رواية أنتقام الصفحه 27 (ترميم) الفصل السابع والعشرون 27 - بقلم خـلود الـ محسن

الكاتبة لورا
°°°°°°°°°°°
انستا lorai_alrwi
°°°°°°°°°°°
اشتركوا بقناة التليگرام لطفاََ
°°°°°°°°°°°
شـهاب
.........
متمدد بلاستقبال ساعه 9 الصبح فات صعب وجهه اصفر و شفايفه بيض وكف كدامي عدلت كعدتي باوعتله مستغرب من شكله

:-ها صعب شبيك

التفت وراه و رجع باوعلي
:-شهاب كوم نحجي بره لا تكعد ملاذ

:-ليش شكو شصاير

:-كوم

طلع كدامي عفت تلفوني و طلعت وراه
:-احجي صعب شصاير ملاذ بيهه شي

:-شوف شهاب خايف على رُفيده خايف بيها شي

:-ليش شصار

بلع ريكه خله ايده على شعره و رجع نزلهه كور قبضة ايده و ضربها بالحايط بقوه

:-شبيك صعب لا تسوي هيج اهدأ و احجي

:-وولك شأهدأ هااي رُفيده مثل امي اذا صار الها شي ما اسامح روحي ابد ولك ما خلتني اساعدها بس صووجي انه صوجي من وراي ما سويت الها شي

كلامه خوفني رفعت اديه مسحت وجهي ردت احجي وياه اهدي جسمه كله يرجف و عيونه حمر
مريض الرهاب او الفوبيا بهيج مواقف صعب التعامل وياهم

:-شوف صعب شو اهدأ سمي بالرحمان و فهمني ام ملاذ شبيها

:-شوف اليوم المفروض تجيب جناسيهم و فلوسهم كلشي يخصها تاخذه من عمام ملاذ تجي علينه و من باجر يرحون لبغداد لان لكت بيت هناك

:-اي و شصار

:-شوف هي عدها تلفون تحاجيني و تحاجي ملاذ منه بس محد يدري بيه لان تخاف يلزمون ملاذ كل ضنهم ملاذ شردت و امها ما تدري بيها وين

:-خوش

:-اتصلت عليه الصبح انه عبالي كملت كلشي و تريد اجي اخذها و انه من تتصل عليه ما احجي اله اسمع صوتهه خاف احد يعرفهه

:-اي و شصار

:-مو هي اجاني صوت واحد ضل يصيح بأسم ملاذ انه من شفت هيج سديت الاتصال و كسرت الخط خاف يعرفون موقع الاتصال

:-اي زين سويت بس شوف ام ملاذ شلوون معقوله نلزمت؟

:-ماا ادري شهاب هل سؤال ياكل بروحي بس خايف من شغله ولك روحي راحت

:-شنو صعب

:-سمعت واحد يمه يكله اذا ملاذ كلها البقيه بحياتج شهاب تعرف شنو رُفيده هااي خايف يصير بيها شي
بعده يحجي فزينه ثنينه على صوت ملاذ

الصعب:-ملاذ

اول ما حجه اتصل تلفونها
ثنينه صافنين عليها اكيد سمعت كلامنه مبين من رد فعلها

رفعت التلفون حتى ترد من شافت صعب اجه بأتجاهه رجعت ليوره و اني لزمت اييد صعب ما يعرف بنفسه شجاي يتصرف اخاف لا يسوي شي يندم عليه بعدين بقينه نباوعلها ثنينه فاتت للغرفه و صعب تخبل سحب ايده مني و راح وراهه بقه يدك على الباب و هي ما تحجي شي

:-شهااب حاجيها انت ما ترد عليه

يتوسل بيه مثل الطفل
فلتت ايدي منه ادك على الباب ما تحجي شي

:-ملااذ بس خل نحجي السمعتي غلط ملاذ تسمعينه وينج انت لا تردين على الاتصال

شويه و سمعنا صوتها تصيح بصوت عالي و صعب ويه صوتها تخبل يضرب على الباب قوي

………………………

مـلاذ

اتصل عليه رقم امي تهسترت شلون امي تخابرني و شلون صعب يكول بيها شي

فتت للغرفه و قفلت الباب خفت من شكل صعب خفت لا ياخذ التلفون و ما يخليني احاجيها
رفعت التلفون على اذني

:-الو

اجاني صوت عمي حافظته شكد ما جنت اسمعه شكدد ما عذبني ما راح صوته من بالي

:-ملاذ؟

:-وين امي

:-ملاذ وين انتِ احنه جايين ناخذج لا تخافين

اسمع صياح صعب و شهاب عليه و حجي عمي ما اكدر اميز شيي احس روحي راحت

:-اامممميي ووووييننن جاي اكول

:-موجوده بس مريضه كالت خابرو ملاذ تجي

:-مَ…ما مااامتتتت مو ما تعوفنني امي وينها خل تحاجيني وينها فدوه وينهاا

احجي و اشهك ما اكدر اسيطر على روحي
:-لا تغلقين تلفونج ابد راح اجي اخذج

:-بس كلي وينها امي

:-بالمستشفى

:-شششبيهههاااا

سد التلفون رجعت اباوع للشاشه اتإكد هذا رقم امي ليش عمي خابرني ما اهتميت تذكرت كلامه من يكلي لا تسدين التلفون خليته كدامي اباوعله كعدت دموعي تنزل  امسحها بطرف التشيرت مالتي اديه ترجف اريد بس يخلص الوكت و اروح صعب و شهاب كسرو الباب بالدك بس ما افتحه متأكده ما يخليني اروح

رحت كدام الباب رجليه ترجف ما تعيني امي شنو البيها و خلاها ما تكدر تحاجيني الف فكرة تدور براسي بس فكرة الموت غلبتهن كلهن ليش ما حاجتني ليش انطتهم رقمي اكيد بيها شي

قربت على الباب شهاب يحجي بهدوأ
:-ملاذ تسمعيني افتحي الباب اني اخذج

:-راح اروح

:-ووينن وينن ملااذ

:-امي هاي امي شهااب

:-ميخالف اني اخذج وعد بس فتحي

ردت احجي و صعب صاح
:-لجج ملاااذ شسوييتي خابرتتي منوو ملاذذ احجيي خابرتي عمامج مووو تدرين اذا لزموج شراح يصيرر

بلعت ريكي بعد ما اكدر اسيطر على جسمي منا امي منا عمامي من صعب وين اروح

سندت نفسي على الحايط بعد ما اكدر اوكف كعدت بالكاع خليت وجهي ببين رجليه و ضليت اصرخ بصوت عالي يمكن راح اروح للموت برجليه بس ميخالف اكيد امي بيها شي اذا ما ماتت اكيد للزموها ما اخليها تتعذب وحدها

غمضت عيوني و خليت اديه على اذني ما اريد اسمع صوت صعب و شهاب يخلوني افكر ما اريد افكر بهل لحضه اريد الوكت يخلص و اروح لامي روحي لايبه
عليها

شـهاب:-صعب اهدأ شوف فكر زين لا تتخبل عندك مفتاح ثاني للغرفه خل نفتحها

:-ااي ايي يمكن عندي

:-وينه جيبه

راح بسرعه لغرفته فتح الباب اباوعله كلب الغراض كلاب ما يكدر يسيطر على تصرفاته يفتح بالمجرات و يطشر الاغراض يدور بينهم كلب الغرفه لحد ما اجه بسرعه بيده المفتاح ايده ترجف يخلي المفتاح غلط تهستر و حگه بهل شي لان لو اجو عمامها اكيد راح يصير شي

اباوعله اديه ترجف ما يكدر يفتح الغرفه سحبت منه المفتاح و فتحت الباب كبل دفعه و دخل يباوع للغرفه فتت وياه ماكو ملاذ باوع وره الباب حاضنه نفسهه و كاعده تباوعلنه و عيونها ممليه دموع كعد مقابيلها لزم ايدها

:-ملااذ خابرتي عمامج خابررتيهم لو لا

:-امي صعب امي تريدنني

صاح بصوت عالي رج البيت
:-ششلوووننن ولججج شلللووننن وين اوديج هسه ويين
كال هيج و سحبها من ايدهه وكف يفتر بالغرفه و يسحل بيها وراه

شهـاب:-صععب عوفهاا بهذلتها

فلتت ايدها منه و وكفت وراي
:-شهاب اريد امي بس كله راح اروح الها هي رادتني خاف تموت ليش ما حاجتني

شهاب:-ملاذ عيني بس كولي مو خابرتي عمامج شنو كالولج؟

:-اي ايي همه كالو امي تريدني امي بالمستشفى عمي راح يجي ياخذني

صعب يجر نفسه كوه يصيح و يغلط
الصـعب:-خررا بعمامج خرا بساعة السوده العرفتهم بيها تللفونج وين

يصيح و يكلب بالغرفه لحد ما شاف التلفون على الجربايه اخذه و طلع السيم كارت كسره بأسنانه و شمره بالغرفه كمت ابجي بصوت عالي اريد اخذ التلفون و شهاب لازم معصم ايدي ما ييخليني اروح يم صعب
صعب باوع لشهاب كاله

:-شهاب شقتك فارغه مو

:-اي

ملاذ:-ووين تودينني ما اروح اني ماا اروح اريد امي شهاب مو كلت راح تاخذني حباب اخذني لا تجذب عليه
ما رد عليه سحبني من ايدي طلعني من الغرفه و صعب يمشي ورانه يكلب بتلفونه

:-اييديي شهاب عوفني

الصعب:-لك هل ك** وينه ويينه ما ييرد

:-صعب فدوة عوفني وين تريد تاخذني ما اجي وياك ما اريدك

:-اااششش اشش صووتج ما اريد اسمعه اخذها للسياره شهاب

شهاب مشه و اني سحبت نفسي منه كعدت بالكاع ابجي و اصيح ما اريد اروح صعب فات جوه شويه وطلع بيده المسدس

:-راح يجي عمي عوفني ما اريدك معليكم بيه روحو انتم
شهاب:-كومي يكتللوج ملاذ

رفعت راسي امسح بدموعي محد منهم يفهمني
:-شهاب فدوه بس افهم امي هاي هي تريدني خل عمامي يكتلوني بس ما اعوف امي اكيد صاير الها شي

دنك عليه يريد يلزم ايدي كمت بسرعه و ابتعد منه
باوعت لصعب خله تلفونه بجيبه و تقدم عليه رجعت ليوره و هو يتقدم عيونه حمر و وجهه عركان لزم ايدي بقوه عصرها بيده يحجي و كاز على اسنانه

:-صوتج اذا سمعته اذبحج امشي و انتِ ساكته

:-اذبحني ما اروح وياك

:-ما ترحين مو

باوع لشهاب
:-شغل السياره و افتح الباب الوره خل اشوف شلون ما تروح

طلع شهاب و صعب سحب قميصه من المشر البره خلاه على شعري و سحبني وراه

:-عوفننني افضحك والله افضحك بس تطلعني اكلهم راح يكتلوني

:-اذا طلعلج صوت ما تلومين بس روحج اياج تحجين شي

:-صعب فدوه

دار عليه عض شفته و يحجي بغضب
:-اشششش اشش حرف ما اريد

سحبني عليه و حاوطني بيده  مقربها من حلكي علمود خاف اصيح يسد حلكي

شفت شهاب فاتح باب السياره دفعني على السياره
الصعب:-فوتي

:-ما اروح كتلك

دار وجهه و رجع باوعلي بلل شفايفه
دفعني على الباب صعدني غصب مخلي ايده على حلكي خاف اصيح صعد بصفي و سحببني عليه خلاص عرفت ما راح اكدر اسوي شي استسلمت اله و رجعت ابجي على حال امي بس يكلب بتلفونه ما ادري شيريد يسوي

شهاب:-صعب شراح تسوي

:-علي راح يجي و يشوف شنو الوضع يمهم

:-خوش

وصلنه لشقة شهاب صعب لازم ايدي طول الطريق عاصرها عبالك راح اشرد

نزل و سحبني وره احس طاقتي خلصت ما اكدر اسوي شي بعد فتنه جوه اني و صعب و شهاب بقى بره
درت وجهي عليه اريد طريفه اقنعه بيها ياخذني لامي

:-صعب شوف

:-اششش صوتج صوتج ما اريد تحجين الحايط اله اذن اذا لزموج صدكيني ما ارحمهم و لا ارحمج

:-امي هاي صعب امي مو انت تكلي بابا ليش ما جاي تحس بيه مو تكلي أأذي روحي و ما أذيج جاي تأذيني
قرب مني لزمني من جتفي و دنك راسه عليه

:-انت تعرفين حجم المصيبه الخليتينه بيها رُفيده مو بسس امج لج هاي بمثابة امي عبالج بس انت خايفه عليها و رحتي تصرفتي من راسج لج كمم مره انه كايلج ما تحجين بلاتصال كممم مره يحجي بصياح و كل مره
يقوه لزمته الي

دفعته عني كارهته ما يدري شجاي احس تمنيته يجرب شعوري ما ادري بأمي عايشه لو ميته ما ادري لشنو جاي تتعرض و اني كاعده بين نارين لا اني الادري شبيها و لا اني الرايحتلها

:-اكرهكك صصعب اكرهك صدك مستعده اروح لاعمامي و اتعذب و ما ابقى يمك على اقلها راح اشوف امي كدام عيني

:-كرهيني بس ما ترحين

:-و لا راح اببقى وياك مستعده اشرد و لا ابقى وياك

:-افهممي خايف عليج ملاذ اذا لزموج يكتلوج و محد يطالب بحگج يكتلوج يكولون عار و دفنااه ساعتها شسوي انه

:-خل يلزموني اني اريد يلزموني امي جاي تتأذه بسببي يردون اتزوج ابن عمي اي اني موافقه عليه عوفني

ضحك و حضن اديه لصدره
:-مصدكه راح يزوجونج لابنهم بعد ما شردتي؟انت شارده منهم رجعتج يعني موتج تفهمين لو لااا رراسج بي عقل خل يستوعب شجاي احجي

:-وديني انت

:-لا حول الله انت شبيج للجج ششبييجج لج مشردج خاف يلزمونج ترديني ارجع اخذج
كل ما احجي حجايه يعصب اكثر و صوته يعلى اكثر

:-اشرد منك

بلل شفايفه بقه يفتر بالصاله و اني اراقبه لحد ما اتصل تلفونه شاف الاتصال و رجع سداه اجه عليه لزم ايدي و سحبني للغرفه

:-وخر مني ايدي جاي تأذيها

:-لا تحاولين تشردين اذا عمامج ما كتلوج ببذيج الساعه انه اكتلج دير بالج تفكرين تشردين

:-عوفنيي معليك بيه بصفتك منو تتحكم بيه

دفعني بالغرفه اجه كدامي لزم فكي بأيده و يررجعني ليوره

:-بصفتيي منو ؟ رجلج ست ملاذ

عافني و طلع سد الباب وراه بقيت ادك بي اريد يفتحه ماكو

:-صععب وين رايح لا تعوفني حباب

سمعت باب البره نركعت يعني طلع بره
كعدت بالكاع اضرب على راسي و اصرخ ماكو فايده محد منهم يرد عليه

شكد ما دكيت بالباب ايدي كامت تأذيني ما اكدر ارفعها
باوعت للساعه بعد ما تعبت صايره ب 12 الضهر ما منتبهه للوكت كمت افتر بالغرفه كل شويه افتح الباب ما ينفتح

:-صصعب الحقير الجلب وين رحت اول ما شفتك عرفت مجرم بس تجي اذبحك اني

كمت احجي اي شي يخطر ببالي اغلط عليه تمنيت يسمعني و يفتح الباب

بس ماكو اي فايده تمددت بالكاع الجو بارد بس روحي حاره اباوع للسكف و اتخيل امي كدامي شلون تعذبت حتى تشردني تخيلت لازميها و يأذوها كمت شغلت البنكه على العالي و كعدت بصف الباب حضنت نفسيي ادفيها ما ادري شجاي اسوي باوعت لايدي مورمه شكد ما ضربت بالباب

رجعت اضرب بي عبالك احد هنا و اريد يجي بس لا حياة لمن تنادي صعب و شهاب عافوني و راحو و امي محد يعرف شبيها عمامي شسوو ما اعرف شي ركيت راسي على الحايط دموعي خلصت بقيت اباوع بيدي كمت ابجي عليهن ما اكدر احركهن الجو برد كلش احس حروره بوجهي تلمست خدي وجعني يمكن جرحت وجهي بدون ما انتبه غمضت عييوني لهنا و يأست من الصبح للساعة ب 10 بليل محد اكو

كمت اسمع صوت مطر شويه شويه صوت الرعد بده يعلى و المطر يزيد غمضت عيني اخاف من صوت الرعد طفت الكهرباء طفرت ممن مكاني اتلفت

كمت اصيح بصوت عالي عسى و لعل صعب يجي
:-صصعبب وينك صععب اخاف وحدي والله

ضلمه ما اشوف شي بقيت اتلمس بالكاع اريد اكعد بزاويه مشيت على ركبي لحد ما وصلت لزاوية الغرفه كعدت بيها حاضنه روحي بقوه و ضامه وجهي خاف اشوف شي

:-ص…صعب وين رحت عني ما اشرد تعال

بلعت ريكي اجر بنفسي اريد اهدأ ماكو شي ليش اخاف ليش افكر بس خوفي من الجنانوه سابق كلشس بحيث مغمضه عيني بضلمه خاف افتحهن و اشوف شي
…………………
شهــاب

طلعنا من البيت صعب يتفاور حجايه و الثانيه و غلط على عمام ملاذ كام يشبج يغلط على ذول و يغلط على ذول
اسوق كل شويه اباوعله طلع حبوب من الجكمجه شرب حبايه يهز ببرجله و يباوع للتلفون هو احنه رايدين علي و رايحيله شيسوي بالتلفون ما ادري

:-صعب

:-ها

:-ليش ما ضليت يم ملاذ شلون تبقى وحدها

:-ما عليها شي

:-ما عفت يمها تلفون خاف نتأخر

رفع راسه صفن عليه شويه و كال
:-شهاب اخر مره تتفلسف براسي الوم علي من يكول شهادتك مزوره

:-صعب خايف عليها والله

:-و انننيي شنو كدامك ما خايف عليها

:-اعصابك يابه

:-كون الزم عمها الديوث والحق اطلع حكها من عيونه يابه لو رُفيده صايرلها شي اشرب من دمه

:-شراح تسوي هسه

:-خلي نوصل لعلي و هناك نتفق

:-خوش

وصلنه لعلي صعد وره و صعب نزل صعد يمه صفيت السياره بمكان فارغ صعب بده يحجي لعلي على السالفه حجاله كلشي بتفصيل

علـي:-زين هسه شنو المطلوب مني

:-راقبلي عمام ملاذ شراح يسوون و بلغني بكلشي و اني راح اتأكد من ام ملاذ ما بيها شي

:-هاي هيه

:-يله توكل هسه يوصلون لبيتي

نزل علي و صعد الدراجه مالته

الصعب:-شهاب روح لمنطقة*****
هاي المنطقه نفسها عايشين بيها عمام ملاذ

وصلنه و صعب نزل ردت انزل باوعلي من الجامه
:-لا شهاب لا تنزل انت

:-جا وين اروح صعب ما اعوفك وحدك

:-لا شهاب اكو شي لازم تسوي تحسباََ للوضع

:-شسوي

:-شوف تروح تسوي عقد زواج بأسمي و بأسم ملاذ مزور خوش و تسوي بتارييخ الي تزوجنه بي يصادف …/…

:-خوش بس صعب مو اخابرك و ما ترد تره ارجع عليك

:-لا كمل شغلك و ارجع عليه

:-هاي هيه

راح صعب و اني بوجهي للمكتب مالتنه هل شغله سهله علينه بسهوله سويتلهم عقد زواج باساميهم و بالتاريخ الرايدينه كملت كلشي خابرت صعب

:-ها صعب وينك

:-كملت؟

:-اي كملت

:-العقد خلي بسيارتي و بوجهك تروح تتأكد من الشقه مقفوله لو لا و شوف لا تخلي ملاذ تشوفك تتخبل عليك بس تأكدبي منهه موجوده لو لا

:-شبيك صعب وين تروح اكيد موجوده

:-تأكد منهه خاف تسوي شي

:-خوش

خليت العقد ما ادري شنو نية صعب من هل شغله بوجهي رحت للشقه تأكدت منهه مقفوله خفت على ملاذ خاف
بيها شي فتت جوه قربت لباب الغرفه بقيت هوايه  واكف سويت تلفوني صامت خاف واحد يخابرني و تحس عليه ما اكدر احجي لحد ما سمعته دكت الباب تأكدت منها موجوده طلعت و قفلت الشقه

خابرت صعب ما خايف من ملاذ تجفص بشي كد ما خايف من صعب
:-الو

:-ها شفتها شلونها ما بيها شي

:-اي موجوده

:-خوش

:-هسه انت وين

:-بالمكان نفسه تعال

رحت اله كاعد على مصطبه بعيده عن البيت و يباوع عليهم

:-ها صعب

:-شفت ملاذ

:-اي مو كتلك رحتلها

:-شلونها

:-هو شمدريني شلونها غيير كتلي لا تشوفها

:-خوش اكلك

:-ها

:-كم مستشفى قريبه منا؟

:-خل اشوف على الموقع مالت المنطقه

:-تأكد لان جذب ماكو فاتحه معقوله اكو بيت عدهم احد ميت و هيج هدوء؟

:-خاف همه ما يسوون فواتح

:-جؤ ماكو شي تأكدت لو اكو شي على اقلها جيرانهم او اي احد يجي عليهم هنا ماكو شي خل نفتر على المستشفيات و ننطي اسمها

:-شلون ما ينطونه معلومات مريض و اذا نجي للواقع احنه ما عدنا صلة قرابه بيها ما راخ يينطونه شي

:-هوية علي موجوده و هوية ابوك موجوده على اساس احنه من السلك العسكري و نريد معلومات عن المريض كل واحد بينه يفوت بوحده و هيج راح نفتر كل المستشفيات ما نضيع وكت

:-خوش

طلعت موقع المنطقه حددت كل المستشفيات البيها و صعب خابر علي اتفق وياه رحنه على علي اخذنا الهويه و مرينا لبيتنا اخذت هوية ابوي بدون محد يدري كل واحد بينه راح لمستشفى كل شويه صعب يخابرني بس ماكو عنها معلومه فص ملح و ذاب صارت ب 6 العصر رجعت لصعب خابرنه علي يجي علينا كعدنا بره منتضرين علي و صعب ما يحجي شي

:-صعب

:-ها

:-هسه شتكول يعني يجذبون

:-اي جذب

:-شلون

:-ما ادري بس على الاغلب من رادت تاخذ الجناسي و فلوسهن عرفو بيها و لكو التلفون عدها لذلك اتصلو عليه و على ملاذ لان بس هل رقمين بتلفونها

:-زين صعب انت ليش ما ساعدتها و شردتهم

:-ما تقبل اني اكدر اسويلهم جناسي مزوره و اني اساعدهم بالمصرف بس رُفيده راسهه يابس ما تمسع الحجايه ذهبهن فلوسهن كلشي اخذو منهن احمد حتى وكت موته جان غلط ليش ننخلق بهل دنيا

:-هسه شنسوي

:-هم ما ادري اكلك

:-ها

:-ملاذ ما ماكله شي من البارحه

:-من نروح ناخذ الها شي ويانه

:-خاف صار بيها شي

:-جؤ لا تفاول ماكو شي

:-أذيتها اني؟

:-لا

:-كالت اكرهك

رفع راسه باوعلي عيونه حمر و يحجي بتعب
:-وكت العصبيه كلشي ينحي و هي جانت منهاره اكيد تحجي هيج

:-راح اعوضها على هل يوم

:-الله كريم هسه خل نحل هل سالفة

شويه و صف علي يمنه كبل كام صعب
:-هااا علي شصار

كعد يمنه
:-ماي ماي الله لا ينطيكم اني الله بيش ورطني

شهاب:-احججي عوف الماي

الصعب:-شهاب كوم جيب ماي بسرعه

:-لعلي ما اجيب

:-شهااب مو وكتك

رحت بسرعه لمحل كدامنه جبت ماي و رجعت انطيته لعلي يشرب على كيففه

الصعب:-يله علاوي حبيبي احجي

:-لوكي

:-جؤ علي احجيي

:-شنو اجو لبيتك عمامها صورتهم الك

:-ايي و شصار

:-كام يهوبزون كدام المنطقه رادو يفتحون الباب و الجيران كلها التمت و عارضو هل شي ما فتحو الباب نوب اني فتت بنص الهوسه سويت روحي واحد من اهل المنطقه

:-ايي شكالو همه

:-يكولون خاطف بتنه بس الناس كلها وكفت ضدهم و ضلو يمدحون بيك اي من شفت الناس هيج كلت لعمامها

:-هذا صارله سنين عايش هنا محامي و يبات بره البيت علمود شغله اذا عرف بيكم هادين على بيته يفوتكم بقضيه الها اول ما الها تاللي

:-اي عاشت ايدك

:-اي عمها مدري شيصير منهه المهم واحد خيخه كال نشتكي عليه هو خاطف بتنه ناخذها و نخليها هي تقدم شكوه. كتله

:-شوف عمي اني واحد من الشاهدين على زواجهم و بموافقة البنيه لا تورطون روحكم اكثر من هيج

الناس من شافت كلامي كلها كامت تحجي من شافو موقف اهل المنطقه نسحبو

:-خوش يصير خير

:-هسه شنسوي صعب

:-ما نسوي شي همه اليسوون يله نكمل شغلنه و نرجع
:-خوش

رجعنا الهويات و علي راح لشغله

صعب راح للمكتب رحت وياه يوم جمعه ماكو شغل بس صعب اكو شي بباله بقيت كاعد وياه عرفت بي جاي يحضر بقضية تهجم على بيته على اساس هو مسافر لغير محافظه و بيته تعرض لتهجم للساعه 11 بليل كامت تمطر و ترعد صعب عاف البيده صاح عليه

:-شهاب جيب عشه لملاذ خل نرجع للبيت ملاذ تخاف من الرعد

:-خوش امشينه هنا مكان قريب اخذ منه و نروح

:-يله

قفلنا المكتب و طلعنا صعب صافن على الطريق و اني اسوق

:-صعب

:-ها

:-لا تسوي شي لملاذ خطيه

:-لا شهاب من تشوفني راح اأذيها اخذها من يمي من افقد ما ادري بروحي

:-بس على كيفك انت ما راح يصير شي كلشي جوه ادينه

:-اي

نزلت جبت عشه وصلنا للبيت صعب كبل صعد كدامي فتح الباب لكاهه ضلمه كام يصيح بالصاله

:-ملاااذ ملاذ ويننجج

شهاب:-صعب بالغرفه شبيك

شغل لايت تلفونه و راح بسرعه للغرفه فتح الباب عفت البيدي و رحت يمه حار شيسوي

ملاذ

سمعت صوت صعب اريد احجي ما اكدر جسمي كله مثللج و الخوف جان مسيطر عليه خاف اسمع حجايه منه تكسر روحي

جسمي نحلان لان ما ماكله من البارحه فات للغرفه يتلفت رفعت راسي ما اكدر احجي كلمه دار عليه اللايت و اجه بأتجاهي كعد كدامي و سحبني عليه

:-ملااذي بابا بيج شييي

كمت ابجي بصوت عالي و اشهك
:-امي امي وينها

:-ما بيها شي والله ما بيها بابا جسمج ليش بارد كومي لبسي شي

صاح بصوت عالي
:-ششهاااب ششهااب وينك شبيها الكهرباء

:-راح اشوفها

طلع شهاب و صعب نزع الجاكيت مالته لبسنياه
:-بابا شبيج

:-ارريد اممي اريدها فدوه

:-ما بيها شي والله و عيونج ما بيها شي اهدي

سحبني لحضنه يحرك بيده على جتفي
:-طفت صارت ضلمه و محد يمي

:-اشش اني اجيت ما اعوفج

:-شفت امي انت شفتهه لو لا

:-اي شفتهه ما بيها شي

:-لعد و تلفونها

:-ماكو شي ضايع منها التلفون و همه خابروج بدون ما تدري

:-يعني ما بيها شي سألتك عليه خابرها اليي

:-لا هسه ما نخابرها مو تخافين عليها بعدين من تهدأ الاوضاع نخابرها

:-بردانه اني صعب

كام من يمي جاب غطه من الجربايه لفاني بي و كعد كدامي حاضني

اشتغلت الكهرباء غمضت عيني بقوه من الضوه رفع راسه شاف البنكه مشتغله طفاهه و رجع يمي حضني

:-صعب صارت ضلمه بقيت ابجي و اصيح عليك اريد تجي ليش تعوفوني

:-اشش للا تبجين اجيت ما اعوفج

:-ايدي صعبب

:-شبيها بابا

رفعهن يباوع عليهن وارمات ضل يبوس بيهن
:-ليش هيج بابا

:-ادك على الباب اريد تفتحه الي خفت وحدي

:-هسه اعالجهن كومي اكلي

:-ما اريد معدتي توجعني

:-اكلي و تصير زيينه يله

:-لا ما اكل خل اشوف امي اول شي

:-جؤ مو تردينهه تضل زينه اذا رحتي تشوفينهه راح تتأذه علمودج يله كومي ناكل سوه اني هم جوعان

وخرت من يمه مسحت عيوني و خشمي بقمصلته
:-اعع ملاذ بعد ما البس هاي القمصله

قربت منه سحبت طرف قميصه و مسحت خشمي
:-تلعب روحك مني روح مناا اصلا اني اكرهك

:- لا اصلا عسل يله كومي اكلي و بعدين كرهيني
كمت وياه شاال الغطه خلاه على جتفي

مشاني للجربايه
:-كعدي هنا هسه اجي

مشه خطوتين صحت وراه
:-لا تقفل الباب

:-لا بابا ما اقفله

طلع شويه و رجع بيده صينينه خلاها كداميي
سوه لفه صغيره

:-بعد ما اعوفج

:-عفتني

:-اكلي بعدين نحجي

اكلت و كل مره يسويلي لفه يمسح حلكي وراه
:-شبعت

:-اجيبلج ماي

:-اي

كام من الغرفه شويه و رجع سد الباب و فات بيده بطل مي شربت و رجعه

:-تنامين

:-اي

اجه من الجهه الثانيه خله مخدته على راس الجربايه كعد نص كعده و فتحلي ايده

:-تعاي

:-ما احجي وياك

:-ميخالف تعاي

:-احلف امي ما بيها شي

:-و عيونج و ماكو اغلى منهن امج ما بيها شي

:-جا اني ما احجي وياك

:-تعاي هسه ارضيج

:-لا ما ارضه

:-تعاي تعاي

سحبني عليه خله ايده جوايه و سحبنني على صدره
سحب الغطه عليه

:-بردانه

:-دفيت

:-شبعتي

:-اي

:-تردين شي اجيبه الج

:-لا

:-بعدج زعلانه

:-اي ما احجي وياك

:-ليش

:-صحت عليه و جعصت ايدي و كتلي اذا حجيتي اذبحج خليتني حتى شهكاتي اكتمها من الخوف

:-خفت عليج انت ما تعرفين عمامج شيسوون اذا لزموج هاي سووها خطه علمود تردين عليهم حددو موقعج من الرقم مالتج

:-اي جا مو تصيح عليه

:-اخر مره

:-ما اصدكك

:-بس لا تسوين شي تخليني اصيح عليج ندمان لان صحت عليج

:-اديه تأذن من وراك

:-ليش ضربتيهن

:-عبالي راح تسمعني

:-يله ميخالف

:-اوكف اني لو حاجيه بالسياره صدك تذبحني

:-لا وين هو اني سجينه ما جنت شايل

:-جا لو ذابحني بالمسدس

:-وين لكيتيها هاي

:-راسي يوجعني

:-لان جنتي ما ماكله

:-شايف هي مو طفت و صارت ضلمه كامت ترعد و اني كمت ابجي كعدت بالزاويه خفت لا الجني يجيني

:-ماكو شي لا تخافين

:-من انت اكو اني ما اخاف لان الزم ايدك

:-شصار من رحت

:-غلطت عليك

:-همم شكلتي

:-كلت جلب و كلت مجرم و حقير

:-اممم صح اني حقير

:-لا هسه صرت حباب بس من عفتني و صحت عليه صرت حقير و خفت منك

:-نامي يله كااعده من وكت انتِ

:-اي العب بشعري

:-اي

رفع ايده يلعب بشعري باس راسي و بقى قريب كال
:-صحت بيج لان كلتي اتزوج ابن عمي لا تحجين هيج يمي

:-علمود امي اني اكرهه

:-لا تحجين شي علمود شي تندمين بعدين دام انه وياج ما اخليج تتأذين

:-امم

رجع يبوس بشعري و يتنفسس بي احس بحرارة انفاسه بشعري

الصـعب:-كون ابوس عيونج و امسح تعبهن تعبني

:-خوش عود نام يله و لا تتنفس بشعري

:-انت وجه اهتمام

:-لا

:-منو الصبح تبجي و تصيح و هسه صارتلي نچره

:-مو من انت تحبني و حباب اني اصير نچره و من انت عصبي و تصيح اني اخاف

:-خافي من الدنيا كلها و لا تخافين مني

:-اممم مرغ شعري زين

:-اي

تمدد عدل دار على جهتي خله رجله فوك رجليه و بقى يلعب بشعري جنت نعسانه فعلا و محتاجه انام غفيت بحضنه

جنت بمكان فارغ بس درت وجهي ابن عمي رفع مسدس عليه ويه ما رمى فزيت مخروعه

كعد صعب قبلي
:-اسم الله اسم الله

:-وين اني

:-يمي بابا اني وياج لا تخافين مجرد حلم

دار وجهه جاب بطل المي من الميز فتحه و نطانياه
:-شربي

اخذته من شربت و انطيته اله رجعه لمكانه سحبني عليه ضل يحرك ايده على راسي و يقره المعوذات

:-تتمددين

:-اي بس اقره قرأن لمن انام

:-اي

رجعت تمددت و صعب بصفي يقره قرأن بصوت ناصي لمن نمت
فزيت حسيت واحد مخلي ايده على وجهي فتحت عيني متنحسه شفت صعب كدامي

:-جؤ وخر ايدك

:-كومي تريكي

:-نعسانه

:-كومي شكد نمتي

:-اممم معليك وخرر

سحبت الغطه غطيت وجهي سحبه مني
:-اكعدي بابا

فتحت عيني طارت نومتي
:-شرايد

:-تكومين لو اعاقبج

:-ما اخاف منك لا تفرح

:-همم ما تخافين مو

:-اي

قرب مني خله وجهه بركبتي حجه بهمس
:-اكمل لو تخافين

:-وخر

:-تخافين؟

:-لا ما اخاف

:-ثبتي ما تخافين بله

:-كتلك ما اخاف

سحب نفس من ركبتي قرب وجهه اكثر خشمه طخ بركبتي احس جسمي قشعر

:-صعب حباب وخر

ما حجه شي باس ركبتي و رفع راسه باس شفتي من شافني هادئه ما سويت شي باسني بقوه

دفعته من عندي
:-وخرر شبيك انت

رفع راسه باوع بعيوني مبتسم درت عيني منه ما اريد اشوف وجهه شيكول عليه هسه ضعفت كدامي

:-طعمها طيب و انتِ راضيه

:-وخررر اخر مره هيج تسوي دفعته ابتعد يضحك كعدت و درت وجهي

:-صدك طلعتي ما تخافين

:-صصصعععبب

:-اشش اشش بنت الحلو صوتج

:-شهاب بره اريد اطلع اغسل

:-لا بشغل

عفته و كمت غسلت اجه ورايه للمطبخ
:-يله تعاي تريكي بس احمي الجااي عليج الله

:-ما عليه

:-حبابه هذا شهاب سوه الجاي ما عنده من ذيج الجداحه

:-اعتذر مني و احميي

:-عليمن

:-ما ادري بس اعتذر

:-يله اسف لان بستج و انت رضيتي

:-شبيك انت شبيك ما رضيت

:-يله يابه ما رضيتي

:-اعتذر يله

:-اسف يابه

درت وجهي خليت الجاي على الطباخ و صعب خله الصينيه على الميز كمل الجاي و كعد يسويلي لفات و يوكلني

:-اليوم ليش ما رحت للدوام

:-البارحه خلصت كل شغلي بالمكتب علمود اليوم اضل وياج و شهاب موجود

:-شوكت نرجع للبيت

:-بس يخابرنني علي

:-خوش

كملنه اكل هو شال الصينيه و اني طلعت بلاستقبال اباوع على البلازما اجه صعب يمي نباوع بدون ما نحجي لحد ما اتصل تلفونه كال

:-يله ملاذ كومي

:-راح نرجع

:-اي

كمت وياه رجع لبسني قميصه مثل الحجاب اذا يشوفني واحد بهل حاله يضحك عليه

كضيناها مناكر بالسياره لمن وصلنا للبيت نزلت و صعب نزل لزم ايدي ويه ما فتح باب الشارع صفن سيارتين كدام باب بيتنه صعب خلاني وراه و صار
كدامي نفتح باب السياره و نزل………
………………………………
بـــرق

بداية كورونا هوايه عانيت بلاخص اني اعاني من صعوبه بالتنفس كوه افتح عيني اشوف امي كدامي تقره قرأن مرات اشوف بيلسان تبجي اشوفهم و احس بيهم بس ما عندي طاقه احجي من شافو حالتي هيج نقلوني مستشفى

سيف:-ها بررقي شلون صرتي

ابتسمت و غمضت عيني
:-احسن

:-يابه كوممي اريدج تفحطين السادس انت مو مريضه تجذبين خايفه من الامتحانات

اسمعه يحجي بس مالي خلك ارد
:-جبتلج هديه وياي من بغداد بس تكعدين انطيها الج اذا ما كعدتي انطييها لبيلسان

:-لا مالتي

سمعتهم يضحكون صاح اريان
:-برق الب*** مفتقدينج ولج

سيف:-انجب والله ليحجي عليها

:-ههه اشاقه وياهه عمي

بقيت ثلث ايام بالمستشفي وراهه طلعت بالبيت بقو اهلي يعتنون بيه لحد ما صرت زينه و تشافيت من المرض
رجعت اقره بس بدون واهس كل فتره متاجله الامتحانات

لحد ما تحددت و امتحنت بالف يا روح كملت رجعت اخر امتحان طايره من الفرح اول ما فتت للغرفه صحت

:-هههللهووووله

كامت بيلسان طكته هلهوله و يامان واريان يركصون ما ادري عليمن بس فرحانين

ثاني يوم رحنه للنجف زرنا قبر ابوي خليت راسي علي القبر و حجيت بيني وبينه احس يشعر بيه

:-بابا ااوعدك الجيه الثانيه ناجحه و اخليك تفخر بيه

كمنه من يمه كل ما اجي هنا احس افرغ كل طاقتي

السلبيه رجعنا للبيت انتضرت النتائج على نار لمن طلعت سيف واكف يفتر يكلب بالتلفون امي تدعي الولد كل

واحد لازم تلفونه و بيلسان كاعده ترجف احسس روحي مبهوته لحد ما سيف صاح

:-نننااجححه ناااجحححههه

اول ما كال هيج اريان شالني و بقى يفرني و امي بس تريد تلزمني صار هواي ما فرحانين هيج فرحه

سوينه ثوب لام البنين لان فعلا اني بفترة السادس مريت باصعب ضروف مرضي و مشاكل بالتنفس و كورونا

مشاكل عمامي كلها التمت علينه بس الحمد لله عوضني بالنجاح

بيلسان:-برق بعد ما تتحاجه صارت طالبه جامعيه
:-ههه لعد شعبالكم

:-بس كون تكبرين و بعد ما تفضحينه و تعاركين كدام العالم

:-شمعاركه هسه اني همه يعيلون

:-اي صح حكج

:-والله لو يصير عمري 100 سنه هم ابقى اعارك
فات اريان صاح على امي

:-حجيه

:-ها

:-اكلج اريد اتزوج شني ما تحسون انتم

:-لا والله اكو ثلاثه اكبر منك يتزوجون يله انت تفكر

برق:-ششنيي حجيه اني صرت جامعه زوجوني

:-تحلمون

كالت هيج و احنه نتعارك للضحك لحد ما فات سيف كال
:-انه ما اتزوج لمن ازوجكم كلكم

:-خوش اخ انت اني اريد اتزوج

:-لا ازوجهم كلهم الا انت برق ما ازوجج
كمت حضنته

:-عادي ابقى على كلبك

:-ضحك و سحبني عليه يدغدغني

التحق سيف و بده التقديم حسيت روحي مو مستعده ادرس جامعه و جانت بيلسان جامعه و الولد دوامات الصرف هواي رحت لامي

:-اكلج يوم

:-كولي

:-اني ما اريد اقدم احس هل سنه تعبت خل أاجلها

:-لا شتاجلين هي كم سنه اكضيهن و بعدها ترتاحين

:-لا يوم حبابه بس هل سنه ارتاحهه و ادرس طلاب
بالبيت وراهه عود اداوم

:-اذا تشوفين روحج ما تكدرين براحتج

:-اي خليها على السنه التجي

امي حاجت سيف ومن عرف اني رايده هيج وافق
بدو دوامات و اني بقيت بالبيت اخذت طلاب فات سيف عصبي و يصيح

:-برق وين امي

:-جوه

فات و اني رحت وراه صاح
:-يمه رفعت راسهه من المكينه مستغربهه

:-ها

:-هذا البيت بعد ما النه ضله بي……يتبع

.
.
.
.
.للحكايه بقيه

كلانا كتف للاخر♥
الوريد♪

عذرأ صار خلل بالبارت ونشرته من جديد لان محذوف نص من البارت