رواية أنتقام الصفحه 27 (ترميم) الفصل الثالث 3 - بقلم خـلود الـ محسن

-من آنت
*لا اعلم انا تائه اود النوم على اكتاف ملاذي لاخبرها. بمدى الالم الذي يشعر به قلبي
خذلت الجميع لا اريد خذلانك
-سأبقى معك للنهايه
*لكن انا اريد الانتقام أتبقين معي؟
-سأبقى معك لا اريد ان اقول لك ظلا ف سيتركك ليلا سأكون اسمك لاِاكن شيء خاص بك♪♥
بقلمي لــــــــــــــــورآ💚🖊️
:::::::::::::::::::::::::::::::::::::::::♡
صوتوا للبارت
و شاركوا القصه❤️...

رفعت راسي و اشوف الصعب فات للبيت ضليت حايره شسوي گبل كعدت بمكاني هو دار وجهه صاح

:-وولجج شلوون تطلععين هيجج غبيه انتتتِ
:-شمددررينننيي بييكك ليشش تفوتت بدون ما تدك الباب

:-و اني اشم گفه ايدديي انت هيج لاببسه كووممي البسي شيي

:-اطلع بالشارع خل اخذ بجامتي و بعدين فوت
:-عقللج برااسج اخذيهه داير وجهي مالي خلك زعططتج

:-لا لااا ما عندي ثقه بيك اطلعع
:-اللهم طولج يا روح

عافني و طلع بشارع كمت بسرعه سديت السرگي مالت باب الشارع و اخذت البجامه لبستهه بالطارمه رحت

وكفت يم باب الشارع ضلييت واكفه بدون ما اسوي صوت صاح

:-يلهه فتحي الباب
:-اتهوه شويه

:-ولج ملاذ بارده افتحي الباب
:-ثلجت؟

:-ملاذذذ افتتححييي الخ** ما اريد اعلي صوتي تره احنه بشارع

:-افتحه بشرط
:-شنوو كولي

:-اذا طالن اضافيري ما تخليني اگصهم
:-والله ما تطوليهن

:-لعد ابقى اتهوه براحتك
:-افتحي الباب نحجي جوه

:-ماااا اله تخليني اطول اضافري
:-والله ما تطوليهن افتحي الباب علمود نققره الكتاب مو تردين نكمله

من يذكر الكتاب يمي يخليني انسحب من كلامي كتله
:-اذا فتحته ما تحاجينني

:-بس افتحي
:-كول ما اسويلج شي

:-ولج افتححيي بالحسين ما اسويلج شيي صرت فرجه للعالمم الخبله

:-ما اثق بيك خاف تكتلني
:-ملاذذ ولج شوكت ماد ايدي علليج انت غير سوالفج ما تسولف و ما مسويلج شي
:-و هسه ما تسويلي موو

:-حلفت بالحسين بس فتحي ولج سويتيني فرجه للعالم
كفيت ردن قميصيي او بلاحرى قميص الصعب يلي

صايرلي فستان و شديت اطرافه فتحت السرگي كلت گبل اشرد ويه ما فتحت الباب دفعه و لزم ايدي

:-علللييكك الحسين لا تسوويلي شيي انت حلفتتت ما تسووويي شيي

:-ليش هسه اني شسويتلج
:-عوف ايددي حباب والله ما اعيدهه

:-تبطلين زعططه
:-اي ايي بس عوفنني

عاف ايدي و مشيت كدامه وصلت لباب الاستقبال باوعت عليه ينزع بحذائه طكيت ايد بيد وغميته طكيتهه ركضه للغرفه اجاني صوته صاح

:-بس الزمج اطيح حضجج يا زعطوطه
بقيت افتر بالغرفه اني شسويتت طاح حضيي هسه شلون اطلع تقريبا مر ربع ساعه ندكت باب الغرفه كتله

:-هاااا
:-تعالي تغدي
:-لااا ما اثق بيك تريد تكتلنني

:-والله ما اسويلج شي
:-لاا قبل شوي حلفت ومن فتحتلك الباب ردت تكتلني

:-ما كتلتج بس اريدج تتوبين من سوالفج
:-زين احلف مره ثانيه ما تسويلي شي

:-والله تعالي تره جوعان جبت ويايه غده تالي حبستيني بالشارع اول مره اشوف واحد محبوس بالشارع

:-ههههه اتشاقه وياك عيونني
من حجه هيج اطمنت فتحت الباب وطلعت بس راسي كتله

:-ما تسوي شي موو
:-اي والله يله الغده راح يبرد
:-خوش

طلعت مشينه سوه للاستقبال جايب كباب و اني ميته من الجوع كعدنه بالكاع ناكل شويه و صعب كال

:-تشمين ريحه
ضليت اسحب نفس بقوه كتله

:-لا ماللت شنوو
:-ما ادري احسس اكو ريحة حرك
:-لاا ماكوو

جنت لازمه قوطية الببسي بيدي تذكرت الطباخ شمرتتهه و طفرت ركض و صعب اجه وراي وصلت للمطبخ بوجهي

للطباخ لكيت الجدريه صايره سوده من التوتر لزمت الجدريه بيدي لمن حسيت بالحرك صحت

:-ااااااييي يممهه ايدديي ايددديي
درت وجهي على الصعب داير وجهه ما يباوع علينه

طفيت الطباخ و غسلت ايدي باوع عليه من شافني يم السنك اجه لزم ايديي سحبهه من المي كال

:-لا تخللييهه جوه الميي تفرككس سحب ايدي و طلع من المطبخ كتله

:-الجدريه خلي اغسلهه
:-اممشيي خلي النعليه شوفي ايدج
اخذني لغرفته فتح الباب كال

:-كعدي هنا يأشر على الجربايه كعدت بدون ما احجي احس الحرگ ينغز بگلبي ضل يگلب بالمجر طلع عصاره و
اجه كعد مقابيلي سحب ايدي وبقى يدهنه كال

:-شمخليه على الطباخ
:-عود سويت غده بس انت خليتني انسه

:-اني لو انت اجت اخبالاتج و عفتيني بالشارع هاي حوبتي

:-ليش تشور بيه اصابعي يوجعني والله احس الحرك بگلبي اني ما سويتلك شي بس قفلت الباب عليك

:-بعد لا تسوين شي لا تمدين ايدج على الطباخ
:-ردت اصير نادره علمود اكبر بعينك

:-جبيره بعيني بدون هاي السوالف
:-صدك
:-اممم

:-جا كلي شتشتغل ما دام جبيره بعينك
:-اجذب عليج صغيره بعيني
عفته و كمت كتلله

:-مو صوجك يا مجرم يا قاتل
:-سوي خير و ذب بالشط

رحت للاستقبال لميت الصينيه و رحت للمطبخ عزلتهن بقيت اباوع على الجدريه انقهرت عليهه حرامات جديده
اجاني صوت صعب كال

:-تسولفين ويه الجدريه شنو
:-شعليك انتت

:-اخسسرج جدريه؟
:-اخسرك اصابع؟
:-صاروخ بطل سوالفك

اجه بأتجاهي شال الجدريه و ذبها بالحاويه كتله
:-هاايي ليششش اجلفهه و ترجع جديده

:-خل تولي سويلي جاي و اني اغسل المواعين
:-لا روح للاستقبال اكمل و اجي نقره الكتاب

:-لا عندي شغل
:-يعني راح تطلع
:-لا بلبيت

:-شوكت تخلص عفيه الكتاب امانه لازم اقراه الك
:-اكمل شغل وراهه نروح للسوك تشترين ملابس وراهه نرجع انام نص ساعه و الليل كله نقره بي

:-تمام
طلع من المطبخ و اني خليت جاي و غسلت المواعين صبيتله كوب و رحت يمه يگلب بالتلفون احس الشيطان كام يلعب براسي اريد ابدي عليه شويه من الجاي رفع راسه كال

:-شيطانه شتفكرين
:-هااا ما جاي افكر شيي
:-امم شعدج صافنه عليه صفناتج مو امان
:- اكلك شنوو انت تقره مخي

:-لا بس من اول يوم صرتي كتاب مفتوح اي تصرف منج صرت حافظه
:-لعد اني ليش ما اعرف عنك شيي
:-يجي يوم

اخذ الكلاص مني و كام راح لغرفته بقيت افتر بالبيت مللل وين جنت امي لحضه ما تعوفني حتى نكدي تتحمله

هذا الصعب ما يتحملني على الاقل جنت من اضوج اتونس بالتلفون اووفف مللل ملل رحت للمطبخ من اجيت

لحد اليوم من اضوج اروح للغرفه احاول افتحهه و نفس العاده مقفوله رجعت دكيت الباب مالت غرفة الصعب ما يرد عليه رجعت دكيته بقوه صحت

:-صعبب شجاي تسوي
:-ها بيج شي
:-ايي

ما رد عليه شويه و فتح الغرفه سد الباب وراه باوعلي مستغرب

:-شبيج
:-ضايجه
:-شتردين
:-اميي
:-ما اكدر اخابرهه اله هي تخابر

:-ليش انت مو مجرم احمينه منهم و خليني اعيش مثل قبل

:-ليش هسه احد مأذيج؟
:-لا صعب بسس جاي امل اني ما متعوده هيج فدوه افهمني

:-نروح للسوك تشترين ملابس و اعشيج بره تغيرين جو
:-بيش اروح ما عندي ملابس

:-زين اسمعي اروح اجيبلج لبسه ولو اني ما اعرف بسوالف البنات بس اكله عمرهه 19 وهو ينطيني
:-اي

:-اي لبسيهه و نروح و انت اشتري الي يعجبج و بعدين نروح نتعشه
:-لا بدل العشه اكلك شنسوي

:-شنسوي؟
:-ترضه لو لا؟
:-هي شنو غير اعرف اول شي
:-لا اول شي وافق

:-تمام يله كولي
:-لا مااصدك بيك احلف
:-ملاذ خاف احلف و تطلع سالفه عوجه

:-لا لا اببدد انت بس كول والله اخذج
:-تممام والله اخذج
:-للالعاااب
:-صدك تحجين

:-اي والله بكامل قواي العقليه و النفسيه والصحيه و انت حلفت معليه
:-انت مو جاهل

:-ليش الالعابب مخلين عليهه لافته للجهال بسس اكو العاب مالت كبارر ترهه

:-استغفر الله خوشش بس خل اكمل شغلي
:-لا معليه روح جيبلي ملاابس لاحك على شغلك و جرائمك

:-فوكاهه
:-لا بصفهه يله يلهه ما عندي وقت
:-تمام

فتت للغرفه جنت مخليه فلوس على الميز امي خلتهم عندي شلتهم و طلعت هو فات للغرفه يبدل بقيت منتضرته طلع لابس رسمي كتله

:-ادري انت دوم معرس
:-ليش
:-اريد اشوفك يوم تطلع بدون قاط

:-بس المعرسين يلبسون و بعدين اني ما صار هواي من عاقد بكيفي ادلل روحي
:-الحمد لله
هزيت ايدي رجعت كتله هاك
:-شنو

رفعت ايدي اله قدمته الفلوس كال
:-هاي شنو
:-فلوس اشتريلي بيهم
رفع ايده و ضربني بخفه على راسي كال

:-مرتيي انت عود من تجي امج و اطلكج ما اصرف عليج
حضنت اديه لصدريه كتله

:-يعني هسه اني اعتبر متزوجه
:-امممم
:-صدكك يعنني اني زوجة المجرمم لا ما اريد طلگنني
:-هسه زواجنه مأثر عليج

:-اي متعب نفسييتي
:-والله محد تعبت نفسيته غيري يله رايح ساعه و اجي
راح واني بقيت منتضرته بلاستقبال كل تفكيري بالكتاب

اريد اخلص قصة امه و ابوه اريد اعرف شنو نهايتهم بس هو بارد اتجاه هل موضوع كمت للغرفه شلت الكتاب

احس مكان الكتاب متغير اذكر خليته على الجربايه شوداه على الميز معقوله اني خليته ما ادريي احتمال اني

خليته بدون ما انتبه اخذته و طلعت خليته على التخم بلاستقبال و طلعت بره احس بالطارمه أأمن اخاف من

البيت اذا وحدي بي الجو بارد احس خشمي صار احمر من البرد بس ما فتت جوه شويه و نفتح الباب مال شارع فات صعب و بيده علاگه اجه يمي مدايده الي مقربلي العلاگه كال

:-هاج شوفيهن اذا ما عجبنج اني فلا الصعب
:-اشو واثق من ذوقك
:-دشوفيهن راح تطللعين تخبلين

اخذت العلاگه من ايده ردت افتحها كال
:-كومي جوه بارده عليج هنا
:-ما بردانه

:-خشمج صاير احمر من البرد يا ما برادنه كومي
كمت و مشيت كدامه اجه ورايه و فتنه للاستقبال فتحت

العلاگه طلعت منهه بنطرون اسود و قميص سمائي و ستره طويله اسود وياهم حجاب اسود طلعتهن كلهن ضليت لامتهن بأيد وايدي الثانيه تخوصرت بيهه كتله

:-شنو هاي
:-ملابس
:-اكلك تره انت رايح تشتريلي مو تشتري لروحك
كعد على التخم مخلي رجل على رجل يفتح بعلج خلاه بحلكه كال

:-لو بيدي اخلي الناس كلهه تلبس رسمي
:-مو حلوو
:-بله شنو اليعجبج ست ملاذ
:-اكلك شنو اليعجبنني
:-اي بله

خليت الملابس بلكاع و اجيت كعدت بصفه كتله
:-كون واحد اسمر و معضلل كون عنده لحيه و شعره

يلعب بي الهوى هااا و كون يلبس دشداشه و اريده كون النهار كلله الجكاره ما تفارك حلكه و معصب صفنت شويه رجعت باوعت عليه فاتح عيونه عليه كتله

:-صدك شو انت ما تشرب جكاره
:-اوكفي اوكفي انت شكد طايحه حض منين متعلمه هاي السوالف شنو معضل شنو اسمر شهل سوالف

:-شبيكك اشاقه عيوني
:-ملاذ منو معلمج هل سوالف اكول ل رفُيده عليج مو عيب

:-شبيك شبيكك ما تتفاهم وعلي لو ضاله عايشه ويه رُفيده احسلي عاد ما مشبعتني تكفخ
:-هاا هيج صارت؟

:-بله هسه خلينني اسألك سؤال بربك هسه انت ما تفكر بشكل مرتك و تريدهه فد وحده صاكه انيي هم افكر برجلي

كلت هيج وماحس غير لزم اذني و لواها كال
:-ولجج ملااذ زعططه بطليي
:-ااايي ايي بطلتت بطلتت ماعيدهه بعد عوف اذنني توجعع

:-منين متعلمه هل طيحان حض
:-والله مو انني من القصص والله
:-يا قصص

:-قصص جنت اقرهه و بعد تتوبه ما احجي شيي اعتبر هاي اخر مره حجيت بس عوف اذنني
:-ما تقرين قصص بعد

:-اي اي وداعتك ما اقره بس عوفنيي
فلت ايده من اذني كال
:-شوفي الحذاء ما شفتيهه
:-خاف جايبهه لابسه قاط
:-هسه لازم اضحك

:-لا لان ما كتلك اضحك المهم انطيني العلاكه من يمك
:-استغفر الله كومي انت

:- لا اني اذاني توجعني ما اكدر اكوم
هز ايده و كام عبالي راح ينطيني العلاكه اشو هذا وكف

بنص الاستقبال نزع الستره و طلع من ضهره مسدس اني بلعت العافيه كال و هو داير وجهه

:-انطيجياهه
:-لا لاا اننيي راح اخذهه
:-لا خاف اذنج توجعج اني انطيهه الج

:-لا يابهه شبيهه اذنني كلشي مابيهه مثل الورد اتشاقه وياك دنكت بسرعه سحبت العلاكه باوعلي و هو يلعب بالمسدس كال
:-شوفيهه حلوه لو لا

فتحتهه احس اديه ترجف كل شويه ارفع راسي و ادنك شبي هذا اجته الخبالات نااس مو مالت شقه ابدد يمه

بس لا يطلع جني و هسه يكتلنني هنا شكول لروحي اذا متت طلعت الحذاء حتى ما باوعتلهه رفعت راسي و ابتسمت بوجهه كتله

:-الله تتخخبل تخبل على راعيهه
عگد حاجبه كال
:-شششنو؟

راجعت روححيي اني شكلتت من اذكرت شحجيت عرفت حجم الجفصه الجفصتهه تمنيت اكض روحي و اغمهه على الغباء كتله

:-يعنني ابو المحلل لا تفهمني غلط
:-ابو المحل صديقي
:-مو انت اشتريتهه الي ف صرت اني
راعيهه ف اقصد عليه

:-اممم و الملابس حلوات؟
:-يخبببللن يخبللن ريت كل الدنيا مثل ذوقك بسس نزل المسدس لا تسويلنه سالفه
:-كومي بدلي يله
:-ليش

:- مو تردين اطلعج وتشترين ملابس
:-هاا اي صدكك شلون نسيتت هههه

كمت من مكاني امشي و دايره وجهي عليه اتخيل بأي لحضه راح يرمي عليه وصلت للباب و طكيتهه ركضه

لللغرفه بدلت ملابسي شلون ما جان من الخوف طلع الطلعه من عيني شكد غثيث المجرم طلعت و هو
منتضرني بالطارمه صفنت شويه ضليت ارسم بخيالي

::-هسه هذا لو مثل ابطال الواتباد و يطلع ضابط و لازم الجكاره بايده و يدخن ليل و نهار و يزكح بيه و بعدين

يحبني كون يتحول و يكوم يحجي غربي بس ولو هو حجيه جنوبي حلوو الله كون كلمه و الثانيه و يكلي بويه

ايعع شمالنيي عفت ابطال الواتباد اجيت يم مجرم و شايف روحه سارحه بخيالي و اضحك حمحم باوعت عليه كال

:-وين صافنه
:-تريد الصدك
:-اي
:-اكول هو انت هم مثل الزلم شو حتى ما تدخن

اجه يمشي بأتجاهي و عاكد حاجبه و اني واكفه بمكانيي اصلا الوضع يمي عاديي احجي الحجايه بس ما اعرف

معناهه وره دقيقتين استوعب وكف كدامي و اني اباوعله ما مفتهمه شيريد لزم خشمي بين اصابعه الوسطى و السبابه و عصره حيل كال

:-شكلتتتيي عيدددييي
:-شككللتتت خششمييي شبييككك

احجي و صوتي صاير نواصه لو ما شفته معصب جا طكيتهه بضحكه بس وجهه مغيم لا يسمطني بالمسدس ينسيني اسمي
خشمي كام يوجعني احس راح يگطمه كال

:-ليش تجاوزين
:-ما متجاووززهه

:-صصوتتججج لا تعلليينهه تجاوز لا تجاوززيين
:-ليش اني شكلت هو كتلكك هو انت هم مثل ...
قطعت كلامي من استوعبت حجايتيي كتلله

:-بس عوف خشممي عيوني كام تدمع
عاف خشمي كتله

:-باوع اقصدد انت ليش مو مثل الولد كلهه تشرب جكاير هيج قصدي ليش ما فهمتني
:-ما احبهه ارتاحيتي هسه و يله امشي تأخرنا

مشه كدامي طلعنا بقيت واكفه حايره وين اصعد كدام لو وره هاي بلقصص شو ما علموني على هيج شخصيه شسوي هسه كتله
:-اكلك وين اصعد

:-بحضننيي استتغفر الله هايي السياره يعني وين تصعدين فتح الباب و صعد هزيت ايدي و رحت قربت يم

الباب مال سياره كلش نزلت ايدي ليجوه وغميته درت وجهي عليه شفته يباوعلي فتح الجامه من يمه كال

:-غميتينني؟
:-للاااااااا
:-خوش اصعدي

صعدت بدون ما ارد عليه احس اليوم جفصت هوايه بس هو معصب عليمن واحد يضحكك يسولف وياك وين

لاكيهه ملاذ اللطيفه الجميله تسولف ويه واحد عكره احجي ببالي درت عليه كتله

:-انت ليش عكره؟
:-رجعننه لسوالفج
:-ها شبييهه كلمه عاديهه تراهاا

:-هذا انني تعودي عليه تقبليني بهاي شخصيتي
:-تحملني بس شهر لبين ما امي تكمل
الاجرائات نسافر و تخلص مني

كام يمشي على كيف كال
:-ليش انت ضايجه يمي
استغربت من سؤاله كتله
:-لا بس خايفه
:-منين؟
:-منك

:-لا تخافين مني ما اسمح لاحد يأذيج دامج وياي و اذا على الغرفه هاي شي خاص بيه ما احب احد يوصللها و

سالفه الجني جذب وين اكو جني صارلي سنين بالبيت ماطلعلي جني

:-خليني اشوف الغرفه
:-لا

ما رديت عليه شويه وصف السياره كال
:-يله نزلي بسس اسمعيي
:-شنو

:-ماكو حجي يم ابو المحل و سوالف استغباء و لا تعاممليينن اببد اضوج من اليعاملن شكد ما يكلج كوللي اي و تلزمين ايدي ابدد ما تفلتينهه

:-الاولى و الاخيره موافقه عليهن بس الوسط صعبه يعني تخيل ابو المحل انطانه قطعه ام عشر الالف ب 25 تريدني اسكت

:-اي شي يعجبج اخذي ولاتسألين ع السعر
:-بسس
مخلاني اكمل كال
:-يلهه بسرعه نزلليي

نزلنه و هو اجه من جهتي لزم بيدي و فوتنه لمول اول مره بحياتي افوت للمول ااصلا امي جانت تاخذني لابو

المخضر و من اكلها ضايجه تكليي مو طلعتج شتردين بعد ابتسمت من تذكرتهه شكد مشتاقتلهه كال صعبب

:-عليمن تتبسمين
:-اكلك شو بلا خل اتأكد انت عندك عيون
بضهرك حسره سويت شي لكفتني

:-حافظ سوالفج و حركاتج اشوفج بكل مكان
:-شننوو يعنيي اني جنيه
وكف بنص المول دار وجهه عليه كال

:-اخر مره تحجين بالجن خوش
:-بسس
:-اااششش اششش خبلتينني طلعي هل سالفه من راسج
:-دمشي فضحتنا بنص العالم

:-مو اني ملاذ و فضحتكم
:-اكلك رجعني للبيت
:-نجبي و اسكتي

ضليت ساكته ضوجنيي من صدك و اني منا اريد حجه علمود ابجي على امي دموعي صارت بطرف عيني ما

اريدهه تنزل شكد اضحك و اتشاقه بس ما احب واحد يشوفني و اني ضعيفه دخلنا المحل بس على اعصابي

على يا لحضه اسمطه راشدي اخلي يستعدل اني اعلمك يجي يوم و اصلخك راشديي يامجررم كال

:-شوفي يعجبج شي منا
:-لا مو حلوو
:-شفتيهن
:- اي ما عجبني

:-تمام طلع و لزم ايدي فوتنا لمحل ثاني وكفت ببدايه المحل كتله
:-مو حلو ما عجبني

اريد انرفزهه اني اعلمك شلون تعلي صوتك عليه رجع فات المحل رغم الملابس كلهه حلوه بس اريد اشلع گلبه كال

:-فوتي
:-مو حلوات ما عجبني
:-تمام

اشو هذاا ما يضوج كتله
:-شنو ما ضجت؟
:-ليش؟

:-يعني ما ضجت يا محل ندخلهه اكلك ما اريد و مو حلو
:- لا اني جايبج مو علمود تاخذين شي ما عاجبج
:-بس هنه حلوات

:-ادري و ما تاخدين لان گبل شويه ضوجتج مو قصدي بس ما اريدج تفكرين بشي يخوفج
حجه هيج ووكف كدام محل كال

:-شوفي يجوز يعجبج شي
حسيت بالذنب من حجه هيج كتله
:-نختار سوه
:-ذوقي ما يعجبج
:-لا يعجبني

اخذت تراكات و دشاديش و هو كله يختار الوان غامقه يكلي اخذيهن ديلا بلا شبي هذا عود هستوني كسر خاطرري بلعباس ما يكسر خاطري

طلعنه من المحل وكف ع صفحه كال
:-شوفي
:-هاا
طلع فلوس من محفظته خلاهن بيدي كال

:-روحي منا اشرلي ع طريق كال
ثالث محل ترحيله تشترين شنو محتاجه و ترجعين اني واكفلج هنا

:-تعال وياي
:-لااا روحيي منتضرج
:-ليش ما تجيي
:-روحيي ملاذذ لا تلحيين بسرعه

رحت وحدي اتلفت ما متعوده امشي وحدي كل شويه ادور اباوعله و ارجع امشي حسبت ثلث محلات و صلت

للمحل جان افوت والكاه البسه نسائيه جمدت بمكاني عزاااا واني اكول ليش ما يريد يججي و اني مجلبتله

تعال ما تعال طلعت بنيه بالمحل كالت
:-تفضلي حبيبي
:-هاا
ابتسمت كالت
:-تفضليي

:-ها اي شكراا ضليت اتلفت استحي اشتري منهه حتلو بنيه يمكن هي حست عليهه طلعت كم قطعه كالت

:-شوفيهم اذا عجبوج بدون ما ابوعلهه كتلهه
:-ايي حلوات خليهن كلهن

خلتهن و هي تضحك يمكن عليه وين ما جان اعوفلي بصمه و افضح بروحي انطيتهه الفلوس و اخذتهن ركض

رجعت لكيت صعب واكف بمكانه استحي احط عيني بعينه كال

:-يله نروح نجيب الج قمصله علمود بعد ما تلبسين منيي
:-والله اذا عجبني البس بكيفيي

:-اكدرلج انه؟
:-لا
:-اول مره تحجين شي صح
:-اكلك اسكت مالي خلك
:-اووف لو تبطلين سوالفج
:-معليك
:-معلينه بويه
:-اي عفيه

بقينه نفتر لحد ما اخذت جاكيتين عجبني و هو يلح يريد اخذ ادري وين طالعه و اخذ هيج ملابس طلعنه من المول

صدك جنت ضايجه احس شويه تغيرت نفسيتي شال الغراض خلاهم وره و اجه صعد شغل اغنية

♪♪بس انت هيثم يوسف
بقيت احوس لازم اذبلي حجايه كتله

:-هو انت هم عندك ذوق
عگد حاجبه مستغرب باوعلي و رجع باوع للطريق كال
:-ليش؟

:-لبسك و اغانيكك كلشي مو حلو
:-ام الذوق الرفيع شنو تعجبج اغاني بله

:-طلعنه بابا جابلي بالون
:-الحمد لله على نعمة العقل

:-شنو يعني بس لا قصدك اني بدون عقل
:-انه كلت هيج؟
:-لا

:-جا انجبي
:-اكلك احنه وين مولين

:-ولججج لا تجفصييين لاتجفصييينن
:-شكلتتت هي مولين نفسهه رايحين بس بغير صيغغه
بس انت متتقبل المهم وين رايحين

:-للالعاب
طفرت من مكاني حتى هو استغرب كتله
:-عللييك العباااسس

:-مجذب عليج من گبل؟
:-اي
:-أنعم الله
:-دكول شلون
:-شلون

:-اكلك انت مجرم متكلي اي اكلك انت قاتل متسلسل متكلي اي اكلك انت من المافيا تسكت صفنت شويه كتله
يااااا عزااا السكوت علامة الرضى

بقى مركز عيونه على الطريق كال
:-انت ليش فضوليه بطلي فضول يموتج
:-انت شكد نفسيه

بقى ساكت ميرد عليه اريد اغثه بشي بس ما ينغث بسهوله بقيت اعلي بالاغنيه و انصيهه تخلص و يشغلهه

اليكلك ما شايف هيج اغنيه شويه و طبك نزلنه و جان هذا صدك اخذنه لمدينة العاب من فرحتي نسيت كلشي

حتى ضوجتي راحت بقينه نمشي سوه اني مجتفه اديه و امشي اباوع على الناس حتى ما جان الي واهس

بالالعاب رغم كللت اصعد كل الالعاب الي بنفسي
احس مشتاقه ارجع اعيش مثلي مثل اي واحد حسبي

الله على الوصلني الدرجة اخاف اطلع و يشوفوني يممكن هاي راح تكون اخر طلعه الي بالعراق راح اشتاق لهل بلد

هواييه رغم ما شفت منه خير من موت ابويه و لهذا الييوم لحضات من الصمت قطعهه بسؤالهه كال

:-ارتاحيتي
ابتسمت و كتله
:-اي هوايه

:-احم احجيلي شصار ليش امج شردتج
بلعت ريكي كتله

:-صعب ما اعرف انتت منو ليش امي جابتني يمك بس اني واثقه ب أمي مستحيل تخليني يم شخص خطأ لذلك

راح اثق بيك لدرجة العمى و احجيلك كلشي بس يياريت ما تخذلني

حط ايده بجيوبه و مخلي نضراته ليكدام وصلنه مكان حديقه عامه و بيها مصطبات لزم ايدي و سحبني وراه

بس ما حجه شي احس شي غريب صارلي رغم مو اول مره يلزم ايدي بس ما ادري شهل شعور احس لزم گلبي

مو ايدي كعد على المصطبه و اشرلي اكعد يمه كعدت بدون ما احجي كال

:-رفُيده تعنيلي هواي و اجه الييوم الي راح اكدر ارد الجميل الها تتوقعين اخذلج

حركت راسي بمعنى لا بس ما فهمت شنو يقصد كال
:-احجي

:-من جان عمري 16 سنه توفه ابويه بيتنه جان ايجار ما كدرنه على دفع الايجار بس اني و امي ما النه احد

لذلك اضطرينا نطلع من البيت رحنه لاخوالي بس ما تقبلونه يردون امي وحدهه بس امي ما تكدر تعوفني وين

اروح المهم اخذتني و رحنه لاعمامي بقينه ببيت عمي الجبير محد متقبل وجودنه بس انت تعرف عشاير شلون

ييخلون بتهم بالشوارع لذلك بقينه يمهم صرت بالخامس بطلوني لان ما عدهم بنات تدرس تدري مرات يخلونه

ننام بدون اكل لا اني و لا امي نكدر نحجي شغلونه خدم عدهم بس وين نروح لا همه الي يخلونه نطلع و نعتمد

على روحنا و لاهمه الي ينطونه تدري اتمرض محد يهتم صح ابويه جانن شخص ضالم بس ما قصر لا مني و لا

من امي اجه يوم و صارت سالفه بين عمامي و كلها طلعت تشوف شكو من ضمنهم امي و بس اني بقيت

بالبيت و بنات عمي جنت جاي انضف بالغرفه ما احس غير الباب نسدت و ابن عمي هجم عليه حاولت بكل

طريقه اوخر عنه بس على الاغلب جان سكران بقيت اصرخ شويه و فاتوا اهله و امي سحبتني منه بس ما

سوالي شي بقيت ابجي بحضن امي و كلهه شافت المنضر كلها شافته هو الغلط بس تهموني اني الي اتحرش

بي و بنات عمي شهدن كدام اهلهن شافني صحتله للغرفه بس اميي مو مثلهم تعرف اني شنو لذلك جبروني

اتزوج ابن عمي رغم هو سكير و سوالفه مكسره كل يوم جاييهم بمصيبه حتى امه ملت منه مرتت الايام و مشه

عليه اسم العار ام الولد اشكال الحجي سمعوني صارت غصب عني و قررو بيوم انر باجر يكون عقدنه امي جانت

متحيره شتسوي من بين صفنتهه و صاحت بأسمك تدري حسيت امي نخلقلها امل من كالت اسمك لذلك بليله و

الكل نايم شردتني و رجعت الهم راح تكمل كل اجرائات السفر بدون محد يدري و نهاجر منا هاي كل قصتي
باوعت عليه جان مركز ويايه كال

:-لا تخافين انت بأمانتي راح ترجعين سالمه لامج
:-اخاف عليهه خاف مأذينهه

:-ما عليهه شي هي ما تكدر تخابر تخاف لا يشوفونها و يحددون موقعج اتحملي بس هل فتره
:-الله كريم

حضنت اديه لصدري الجو برد و الوقت تأخر كتله
:-نرجع للبيت

:-بردتي
:-لاا بس خل نرجع
:-كومي يله

مشه كدامي و اني وراه ما لزم ايدي ما ادري شلون تقدمت و لزمت ايده رفعت راسي اريد اشوف رد فعله

بس جان جامد ما سوه اي شي اخذلنا عشه و راهه صعدنا بالسياره حسيته ضايج كتله

:-شبيك
:-ماكو شي

كام يفرك براسه و كل شويه يقلل السرعه مال سياره فتح دكمة قميصه حتى جسمه كام يعرك و عروگه برزت

تفاحة ادم تصعد و تنزل خفت عليه لا يتخربط
وضعه مو طبيعي كتله

:-شبيكك صعبب
وكف السياره بنص الشارع و خله راسه على الگير و يفرك بيي كام يصيح

:-ككككااففييي وخرررييي
:-منو صعبب اننيي

:-لاااا لااا اووككفيييي لا ترررححيينن
خفت كلش منه وضعه مو طبيعي رفع راسه عيونه حمرر

دم و يحجي كلام ما مفهوم كأنما جاي يحجي ويه
شخص بس ماكو احد صرت بزاوية السياره من الخوف ما اكدر احجي شي ضل يصيح

:-ممميااي ذبوو عليهه مماااييي
يباوع كدامه و يصيح باوعت للكدام ماكو شي طريق

فارغغ بس بس اكو كدامنه حاركين شي يمكن زباله او هيج شي السيارات تفوت و ترجع بس احنه واكفين بنص

الشارع كمت ارجف من الخوف لان كام يزيد ما ينقص و يصيح

:-لااا لاا راحح تموتتت لاتعوفينننييي اننيي هنااا
يمكن مر نص ساعه و هو يحجي كلام غريب و حالته بالنازل

جسمه كام يرجف و العرگ يزيد و باقي يباوع ليكدامنه و يحجي جنت لازمه بطل مي بيدي جريت نفس قويي

تقربت منه بس احسه فاصل مو ويانه احسه جاي يشوف شي اني ما اشوفه خليت مي بيددي و غسلت

وجهه جان المي بارد و الجو بارد من رشيت عليه حسيته فز باوعلي و بلع ريكه كتله

:-شصار
ما حجه شي فتح الجكمجه مالت السياره و طلع شريط حبوب منهه اخذ منه حبايه و قدمتله بطل المي ما اعرف

شنو هاي الحبوب شرب الحبايه و نزل من السياره بقيت مراقبه حركاته دار وجهه على الجهه الثانيه و دنك راسه

بقه يغسل بي بالمي رجع صعد بالسياره لاف و رجع كتله
:-وين رايحين

ما حجه شي و اني سكتت لان وضعه مو مالت احجي وياه حسيت حتى عيونه تغيرت مشينه هواي بس بالاخير

لاحضت هل مكان شايفته هاي منطقته يمكن جابنه من غيير طريق ما اعرف ليش هيج تصرف ضل ساكت ما

حجه اي كلمه فتنه للبيت نزل الغراض و الهدوء جان سيد الموقف بينه خله العلاليك بالممر مال البيت و فات

گبل للمطبخ شلت العلاليك اريد افوتهم للغرفه بس سمعت طكت الباب مالت الغرفه يلي بالمطبخ ملت نفسي

اريد اشوف فات للغرفه و سدهه وراه ما ادري شبي هذا و ليش هيج يتصرف ما ادري شهل غرابه شعنده بذيج

الغرفه خليت الاغراض بالغرفه و رحت بسرعه للمطبخ اخاف الزم باب الغرفه بس ع الاكيد قافلهه بقيت واكفه

قريب منهه ماله صوت ردت ادك الباب و سمعت صوته ما اسمع شجاي يحجي بس يمكن جاي يحجي ويه واحد

منو بهل غرفه ويه منو جاي يحجي كأنما جاي يعاتب شخص اسمعه يردد بكلمة ليشش بس ما اعرف لمنو جاي

يكولهاا تصرفاته جاي تخوفنيي شويه و طلع من الغرفه عيونه حمرر مثل الي اله ايام ما نايم بس شافني نزل راسه كال

:-شبيج ملاذ
:-اني الي شبيه؟

:-اقصد رايده شيي
:-شبيك

دار وجهه ع الباب يقفل بي كال
:-ما بيه شي تتعشين

:-شنو ما بيك شي و الي صار قبل شويه
:-ماكو شي بس تعبان شويه

دار وجهه و مشه احس حتى خطواته ثكيله رجع كال
:-يله امشي اني جوعان

مشيت ببدون ما احجي كعدنه بلاستقبال فتحت العشه ثنينه نجامل محد بينه مشتهي الاكل اني الاسئله تدور

ببالي احس صراع بين سؤال و سؤال اما هو جان مجرد كاعد يمي بس باله ابد مو وياي صافن بالفراغ و عاگد حاجبه شويه و كام كال
:-الحمد لله و الشكر

كمت وراه شلت الاكل محد اكل شي رجعته للثلاجه غسلت و فتت للاستقبال لكيته لازم الكتاب يباوعله بس ما فاتحه اول ما فتت كال

:-نقره بالكتاب
:-خاف انت تعبان

:-لا
كعدت بصفه و فتحت الكتاب
.....
عوده الى الماضي
الصفحه الثانيه

::-روح سماني ابوي بهل اسم يمكن اني الشخص الوحيد الي يحب اسمه نولدت بعائله مسيحيه لكن اسلموا قبل

ولادتي من سكنة بغداد توفت امي و اني عمري 40 يوم كبرت و طالما سمعت كلمة موتت امها وجهه فكر على

اهلها جنه عايشين بمنطقه عاديه ابويه يشتغل فلاح عند عائله هل عائله عدهم بنيه وحده والي هي رفُيده

كبرت و صار عمري 15 سنه توفه ابويه بقيت وحيده محد الي ابويه عاف اهله لخاطر امي تبرو منه و امي

جانت يتيمه ابويه رباهه على ايده بعد ما توفه ابويه رفُيده وعائلتهه صارو الي سند اضطروا ينتقلون للناصريه

بسبب مشاكل بينهم و بين اهلهم بس جانوا مترددين لان محد الي جنه اني و ابويه عايشين ببيت صغير بحديقه

اهل رفُيده بعد ما توفه حاولوا ويايه بكل الطرق اعيش ويياهم بس جنت رافضه هل شي كعدت رفُيده تقنعني

انتقل وياهم شفت انو ما الي احد لذلك خضعت للامر الواقع رغم حبي لبغداد انتقلو للناصريه كعدت يمهم ببيت

البستان صارت علاقتي قويه ب رفُيده جنه نكعد بالحديقه سوه يوم من الايام فات ابو رفُيده و وياه

شخص ردنه نكوم قبل لا يفوتون بس ابو رفُيده صاح
:-ابقوا هذا مثل ابني

وكفت وره رفُيده وهو سلم بقيت مدنكه راسي استحي ارد رفعت عيوني عليه بدون محد ينتبه شفته يباوع عليينه و مبتسم

فاتوا جوه و رُفيده دارت وجهه عليه كالت
:-شفتتيي شلون اكلج بنضراته

ضربته على جتفهه بخفه كتلها
:-نجبي شهل حجي

:-لج بس هو شكله شكد شخصيه
:-شعلينه بيه
:-اي صدك شعلينه تعالي نكمل دراسه

بقينه نقره اني وياهه بس غيرنه مكانه طلع الولد من البيت و اني و رفُيده بقينه مراقبينه جان يباوع على

المكان الي شافنه بيه كأنما جاي يدور على شي ضايع منه

ما شافنه و احنه بقينه نضحك عليه بقى هل ولد هوايه
يتردد على ابو رُفيده مرات يشوفنه و ياكلنه بنضراته

بس لليوم ما عرفنه على منو يباوع اني اكول على رفُيده و هي تكول عليه

كعدت الصبح بدلت و تحضرت للمدرسه رحت على رُفيده بس جانت مريضه ما تكدر تداوم طلعت وحدي وصلت لباب الشارع و سمعت صوت واحد يحمحم...........

.
.
.
.
.
.
.

.
.
.للحكايه بقيه

كلانا كتف للاخر♥