رواية أنتقام الصفحه 27 (ترميم) الفصل الثالث عشر 13 - بقلم خـلود الـ محسن

بقلم الكاتبه لورا
°°°°°°°
اشتركو بقناة التليكرام الرابط بالوصف
°°°°°°°
انستا lorai_alrwi
°°°°°°°°°°°°°°°°°°°°

نزلت راسهه و دمعته بعينهه كالت
روح:-ابو عابس مات

امي لطمت على صدرهه و اني ضليت بس صافنه اريد استوعب روح كعدت بالكاع و كامت تبببجي ضامه وجهه ببين اديهه و تصيح

روح:-ماات و ما راضي عليه كله بسببيي اننني صوجيي هسه عابس شيسوويي رفعت راسهه تبجي و تناشغ
:-رُفييده شسووي

:-شتسوين ليش انت موتتي الله يرحمه

:- و عابس شلون بيي ولج جان يتمنى ابوه يرضى عليه و مات و هو ما راضي عنه عابس يموت والله ما شفتي شلون راح و دمعته بعيننه

كعدت كدامهه حضنتهه خلت راسهه بصدري و تناشغ

:-اخااف بعد ما يرجع للج ابووه ابووه المات خاف يلومونني
وخرت من حضني خليت اديه على خدودها

رُفيده:-شعليج انت هذا يومه و اذا ما يحجي ويه عابس ف ذنبهم عابس رادج و همه وكفو بوجهه و هو خطبج غصب عنهم مو انت الجبرتي لا تفكرين هيج

:-خاايفه اخسره والله اخاف

كامت ترجف و تحجي بدون ما تدري بروحهه امي ضلت تقره قرأن يمهه لان من صدك تهسترت اول مره اشوف

روح بهل ضعف لاي درجه حابه عابس كومتهه بالكوه ساندتهه بأيدي و هي ترجف و تردد بأسم عابس فوتهه

لغرفتي تمددت و لفت نفسهه بالغطه ضمت حتى وجهه بقيت كاعده قريب منهه ما اكدر اسوي شي من احجي كلمه تزيد بالبجي شويه و وخرت الغطه من وجهه و كالت

روح:-جيبيلي الكتاب

:-شسوين بي

:-جيبي

كمت لغرفتهه البره رغم ابويه مات بس روح اغلب وقتهه مكضيته بغرفتهه تستحي من امي و امي تترجه بيها بس

كون تجي يمنه جبت الكتاب و رجعت انطيته الها لكيتهه كاعده و صافنه على الفراغ انطيته الها و كعدت مقابيلهه

بقت تكلب بلاوراق دموعهه على خدهه ساعه تضحك و ساعه تبجي باوعتلي و هي تضحك كالت

:-شووفيي هنا شكتبنه سوه شووفيي

تباوع على الكتاب و دموعهه نزلت تمسحهن و تحجي

:-شوففي كالي من نتزووج و يصير عدنه اطفال ابوي راح يسامحني شوفيي ماا سامحه ماتت گبل لا يسامحه واللله اليدري بحال عابس

:-كافي يروحي كافي

كمت سحبتهه لحضني اهدي بيهه حضنت الكتاب على صدرهه نامت بحضني رجعتهه على الفراش وجهه صاير

احمر و رموشهه منگعه دموع خشمهه صاير طماطيه غطيتهه و طلعت صحت على احمد من الحايط اريد ابقى يم روح ضليت اصيح بأسمه شويه و اجتي اخته

:-ها شتردين

:-صيحي لاحمد

:-ما تجين اشو انت و لا عبالك متزوجه اخوي اليكلك
بعدج عايشه ويه اهلج

:-شعليج انت زوجي و قابل

:-لا والله ما يقبل بس يستحي من امج قبل شويه كال لامي رُفيده شوكت تكعد بالبيت

-بلعت ريكي اريد بس اهدء نفسي مستحيل احمد يكول هيج اذا يريد يحجي كدامي على صوتنه طلع احمد اخته بس شافته فاتت جوه كال

:-ها رُفيده شوكت تجين

:-تعشيت

:-الحمد لله

:-اكلك

:-كولي

-يحجي و بيده دفتر يكلب بي يمكن مالت شغلهم

:-خل ابقى يم روح اليوم مريضه

:-شبيهه

:-ابو زوجهه توفى و حالتهه تعبانه

:-الله يرحمه بس رُفيده اذا بتي يمهم راح ترجعينه شو
هو حتى ما متقبلهه على شنو حزنانه عليه

:-شبيك احمد غير ابو زوجهه بس اليوم

:-اخر مره رُفيده ما احب مرتي تبات بره حتلو اهلج

:-ان شاء الله هاي هيه بس هل مره يله باي

-عافني و فات جوه بدون ما يرد نزلت من الطابوكه
مخليتهه روح علمود تحجي وياي جريت نفسي بقوه

شبي احمد اول مره هيج يحجي عفته و فتت جوه كعدت يم روح بعدهه حاضنه الكتاب و ناييمه سمعت

التللفون يتصل امي ما تعرف اله كمت اشوف منو
:-الوو

......................

مـــلاذ

-صعب بي طبع غريب ابد ما يحب يسبق الاحداث على كوله شهاب اني لو بيدي اقره الكتاب بيوم واحد بس هو

خلكه طويل يقره صفحه صفحه و يتمعن بيهن مرات الكاه يعيد الصفحه من كاعد وحده باوعتله مسويه روحي فقيره اريد اترجاه

:-شوف حباااب بس الييوم

:-لا لا اببد لا اليوم و لا القبله

:-تف شكد خبيث انت

-خزرني و اني حابسه ضحكتي متعمده غلطت عليه لان هنا ما يكدر يملص اذني و لا خشمي

:-نرجع للبيت لو لا

:-تنسى

:-خووش

باوعت لكدامنه بدت الناس تتجمع هذا الي يتعشه و هذذا الي يفتر وياه جهاله الجو برد كلش

الصــعب:-نرجع للبيت بردت

:-لا شويه

:-تعباان ملاذ ما نايم

:-ماا مااا

:-كومي ولج والله تعبان الليل كله تبجين ما تخليني انام و هسه ما تخلينه نرجع للبيت

:-لا والله ما جابرتك تنام ييمي

:-تضوجين!

:-لا انجب غير اخاف

:-صارن ثلث غلطات

:-لاا لااا هاي ما مقصوده و بعدين ثنين مو ثلاثه

:-ثلاثه كلتي تف و خبيث و انجب

:-لا لا تف و خبيث بنفس الجمله تعتبر غلطه وحده

:-معلينه هسه ما تردين انام يمج بعد!

:-لا اخاف من بيتك المسكون

:-جا رجعينه يله تعبان

:-مااا الجو يخبل شوف الناس والله بس تجبرني ارجع اصرخ و الم الناس عليك اكلهم خاطفني

:-ههههه سويهه و شوفي شيصير

:-شيصير!

-فتح تلفونه شغل صوت الشيخ من كال اسمي بالعقد مصوره صوت كامل كتله

:-عادي انكر اكلهم مو اسمي هذا

:-هههه نكري

مد ايده بجيبه طلع جنسيتي خلاهه كدامي كال و هو مبتسم

:-هم تنكرين!

-باوعت بصفه وكعت هويه بدون ما ينتبه
كتله

:-لا ما انكر

-حجيتهه و دنكت على الهويه بسس شافني دنكت هو نزل قبلي و سحب الهويه خلاهه بجيبه كتله

:-شبيك خل اشوف صورتك

:-مو مالتتي

:-لعد

:-ها كومي ملاذ خل نرجع للبيت

:-شبيك

-جاي نحجي و الدنيا بدت تمطر خفيف كال

:-شوفيي ملاذ حتى الدنيا جاي تكلنه روحوو للبيت

:-يااا ياااا والله هسه لو الدنيا تشيلني و تشمرني بالبيت هم ارجع كوومم شكد احب المطرر

-سحبته من ايده و هو ضال مصدوم كالل

:-شبيج شبيجج تخبلتتيي شنوو ما تشوفين العالم

:-شعلليناا بالعااالم

-سحبته صرنه جوه الشجره و المطر بلل ملابسنا ضم الكتاب بالستره مالته يخاف عليه لا يتنكع

:-ملااذ راح تتمررضين والله

:-ما عليه ششيي والله حلوو

بقى يتلفت منا و منا

:-شتدور

:-ماكو واحد يبيع مضله شووفي خرررب ملااذذ تنكعتي امشي ولج

:-شبييك و لا تسوي واهس اممشي

-مشيت كدامه ضايجه و هو يمشي وراايه خله وحده من اديه فوك راسي يحميني من المطر و ايده الثانيه حاضن

بيهه الكتاب لا يتنكع ابتسمت هو بس مخلي ايده المطر صار قوي و تنكعنه ثثنينه فتحلي باب السياره و نطاني

الكتاب و راح صعد اول ما صعد سحب كلنس هوايه و قرب مني مسح وجهي من المطر و ينشف بأديه بقيت اباوعله و اضحك

ملاذ:-شبيك صعب ما عليه شي

:-لا لا تتمرضين

-كمل و رجع نشف وجهه و بقه ينكث بشعره لان تنكع رجع باوعلي كال

:-خو ما بردتي

:-لاا

:-شلون حجابج تنكع خاف تنزل البروده لراسج

:-امشي صعب خل نرجع و ابدل ثنينه تنكعنه لا تخاف بس عليه انت هم تتمرض

:-لا اني اتحمل المرض انت ما تتحملين

:-اي لييش انت الرجل الحديدي

:-هو مو صوجج صوج الخايف عليج

-شغل السياره الجو يموت افتح الجامه اريد اطلع ايدي
بالمطر و هو يسدهه من يمه خزرته و لا اهتم رجعت

ارتكيت على الكرسي بدون ما يحجي شي فتح الجامه و شغل اغنية الدنيا حلوه عود ردت استمر بالزعله ما كدرت

الجو ما يخليني ازعل و اغنيتي الاحبهه هاي الناس مدري شلون تحب الاغاني الحزينه طلعت ايدي من

الجامه و المطر ينزل عليهه باوعت على الصعب كل شوي يباوعلي و يرجع يباوع للطريق مبتسم

ملاذ:-ططلع اييدك حباابب

:-لا

:-حححباااب حبااب الخااطرررييي

:-لا المطر يفوت للسياره

:-لعد مو فاتح الجام من جهتيي

:-اهوو ملاااذ

:-حححباب حبااب

-عض شفته الجو و جر نفس بغمك بعد لحضه و يسمطني راشددي فتح الجامه و طلع ايده بسرعه و رجعهه

الصعب:-ها هسه ارتاحيتتي

:-اووي هسه اني شكتلك

:-ضجتي!

:-لا

-ما حجه شي شويه و وصلنه وكف السياره كال

:-اوكفي لا تنزلين

المطر صار قليل نزل فتح الي الباب مالت السياره

:-يله نزلي

-نزلت و هو مخلي ايده فوك راسي هو ثنينه متنكعين و اني مكيفه على المطر بس هو خايف مدري شبي فتنه جوه صاح

:-بسرعه للغرفه تبدلين و تلفين روحج بالبطانيه

ردت ارد و انفتح باب الشارع فات شهاب كال

:-هنيال المتزوجين جا شماله حضضيي

الصعب:-ياهي تكلبك

:-اني بعد ما لكيت الحلوه التستاهل جمالي

ملاذ:-غير يستقرر وجهك يسد النفس على فكره

:-ووعلللي احلى منج هو انتِ غير حاجبج نايم

الصـعب:-انجب شهاب انت لو ندخل كفاله يم النبي يوسف هم ما يسويك حلو

:-لا والله جا ياهو الحلو بيكم انت حاجببك مصعدينه طابق ثاني

ملاذ:-يا حاجب يعجبك عينني اشو كل الحواجب معترض عليهه

:-تعجبني بس روحي

-اني واكفه جوه احجي وياهم و همه بره متنكعين و يتعاركون متت ضحك عليهم صعب هز ايده و فات جوه يدردم على شهاب صار كدامي كال

:-اله تتمرضين مووو بسرعه للغرفه

:-شبيك تصيح رايحه

-فتت جوه صدك بردت جنت جوه المطر ما احس بدلت و تلفلفت بالطانيه شهاب صاح

:-تاكليين

:-لا تعشينه بره

:-مو اكول هنيال المتزووجين حضضي حضضكمم

:-من تصير بجمالنه ينعدل حضكك

-ما رد عليه لزمت التلفون اگلب بي امي صار الها هوايه ما مخابرتني اكثر شي تتواصل ويه صعب دزيتله

:-اكلك

-تأخر ما رد ضجت شجاي يسوي ليش ما يرد عليه اكيد بيده التلفون لعد وينه ما يرد رجعت كتبتله

:-تأخر بعد تأخر لاحك على ام براطم رد يله

-ماكو ما يرد ضوجني كلش من التوتر ضليت ادخل لبرنامج و اطلع من برنامج و ارجع بلاخير افوت للواتساب و الكاه ما فاتح الرساله كتبتله

:-وحق الله براطمهه اكبر من حياتي شنو شايف بيها تلحك عليها يله رد بس اريد اسألك و ولي ما ميته عليك
رجعت اكلب اجاني اشعار كبل فتت كاتب

:-شبيج!

:-شعلليك ها شعليك يله لا ترد ما ميته عليك

:-شبيج يابه!

:-شووف لا تستفزني تره ما تعرفنني

:-شسويتلج

:-معليكك يله

-گبل حضرته اريد شي يوخر ضوجتي يرد ببرود و اني صار ساعه اراسل بي شويه و دك باب الغرفه ضليت مغلسه ما اكله فوت اله اضوجه مثل ما ضوجني

:-ملاذ ادري بيج كاعده

:-شتريد

:-افوت

:-لاا

:-ليش

:-اريد انام معليك خووش

-نفتح الباب و اني طفرت من الفراش

:-هاااا مو كتلك لا تفوت

:-ما سمعتج

-سد الباب و اجه كعد بصفي يباوعلي مستغرب خله ايده على كصتي درت وجهي منه كال

:-حتى ما مصخنه شبيج بعد

:-ما بيه شي اريد انام

:-امم ضايجه مني!

:-لااا علييمن اضوج

:-من السكرتيره

:-يااا اني اغار من ام براطمم امداهه بنت ال

گبل لا اكمل سد حلكي كال

:-اششش اغلطي عليهه بس مو على الاهل

سحبت اييده من حلكي
:-ببنت الححلوو ردت اكول ام برطم وجه الجوب

:-شسوتلج

:-شكوو تسألني عليك

:-اي زين اني شسويتلج

:-ليش ارراسلك و ما ترد

:-بدلت و صليت و شهاب سوه جاي شربت يله لزمت التلفون لكيتج هاده عليه

:-ما تتأخر عليه من ارسلك

:-عبالج احجي ويا غيرج

:-و اذا تحجي بله اني شعليه

:-شمدريني غير انت مسويتهه عليه كربلاء بالخاص

:-لاا شوكت

:-امم زين رضيتي هسه

:-ما زعلانه

:-امم زين ليش غلطتي عليه

:-شششوككتت

:-ممن جنه بره وهسه بالرسائل كاتبه ولي

:-لا مو اني

:-جا ياهو

:-اصبعي هذا مو اني

:-همم ليش حضرتيني

:-ما ادري ما منتبهه هذا التلفون وحده يحضر

:-هااا زين يله نعبرهه فكي الحضر

فتحت تلفوني شللت الحضر و رجعته بقى كاعد يباوعلي كتله
:-شبيكك لا تباوع هيج

:-شنو ردتي تكليلي

:-ها شوكت

:-مو كاتبتلي اكلك شردتي

:-ها باوع مشتاقه لامي صار الهه هواي ما مخابرتني اريد اشوفهه

:-شوفي امج راسهه ياابس اكلها اني اشوفلج بيت بغير محافظه علمود تصير بعيده عن عمامج و هي قافله ما ترضه ادور الها

:-اي حقهه ما تحب واحد يمن عليهه

:-ليش اني راح امن عليهه!

:-لا مو عليك اقصد بس هي امي هيج حتى ما جابتني يمك اله من شافت اعمامي ما الهم حل غير اشرد منهم

:-الله كريم بس خل تحصل جناسيكم وراهه كلشي يينحل

:-هي تخابرك

:-قبل يومين اخر مره خابرتني و البارحه دازه رساله

:-شكايله بيهه

:-سألتني على الكتاب كالت تقرونه لو لا و كالت دير بالك على ملاذ و سلملي عليهه و بس

:-شو ما كتلي امج تسلم عليج

:-نسيت

:-خاين للامانه انت

:-ليش

:-ما تداير بالك عليه و لا توصلي السلام و تضوجني و تكتلنني و كلشي تسوي

:-دخيلك اللهي شوكت كاتلج ولج

:-غير خشمي صاير مخرراط من وراك و اذني مرات احسسها صايره بطولي من كد السحل و ما تهتم بييه تكص اضافرري

:-تضوجين من اسويلج هيج!

رفعت راسي عليه شفته يباوعلي و يحجي بجديه اني جنت اشاقه من حجيت هيج

:-لا ما اضوج اشاقه وياك شبيك خو ما ضجت

:-لا

:-ما نمت مو تعبان

:-وين انام!

:-اممم هي مالت ددرووب هذا البيتت شكده و نام

:-يعنني وين!

:-تريد يم صاحبك شهاب تريد بغرفتك تريد بذيج غرفة الجنانوه وين ما يعجبك

:-ها هيج صارت

:-كتلك بكيفك

:-خوش رايح يم شهاب

:-براحتك

-كام من يمي و اني اضحك عليه ادري بي يردني اكله نام هنا بس اني اعلمك اليوم اطلع ضوجت ام براطم بيك وصل للباب بدون ما يباوع كال

:-تصبحين على خير

:-و انت بخير

-رجعت تمددت و هو سد الباب اكلب بالتلفون ما انعس تعلمت اسهر باليل و انام بالنهار امي لو تدري هيج

تذبحني كل شويه اشوفه متصل هو حتى ما شبعان نوم شعنده سهران خاف ويه ام براطم كتبتله

:-ليش ما تنام

كتب

:-ما اكدر انام هذا شهاب بس يسولف

:-هااا لعد روح نام بغرفتك

:-لا اضوج وحدي

:-امم يله نام لا تسهر

:-و انت ما تنامين

:-ما انعس

-شافهه و ما رد ضجت عليه هذا تعلم اله العب بشعره يله ينام مرت نص ساعه و هو يطلع متصل كتبتله

:-شنو شهاب بعده يسولف وياك

:-اي موتني

:-تجي هنا

:-وين

:-بالغرفه هنا تعال العب بشعرك و نام

:-جاي

سديت التلفون و نزلت بطانيتي و مخده بالكاع شويه و ندك الباب كتله فوت فتح الباب كال

:-ااياابه ههذا شهاب فد حقنه الله يساعد مرته شكد يحجي

:-اممم يله تعال اني ضجت وحدي

- ابتسم و اجه تمدد بمكانه كعدت يم راسه العب بشعره متمدد على ضهره و حاضن اديه فتح عيونه يباوعلي بدون ما يحجي و اني ادير بوجهي على كل الاماكن اتغاظى نضراته وترني كال

:-تستحين!

بلعت ريكي متوتره
:-هاا لا منين

:-مني

:-لا

:-ليش ما تخلين عينج بعيني

-باوعتله و هو ما زال يباوع خليت عيني بعينه ابتسم و عض شفته الجوه سحب ايدي من راسه باسهه و رجعهه على شعره مخلي ايده فوكهه و يحركهه

:-شبيك انت توترني تره

:-شسويت

:-لا تباوع

:-وين!

:-عليه لا تباوع

:-حاضر

-غمض عيونه يحاول يكتم ابتسامته ضليت اباوعله هسه هذا شنو يضحك عليه
وخرت ايده من على ايدي و لزمت خشمه بقوه كبل طفر من الفراش يضحك كال

:-اسم الله شبيج

:-هههه حللل شفت شلون تووجعع

باوع على ايدي و سحبهه لزم اصبعي الابهام و السبابه باسهم و نزلهم كال

:-هنه هذن هم ييوجعن

:-اي ما شايفني من الزكك راشددي اله اخليك تندم على هاي حجاايتك

:-لا يابه اشاقه وياج خليني انام لا تسوين شي

-سحبت ايده و لزمت اصابعه الي يلزم بيهم خشمي ضل يباوعلي مبتسم عباله راح اسوي مثله گبل دنكت عليهن و عضيتهن بقوه صاح

:-اااخخ خررا بيوووممجج جللب شنني

-وخرت منه ميته ضحك ضل ينفض بيده باوع على اصبعه و خلاه كدامي كال

:-ادرري مجلوبه شني هاي هم عضه
شفت سني مطببوع بأصبعه

:-تستتاهل علمود هذا اصبعك بعد ما ترفعه عليه

:-هسه اخذتي ثارج اريد انام

:-يله نام

-رجع تمدد و اني العب بشعره هل مره ما اسويله شي خطيه حسيت نفسه ثكل تمددت و سحبت ايده بست اصبعه العضيته لان صدك أذيته بس هو سكت مني سحب ايده كال

:-ما نايم لا تتحارشين

بلعت العافيه من سمعت صوته اسم الله هذا ييمثل عليه

:-لليشش تجذب تسوي روحك ناايم

:-ما مجذب جاي انام و انت تبوسين بيه

:-لااا ما بستك بست اصبعك لان خطيه

:-اممم خوش

-سكتت منه و كمت جبت تلفوني و تمددت و هو لزم ايدي هل مره عرفته صدك ينام لان بالمره الاولى ما جان

لازم ايدي و هو ما ينام اذا ما لازمهه بقيت اكلب بالتلفون و دزيت رساله لبرق منتضرتهه ترد احس كل

وقتي فراغ ما عندي شخص غير برق اتواصل وياه حتى قليل كمت اقره قصص شفت فديو مره تسأل طفل على

امه تكله اشتاقيتلها و هو يكول لا شويه و كام يبجي لكيت روحي ابجي وياه گلبي متكطع على امي ذبيت

التلفون و سديت حلكي ما اريد اطلع صوت كمت اناشغ صورة امي ما تروح مني من شفتهه شلون تتلفت لا واحد

يشوفهه و من توصي صعب عليه اختنكت كعدت و لميت رجليه لصدري اضم بشهكاتي ردت اكوم اغسل و

كعد صعب يباوعلي مستغرب صار مقابيلي و عيونه مليانه نعاس كال

:-ها شبيج منو وياج

لازم ايدي و يباوعلي مستغرب
:-شبييج شي يأذيج

-اهز براسي بمعنى لا ما اكدر احجي جنت ابجي بصوت ناصي و من شفته كعد تهسترت اريد بس اسكت ماكو

قربني عليه خله راسي على صدره و يمسد على شعري بدون ما يحجي من شافني شويه هديت كال

:-ليش تبجين

:-ارييد اممي

:-على هاي تبجين

:-ا ااي مشتاقتلهاا

:-بس تخابرني اخليج تحاجينهه بس لا تبجين راحت روحج كافي بجي

وخرني من حضنه خله وجهي بنص اديه كال

:-تنامين!

-حركت راسي بمعنى اي كام بدون ما يحجيي اكو مثل الشرشف على الجربايه سفطه بالطول و خلاه بنص الغرفه كال

:-شووفيي بس انومج و ارجع لمكاني و هذا حاجز بينه

ما حجيت شي اجه يمي رجعني مثل قبل شويه على صدره و رجع يمسد بشعري

:-هاي هيه ما بيه شي نام

:-اششش

رجعت ابجي بس بدون صوت ما ادري على شنو ابجي على امي لو على روحي

:-انت مو نعسان

-ما رد عليه دنك و مسح دموعي بطرف ابهامه خله ايده على خدي احسه وجهه صار قريب مني يجر نفس من

شعري خلاني اخنس بمكاني ما اكدر انطق كلمه صوت نبضاته صار عالي و اني مخليه اذذني على صدره كتله

:-شبيك انت ما تحجي

:-هممم

:-ششبي گلبك

:-ماكو شي يله نامي

:-شلون انام و اني كاعده اريد اتمدد

-وخر من يمي نمت بالجهه الثانيه و خليت راسي على طرف المخده و هو غطاني و تمدد لزم ايدي و بقى يحرك

بأبهامه على ضهر ايدي فوت اصابعه بين اصابعي غطيت وجهي بالغطه ما اريد اشوفه تصرفاته صايره تخوفني

غفيت فزيت على صوت قوي لكيت صعب كاعد متمدد و يكلب بتلفونه و اني راحت روحي صوت مطر قوي و رعد باوعلي كال

:-اسم الله اسم الله ماكو شي

:-ييممهه صععببب راح يوكع البيت

:-اشش بيش مفاوله ماكو شيي

:-للاا عليك الله والله اخاااف

-جريت الغطه و قربت منه لافه جسمي كله بالبطانيه حتى ضهري احس الرعد من يطك يصير بضهري مطلعه بس وجهي و صعب يضحك كعد يمي

:-اهدي شبيج صلي على النبي ماكو شي

-كل ما تنضرب رعيده اني اصيح بصوت عالي بسم الله لو اصلي على النبي من الخوف

صعب شغل قرأن نوب الكهرباء انطفت شويه و راح صوت الرعد بقت بس تمطر بقوه من شفت الرعد راح وخرت الغطه

باوعتله جان نايم بصفي كتله
:-هاا شو نايم هنناا شكوو

:-اخذتني النومه و نمت هنا بعدين غير انتت بس تبجين و انه مبتلللي بيج

:-ششنو انني بلللوه

:-لا ياببه احلى بلوه يله نامي شحجانيي هسه

:-ماااا انت تحجي عليه

:-يابه غير انت تبجين و هسه تخافين و تصيحيين ارريد امميي

يحجي هيج و يضحك
-طفرت عليه اضرب بي و اريد الزم وجهه و اخرمشه و هو يضحك يدفع بيه و اني تخبلت اريد بس اخرمشه

تمدد يضحك و لازم ايدي بقوه رفعت راسي و عضيت ايده سحبهه مني و اني خرمشت وجهه و بقيت ادغدغ

بي بس ما يضحك لزم ثنين اديه و مددني على البطانيه و ضل يدغدغ بيه احس روحي طلعت من الضحك

اختنكت كمت اصيح بأسمه بصوت عالي

:-لاااا صعععبببب يييممههههه ببطنننيي ككككااففييي

:-منو بده خل اتووبج

:-كككاااففيي ييمه ييممهه بططنني ككاافيي عليك الله رااح امووت

شافني كمت اصرخ بصوت عالي سد حلگي بقوه و وخر مني

الصعـب:-خررب خررب شهااب كاعد ولج

وخرت ايده مني و كعدت

:-خيوولليي انت تضحككني شنو تريدني اسسسكتت

:-فضحييه الصارروخ فضييحهه

رجعت لمكاني و صحت بي

:-يله ارجع لمكانكك

:-بس اليوم

:-مااا ارجع لمكانك

رجع تمدد بمكانه كال
:-لعبي بشعري اريد انام

:-معلليه

:-اجتهه الخبالات

:-انجب مو مخبله اني

رفع ايده ضربني على راسي ردت اغلط مرة الثانيه كال

:-بس تغلطين اشلع اذنج

-باوعتله منزل راسه يكلب بالتلفون غمييته و تغطيت اريد انام ما اكدر شبعانه نوم اصلا بليل جبرت روحي

على النومه شمر تلفونه و تغطه و اني جبت تلفوني لكيت برق راده عليه كتبتلها و بقيت منتضرتهه شويه و ردت

بقت تحجيلي على يومهه و شسوت و اني هم حجيتلهاا شصار كالت

:-ملاذ صعب يحبج

:-ما ادري بس اني اريد ارجع لامي ما اريد يتعلق بيه
اني كلشي حجيت لبرق على صعب بس ما حجيتلهه شنو ششفت بالغرفه مالته

:-الله كريم ان شاء الله ترجعيين

رجعنه نحجي عادي و هي بدت تكملي شنو صار ويهاهم بعد وفاة ايوب💚

.................................
مُـــهرة

-خلصت ايام الفاتحه و الناس كلمن راح لبيته و رجع الهدوء عم على بيتنه بدو يحضرون للكعده و الي كتل ايوب انسجن

كل يوم افوت من غرفة ابو ايوب اسمعه يبجيي عليه و احس روحي تروح جهالي تشتتو احس روحي

مو كد الحمل بعد ايوب اغلب وكتي اكعد بالغرفه بس من يصيحون عليه اطلع اشتغل اجيب اكل لجهالي و

ارجع افوت للغرفه الجهال يعاندون و من يشوفوني ابجي يسكتون و كلمن يكعد بمكانه لليل نامت كلها و اني

تمددت بفراشي طلعت صور ايوب من جوه المخده اتذكر بي و ابجي

:-الله يرحمك ياروح مهره محتاجتك اكثر من اي وكت ثاني اريد من الله باجر ياخذون بثارك صح الي كتلك مو

متقصد بس انت مالك ذنب كله بسبب ثأرهم العشائري خسرتك كلنا بحاجتك اني و جهالك و ابوك و امك الله يرحمك ياروحي

حضنت الصور على گلبي و نمت فزيت على صوت الباب يندك بقوه فتحته و طلعتلي اخت ايوب رافعه حاجبهه و متخوصره

:-هيييي مو مكيفه على ابو داخله عده محد من الولد
بالبيت طلعي نضففي حوش الحلال و رجعي للبيت يله
نايمه للضهاري

باوعت للساعه هستوهه ب 6 الصبح جريت نفس بقوه باوعت لجهالي نايمين لبست حجابي و غطيت وجهي

خاف واحد يشوفني ما يصير و طلعت نضفت حوش البره سمعت صوت حماي ردت افوت و وكفني كلامه من كال لزوجته

:-يتنازلون طبعاا اهم شي فلوس مو اهم شي ثار

:-شكد نربح من الفلوس

:-خل نشوف شكد ياخذون و بعدين نتقاسمهم

-احس گلبي نعصر من كلامهم معقوله يتنازلون معقوله
يطمعون بفلوس و يتنازلون عن دم اخوهم مستتحيلل

اريد اجذب روحي اريد اجذب سمعي عفت البيدي و فتت جوه ما اكدر احجي شي بس احجي يكلولي

تتنصتيين كملت شغل و سمعت اصوات الولد فتت للغرفه كعدت الجهال سيف طلع بره يم عمامه شويه و رجع كال

:-سوي النه ريوك

:-عمامك راحو

:-اي محد اكو

كمت سويت الهم ريوك و كل شويه تجيني كلمه سم منهن كملت بسرعه و رجعت ريكتهم ما كدرت اطلع بعد للعصر

و راحو للكعده و اني الوب اريد اعرف شراح يسوون من اجو ما كدرت اطلع و لا اريد اعلم جهالي يوصلون حجي

ضليت منتضره لحد ما راحو كلهم طلعت و وحده من حمواتي كالت

:-فصلوهم 5 ملايين و الرجال الي كتل ايوب ما راح يتنازلون عنه

-حطيت ايدي على گلبي احس براحه حتلو اخذو فلوس المهم سجنو كاتل ايوب ما اتحمل اشوفه كدام عيني

ضليت هيج من همه ماكو اطلع انضف و ارجع تمر علينه وجبات ما ينطونه اكل رغم اني الاطبخ و جهالي اذا راحو

يمهم يطردونهم بالكوه احبس دموعي كدامهم اطفال من تجوع شسوي شبيدي عليهم خلصت عدتي و طلعت

روحي بيهه لا اكدر ارجع لبيبي و اني برگبتي كوم اطفال و لا اكدر اعيش ويه هيج ناس جان ايوب موجود و كوه

حاملتهم مو يله وحدي عليهم و كلهه تكرهني على كره امي

حبسونه بغرفه لا اكدر اطلع لا اكدر افوت بس واحد يشوفني يكول ببيتنه كاموا يحاسبوني على المكان

فلوس الفصل لازم ترجع لايتام ايوب بس ربع ما شفنه منهه اخذهه اخوه و صارت مشاكل بينهم لان هو ما

يرضه ينطي لاخوانه تعبت منهم كمت اشوف جهالي يذبلون كدام عيني اكل ما شبعانين بس ابو ايوب جان

زين ويانه من شفت تعاملهم هيج ويياي و ويه جهالي كلت لابو ايوب

:-عمي اني ما اكدر ابقى وياكم اكثر من هيج اريد اطلع منا و اخذ جهالي

شفت وجهه نعكش ادري بي ما يكدر يفارك جهالي لان يشوف بيهم ايوب كال

:-لا بويه اله الطلعه ما اكدر غير هيج شتردين يجرالج

كلهم كام يحجون و تدخلو و مو بكيفهه ناخذ جهالنه و نطردهه اخر شي اتفقو اعزل بغرفتي

اشتره النه طباخ و خليته بالغرفه صارت هي مطبخ هي منام جهالي ما يطلعون ابد و لو طلعو يرجعولي مكتولين

اشوفهم شلون يضربون جهالي و اسكت ما الي واحد احجي بزوده ابوهم و كام محد يسمع كلمته كلهم طغو

نسوانهم شدن وياي و ويه جهالي لعب ويه جهالهم ما يخلنهم و همه من شافو هيج صارو يفضلون الغرفه سنين

ضليت وياهم على نفس الحاله ابوهم اخذني سجل قطعة ارض بأسمي جانت لايوب و صارت الي نأجرهه و

من فلوسهه اصرف علينه جهالي كبرو سيف و بيلسان و برق دخلو مدرسه و نبقى بس اني و يامان و اريان بالبيت

صرت قليل اختلط بيهم و هم ما خلصت من حجيهم الجهال كاممت تكبر و الغرفه ضيكه ما نكدر نكمل بهيج

مكان طلعت منتضره الجهال يجون من المدرسه برق صف اول و سيف و بيلسان يخافون عليهه واحد يلزمهه

منا و واحد منا من يرجعون اباوعلهم وصلو قريب للبيت وشفت ابن عمهم بكد سيف صار كدامهم و تلازموا هو و

سيف لا اكدر اصيح بصوت لا اكدر اطلع برق و بيلسان واكفات وحده بصف وحده و ذوله متلازمين اصيح

بصوت ناصي على سيف اخاف لا واحد يجي من عمامه و يكتله و هو نحس يتخبل و لا واحد يلزمه اجه ابن عمه

و ضرب برق على راسهه و سيف تخبل يجرجر بي و لا جنه يسمعني اصيح دفعه و كعد على صدره خانكه شبعه

راشديات كام من يمه و تفل عليه سحب برق من ايدهه و بيلسان لازمتهه من ايدهه الثانيه گبل لا يمشون كاله

:-بس تمد ايدك على وحده من خواتي اخطف روحك

خلاني ادك و الطم و هو متخبل ما يرضه واحد يمد ايده على اخواته و خصوصا برق

:-ولك سيف تخبلنني انت تخبلننني

:-شوفي يمه وعلي اي واحد يندك بيج لو بأخواتي ما يلوم اله روحه كتلكم اصير الهم خطاف ارواح وحق هو علي

حيرني هل ولد اخاف لا يسويلي مشكله شيخلصني من عمامه يكمل دروسه و يكعد يقري برق و يلعب ويه

الجهال شجان يسوي ابوه هسه هو يسوي مثله مرات اخاف منهم لا يأذونه بس هو ذكي يعرف شوكت يحجي
و شوكت يسكت ما يتدخل بس بوكت يأذونه بشي

سيف صار ضماد لاخواته
...........................

مـــلاذ

-صار الصبح باوعت على صعب نايم شكد يكسر خاطري ما يشبع نوم زين باليوم اذا نام 4 ساعات قربت منه و

ضربته راشدي فز مخروع من شافني كاعده كدامه و اضحك فرك عيونه و بقى يستغفر ضل يرفع ايده على

راسه و ينزلهه بعده ما مستوعب الصدمه باوعلي عاض على شفته كال

:-ليش ولج

:-مو كعدتك و ما تكعد

:-لا تجذبينن هسه ما تكولين لا يصير بي شي

:-لا ما اكول يله انت مو تريد تكعد من وقت

عافني و راح لغرفته و اني عزلت الغرفه لميت الغراض و شحنت تلفوني طلعت غسلت و صعب طلع بره مبدل و

بيده السويج و صل يم الباب و اني يم المغسله ارييد اشيل مي و ارش عليه ويه ما فتحت ادييه جوه المغسله صاح

:-شترردين تسووين

:-اغسل!

:-همم صدكت يله رايح تردين اجيبلج شي
من كال هيج تراجعت ما ارش عليه كسر خاطري

:-اي حلويات

:-بس

:-و خابر امي

:-اذا هي خابرت ميخالف

:-ووو لا تحجي ويه ام براطم

:-ههههه لا ما اعرفهه هيج حجيت وياهه و باجر اخذج وياي و شوفي اذا حاجيتهه

:-خووش يله روح

:-باي

طلع و اني رجعت للاستقبال شهاب نايم و اني جوعانه ما عدنا ريوك بالثلاجه جبت كوب من المطبخ ترسته مي

بارد من المغسله و فتت للاستقبال غاط بالنومه و تلفونه بصفه شلت الكوب و صبيته كله على وجهه فز مثل

الغركان و اني متت ضحك ما ييكدر يسويلي شي كام يتلفت و يصيح

:-ااا اااشششاا اشااااا خرررب خرررب بووجهجج يالجلببه

:-انجب شسويتلك هسهه

:-وولج زين ما صار عندي سككررر

دار وجهه و شاف تلفونه منكع بالمي طفر للتلفون ينكث بي و يمسحه بالبطانيه شغله ما يشتغل صدك ضجت

عليه ضل يفتر و يغلط عليه كعدت على التخم هو كام شكل الشاحنه و خلاه على الشحن شكد حاول وياه من نشحن صاح

:-ككككلللوووش شششحن ششحنننن
ضحكت كتله

:-ااي لعد شكوو خرعتنني

:-جلبه لا تكعديني هيج بعد

:-غير جوعانه

:-جا شنيي اني دجاجه

:-كوم جيبلنه اكل و اسفه يله

:-انجبي

:-انت اننجب خووش يله كوووم

-كام غسل و رجع لبس قمصله راح للمحل و اني لميت فراشه و شلته لغرفة صعب خليته بمكانه و خليت

البطانيه على الجربايه غرفه صعب نضيفه دوم ينضفهه ما يخلي فراش مخربط بيهه حتى الاخشاب هو ينضفهه

شفت على الميز اوراق ضليت اكلب بيهن شفت بيهن ورقه مكتوب عليهه اسم غمار اكثر من مره و كل مره

مرسوم بشكل يختلف ضليت اكلب بيهن اكو بيهن جنسيه سمعت شهاب اجه خفت اشوف الباقي رتبتهن

مثل ما جانن لان يعرفني و رجعتهن لمكانهن طلعت بسرعه لاكاني شهاب كال

:-تعاي يمي بالمطبخ

مشيت وراه بدون ما احجيي شهاب ييسوي ريوك و اني كاعده صافنه افكر بلاوراق يجوز بيهن شي اريد ارجع اشوف ذني الاوراق شنو شويه و شهاب كال

:-شبيج مو احجي وياج!

:-ها

:-وين صافنه

:-اكلك

:-كولي
:-..........يــتبـ؏

.
.
.
.
.
.
.للحكايه بقيه

*صوتوا للبارت حبايبي

كلانا كتف للاخر♥
الوريد♪