رواية أنتقام الصفحه 27 (ترميم) الفصل الثاني وثلاثون 32 - بقلم خـلود الـ محسن

الكاتبة لورا

انستا lorai_alrwi

تفاعلكم على البارت
.......................…………………

الصعب:-ملاذ

رفعت راسي علية مصدومة شايل الكتاب و واكف كدامي
:-ها؟

:-نقرة الكتاب!

عكدت حاجبي مستغربة من سؤالة
:-شنو يا كتاب؟

:-ليش هنة كم كتاب؟

:-شبيك صعب شجاي تحجي

:-بابا انت شبيج نكمل الكتاب بقت صفحة

احس رجفة سارت بكل جسمي لفيت شعري بسرعة و اني متوترة احس ما جاي اسيطر على رجفة جسمي مشيت يمة وكفت كدامة

:-بابا خلص الكتاب البارحة قرينة اخر صفحة

:-الكتاب كم صفحة؟

:-ثلاثين

:-قرينة 29 و بقت وحدة

جنت متوترة ما اعرف شلون ابعد الفكرة من راس صعب و لا اعرف اطلع نفسي من هيج موقف بقيت ساكتة و صافنة بوجهه

:-وين وصلتي

:-ها صعب اني متأكدة كملت الكتاب ثلاثين صفحة

:-تمام احسبيهن

كال هيج و انطاني الكتاب اخذتة من ايدة و ادية ترجف رفعت راسي اباوعلة حاضن ادية لصدرة و منتضرني احسبهن

:-شوف احنة قريناهن كلهن

صاح بصوت عالي
:-قرررينة 29 ملاذذذذ

حركت راسي بمعنى اي و اني الخوف مسيطر علية
فتحت الكتاب احسب بلاوراق ورقة ورقة وية كل ورقة روحي تروح كل ما ارفع راسي علية الكاة مركز على الكتاب كأنما متأكد من الصفحات ناقصة وصلت لل 26
سحب الكتاب من ايدي

:-صعب

:-ستة و عشرين

كال هيج و رجع باوع للصفحة كلبهه احس مغص صار ببطني و حرورة طلعت من وجهي ما جنت محسبة لهيج موقف

:-ثمانية و عشرين

يكلب الصفحات و يحسب و لا كأنما اكو شي هادئ و هل هدوء جان ما قبل العاصفة

:-تسعة و عشرين

كلب الورقة و جانت الاخيرة لزمهه بيدة و كلبهه
:-ثلاثين

رجع باوعلي الكتاب بيدة و اني كدامة
:-هاي ثلاثين صفحة انت غلطان

:-السبعة و عشرين؟

دنكت راسي متوترة رجع كرر السؤال
:-ملاذ الكتاب بس عندج وين راحت الصفحة

:-م..ماادري مو عندي

:-بلا جذب

:-ما اجذب مو عندي

كلت هيج ما احس غير شال الكتاب و شمرة بالكاع رجعت ليورة خايفة من تصرفاتة

:-ملااااااذذ اله علية اله علية لا تجذبين

:-ماااعررف شي حالي من حالك

:-لاتجذذبين ملاذ كلشي سوي و لاتجذبين

رفعت راسي علية عاكد حاجبة و يصيح منفعل بلعت ريكي خايفة من يصير عصبي يفقد ما يشوف احد كدامة

:-لاااتتسكتتين احجييي

كال هيج و دفعني من جتفي على كيف
:-شحجي شحجي شبيك انت كتلك ما اعرف شي

:-ما تعرفينن مووو

هزيت راسي بمعنى اي مسحت دموعي و هو دار وجهه رفع ادية مشاهه على راسة و رجع نزلهه باوعلي عاض شفتة الجوة

:-اذا طلعتي تجذبين راح اندمج ما راح يوكف بعيني اي واحد صدكي

بقيت مدنكة راسي خايفة منة و روحي لايبة لا يعرف بية
:-ليش ما جنتي تقبلين اقرة الكتاب اني ليش من وصلنة للصفحة 26 انتِ الي بديتي تقرين

:-ه..هيج لان شفتك تعباان اني مادري بشي و لو جنت ادري جان نبهتك

:-نتأكد من امج عادي

:-صعب يجوز هو 29 شمعرفك

رفع حاجبة و قرب مني دنك راسة علية و خلة ادية بجيوبة

:-اشش حرف ما انسى من الكتاب اقري بدايتة و راح تعرفين كم صفحة دير بالج تطلع الج ايد بالصفحة 27
حركت راسي برفض وخرت من يمة عييوني يطلع منهه نار اول مرة صعب هيج يسوي بية

عاف الغرفة و طلع و اني كعدت على الجرباية احس اعضائي كلهه ترجف جريت نفس قوي و كمت من مكاني سمعتة برة يحجي وية احد رجعت للغرفة و سديت الباب اخاف لا يرجع فتحت تلفوني امي ماكو دزيت الها رسالة اريد تنقذني من الموقف الاني بي كتبتلها

:-يوم وينج محتاجتج

سديتة و تمددت على الجرباية صافنة على السكف

_مستحيل انطي الورقة لو شما يسوي زين اذا سأل امي شنو راح تكلة كمت من فراشي قفلت الباب خاف يجي رجعت تمددت اني بشنو ورطت روحي اساسا امي ليش خلت بيدي هيج شي ليش يخلون بيدي مسؤولية اكبر مني الافكار احتلت راسي صعب شنو راح يسوي طلعت الورقة من جوة الدوشك بقيت صافنة بيهه ليش ما اشكهه

:-خلاص بس ترد علية امي هاي الورقة راح اشكهه و انهي كلشي خلي صعب ينوهم بشي

..................

شهـاب

كاعد اشتغل على اللابتوب بأخر فترة اني و صعب ملتهين بهواي شغلات هملت شغلي بهل فترة سمعت تلفوني يتصل شفت صعب يتصل كملت البيدي و رديت علية

شهاب:-عيني

:-تطلع؟

:-وين؟

:-كهوة

:-شعجب يابة صعب يطلع كهوة هاي هيه بليل امر عليك و نطلع

:-لا شهاب اريد هسه اطلع

:-وين اكو كهوة هسه شعدك صاير شي

:-لا ما صاير شهاب ما اريد اضل بالبيت

:-شصاير انت و ملاذ متحاجين

:-لا شهاب نطلع لو لا

:-جايك جايك

سديت الخط منة و سديت اللابتوب بدلت ملابسي و طلعت صعب بس من يضوج يخابرني و يريد يطلع وصلت للشقة لكيت صعب واكف برة و مخلي جكارة بين اصابعة نزلت بسرعة يمة

شهاب:-ها ابو الشباب

:-شهاب جيب رتـيل هنا

:-ليش راح نتأخر

:-اي نتأخر

:-زين شكلهم ادري كل يوم ماخذة لصديقتهه

:-كل لعمي ماخذهه لملاذ

:-خوش اخابرة هسه؟

:-لا خل نروح و نجيبهه ويانة ماريد اضل بالبيت

:-شصاير؟

:-ماكو شي امشي

عافني و صعد بالسيارة صعدت ردت اشغل السيارة خلة الجكارة كدامي و بيدة جداحة

شهاب:-شنو؟

:-ورثهه

عكدت حاجبي مستغرب سنين صار صعب ما ورث جكارة
:-صعب شبيك اليوم؟

:-ورثهه شبيك

اخذت الجداحة من ايدة و هو دنك راسة ورثت الجكارة و هي بيدة بقيت اباوعلة سحب منهه نفس و رجع نزلهه بدون ما يباوع عليهه مركز نضرة على الشارع

:-صعب شلون؟

:-جاي اتعالج

حركت راسي بمعنى اي لان صعب مبين ما يريد يحجي ما ادري شنو الصاير بينة و بيين ملاذ

الصعب:-ما تحرك؟

:-و ملاذ

:-ما عليهه شي ما نتأخر خلي رتيل يمهه و اقفل الباب

شغلت السيارة و رحت على بيتنة كبل طول الطريق ينافخ و يستغفر لو يضرب بيدة على الباب ما حجيت شي انتضرتة يهدأ و نحجي وكفت كدام البيت

شهاب:-تنزل

حضن ادية لصدرة و رفع راسة ليفوك راكي على الكشن
حركة بمعنى لا

:-ابوي موجود سلم عليه

:-جيب رتيل و تعال غير مرة

نزلت جوة لكيت ابوي بالصاله و رتيل يمة لازمة تلفونهه
:-شلونك يابة

:-هلا تعال وين جنت

:-اني و صعب عدنة شغل اجيت اخذ رتيل اذا ما عدهه شي تبقى يم زوجة صعب

رفعت راسي شفت امي واكفه بباب المطبخ مطل على الصاله صاحت

ام شهاب:-لا ما تروح منو يكول صعب مو بالبيت

شهاب:-يمة صعب وياي طالع و مرتة وحدهه بالبيت يخاف عليهه

:-اني هم اخاف على بنتي

:-من شنو تخافين

:-بصفتهه شنو تقربلة و تروح

هادي:-كملتو حجيكم؟

كال هيج خلانة ثنينة نسكت صاح على رتيل
:-كومي بدلي و روحي لبيت اخوج

كامت رتيل لغرفتهه و امي فاتت للمطبخ مثل البركان اعرف امي تحب صعب بس لان تضن ما يقرب النة شي ما تريد رتيل تروح بالاخص بعد ما عرفت بزواجة

بقينة اني و ابوي بالصالة اشرلي اكعد يمة كعدت كدامة كال

:-شهاب صعب وين

:-بالشقة

:-زين شعدكم شغل!

:-هيج شغل كلنة نكمله اليوم

:-همم شغلة و انت و الصعب!

:-اي

:-و علي

:-لاا مو ويانة

:-خوش زين صعب ليش ما نزل يسلم

:-صعب مو وياي هو بالشقة شلون ينزل

:-ها متأكد

:-اي

:-خوش سلملي علية و بطلو جذب

:-يوصل يوصل

كمت بسرعة من مكاني منتضر رتيل تنزل اذا ضليت شوية يم ابوي يعرفني اجذب بس نزلت اخذتهه و طلعت بسرعة

:-شوفي رتيل اذا رجعتي للبيت و ابوي سألج الصعب جان وياي لو لا كولي لا

:-خوش

صعدنة بالسيارة انتبهت على صعب حتى سلامة على رتيل عادي وصلتهه للشقة رادت تنزل صعب صاح

:-رتـيل

:-ها

:-شوفي خلي ملاذ تاكل لان نتأخر

:-تمام

نزلت صعب ما قبل ينزل وياهه اشرلي انزل اقفل الباب عليهن قفلتة و رجعت طلعنة بالسيارة افتر بالشوارع ما اعرف وين اخذة

:-صعب وين نروح

:-للغراف

:-صدك تحجي

:-اي و بليل نرجع للكهوة

بقيت ساكت رحنة للغراف نزل صعب بس ساكت و يباوع على النهر

:-صعب

:-ها

:-انت و ملاذ متحاجين

:-ملاذ ضامة شي علية

:-شضامة

دار وجهه عليه مخلي ادية بجيوبة
:-شوف شهاب اكو شي انة ما اعرفة

:-مثلا

:-ما اعرف شنو بس اكو سر الكل ضامة عني

:-يخص شنو

:-الماضي

:-صعب رجعنة لنفس السالفة!

:-ليش تريد انسة

:-صعب و ملاذ

:-شبيهه

:-تحبك

:-ما تحبني فترة و تروح لامها

:-لا تدوس على كلبك راح تندم هواي

:-ما اعيش اذا ما اخذت ثاري شهاب ماعندي كلب انة

:-صعب لازم تسااامح لاتعيش طول عمرك هيج اكو ناس ارتكبت جرائم و هم سامحوهم و انت لان تبرو عنك تريد تنتقم

قرب مني و حجه بصوت عالي يأشر على نفسة

:-تبرو مني و بس؟ اانت جربت شعور التبري زين جربت شعور امك حتى خدامة اشتغلت في سبيل تعيشك زين زين هاي عوفهه جربت شعور تسمع واحد ييكل لامك هو ابنج ابن زنة استشرفتي براسي خوش عوف هاي

جرببت تمشي بشارع و كل الحواليك يحجون بيك و يصيحون ابن الزانية ابن الحرام بس انت مو هيج لااا ما جربت زين جربت شعور امك ماتت و محد مهتم و كلهه تصيح تستاهل لو شفت بعينك امك شلون حركت نفسهه في سبيل ما تسمع حجاية بعد

عشت ثلث اشهر محد يعرف بيك وين ما وين ششهااابب جاووبنننيي نمت جوعان
و انت اعمامك اغنى ناس بوكتهم لا شهاب ما جربت و لا راح تجربون شعوري 18 سنة عشتهه بتعب و ضيم

مستحيل اعبرهه لاي انسان و اي واحد الة ايد ما اسامحة عشر سنين امي نضلمت بيهه ما اعبرهه الهم

:-كافي صعب

:-شهاب طالع ارتاح ليش تفتح هيج مواضيع

:-هاي هيه بكيفك التريدة سوي

عافني و دار وجهه على النهر ما ادري شنو الصاير وصلة لهل مرحلة انطاني جكارة ورثتهه اله كعد بالكاع ماد رجل و ثاني رجل صافن كدامة

:-شهاب

:-ها

:-لو صرت مجرم تلزم قضيتي؟

:-انجب شهل حجي صععببب اني وياك شتريد تسوي
وياك مستحيل اعوفك وحدك

:-حتى لو صرت مجرم

:-ما تصير و شوف خلي شغلة ببالك نموت سوة نعيش سوة

كام من الكاع نكث ملابسة يضحك ضربني على جتفي
:-عمامك ما يصير خوية

:-و عمامك هم

:-جؤ عندي ام و اب ماتو عم واحد و انسانة بمثابة ام غير هيج ما عندي

:-و عندك اخ

:-ههههه لا هذا روح بروح مو بس اخوي

:-و زوجة

باوعلي دنك راسة و ابتسم
شهاب:-هااا هاا اعترف

:-شأعترف

لفيتي ايدي على ركبتة نضحك ثنينة
:-يلة صير شجاع صعععب كولها

:-هيي شنوو

:-تحبهه

:-ههههه لا

:-اني شهاب مو ملاذ اعترف

:-شبيك مخبل انت لا ما احبهه

:-وابو حزامين تحبهه

:-شحب شبي هذاا شهاب انجب

دفعني من يمة و انة اضحك علية صعب من يتوتر ما يعرف يحجي و يبرر

:-وعلي ما احجي لاحد بس اعترف كول تحبهه انة ادري تحبهه بس اريد اسمعهه منك

:-ماحبهه ارتاح

:-يا ما تحبهه هو انت غير طايح و محد مسمي علييك

:-شلون طلابة هايي اي هسه و اذا احبهه انت شدخلك

:-شنو شدخلني غير هي اختي

:-ها جا اسمع احب اختك و مرتي

:-لك ك*** حسستني ديوث والله اول اخ يفرح واحد يحب اختة

:-هههههه غير انت تريدني احبهه

:-على اساس انت ما تحبهه

:-شوف هي زعلت يمكن شسوي

:-ليش

:-مادري سالفة طويلة بس اني تهمتهه بشي و هي يمكن مالهه دخل بي و صيحت عليهه

:-شنو احجيلي

:-تعال بالسيارة نحجي

صعدنة بالسيارة حسيت على صعب حاير شلون يحجيلي الموضوع

:-اي صعب احجي

:-شوف تذكر الكتاب الجنة نقراة و انت اخذت فترة قريتة ويانة

:-اي اذكرة كتاب عمتي روح الله يرحمهه

:-اي هو اسمع ببداسة الكتاب عرفت الكتاب 30 صفحة امي ذاكرة هل شي خوش

:-اي

:-كملنة الكتاب و اخر فترة ملاذ ما تخليني اني اقرة كله هي تقراه اني بوكت فراغي ارجع اعيد لقريناه كملنة الكتاب و اني جنت احسب بالصفحات النقراهن بس ما منتبهه للترقيم بالكتاب البارحة ملاذ كالت هاي اخر صفحة بس من اجيت اتأكد احنة ما قارين غير 29 صفحة و صفحة 27 ماكو متأكد اكو شي ورة هل صفحة
:-سألت ملاذ عليهه

:-اي رد فعلهه خلاني اشك بيه اكثر احس هل صفحة بيهه شي شهاب طول عمري احس شي مضموم عليه و هل كتاب و الصفحة اكدلي اكو شي مضموم علية

:-زين يجوز ملاذ ما تعرف شي حالهه من حالك

:-هو هذا الكاتلني خاف ما تدري شي و اني ضوجتهه بس اعرفهه شهاب حافظهه متأكد تعرف شي ضامتة علية

:-يجوز انت غلطان شتضم قابل ترة هي حالهه من حالك و يجوز انت تعرف شغلات هي ما تعرفهه اصلا

:-ما تعرفهه مثل ما اني اعرفهه شهاب

:-اذا شاك لان خافت ف حگهه تخاف اذا انت مثل الطنطل من تعصب شاايف روحك بيني وبينك حتى اني اخاف منك

:-ما عصبت

:-لا واضح ما معصب حتى للبيت ما رجعت دكوم كوم خل نرجع

:-لا هيه ضايجة و اني تعبان بس نتحاجة نكب بليل ارجع

:-وين نروح

:-بكيفك خابر علاوي يجي ويانة

:-خوش

خابرت علي طلعنة سوة خابرت جماعتي اتفقنا بليل نطلع للكهوة صعب ما يحبهم بس هل مرة لان ضايج راد يلتهي بشي لا همة يسكتون و لا صعب يتحمل حجيهم

………………

مـلاذ

سمعت صوت برة عبالي صعب اجة بقيت مغلسة بالغرفة لما ندك باب الغرفة خليت الغطة على وجهي ردت اسوي روحي نايمة خاف يفتح الباب شوية و سمعت صوت بنية تصيح بسمي

:-ملااذ نايمة

استغربت احس الصوت سامعتة بس خفت لا يطلع اتفاق و يصير بية مثل اخر مرة نزلت من الجرباية وكفت ورة الباب صحت

:-منو انتِ

:-رتيل

:-شلون اعرفج خاف تجذبين

:-يا شنو اجذب ولج افتحي الباب

:-خاف انت وحدة جذابة وراح تكتلوني اني مالي دخل
شوفي اصلا اني مخطوفة خوش ف عوفيني حبابة

:-يا ولج شبيج تخبلتي اني رتيل والله

:-شلون اتأكد زين اذا انت رتيل اخوج شسمة بلة

:-شهاب

:-جا خاف تجذبين

:-يااا شبيج ملاذ دفتحي الباب

:-شوفي كولي والعباس ابو فاظل اني رتيل و اذا اني جذابة كون يسطرني العباس

ضحكت و حجت مثل الكلتة فتحت الباب على كيف طلعت بس راسي اريد اتأكد  اتخيل بس افتح الباب يدفعونة بوجهي و يسحبوني صارت رتـيل بوجهي تضحك

:-ها لج المخبلة

حضنتهه اضحك
:-شعجب جاية

:-مو شهاب كال نتأخر برة و الصعب كايلة خلي رتيل
تجي هنا

:-ها هو كال

:-ايي كالو شغل و يتأخرون

:-ها خوش

:-شنو راح تبقيني واكفة

:-ههههه لا تعالي

فتنة لغرفتي نضحك و نسولف بس اكو شي بداخلي مخنوك احس محتاجة صعب ضايجة منة اريدة يرضيني
كمنة اني و رتيل نسوي اكل و نسولف

رتيل:-اي ملاذ صعب شكد يحبج بحيث يخاف يعوفج وحدج بالشقة

رديت بأستهزاء
:-ههه اي يحبني

:-ليش تحجين هيج واللة صعب اعرفة من سنين عمري ما شفتة هيج حب بنية و لا بعمري شفتة يباوع على وحدة الا انتِ

:-ما ادري اي يجوز يحبني هههه

:-شنو يجوز غير تزوجج عن حب

:-ما يكول احبج

:-مو مهم يكول احبج اكو افعال تثبت الحب و تصير اهم من كلمة احبج مثلا..

كالت هيج و سكتت دنكت راسهه تكصص بالزلاطة عفت البيدي و باوعتلهه

:-مثلا شنو؟

:-ها لا هيج

حسيت عليهه توترت كعدت كدامهه اخذت منهه السجينة باوعتلي متوترة

:-اي مثلا شنو احجي

:-ماكو هيج بالغلط

:-تحبين؟

حركت راسهه بسرعة بمعنى لا

:-لعد؟

:-هيج ملاذ انسي

:-هسة اني مو احجيلج كلشي انتِ ليش ما تحجين تحبين انتِ مو

دنكت راسهه خافية ابتسامتهه حجت بصوت ناصي
:-اي

:-منوو علي موو

فتحت عيونهه على وسعهم تتلفت بالمكان ضربتني على حلكي و اني اضحك عليهه

:-هوو هوو موو علييي عرفتة والعباس

:-اشش ولج اششش اي اي بس اسكتتي

:-واللة عرفت واللة مبين يحبج

:-ههههه ادري و اني احبة

:-جا ليش ما تزوجون

:-شهاب ما يرضة و كل مرة يريد يتقدم شهاب يرفضة قبل لا يجي للبيت

:-ليش همة مو اصدقاء

:-اي بس علي متزوج و مطلك محد يعرف ليش طلك لذلك شهاب يخاف

:-واذا مطلك شكو بيهه؟

:-شهاب يخاف لا يطلع علي السبب بطلاكهم هو و زوجتة لذلك يفكر بالمستقبل خاف يطلكني

:-ياااا زين علي مكلج ليش طلك؟

:-لا لا محد يعرف

:-لا تجذبين احجيلي واللة ما احجي حتى صعب ما اكلة

:-لا ما اعرف

:-حبااابة بداعتي

:-واللة ما يرضة هو بس الي حاجي و هم كوة حجالي و ما يقبل احجي

:-انيي ما احجي لاحد دكولييي بداعتي

:-شوف لازم زوجتة تخونة وية صديقة بس ما يريد يفضحة لان اهلها يكتلوهه و اكثر شي لان بينات الي يحبهه اخوي شهاب تصير اخت صديق علي الي خانة

حسيت روحي بدوامة ما افهم شتحجي

:-عزاا شهاب يحب وحدة و اخوهه صديق علي خان علي وية زوجتة؟

:-اي بالضبط شهاب اذا عرف راح يكطع علاقتة بهذا الولد اسمة اسامة ف من يخطب بينات راح يرفضون ولو همة رافضين اصلا لذلك علي ما يحجي لشهاب ليش طلك ما يريد يكسرة يكول اعرف الحب شيسوي

:-ياا خطية زين همه ميقبلون بشهاب؟

:-ايي اسامة يدري بعلي و شهاب اصدقاء اكيد ما راح ينطي اختة لصديق علي عبالة علي متفق وية شهاب علمود ياخذ ثارة  و خطية اهلها شكد لزموهه تحجي وية شهاب و تصير الهم مشاكل

:-يا ولج سالفتكم عوجة وعلي ضجت عليكم

:-اي وعلي خية سالفتنة خبيصة مدري شنو تاليتنة بس انة لو علي لو ما اتزوج

:-ان شاء الله يارب تصيرين من نصيبة

:-اي ولج احجيلي شكد تحبين الصعب

ابتسمت و دنكت راسي ما اعرف اعبر عن الحب
:-هواي رتـيل لدرجة ما اتخيل لحضة من دونة صح جاي احجي و اضحك وياج بس فكري و بالي و روحي كلشي يمة

:-يروحي الحمد للة نجمعتو بالحلال

درت وجهي خنكتني العبرة يجوز بس اني احبة يجوز راح نفترق يجوز راح يروح من ادية للابد

رتـيل:-ليش ضجتي

:-لا ما ضجت

:-لا ضجتي انتِ و صعب زعلانين لان انتبهت مو بس انتِ ضايجة صعب هم اول مرة اصعد وياه بسيارة و ما
يحجي وياي و لا يسلم مثل كل يوم و انت هسه رغم تسولفين بس مبين عليج الضوجة

:-هههه لا ماكو شي

:-نجبي خليتيني اكت الاول و التالي و هسه اسألج تكليلي ماكو شي دحجي احجي

:-هههه لا هيج اتدلل علية هو بس يصيح علية اني اسوي روحي زعلانة

:-شوفي صعب خطية يعني هو هل واحد اليكلك طالع من فطر الكاع لا اهل لا شي عوضي لان يستاهل

:-ان شاء اللة

:-تدرين دوم جنة نكول الوحيد ما راح يحب و لا ممكن يتزوج هو صعب شو صدمنة بليلة و يوم يجون ابوي و شهاب يكولون جنة بعقد شهاب

:-ابوج اجة بعقد الشيخ؟

:-اي ابوي و شهاب

:-يا و لا ادري

:-ههه بعدج ما تعرفينة ابوي يحب الصعب اكثر من شهاب

:-اللة يحفظة

:-ديري بالج على صعب واللة ما تتخيلين شكد ضايج اليوم

:-ههه لا هيج زعلة حبايب

:-انت شايفتة شلون يباوعلج؟

:-اي غير بعيونة؟

:-انت متأكدة صاحية؟ خاف مخبلة و ذبوج على اخوي شو خل اتأكد

:-ههههههه اي زايدة على اهلي و شمروني على الصعب

:-اي يمكن خل ازوج اخوي

:-مو هي هيتة رجلي خالة ما ازوجة

:-هههه لا هو ما يتزوج عليج انة اكلج غير شفتة ذيج المرة ياكلج اكل بعيونة احسة ما يشوف احد بالدنيا غيرج اذا انت موجودة ما يباوع لاي احد

:-ههه صدك؟

:-واللة يباوعلج و يتبسم

:-ييعني يحبني؟

:-يااا لو ما يحبج جا ما تزوجج

:-اي صح شو بلة خابريهم شوفي يردون لو لا

:-ها اشتاقيتيي

:-هههه لا بس لان وكت عشة نشوفهم يجون لا

:-هسه اخابر شهاب اشوف وينهم

:-خوش

كامت تخابر و اني اكلب بالتلفون اجتني رسالة من امي كاتبتلي

:-هلاو مليذ شلونج اني زينة بس الشاحنة جانت عطلانة و ما شاحنة التلفون اليوم يلة فتحتة شصاير

:-اريد احجي وياج ماما موضوع مهم

دزيتهه بس ما فتحتهه انتضرت تفتحهه ماكو اجت رتـيل تصيح

:-ولجج رجللي وياهم رجلليي

:-ههاا ذول ما يجتمعون سوة اذا ما اكو مصيبة وين رايحين

:-لا بكهوه ديرفهون عن زوجج مخنوووك خطيةة

:-اي شعلية مخنوك هسه تخليني اغلط علية

:- معلينة بزعلكم جبتلج صورة ولج زعلي بزيادة

:-شنوو

:-رجلج بنصهم وكاظلج الجكارة و يدخن انة اعرف عنة ما يدخن

:-وينهه

خلت الصور كدامي الصورة الاولى الجكارة بيد صعب و شهاب يورثهه صعب داير وجهه يحجي وية علي و الصورة الثانية صعب زافر الدخان ابتسمت من شفتهه يمكن اني الوحيدة افرح اذا زوجي دخن

رتيل:-ها وين صفنتي شني ما شايفة صعب

:-ههه لا وين شايفتة

بقينة نحجي و نضحك رتيل كلش حبابة و بسرعة شخص يوالف وياهه اول ما تنشاف تنحب

…………………………

شهـاب

كاعدين بالكهوة ضحك و سوالف حتى صعب حسيتة شوية فك من ضوجتة رغم الولد الموجودة كلهم لا يحبونة و لا يحبهم ما عدا علي صار حجي و مواضيع تفتح مواضيع لحد ما واحذ منهم سأل علي

:-اي علي شوكت ناوي تفرحنة انت اكبر واحد بالعزابية

علي:-ما لاكي بنت الحلال

:-انتم الضباط تتونسون بدون زواج لذلك ما مفكر

علي:-مو كلنة مثلك

حسيت علية ضاج كال هيج و فتح تلفونة يكلب بي رجع واحد من الولد صاح علية

:-يابة شنو خو ما ضجت ترة نريد نفرح بيك خوية

شهاب:-امة و ابوة اليفرحون بية مو احنة اول و تالي يتزوج

:-شوف ياهو اليحجي جا انت ليش ما تزوج

:-ما مفكر بالزواج

:-اي هي مو بس الضباط شغلتهم لايصه حتى المحامين كامو يطللكون النسوان من رجولتهن و يتزوجونهن و بيهم يتزوج فترة و يطلك و بعدين يجدد

شهاب:-لا تحكم على الكل هاي مو اخلاقي

:-هههه شنو نغثيت لو الحجاية مستك

بعد هدوء من صعب حجة و هو مرتكي على الكرسي و مخلي رجل على رجل بيدة جكارة

الصعب:-مو كلنة تربات ابوك و لا ابهاتكم يوصلون لتربات هادي

:-الصصعبب الحجي مو عليك ليش ترد مسيناك بشي؟

:-انة و شهاب و علي واحد تحجون عليهم يعني تحجون علية

:-اول و اخير ما تكدر تنكر مو تزوجت بسر

صعب عدل كعدتة و خلة الجكارة بالمنفضة عاكد حاجبة وحاضن جفوف ادية يريد يبين روحة هادء بس صوتة عكس هل شي

الصعب:-منو تزوج بالسر؟

:-ليش تنكر منو بينة يعرف بزواجك؟

:-ليش و منو انتم علمود تعرفون بزواجي بهل كعدة ثنين يعنولي شهاب و علي و تفضل اسألهم يدرون بزواجي لو لا اما البقية ما الكم اعتبار عندي و لا اهمية علمود اعلمكم بزواجس

الولد الويانة طكهه بضحكة و البقية حاولو يتلافون الموضوع لان صار واحد يركع الثاني بحجاية

:-هههه المهم مبروك بعد مرور اشهر على زواجك

:-الضحك بلا سبب من قلة الادب و اللة يبارك بيك

:-لا اكو سبب اكثر واحد مستمتع بينة هو انت بليلة و يوم قبلت بيك اللة يعلم شصار

من حجة هيج صعب طفر علية لزمة من خوانيكة الولد كلهه كامت يدفعون بصعب جلب بالولد ما يهده كام علي سحب الولد على صعب خاف يفلتة علمود يخنكة حيل الناس بالكهوة كلهه كامت تصيح و احد يدفع بالثاني و صعب جبل ما تحرك خانك الولد بيدة و يصيح

:-اشرفف من الشرف مرتي ما تجيبهه بالسانك الزفر

خليت ايدي على حلك صعب اريدة يهدء ما يحجي شي نفضحنة و علي بدل ما يهدي يدفعه عليهم و يدفع بلولد كوة سحبو الولد من بين ادية يلهث و يفتح بدكم قميصة صعب وخر و ضرب ادية وحدة بالثانية مثل الينكثهم اشر على الولد كالة

:-لا تحجي بشي انت فاقدة لذلك لا تحجي بالشرف

عافة و طلع من المكان اني و علي طلعنة وراه اجة واحد من جماعتنة يتعذر بنيابة عنهم و يحلف يتشاقون بس صعب قافل صعد بالسيارة صعدت اني اسوق و علي ورة

علي:-الصعب يم اذنك تنزف شلون لاحوك ولك شو انة جنت محاوطك

الصعب:-هي هاي شلتك انت وشهاب؟امداكم على هيج شلة

علي:-شهاب عرفني عليهم

:-امداك انت و شهاب

علي:-اكلك صعب انة غير اكبر منك و مفروض اصعد كدام شو ما تحترم انتَ

:-اليكعد بالصدر يوصل قبل لذلك اني اكعد كدام

:-سبحان اللة دنطيني كلنس من يمك هذا مدري ياهو عجبة يزلغ كصتي

شهاب:-مجلوبين انتم كبل هجمتو على الولد

علي:-يابة غير جفصو ببطونة تريد نسكت

:شهاب-همه ستة و احنة ثلاثة لو لازمينة و مكسرينة شنسوي

الصعب:-نقدمك كبش فداء و نطلع منهه اني وعلي

علي:-اني اجيت اسوي روحي ما اعرفكم بعدين تذكرت همة هم مسوني بالحجي

الصعب:-يولون

جبناهه ضحك الطريق كلة ولا عبالك هسة طالعين من عركة وصلت صعب على الشقة

الصعب:-تفضلو وياي شباب

علي:-اذا تعشونة موافقين

:-ما نطبخ احنة نخاف يطك علينة الطباخ

:-لا جاا من تتعلمون نتفظل وياك خويه

شهاب:-صعب جيب رتـيل خل نرجع للبيت ابوي كل شوي يخابر

:-هسه اجيبهه

راح صعب رفعت راسي بالمرايا علي صافن ورة صعب صحت علية

:-هااا وين يلة تعال انزل هنا وشوف عييينك ما تنرفع

:-شني شهاب مو لهل درجة انة

:-صاحبي و اعرفك لا ترفع عينك

:-دنجب خايب مو انة شهاب و اباوع لاخت صديقي

:-اي خوش

صعب جاب رتـيل بيدة للسيارة سلمنة علية و رجعنة للبيت

……………………………

مـلاذ

كاعدين اني و رتيل نلعب محيبس سمعت باب البرة نفتح باوعت علية رتيل كالت

:-يمكن الولد

:-اي همة

خلت الحجاب على راسهه من سمعنة صوت صعب يحمحم شوية و فات مدنك راسة

:-رتيل شهاب جوة

:-اي جاية

كامت بسرعة لبست حجابهه و جنطتهه خليت المحبس على التخم و كمت وياهه باوعت على صعب مدنك راسة ما باوعلي طلعت رتيل و اني بقيت واكفة بالباب سوتلي باي بيدهه ابتسمت الهه بقيت واكفة بالباب لحد ما رجع صعب اول ما وصل يم الباب فتت للصالة كعدت على التخم و هو فات ما يحجي شي يفتح بالدكم مالت الجاكيت

:-متعشي

:-ما جوعان

سكتت منة كعد كدامي بيدة تلفون كمت صبيت اكل خليتة بالمطبخ و رجعت لمكاني دزيتلة رسالة

:-صبيتلك عشة بالمطبخ

رفعت راسي اترقب حركاتة من سمعت صوت الرسالة وصلتلة

ابتسم و دنك يكتب
:-جوعان بس ما متعود اكل وحدي

قريتهه و رفعت راسي لكيتة يباوعلي مبتسم دنكت بسرعة كتبت الة

:-اكل انت و جنيتك

:-يعني وياج؟

:-شوف تريد تتعشة تريد لا ذاك عشاك معلية بيك خوش

:-ايابة عود زعلانة

:-معليك

:-شو علية

:-شنو العليك؟

:-بابا رتيـل شسوتلج

قريت الرسالة و سديت التلفون ما رديت علية كمت من مكاني اريد اروح للغرفة تذكرت محبسي على التخم تلفتت ادور علية صاح

:-مضيعة گلبج جاي تدورين علية تلكينة يمي

درت وجهي علية هزيت ايدي و رجعت اباوع على التخم شفت المحبس اخذتة و فتت للغرفة ركعت الباب قوي وراية اخذت فراش و نزلت بالكاع تغطيت و لزمت تلفوني اكلب بي سمعت باب الغرفة نفتح و تلفوني اتصل بنفس اللحضة صعب استغربت غير فات للغرفة شكو يتصل دزيتلة رسالة

:-شتريد

:-الجني فات للغرفة فتحي خط

:-لاتجذب

:-بس افتحي خط شي مهم اريد احجي الج

فتحت خط خليتة على اذني بدون ما احجي يجيني صوتة من التلفون و حسيتة واكف كدامي لان الصوت يجي من كدامي كال

:-ليش نايمة بالكاع

:-لان نخلقت للنوم و الكعدة

:-يهون عليج تعوفيني

:-مثل ما يهون عليك

سحب الغطة مني و بقى فااتح الخط درت وجهي و سحبت الغطة علية اغطي براسي ما اريد اباوعلة كبل ابجي

سد التلفون و تمدد وراية لف ايدة على بطني و قرب راسة من اذني يحجي بصوت ناصي

:-زعلانة

:-جؤ وخر

:-جا كومي فوك

:-وخر زعلانة

:-هسة اراضيج

:-روح ما اريد تراضيني

:-جمارتي يهون تحجين هيج

:-اي يهون و يلة وخر

:-خل اشوف عيونج اشتاقيت الهن

:-جذاب وخر مني

:-احب عيونج تكون راضية علية ماحب اشوف بيهن ذرة زعل كومي عاقبيني بالتردينة بس لا تديرين وجهج مني

:-ما اريد

:-اريد احجيلج شي كعدي

:-ما اريد وخررر تعلم شلون تعلي صوتك علية

قرب مني اكثر خلة خشمة بركبتي يتنفس بصوت عالي
باسني بركبتي بخفة و حجة بصوت ناصي

:-كون انخرس بعد هل يوم

رفستة بعكس ايدي على بطنة بدون ما احجي

رفع شعري من وجهي يمشط بي بيدة
:-بابا وعيونج ما ادري بروحي من افقد ما فكرت
بالحضتهه ندمان و عيونج كعدي خل احجيلج شي و انتِ حكمي

:-احجي بس ما راضية

:-هسة ارضيج ببوسة

رجعت رفستة و هو ضحك بصوت عالي
:-اسف يابة اسف كعدي خل نحجي

كعد و اني كعدت كدامة مدنكة راسي ما اباوعلة لزم ايدي بقى يحرك بأصابعة عليهه رفعهه بسرعة و باسهه

:-جؤؤ صعبب لا تبوسهه

:-نعمتي هاي ابوسهه بكل وكت

:-اي عود خوش يلة احجي

:-احجيلج شي و انت وراهه قرري تزعلين لو لا

:-احجي

:-جان عمري 10 سنين كاعدين انة و امي ناكل كليجة و جاي تحديداا بوكتهه امي جانت لابسة جوزي جان اخر لون اشوفهه بي

رفعت عيوني اباوع علية يحجي و مدنك راسة كل شوي يعض شفتة الجوة و يرجع يكمل

:-ندك الباب كامت امي فتحتة فاتو عمامي ثنين كل واحد هو و عكالة شكبرة ما انسى اشكالهم ابد كعدو ثنينهم سوة و امي كدامهم صار حجي و كلة الغاز جنت طفل و ما افهمه كبرت يلة فهمت

:-شنو الحجي

:-جانو يصيحون على امي الزانية بأذني سمعت هل كلمات جانو يتهمونهه جابتني بالحرام امي تعبت ملاذ حيل تعبت شكد ما احجيلج مقصر عليهه سنين عيشتني بتعببهه حتى خدامة اشتغلت علمود توصلني بالدراسة جان حلمهه تشوفني ضابط هههه تحب الضباط بس ما صرت

اباوع على عيونة بيهن دموع بس يكابر ما ينزلهن
رفعت ايدي مسحت عينة بابهامي لزم ايدي و باسهه و رجع كمل

:-المهم صار هواي حجي و امي تحلف مستحيل تفرط بية و همه يتحلفون ياخذوني بس جانت نيتهم ياخذوني مو الهم

:-لعد وين

:-مو مهم هذا المهم اني جنت واكف على صفحة و اسمعهم يحجون امي رفعت راسهه علية كالت

روح:-الصعب روح لماما رُفيدة

:-ما اروح

:-حبيبي شوف روح و ربع ساعة و تعال انت وياهه

:-و انت

:-تلكوني بالبيت بس روح لان محتاجتهه تجي بسرعة
حركتلهه براسي يمعنى اي و رحت اركض لبيت رُفيدة مثل ما كالت امي كتلهه شوية و تريدج بشغلة ما سالتني لان متعودة تروح الها كالتلي

رُفيدة:-انوم ملاذ و اجي

الصعب:-راح اروح كدامج

:-خوش حبيبي يلة شوية و اجي

رحت اركض لبيتنة مقابيل بيتكم جان وصلت كدام البيت و شفت النار ستوهه شبت بأمي محد اكو بس اني قربت منهه و هي بعدهه تشوف اليمهه كامت تركض لكل مكان كامت تلوب و انة جمدت بمكاني من شفت النار اكلتهه لحد ما صارت رماد يلة الناس اجتمعت ما صرخت ولا بجيت ضلت الغصة بروحي

مـلاذ

لزمت ايدة ضغطت عليهه اريد اهدي يعض شفتة الجوة علمود ما ترجف

خليت ايدي على خدة
:-اهدء بابا

:-مو حككي اعصب هييج مو حكيي اسأل على ورقة من امي مو حكيي اعرف ليش حركت روحهه يجوز كتبتلي شي بهل ورقة اميي ما انتحرت امي حركت روحهه من وراهم انة شاهد على المعاناة الحصلتهه من عمامي محد شاف هل شي بكدي انة الحسيت بمعاناتهه انة الشفتهه شلون تموت

سديت حلكة بيدي اريدة يسكت كام يحجي بهسترية رفعت نفسي و قربت منة حضنتة خلة راسة على جتفي بقيت احرك ايدي على شعرة

:-اني يمك انييي هناا اهدء ماضي و راح انسى كلشي كافيي بابا

:-تعبت ملاذ تعبت وانة عايش بماضي ملاذ هذا اقل شي شفتة بالماضي

:-كافيي

رفعت راسة من جتفي مسحت وجهه بيدي بستة بخدة
:-كافي يلة

:-بعدج زعلانة

:-لا بابا كوم تتعشة

:-تتعشين وياي؟

:-لا اني اكلت بس اني اوكلك ابقى هنا هسه اجي

عفتة و رحت للمطبخ جبت العشة بسرعة فتت للغرفة جان لازم تلفوني من شافني ابتسم و رجعه لمكانة كعدت كدامة اسوي لفات و اوكله

:-ها طيب اليوم سوينة بالبيت

:-لان من ايدج طيب

:-هههه لا تجذب

:-واللة طيب

اوكل بي و عض اصبعي صحت
:-اخخ شبيكك

:-بية ذاك الجنت رافض اعتنيلة

:-شنو؟

:-رافض اعتني للحب

:-و هسه

:-نامي

كام من يمي اخذ الصينية و طلع و اني كمت على المرايا عدلت شعري خليت حمرة فات من شافني اخلي حمرة ضحك

:-شبيك

:-ناوية علية؟

:-شنوو

:-هيج

سد الباب و نزع التشيرت تمدد على الجرباية يباوعلي مبتسم

:-يابة شبيك خبلتني

:-معجب

:-ننننننن

:-هههههه تخبلين

:-ادري

شلت الفراش من الكاع و تمددت يمة على الجرباية فتحلي حضنة خليت راسي على ايدة بقى يلعب بشعري و ساكت فتحت تلفوني لكيت امي كاتيتلي

:-شصاير

:-صعب عرف بالصفحة ماكو بس ما يدري عدنة شسوي؟

سديت التلفون بسرعة كلت بس تشوفهه امي احذفهه خليت التلفون وراية و درت وجهي على صعب رفع ايدة يتلمس بوجهي خلة اصبعة الابهام على شفتي الجوة يمسح بيهه

:-ملاذي

:-همم

:-طيبات اجرب

ما ادري شلون تجرأت و جاوبتة حركتلة راسي بمعنى اي

خلة اصابعة جوة حنجي و اصبعة الابهام بصف شفتي قرب مني و باسني بسرعة ابتعد باوع علية دنكت عيوني بلع ريكة و رجع باسني اقوة رفع نفسة حاوطني بيدة و تعمق بالبوسة دفعتة من صدرة اريد اتنفس رفع راسة قريب مني

:-وخر مو هييج

:-بس هل مرة

كال هيج و رجع باسني دفعتة ابتعد متمدد على الجرباية فتح ثنين ادية لزمت شفتي مصدومة شلون بنفسي قبلت هيج يسوي

:-ملاااذ تخبلينني انتِ كل يوم يصيرن اطيب

:-انجببب صععب

:-هههههه اخخ خجلتت وعلي ما اتحمل خجلج

:-صعبببب

:-عيناي يطفلة هل گلب

:-اسكت يلة خوشش

:-ما اكدر اسكت اكثر من هيج

رجع مثل البداية تمدد رافع نفسة قريب مني خليت ايدي على شفتي ابتسم و لزمهه وخرهه من وجهي يبوس بأصابعي واحد واحد باسهن كلهن و نزل لوسط ايدي تنفس قوي و زفر النفس

:-احبـج مــلاذي احـبج جمارتي احبـج راحة بالي

فتحت عيني مصدومة من كلامة بلعت ريكي متوترة ردت احجي خلة اصبعة على حلكي يسكتني

:-اششش نامي

رجع تمدد و سحبني علية محاوطني بأدية بكل قوتة بعدني مصدومة بالكلمة الكالهه

:-صعب

:-اشششش بابا نامي

غمضت عيني اريد استوعب الصار معقولة احلم لو صدك كالهه هواية ضليت احس علية كاعد اخر شي نمت و اني ماليتني السعادة مجرد كال هل كلمة يعني هاي هية ما راح يعوفني و يسوي الي ببالة

كعدت الصبح احس شي رابطني ما اكدر اتحرك فتحت عيني صعب كدامي حاضن ادية لصدرة و صعب افسر معانية حركت ادية ما اكدر افتهم مشدودين حركت رجلية نفس الحالة ردت اكعد ما اكدر مرعوبة من الحالة الاني بيهه

:-صعععببب شكووو

قرب مني رافع حاجبة لزم فكي بيدة و سحبني علية اذاني صحت بي

:-اخخخ صصععببب

ما اهتم كعدني و صار كدامي

:-شكوووو؟

.
.
.
.
.
.
.
.
.
.للحكاية بقية

كلانا كتف للاخر♥
الوريد♪

اعتذر على التأخير بس ضرف صحي
الانستا حاليا حساب الكاتبة سادتة علمود ما التهي بي و نقرة لامتحاناتنة
احبكممم و هذا اخر بارت حسب ما اتفقنا بالقناة تكملون امتحانات و نرجع نكمل
و هذا هدية فوز المنتخب❤️