رواية أنتقام الصفحه 27 (ترميم) الفصل الرابع 4 - بقلم خـلود الـ محسن

حساب الانستا lorai_alrwi
:::::::::::::::::::::::::::::::::::::
أبعيناكِ سحرا ام انني من العاشقين
𓍯𓍯𓍯𓍯𓍯𓍯𓍯𓍯𓍯𓍯𓍯
*لما بعيناك حزننا ماذا حدث لك حتى انطفأت
-قتلوني وانا على قيد الحياة
*لكنك على قيد الحياة
-مُتعب منها
*صارحني
-لا اعلم بأي شيء اصارحك لكن عندما اغمض عيناي ارى الملاذ امامي. ♡シ︎
::::::::::::::::::::::::::::::::::::♡
صوتوا للبارت
.......
سمعت صوت حمحم وكال
::-صباح الخير

استغربت من هل صوت منو هذا ما سامعته رفعت راسي عكدت حاجبي مستغربه هذا نفسه الي يجي على عمو ابو

رُفيده سديت الباب ورايه و رديت بصوت ناصي خايفه اول مره رُفيده مو ويايه

::-صباح النور عمو ما موجود تعال العصر
::-اي اعرف بي

::-محتاج شي
::-اليوم ليش وحدج؟

::-شنو؟ ليش انت مراقبني
حضن اديه لصدره و ابتسم كال
::-اسمج روح؟

::-ما عليك بيه مرة لخ بس تحجي وياي اكول لعمو عليك انت هنا تجي تشتغل و بس

::-كلليله بويه انه جاي بالحلال
::-شتريد انت

::-رايدج روحايه
رفعت اصبعي السبابه بوجهه كتله

::-اسمع اخر مره تتجرأ و تحجي وياي مفهوم
::-ليش يباا؟

عفته و مشيت بطريقي كل ما اباوع ورايه الكاه يمشي خوفني هذا شيريد عايزني اني وكفت بنص الشارع درت وجهي عليه كتله

::-شبيكك لا تمشي ورايه هسه الي يشوفنه شيكول
::-اريد احجي وياج

::-و اني ما اريد يله وليي مناا
::-براحتج

عفته و مشيت بسرعه درت وجهي بس ماكو يمكن راح وصلت للمدرسه و اليوم كله بس اتذكر بكلام هذا الولد

و ابتسم اول ما وكعت عيني عليه
عجبني بس ما توقعت يحجي وياي

حرت احجي لرُفيده لو لا خلص الدوام و رجعت بس ما شفته سبحت و تغديت رحت لرُفيده لكيتهه كاعده على

المرجوحه و كَ العاده صفنه تاخذهه و صفنه تجيبيها كعدت يمها بس ما حست عليه ضليت احرك بأيدي كدام وجهه باوعتلي مستغربه كالت

::-ها شبيج
::-وين صافنه
::-بحبيبي ههههه
::-هاا رُفيده تحبين و اني ما ادري

.............
عوده الى الحاضر
ملاذ

خلصت الصفحه ردت بس اخلصها رغم متشوقه اعرف شنو النهايه بس شفت الصعب حالته تعبانه اساسا ما

ردت اقره الييوم بس هو اصر عليه سديت الكتاب و باوعتله عيونه تحجي حجي هواي بس ما اعرف افسره

بعيوني شي يختلف عن شخصيته تماما ما حجه اي شي خليت الكتاب على الميز و سحبت ايده خليتها ابين اديه رفع راسه و باوعلي كال

:-روحي نامي اليوم تعبتي
:-ما نعسانه

ضليت لازمه ايده و اباوعله بس هو ما يسوي
اي شي بس يباوع لكدامه كتله
:-شبيك صعب
:-ما بيه شي

:-احجيلي اذا مستحي مني اعتبرني انعكاسك بالمرايا و احجي صدكني كل التحجي بينه ما يطلع للموت اعتبرنيي

روحك و احجيلي همك فرغ حزنك لا تضل
بارد بالضاهر بس بداخلك اكو انهيارات
كال و هو مركز عيونه بالگاع

:-محد يفهم ملاذ
:-لا تضن محد يفهمك يجوز رب العالمين
سوه كل هذا اذاني و مات ابويه عيشني ويه عمامي و تأذيت و ابتعد عن امي بس في سبيل التقي بيك و اكون

ملاذ الك صح كدامك ااني الانسانه الغبيه يلي تضحك على اتفه شي و كل وكتهه مشاكل وياك بس صدك عندي

شخصيه ثانيه لحد الان ما ضهرت كدامك جانت ايده بين اديه من حجيت هيج بقه يضغط على ايدي يعصرهه و يرجع يخفف الضغط كتله

:-احجي شي صعب
ما رفع راسه عليه كال

:-عادي انام بحضنج تلعبين بشعري
ابتسمتله رغم خوفي من كل الناس بس الصعب احسه يختلف عنهم اشرتله براسي معنى اي كال

:-لا لا روحي نامي
فلتت ايده و رفعت رجليه ع التخم تربعت كتله
:-نام

سوه مثل ما كلت تمدد على التخم و خله راسه على رجلي مخلي ايده على كصته ضام عيونه ضليت العب بشعره و الهدوء سيد الموقف كال

:-خو ما رجلج كامت تأذيج
:-اي بله شثكلك انت دوخر مردت رجلي

كال
:-خوش دام هيج ما اكوم لان مرتاح
ابتسمت كلت خل اصير زينه وياه عاد بس اليوم كتله
:-اني هم مرتاحه
سمعت صوت ضحكته كتله

:-ها شبيك تره ما سولفت نكته كال
:-الله يديم الراحه بويه
:-اكلك شي بس ما تضوج
:-اممم

:-اليوم ليش هيج صار وياك
:-تعبان ماكو شي لا تفكرين
:-مـتأكد
:-اممم

:-صعب ليش امي خلتني يمك
:-ملاذ راسي يأذينني مرغي حيل

:-اكلك اشو انت صاير تتأمر عليه تره بس اليوم اني ما اتحمل اصير لطيفه هلكدد

:-ما تكدرين لازم تجفصينهه
:-اكلك شبيكم ياهو الي يشوفني يكلي تجفصين اني شوكت جافصه

ما رد عليه اوي شكد اكره هيج واحد بنص السالفه و يسكت بقيت العب بشعره شسوي و اغثه كمت امشي

بطرف اصابيعي يم اذنه جنت اذا اريد اغث امي هيج اسويلهه تبقى تغلط عليه ضليت امشيهم على اذنه بخفه هو ساكت بلاخير كال

:-جؤ كاافي
ما رديت عليه نزلت ايدي على ركبتهه كوه حابسه الضحكه وخر ايده من عيونه و باوعلي عاگد حواجبه گبل سحبت ايدي كال

:-شبيج ملاذ شهل حركات
:-اريد اغثك
:-كومي نامي
:-ما انعس
:-مو بكيفج كومي ماكو سهر

كام من حضني احس رجلي شثكلها نزلتهه كوه لان منمله كلش اكره رجلي من تنمل و اول ما تفك تبقى تبز بيه

:-ييممهه رججللي
باوعلي و حجه بخوف
:-ها شبيج

:-يممهه ابو صماخ رجلليي نمللتت من وراكك
ما رد عليه كام يضرب على رجلي خفيف لحد ما فكت كال

:-هاا
:-فكتت
ردت اكوم ولزمني من اذني كال
:-ياهو ابو صماخ

:-هاا ياهوو
سحب اذني عليه حيل كال
:-ياهووو

:-يمهه يمممه اذننيي العباس عليك عوفنني
:-اشش اششش حلفان ما ارييد منتبهه لروحج
على اقل شي و حلفتتي ماكو بعد

:-ايي ممنوع حلفان ببعد ما احلف والله
بس عوف اذنني
:-مبين ما تحلفين

:-اي اي بس هل مره
:-تجاوز ماكوو
:-اي ايي اني ام صماخ بسس عوفنني
:-نوم من وكت بعد ماكو سهر

:-حااضضرر بس عوف اذني
:-من اهدج هسه ما تكومين تغميني وتشردين
:-لا طيح حضي اذا سويتهه
فلت اذني و كال يله كداممي

كمت من يمه هو كام ورايه امشي و اباوع حتى ماكدر اسوي حركه خاف يلكفني و شيخلصني وصلت للغرفه

فتحت الباب و هو بقى واكف سديتهه ع النص و بعده خازرني غميته و سديتهه بسرعه كال

:-الزعطوطه خوش هاي وكفتي هنا اذا ما طلعتي و طيحت حضضج فلا اني الصعب

:-ما اطلع و ما اتغير اله احلف و اله اغمك كل ما تضوجنيي و من يعجبني انام و اعيب عليك ابوو صمااخ
:-مثلا الصبح ما يجي وتطلعين
:-لا ما اطلع راح انام وانت ابقى واكف بالباب

رحت تمدتت على الجرببايه ما انعس بس اريد اجبر روحي على النومه هسه صعب يمل و يروح شويه و كال
:-ها راح تنامين
:-اي و انت ابقى حارس الي هههه

:-اي بس ما كتلج بليل يطلع جني من جوه الجربايه
ديري بالج يجوز يطلعلج من الكنتور على يا ساعه

كال هيج و اني طفرت من الجربايه لميت رجليه و حضنتهم بيدي بسكته نزلت راسي اريد اشوف جوه

الجربايه رجعت باوعت للكنتور يمه بس لا صدك على
ييا ساععه ينفتح الباب نوب جنت اشوف افلام رعب و اتخيل راح يطلعلي مثل اشكالهم صحت
:-صعبب رحت

ماكوما يرد عليه بلعت العافيه من الخوف
گلبي كام يدك حيل على يا ساعه اكوم اصرخ
شكد نذل يدري بيه اخاف من هل سوالف رجعت صحت
:-صععب حبابب وين رحت

ايست منه ما يرد اكيد عافني و راح ينام كمت بسرعه دايره وجهي على الجربايه و امشي بالعكس كلت خاف

ادير وجهي والجني يلزمني وصلت للباب فتحته بسرعه و دايره وجهي على الجربايه و الكنتور طلعت بسرعه

احس واحد لزم يدي بلعت ريكي و غمضت عيني بقوه لا هاهيه اكيد الجني طلع قبلي و لزمني احس انخرطت

روحي الممر اضلم صعب مستحيل يخلي كلوب مشتغل بس ضوه غرفتي درت وجهي و احس جسمي كله يرجف

:-صصصعععبب صعععببب العبااسس علليك تعاالل
:-صوتججج صوتججج

فتحت عيني من سمعت صوت صعب بهل لحضه تمنيته مو ولد علمود اسحله ذهابا و اياباا يبس گلبي تالي ما

تالي يطلع ناصب عليه لحد الان ما مستوعبه اريد انطق كلمه ما اكدر لزم ايدي كال

:-عبالج ما الزمج
:-صعبب هاي سواايه
:-ليش ما تكبرين

:-انت تتعمد تخوفني هاي سوالفك مثلا مالت كباررر اني الي تكول عني زعطوط ما اسويهه صعبب لا تسووي هيج

ويايي تدري بيه اخاف من هل سوالفف و ابد ما احب هيج شقه خوش يعنني على ياساعه يصير بيه سكر من الخوفف

جنت احجي من صدك لان ضوجني بنفس الوقت جنت خايفه كملت كلام شفته مركز بيه حسيت ضغط ايده

عليه خف فلت ايدي بدون ما يحجي اي شي
دار وجهه كال

:-اعتذر
شغل اضائه الممر و فات للغرفه بدون ما يحجي اي شي ثاني ما ادري اذا غلطت بكلامي لو جرحته بس جنت

بحالة عصبيه يسوي بيه هيج و يريدني اسكت و اني اقل غلط يعاقبني فتت للغرفه احس خنكه صارت بصدري

عفت الباب مفتوح كعدت على الجربايه نسيت الجني بقت كلمة اعتذر ترن بأذنني يارربي معقوله جرحته بكلمه

اني انسانه تأنيب الضمير يموتهه خصوصا اذا حسيت روحي رحت زايد بموضوع يمكن صح اني ما جان لازم

اتجاوز هيج عليه لان تعود عليه اضحك و اتشاقه ضليت احوس بالغرفه النوم ما يجينني فكره تجيبني و فكره

تاخذني اخر شي طلعت وكفت كدام باب غرفته متردده ادكهه لو لا خاف نام لو ضايج مني من بين الف فكره و

فكره دكيت الباب ما اله صوت
رجعت دكيته مره ثانيه كال

:-نعم
:-عادي افوت
:-لا اريد انام محتاجه شي
:-من الباب احاجيك قبل لا تنام
:-فوتي

فتحت الباب و بقيت لازم اليده بيدي مطلعه نص جسمي متردده شكله شفته كاعد على الجربايه و يكلب بتلفونه ما رفع عينه ابد كال

:-شنو راح تضلين ساكته
:-شكول
:-اذا ما عندج شي اطلعي
:-لاا عندي

بقيت ساكته اريده يحجي ماكو قافل كاعد يگلب بلتلفون و لا رفع عينه تقدمت و كعدت بصفه على الجربايه حمحمت اريده يباوعلي بس و لا كأنما كتله

:-صعب
:-همم
:-اسفه
:-عليش تعتذرين

:-جنت خايفه و حجيت هل كلام والله من
اخاف احجي مو بوعيي اعذرني
:-تمام روحي نامي
:-رضيت؟
:-ما زعلان

:-شنو ما زعلان يا يوم حجيت وياك و ما ترفع عينك بعينني باوع عليه و كول ما زعلان علمود اصدكك

:-ماكو داعي اني زعطوط على شنو تعتذرين
:-حشاك بس والله ما ادري بروحي شمسلتت اسفهه

:-تمام
:-لااا تحجيي هيجج شبيك
:-شرايده
:-ارضى
:-ما زعلان
سحبت التلفون من ايده كال

:-جيبيي
:-مااا
:-ملاذذ جيبيي
:-اله تكلي رضيت يالصاروخ
:-جيبي التلفون

مد ايده على ايدي يريدد ياخذه گبل رفعت ايدي ليفوك عبالي ما يلوحه شو هذا گبل رفع ايده وصلهه يم ايدي

طفرت لنص الجربايه و هو لزمني كمت اضحك بطبعي بسرعه اضحك بس واحد يلمسني اجيب التلفون منا و

منا ما اريده يلوحه تمدتت على الجربايه و حاضنه التلفون اضحك بقوه بس هو كاعد مسيطر يريد يفلت

التلفون من ايدي حضنت التلفون على بطني كتله
:-كووللل رضيتت و انطيه الك

:-جييبييي لا تخليني اخذه بالكوه
:-ماا والله مااا

ضل يحاول يسحبه مني لزم اديني بيد وحده و طبكهم رفهعم ليفوك ضليت ادفر بي سحبه من بين اديه

بسهوله و راد يكوم من يمي لزمت ايده و كعدت بسته بخده كتله
:-يله اسفه

ضل جامد بمكانه الصمت سيد الموقف سويت هيج لان احسبه شخص قريب مني احس حلال اسوي هل شي

وياه بقيت مركزه بوجهه لحضات هو يباوعليي و دنك راسه بلع رييكه شفت تفاحة ادم شلون تحركت اعرف هل شي دليل على التوتر كال

:-كومي نامي رضيت
:-صدك والله
:-اي بس روحي نامي
:-يعنني ررضيتت

:-ايي ملاذذ والله راضي بس روحي
نزلت من الجربايه و بعدني مستمره اضحك كال
:-بعد لا تبوسيني ملاذ

:-ليشش يعني شنو تلعب نفسك مني؟
:-انجبي شهل كلام بس ما يصير
رجعت كعدت على الجربايه بصفه لزمته ايده كتله
:-صدك يعني حرام

اشو هذا سحب ايده و دار وجهه كال
:-اي ما يصير يله ررحي نامي الوكت تأخر
:-ما انعس اريد ابقى هنا
:-اني اريد انام كوممي

كام من مكانه و لزم ايدي طلع بره فتح غرفتي كال
:-يله فوتي راح انام انيي

:-تره انت طردتني للمعلومه بس بطريقه مثقفه
:-خوش الصبح نحجي عود
فوتني جوه و سد الباب وراه

هزيت ايدي الحمد لله هسه هذا هم
صاحي لا بالله فلا صاحي وجه اعتذار هذا

تمددت بفراشي اريد انام ما اكدر منا افكر بأمي و منا اتذكر حالة صعب ضليت اتكلب ماكدر انام تذكرت من فات للغرفه ذيج و بقى يحجي

ياترى ويه منو يحجي منو الي بالغرفه معقوله مو بس اني وياه بهل بيت معقوله اكو شخص ثالث ويانه ززين منو هل شخص

معقووله الصعب مجرم و خاطف احد بهل غرفه سمعت طكت الباب مالت غرفته جنت مغطيه روحي بالبطانيه

اخاف يطلع مني شي و يلمسني الجني من مات ابويه و لليوم ما نايمه وحدي كله بحضن امي بس من اجيت هنا كلشي تغير

باوعت للساعه ب2 ونص هذا شعنده طلع بهيج وقت مر شويه وقت و كمت اريد اشوف بالكت الكه شي يوصلني

لمعلومه طلعت فتحت الباب على كيف خاف يسمع الصوت الاضويه مشتغله مشيت للمطبخ و لازمه گلبي

بيدي خاف يشوفني لكيت المطبخ فارغ وين راح هذا الجو كلش بارد معقوله طالع بره رجعت امشي و اتلفت

بالممر وصلت للاستقبال فتت بي ماكو احد باب البره مففتوح استغربت صعب مستحيل يخلي الباب مفتوح

معقوله طلع بره اخاف اطلع وحدي بس اخاف عليه وين راح مشيت على كيف رفعت راسي و اشوف الصعب

كدامي كاعد و داير وجهه عكسي بقيت واكفه بمكاني اريد اشوفع شيسوي شفت الكتاب يمه بس ما مفتوح رفع

اديه ثنينهن و لزم راسه نزله و ضل ضاغط عليه انتبهت ايده بيهه جكاره بس ما مشغلهه ضل ضاغط على راسه و يردد

:-كاافييي لا تجينني كااففيي انت عفتينيي لا تجين سميتتينني الصعب بس انه مو صعب احتاج ارجع طفلل

جسميي كام يرجف هم برد و هم خوف هذا شجاي يحجي وييامن حتى محد اكو بهل بيتت معقوله اكو

جنيه يحجي وياها شال الدفتر جان اكو ورقه على الدفتر و بصفه قلم شال القلم و بقى يكتب ما اعرف

يشخبط ما ادري شجاي يسووي ضل يكتب مرد الجكاره البيده و شمرهه بالكاع شويه وشك الورقه بالنص شفته

كام من مكانه بسرعه رجعت للغرفه جنت فاتحه الباب فتت و سديته ضليت ارجف بالغرفه اخاف من تصرفاته

شهل غرابه منو هذاا ويه منو يحجيي معقوله بي شي منو ويانه يارربيي والله راح اموت خوف سمعت الطكه

مالت باب غرفته رحت ركض تمددت بفراشي غطيت روحي اريد اهدئ شجان يسوي بالكتاب معقوله يقره لا

لعد ليش ما يقره وحده احس الافكار جاي تأذينني خاف امي ما تعرف الصعب شنو كل تصرفاته تدل هذا مجرم

خاف يأذينني يارب هذا خاف يبيعني من بين كل هل افكار الي محاوطنتي سمعت باب غرفتي نفتح من صدك

بهل لحضه وكف الدم بجسمي ما ادري بروحي من الخوفه طفرت من الجربايه شفت صعب فاتح الباب و واكف نصدم مني كال

:-اسم الله اسم الله شجاج
:-شترييدد
:-ما اريد شي شنو جنتي كاعده
:-لا نايمهه

تقدم يمي ضليت ابلع ريگي من الخوف ياربيي ستررك ما اكدر انسى من شفته يحجي ويه روحه ولا اكدر انسى

حجيه بالغرفه احس الخوف تملكنيي بهل لحضه عيوني تراقبه لمن وصل ييمي ضل واكف كال

:-شبيج؟
:-جنت احلم و يمكن انت من فتحت الباب اني فزيتت
عگد حاجبه كال
:-شحلمتي

:-ها ما ادري نسيت الحلم انت شرايدد شعندك كاعد
:-جنت اريد اصلي واجييت اشوفج
باوعت للساعه وين اكو صلاة هسه كتله
:-يا صلاه شبيك صعب

رفع راسه باوع للساعه خله ايده على كصته ضاغط عليهه بلاابهام و السبابه ورجع نزلهه مثل الراد يفكر بشي كال

:-لاا مو صلاه اقصد انت تنعسين؟
:-لا كول شرايد
:-احجي الصدك انت جنتي بره؟

خفت من سؤاله معقوله شافني بسرعه رديت عليه كتله
:-لاا جنت نايمه و انت فززتني
:-مـتأكده

:-اي ليش هيج تسأل صاير شي؟
:-لا بس يمكن اني مـتوهم
:-شصار

:-ماكو شي انسي رجعي نامي
:-انت راح تنام
:-لا ما جايني نوم
:-صعب
:-همم

:-اني خايفه صعب افهمنني والله احس البيت بي شي انت ما جاي تحس والله احس اكو ويانه بعد شخص
اجه كعد يمي عاگد حواجبه كال

:-بطليي هل سوالف ماكوو شي ملاذ محد اكوو غيرنه بس اني و انت هنا

:-جا ويامن تحجي بالغرفه؟
قرب مني كال
:-ليش انت متابعتنيي؟

:-لاا مو هيج بسس انت جان صوتك عالي
:-محد اكو لا تفكرين هواي
عافني و كام وصل لباب الغرفه كتله
:-راح تنام

هز راسه بمعنى لا
:-نقره بالكتاب؟
باوعلي ككال
:-الوكت متأخر نامي

نزلت من الجربايه ورحت يمه كتله
:-ما نعسانه تعال نقره

مشيت كدامه وهو اجه ورايه فتت للاستقبال سحبت الكتاب و كعدت بالكاع اجه كعد بصفي فتحت الكتاب
°°°°°°°
عوده الى الماضي
الصفحه الثالثه
*رۅحـــ

::-ها رُفيده تحبين واني ما ادري
::-ههه لا مو حب اعجاب

::-صددكك احجيلي منو سعيد الحض
::-اي هسه احجيلج بس سولفيلي شلون كضيتي يومج بدوني

ضحكت كتلهه
::-صارر شيي ما تتوقععين شنوو احس فرحاننه
::-صددك شنو احجيللي

::-تعرفيين هذا الولد يلي يجي على عموو
::-ايي اعرفه عاابس شبي؟

::-اليوم سلم عليه الصبح و بقى يمشي ورايه كال اريد احجي وياج بس اني خفت لان انت مو وياي و تدررين يدلعنني يكلي روحايه

::-صدك قصدج عابس نفسه موو؟
::-اي اي لجج الولد ابو البصره
::-كالج احبج

::-لا بس مبين من طريقه كلامه
كعدت مقابيلهه والابتسامه شاكه حلكي كتلهه
::-تتوقعين يحبني؟

ابتسمت و كعدت مقابيلي كالت
::-اي لعد شبيج ما ناقصج شي و اذا خوش ولد ان شاء الله يصير من نصيبج

::-يعنني شنو راح يخطبنني
لزمت ايدي و بعدهه مبتسمه كالت
::-اذا. يحبج اكيد يخطبج

::-بس اني ما حجيت وياه اخاف شتكولين اذا داومنه باجر و لكيناه ارد عليهه

::-لااا ديرري بالج اني عندي فكره ارفضي كل يوم خل نشوفه يمل لو لا اذا ما مل نتأكد يحبج وراهه كتبيله بورقه انو انت تحبينه

::-صدك يعني انت هييج تشوفين
::-اي حبيبتي
::-خلينه من عابس احجيلي منو هذا المعجبه بيي واني ما ادري

::-هههه صدكتتي اشاقه وياج محد
::-صدك و اني متحمسه ثنينه راح نحب بنفس الوقت

::-يله راح ادورلي واحد بهل فتره ونحب سوه
شفت عمو فات للبيت كتلهه

::-اشش اشش اجه ععموو لا يسمعنه
عفتهه و كمت متعوده كل ما يجي ابو رُفيده اكوم اسلم عليه كالت رُفيده

::-اي عينني سلمي عليه بي ريحة الغواليي
::-ههه طاح حضج بعدنا ما شفنه شي كمتي تبسمرين

عفتهه و رحت سلمت على عمو و رجعت يم رُفيده ضليينه نقره سوه كملت كلشي وياهه و رجعت للغرفه

مالتي الي بوسط البستان طلعت كتابي و كتبت كلشي صار الي اليوم احسس فرحه بداخلي شعور غريب يحس

بي گلبي يمكن هذا شعور الحب نمت و اني حاضنه الكتاب شوكت يجي اليوم الي اكتب بي نهاية حياتي

ممكن هل نهايه راح تكون ويه عابس لو ويه غيره كعدت على صوت رُفيده و هي تكعدني نستعجل للددوام غسلت

و بدلت خليتهه تضفر الي شعري مثل كل مره و طلعنا سوه عيوني تدور على عابس بس ما شفته بطريق الرجعه

احس ضجت لان ما شفته يمكن ضاج من البارحه لان سمعته هيج كلام و احنه نمشي بالفرع مالت بيتنه كالت رُفيده

::-ااججه لج اجهه
::-منو؟
::-لا تديررين وجهجج ييمشي ورانه

سمعت هيج كالت گبل درت وجهي و الابتسامه شاكه حلككي بس باوعت عليه ضحك بوجهي و اني ضليت

اباوعله گرصتني رُفيده لان واكفين بنص الشارع كالت
::-اممشيي يالمفضوحه

مشيت و الضحكه ماليه وجهي سمعت صوته عبالك اول مره اسمعه صاح بصوت عالي ورانه كال

::-هنيال عابس لو كل يوم يصبح بهل ضحكه

احس جسمي كام يرجف من الفرح عيوني دمعت فرحه اباوع غلى رُفيده فرحانه على فرحتي بالكوه وصلنه

للبيت و رُفيده لازمه ايدي احس حتى بمشيتي تلعثمت
طبينه للبيت بدون ما نسد الباب بس فتنه و رُفيده حضنتني و بقينه نكمز بمكانه كتلهه

::-سسممعتتيي سمعتتي شكاالل
::-اااي اييي

اجانه صوته و هو يحمحم درت وجهي لكيته واكف يم باب الشارع ثنينه خنسنه مبتسم و يباوعلي كال

::-روحايه صيحي ابوج
ردت احجي اكله انيي مو بنته رُفيده كالت

::-اي هسه تصيحه سحبتني وياهه لبيتهم
بقيت مستغربه من تصرفهه كتلهه

::-ليش ما خليتينني احجي
وكفت و دارت عليه كالت

::-انت اختي ابويه ابوج امي امج عابس من يجي يطلب ايدج يطلبهه من اهلنه لا تحسبين بيوم روحج غريبه واذا كلش عابس من يجي ابويه يحجيله عنج

::-بس خاف ما يردني اذا عرف انتم مو اهلي
::-هو حابج الج ما حاب اهلج عابس مبين بعيونه الحب اكيد ما يهمه اذا انت بتنه لو بت غيرنه

::-اي صح
رحت صحت لعمو و بقيت ام رُفيده
ما تخليني اطلع اله اتغده

°°°°°°°°°°°
عوده للحاضره
مــــــــلاذ

طبكت الكتاب باوعت للساعه صايره ب 4 اله ربع كتله
:-يله كافي راح يأذن

:-اممم
رفع عيونه عليه ابتسمت اله كتله
:-سؤال
:-اممم كولي

:-شنو شعورك من دا تسمع قصة حب اهلك؟
:-ما احس بشي
:-صدك
:-امم

:-ما اصدكك بعيونك غير كلام من اقره الكتاب و اباوع لعيونك اشوف بيها الاف الكلمات الاف المشاعر بس لحد هل لحضه ما فسرت عيونك

رفع عينه عليه احس هل نضرات كلهن تعب كال
:-اول بشر يفهم عيوني
:-بس ما فهمتك اريد افهمك

:-شتفهمين مني
:-امك وين؟
:-الله يرحمهه

صدمني من كال هيج كل وبالي من جاي اقره الكتاب انو امه عايشه بس مو وياه

من حجه هيج حسيت اكو كسره بحجايته رغم عمره مو صغير بس حسيته بحاجتهه الها كتله

:-الله يرحمهه يارب اعرف شنو شعورك لان اني مجربه هل شي احس بوجعك بس شنسوي قابل نعترض على حكم ربك اكيد الله يحبهه و اخذذهه يمه

:-ملاذ كلشي بهل حياة يصير لسبب حتى الموت مرات يكون بسبب و امي ماتت لسبب لوو ما حبت ابوي يجوز امي ما خسرت حياتهه بسس شتفيد كلمة لو؟

بقيت ادير بعيوني عليه ساعه على عيونه التحجي حزن سنين ساعه على رجفة اديه الي اجته اول ما ذكرنه امه

لو على ايده الي كل شويه يرفعهه يمسح گصته بيهه ماادري شنو لازم اتصرف بس گلبي وجعني علييه اولل

مره اشوف الصعب مكسور هيج نزلت عيوني على اديه الترجف لزمت ايده كتله

:-تهون صعب تهون كلشي يصير قضاء و قدر مكتوبلهه تموت بهل يوم ما بيدنه شي بس نترحملهم
:-الحمد لله

غمضت عيني و اجت ببالي ذيج الصفحه نعصر گلبي من تذكرت المكتوب بيهه ياربي اذا صعب عرف شنو بهل

صفحه شنو ممكن يصير زين اذا هو ما يعرف هل حقيقه لعد شنو الي يعرفه معقوله وهمو بشي ثانني من بين

صفنتي و تفكيري اجاني صوته احس بحة صوته توجع احس يحجي شي كاتمه بگلبه كال

:-ملاذ حتلوا رحتي منا لا تنسيني خليج دائما تواصليني كلامج يريحنني انت اول بشر ارتاح وياه

ابتسمتله خليت عيني بعينه جان يباوعلي و منتضر جوابي كتله

:-شنو عبالك تخلص مني بسهوله امللك كل ما اضوج اخابرك و اغمك ههههه

اول مره يضحك من احجي هيج يمه جان يرزلني كتله
:-والله حباب من ما ترزلني

:-شبيهه عليج اذا كلتي انت حباب من ما ترزلني ليش تحلفين؟

:-مو تأكيد لكلامي والله متعوده صعب
:-ماحب واحد يحلف ع اي شي

:-اي بس شوف يعني ماكدر بليله و يوم ابطل ينرادلي وكت

:-كل ما تحلفين ارزلج
:-اي اتفقنا والله راح احاول
:-بسم الله

:-هههه نسيتت والله نسيتتت
:-ماكو التعليم بيج عقييم

:-شبيك صعب اني متعوده حتلوا واحد يكلي شسمج اكله والله ملاذ

جان صوت القرأن مالي سمعنه من الجامع
بده المؤذن يكبر كال
:-كومي يله صلي

طلعنا ثنينه للطارمه الجو بارد ثلج سارحه بخيالي ويه الاذان و جماليته الصعب يتوضى كدامي المنضر يخبل

من حجه هيج نسيت كلشي صافنه و مبتسمه ما احس غير مي بارد نرش عليه رفعت راسي على الصعب يضحك

عليه تقدمت عليه وفتحت مي المغسله شلت بيدي و بقيت ارش عليه و اضحك كال

:-كاافي راح تتمرضينن
:-لعد من رشيت عليه ما كلت اتمرض
سد ماي المغسله و كال

:-من كلت نجره ما غلطان من صدك نجره و لازم تاخذين حگج على ابسط شي

:-مو بس هيج و صاروخ هم
:-اممم يله توضي

تقدمت اتوضى و هو واكف ورايه منتضرني نزلت راسي اريد اثبت اقدامي وكعت عيني على الحاويه الي كدامي

بيهه ورقه مشكوكه يمكن نفسهه الورقه الي صعب شكهه رفعت راسي و ضلت عيوني معلگه بيهه مشكوكه بالنص

لازم اخذ هل ورقه منهه راح اعرف اذا الصعب صدك يكتب لو لا مشيت و هو ورايه فتنه للاستقبال كال
:-انتضري خلي اجيب مصلايه

بقيت واكفه بنص الاستقبال افكر بالورقه شنو الي كتبه بيها الصعب شلون اكدر اخذهه بدون ما ينتبهلي هسه ما

اكدر لان يبقى كاعد لازم من يطلع للدوام شويه و فات للاستقبال شايل مصلايه و تربه بيده انطانياهم و جاب

مصلايته فرشهه و فرش مصلايتي وراه بشويه وكف يصلي وكفت وراه صليت و كملت و الصعب بعده يصلي

اتبهتله يصلي اكثر من الفروض بقيت مركزه وياه كمل و بقى يدعي شويه و كال

:-تقبل الله
:-منا و منكم

بقيت ساكته و هو كاعد على المصلايه ما كام لميت مصلايتي وكفت قريب منع كتله

:-صعب
:-همم
:-دتصلي قضاء
:-لا

:-لعد
:-اصلي لامي و لابوي
:-همم الله يتقبل
:-منا و منكم

كام وبيده السبحه راد يلم المصلايه دنكت بسرعه
شلتهه كال

:-راح تعودديني على الدلال
:-ليش شسويت شو ردت اسوي عشه و حركت الجدريه
:-ههه لا بويه مدللتني

ابتسمت و شلت المصلايات خليتهم بمكانهم كتله
:-تنام؟

:-لا ما ضل شي واطلع روحي انت نامي من البارحه كاعده
:-و انت شلون تداوم و ما نايم

:-عادي متعود
:-بيش الساعه ترجع
:-ما ادري حسب شغلي

:-هو شنو شغلك دكلي شنو عليك الله
:-لا تحللفينني ولجج

:-اسفه اسفهه بس كلي
:-ما عليج روحي نامي

عفته و طلعت اذارحت للطارمه يشوفني اله يطلع يله اكدر لازم اجيب الورقه

مشيت للغرفه و سديت الباب بقيت افتر بالغرفه رغم اجتني النعسه بس ما اريد انام انتضره لما يروح اجيب

الورقه ضلييت كاعده احس الوقت گوه يمشي بطلاع الروح شفت الساععه صارت ب 6 متت كوه مسيطره شويه و سمعت باب غرفته نسد

دت يعني راح يطلع ضليت واكفه يم الباب مرت دقايق و طلعت مديت راسي من باب الغرفه شفته سد باب الشارع

طلعت ركض عيني للحاويه اريد اوصللهاا احس الطريق صار شطوله الها الدنيا تگص گص سحبت الورقه من

الحاويه و النص مالتهه خليت النص الاول و التكمله مالته جوا اول صدماتي جانت الصعب يكتب؟
و الصدمه الاكبر من هيج جان كاتب.......

.
.
.
.
.
.
.

.
.
.للحكايه بقيه

كلانا كتف للاخر♥