رواية أنتقام الصفحه 27 (ترميم) الفصل الخامس 5 - بقلم خـلود الـ محسن

حساب الانستا lorai_alrwi
𓍯....................................
اود الرحيل من هنا اود الهروب من هذا المكان لقد.
وقعت بين يدي مجرما غريب الاطوار ما الذي اتى بي
الى هنا اريد العوده حيثما كنت لا اريد العيش مع
مــجرم
لــــــــــــــــورآ💚
::::::::::::::::::::::::::::::::::::::::♡
تصويت للقصه علقوا على كل الفقرات و شاركا القصه

فتحت الورقه و جان اشوف الصدمه
الخط يلي بالورقه صفنيي مستحيل هل خط يكون

لانسان ما دارس مستحيلل يكون لشخص مجرم او لشخص مثل الصعب جمالية الخط صفنتني الكتابه صدمتني جان كاتب

*لا تقربيني منكِ ثم ترحلي اصبحتِ ملاذاََ للصعب
ليس حباََ لكن تملك اود تفريغ احزاني بوسط. احضانكِ لتمسكي بيدي و تقولي انا معك انا ملاذك
صعباً لكن لنتُ بسماع صوتكِ

راجع ساحب خط و كاتب
الناس تكول الجكاره تطفي وجعك والي ما يكدر يشرب

الجكاره شيسوي بهل حاله كل موضوع يضوجني اكتبه و اشك الورقه بس اليوم ما تروح ضوجتي شكد ما اكتب ما

ارتاح احس اليوم اني نوجعت من اذيت ملاذ بحجايه ما اريد أأذيهه راح اكون بطريق و هي بطريق

برودة الجو فاتت لعضامي احس ما جاي اقره كلمات حسيت روحي شفت فلم رعب اخذت الورقه بسرعه و

فتت جوه انفخ على ايدي اريدها تدفه كعدت بالاستقبال النعاس طار من عينني ضليت كاعده على التخم و اباوع

على الورقه صفنه تجيبني و صفنه تاخذني احس جسمي ثلج اريد اكوم ما اكدر يمكن صخنت تمددت على التخم

ضليت حايره بالورقه ما بيه اكوم اضمها كورتهه بيدي و خليتهه بصدري ضليت افتح عينني بلكوه هم نعسانه و

هم بردانه صارت حراره بعيوني نمت بمكاني ابد ما فزيت لحد ما حسيت ايد تتلمس جبهتي و خدودي اريد افتح عييني و اشوف منو ماكدرر

:-ماما هاي انتِ

:-ملاذ شلون صرتي

:-صعب بردانه غطينني

:-كومي اخذج للمستشفى

-ماا بردانه غطيننيي

:-كومي بويه عوفي الغطه راح تتمرضين بزياده

:-مااا ماا وخر ايدك

:-زين كومي بغرفتج تتكسرين هناا
:-معليك وخر

ما ادري بروحي شجاي احجي احس كوه انطق الكلمات من يكلي كومي بودي اهفه راشدي اني جسمي مكسر وين

اكوم حسيت بي شالني ما ادري احلم رجعت نمت كعددت الغرفه ضلمه باوعت محد اكو بالغرفه صحت
بصوت مبحوح من وره الفلاونزا

:-صععبب وينكك

شويه وفات للغرفه بيده كاسه كال
:-واخيرا كعدتي

:-ليش شكد نمت

:-يابه من اجيت من شغلي و هسه الساعه ب 9 و انت جارتهه بس نومه

كعدت و ارتكيت على راس الجربايه احس جسمي نحلان كتله

:-من وراك تمرضت

:-لا والله اني شعليه اذا انت اربعه و عشرين ساعه
طافحه بره من طاح حضج اشوفج
بعد تطلعين بدون لبس ثخين

:-معليك بيه
:-خوش معليه

اجه كعد بصفي جانت الكاسه بيها شوربه جان يخبط ببيها طلع بالخاشوكه وقربهه مني كال

:-اكلي

:-ما اشتهي

:-مو بكيفج اكلي علمود تشربين علاج

ردت انفخ على الخاشوكه صاح

:-لا لااا

:-هاا؟

:-ما يصير تنفخين على الاكل مو كلش حاره اكلي

:-اكلك انت منين جايب هاي السوالف تره مالي خلك
:-اشش اكلي بدون حجي

اكلت لان مالي خلك اجادل احس شويه احسن من الصبح ضل هو يوكلني شلع گلبي لو ماكله وحدي احسلي كال

:-انت دائما هيج من تتمرضين

:-شنو

:-تهلوسين

طفرت عليه و حجيت بصوت عالي بدون ما انتبهه لروحي اخاف لا اطلع جافصه شي كتله

:-شنوو شككلتت

:-ما كلتي شي بس....

:-بسس شنوو

:-بس غلطتي عليه من تصيرين زينه اعاقبج

:-بس غلطت عليك؟

:-اممم

:-الحمد لله هاي سهله عبالي غير شي

:-لا يا طايحه الحض

:-هههه لا تحجي علييه مريضه انني

:-كلشي ما بيج

كام من الجربايه جان اكو علاكه على الميز مالت علاج على الاغلب هو جايبهه طلع منهه اشرطه مالت علاجات
طلع منهم حبوب و يمهم كوب مي جابه وياهم كال

:-هاج

قدملي وحده من الحبوب كتله
:-نطينياهن كلهن عليمن وحده وحده

:-لا ماكو ما يصير

:-انت والله تبزع
:-اي خوش

صفنت شويه ذكرت جنت نايمه بالاستقبال كتله

:-اكلك اني شجابني هنا؟

:-اني
:-شنوو شلون؟

:-شلتج

:-شنننو منو سمحلك

:-ليش ييابه شكو

يحجي ببرود استفزني بشكل كتله
:-لااا تحجيي ببروودد منو سمحلك تشيلننيي

:-هسه شتردين ما اشيلج

:-اييي
:-هاي هيه

:-بس شلتني

:-ملاذ شو انجبي شلعتي گلبي

:-هسه اني شكايله يا المجرم

:-ما كايله شي يابه

:-اكلك
:-هاااا هااا

:-لا تصيح اسمعني برحابة صدر

:-ما اريد اسمعج

:-مو بكيفك صدك اني حجيت شي

:-اممم
:-شكلت

كعد ع الجربايه كال
:-الضاهر صرتي زينه هسه اكلج شكلتي

قرب عليه و لزم اذني كال
:-ياهو آنجين؟

درت وجهي عليه مستغربه جان لازم اذني بخفه كتله
:-شننوو منو هذاا

ضغط على اذني كال
:-اسألي روحج ياهوو كل شويه و كلتييلي انت آنجين

:-يااا دههررر ماعرررفه ماعررفهه

:-احجي لا اشلع اذانج

كال هيج وسحب اذني قوي

:-اذانني أذنني حبابب بس عوفهه واكلك
:-كوليي ياهو هذا زلمه مره
:-ممثل والله ممثل

من كلت هيج عبالي راح يعوف اذني و يسكت منيي سحلها عليه و اني اتلوه وين ما يسحب اذني اروح كال

:-ولجج شسويللج انت شحطلج و تتشافين ممثل و طايحتله دك غزلل

:-بس عوف اذني خل افهمك

عاف اذني كال
:-يله فهمينني ام آنجين

:-شوف اني ادري بروحي حجيت من مصخنه بس جنت اريد اشوفك شتكول

:-شوفي انت جديده على الجذب خصوصا عليه لا تجذيين اعرفج من عيونج

:-صععب شبيك هو ممثل

:-اخر مره اسمعج تحجين هيج حجي على ممثل
:-ليش اني شكلت

:-لا سلامتج ما كلتي اي شي بس تردين تسمين اسم ابنج عليه اذا ما تزوجتي

:-استغفر الله استغفر الله تجيك التهايم و انت مريض
ردت اغير الموضوع لان ادري بي يضل يلح اني صدك هل

ممثل احبه بشكل ما استبعدهه يجوز صدك حاجيه هيج تذكرت الورقه شفت صعب كاعد ويباوع على تلفونه

لمست صدري اشو ماكو دورتهه على الجربايه ماكو ضليت احوس بمكاني كال

:-شبيج تحوسين

:-ما بيه شي

:-مضيعه شي

:-لا بس دير وجهك شويه

:-اهو رجعنه لسوالفج

:-لا بس دير وجهك حباب

ددار وجهه مديت ايدي بصدري بسرعه ادور على الورقه ماكوو ياربي وين راحت بس لا وكعت بالاستقبال

كتله
:-اكلك اني راح اروح للحمام

:-اجي وياج

:-لا اكدر وحدي ما بيه شي انت ابقى هنا

:-خوش اذا تردين شي صيحيلي
:-اي

نزلت بسرعه من الجربايه مشيت خطوتين كال
:-لبسي قمصلتج لا تطلعين هيج

باوعت على الجربايه لكيت القمصله مخلايه عليهه لبستهه و طلعت بسرعه

امشي بالممر خايفه بس لا ما الكه الورقه فتحت باب البره سويت روحي طلعت وفتت للاسستقبال كلبته كلاب

حتى جوه التخم باوعت ما لكيتهه خفت لا يطلع و يشوفني رجعت و سديت الباب علمود ما يشك بيه فتت للغرفه گبل رفع راسه كال

:-ها
راد يكمل بس من شافني عگد حاجبه مستغرب كال

:-شبيج تعبتتي؟

:-صعب وين الورقه

ما ادري شلون نطقت هل كلمه يمكن من خوفي من توتري حجيتهه كال

:-يا ورقه

:-صعععبب تعرف يا ورقه وينهه

كام من مكانه اجه بأتجاهي كال
:-شبيج ملاذ ياورقه ما اعرف عن شنو تحجين

نزلت راسي متوتره و العب بأصابعي يمكن ما جان لازم
اسأله احتمال صح الورقه مو عنده يمكن واكعه مني بدون ما ادري رجع كال

:-ملاذ عن اي ورقه تحجين

:-هااا

:-شبيج انسطرتيي

:-لا ماكو شيي يمكن اني بعدني مصخنه اريد انام انت روح نام

:-متأكده
:-اي

كام طلع بره و سد الباب وراه گبل رحت للجربايه شلت الغطه منهه بقيت اگلب بيهه باوعت جواهه يالله وين

اختفت مليت و اني ادور عليهه حاولت ارجع انام ماكدرت طلعت بره شفت الاستقبال مضوي ييعني صعب

كاعد تمشيت للاستقبال شفته متمدد على التخم و صافن على السكف باله مو يمي مخلي ايد جوه راسه و

الثانيه على بطنه لازم بيهه جكاره ما مورثه ثاني مره اشوفه يسوي هايي الحركه حمحمت هو گبل باوعلي كال

:-ها شنو ما نمتي

:-لا ما اكدر

:-تعاي كعدي

هو كعد بالكاع و اني كعدت بصفه احس روحي مخنونكه كتله

:-صعب

:-همم

:-مشتاقه لامي والله احس روحي جاي تطلع خابرهه الي بس اسمع صوتهه

:-ما اكدر اخاف عليج اذا لزموج ما تدرين شنو ممكن يسوون

:-تعبتت والله فدوهه هم حاجيتهه

:-اي البارحه اخر مره

:-ششكالت شوكت تخلص اريد ارجعلهه

:-بعد تدرين هي بصعوبه تطلع من البيت يله تمشي خطوه بلاجرائات لذلك تتأخر

:-خل تجي يمنه

:-ما ترضه كتلهه تكول اني هنا اشغلهم عن ملاذ تخاف لا يوصلولج

:-صعب اني السويته غلط يمكن ما جان لازم اشرد منهم و اتقبل واقعي

باوع بيه و ابتسم كال

:-صيري قويه ملاذ شهل ضعف ما عرفتج تخيلي لو انت بمكان امج و بنتج رادو يزوجوهه هيج واحد شتسوين

:-اكتل الرادو يزوجوا الها

:-ههههه لا بويه مو هيج

:-لا جديات غير اذا واحد أذه بنتي يجوز اخنكه لحد ما يموت

:-يابوويه يالصاروخ

:-بلهه انت اذا أذو بنتك شتسوي؟

:-ما اتزوج انه

باوعتله مستغربه جوابه جان كلش جدي كتله

:-سنة الحياة ليش رافض هل فكره

:-شي يخصنني

:-تنعس؟

:-لا
:-نقره بالكتاب

:-اممم
ردت اكوم اجيببه هو كام قبلي كال

:-خليج تعبانه بعدج

جابه من على التخم و رجع كعد بصفي نطانيه فتحته
°°°°°°
عوده الى الماضي
روٌحہ عآبسہ.....💚

رُفيده
شفته روح فاتت للغرفه بقيت منتضرتهه طلعت و وجهه ماليته الابتسامه شايله الكتاب بيدهه احس هل بنيه

صار بيهه هوس كل شي صار و جابت الكتاب و كتبت وصلت يمي كتلهه

:-ندمت نطيتج الكتاب علمود تكتبين ما خليتيي شي ما كتبتي و تحجين عليه
باوعتلي و ابتسامتهه زادت كالت

:-تدرين ليش هيج اسوي اخاف من اكبر و يصير عندي اطفال يصير بيه زهايمر و انسى قصتي لذلك اريد جهالي
يقرونهه بكل تفاصيلهه اريدهم يحسون عاشوا ويايه
:-والله بطرانه

ما ردت عليه كعدت بالحديقه و شعرهه حالته جان مفروش على ضهرهه روح حلوه بشكل امهه مسيحيه و

جمالهه على المسيح كلشي بشكلهه احسه مميز حقه عابس من حبهه مركزه تكتب بالكتاب شفت عابس

واابويه طلعوا من البيت طلع و كل شويه يباوع على جهتنه بس روح جانت منطيته ضهرها ممنتبهه طلع بره و

ابويه رجع فات للبيت درت وجهي على روح كتلهه
:-هاا وين وصلتتيي

:-اسكتي لا تنسينيي شي خل اكتب و بعدين نحجي
كعدت على المرجوحه مقابيلهه شفت عابس رجع فات

للبيت بدون ميدك الباب مثل الحرامي فتحت عيوني مصدومه درت وجهي على بيتنه خاف يطلع واحد بس

الباب مسدوده رجعت باوعت عليه اشرلي بيده بمعنى اسكتي غلست عليه وصل يم روح يمشي على كيفه خاف

يطلع صوت سد عيونهه هي گبل فزت من مكانهه لزمت
ايده كالت

:-منووو رُفيده وينجج

غلست لان عابس يأشرلي اسكت و هي تسحب بيده تريد تشوف منو كامت تصيح خفت لا واحد يسمع شال ايده

الثانيه و سد حلكهه هي من خوفتهه طاحت بي و عضته بقوه هو گبل سحب اديه منهه و هي دارت تريد تشوف

منو من شافته بقيت مصدومه وهو يضحك و ينفض بأيده كالهه

:-شنو مجلوبه
:-شعدكك هنناا

دارت وجهه شافتني كاعده ردت اكوم خليهم يحجون براحتهم صاح عابس

:-لااا رُفيده ابقي اني حجايتين احجيهن و رايح

رجعت كعدت بمكاني و هو كعد بصفهه عيني على باب البيت مالتنه خاف يطلع ابويه لو امي و يشوفونه كالهه

:-روحايه

دنكت راسهه مستحيه و جاوبته بصوت ناعم
:-عيونهه

:-اووف بويه اشتعل ابوك عابس
:-لااا عابس شلون تحجي على ابوك

:-اغديلج فدوهه من هسه مهتمه بعمج
دنكت راسهه كلش و تعصر بأصابعهه وجهه صار
احمر على ياساعه تنفجر من المستحه كالهه

:-تحبينني روح
رفعت راسهه عليه مصدومه كالتله

:-هاا
:-كوليهه تحبيني لو لا
:-شنوو

عض شفته الجوه ضام ضحكته كعد و
خله ادييه لوراه مرتكي عليهن كالهه
:-يمن فدوهه اروح لليستغبي

:-عاابسسس
:-روح عابس

:-لا تحجي هيج حباب
:-ولج كولليي زرفتي گلبي
:-شكول
:-اي لو لاا

باوعت عليه و الضحكه مااليهه وجهه اول مره اشوف روح لهل درجه فرحانه اشرتلهه براسي بمعنى ايي
رجعت باوعتله كالتله

:-اي
و كبل دنكت راسهه كالهه
::-شنو يعني اي

احس راح تدفن راسهه بالكاع من كد ما دنكته كالتله
:-يعني احبك

:-يابووويه عابس اليوم نولد وداحي الباب

ضحك و لزم اديهه سحبهم عليه كالهه
:-كافي كطعتي اصابعج منين متوتره
:-لاا ما متوتره

سحبت ايدهه كالتله
:-ما يصيرر تلمسني حرام

:-يباا احسبيلي بس فتره و المسج بالحلال
ان شاء الله اجيب اهلي و اجيكم

:-بسس عابس
:-روح عابس كولي
:-انييي

جانت متوتره ترفع راسهه تباوعلي كأنما تريدني احجي بمكانهه و ترجع تندنك كالهه

:-شبيج انت احجي
كالتله

:-خلي رُفيده تحجي بمكانني
كمت من مكاني و اجيت يمهم كعدت بصف رُفيده كتله

:-عابس اني و روح مو اخوات
:-شنو؟

:-روح تربت يمنه من صغرهه ماتوا اهلهه و بقت ويانه بس هي حالهه من حالي مثل ما اني بت هل بيت روح

مثلي باوعت لروح مدنكه راسهه و نزلت دموعهه عابس لزم ايدهه كالهاا

:-روحايه عليش تبجين

كامت تدفن شهكاتهه تحاول تهدي روحهه كالتله
:-راح تعوفني

:-عليش يباا انه ما احب اهلج انه احبج الج و اذا وحده يتيمه شنو يعني ما يصير اتزوجهه اصلا اني ذاك اليوم صفنت كلت ليش تكلي اصيحلك عمي ه
:-بسس
قطعت كلامهه كتلها

::-كافي روحايه ليش تبجين شوفي عابس يحبج و راح يجي يخطبج لا تبجين
كال

::-رُفيده لا تكوليين روحايه بس انه اكول مالتيي هاي
::-ههههه بكيفيي تره هي صديقتيي و اختي قبل لا تصير حبيبتك

::-راح تصير مرتي تبيعج بلاش
باوعت على روح وواثقه من روحي كتلهه

::-رووح تبيعيننني
::-لا

رجع هو حجه كالهه
::-واذا علمودي

::-ثنيننكم احبكمم
::-لااا روح واحد اختارينني اننيي يله غيير اني اختج
ضحكت و دنكت راسهه كالت

::-بس هو حبيبي
طكهه عابس بضحكه كال

::-ولكمم انه راح اموت ما اتحملل
اني من ضوجتي كلت ل عابس

::-كوم اطلع بره لااصيح لابوي عليك اعلمك شلون تموت
::-رايحه يبباا رايح

كام و قبل لا يكمل كومته بباس روح براسهه كالهه
::-اخرر مره الوراهه حلال

دار وجهه و مشه كل شويه يباوع علينه و يضحك كأنما ملك الدنياا من روح كالتله احبك

كعدت بصفهه و هي مكيفه ما تعرف شتحجي كتلهه
::-يله كملي كتابه
::-اي

كعدت تكتب و اني اباوعلها احس كل كلمه تكتبهه بحب كملت وسدت الدفتر كالت

::-رُفيده خايفه
::-من شنوو

::-اكو شي بداخلي مقبوض رغم فرحتي اخاف عابس يعوفني

::-لا مستتحيل
::-ما ادريي

::-لا تفكرين ما يعوفج
::-ان شاء الله
::-و نعمه بالله

°°°°°°°°°
عوده الى الحاضر
مــــــلاذ♡

طبكت الكتاب باوعت لصعب و ابتسمت كتله
:-شكدد حلوين

حرك راسه بمعنى اي عيونه مركزهه على الجكاره البيده كتله

:-ليش ما تشغلهه
:-شنو
:-الجكاره
:-ما اشرب

:-لعد ليش تلزمهه بيدك
:-هيج
رفع راسه باوع للساعه كال

:-الساعه ب 12 شوكت تنامين
:-ما انعس

ما حجه شي كمت من يمه رحت للمطبخ جبت جداحه و اجيت للاستقبال ما جنت ادري شنو مشكله الصعب ويه

الجكاره رجعت لللاستقبال بعده على كعدته كعدت بصفه و سحبت الجكاره من ايده باوعلي مستغرب للزمت

الجكاره بيد و ايدي الثانيه شغلت الجداحه ورثت الجكاره رفعت راسي عليه انصدمت منه

جان يبلع ريكه بصوره متكرره اديه كامت ترجف و جسمه يعرك صوت نفسه صار عاليي شمرت الجداحه من ايدي

من التوتر و الخوف طفيت الجكاره بصبعي خفت لا توكع بالكاع و تحركنه تقدكت عليه لزمت ايده كتله
:-شبيكك صععبب

ضل يمسح بوجهه اديه ترجف ما يسيطر عليهه كالل
:-لليشش تتشغلليننه ليششش

يحجي بصعوبه و يسد عيونه بقوه و يرجع يفتحهه
:-شننو صععب شبييكك راح تتخرربط لليش ترجف صععبب

خليت ايدي على گلبه يدك بصوره مو طبيعيه شفت مي كدامي شلته و خليت بيدي ضليت اغسل بوجهه فتحت

الدكمه مالت قميصه الفوك و اغسل بأديه توتررت ما اعرف شسوي و محد يمنه حسيت شويه كام يهده ضليت

امرغ بأيدينه من شويه رجع طبيعي سحب ايده مني كال

:-ملاذ تلكين حبوب على الميز مالت غرفتي جيبيلي وحده بسرعه

طفرت من مكاني رحت ركض لغرفتته لكيت شريط حبوب اول مره اشوف هيج حبوب طلعت وحده منهن و

رجعت بسرعه انطيتهه اله شربهه و خله راسه على التخم فاتح عيونه حتى ما يرمش كتلله

:-شبيكك صعبب
:-ماكو شي تعبان

:-شننو ماكوو شيي انت شفتت روحكك عبالي راح تموتت
:-كتلج ماكو شيي بس تعبان

قربت يمه سحبت ايده ضليت احرك بيدي عليهه كتله
:-صعب مو اول مره هيج يصير وياك شبيك احجيلي

:-ماكو شي
:-انت مريض؟
:-لاا

:-هاي الحبوب شنو
:-علاج
:-صعبب انت مدمن؟
سحب ايده بقوه خزرني كال

:-لااااا ملاذ لااا كاافي اسئلهه راد يكوم من مكانه كتله
:-اسسفه والله اسسفه اكعد لا تروح بعد ما أسأل
:-تعبان اريد انام

:-نام هناا اني اخاف وحدي بالغرفه و ما نعس نام هنا و اني يمك

رجع كعد سحب وحده من مخاد التخم خلاهه بالكاع و تمدد ضليت العب بشعره كال

:-ضغطي عليه حيل يوجعني
ضليت اضغط عبى راسه بقوه

صار الصمت سيد الموقف احس الخوف امتلك گلبي بس ما اكدر احجي معقوله صعب مدمن ليش هيج صار بيه و

شرب حبايه هاي ثاني مره من يصير بي هيج يشرب حبوب اني اعرف المدمنين هيج يسوون يارربي ان شاء

الله اني غلطانه بقيت العب بشعره كل شويه ابوعله فاتح عيونه يباوع على الفراغ تصرفاته غريبه سكوته خوفني

:-صعب
:-هممم
:-احجي شي لا تبقى هيج جاي تخوفني

:-ليش اخوفج مأذيج؟
:-لا بس صعب احس وراك شي
:-لا مااكو شي اريد انام

سكتت و بقينه على وضعنه هو متمدد واني العب بشعره كمت جبتله بطانيه و غطيته رجعت كعدت بمكامي خله

ايده على عيونه بقيت هوايه كاعده ما جاي انعس التفكير موتني باوعت للصعب يمكن نام وخرت ايده من

عيونه لكيته نايم كمت من يمه جان تلفونه على التخم سحبته بهدوء حاولت افتحه ماكو مخليليه رمز اريد

اصور الحبوب و اترجم معناهه خاف تطلع مخددرات ضليت احاول طلعلي محاولات كثيره حاول خلال دقيقه

بلعت العافيه كبل سديته و رجعته لمكانه رجعت باوعت للصعب على نومته شكله هادء و غاط بالنومه كمت

بسرعه طلعت امششي بالممر بهدوء ففتحت غرفته على كيف احس اليده مالت الباب من تطك يصير الصوت

بگلبي خاف يسمع الصعب شيخلصني فتت للغرفه ضليت اباوع عليهه كلشي ماكو حـتى الاوراق شايلهه فتحت

الكنتور مالته بس ملابس جذب نضري صندوگ صغير خشب صاير بنهايه الكنتور سحبته ردت افتحه بس

مقفول دورت على المفتاح ماكو رجعته لمكانه و سديت الكنتور رجعت ادور ب المجرات بلكت الكه مفتاح ذيج

الغرفه بس ماكوو اي شي ما ادري وين يضمهم طلعت بسرعه خفت لا يكعد اذا هو طول الوقت كاعد ما ادري

شوكت ينام و يعوض سديت الغرفه على كيف و مشيت بهدوء باوعت للاستقبال بعده نايم رجعت امشي بالممر

وصلت للمطبخ بسرعه شغلت الضوه و رحت للغرفه فتحتهه بس ما نفتحت جبت كرسي خليته و صعدت

عليه بالكت الكه المفتاح على الخشبات يلي فوك الباب لان احنه هيج نضم المفتاح بس ما لكيته خوفي كله راح

على الخالي بلاش ما لكيت شي رجعت الكرسي لمكانه و رجعت ركض للاستقبال كعدت بصفه اباوع على معانيه

احس حتى شكله غريب مو بس اسمه منو انت معقوله امي لهل درجه وثقت بيك و خلتني يمك مستحيل علمود

امك صديقه امي لذلك عيشتنني يمك او يمكن امي ضاكت بيهه السبل و جابتني لهناا معقوله هل شخص

مجرم تعبتت احس عقلي وكف باوعت للساعه بالوحده و ربع بقيت كاعده بمكاني اخاف اروح للغرفه شويه و

حسيت الصعب كام يتحرك باوعتله كام يعصر بعيونه قووي و يحرك بيده مثل الي يريد يرفعهه رجع نفسه قوه
كام يتمتم بكلمات وكف گلبي حرت شسوي

:-احترركتت احترركتت رُفيده شووفيي

بلعت ريكي بخوف اسم امميي ليش ينطقه قربت منه لزمت جبهته مشتعل نار
ضليت اكعد بي

:-صصصعععبب اككعدد اككعدد شبيكك

نفسه صار اقوه و عيونه يعصرهم بقوه احس هل يوم ما راح يعدي سلامات

رجع يجر بالكلمه جرر
:-مايي رشوو ماايي

رجعت اكعد بيي فز من نومته مفزوع كعد على حيله يتلفت بالمكان و صاح

:-وووينننههه

كمت ابجي من الخوف احس گلبي كام يرجف كتله
:-منوو صععبب منووو

من سمع صوتيي حس على روحه بلع ريكه و بلل شفايفه المي قريب مني جبتله الدولكه انطيتهه اله شرب المي

البيهه و رجع اخذ بيده مي و خلاه على راسه رغم الجو بارد بس احسه يريد يبرد روحه كتله

:-شبيك صعب حلمان؟

باوعلي و عيونه صايره جبود و كوه فاتحهن شفته بيضه و يتنفس بتعب

هز راسه بمعنى اي و كام كمت وراهه كال
:-هاا
:-وين رايح
:-لغرفتي انام روحي انت نامي ماكو شي

:-شنوو ماكو شيي صعبب شحلمت تدري شصار بيكك حالتك تعبانه روح للطبيب

:-ماكو شيي ملاذ بس حلم ....اخر مره شوكت اخذت حبايه
:-قبل ساعتين تقريبا
هز راسه و بينت عليه الضوجه كتله

:-صعب هاي شنو الحبوب فدوهه والله جايي تخوفني على القليله كليي شنو هل حبوب

:-مو شي ملاذ لا تخافين مهدء هذا
:-ليش تشربه
:-خايفه ملاذ؟

:-صعبب احاول ما اخاف بس تصرفاتك تخوفنني

:-ماكو شي هاي حبوب مهدئه اشربهه من وجع راسي و علمود انام ماكو شي

:-ليش ما تروح للطبيب

:-اي اذا ما صرت زين اروح

:-ارجع نام هناا لان اخاف وحديي

بدون ما يحجي شي رجع لمكانه تمدد كتله

:-اغطيك؟

:-لاا حاره

:-وين الحرر

:-ما بردان نامي الوكت تأخر

كام من مكاانه سحب مخده من على التخم و خلاها وره مخدته كال
:-نامي هنا

صار هو نايم و منطي وجهه للباب و اني عكسه راسي بصف راسه بس وجهي على الساعه ردت انام مكدرت

درت على بطني و رفعت راسي ارتكيت على ايدي و بقيت العب بشعره كال

:-شنو اليوم ما ناويه تنامين

:-ما ادري

:-شتردين؟

:-اني بأمان لو لا

:-ليش هل اسئله لهل درجه خايفه مني

:-من احجي وياك يروح الخوف بس من ابقى وحدي اخاف

:-احجي اسمعج بكل وكت بس لا تخافين

:-اني احجي بس انت ما تنطيني اجابات

:-اكو اشياء مو مهمه لذلك ما اجاوبج عليهه

:-بس انت لليوم ما جاوبتني على سؤال

:-ماكو داعي لان احنه فتره و كلمن يرجع لحياته

:-انت ليش وحيد هم عندك اصدقاء

:-امم عندي

:-صدك منوو

:-عندي صديق واحد

:-شسمه

:-لا والله مو جنج دستي زايد

:-شبييك عينني هو اسم

:-شهاب

:-الله شهل اسم الحلو

:-الضاهر السهر حييل اثر عليج انهمدي

:-انج.... اخذني الواهس ردت اكله انجب حطيت ايدي على حلكي بسرعه ادرري جفصصت يارربيي ما منتبهه

رفع روحه و باوعلي سحبت نفسي بسرعه غطيت روحي بالبطانيه و لزمتهه بقوه كال

:-كومي

:-نااييممهه اننييي

:-اكععديي ملاذذ

:-ماااا مااا والله اكل لاميي عليكك مااااا

سحب الغطه مني و اني مجلبه بلبطانيه من طلع وجهي طفرت و هو لزم معصم ايدي كال

:-عيدي شكلتتي

:-ماا كلتت ماا كلتتت عوفنننيي

:-شكككلتتتيي

بلعت العافيه حرت شسووي گبل بجيت علمود يعوفني بحاليي

:-ييممههه ايدديي وخررر ولجج رُفيده ناااييمه و بنتجج راح يكتلووهه كععديي لحكككيللليييي يمممهه المجرم وخررر ايدديي ايددي انكطعتتت

جذب هو جان لازم ايدي على كيف بس اريد اخوفه علمود يعوفني بهل ليل اذا كتلنني وين انطي وجهي
شافني احجي مستمره ما سكتت كال

:-وسمم وسمم انطينه مجالل شجاجج

:-تررريددد تكتتلننيي الله يساممحككك شسوويت لان فقييره كادر علييه

فلت ايدي كال
:-كافيي خبال

:-تتعبتت نفسييتتييي وخرر منني

:-ما اسويلج شي رجعي انهمدديي

:-لج رُفيدهه شوفي شللون يجرحنني بالكلام يكلليي انهممددييي بعمرج ما كلتيلي هل كلمه

سكتت شويه هو راد يحجي كتله
:-لا جذب امي تنومني برزاله و تكعدني برزاله

شفته ابتسم احس فرحت بداخلي اليوم
كله ما شفته ضحك كتله

:-الله الله شهل ضحكه الحلووه ضل
طول عمرك اضحك طالع تخبل

:-تره ما نسيت حجايتج لا تتلوكين

:-تره ارجع ابجي و اثبرك للصبح

:-لااا دخيلجج نامي و اني نسيت شحجيتتي

:-خوش يله نام

رجع لمكانه تمدد و اني هم رجعت لمكاني جنت نايمه على ضهري اباوع على السكف و مرجعه ايدي العب

بشعره سحبت ايدي لان حسيت بي نام ويه ما وخرتهه من شعره لزم جف ايدي احس قشعريره سرت بجسمي

بلعت ريكي ردت احجي احس لساني نربط دقايق مرت و هو لازم ايدي بدون ما يسوي شي حاولت اهدي نفسي

بس ما اكدر احس حتى انفاسي تخربطت كتله بصوت يرجف

:-صصعب

:-همم

حرت شحجي بقيت ساكته كال
:-اعوف ايدج؟

:-بكيفك

سكت و بقى لازم ايدي هوايه مرر وقت لا اكدر انام و لا اكدر اتحرك رجعت صحت عليه بهمس عبالي نايم

:-صعب

:-همم

:-ليش ما نمت

:-ما اكدر

:-صعبب اريد اطلب منك شي

:-كولي

:-خليني احجي ويه امي حتلو بس اسمع صوتهه اذا بقيت على هل حاله اتخبل تدري من انت مو بالبيت
احس اختنك و الجنانوه تلحكني احير شسوي

:-باجر اخليهه تحاجيج

طفرت من مكاني فرحانه و سسحبت ايدي منه كتله
:-صدكك

:-اممم بس نامي

رجعت لمكاني تمددت على الصفحه شفته مخلي ايده فوك راسه سحبتهه و بقيت لازمتهه سويت مثل ما هو سوه ما حسيت على روحي من نمت

كعدت من النوم مرتاحه شبعانه نوم باوعت على مكان الصعب فارغ تذكرت الصار ببليل من لزم ايدي بدون

احساس ابتسم كمت من مكاني شلت البطانيه و رجعت المخاد لمكانهه رحت للمطبخ سويت ريوك البيت نضيف

ما يحتاج تنضيف بس من الفراغ كعدت انضف بي طلعت للطارمه ششفت الحاويه عسى و لعل الكه الورقه

بس ماكو جانت فارغه رجعت فتت للبيت مليت وحدي رحت طلعت قميص من صعب و لبسته هو و بجامه من

مالاتي شلت شعري بقراصه گصير كوه ينشال و رجعت كعدت ببالاستقبال سمعت باب الشارع نفتح كيفت گبل

طلعت من الباب عبالك اجه ابويه و اريد الاكيه شفته فات ينزع بحذاء كتله

:-الله يساعدك يالمجرم

:-هلاا يالصاروخ

نزع حذائه و فات شايل علاليك بيده باوع على لبسي كال

:-ها شكو اليوم

:-شنو

:-ما عندج ملابس لابسه مني

:-شعللليك؟

:-لا بويه شعليه المهم شلون صرتي

:-ليش اني شبيه

:-هم صدك كلشي ما بيج

:-انت شلون صرت

:-الحمد لله

انطاني علاكه كال
:-هاج بس خلي بصينيه اسبح و اجي ميت من الجوع

:-خوش

هو راح يسبح و اني حضرت الغده و بقيت منتضرته بلاستقبال شوييه وفات بالكيمونه و الشورت بس خاولي
على شعره و الدنيا تكص من البرد كتله

:-ادرري انت ما تحس بالبرد

:-شعليج

:-اووي صدك اني شعليه

ما رد عليه و كعد بالكاع كال
:-يله تعاي اكلي

كعدت كدامه كملت اكل رحت غسلت و رجعت هو يشيل بالمواعين كعدت كدامه كتله

:-كوم بدل اني اشيلهه

:-لا ما عندي شي

:-كومم صعب الصينيه اني اشيلهه انت ابد ما تمد ايدك عليهه مفهوم

:-مفهوم يابه

شلتهن و اني اريد اطلع كال
:-بسرعه كملي وتعالي عندي الج شغله

وديتهم ركض للمطبخ عزلتهم و غسلت المواعين سويت جاي انتضرته بين مكمل صبيت كوبب و اخذته اله لكيته كاعد يكلب بالتلفون مركز بي

انطيته الجاي رفع راسه و ابتسم كعدت يمه شو ما يحجي كتله
:-صعب

:-همم

:-مو كلت عندك شغله الي شنو

:-هاي اي صح

سحب علاكه من يمه فتحه جان بيهه كارتونه مالت تلفون فتحه و قدمه الي رفعت راسي مصدومه كتله

:-هذاا اللي؟
:-اي

اخذته من ايده و الفرحه ما سايعتني كتله
:-شككراا هوواي

:-بالخدمه

انطاني الشاحن كال
:-خلي على الشحن و تعاي

خليته و رجعت كعدت يمه طلع تلفونه باوع للساعه و رجع ضل يكلب بالتلفون صايره مقابيله ما اكدر اشوف
شيطلع خله التلفون على اذنه واجه صوت الاتصال
شويه و كال

:-*الوو....هلا و مرحباا..شلونج......الحمد لله......هاي ملاذ تريدج

قدم التلفون الي عرفتهه امي ايدي كامت ترجف خليت التلفون على اذني احس صار سنه مفاركتهه اجاني صوتهه كله حنيه كالت

:-*شلونج يمه

كمت اشهك اريد ارد عليهه ما اكدر كوه طلعت الكلمه مني كتلهه

:-*زينه و انت
:-*الحمد لله

كمت ابجي بصوت عالي من اسمع صوتهه اشتاقلهه اكثر و هي تهدي بيه كتلهه

:-*مشتااقتتللج شوكت تجين

:-*ما ضل شي شبيج تبجين ضايجه الصعب زين وياج

:-*ايي بس اني اريدج

:-*ما ضل شي لا تخافين يله يمه اروح لا يجي احد

:-*الله وياج ديري بالج على روحج

:-*ان شاء الله عينج على الصعب
:-*اي

سدته قدمت لتلفون للصعب و ركيت نفسي على التخم كمت اشهك من البجي روحي تتكطع طول عمريي ما

مفاركه امي و هسه ما ادري شوكت راح ارجعلهه حتى ما سألتهه اذا عمامي يدورون عليه لو لا و الصعب من اسأله

يشيل خشمه عليه بقيت ضامه راسي بين رجليه و ابجي صوت امي ما يروح من اذني حسيت بيد تمسد على

شعري رفعت راسي بسرعه الصعب كدامي من رفعت راسي خله الكوب بالكاع و كعد بصفي سحبني لحضنه محاوطني بيد وحده كال

:-كاافي كلشي ينحل لا تبجين
كمت اشهم بحضنه امسح دموعي و ترجع تنزل كال

:-ولجج هاي شجاي تمسحين بيه وخرريي وخرري

كمت اضحك علييه رفعت راسي صارت عيني على رگبته لابس كلاده بس صايره جوه القميص اول مره اشوفه

لابسهه نزلت عيوني بسرعه استحيت منه بسبب القرب البينه سحبت روحي منه و هو شال ايده مني كام بسرعه

و طلع بره مسحت وجهي و كمت غسلت ببره رجعت فتحت التلفون لكيت بي شبكه و كل البرامج نازله

ضحكت هاي شنو مشغله قبل لا يجيبه فتت على جهات الاتصال لكيت بي رقمين واحد كاتب عليه الصعب و الثاني كاتب ام ملاذ

هزيت ايدي كلت هسه هذا شبي هو غير تلفوني شبي مسجل امي ام ملاذ رحت غيرتهن كتبت على رقم امي

--ماماتي
صفنت لا شنو هذا مو خوش اسم

رجعت كتبت
--رُفيده الحلوه

اي هذا خوش اسم رجعت فتت على رقم الصعب مصدك روحه كاتب اسمه كتبت عليه

--المجرم

كلبت بالتلفون نزلت واتباد لان اني مدمنه قصص ما اكدر بدونهه نزل و سويت بي حساب نزلت قصص كلت باليل اقراهم

فتت على اليوتيوب طلعت اغنية الدنيا حلوه
شغلتهه بصوت عالي و كعدت على التخم اصفك و اغني

وياهه صوتي مزنجر بس ما يهم شويه و فات الصعب شافني اصفك و اغني كال

:-هاا شكوو ياهو عرس

:-محد واحد ميونس روحه

:-جا ياهي صارلهه ساعه تبجي و تلطم

:-اووي مستخسر بيه الضحكه معلليك خلينني متونسه
ركه جسمه على الحايط كال

:-لا بويه تونسي

ضل يباوع عليه كتله
:-شبيكك لا تباوع حتى نسيتني الغنيه

:-شعليج بيه

كمت من مكاني اخذت التلفون و طلعت كعدت بالغرفه تمددت على الجربايه و كعدت اقره بقصه منطلقه و

متونسه اعلق على القصه باوعت للساعه صايره ب 8 يابه شكد مر وقت و اني ملتهيه شفت بنيه راده على

التعليق مالتي فتتت لحسابهه شفت اسمهه رديت عليهه و سديت التلفون كمت بره توضيت شكد تأخرت على
الصلاه صليت و كملت فات الصعب كال

:-ليش متأخره على الصلاه

خفت اكله على التلفون كتله
:-اخذتني النومه

:-بعد ما تنامين المغرب
:-حاضر

كملت كال
:-تتعشين جبت عشه و منتضرج

:-صعب ببعد ما تجيب اكل من بره جيب مسواك و اني اسوي

:-لا ما عدنا شي لا تطبخين

:-معليك مليت من اكل البره

:-مو كلتي ما اعرف اطبخ

:-اجذب عليك منا و هيج اني اطبخ

:-خوش بويه يله تعاي

رحت وراه للمطبخ كعدنه بالكاع ناكل جان بطل المي بصفي راد ياخذ منه مد نفسه و صار مقابيلي وكعت عيني على الكلاده شفت المداليه مالتهه عباره عن............

.
.من هنا ستبدأ قصه اخرى
بين حاضر و ماضي تتولد القصص💚
.
.
.

.
.
.للحكايه بقيه

.

كلانا كتف للاخر♥
الوريد♪