاذي تدرين ها الحلقاات اكبر مني بسنه مثل ما انه حافظت عليهن كل هل مدة اريد تحافظين على هاي الحلقة

:-وعـد راح اضمها بروحي

:-واثق بيج

:-حلوة صعب عفيه والله حلوة

:-هههه انتِ محليته بابا

:-شكراََ

:-خو ما بعدج ضايجه

:-لا اصلا اني ما ضايجه انت وحدك تريدني اضوج

كرص خدي و ضحك
:-يله شتردين بعد كومي ما احب اشوفج كسوله و باقيه بفراشج

:-نقره بالكتاب وراهه نررح للجلسه خوش

:-امم خل نأجل الجلسه مالي خلك اليوم

:-لا ما تتأجل

:-زين لعد هاي هيه راح اخذج لمكان وره الجلسه

:-صدك وين؟

:-شي تحبي

:-احلف

:-وعيونج يله كومي جيبي الكتاب خل نقره

:-خوش

كمت من يمه جبت الكتاب و رجعت تمددت بصفه خله ايده جوه راسي و سحبني عليه

:-فتحي الكتاب

فتحته و انطيته اله

...........................

عودة الى الماضي

الصفحة السادسه و العشرون

رُفيده

اخيراََ اضاء دنيا روح ابنها الصعب

شويه و فتنه روح متمدده و تصيح
:-شجبتت اني شجبت

ضحكت و قربت يمها بست راسها
:-ولد

اجه عابس باس راسهه
:-روحي الحمد لله على سلامتج

انتضرنا بين ما هادي اخو عابس كمل الاجرائات و طلعنا عابس تبد ما يعوف روح

رجعنا للبيت بقيت يم روح يومين الله هادي احمد خلاني يمهه

روح:-اكلج هذا ما يرضه يرضع

:-شنو ما يرضه يبجي مبين جوعان

:-اي ما راضع جوعان بس يصرخ والله تعبني

:-ارضعه اني؟

:-لا ولج انجبي جا يتزوج منو ابني بذيج الساعه

:-هههه تحجين صدك هو وينها بنتي

:-تحملين اني بالطلوك و ادعي كون يصير عندج طفل بس شسوين بيه اذا مثل الصعب عله لا تخلفين

:-ههه لا يخبل ولج روح لا تحجين على نسيبي

:-لا ما ازوجه بتج بطلت يشلع الگلب ما اريد بنتج تتعذب وياه

:-هههه لا موافقين يلله ولج خل اروح لا احمد يطلكني

:-اكلج باجر عابس يروح معتمد عليج تجين يمي كلي لاحمد حبابه

:-طلاكي بيدج و بيد عابس

:-هههه لا ولج جا وين نروح

:-خوش ميخالف باجر اجيج دير بالج على الطفل مو تنامين يمه

:-خوش

:-يله محتاجه شي

:-لا

طلعت من يمهم ركض رجعت للبيت سويت غده و نضفت البيت رتبت روحي علمود اقنع احمد سمعت صوت سيارته وكفت اباوع من الشباك اريد اشوف شكله يضحك لو عصبي اول ما فات ابتسمت اله

:-هلا حبيبي

:-شعجب؟

:-هسه واحد يكلوله هلا يكول شعجب
:-ههه لا بس مستغرب

:-تتغده؟

:-اذا وياج اي

:-مسوية شلون دولمة تخبل يله جهزتلك ملابس بالحمام اسبح لبين ما اصب

قرب يمي لمس گصتي
:-رُفيده بيج شي

:-شكو احمد

:-ها لا ماكو شي

:-خوش

ضحك و راح حضرت الغده و هو اجه كعدت بصفه
:-اوكلك؟

رفعت راسي عليه يباوعلي مصدوم بلع ريكه و ضحك
:-لا تردين اني اوكلج؟

:-لا حبيبي

:-طالعه حلوة رُفيدة

:-ههه لا بس بعيونك الحلوات

:-رُفيدة شكو؟

:-تغده حبيبي

كعد ياكل شويه و كتله
:-حبيبي

:-روحه كولي

:-باجر عابس يروح للبصره

:-اي

:-اي حبيبي

:-اي شنو؟

:-اي شوف روح تبقى وحدها و هي نفسه متكدر لازم احد وياهه ف حبيبي عادي ابقى يمهه لمن يجي عابس

:-رُفيدة

:-ها؟

:-كلج احبج كلج ما عدا شغله وحده و همه روح و عابس شدعوة لهل درجة تحبينهم

:-روح اختي شلون ماحبهه

:-اخر مرة ترحين خل يلكولهم حل

:-اي اي وعد اخر مره

:-همه ثثنين و اني كوه متحملهم انوب خلفو

:-شوف لاتحجي على ابنهم تره والله اخلي يصير ابني بالرضاعه

:-اطلكج علمود

:-جا لا تحبي عليه طفل و هيج غاثك

:-ما غاثني بس زواج روح و عابس من البدايه غلط و غلطهم كبر من صار عدهم طفل

:-مو غلط يحبها و اخذهت غصب عن اهله و بعدها عنهم

:-نفترض صار شي و عابس و روح ماتو ابنهم وين تاليته؟

:-اسم الله عليهم

:-انه جاي اكلج نفترض

:-اني اربيه

:-تحلمين

:-مو بكيفك

:-رُفيدة هستونه متصافين ليش تسويلنه مشكله سدي هل موضوع

:-خوش بس احبهم

:-خوش

كملنه اكل كضيتهه اتلوك لاحمد ما دام رضه ثاني يوم العصر رحت لروح معلعله الطفل كلشي ما تعرف

اخذته منهه بس اشيله يسكت هي حتى شيل ما تعرف
:-اكلج اخذي اني ما اريده بعد

:-لا والله ام حلك ما تريده

:-ولج ما يخلينه ننام بليل حتى عابس مل و راح يروح لاهله

:-هههه لا صدك عابس ليش راح

:-اخوانه ثبروه شغل مهم و شغل مهم كال اكمل كلشي و ارجع علمود يتأخر يله ينزل الهم

:-ها خوش شوكت يجي

:-باجر العصر

:-خوش هاج لزمي صعوبي خل اسوي عشه علمود ادز لاحمد مالي خلك يرزل بيه

:-تعبتج اني وياي

:-انجبي روح

:-ههه

اكثر شي ارتاح بي من اروح لروح نوب هسه عدها طفل لليل نامت و اني بقيت منومه الصعب يمي الليل كله بس احسه يتحرك افز قبلة احس روحي تعلكت بي لثاني يوم روح منتضره عابس يجي ماكو

:-روح خابري ولج احمد كالي لل 3 الج اذا تأخرتي اطلكج

:-والله مادري هو كالي يطلع من الصبح

:-خابري

:-مغلق

:-شنو القصه زين عندج رقم هادي

:-اي اتصلت عليه ما يرد

:-ليش

:-شوفي انت روحي للبيت و عود اني اخابرج و اطمنج عليه

:-لا خيه ما اروح لما اشوف عابس هنا

:-و احمد شلون

:-خيبه بس اكله حبيبي يقتنع

:-ههه

:-انت شبيج شو وجهج اصفر

:-والله مادري رُفيده گلبي حاسسني اكو شي

:-شنو يعني

:-مادري يمكن هيج اتخيل

بقينه كاعدين مر ساعتين و تلفون روح اتصل رفعته باوعتلي

:-ها؟

روح:-......

........................

سد الكتاب خلاه على الميز
:-بابا

:-ها

:-بعدج ضايجه؟

:-جؤ

:-هاا

:-اي شوف لا ضايجه تدري شلون تروح ضوجتي

:-شلون

:-خل نروح للجلسه مالتك

:-يله كومي نروح

:-صدك

:-تروح ضوجتج غير؟

:-اي

:-كومي جا شمتانيه

:-بعد وكت

:-نفتر بالشوارع على ما يقرب الوقت

كمت من يمه فتحت الكنتور و هو بعده متمدد باوعتله
:-ما تكوم

:-اطلعلج ملابس؟

:-شنو خاف مثل اول مره تذكر شنو اشتريتلي

:-هههه لا اني اكلج شتلبسين

:-شنو بله

خله اديه جوه راسه و يباوعلي
:-عندج تشيرت لونه ابيض و بي وردي

:-اي

:-لبسي

:-حلو؟

:-اي لبسي

:-خوش راح البسه و انت كوم يله

:-بدلي

:-اي كوم اطلع و ابدل

:-اغمض

:-دكوم كوم بطل هاي سوالفك

:-هههه شمسوي عمي

:-كوم لا تسوي هيج

:-يله رايح

كام يتملل من فراشه و مدري شيحجي بصوت ناصي غلست منه خاف يبطل ما يروح للدكتور بدلت و طلعت انتضره بالاستقبال فات مبدل و كاشخ

:-شكو صعب؟عليمن كاشخ ما اروح تره

:-لا مو اريد اخذج لمكان لازم لابسين هيج حلو

:-وين

:-كومي نروح للدكتور اول شي

طلعنا بقى يفرفرنه بالسياره كل ما اسئله وين نروح ما يجاوبني لحد ما فات للدكتور حتي برطومه ما همتني الف فكره ببالي وين راح نروح مو ساعتين مرن احسهن سنه اول ما طلع طفرت

:-ها صعب وين راح نروح

ضحك و باوع وره برطومه تضحك لان صوتي جان عالي لزمت ايد صعب و مشيت

:-بابا على كيفج

:-اشش اسكت انت مكيف مو باوعتلك و ضحكت

:-لا حتى ما شفتهه

:-لا وين شفته خليت عينك بعينهه

:-لا وعيونج

:-اششش ماريد اسمع صوتك

:-شني بويه نكلبت الايه سيطرتي عليه

:-اسكت

وصلنا للكراج نسيت وين خله السياره و اني مسويه روحي مسيطره

:-شوف يله امشي

:-وين

:-شغل السياره

:-هذا الكراج ما مخلي بي سيارتنه

:-ها

:-غير انت تندلين ودينه

:-شوف لا تستفزني ردت اختبرك راح تنتبه لو لا اصلا اني ادري بي مو الكراج نفسه

:-شفتي شلون عرفتج تجذبين لان بس هذا الكراج بالمستشفى

:-تضحك عليه انت؟ صعب رجعني للبيت

:-ههه لا يابه تعاي اني الما اندل

لف ايدي على ايده و اخذني للسياره فتح الباب و راح صعد درت وجهي علساس زعلانه مشه هواي لا هو حجه و لا اني باوعت للطريق احس شايفته

:-صعب وين رايحين؟

:-ما عرفتي لحد هسه

بلعت ريكي بللت شفايفي حجيت باستفهام ما مصدكه الجاي اشوفه

:-لامي؟

حرك راسه بمعني اي
ضحكت و نزلت دمعتي ردت امسحها بطرف التشيرت صاح

:-كلنس كلنس

:-هههه نطيني عفيه ما مصدكه

:-لا صدكي

رجفة بديه ما مصدكه راح اشوف امي احس روحي مفرفحه عليهه شلون راح احضنهه شلون راح اشوف عيونها المشتاقتلهن طبك يم بيت عمي محد موجود احس ريكي ناشف خوف توتر فرحه كلشي اجتمع عليه بهل لحضة نزلت و انتضرت الصعب افتر من جهتي لزم ايدي و راح يم الباب دك الجرس باوعلي

:-بلبل لا تخاف انه وياج بس شوفي انه رجلج مثلنه مثل غيرنه مو تحجين شي

حركت راسي موافقه الضحكه ما تفارك وجهي سمعت واحد اجه للباب

:-صعب اجو اجوو

ابتسم و لزم ايدي قوي عصرهه
:-اهدي بابا

:-اي اي هادئه

نفتح الباب ابن عمي الصغير اول ما شافني صاح
:-هاي ملااذ اجتنه بقينه اني و صعب واكفين سحب ايدي و فات اليكلك بيتنه اني وياه مو بيت اول مره يفوتله

:-ملاذ تسلمين و نطلع

:-اي

من ابن عمي صاح كلها التمت يباوعلي بدون سلام
باوعت لصعب منحرجه احس روحي غريبه بينهم قرب مني كال

:-لا تسلمين عليهن وجوهن ما بيها رحمه

ابتسمت و رفعت عيوني ادور على امي بينهم شويه و شفتها طلعت من باب الهول رجليه وكفت اريد يعنني اوصل الها ما اكدر امسح بدموعي و ينزلن فلتت ايدي من صعب و تقدمت امشي كوه و هي اجت حضنتني بنص الساحه

ما ادري بروحي كمت ابجي بصوت عالي و اتلمس بأمي عبالي خيال

:-ييوم يوم مشتاقتلج والله مشتاقتلج شوفي اجيت اشوفج

:-روح امج شلونج يمه

تحجي و تلمس بوجهي و بديه تبوس بيه بكل مكان
:-زينه اني گلبي طاك عليج وينج اني اشتاقلج و انت ماكو

:-موجوده يمه لا تخافين عليه

وخرت من يمي و راحت لصعب حضنته كدامهم باس راسهه و ايدهه و اني لازمه ايدهه امشي وياهه ما مصدكه

شويه و اجه عمي عاصم من المضيف و حسن واكف بصفه

:-شلون تفوت لبيتنه؟

الصعب:-وعليكم السلام مرتي اشتاقت لامها و جبتهه
يحجي و مسوي روحه يكلب بتلفونه

:-لا تلعب بالنار

عاف التلفون و رفع راسه على عمي
:-اني النار استاذ عاصم المهم اني و مرتي مستعجلين لا توكفونه على العشه نتعشه بالبيت جنه فايتين منا و كلنه نسلم علـ ام زوجتي و نروح

اشوف وجوهم صارت حمره محد يكدر يحجي يدرون بصعب كلشي يلفهه عليهم و خصوصا عمامي يخافون من القانون

:-خوش يبن الناس بس انت تعرف شنو كلامي ملاذ و امها ما يلتقن

:-هل شي بكيفنه احنه

:-ليش تطول الحديث و تخليني اتصرف شي ثاني بدون ما تدري المهم تكدرون تاخذون راحتكم

يحجي و سبحته بيده يحركهه بقوه

:-ناخذ راحتنه بس اول شي سمعت ام زوجتي تلفونهه طايح بالمي و محترك ف كلت نجيب الها تلفون ويانه بما انو اول جيه النه و من يحترك مرة لثانيه ان شاء الله نزوركم زياره بس خاصه

حسن صاح
:-انت تحجي بزود عود لان محامي تره ما تخوفنه

ما رد عليه جان شايل بيده علاكه انطاه لامي و لزم ايدي سحبني و اني عيوني معلكة بأمي اطمنت ما بيها شي
صعدنا بالسياره و اني عيني على الباب حسن طلع خازرني صعب صاح بصوت عالي فزني

:-باوعي لكدامج و لا تديرين وجهج

ما رديت عليه ما اريد شي يخرب يومي حرك السياره بسرعة

:-شكرا بابا

:-هذا حسن والله ضامله ضمه بس كون الزمه بكل صلافه مخلي عينه بعينج

:-اكرهه تره

:-هم عايز تحبينه

:-صعب حباب والله تونسنه اليوم ليش تخرب يومنه

:-بعدج زعلانه؟

:-ليش اني زعلانه!

:-اي اليوم حسيتج ضجتي مني

:-يعني من اضوج تجيبني لامي

:-ههه لا شني هي طلابه

:-لا صعب ما ضايجه منك شوف شايف امي شكالت

:-شكالت

:-شافت الحلقه بيدي كالت منيلج كتلها من صعب كبل باست الحلقه

:-اخخ بس كون رُفيدة تحل كلشي والعباس عمامج يطيح حضهم

:-ليش امي شراح تسوي؟

:-امج قويه ملاذ من يوم يومها و من عرفتهه هي بنفس القوه صدكي ما تطلع من بيت عمامج اله وهي ماخذه حكجن مربع

:-اي واثقه من هل شي

:-امم بعد تردين نروح لمكان

:-لا هاي هيه اخذني للبيت

:-خوش ناخذ عشه و نرجع

صف على مطعم اخذ عشه و رحنا للبيت فتت بدلت و هو سبح حضرت العشه كاعد اغسل بالخواشيك بس اني بالمطبخ حسيت نفس قريب مني بلعت العافيه صعب اخر شي شفته بلاستقبال و بس اني بالمطبخ منو يمي درت بس عيوني اريد اشوف فززني صوته

:-شبيج بلبل شكد خوافه

باسني بسرعه و وخر
درت وجهي عليه

:-انت مخبل اجيت اموت والله

:-شبيج ياعيني هسه شسوينالج

:-لا ما سويت شي غير راحت روحي

:-:-لا انت اقوه من هيج تعاي ناكل ميت من الجوع
كعدت ادردم عليه ياكل و يسويلي لفات كل شويه

:-تره اكدر اكل

:-ميخالف

:-ماريد انت اكل

:-مو وجهه نعمه من نروح ننام ذكريني انطيج رقم امج

:-اي حباب هسهه اكدر احجي وياهه بأي وكت مو

:-اي بس دير بالج تحجين بموضوع طلعتجن

:-لا ما احجي بس اسلم

:-عفيه

رجعت اكل اتصل تلفون صعب مخلي بصفه باوع على التلفون عكد حاجبه

:-ها منو خاف حبيبة القلب

:-لا رقم يجوز هاي حبيبتي برقمهه الجديد

:-خوش بالعافيه رد بله خل نسمع صوتهه الحلو

ضحك و فتح الاتصال فتح الصوت علمود اسمع للضحك سويناهه.........

الصعب:-الو...

..................
بـرق

سيف:-هذا البيت بعد ما النه ضله بي

مُهرة:-اسم الله يمه اسم الله شبيك فاز

كعد كدام امي لزم ايدهه
:-يمه بروح ابوي خل نطلع منا كبرنا لشوكت نبقى هنا اني و عمامي ما نتصافه لا احنه نحبهم و لا همه يحبونه خل نطلع

:-وين نروح

:-اني مو جاي اشتغل انت تخيطين و عذنه فلوس القطعه كل شهر نأجر و نعيش بعيد عنهم

:-و اخوانك سيف

:-اخواني همه ملانين من عمامي سأليهم

باوع علينه اني و بيلسان
:-انتن عاجبجن تعيشن وي عمامجن

برق:-والله لو اعيش ويه الجلب اشرفلي

بيلسان:-يمه كلام سيف صح خل نأجر والله ملينه يعني اني جامعه و سيف كبر و برق جامعه و الولد اعداديه لشوكت نبقى كلنه بغرفه وحده

:-عمامكم ما يخلونه

سيف:-مو بكيفهم مو بكيفهم كل السنين عشناهه سوه همه شعليهم ييمه هاي ثالث مره ارفع دعوه علمود حگنه و يسدونهه بفلوس اذا ضلينه طول عمرنه جوه رحمتهم ما راح نرتاح ابد

:-يمه اخاف عليكم اني صح ربيتكم كل هل سنين بس جان داير ما يدورنه عمامكم حتلو همه مو زينين بس ما يخلون احد يأذينه

:-و اني يمه وين رحت بس كولي اي والله لكيت بيت نإجره بعيد عن عمامي خل نعيش مثل باقي الناس يمه والله احلم اشوف خواتي ماخذات راحتهن بغرقه ادري للاي عمر نضل الي يريد يبدل يروح للحمام

:-سيف شنو الركب راسك

:-يمه عمامي ما اطيقهم و لا همه يطيقونه على هل غرفه حاربونه و يركضون ورانه عوفوها و نريدهه و منو علينه حكنه من سنين بهل بيت نوخذ ما النه ضله هنا

:-ماكدر اعوف هل بيت عندي بي ذكريات هواي

:-اذا على ابوي كلنا عدنه ذكريات هنا و كلنا راح نتأذه و ما نكدر ننساهه بس لا تنسين حجم المعاناة ادي عشناهه بهل بيت لا تنسين شكد أذوج و أذونه و هسه ممستعزه بيهم

:-سيف

:-يروح سيف عيون سيف بس افهميني

برق
كعدت يم سيف اباوع لامي متوتره خايفه تاخذ قرار و تندم بعدين

:-يمه شوفي احنه راحتنه مو يمهم خل نطلع خل نشوف العالم خل نرتاح والله جاي اتأذه وين ما اطلع يصير كدامي واحد من عائله الكتلو ابوي شلون ترديني ابقى اتحمل

بيلسان:-يوم خلي نرتاح كافي والله تعذبنه

:-بكيفك سيف انتم مخططين و رايحين بعد رايي شراح يغير

:-يعني اي

:-اي

كام سيف يحضن بامي و اني بيلسان وحده تحضن الثانيه

سيف:-من هسه تحضرو تره أجرت بيت و كملت كلشي بس لمو غراضنه

مُهرة:-مو كتلك لكلشي مخطك و مكمل

:-هههه و عيونج اريدج ترتاحين

طلعت بره فرحانه و اخيرا راح اعيش انسانه حرة منتضره يامان و اريان يجون

اول ما فات اريان صحت بصوت عالي

:-ابشرك

:-شنو خطبولي

:-هههه لا وين يامان

:-جاي يسوي بايسكل صديقه اجه وراي

:-خوش خل يجي و ابشر شي يخبل

:-صدك شنو ماكو شي يخبل غير الزواج

:-ههههه تحلم شي احلى ولك

:-شني راح تتزوجين و نخلص منج

نفتح باب الشارع فات يامان صاح عليه اريان
:-تعال البث المباشر جايبلنه خبر حللو

:-خير

:-وللكم راح نطلع ببيت وحدنه و نشيل منا ما نبقى ويه عمامي

يامان:-جذابه؟

:-والعباس اسألو سيف

فاتو للبيت و اني وراهم مكيفه سيف متمدد ايده جوه راسه اجه يامان كعد على رجليه

سيف:-مو هيج كسرتني يلارعن

:-صدك الكالته برق

:-شكالت

:-راح نطلع منا

:-اي

كامو يركصون و يضحون جان من اسعد ايام حياتي حتى من اشوف وحده من عمامي ما اهتم بدينه نجمع اغراضانا و كل فتره سيف ياخذ وحده من عدنه ترتب بالبيت و بلاغراض كملنه و باجر راح ننتقل بدون محد يدري

العصريه طلعت بره كاعده على الطابوكات اجت عمتي تخوصرت كالت

:-اكلج برق

:-ها

:-شني هاي السمعته تردون ترحون بدون محد يدري

:-ليش منو الي يريد يدري

:-جا احنه شني هنا ما النه قيمه

:-لا والله خبطتهه بتمن و اكلتهه

باوعت طلعت امي و بيلسان من الغرقه اول ما شافني يم عمتي اجن كلت خل استغلها فرصه كبل لا يجن اعارك

:-انت صدك ما عندج احترام ابد

:-شعليج هسه انت يله روحي منا روسنه فايخه منكم

رادت تحجي و اجت امي تهدي بالوضع
:-شلونج خيه

:-زينه ام سيف زينه

بيلسان سحبتني خاف احجي شي و امي ضلت تهدي بالوضع تمنيت انهيها وياهم بعركه بس ما صارت...

.
.
.
.
.للحكاية بقية

كلانا كتف للاخر♥
الوريد♪