رواية أنتقام الصفحه 27 (ترميم) الفصل التاسع والعشرون 29 - بقلم خـلود الـ محسن

الكاتبة لورا
........
للتواصل انستا lorai_alrwi
.......
تفاعلكم على البارت قرأة ممتعة
…………………………………

....ضحك و فتح الاتصال فتح الصوت علمود اسمع للضحك سويناهه.........

الصعب:-الو

......:-الو الصعب؟

:-نعم تفضل منو وياي

:-حسـن

:-عفواََ منو حسن؟

:-اسأل ملاذك

باوعلي و دنك راسه على التلفون راد يسد الصوت لزمت ايده و حركت راسي بمعنى لا اريد اسمعة شيكول
رجع حجة وياه

:-شرايد انة مو محذرك ما تكرب النه

ضحك ضحكة استفزازيه خلة صعب عيونه تصير بگصته

:-ههههاي الضاهر سألتهه و عرفتني بلة شكالتك ابن عمي لو حبيبي السابق لو شكالت

:-لسانك لك

:-ههه يمك شنو ما تريد تجرحهه

شمر البيده و كام بنتر كمت وياه يفتر و يحجي حاير شيسوي صاح بي بصوت رج البيت

:-لكك ك**د عائلتي ما تجيبهه على لسانك لا اشوفك وجهي الثاني والحق اندمك والحق

:-هههاي وليش تصيح اسألها اذا ما تصدك جنة نسوي كلشي نتونس و مدللتني  بالحرام بس يمك استشرفت

:-اااشرف منك كلب اشررف من الشرف مرتـي و روح امي كل كلمة كلتهه اندمك عليهه جبتهه لنفسك ياحسن

:-و لا عرفتك هيج عصبي الله يساعد حبيبتي السابقة عليك

:-حسـن و الحسن ما ارحمك صدك ما ارحمك

:-هسة عوف هذا كلة جايك أسألك شي حبيبتي مجبورة عليك لو بموافقتهه

باوعلي و بلع ريكه وجهه صار احمر و شرايينه برزت يصيح و يتنفس بقوة

:-كل كلمة حجيتهه بضحك ابجيك دموع مكانهه و غلات ملاذ ما تشوف خير مني

سد التلفون و ركعه بالكاع رجعت ليورة من الخوف ركيت نفسي على البراد تذكرت كلام حسن دموعي نزلت احسها نار تجوي بخدي ابن عمي و هيج حجة عني لعد صعب شراح يكول

دار وجهه على الكاونتر يتفاور اكو دولكة مي كزاز مخليتهه علية شالهه و ركعهه بالحايط الكزاز تطشر بكل المطبخ غمضت عيني و خليت ايدي على اذني كمت اشهك اريد اكتم صوت شهكاتي ما اكدر خوف و صدمة ما ادري بهل لحضة ضايج مني مصدك كلام حسن لو ضايج منة

كام يروح و يرجع بمكانة رفع ايدة رجع شعرة ليورة و نزلهه كور قبضتة و ضرب الكاونتر بيدة كل ما تزيد عصبيتة خوفي يزيد و شهكاتي تعلى باوعلي و صاح بيه بصوت عالي

:-ااااششش لا تبجين

:-صعب والله جذاب والله جذاب

:-اشش مسحي دموعج ادري جذاب بس لا تبجين

:-ل..لا لا ما ابجي بس والله اني ما عندي شي وياه

يحجي بصياح بعيد عني
:-لج لا تبرررين ملااذ امشي فوتي لغرفتج

:-ب..بس اني ما مسوية شي والله ما مسوية

كلت هيج و لزمتني الشهكه ما اكدر اتنفس و لا احجي
اجة يمي رجعت ليورة خايفة من شكلة عيونة حمر و شرايين گصته البارزه لزم وحدة من اديه عصرهه بنص ايده رفع ايدة الثانية مسح دموعي

:-لا تبجين ملاذ لا تبجين بابا كافي

:-اا اني والله اكرهه والله والله  ما عندي شي وياة اسأل امي

:-اشش ولج اشش لا تبررين تموتيني انتِ

سحبني الحضنه و ضل يحرك ايده على شعري باس راسي و بقى قريب منه

:-كل دمـعة نزلت من عينج انزل مكانهه دم و غلاتج

:-ش..شوف هو يريدك هييج تسوي خلي يولي

:-جؤ اسكتي بس اهدي و اني اعرف شلون اتصرف

رفعني من صدرة خلة ايدة جوه حنجي عيونة بعيوني

:-انت شبيج ترجفين بردانه

حركت راسي بمعنى لا
:-جا شبيج

:-خفت منك صرت عصبي علية

:-بس مو عليج عصبت يا عيني

:-مو انت ما شايف روحك روح باوع بالمرايا والله تخوف

:-ما اعصب عليج بابا بس من ذكر اسمج بالسانه الوصخ ضوجني ما اريد احد يحجي بيج جنت منتضرة يغلط علمود اعاقبة على لزمة ايدج تاليها حجة هيج عليج ترديني اسكت هو جابهه لروحة خوفج و دموعج اطلعهن من عينة

وخر من يمي شال تلفونه من الكاع و كعد على كرسي يشغل بي طلعت برة جبت مكناسة و مكرافه الم الكزاز مسوي طشار بكل مكان بالمطبخ

سمعتة يخابر بشهاب
الصعب:-اشهب باجر من الصبح تجي موضوع مهم و تخابر علي خلي الصبح يكعد بوكت رايدة بشغلة
هم..بعدين احجيلك شي يعجبك ..لا لا علي بس يسويلي شغلة و الباقي علينة...جيب وياك البوكس الحديد مالتك تحتاجة ..ضحك بصوت عالي ما اسمع شهاب شنو يكلة..يلة الله وياك

كمت اشيل بالكزاز لحد ما نضفتة كله بقيت اتلمس بالكاع بيدي خاف باقية كزازة صغيرة صاح عليه

:-لا تنجرحين دير بالج

باوعتله مدنك على التلفون و يحجي وياي وين شافني امي جانت تضوج من هاي الحركة لان ما انتبة وانجرح
ما اهتميت بقيت امشي ايدي على الكاع حسيت كزازة نغزتني صحت

:-اخخ ييمه

طفر من مكانه اجه يمي لزم ايدي بيهه كزازة صغيرة سحبهه من اصبعي

:-غير تنتبهين شلون هيج تمشين ايدج هو الكزاز يتشاقة شكلتلج انة

:-من وراك تعورت ايديي الجميلة خربت و صارت كلها اثار كلة بسببك وينج رُفيدة لحكيلي صعب يعنفني

:-اني شعلية صدك تجيك التهايم و انت نايم فوك ما اكلج انتبهي

:-غير انت الكسرت الدولكة و اني نجرحت من وراك

:-منو كالج لمي الكزاز

:-غير انت عصبي و اني اريد اسوي شي علمود ما اصير كدامك يلة هسه اصبعي يوجعني بوس الواوا

هو جذب حتى دم شوية طلع
سديت ايدي و خليت اصبعي مفتوح سحب ايدي و باس اصبعي على مكان الكزازة

:-ها شلون صارت

:-بعدهه

رجع باسهه مرة ثانية ضحكت و سحبت ايدي
:-جذب ما تأذيني

:-اي بس تحبين البوس و انة اخرب عليج من تحبين هل سوالف

:-انجب لا تصير سربوت عود عبالك صرت عصبي و تحجي بكيفك ترة راحت الخوفة منك

:-شعلية اني انت تحبين هل سوالف

صحت بي
:- يا سوالف شبيك انت

شلت المكرافة و طشرت الكزاز بالكاع عفته و كمت و هو ميت ضحك

:-لا تضحك هذا الكزاز انت تلمة و خل اشوف ياهو ينام يمك بعد

:-ما تكدرين بدوني

:-اكدر انت الما تكدر تموت بدوني

:-ههههه جربي و شوفي

:-خوش راح انام بغرفتي لا تجي يمي

:-و الجني

:-كمت ما اخاف كبرت و هو الجني ما موجود خوش

:-خوش اني راح انام بغرفتي هاي هية

:-چا و اني

:-شبيج انت غير تردين تنامين بغرفتج

:-اي ولي مو بنص الليل و تجيني و يله لم الكزاز اني رايحة انام

عفته و رحت امشي و انتر ضوجني فتت للغرفة و سديت الباب حيل علمود يحس بية ضايجه

تمددت بغراشي بقيت صافنة على السكف ما اسوي شي احس ملل باوعت للساعة بعد هواي وقت ما عندي تلفون التهي بي جنت اذا ابقى وحدي اقرة قصة و التهي بيهه

اخر مرة اخذة بعد ما رجعة الي كمت اقنع بنفسي على النومة عيني معلكة بالساعة اباوع لكلشي بالغرفة اضيع وقت و علمود اتأكد ماكو شي

كمت من فراشي اريد حجة افوت بيها لغرفتة اتأكد نايم لو لا فتحت باب الغرفة شفت غرفتة مسدودة رحت للمطبخ حطيت جاي لان صعب متعود ورة كل وجبة لازم يشرب جاي انتضرته يكمل صبيت و رحت لغرفته دكيت الباب صاح

:-فوتي

فتحت الباب رفع راسة باوعلي و ابتسم سد التلفون
:-ها؟

:-انت الها لا تكول ها

:-ترة ما غلطت غير جاي اسألج خاف تردين شي

:-اي جبتلك جاي

:-والله شكراََ عشتي اجة بوكته

مشيت باتجاهه انطيتة الجاي و بقيت واكفه باوعلي كال
:-ها تردين تجين تنامين يمي

:-لا شكراََ ما اريد نام وحدك لو تخاف

عفته و طلعت ركعت باب غرفتة قوي صاح
:-شبيهن الخبالات اليوم مشتغلات

رجعت لغرفتي اقنع بروحي اكدر انام وحدي ما اخاف صفنت اني ليش ما اصير مثل البنات من عدهم وقت فراغ يهتمون بروحهم

كمت طلعت مكياجي هنه مسكارة و حمرة بس اني احبهن كعدت كدام المراية مشطت شعري و رتبته خليت مسكارة و حمرة و خليت لخدودي من الحمرة باوعت للساعة احس الوقت معاندني ما يمشي رجعت افتر بالغرفة اختنكت رجعت لصعب دكيت باب غرفتة صاح

:-تعاي بابا

فتحت الباب بقيت واكفة و لازمة اليدة بيدي يباوعلي مبتسم و رافع حاجبة

:-انت ليش هيج تباوع؟

:-جا شلون اباوع

:-خاف جاي تضحك علية نضرتك تستهزء بية

:-لا بابا

:-كول والله

:-انت شمخلية لوجهج

:-انت شعليك بكيفي لا تدخل

:-جمارتي تجيبين مصايب لروحج من تسوين هيج

:-شوف انجب و اريد تلفوني اريد اخابر امي ضايجه و اشتاقيت الها

:-عفتة بسيارة شهاب من اروحلة اجيبه الج

:-جا خابرهه انت اريد احاجيهه

باوع للساعة و رجع باوعلي
:-لا بابا الوكت متأخر هسة نايمة باجر عود حاجيهه و اذا ضايجة وحدج تعاي يمي ما نعسان

:-لا ما اريد

رجعت سديت الباب و رحت لغرفتي احوس ما اكدر اكلة تعال كرامتي ما تسمحلي عود صرت شجاعة و لا اكدر اروح يمة هسه لو عندي تلفون ما اهتم اله مر ربع ساعة ليش يكول الوكت تأخر بعد وكت بس امي صدك تنام بوكت

رجعت طلعت وكفت كدام غرفته جريت نفس قوي و زفرته افكر شنو راح اكلة دكيت الباب

:-بابا فوتي بدون ما تدكين الباب

فتحت الباب باوعت بالغرفة حايرة شحجي رجعت باوعت عليه ساكته كال

:-ها مضيعة شي

:-لا خابرلي رتـيل اريد احجي وياهه

:-يابة البنية نايمة باجر اخابرهه الج

:-اوووي ما اريد كلشي منك خبيث

ركعت الباب قوي و رحت للاستقبال تمددت على التخم اتعارك ويه ذبان خشمي نرفزني يدري بية ما انام وحدي ليش هيج يسوي سمعت باب غرفته نفتح جانت اكو فتح بين الكراسي مال التخم ركض دخلت بينهن علمود ما يندلني وين شوية و صاح

:-ملاذي وينج بابا

صحت عليه بصوت عالي
:-معليك انتَ

سديت حلكي و غميت نفسي نسيت راح يسمع صوتي و يعرف مكاني

شويه و سمعت صوته بلاستقبال
:-بابا طلعي ادري شنو تلعبين بنص الليل

بقيت ساكتة و مخلية ايدي على حلكي كاتمه ضحكتي صاح

:-شوفي ترة اندليتج اذا لزمتج بيدي اعاقبج طلعي من وحدج

بقيت مغلسة ادري بي يجذب يريدني اطلع حسيت خيال صار فوكي رفعت راسي شفته مخلي ادية على التخم منا و منا و مدنك يباوعلي كمت حاشكة نفسي بالحايط هو المكان ضيك بشكل مثلث صاير كوة دخلت بي

:-شوف انت ليش تلكاني هاا

:-مو كتلج طلعي وحدج

:-وخر غشاش خل اطلع

:-انة اطلعج

:-ما وخر اني اعرف اطلع

:-مو كتلج بالبداية طلعي من وحدج بس ما طلعتي

:-صعب شبيك وخر خل اطلع اريد انام نعست

:-بعدج مصرة تنامين وحدج

:-شوف اني اضوج وحدي و هسه يلة شو وخر ترة اصرخ و الم الناس عليك

:-مـرتي و بكيفي شعليها الناس

:-اهووو شبيك انت شبيك وخر خل اصعد

:-وين تصعدين

:-شبيك على التخم علمود انزل

:-لا تنكسرين تعاي انة اطلعج

:-ما اريد مستعدة ابات هنا

ما رد عليه رفع ايدة و رجع ليورة صعدت على التخم اريد اطفر كبل قرب مني عبالي يريد ينزلني تحركت بسرعة و عثرت من التخم طحت على ايدي سمعت صوت ضحكته رفعت راسي علية

:-وسم وسسسم لا تضحك يا جلب

:-اسم الله بابا شبيج كومي

مد ايدة يريد يكومني دفعتهه و كمت وحدي درت وجهي منة سكت شوية و كال

:-شتردين ملاذ؟

:-ما اريد شي انت شتريد جاي وراي

:-تعاي ننام سوة

:-ها ما تكدر بدوني مو اعترف يلة اعترف

:-اي ما اكدر

:-اي بس اني اكدر

:-اي يابة تكدرين يلة تعاي

لزم ايدي و مشينا لبرة الاستقبال بأتجاة الغرفه وصلنا اني رحت على غرفتة و هو راد يروح لغرفتي ثنينه وكفنا ابتسم و كال

:-ها تعودتي بغرفتي

:-لااا بس لان انت جنت نايم بيها

:-لا تعاي بغرفتج احسن

سحب ايدي فتنه لغرفتي نزع الجاكيت مالته و تمدد على الجرباية

:-ما تجين

:-اي جايه سويلي مكان مو مثل كل يومية تجعصني

:-وين جاعصج هذا صدري كلة ما كافيج

:-اكلك

:-عيني

:-نجب و نام انت و ساكت هل سوالف بطلهن

:-يله بطلتهن بس تعاي

نزعت القمصلة فتحلي ايدة تمددت بصفة

:-العب بشعري

:-اممم

سحبني لحضنة قوي بقى يلعب بشعري لحد مغفيت كعدت الصيح لكيته ما موجود شلت الغطة كعدت اتمغط باوعت بصفي جايب تلفوني شلتة لازك بي ورقم مكتوب عليهه

:-صباح الخير بابا هذا تلفونج جبتة الصبح و انت نايمة الرمز غيرته و جوة كاتبلي الرمز

فتحتة لكيت رسالة من عندة كاتبلي

:-ريوكج بالمطبخ و جبتلج غدة بالثلاجه لان اليوم عندي شغل مهم دير بالج على روحج

طلعت لكيت رسالة من رقم كاتب
:-في كل مره اتأمل عيناكِ افقد الذاكره

كبل حضرته و حذفت المحادثة مللتني هل ارقام شكد ما يدزولي اني وين اعرف واحد خفت لا يطلع حسن يريد يورطني بسالفة لان يشوف صعب هيج مهتم بية دزيت رسالة لامي شفت ما عدهه نت

تريكت و نضفت البيت اتصلت على صعب يطلع مغلق سبحت و عزلت ملابسي رجعت للتلفون لكيت امي رادة كيفت لزمت التلفون و كعدت على التخم ادية ترجف احس ما شبعت منهه من رحنة الشك ياكل بية خاف تطلع مو امي كتبتلها

:-انت امي لو مو امي

بنفس اللحضة كتبتلي
:-ههههه ولج مليذ

امي الوحيدة تسميني بهل اسم ضحكت كتبتلها

:-اتصل؟

:-اي

اتصلت عليهه احس گلبي يرف اول ما سمعت صوتهه دموعي نزلت

:-يووم روحي رايحة عليج

:-يبعد روحي ما ضل شي و المج بحضني

:-يمة والله تعبت عوفي كلشي و خل نعيش ما نريد ورث كلشي ما نريد منهم

:-ما اريد اعيشج بنقص حگج اخذة الج من عيونهم

:-يوم شوفي انت مو تعرفين بالحياكة و اني ادرس طلاب و هيج ما راح نحتاج شي و اذا على مستمسكاتنه صعب موجود يحلهه

:-لا بنتي مثل ما اخاف عليج اخاف على صعب و مهنته ما اريد يشتغل شي مزور
الجناسي اكدر اخذهه المشكلة عمامج مستعدين يدفعون كلشي في سبيل الدعوة الارفعها تفشل

:-و تالي

:-اني امج ملاذ وعلي ما اعيشج عايزة شي و لا اخليج بمنة احد

:-يمة تعبت اريد ارجعلج

:-بس صعب اعرفة ما راح يقصر ويااج

:-والله ما محسسني اني ثكل عليه ابد حتى من اكله راح اروح يضوج

:-اي الله كريم المهم شخباركم انتم الكتاب كملتو

احس گلبي وجعني من ذكرت الكتاب اخاف لا صعب يلاحض الصفحه ما موجودة

:-يوم كملنة 26 صفحة اخاف لا صعب يلاحض

:-اني رتبت صفحة 28 علمود صعب ما يلاحض اكو نقص بس انت اقري لا تخلينة يقرة

:-و اذا لاحض شسوي ساعتهه

:-ملاذ امنتج امانة جبيرة لان اني ما ضامنة شنو تاليتي هل امانة بركبتج لحد ما اني ارجع

:-صعب مـريض يأذيني من يفقد

:-كالي بس انت ابتعدي عليه صعب حنين ما يأذي اليحبهم بس دير بالج تكربيله من يفقد ملاذ ديري بالج علية اذا شاف ذيج الصفحة صعب يتحول وحـش

:-الله كريم ما راح اخلي يلاحض

:-عفية و هسة روحي لا يجي احد ما الي خلكهم

:-يمه خو ما يتعبونج

:-لا والله تدرين بية ما اهتم الهم

:-يلة اخذي راحتج فدوة دوم خابريني

:-ان شاء الله يلة الله وياج

تذكرت صعب ما يسد الخط بوجهي ابتسمت و بقيت الاتصال مفتوح لحد ما امـي سدتة

باوعت للساعة هيج وقت صعب لازم راجع للبيت دوامة ينتهي بس اليوم كلش تأخر

خابرت على صعب مغلق رجعت خابرت شهاب اتصل علية اجة ينتهي الاتصال يلة رد

:-اهلين مرة اخي ماذا تريدين

:-شهاب وين صعب

:-والله كلش زين الحمد لله شخبارج انتِ

:-اهوو شبيك شهاب صعب تأخر وينة فدوة خاف بي شي

:-لا يم علي عدهم شغلة شوية و يجون

:-شعدكم البارحة خابرك متأكدة راح تسوون شي

:-لا ما خابرني

:-انجب خابرك

:-اي خابرني

:-شكالك

:-لج عيني ملاذ امشي ولي مني هو صعب اول و تالي يكلج شراح يسوي

:-انجب و احجي

:-باي باي اجونة

:-شوف

وية محجيت سد الخط بوجهي حسيتة مثل الغلط علية و ما كدرت ارد

رجعت اتصلت علية طلع مغلق

-جلب حقير نعال ادبسسزز وعلي عرفتك جلب اول ما شفتك الخايس

احس التفكير اكلني وين و شيسوون بس شهاب يضحك يعني ماكو شي بس صعب ليش ما يرد بقيت اروح و ارجع للعصر و همه ماكو اتصل عليهم يطلع مغلق بقيت افتر بالغرفة حتى شفتي اكلتهه شكد ما خايفة تريكت من وكت للعصر ما اكلت شي جوعانة بس الخوف ما يخليني اشتهي اتغدة

رجعت لتلفوني رقم يتصل علية احس الخوف دبة بجسمي منو يتصل علية رفضتة رجع اتصل هم رفضتة ردت احضرة اجتني رساله كاتبة

:-اني رتـيل

كبل فتحت خط عليهه بس كلتلي شبيج ما تحملت دموعي نزلت

:-يا ملاذ منو وياج

:-صعب ماكو

:-لا رايح وية علي عدهم شغل

:-شمعرفج هو ويه علي؟

:-ها مو شهاب كلي

:-شكلج

:-كلي عدهم شغل ثلاثتهم

:-امم شعجب اتصلتي

:-شهاب كلي خابري ملاذ

:-و بعد شكلج

:-هو كال صعب يكول خل تخابر ملاذ

:-هو زين؟

:-يا خية شبيج شعليهم والنبي علي كلي شغلة ملوزة راح يتونسون اصلا

:-علي؟

:-يا علي!

:-انت كلتي علي كلي

:-لا كلت شهاب

:-لا كلتي علي اني سمعتج

:-يا ولج يمكن سماعة تلفونج عطلانة يله باي اخابرج بعدين امي تصيح علية

سدتة احس شوية اطمئنيت تذكرت حجيهه ضحكت هاي تجفص اكثر مني

………………………
شهـاب

خابرني صعب بليل ما فهمني شنو يريد بالضبط بس عرفتة يدور طلايب من كال جيب البوكس الحديد وياك و من راد علي اي سالفة بيهه مشكلة لازم علي موجود بيهه

ثاني يوم من الصبح رحنة على المكتب اقنع بصعب يحجيلي بس قافل صارت ب 9 خابر علي

شهاب:-فهمني كبل لا تخابر شنو اني بهيمة هنا

الصعب:-هسة احجي وية علي و انت تفهم

خابر على علي
الصعب:-الوو علاوي الحبيب

علي:-كول ابو الصعب

الصعب:-شوف جايينك انة و اشهب اريدك وحدك كون

علي:-هاي هية باي وكت تعالو

سد التلفون و شال سترته شال المسدس و اني صافن علية ما مفتهم شي

رجع خلة المسدس بالمجر
شهاب:-شنو ما تاخذة

الصعب:-بس اتهور ارتكب جريمة خلي احسن

شهاب:-و اني اجيب سلاحي؟

الصعب:-اكلك اني بية مجال اسيطر على روحي انت مستحيل تسيطر على وحك

شهاب:-ههه لك احجيلي صعب شراح نسوي الحماس اكلني

:-نأدب واحد

:-ياهو

:-حسن محتاج كم بوكس على كم راشدي يتأدب بيهن

:-حسن قصدك ابن عم ملاذ

:-لا تجيب اسمهه يم اسمة كول حسن الجلب

:-ههههه شسوة عليك ابو حزامين كلي علمود اطلع
ضوجتي بي

:-حجة على اختك شهاب ترضاهه

:-شنو و ما تكلي صعب هذا عوفة الي

:-اعوفة؟ ولك بجاهه نزلت دموعهه بسببة ماخذك وياي اريد شوية و تسحبني منة اتفاور علية من البارحه اريد اطلع كل دمعة من ملاذ طاحت بي خوفتهه و رجفتهه البارحة ياكلن بروحي

:-كوم شمنتضرين بس عوف سلاحك مالنه خلك

طلعنة سوة من صدك ضجت ملاذ تعنيلي هواي ما اتقبل اي شخص يحجي عليهه اشوفها مثل ما اشوف اختي رتـيل

طلعنا بوجهنه لعلي صعب انطاة الرقم الي اتصل منة حسن علمود يحدد الموقع اخذناة ويانه علمود يتبع الموقع لمن صرنة قريبين وكفنة نراقبه يطلع من مكان شغلة

عيني على صعب يأفأف و يضرب بيدة على الستيرن

عـلي:-انزل وياكم شباب انة ما اعوف هيج فرصة

الصعب:-لا علي عمي هـادي اذا عرف بيك تأثر على وضيفتك

علي:-لا صعب بس شهاب لو يلزم لسانة محد يدري بية

شهـاب:-لا علي انت انجب شغلة عائلية ما تدخل بيهه

علي:-اكلك انت لو تاكل خرا احسن الك شني مو من العائله اني منهه و غصب عليك

شهاب:-اي اخوي بالرضاعه كوم لك

علي:-شهاب وعلي ترة اكل لهادي على سوالفك

شهاب:-هادي مو؟ جا ياهو كدامة يصيح سيدي و سيدي اذا ما كتله عليك يكول هادي

:-اكلة على دعسوقة بس تحجي شي

خزرته لا صعب يسمع اتحمل حجي ابوي بس ما اتحمل صعب باوعلنه شمر التلفون و صاح بية

الصعب:-شهاب عينك على الطريق هنوب دعسوقة شني؟

شهاب:-هيج صعب المهم علي شوف انزل ويانه اذا تريد
احجي و اغمز لعلي علمود يسكت

الصعب:-دعسوقة نفسهه بينات؟

شهاب:-هي اكو غيرهه صعب

الصعب:-شوكت تعوف البنيه اهلها ما ينطونهه ليش تعذبهه انت طبك مرض غط بالحرام هي شنو ذنبهه تحجي ويه واحد غريب عنهه بصفتك منو؟

شهاب:-صعب مو وكتك

الصعب:-الله غاضب عليك من كد ما حجيت وياهه بالختلات جاي يعاقبكم بنية غريبه عنك تحاجيهه شكو

شهاب:-احبهه

الصعب:-حبتك حية ام سبع روس كون حبك البين

شهاب:-شاديلك لسان ملاذ شني

علي:-صعب خوية هسة انت حرت بشهاب و حبيبتة و نسيت سالفتنة هذا الولد ترة راح يطلع

:-ننزل؟

علـي:-و الكاظم انزل لو تنكلب الدنيا

الصعب:-علي تبقى بالسيارة احجي شنسوي هسه

:-راح يفوت من طريق فارغ هناك نكطع عليية بالسيارة و نزلو علية

:-خوش نتحرك لو بعد

:-ثواني اندل طريق ثاني علمود نوصل قبله

:-يلة تحرك

شغلت السيارة و علي يدلي بيه وصلنة مكان فارغ بس شارع عام و سيارات تفوت علي نزل بمكاني يسوق و انة كعدت ورة يم صعب لبست البوكس مالتي احسة اخوي هل بوكس استمتع بي خصوصا وية صعب انطاني شفقة و كمامه لبستهن و هو لبس علمود مينعرف وجهنه
اذا نعرف شكلنة كلنة نروح بيهه صاح علي

:-شباب جاهزين

:-اي

:-راح يفوت بس ما اتحرك اذا ما تنطوني كمامة

الصعب:-علي استتعجل لا تاكل خرا

علي:-تحلمون

صعب توتر من شاف حسن يقرب من عدنة شمر كمامة على علي و علي بسرعة
حرك السياره صف بطريق اجت سيارة حسن من شاف سيارتنة بنص الشارع بدة يخفف وصل يمنه و نزل
نزلنة ثلاثتنة صاح

:-ليش سادين الشارع شارع الخلفكم و انة مادري

راح صعب كدامة خلة ايدة على ياخة القميص مالته ينكث بيهه

:-حسن مو؟

:-اي منو اانتم

اول ما حجه صعب كور ايدة و ضربة على وجهه رجعه خطوتين ليورة رجع راد يضرب صعب و صعب دفعة شكد ما ضرب بحسن ضاعت معانية

شكد شايف صعب يعارك شكد صارت مشاكل و شفتة عصبي بس مثل هل مرة ما شايفة

حسيت روحي ما اعرفة نكلب وحش جنة اني و علي نازلين بنية نضرب حسن من شفنة صعب هيج كمنة نسحل بي و هو مثل البركان و هاج لحد ما الولد نهد بالكاع يلة صعب عافة صاح بي

الصعب:-حلفت بغلاتهه انزلك دم بدل دموعهه حقيرر

علي:-كافي صعب السيارت كام تفوت منا

اخذنا صعب كوة و حسن ضل ممدد بالكاع السيارة صمت لحد ما ردنة نوصل صعب كال

:-شهاب تجي وياي

:-لا هسة تلكة ملاذ جايتلهه الجنيات لان تأخرت تذبهن علية و انة مالي خلك

علي:-خيبين ضلت بس ملاذ ما شايفهه

الصعب:-بس ترفع عينك عليهه اعميك ما شافهه الجلب

علي:-والله انت صاير تخوف على السويتة بالولد عمي و الكاظم نسوانكم مثل خواتي

شهاب:-خواتنة هم خواتك خوش

علي:-كلت نسوانكم لا تدخل

الصعب:-اكلكم حسن اخر شي يتنفس لو لا؟

شهاب:-هههههه يمكن لا

:-طبة مرض

نزل صعب و رحت وصلت علي رجعت للبيت متلهف اريد اوصل و اخابر دعسوقتي يومي ما يكمل بدون ما احاجيهه

………………………

مـلاذ

للغروب سمعت باب الشارع نفتح طفرت من مكاني خليت حجاب على راسي عبالي شهاب موجود فات صعب مبتسم و حالة مبهذل سد الباب و باوعلي

:-ها بابا

:-بابا؟ تحجي صدك وين جنت انتَ

:-شغل

كال هيج وفات لازم سترته و شامرهه على ضهرة

:-يا شغل هذا الي تضل بي لحد هل وكت

:-ملاذي بابا

:-اااششش صعب اااشش اطلع بره

:-بابا بس خل نفوت جوة

:-صعب اطلع اكرهك

:-تعبان ملاذ خل افوت

:-احجيلي وين رحت

قرب مني لزم ايدي سحبتهه منة و حضنتهن لصدري
:-وين جنت جاي اكلك استااذ؟

:-خل نفوت جوة و احجيلج

فتحتلة الطريق لزم ايدي و فات للاستقبال اتفاور اريد بس اعرف وين جان بودي الزمة و اذبحة

كعدني بصفة نزع جواريبه نزع القمصلة و طكك ضهره
:-احجي وين جنت؟

:-اول شي كليلي اكلتي صليتي سبحتي

:-سبحت و صلييت

:-اكلتي

:-لا انتضرتك

باوعلي بدون ما يحجي شي كام للمطبخ شوية و رجع مخلي الغدة الي جايبة بالصينية

:-تعاي

:-ما اكل اذا ما تحجيلي

:-اوكلج و احجيلج

نزلت يمة يسوي لفات صغار و ينطيني

:-بابا من اتأخر تاكلين معليج بية

:-ما اكل

:-و اذا ضليت ايام ما موجود

:-هم ما اكل

:-لا بابا عيني هذا التصرف ما اريدة تاكلين مالج دخل بية

:-انتضرك ناكل سوة

:-هيج متعلقة بيه؟

:-معليك يله احجي

:-شغل

:-جذاااب وعلي مبين اكو شي من حجي شهاب

عض على اصبعة و حجه
:-اهخخ ما اكدرله ابد

:-احجي يلة

:-ماكو شي بابا و عيونج هيج شغل لا تفكرين بي

:-صعب اني اخاف عليك والله من تروح بالي يضل يمك اكول خاف يصيرله شي

:-ما يصير شي وعيونج

:-زين شوف ترة باجر موعد الدكتور

:-اي بابا نروح

:-انت ليش هيج ملابسك شنو متعارك

:-لا سوينة سباق ركض و عثرت و ملابسي ندمرت

:-و وجهك

:-مو كتلج عثرت هو على وجهي

:-جذاب

:-كومي بغرفتج ارتاحي

:-و انت

:-اسبح و اجي

:-تعبان انت راح تنام

:-لا ابقى وياج لمن تنامين

:-جا نقرة و انت مو تعبان اني اقرة بمكانك

:-بكيفج بابا

:-يلة روح اسبح

راح و اني اخذت الكتاب فتت للغرفة تمددت الف فكرة و فكرة براسي اريد بس نخلص الكتاب اريد اخلص من الهم الي بكلبي فات صعب ينشف بشعرة شر الخاولي على الباب و سداة فات سويتلة مجال تمدد و سحبني على حضنة جنت فاتحة الصفحة و محضرتهه درت الكتاب علية

……………………

عودة الى الماضي

الصفحة الثامنة و العشرون

رُفيدة

بقينه كاعدين مر ساعتين و تلفون روح اتصل رفعته باوعتلي

:-ها؟

روح:-هادي

:-ردي

فتحت الاتصال اديهه ترجف اول مرة هادي يتصل عليهه
ما سمعت شي غير صرخة روح

قربت منهه ادية ترجف بلعت ريكي بخوف
:-روح شكو

:-عابس ما يعووفننني رفيدة ما يعوفني

طفرت من مكانهه تصرخ و تبجي تهسترت
:-عاابس كلي يجي ما يعووفنني ما يعوووفننني

اخذت موبايلهه اتصلت على هادي اريد افهم شصاير كامت تدك و تلطم

فتح خط كتله
:-السلام عليكم اني اخت روح شصاير؟

رد و صوته مبين علية الكسرة
:-وعليكم السلام البقية بحياتكم اختي

بلعت ريكي ما مقتنعه باليحجي شلون شوكت و ليش
:-عابس؟

:-انطاكم عمرة

:-شلوون شلونن

:-حادث سير

كال هيج نزلت التلفون مصدومة اباوع لروح كطعت نفسهه اجر بيهه اريدهه تهداء ابنها يصرخ محد يمهه

مر ثلث ايام روح بس صافنة ما تحجي شي و زادت  من شافت عابس دازلهه رساله قبل لا يموت بيوم كاتب

-روحاً عانقتهه سنين لكن اتخذت الدنيا قرارها لتبعدني عن تلك الروح عابس لن يكون الا معكِ

ابنهه تمرض حالتة سائت ما يرضع ابد و هي ما تحجي من اجيبة الها ترفض تشوفة حبست نفسهه بين اربع حيطان موت عابس جان صدمة النه و موت لحياة روح

بـقلم روح
شايف بدونك شلون اعيش!
روح بدون روح
مودعينك..يا بعدهم

.………………………………

سديت الكتاب الرجفة بجسمي ما سيطرت على دمعتي اولها جنت خايفة من صعب لا يلاحض الصفحة المخفيه و ثانيهه موت عابس الي وصل لصعب بهل فكرة
مسحت دمعتي اخذ الكتاب من ايدي لزمته بقوة

:-شبيج بابا

:-شنو

:-لا تبجين جيبي خل اخلي الكتاب

:-لا اني اخلي

سحبتة منه خليته على الميز سحبني لحضنة باس راسي

:-دموعج تكسرني لا تبجين يبعد ابوج

:-الله يرحمة صعب

:-كلنا على هل طريق متقبل هل امر

ردت احجي خله ايدة على حلكي
:-نامي

خليت ايدي على زندة صاح

:-اخخ

:-شبيك

:-يمكن مضروب هنا

:-انت متعارك شنو

:-لا اقصد من طحت نضربت
رفعت راسي بست ايدة

ابتسم و سحبني عليه يلعب بشعري
خلة ايدة جوه حنجي رفع راسي عليه بقى مركز عيونه علية سحب نفس قوي ضغط على ايدي و نزل راسة باس خدي مشة اصبعة على وجهي يتلمس بي

:-جمارتي عيونج اول معركه انهزم بيهه

بلعت ريكي دنكت راسي ثبت اصبعة جوه حنجي ما اكدر ادنك

:-عينج خليهه بعيني ارد اشبع من هل المعة البيهن

:-صعب

:-عيني

:-شنو وخر

:-مشتاقلج ملاذ مشتاقلج روحي رايحة بيج

:-اي بس وخر

باس طرف شفتي رفع راسه يباوعلي

:-تتمنين شي؟

:-ليش

:-تمني شي ببالج

:-شأتمنى

:-اي شي

:-امم تمنيت

:-يا عين؟

اشرتله على وحدة من عيوني ضحك و مد ايدة على نفس العين شوفني شعرة  واكعة من رمشي

:-هههه راح تتحقق امنيتيي

:-شتمنيتي؟

:-تبقى دوم وياي

ابتسم و كام بيدة الشعرة فتح الكنتور ما اشوفة شيسوي سد الباب طفة الضوه و رجع يمي لمني بحضنه

:-بابا شسويت

الصعب:-اشش نامي

بقيت ساكتة لحد ما غفيت بحضنة كعدت احس شي واكف فوك راسي بس فتحت عيني تخله شي على راسي جنت نعسانة ما متوضحة كدامي الرؤيا فتحت عيني اريد اشوف شنو شفت واحد واكف كدامي ما شفت شكلة مخلي المسدس بگصتي  …………

……………………
برق

كملنا تأثيث البيت و انتقلنا اله كاعدين ننضف بي و امي تسوي غدة

برق:-يمة تدرين شكد فرحانة و اخيراََ راح نعيش وحدنة

مهُرة:-كله من وراكم لحيتو لحد ما طلعتونه

:-ليش شنو جنتي شايفة بعيشتهم علمود هيج متمسكه بيهم

:-مهما يكون يبقون عمامج

:-هيج عمام منريدهم

سيف:-برق كلنة نتفق وياج بهل موضوع اله امي

:-ههههه اهم شي انت

مهُرة:-كيفتي على السوالف روحي نضفي برق

شمرت البيدي و رحت انضف ويه بيلسان لليل نهلكنه تعب نمنه اني و بيلسان و امي وحد و الولد وحد اول مرة ما ننام سوة حسيت بالغرابه بس جان شعور بداخلي فرحان

عمامي يجونة بس قليل اهل امي رجعو يتواصلون ويانة حتى امهه كامت تجينة و سيف رجع لدوامة

شفت بيبيتي كاعدة بغرفة امي فتت يمهه

:-ها شعدج كاعدة

:-شكد حشرية شعليج

:-اوي مو صوجج عود كلت بيبيتي خل اطمئن عليهه

:-برق انت بس لا تدخلين بالعالم كلها تصير بخير

:-مو صوجكم والله

عفتهه و كمت برة بيت عمامي يمنه علمود صارت فاتحه قريب علينة و كلهه باتت يمنة كعدت بالاستقبال لازمه تللفوني احجي ويا ملاذ صاحت عمتي

:-لو اعرف هاي البت شعدهه بالتلفون النهار كلة جا ارتاحيت

اشرت على نفسي كتلهه
:-قصدج اني

:-اكو غيرج

:-اي احجي وية رجلج

:-لسانج بطول النعال

:-بطول اخلاقج

:-ولجج برق

:-لا تصيحين انت ببيتنة

:-والله زمن الفكر من يصير بأضافرة طحين يتبختر علينة

:-اسألو نفسكم ليش عشنة فكر

:-ما مربايه

:-بس وي امثالج

فات سيف جان ستوه نازل و تعبان و احنه صياحنة ما اله والي

سيف:-برق فوتي جوه عمه كافي انت مو صغيرة احترمو البيت الموجودين بي

عفتهم و طلعت لغرفتي ثاني يوم من الصبح رايحين
شكد ما نبتعد ما يعوفونه بوكت المصلحه شكد حاولو ياخذون القطعة من عدنة بس امي و سيف اخواني كلهم وكفو بوجهم

ابتعدنا عنهم كلشي جنت احلم بي تحقق و اهمها عشنة بعيد عن عمامي صح ما عافونة بس افضل بهواي الشي

الوحيد الي بقه دراستي عفتهه بس بكل يوم احلم ارجعلها بس اشوف وضع اهلي ما يساعد لذلك ساكتة لبين ما تتخرج بيلسان…

.
.
.
.
.
.للحكاية بقيه

كلانا كتف للاخر♥
الوريد♪