رواية أنتقام الصفحه 27 (ترميم) الفصل السادس وأربعون 46 - بقلم خـلود الـ محسن

انستا للتواصل lorai-alrwa

حبيباتي توصيتكم ع الباارت وعلقوا ع الفقرات ذاك البارت مابي تفاعل اذا ما تتفاعلن اشلع گلبجن بالتنزيل🙂🐍

...........................

بين افكاري الي كل شويه تتغير و دموعي و كلامي سمعت طكه بالباب وكفت مستعده اريد اعارك

فات حسن بقيت مصدومة سد الباب واجة بأتجاهي تراجعت خطوتين والدموع تجمعت بعيني كل وبالي جان صعب لو شهاب الي خطفني كل وبالي جانوا مسوين خطة

جنت حاسة بأمان لان اعرف لو مهما يصير ما راح يأذوني حجيت بصياح

:-ششجاابكك انتت شجااببكك

دنك نفسة الي كلش ضخم رافعة راسي اباوعلة داخلي يرجف عكس الضاهرتة اله ابتسم نص ابتسامة

:-جابتني رجلية

رفعت ايدي وخليت اصبعي بوجهه احجي بتهديد صوتي ماليتة الرجفة اعرفة انسان نكس وحقير مستحيل يرحم بحالي

:-ششوف قسماا بذاتت الله يا حسسن ان ما طلعتني مناا عققاببك عسيرر صَددك صعب يذبحك ومايرفلة جفن خااف ذيج المرة ضربك وكسرك هاي المرة يذبحك ويذبك للجلاب عوفني

رفع راسة يضحك بصوت عالي
:-هههههاي ووين يلكاج الجلب منوو انت ويدور علليج

:-تتجفةة شررنة حسن لاعبالك تطلكت غلطان اني وصعب ما تطلكنة وخلي يكون بعللمك بس يعرف مكانيي راح يأذيك مو شلون ما جان طلعني قبل لا يعررف

حجة بأستهزاء ساخر من كلامي
:-يمة يمة خفت لعلمج ابن الحرام راضع خيانة طلكج وراح لغيرج ما يدور عليج لو اكتلج محد راح يهتم

دار وجهه يتمشى بالغرفة رجع باوعلي طلع ادية من جيوبة ينزع بالجفوف

:-يابنت عمي الحلوة الاقربون اولى بالمعروف ليش رايحة لابن الحرام الخننيث

:-اببن الحرام التحجي علية ما تعدى حرمة بيتة احترم وجودي واني غرريبة اببن الحررامم حماننني من اهللي وصارلي مو بس زوج صارلي اهل وسند و وكف بوجهكم وخلة اصبعة بعيونكم لمسةة وحدة ما خلاك تلمسنني ولو مثل متكول ابن الحرام خنيث ما خطفتني بالختلة منة جان خذتني من بين عيونهمم مثل ما سوة صعب وجابني كدامكم لامي جان صرت بشجاعتة ياخنيث

قرب مني مبتسم مشة اصابعة على خدي دفعت ايدة مني قرفانة

:-ومعلمج تمدين لسانج خوش يربي والله لاكص هل لسان واكسر خشمج وخشمة والله لخليج تعضين اصابعج ندم

:-دام الله موجود ودام صعب بعدة بضهري ما ينكسر خشمي واذا انت رجال واجة صعب مو بالختلة خاطفني

:-هل لسان كصتة على ايددي اعلمج يا ملاذ اعلمج

كال هيج شمر الجفوف علية وطلع ركضت وراة سد الباب بسرعة بقيت اضرب بي واعيط بصوت عالي

:-ححقيييرر جلللبب طططلعنني منااا طللعنني يانكسسس كلب الله لاينطيك

ضربت الباب برجلي وكعدت بالكاع بقلة حيلة ابجي فوك الحر و الوضع الاني بي بطني تكطعني من الوجع
لزمتهه بقوة عاصرتهه بأدية

:-صصععععب ووينك انتتت وين تعال طلعني مناا

خليت راسي بين رجلية ابجي واناشغ
:-ياررب طلعني منا بحمايتك اني يارب لاتخلي ضر يمسني

ماعرف بيش الساعة بس اكيد امي عرفت بية ماكوو اكيد هسة راح تدور علية

صفنت اذكر شهاب شكال اخر مرة
:-معقولة صعب راح وسوة البراسة معقولة هسة هو بالسجن لو مكتول خاف صاير شي علية

الافكار حاوطتني من كل جهه جسمي كام يرجف خوف وتعب ما ماكلة من الصبح وهل فترة ما اكدر ما اكل احس روحي تنبهت

عدلت كعدتي وارتكيت على الحايط فكرة تجيبني وفكرة تاخذني بقيت احرك ايدي على بطني اريد الوجع يروح

حسيت شي وكع علية ما استغربت هاي الفترة ماادري شبية يمكن للدورة لان ما تجيني

احس بديت اختنك والوقت يمشي واني بنفس المكان لا صوت ناس لا صوت يدل على الحياة ولا اي اصوات موجودة ماعرف وين مخليني راح اعيش لو راح اموت

بكل دقيقة تجيني فكرة راح يغتصبني ويكتلني ومحد يلكاني جسمي كام يرجف اخاف من الموت اخاف بشكل كمت ابجي بهستريا اصيح بدون ارداة كل وبالي راح يسمعني ويجي

:-صصصععععبب ووويينكك تسسممعنني صصعبب اني هناا لاتعوففني حبااب راح يصير ليل واني ااخاف وووينكك

رجعت اضرب بالكاع بيدية بكل قوة وابجي اريد احد يساعدني بدت تظلم ومحد موجود كمت اسمع اصوات جلاب برة بس بعيدة الخوف احتلني وبديت افقد الامل محد يجيني

كمت من مكاني بطني توجعني واحس الجوع سيطر علية اتلمس بالباب ادور فتحة اباوع منهه كلشي مغلق ولا اي فتحة بي

بدة صوت الجلاب يعلى والظلمة تزيد لزمت الحايط احتمي بي امشي واتلفت بالغرفة اني بمكان فارغ كلشي يصير هسة يجوز يجي علية احد يكتلني يجوز يطلعلي جنانوة من هل مكان يجوز حسن يشرب ويجيني وصلت لزاوية الغرفة كعدت ولميت وجلية لصدري ابجي بصوت ناصي اخاف ينسمع صوتي

:-يياررب مثل ما طلعت يونس من بطن الحوت طلعني من هل مكان يارب رجعني لامي بأمان

خليت راسي بين رجلية وغمضت عيوني سمعت صوت حركة بالغرفة گلبي رجف كمت اتنفس كوة اخاف ارفع راسي اخاف اشوف شي اردد بصوت يرجف

:-ياررب يارربب ماكو شيي مم...مااكو شيي هوى اي هووى

رفعت عيني اباوع بالغرفة الرازونة جان يجي منهه ضوى خفيف بشكل فجأه صار قوي ورجع ضعف صرخت ويه لمحة الضوه

:-ييمةة يمة سسلامم قووولا من ربََ ررحييم بسسم الله بسسسم الله يياررب سستركك

اسسحب رجلية لجسمي احتضن روحي اكثر صارت اصوات غريبة باالباب دك بصوت خفيف وصوت هوى رغم الجو واكف ماكو شي كل ذرة بجسمي ترجف بلعت لساني من الخوف صارت صوت طكة قوية بالباب صحتت بصوت عالي

:-ننناادِ علياََ مظهرر العجائب ياعلللي ياعلللي دخيللك ياابو الحسنين يا كافل الايتام اوككفلي بهل شدةة ياعللليي

بلعت ريكي اهدي بروحي
:-مملااذذ ماكو شيي ملاذذ ايمانج بالله قووي القرأن يحميننيي اايي ايي القرأن يحميني

جنت لابسة كلادة امي جايبتة الي بيهه اية الكرسي لزمتهه بيدي وضليت اردد بصوت الاية بصوت عالي ويرتجف

:-ب..بسسم الله

الله لا إله إلا هو الحي القيوم لا تأخذه سنة ولا نوم له ما في السماوات وما في الأرض من ذا الذي يشفع عنده إلا بإذنه يعلم ما بين أيديهم وما خلفهم ولا يحيطون بشيء من علمه إلا بما شاء وسع كرسيه السماوات والأرض ولا يئوده حفظهما وهو العلي العظيم

كل ما اخلص اعيدهه من جديد رفعت عيوني روني مدنة راسي اقشمر على روحي عود محد يشوفني من اسوي هيج باوعت للرازونة ماكو شي نشف ريگي من كد ما صيحت وبلاعيمي طبكت

للصبح اني على نفس واحد اردد بالاية وماغيرت مكاني ما ادري اذا جنت متوهمه من الاشياء الشفتهه لو فعلا اني شفتهه بس هل مكان الفارغ الي ما بي صوت بشر اكيد مسكون طلع الصبح واني عيوني ما رمشت خلص احس انتهيت ما اكدر افكر معقولة محد يدور علية
معقولة نسوني

كمت من مكاني روحي بايدة كعدت كدام الباب وبقيت اضرب بي بيدي

:-ووينك حسن الجلب افتح الباب ياحقير كون تموت موتت الجلاب يااجني

سكتت شوية رجعت احجي ويه روحي
:-لاا لاتموت افتحلي الباب اول شي كون تفتح الباب ووراهه تطفر عليك جنية وتزوجك كون ماتعوفك ابد وتعيش وياهه ببهل خرابة وتخلف طفل نص بشر ونص جني افتحح البااااب ياكلب

رجعت اباوع للغرفة خاف يطلعلي شي درت وجهي على الغرفة وضهري على الحايط مركزة ويه كل حركة تصير

حرمس يفوت من يمي صرت حافضتة تعبت شكد ما ركزت من التفكير كامت تصير اصوات براسي رغم ماكو ساعة بس صوت الساعة براسي ما ييطلع اضغط على راسي اريد الصوت يروح

كام يجيني صوت ثاني مثل شخص يضرب ضربات متواصله بحديدة ماكو هل اصوت بس تتهيأ الي كمت اضرب براسي اريد الصوت يروح

:-لااااااا لااااا ررووحح فددوةة روووحح

لزمت گذلتي بدية اسحبهه بقوة علمود اتأذه و اشتت أفكاري بس الصوت مازال عالك براسي هلست شعري الطم على راسي واضرب بوجهي

:-لااااااا لااااا روحح فددوة رووح اتأذة والله اتأذةة رووح الله يخلليييك

عيوني كوة فاتحتهم احس نار تطلع من عدهن تمددت بالكاع الي عبارة عن صبة قديمة ومتحفرة لميت نفسي مثل الجنين بس اغمض عيني يجيني الصوت كمت حتى امنع روحي ما ارمش

:-صععب لو تحبني اجيت انت ماتحبني اكرهك هواي اكرهك

حضنت رجليه لنفسي اكثر مادري شلون غفيت ما اميز بين الواقع و الحلم جنت على نفس نومتي

اجة شخص شكلة كلش بشع عبارة عن سواد بسواد ووجهه مثل المصخم معانية تخوف ووجهه مقرف مد ايدة عليه واني بس فاتحة عيني اباوعلة ما اسوي اي رد فعل اخذ جزء من ايدي وشمرهه بالكاع اول ما طاحت بالكاع تحولت رماد

فزيت مرعوبة اول مافتحت عيني صار حسن بوجهي لابس اسود صرخت

:-يييمةةة ددخيييلكك عووفنني دخيييلكك

رفعت ادية احمي بروحي وازحف ليورة
:-عووفني فددوة عووفني الله يخليك عووفنيي لاتقررب مني

كعد بالكاع على اطراف اصابعة لزمم جتفي سحبت روحي منة ارجف

:-للاااتااخذذ ايدددي لاااا فددوة لاتااخذذهه

اريد اسيطر على روحي ما اكدر جسمي كلة يرجف من ابجي شفتي تأذيني احس بيهه تتجرح لان ماشاربة مي

:-ححسن فددوة اني عررضك عوفني

:-ليش ما اجة يحميج؟ مو البارحة تزامطين بيي

:-عوفني فدوة اروحلك فدوة لعينك عوفني اصيرلك خدامةة شتريد اسوي بس لاتسويلي شي

:-ررايدج الج

:-لا لاا انني متزوجة حرام عليك وخر ايدك منيي

عرفتة سكران من ريحتة بس من جان يحجي طبيعي يمكن بوعية احاول اقنعة ما يسويلي شي

:-خل نخابر رجلج نضحك علية شتكوللين

:-صدكني يذبحك عوفني اروح

:-هههه لو يموت لو يفر الدنيا كلهه ما يلكاج اريد يسمع بأذنة صوت مرتة اريدة يحس هو مقيد يحسس
بالحسيتة من وراجج خل يحس هوو مو كد مسسؤلية

ضامة روحي بالحايط احتمي بي الحلم مايروح من خيالي الخوف اخذ نص حيلي كعد كدامي مخلي ايدة وراهه مرتكي عليهه ورجلة الثانية مدهه علية بعدت روحي منه

:-نزعيني الحذاء

:-وخرر فددوة وخرر

:-نزعيني علمود ما ااسويلج شي

مديت اديية ترجف على حذائة بعدني ما لامستهه رفسني بخاصرتي بيهه

لزمتهه متأذية
:-بسسسررعةةةة

ابجي بصوت ناصي سحبت الحذاء من رجلة رجع مد الثانية بحضني

:-يلة نزعيني

نزعتهه اله مدنكة راسي احس بذلة وهو مستمتع يضحك

فتح تلفونة طلع من عندة خط وبقى يلعب بي مادري شيسوي رجع خلة خط ثاني طلع تلفوني من جيبة طفرت علية اريد اخدة من ايدة

:-تتتللفوونني ججيبةة

ضربني راشدي ودفعني من صدري
:-اااخخ لاتضرربني كلب

:-اشششش اذا سمعت صوتتج اذبحج هنا ومحد يلكاج
اباوع علية رسل شي لتلفوني وبقي يكلب بي رفع راسة وابتسم

:-وهيج اتأكدت محد يعرف موقعنه يله نستمتع ويه الخيخة

بس اعلي صوتي بالبجي يصيح بية خلاني ابجي بخنيك وكف كدامي رفعت راسي اباوعلة

:-راح اصورج بوسي رجلي وكليلي احبك حسن

:-للو تموتتت عووفنني امشيي اطلعع بررةة

دنك جسمة علية
:-خوش اذا ما عجبتج فكرة التصوير عندي فكرة ثانية نسويهه ننام سوة شرايج اسويلج مثل صعب ووانسج؟

جسمي يقشعر من كلامة احس روحي كامت تكلب بلعت ريكي خايفة

:-شترريد اسويلك بس لا تسويلي شي ابوس رجلك تريد موو هسة ابوسهه بس لا تأذيني

ضحك ورجع عدل وكفتة
:-تعجبيني هيج وهسة يلة راح اصور وانت صيري مثل الجلب جواي

حركت راسي بمعنى ايي
فتح فيديو واشرلي على رجلة جنت اباوعلة دنكت راسي بست رجلة دموعي كامت تنزل عليهن صاح بية

:-اححججي

حجيت وصوتي مخنوك من البجي
:-أ..احبك حسن

سحب رجلة مني رفعت جسمي ومدنكة راسي امسح بدموعي

:-احب المطيعين ما راح تتعبيني

كعد بصفي سحبني علية ابتعدت باوعلي رافع حاجبة
:-أياج تبتعدين سوي الاريده هسة احسن ما اجبرج على غير شي يلة باوعي لرجلج شلون راح ينذل

باوعت على تلفون اكتم شهكتي اخاف منه يصيح بية
دز الفيديو شوية وصار علية صحين كتب جواة

:-شنو شعورك وانت ماتعرف ملاذ وين شوف شلون صارتلي مثل الحيوانات واكثر شريد منهه تسويلي

باوعلي يلعب بگذلتي
:-ليش هيج مسويه بشعرج يحلوة

سحبت راسي منة لزم فكي بين ادية عصرة بقوة ماحجيت شي بس دموعي تنزل

:-مااتبعددين روحج مننني

:-ااي ايي بس وخرر

دفعني وجهي بقوة لزمت فكي امسح بي
:-تعاي احجي صوت كولي للصعب اني احب حسن واكرهك يله

:-الله يخليك كاافي روحح عووفني اكرهكم ثنينكم عوووفننني

خلة التلفون بيدة الثانية وبحركة سريعه ضربني راشدي بكل قوتة ركع راسي بالحايط

لزمت وجهي اببجي
:-اااششش اششش صصوتجج اذا سمعتتته اذبحج رفعي رااسج ماريد دموعج تنزلل خووش لاا تبججيينن من تبجين اكتلج

شفتي الجوة ترجف حركت راسي بمعنى اي
:-ععيونج عليية ماترفعينهه

:-اي ايي

ضليت اباوعلة وارجف وهو يباوعلي بس تنزل دمعتي يضربني من شافني ما ابجي رجع يباوع للتلفون ماطول هواي وصارن الصحين زرك معناهه شاف الرساله كبل طلع السيم كارت وكسرة

:-ومببروك الحيرة استاذ صعب

كام من يمي واني ارفع راسي اباوعلة وين ما يروح اخاف يضربني خلة التلفون بجيبة رجع دنك علية يمسح بخدي بيدة

:-راجعلج بليل نتونس سوة اذا ونستيني وارتاحيت وياج اجيبلج اكل واخذج لمكان احسن من هذا بس اهم شي تريحيني

غمضت عيني اهدي بروحي كلماتة مثل السم وتفوت لأذني رفعت ايدي على ايدة وبعدتهه عني

:-لاتوصخني بوصاختك ااياك لا عبالك ضعيفة وتكدرت تسيطر علية

لزم فكي بقوتة وكام سحبني علية اضطريت اوكف من الالم رجعني ليورة ضربني بالحايط يسحب راسي ويرجع يركعة

:-ااااياااججج تتحجججينن شيي بددون ما ااكلجج انني اتحكم بييج انني اتتحكم بتتصرفاتتج انتت الك*** مالتتيي خووشش اذاا سويتي شيي أعذبج ياملاااذ ايااجج اسمع صوتج اااياجج

سحبت ايدة مني اريد اخلص روحي منه احس فكي طلع بين ادية

ضربتة على صدرة
:-اااطللعع مناا اططلعع ان شاء الله تموتت ياررب

لزم شعري من ورة هلسه بدية يشلع بي بكل قوته ويصيح
:-ااككسسرر ايييدج اذا مدديتييهه عليه والله لاكسر هل خششم اصبببريللي لليل اذا ما خلليتج تعضين ااصابعج نندم والله لاجيبلج عشرة ينامون وياج كدام عيني واكسر هل خشم العالي والله لاخليج تبوسين ادية علمود اضل وياج

دفعني للكاع بكل قوتة نضرب راسي بالكاع وجان طابوكة بالكاع يمكن يسدون بيهه الباب صارت جوة بطني احسهه فاتت لببطني شكد ما الضربة قوية

عافني وطلع واني اتلوة بالكاع لزمت راسي شفت ايدي صار بيهه دم كلشي غوش كدامي حسيت شي يوكع علية بس بكثرة وألم فضيع صرخت متوجعه

:-اااخخ يييوم ووويننج رراح ااموتتت ووييينججج

رفعت نفسي من الكاع كوة فاتحة عيني نرعبت من الدم الي بالكاع

كمت ارجف واتلمس بروحي مو دم عادي عبارة عن قطع دم توكع مني وبطني مثل السجين تكطع بيهه

درت وجهي للباب ازحف اريد اوصله عبالي مثل ذيج المرة صار عندي نزيف بس استغربت ذيج المرة بس دم هسه قطع تطيح مني وألم مو طبيعي

بقيت اضرب بالباب مرعوبة

:-ححححسسنن فددوة تعالل حححسسن رراحح ااموتتت ووييننكك تتتعااللل فددوة تعالل لاتخليننني امموت تتتعاللل

ماكو اي صوت اله ادية ترجف وصارت صفرة عصرت بطني ولزمت ملابسي عضيت الطرف مالتهه

:-ااااخخخخ اااخخ يييييمةة للحككيللليي

الدم ينزل بغزارة وكل شوية يزيد

برودة صارت بأطرافي مر هواي وقت روحي نبهتت بعد ما اكدر اسيطر اكثر من هيج عيوني بدت تغوش بس الالم ما يخليني اسدهه

....................................

شـهاب

طلعت بسرعة من البيت خابرت علي
:-وين انت

:-يم اختك

:-عوف اختي شوف حددلي موقع صعب بسسرعة اريدة

:-عممي كل يوم جاييني بسالفة شتردون عوفوني وعلي لو ابوك يدري بسوالفي الة يملص اذني

:-معليك يملصهن واني ارجعهن الك بس هل مرةة ضروري

:-تدلل وين انتم اجي؟

:-لا وين تكدر ببغداد احنة

:-خوش شوي واخابرك

سديتة منه افتر بالشارع بسيارة صعب طلع بدون السيارة ادري هل مرة ناوي عليهم صوجي ما مشيت وراه اول ماطلع ربع ساعة وخابرني علي

:-شهاب صعب ببغداد دزيتلك الموقع شجاي يصير فهمني؟

:-صعب راح يورط روحة علي راح يروح بيهه

:-انة جاي لبغداد الموقع صار عندك يلة طالع

سد التلفون مني فتحت الموقع مو هواي بعيد عني بس جانت منطقة مشبوهه

خابرت ملاذ ماجان ببالي شي غير صعب يحب ملاذ وبس هي يسمع منهه لو شما اسوي ما راح اوكفة بس ممكن هي تأثر عليه

بلغتهه بالصار ودزيتلهه موقع صعب اتجهت للمكان اني وعلي على تواصل وصلت للمكان اخابر على ملاذ ما ترد مشيت مستعجل مستحيل تتأخر اكثر من هيج يجوز وصلت قبلي ويجوز ما منتببهه لتلفونها

خليت التلفون كدامي امشي بين البيوت هل مكان ريحة الشرب وية الهوى بي روحي تكلب من بشاعة المنطقة

اشرلي الموقع اني يمة صرت ادورة بالبيوت لحد ما طحت علية بواحد منهن فتحت الباب مقفول

دكيتة بدون ما احجي فتح الباب جان لازم سلاح بيدة ولثام على وجهه عگد حاجبة من شافني

:-شجاابك؟

:-صعب اطلع وياي

:-ربع ساعة مو اكثر ويوصلون عمامي لهل مكان روح منا لاتورط روحك

:-صصصعععب اممشي لا يصير شي ما يعجبك ااطلعع
رفع السلاح دفعني من جتفي

:-لاعبالك اني صعب الي يحن عليك راح صعب اني غمار حاليا اطلع منا غلط جيتك

:-ملاذ راح تجي صعب

نزل السلاح مصدوم لزم ايدي وفوتني جوة باوعت بالغرفة بيهه دبة نفط وبيهه شخاط ماعرف شنو غايتة

:-مملاااذذ شيجيبهه ااحجيي

:-شنو هاي الاغراض شناوي صعب

:-مااا ناووي شي ملاااذ وينههه

:-راح توصل ويجوز وصلتت

:-ااخذذهه روح مناا ماريد تشوفني بهل حال اخذهه

:-ااحجيلللي شنناووي ناووي تحرركهم صعب؟

:-اططلع اخذ ملااذ شلون تجيبهه لهيج مكاانن مافكرررت ولك

:-وانتت مافكررت من اجييت ليشش احنة لازم نفكر وانت لاا

رفعت ادية اضرب بي ما يحجي مدنك راسة
:-اااحجيي صح التسووي تتحرركهمم وللك انتت شنو بعقللك شنوو ترريد تتصيرر مجررمم

:-حرركو ااممي مثل ماحركووهه احرركهمم

:-عووووفهمم اكو قانون انت بنفسك تكدر تجيب كللشيي

:-مااكدر احذ بثاارهمم مااكدر الزمم قضييتهمم

:-لاتللزمهه انتت جيب الادلة كلهه انت بنفسك حضرر كللشي واشهدد بالمحكمة عليهمم ساعتهه اهلك راح يرضون عليك وكلمن ياخذ جزائة

:-اخد ملاذ وروح اطلع مناا اطللعع انني ماعرف احد منكم انني مو الصصعب اننيييي غمارر اني مجرررم لاتخاافف انني بس اكتلهم اسللم روححي مااضل وياكم دورر ملااذذ دورهه ويين جايبهه

مد ايدة يفتش بملابسي سحب تلفوني وخابر على ملاذ اول مرة دك دكة كاملة بالمرة الثانية نغلق باوعلي جسمة يرجف باوع للساعة

:-ووين رراحتت خاابررهه يللة

سحبت التلفون منه اخابرهه
لزمني من ايدي فتح الباب وطلع برة البيت يتلفت بالشارع وكفنة بين بيتين

:-خااببرر يللة خاابر

اخابر ما ترد صعب طلع راسة يباوع بالشارع جان ضاغط عليه بقوة ضل يباوع وادية تنبهت مني

:-لاا تووصل لهناا خاابرهه اجوو لاتخليهه تشوفنني هيج اخذهه شهااب اخذهه

:-ممااترررد وللكك ماتررردد

:-هسه هسة انني ترد علية

فتح تلفونه ادية ترجف يريد يفتحة ما يكدر سحبت منة التلفون وفتحته اخذه مني يخابر عليهه

:-ماكوو تغطططية وولك ووين رراحتت شللون الكاهه شلللونن وويننهه

رجع باوع للشارع
:-فاتوو للببيت شسسويي ششهااب ماكدر اسوي شي وملااذ مااكووو

كمت اروح وارجع اتصل عليهه وصعب كعد بالكاع خلة ادية على راسة يضغط علية

:-خططفووهااا نخططفتت اخذذووهاا مننيي

:-رراح اخابر امهه

طفر من مكانة يهز راسة برفض
:-لااا لااا ههي رجععت مابيهه شي هي يم امي عوفهه

خلة تلفونة بجيبة و كام
جنت مدنك على التلفون اخابر عليهه عسى ولعل ترد سمعت صعب سحب اقسام رفعت راسي مصدوم

:-شراح تسوي

:-راح أكتلهم ونروح ندور ملااذذ ما اسلم روحي بس نلكاهه اول شيي اني الكاهه بأدية واروح

:-صصعععببب عووفهم عوفهم انت بيك شييي لك مللااذ هااي ملاااذ اختتفتت تفهم لو لااا اختتفتت

:-بسس حلم سنين كداممي شهاب ملاذ اني اجيبهه بيدي صدكني اجيبهه

:-صعب والله اختفت انسحب اذا مو علمود نفسك علمودها

شمر المسدس وكعد بالكاع
:-ششسوويي شهااب ششسووي ويننن الكاههه جذذاب انتم جذاابين تردوني انسحب موجوودة تجذبون علية

مد ايدة بجيبة طلع تلفونة واتصل شوية وحجة
:-عللي طالبك طلبب بس ادزلك رقم حددلي موقعه

ضل ساكت شوية وكال...ارجع للبيتت اريدة بسسرعةة ههسه بهل لحضةة اريدده خلي واحد يساععدكك اذا ما ترجع ضروريي ...ما بيه شيي انةة بس الكالي هل موقع

عرفتة على موقع ملاذ كام يفتر بمكانة كل شوية يباوع من طرف الحايط خاف واحد يشوفنة

:-راحوو شهااب راحوو

قربت منه لزمت ادية ترجف
:-ياهو اليهمك عمامك لو ملاذ؟

:-بس ارييد اعرفهه وينهه ليشش تخليهه تجي للليشش تدري بيهه ما تدببر

:-صصعب تموت بدونك عافت كلشي واجت تركض وهسة انت حاير بعمامك

:-بس كللي مابيهه شي مو مابيهه بسس كلي مكانهه خليني اروح اشوفهه

:-نروح ندور عليهه هسة اخابر امهه ونشوفهه وين

اجة صوت رسالة لتلفونة بسرعة طلعة باوع بي باوعلي دموعه نزلت نصدمت منه يبجي

:-صعععب شصااير؟

:-ماكو ملاذ ماكوو

طلع من الجهه الثانية للبيوت بسرعة طلعت وراه
:-ششهااب وين السيارة وين خليتهه

:-كدام

مشيت اركض كدامة وصلت للسيارة صعدت اسوق وهو يمي

:-وووين اروح

:-لمنطقتهم استعجلل

كل شوي يخابر هو وعلي كام يصيح حسيتة فقد اعصابة
:-صصععب بالتفااهممم يجوز البنية ببيتهم

:-ووولك ياابيتهمم وولك بالروضة ماكوو طططالعهه من زمانن

:-خاابر امهه لا تخوفهه حاول ما تبينلهه شي

اتصل تلفونة
:-شهاب هاي امي

:-رردد

فتح التلفون عيوني علية ما حجة شي شوية ونزلة من أذنة سد الخط

:-ششكو؟

:-تسأل على ملاذ عبالهه وياي

:-اممشيي شهااب لاتووكف

:-وووين نروح

:-ووين رراحتت يعنني وووينن لاازمم الكاهه ويينن ياهو ياخذذهه ماتروح وحدهه مااتختفيي تخااف اعرفهه

:-هسه نلكاهه هسهه

:-خل نبلغ مركز

:-ماايصير صععب ماصار هواي من اختفت لازم يوم كامملل

:-ححسسنن ماكو غغيرة هوو خطفهه محد يتجرأ يسووويها عمامي مايعرفونهه بس حسنن يعرف مكانهه

:-اذا متأكد يم حسن لازم نلكة حسن يلة نلكاهه

فتح تلفونة اتصل على علي
:-علي شوف راح ادزلك اسم شخص ومعلومات عنه اريد تطلعلي ررقمة وتشوفه وويين ببغداد لو بالناصرية

هواي انتضرنة مانعرف وين نروح وام ملاذ كل شوي تتصل اخر شي صعب كالهه

:-ملاذ وياي ببعدين اجيبهه

سد الخط واتصل على علي كمل وشمر تلفونة بقوة ع الدشبول

:-شكوو

:-ممماكوو للك رقمة مايكدرر يحصلة ولاا يكدرون يحددون موقعه بدون ررقم انني متأكد عندة ماتروح ملاذ

فتح باب السيارة
:-ووين رايح؟

:-ادورهه شهااب امي عينك عليهه لاتكلهه ملاذ ماكو

:-جاي وياك

:-دور عليهه بغير مكان وانة بغير مكان خل نستفاد من الوكت

نزل بسرعة واني رحت من يمة كل شوي يخابرني عباله لكيتهه لل3 بليل وماكو اي خبر منهه خابرني صعب

:-شهاب الكاكك ببيت ملاذ لاتتأخر

رجعت لبيتهم ضليت حاير شلون افوت اتصلت على ام ملاذ بسرعة فتحت خط

:-خاله اني برة تكدرين تفتحيلي الباب

:-اي يمة

سدتة مني بسرعة فتحت الباب باوعتليي وجهه مبهوت
:-وين ملاذ شهاب

:-يم صعب

:-موو يم صععب بنيتتي بيهه شيي ولك اكله بس اسمع صوتهه ما يخللينني گلبي حاسني ملاذ بيهه شيي

:-لاا صعب راح يجيبهه

بعدنة نحجي اجة صعب على دراجة نزل واكف بالباب طلعت ام ملاذ بالشارع لزمت ايد صعب

:-ووووين بنيتتي

:-اليوم تجي

:-وويين رراحتت ولكك صععب وينن وديتهه

سحبهه لحضنة باس راسهه
:-اليوم اجيبهه الج وعد

:-نخطفتت بنتي نخطفتت

كعدت بالكاع تلطم وصعب يريد يوكفهه ما تقبل
:-وولكك اذا صارلهه شي اكتل روححيي وللك ملااذ هااي ملااذذ ووين رراحتت وللك مثل طير الحمام بريئة كللشي ماتعررفف وويين اخذوهه

كومهه من الكاع اشرلي افوتهه جوة
:-مافوت للبيت اله ورجلهه على رجلي اجيبهه الج لاتخافين شهاب السويج مال سيارة

:-اجي وياك

:-امي محد الهه

:-ااججي وووياكمم بتتتيي اذا صار الهاا شيي اكتل روحيي اخذنني صععب

دار وجهه يريد يروح
:-وعللي اكتل روحي صصعب اخذنني وياك

دار وجهه علينه حاير ذب حسرة
:-صعدوا بالسيارة

طلعنه بكل مكان دور عليعه مالكاهه وحسن فص ملح وذاب علي ويانة على المخابرة وصل لبغداد للصبح امهه بس تلطم وصعب عيونة جمر صف علي يم سيارتنة نزل صعب يحجي وياه نزلت وياهم

:-اني رايح ساعة واخابركم

:-وينن تروح؟

:-ضروري اخابركمم بعدينن

:-صصععبب لاتسوي شيي واحد من عدنة يروح وياك

:-علي ييجي وياي وانت تضل هنا

:-خوش بسس خابروني

اشرلي بمعني اي نزلنة اني وام ملاذ بسيارة علي وصعب وعلي بسيارة صعب خليتهم يرحون مسافة ومشيت وراهم ما اكدر اخليهم يرحون

:-ووين رايحين شهاب

:-ما ادري خاله مثلج كلشي ماعرف

:-شهاب رايدتهه منكم بنيتي هاي

:-لاتخافين وين تروح اول وتالي نلكاهه

:-مماكو غيرة حسن منو يخطفهه عرفتة ما يعديهه على خير

مشيت هواي بالسيارة وراهم وبدون علمهم وصلنه لمنطقة مهجور كل الف متر يلة اكو بناية وقديمة مكان يخوف

الافكار اكلت راسي معقولة نلكة ملاذ هنا زلم ما نجي لهل مكان وحدنة مو طفله مثل ملاذ

قبل لا اوصل لسيارتهم شفتهم من بعيد واكفين شوية وصعدو بسرعة مشت السيارة اخابر عليهم محد يرد

رجعت امشي وراهم خفت من استعجالهم وام ملاذ تلطم
:-اكيد صاير شي ليش هيج يمشون مستعجلين

حابس انفاسي ما اريد اخوفهه بس اكيد اكو شي

........................

مـلاذ

سمعت الباب نركع ركعة قوية عبالي حسن رجع رفعت راسي بس اريد احد يساعدني الدم النزفتة كلت اكيد راح اموت شفت صعب فات بس شافني اجة ركض بأتجاهي لمني بحضنة عاصرني

:-ممملااذذ ملااذذي شبيجج

:-ااخ وويين امميي راح ااموتت انني راحح اموتت صعبب

كام يضغط علية بحضنة حتى من يلزمني اتأذة شالني من الكاع بسرعة وطلع يركض

:-بببااابااا شبيييجج شبيجج ششنو اليأذييجج

صعدنة بسياره ما شفت منو الوياه بس سمعته صاح
:-ااااستتعجججلل علااويي

بسرعة تحركت السيارة واني اصرخ من الام مكعدني بحضنة ادية انترست دم مني دموعي تتخلل بشعري

:-ممملااذيي شبيجج مجرووحة بمكان باوعيللي بسس باوعيلليي ممجرووحةة انت

يحجي ويدور بجسمي عباله مضروبة

حجيت وانفاسي متكطعة
:-انززف صصعب انززف راح اموتت

لمني بحضنه يمسح على شعري
:-اشش اشش مابيج شي هسه نوصل للمستشفى اششش

:-ببطنننيي رراحح ااموتت

رفعت راسي عضيت طرف القميص اكتم صرخاتي

:-مااي اريد مااي

:-عللي ممايي مماايي من ييمكك

شوية وشربني ما كدرت اشربة بس لمس شفتي ابتعدت

:-مااكدررر

:-مملااذذ بابا اهددي اهديي هسه نووصل

لزمت اصبعة الابهام بيدي عاصرته بكل قوتي كل وجعه تجيني اعصرة

:-صصعبب لييشش عفتتنيي ليشش ضضربنني شوف شصار بيه وانت ماكو انت وامي عفتونني

:-ماا عايفج هاي اجيتج هسة تصيرين ززينة

:-اجاني الجن ااجاننيي مانممتت من وراك

:-ااي ايي ارتاحي لاتحجينن تتعبين بس تحجينن

:-اتأذه جاي اتأذذهه

كل شوي يرفع ايدة يمسح وجهي نزل من السيارة يركض وهو حاضني لصدرة كام يصيح بالمستشفى شوية وخلاني على سدية فلتت اصبعة وجلبت بياخة قميصة

:-يياخذذذنني لااتررووح يااخخذنني والله ياخذني

رفع ايدة لزم ايدي عصرهه بقوة يركض وياي
:-ماعوووفج ووياجج والله وويااج

فوتوني للغرفة راد يفوت صاحت بي وحدة
:-ماايصيير

:-ززوجتتي

:-اي ابني ما يصير خلي مرة تفوت وياهه غير هيج ما اكدر

فتت جوة كمت اصرخ
:-لاااتااخذذوننني خل ييجججيي رراح تااخذوونننيي
صصععععبب لاترووح تعالل راح يرجعوني اله

ما مر هواي وقت يفحصن بيه شفت امي فاتت للغرفة تركض

:-ييمةةة يمةةة

اجت حضنتني واني مجلبة بيهه اصرخخ
:-بننيتتي يمة يروحيي شبيج يمة

:-رراح اموتت راحح اموتتت يمةة

سمعت الدكتور كالت لامي
:-شتصيرين منهه

رفعت نفسهه مني تحجي ويه الدكتورة
:-امها اني امهه شبيهه بنيتي

:-للاسف اجهضت

ماابديت رد فعل الوجع جان مسيطر علية وامي تباوعلي مصدومة

:-ددكتوررره طلعيي منيي الوجعع راح اموتت الله يخلليج طلعيي مني مارييددة

علكولي مغذي ما يخف الوجع اتلوة على الجرباية وهنه ولا هامهن لحد ما بديت اهدء شوية شوية باوعت لامي لازمة ايدي وتمسح على شعري

:-أ...انني حامل؟

حركت راسهه تبجي
:-حسسن وكع طفلليي حسسن وكعةة هو دفعنيي

اجت دكتورة تضربني ابرة
:-ماا اريد هو الوجع راحح ماريد

:-لا حبيبتي لازم تتنضفين هسه تنامين وما تحسين بشي

:-يمة كلهه صرت ززيينة

باست راسي ولزمت ايدي ضربتني ابرة بدة النوم يسيطر علية كعدت جسمي كله يأذيني بغرفة غير الجنت بيهه اتلفت محد يمي باوعت لايدي صفرة وبيهه كانولا جسمي يأذيني

خليت ايدي على بطني نزلت دموعي
:-يعني جانت هنا روح واني ما ادري بيهه خسرتهه بالحضة شكد أذيت هذا الطفل

شفتي ترجف نفتح الباب شفت ممرضة فاتت غمضت عيني كالت

:-ها كعدتي

:-ضربيني ابرة جاي اتألم

:-ما يصير حبيبتي هسة تاخذين علاجج وتصيرين زينة اهلج منتضرينج تكعدين

:-اني جنت حامل مو

:-اي حبيبتي الله يعوضج بالاحسن تردين تشوفين اهلج

:-لا كليلهم ما كعدت

:-ليش حبيبتي

:-تعبانة اريد انام لا يفوت احد

فلتت المغذي عدلت الكانولا وطلعت صحت وراهه
:-لاتكولين كعدت اشتكي عليج حفظتج ترة

باوعتلي مبتسمة
:-احنة الف وحدة هنا شلون تعرفيني

:-اكلهم لابسة شال اسود اعرفج

:-عادي اكلهم ما فتت لغرفتهه

:-اانت شترردين لاتللحين بس تكليلهم كعددت اكتلج

:-هو انت تكدرين تحركين روحج

:-معلليج طلعي يلة اريد انام

:-شبيج حبيبتي اهدي

صحت بصوت عالي:-هااادية انني هاااددية ما بيههه شييي يللة هي غررفتي لو غررفتج اهلي لو اهلج اطططلللعييي

ابتسمت وقربت مني
:-لاتتجين يمي روححيي

نفتح باب الغرفة ثنينه التفتنة فاتت امي تباوعلنة مصدومة

:-هاا يمة كعدتي

:-لااا ما ككعددت عووفوننيي روحواا مناا ارريد اننام تتتعباننه اضربينني ابرة اننناممم

:-اهدي حبيبتي

قربت امي مني ضليت اضرب على بطني بقوة
:-بسس تقرربون مننني ااخللي بطنني تنززفف بععد اطططلعواا خلوني اننامم

قربت امي لزمت ادية واني منهاره اصيح عليهم
:-عوووففيينننيي عووففينني ارريد انناام ووخررواا ماريد احدد منكممم وخروووو

فات صصعب للغرفة رجعت ليورة اشرت علية
:-اططلع انتت ما اريد اشووفك ااطلعع اكررهكككك من وررراك من وراكك اطلع بببرةةة

الممرضة صاحت بيهم
:-اطلعوا رجائا بس تهدئ واخليكمم تفوتون مو زين عليهه
:-مااايفوووتونن ما ضحككين عليه يلة اطلعوو انت هم اطلععيي

من شافو هيج طلعو بقيت هي
:-كلت كلكم لاتبقين تجذبين عليه وهسة يجوون

:-مو تردين تنامين

:-اااي اطلعي وانام شملبسيني انتم جيبي ملابسي

:-اي هسة اجيبهن الج انطيج ابرة؟

:-اايي خل انام ومن اكعد ما اريد اشوفج

وكفت تسوي بالابرة واني جسمي يرجف ضربتني ورجعتني ع السريري رفعت ايدي سحبت لكانولا من ايدي وشمرتهه

:-ماريدهه لاترجعينهه

:-اايدج تنززف حبيببتي

:-معلليج طلععي يلة بس اكعد منن النوم اشتكي عليج انتضريني

بقت واكفة بعيد عني للحد ما نمت

حسيت احد يمشي ايدة على شعري فتحت عيوني لكيتهه امي اول ما شافتني رفعت ايدهه حجيت بصوت ناصي
:-رجعيهه

رجعت ايدهه تمسح على شعريي
:-شلوون صرتي

حركت راسي بمعنى اي

:-ها خو ما شي يأذيج اصيحلج ممرضة

:-لا

:-صعب يريد يجي يشوفج عادي

:-لا

:-اجيبلج شي

:-لا

كمت من مكاني
:-ها

:-اريد اكعد

خلت المخدة وره ضهري وكعدتني وخرت الغطة ما ادري منو مبدل ملابسي مالي خلك اسأل

كامت امي من يمي شوي وانفتح الباب عبالي هي رجعت عرفتهه من خطواته مو امي بقيت ساكتة والدمعة بطرف عيني

كعد بالكاع بدون ما يحجي شي سحبت رجلية لجسمي رفع نفسة وقرب اكثر لزم اصابع رجلي يحرك بيده عليهم
سحبتهه منه لزمهه بقوة دنكت راسي بين رجليه دموعي نزلت

:-ما اريد تسامحيني ادري كلشي صارلج من وراي ادري هواي أذيتج وشما تسوين عاذرج بس وعيونج وبرائة الطفل الراح منج اذا ما خليته ياكل اصابعة ندم انة مو صعب

بقيت ساكته دنك راسة على رجلي حسيت دموعه تنزل عليهن جسمي قشعر باس رجلي ورفع راسة

:-محتاجة شي

ما حجيت شي گلبي يرجف كام ممن مكانه درت وجهي للجهه الثانية ما اريد يشوفني سحبني علية وباس راسي ابتعدت عنه و هو طللع

لليل طلعنه من المستشفى برودة بداخلي تجاة الكل حتى امي ماريدهه احس روحي محتاجة ابقى وحدي

صعب جان يسوق وامي كاعدة يمي لزمت ايدي سحبتهه منهه وكعدت بطرف السيارة اباوع من الجامه للشارع

داخلي يبجي بس عيوني ترفض شوية وفتح الجام مالت السيارة من جهتي بقيت اباوع للشارع ما باوعت الهم

يمشي على كيف لحد ما وصلنة فتحت الباب مال السيارة ومشيت وحدي احس بوجع بس خفيف بقيت واكفة يم الباب اجة صعب فتحة فتت قبلهم ما التفتت وراية رحت بوجهي لغرفتي قفلت الباب

تمدتت بالجرباية بوضعية جنين لزمت بطني دموعي كامت تنزل

:-ياررب شوكت ارتاح تعبت والله ليش خسرت جزء من روحي شيصير هسه لو طلعت واني حامل شيصير لو كسرتي انجبرت بهل طفل

صح ما ادري بي بس من عرفت شعور غريب جان طول هل فترة طفل بداخلي بس ما ادري بي

ندك الباب ما رديت نمت بوسط هوسة افكاري الصبح سمعت هوسة برة وامي تدك بالباب وتصيح باسمي فتحت الباب جسمي كلة بايد

:-لبسي حجابج وتعاي

لبست حجاب وطلعت باوعت بالصالة
عمو هادي ورتيل وشهاب كلهم واكفين سلمت عليهم رتيل حضنتني

:-الله يعوضج يروحي ميخالف راح يجي غيرة يجوز ما بي صالح الج

هزيت راسي بمعنى اي سلمت على عمو هادي من بعيد قرب مني وباس راسي

:-الحمد لله على سلامتج بوية

:-الله يسلمك

شهاب:-الحمد لله على سلامتج ملاذ

:-شكرا

كعدو عفتهم وطلعت غسلت ورجعت كعدت بصف رتيل تحجي وياي بس مالي واهس ارد عليهه

شوية وكمت حسيت عيونهم عليه رجعت للغرفة تمددت بفراشي احس جسمي قشعر واني اذكر ذيج الغرفة
والشفتهه بيهه

بقيت متمدده ما اكدر انام ندك باب الغرفة وفاتت رتيل كعدت بصفي لزمت ايدي

:-شبيج حبيبتي ليش هيج ذبلانة ع الطفل الله يعوضج وكل شي يصير مكتوب ومقدر وانت وصعب ماصارلكم سنين علمود هيج تحزنين هسه تحملين

:-اي

:-تجين يمي بالمطبخ ناكل سوة اني جوعانة وكتلهم ما اكل وياكم

:-اكلي انت اني ما اشتهي

:-يعني تقبلينهه ارجع واكول لعلي بيت خاله ملاذ ما وكلوني

:-لا ماريد اطلع برة ماريد اشوفهم

:-زين اني اجيبلج هنا

:-جيبي

طلعت تركض اريد اتفاعل وياهم بس شي بداخلي رافض
كعدت تاكل لزمت الخاشوكة العب بيهه ومن تباوعلي اسوي روحي اكل حتى هي حسيتهه كوة تاكل

رجعت الخاشوكة وارتكيت على الجرباية
:-شو ما اكلتي

:-شبعت ما اريد

ماحجت شي شالت المواعين شوية ورجعت يمي تحجي وياي

:-رتيل اني راح انام

:-اجيبلج علاجج اشربي ونامي

حركت راسي بمعنى اي انطتني علاجي طلعت برة ورجعت وياهه صعب بيدة الابرة

درت وجهي للجهه الثانية ورتيل طلعت سد الباب وفات ييحضر بلابرة

:-اكلتي زين؟

ما رديت علية كعد كدامي سحبت ايدي خلاهه على رجله فلت النيدل من الابرة

:-اغير الكانولا لو بنفسهه

ما حجيت يحجي وحدة ضربني بيهه وبقى يمشي العلاج بيدة رفع ايدي باسهه ونزلهه سحبتهه منه بقيت دايرة للجهه الثانية

:-رفعت علية دعوة يومين ويصعد محكمة بس لازم تحضرين دام خطفج و تعرضتي لاذية راح يضيع ااخذ حكج من بين عيونة وغلاتج

:-ملاذي عبالج عايفج ما عايفج انة اليوم جنت اشتغل علمود اخذ حكج الليله العيشاجياهه برعب اعيشة اضعافهه ملاذي ادري ما تردين تحجين وياي بس انة ماكدر بدونج

:- تردين تنامين؟

ما ابديت رد فعل ما جنت اريد اشوفة
كام من مكانة خلة ايدة على بطني دفعتهه مني وخزرتة

:-الراح جزء مني ومنج لا عبالج هين عليه

:-لا تلمسني

:-حاضر محتاجة شي

:-اطلع منا لا تجي

باس راسي وابتعد طلع وسد الباب غطيت وجهي بالبطانية ابجي ما ادري شريد

للعصر راحو بيت عمو هادي واني بغرفتي حتى سلام ما سلمت عليهم فاتت امي للغرفة

كعدت يمي رفعت راسي خليته بحضنهه
:-يمة

:-يروح امج

:-اني تعبانة كلش تعبانة اريد ارتاح يمة شوفيي ليش ما لكيتوني هسة اني لو ميته

خلت ايدهه على خدي
:-اسم الله عمرج طويل يروحي هاي انت ويانة وحسن بالسجن اليوم اهله اجو وصارت مشكلة همه وصعب وماانطة بيج كدام احد شكد حاولوا يخلون صعب ينسحب ومايحولهه محكمة بس مصر ووكل محامي كلة علمودج حگج مايضيع دامة موجود

:-كتل روح حسن مجرم من وراه اني طرحت من وراه بتت يوم كامل بغرفة مسكونة تمرضت ضليت اضرب براسي علمود ماافكر تعبت من وراه لو يموت كدامي ما يهمني

رفعت ايدي تبوس بيهه وتقرالي قرأن نعست
:-اذا نمت لا ترحين اخاف وحدي

:-لا يمج

جنت اغلب وقتي نوم فتحت عيني حسيت احد يمي فزيت مرعوبة عبالي مو بالبيت شفت صعب كاعد على كرسي لازم ايدي ونايم سحبت ايدي منه گبل فز بقى يباوعلي

:-هاا محتاجة شي؟

:-اطلع

كام بدون ما يحجي شي طلع برة

كل ما انام واكعد الكاة يمي ينطيني العلاج ويطلع يجيب يمي الاكل ويروح يحجيلي شنو سوة رغم ما ارد علية يحجيلي يومة بالكامل بس يريدني ارد عليه

اخلي يكمل كلشي واكلة اطلع انرفع حسن محكمة رحنة سوة شهود اني وصعب وعلي

لان شافوني بوقت سقطت بس حجيت الصار غصة بداخلي كوة حجيت وطلعت خليت امي تأجرنة تكسي
ونطلع بدون ما تكول لصعب رجعت للبيت كبل لفراشي امي فاتت مبتسمة كالت

:-ملاذ حسن نحكم.....................

.
.
.
.
.
.
.
.
.للحكاية بقية

كلانا كتف للاخر♥
الوريد♪

قناتنه ع التليگرام اشتركوا حبيباتي