رواية أنتقام الصفحه 27 (ترميم) الفصل الخامس وأربعون 45 - بقلم خـلود الـ محسن

انستا للتواصل lorai_alrwi

تفاعلكم على البارت گلبي تعليق بين الفقرات ونجمة دصوتوا هي حتخلص القصة😒❤️

……………………………………
حسيت احد يتلمس بأيدي فتحت عيني عبالي امي فزيت من مكاني ورجعت ليورة خايفة صحت بصوت عالي

:-حسسنن شتتسوويي هنااا وووخرر مننيي

لزم ايديي يسحبني علية ريحتة تلعب النفس
:-وخررر عننني وووخرر سكرران انتتت اطلعع

ادفع بي وهو مثل الصنم ما يتحرك
:-عبالجج ما الكااج عبالج ما الزمج موو اني التعوفنني وحدة مثللج

لازم ايدي بقوة ويحجي
:-للكك اطلععع

نزلت راسي وعضيت ايدة بقوة سحبهه مني يغلط ويفشرر

:-انتِ جللللبب لوو شنووو

طفرت من الجهه الثانية للجرباية امسح بأيدي قرفانة من لمساتة

عبر على الجرباية رجعت ليورة احمي نفسي صرت بين الكنتورة وبينة مخلية ادية على وجهي احمي نفسي

:-وخررر وخررر ييمةةة وووينجج يوووممم

قرب مني مبتسم
:-بس انة وانت هنا حبيبتي

:-زقنبووت بگلبك حباك البين كوون اطلع برة لا اشهرك واخززيك اااططلعع

رفع ايدة سد حلكي وخلة ايدة الثانية على بطني مثبتني على الحايط

:-مااجيتج ابد عفتج براحتج بس تطلكتي وانة لازم اقوم بالواجب

وخر ايدة من حلكي واني ارفس جواة لازمني بثنين ادية بقوة وريحة الشرب تطك للستار

:-وخررر وخررر الله يخلليك وخرر تلعب النففس ووخررر

خلة راسة برگبتي اريد ارفع ادية مااكدر مقيدني بأدية
:-لااا لاااا الله يخلليك وخرر حررام عليك ووخرر

احرك براسي اريدة بس يبتعد بس قرب روحة مني صارت اذنة قريبة عليه عضيتهه بقوتي زين ما شلعت لحمهه منهه ابتعد يكمز

:-اخخخخ اخخ بنت الككلللبب

لزم اذنة يعصر بيهه ويباوع بيدة بقى يضرب بالحايط روحة شايطة باوعت على الباب مسدود سحبت تلفوني اتصلت على صعب بس اتصلت سحب التلفون مني
وشمرة على الجرباية عصر فكي بين ادية

:-اذدبحجج صدكي اذبحج مكانج مو هنا انت مكاننج ببيتنة وترجعين غصب عننج وعن الزوج الجابكم هنا ضحك عليج وطلككج

دموعي تنزل وجسمي يرجف دفعتة اريد اعبر للجهه الثانية واطلع برة لزم معصم ايدي وسحبني علية

:-امجج طالعة يحلووة بس اني وانت هناا اني احق واحد بيج ورايحة للغرب

ضربتة راشدي بيدي الثانية صار مثل الثور يضربني على وجهي بقوة ويصيح

:-تمدديينن اييددج عللليه *** والربتج ****

دفعني على الجرباية وصار فوكي ضاغط على رجلية برجلة ومشبث ادية بية يبوسني بكل قرف روحي كامت تكلب اصرخ بصوت عالي بس محد يسمع

:-ييوممم الله يخلليج وووينجج يوومم

اريد افلت ايدي منه ماكدر بس احرك روحي جواة جسمي ينتفض رفع راسة يباوعلي مبتسم واني اصيح جواة قرفانة منة

:-وين راح حبيب گلبج شردتتي علمودة طلككج موو مبروك الف مرة كتلجج ما الج غيري

كمت اتنفس بقوة ما اكدر احجي اتقيأت واني متمددة على ضهري احس روحي تطلع من عيوني كمت اتقيء من خشمي ومن حلكي لان رافعة راسي عيوني طلعت من مكانهه من شافني هيج ابتعد عني كبل رفعت راسي من الجرباية ودنكت بالكاع اتقيء واصرخ

:-يييمةةة ووويننججج

بقى بعيد عني يباوعلي مصدوم صدري يرتفع وينزل شكد ما اتنفس قوي

من شافني هدأت سحبني من ايدي
:-لاتمثللين كداممي ****

:-الله يخليك عووفنني رووحي راح تططلع الله يخلليك روووح منااا

:-ماااعوفج جنتت متااني يجي هذا اليوم التطلككين بيي واجةة راحح اطلع كللشي بيج اراويج نجوم الضهر يا *** تذكررين من خليتيي العار مالتج يكسرني هو وربعة

احس جسمي كلة بايد روحي ترجف كمت كوة اقاومة من يلمس ايدي يأذيهه درت وجهي على الباب اصيح

:-ييمةة ووين ررحتتتيي ووويننججج صصصعععبب لاتعووفننيي صععبب

ضربني على وجهي
:-ماريد اسمع الج صوتت أيسي امج تتجي رراحتت امجج كتلج بس اني وانت هنااا ورجلج الخيخة رااح طلككج ضل بس حسن ويااج

بطني كامت تكطعني من الخوف نزل راسة كدامي ونزل ايدة على ركبتي خانكني

:-عبالج من شردتن انتهى كلشي مانعوف عار على عشيرتنة اله اشبع بيج وتالي اذبج للجلاب ما اطلع حسن اذا ما خليتج تاكلين اصابعج ندم يا ملاذ

كال هيج سمعت صوت صعب برة يصيح
:-ممملااذذ ملااذذ

:-صصعععببب

خلة ايدة على حلكي يسكتني بقى يتلفت بالغرفة طلع سجينة صغيرة من جيبة خلاهه على ركبتي وصعب يدفر بالباب لان مقفول

:-اذبحج ملاذ اذبحج والله بس يقرب مني اذببحج

ضل هواية يدفع بالباب بس ما ينفتح واني ارجف بس دموعي تنزل سمعت صوت امي يمة تصرخ شوية ونفتح الباب فاتوا ثنينهم وحسن مخلي السجينة على ركبتي

:-اذاا قرربت مننيي اكتلهاا مووتت

صعب ما اهتم اجة علية مثل البركان رفع ادية دفعة من اجتتافة بقوة وكعة بالكاع واني طفرت من مكاني لحضن امي بعبايتةة حاضنتني وثنينة نبجي باوعت لصعب دنك على حسن يضرب بي بقوتة نايم على صدرة

:-ييمةة وين عفتينني ردت اموت ووينن

سحبتني لحضنهه ضامة وجهي بصدرهه واني انااشغ
من شافت صعب فقد يغلط ويسب بحسن كامت من يمي تسحب بصعب

:-عوووفهه ولكك عووفه رااح يموتت

:-ومووتتت الجلاابب موته على ايدي اذذبحه والله اذبحةة

:-عووفهه وولك يمة لا يموت ونتورطط

:-وحق لا اله الا الله ما اعووفةة وخرريي يوم

سحبتة من ايدة تدفع بية برة الغرفة وحسن كام يمسح بوجهه طلعت برة واكفة بنص الصالة ماعرف شسوي امي وصعب يصيحون وحسن مكسر بالغرفة

:-صصععب اذا مات بالبيت احنة نتورط خل يولي هل جلبب

:-ششنتووررط اححسسن مغتتصبهه اححسن ماد ايدة عليهه وعلي ما اعوفة اذا ما كسرت ايدة المداهه عليهه

باوعلي واكفة بمكاني ارجف اجة علية سحبني من ايدي

:-ششوففييي وجهه شللون ااصفر شووففيي شصاااير بيهه ولج يوم السسجينة مخليهه بركبتهه الكلب ابن الكلب

يحجي ويرجف خفت لا يصير بي شي
:-اهداء صعب فدوة

:-سسوالج شي أذاج شبيج لا ترجفيين

رفع ايدة يمسح بوجهي

من شافني ابجي فلت ايدة مني يريد يرجع للغرفة وامي جلبت بي سحبته للمطبخ صاحت علية

:-مملااذ تعااي

:-بس لاتدخلون بيهه ما اسويله شي بس خل اطلع

:-اشش ولك اسسكت اكعد بمكانك

فتت للمطبخ وامي طلعت قفلت الباب وراهه بقى يفتر بالمطبخ يخلي ايدة على شعرة و يرجعة ليورة من كد ما عرك حسيت شعرة مبلل

:-بباسج مو بااسج الكلب

وكفت بزاوية المطبخ اباوعله ثاير مثل البركان
رجع باوعلي كال

:-ههسسة راح تطلععة وحق هو علي ايدة المدهه عليج ولمسج اكسرهه لو يروح لسابع سماء ابن ***

:-كافي لاتتتفشرر لاتفششرر

:-ماامفششرر

بقيت واكفة بالزاوية وساكتة
:-اشرب مي طفي روحك لاتحترك استاذ

باوعلي عاض شفتة الجوة كوة لازم روحة حرك ايدة على لحيتة ونزلهه

:-عندج حجاية زينة احجيهه ماعندج انلصمي

:-اعتذر استاذ

رجع باوعلي بقى صافن
:-لو ما سامع صوتج بالاتصال وجاي جا هيج وكت ما تضحكين لا ست ملاذ هيج وكت بدين النكس ذاك

:-شجابك انت جني

:-حضج مارجعت للناصرية

:-ديلة خوش ترة امي الفتحت الباب مو انت

:-عيني ست ياهو خابر امج واجت الاستاذ مطمئن بس انت بالبيت اشوف شلون تضلين وحدج بالبيت بعد

:-ليش منو يبقى يمي لا يكون هذا الي يسمونة ألصعب
حجيت هيج اريد اضوجة

قرب مني رجعت ليورة رافعة راسي اباوعلة مسوية نفسي مااخاف قرب اكثر جسمة طخ بجسمي

:-وخر حرام

:-شنو!

:-وخرر شبيك

:-منو الصعب؟

:-وانني شمعرفنني منو وخر يلة لا اكسر ايدك الك

:-لا والله بس يمي نجرة ست ملاذ

عود ردت اضوجة اكثر حجيت بسرعة
:-اتتقوة بيك طبعاا

رفع حاجبة مبتسم
:-همم وكت العصبية تطلع الصراحةة

:-وخر من يمي

ابتعد بدون ما يحجي شي طلع جكارة خلاهه بين اصابعة ولازم الجداحة يدك بيهه على الطاولة كل شوي يباوعلي ادري بي يريدني اورثهه غلست علية

ربع ساعة وامي فتحت الباب دار وجهه عليهه
:-وين ولة؟

:-راح لاهله مايرجع خلصني

:-خوش اني رايح

:-ووين يمة

:-مشغول لازم اروح

:-ماتتحرك منا لحد ما اتأكد حسن رااح بعيد تريد تكتله وتورطنة ولك

:-ديلة هسه هو محسوب على الزلم

حمحمت بصوت عالي دار وجهه علية
:-طلعيهه لاتضمينهه بگلبج ست ملاذ

امي تباوعلنة متخوصرة
:-انتم الاثنين راح تخبلووننيي يوم صياحكم للستار يوم متمرضين يوم تبجون بحضني يوم ضحكم ماله والي

عفتهم وطلعت بطني جانت تأذيني فتت للحمام شفت دم واكع علية بس مو هواية صفنت ما اذكر اخر مرة اجتني الدورة يمكن من ألخوفة وكعت علية

غسلت وطلعت شفت امي وصعب واكفين بالصالة سوة يمكن يريد يروح فتت للغرفة بدون ما احجي وياهم شفت المنضر من تقيأت يلعب النفس صحت

:-اااايعع

باوعلي صعب واجة يمشي بأتجاهي خايف
:-هاا ملاذ شكو

:-باوعع

امي اجت واكفة يمي تباوعلي عبالهه بية شي
:-شبيج يمة

:-الغرفة تلعب النفس شلون افوتلها هسة اني

:-لا يا مطية عبالي صاير شي

ضربت على ضهري بخفة
:-روحي فوتي نضفيهه تلعب روحج من روحج

:-اهوو يمة تلعب روحي والله شنو انضفهه

:-يوم روحي هسة ملاذ تنضفهه

راحت امي وبقينة بس اني وياه واكفين
:-روحي جيبي غراض المسح

:-ماااا والله لعبانة نفسي مااكدر امسحة

:-روحي ملاذ

ضربت رجلي بالكاع معندة
:-اهووو معليك انت معليك روح اني شوية وانضفة

:-مستعجل اريد اروح امشي

زفرة نفس بملل رحت جبت وصلة المسح وطشت ومي
لكيتة واكف بالغرفة

خليتهن بالكاع مغمضه عيني لعبانة نفسي كعد كدامي اخذ مني الوصلة

بقيت اباوعلة ما عبالي راح يسويهه خلة الوصلة بالكاع لازمهه بطرف ادية

:-لا صعبب جيب اني انضفة

:-جؤ وخري

بقيت كاعدة صافنة علية مغمض عينة كوة يمسح كمل وذب الوصلة رش مي

:-جيبي غير وحدة ووياهه معطر

كمت بدون ما احجي جبت وانطيتهم اله بقيت واكفة كمل ورش معطر باوعلي كبل رفعت راسي احس الدمعة صارت بطرف عيني

:-بس ذبي ذول الوصل وانطيني الطشت اغسلة تلكيني بالحمام

:-لا معليك روح غسل اني راح اغسلة

:-جؤؤ منتضرج بالحمام

طلعت شمرت الوصل بالزبالة وهو طلع وراية عفت الطشت بالكاع ورحت يمة سحبتة من ايدة بدون ما احجي

:- ويين ماخذتني يابة

وصلت للمغسلة سحبت ادية جوة الني ولزمت الصابونة بيدي اغسله

ثنينه ساكتين احسة يباوعلي واني كوة مسيطرة ما ابجي سديت المي وبقيت امسح ايدة من المي

سحب ايدة مني وشغل المي رفعت راسي اباوعلة خلة مي بيدة ورفعة لوجهي ثبت راسي من وره بأيدة الثانية و غسل وجهي

بس سوة هيج نزلت دموعي رجعع غسلي ومسح وجهي بيدة عصر خشمي بين ادية ابتسمت واسحبت راسي منه
مد ايدة بجيبة طلعلي خاولي صغير

:-هاج

اخذتة نشفت وجهي رجع سحبة مني
:-تذكرينة؟

:-شنو؟

:-هذا الخاولي

:-لا

بلع ريكة وذب حسرة
:-يلة انة اروح محتاجة شي

:-ليش مستعجل ضل لاتروح

:-ليش اضل؟

:-مو امي خطية هي كالت الك ضل علمودهه تضوج اذا رحت

:-بس امج؟

درت وجهي متوترة احس شفتي الجوة ترجف
:-بكيفك اذا تريد تروح روح

:-اي اروح بس اذا احتاجيتي شي كليلي

:-لا مامحتاجة شي

:-عوفي دوام الروضة خاف تتعبين لو يصيرلج شي

:-لا بس بالدوام ارتاح

:-بكيفج يلة اودعناكم

مشة واني بمكاني اباوعلة كال وهو داير وجهه
:-الحلقة لبسيهه ملاذ

حجة هيج بدون ما يسمع ردي طلع وسد الباب وراة نزلت دموعي فتحت الباب اباوعلة صعد بالسيارة

-هسة لو تعوف كلشي صعب والله اسامحك ونعيش سوة ارجع تعبتني

سديت الباب ماريد اباوعلة اكثر فتت للغرفة وكفت بالباب صافنة على الغرفة ذكرت الصار

-لعد الله شكد يحبني ودزلياهم كبل لا يصير شي

تحمدت ربي ورجعت لفراشي متمددة وصافنة على السكف هدوء ماكو اي صوت كل ما اصير بهيج مكان هادىء اذكر ايامنة سوة مخلية ادية على بطني بس غمضت عيوني نزلت دموعي حارة تجوي بخدي نفتح الباب كبل سحبت الغطة على وجهي

:-ملاذ

درت وجهي للجهه الثانية كعدت امي على الجرباية تمددت وراية وحضنتني من ضهري سحبت الغطة وباست جتفي

:-ملاذ

:-همم

:-شبيج

:-نعسانة اريد انام

:-اكعدي خل احجي وياج

:-من اكعد نحجي

:-كومي لاتبجين

:-ما جاي ابجي

:-دكومي كومي سوالفج مو علية كعدي شوفي الناس احجيلي شتسوين ما تسوين مثل قبل شو تغيرتي ولج هذا الحب هيج يغير

:-ما احب اني

:-كعدي اريد احجيلج شي مهم

مسحت وجهي هي كعدت كدامي واني كعدت مدنكة راسي

:-ليش تبجين صعب ضوجج

:-لا ما سوة شي وبعدين ما اضوج منه لان هو مو رجلي

:-انسي ملاذ انسي

:-نسيتة

:-جا ليش هل ذبول ارجعي مثل قبل اضحكي وسولفي

:-مالي خلك تعبانة يوم

:-تعوفين الروضة حتى صعب يكول تعوفهه احسن لان حسن عرف مكانة

:-لا خل يعرفون اذا ابقى بالبيت يصير بية شي والله اختنك

:-بكيفج الي يريحج سوي اصلا صعب راح ييخلي عينة هنا منا وهيج خاف يصير شي

:-اي

:-ترحين لعرس رتيل؟

رفعت راسي مستغربة صار هواية ممحاجية رتيل ولا سألتهه هاملة التلفون بشكل

:-ليش راح تزوج؟

:-اي لان ابو علي مريض واستعجلوا بالعرس خاف يصير شي

:-شوكت تزوج

:-الاسبوع الجاي

:-ها ميخالف اني اراسلهه واباركلهه

:-لا ولج عيب نروح شنو رحنة بالخطوبة وما نروح بالعرس

:-لااا يوم مااكدر اروح بصفتي شأقربلهم؟

:-ملاذ ما كلتي هل حجاية من قبل

:-لا قبل يختلف جنت زوجة صعب وهو يقربلهم هسة اني وصعب انفصلنة مااكدر اروح

:-روحي غيري جو بصفت رتيل صديقتج

:-الله كريم هسة مالي خلك اروح والله

:-بكيفج فكري منا للاسبوع الجاي

كامت من يمي رجعت لفراشي سحبت تلفوني فتت لحساب صعب شفتة منزل ستوري اول مرة ينزل فتحتة جان مقطع فيديو على اغنية حسام

::-صار شكد

اباوع للمقطع كل ما يخلص اعيدة جريت نفس قوي اهدي بروحي ماريد ابجي ما احبة اني على شنو ابجي رجعت اعيدهه حجيت بيني وبين روحي

:-ملاذ الاغنية حلوة وعدتيهه مو المقطع

رجعت اسمع بالكلمات

شفت رسالة اجت من عندة شمرت التلفون من ايدي خايفة كاتب

::ـ أنـا مشـتاك لعـطرك ولحـضنك مشـتاك العـب انـة بشـعرك

رجعت سحبت التلفون فتحت الاشعارات من فوك اتأكد داز رسالة ثانية كتب

:-خاف ماتكدرين تشوفين الستوري كتبتلج البي

شفت الرسالة ومارديت ولا هو كتب شي

اخر محادثة جانت بيناتنة رجعت اداوم واحجي وية رتيل اغلب وقتي جانت مصرة اروح لحنتهه بس ماجان الي واهس اخاف اشوف صعب بس بعد ملحة رتيل وقبول امي قررنة نروح جنة كاعدين بالصالة امي تكصص بامية واني اكلب بالتلفون

:-ملاذ شوفي نروح نبات يوم ويوم حنتهه وعرسهه ورابع يوم نرجع

:-نأجر شقة

:-وين نأجر شقة ولج

:-ان شاء الله تردينة نبات يمهم

:-لا ببيت صعب

:-ماروح يمة

:-بس اني وياج هو يروح لغير مكان ملاذ وين نكدر نروح لشقة

:-واذا اجة؟

:-ما يجي شيسوي جاي

:-بكيفج

حتى ملابس ما جان الي واهس احضر امي طلعتلي من ملابسي كالت البسي وكتلهه هايهيه احس روحي مجبورة على الروحة

فتحت تلفوني صعب دازلي
:-الي يسألج ليش لحد الان مرجعتي كولي صعب مشغول ومايكدر يعوفني وحدي عايفني يم امي

خليت اوكي على رسالتة وطلعت شفته بقى متصل بقيت اراقبة اريد اشوف شكد ويسد النت ماكو بقى فاتح كوة لازمة روحي ما اسأله شعندة فاتح نت هو قليل يستخدم الواتساب بس وياي ووية امي

مليت سديت التلفون ونمت كعدت الصبح سمعت صوت برة شفت امي مو بفراشهه

كمت اني وكفشتي ما ممشطة وملابسي مخربطة فتحت باب الغرفة صارن نسوان بوجهي

بقيت صافنة عليهن وهنه صافنات علية سديت الباب ورجعت ركض لفراشي من الصدمة تغطيت اريد ارجع انام

مر هواية وقت وفاتت امي للغرفة مثل البركان
:-وولجج الفضيحةة ولجج يمصخمةة

كمت اباوعلهه
:-ها هاا شمسوية والله ما مسوية شيي

:-منين شايفج هذاا ابن جيرانة منينن؟

:-ياهوو ماشايفة اححد

:-جايات يخطبن

:-شنووو غير متزوجة

شفت امي تباوعلي رافعة حاجبهه
:-اقصد يدرن بية متزوجة ومتطلكة

:-كتلهن متزوجة ورجلهه مسافر

:-ششنو ليش تكطعين قسمتتي

:-هنه زين منهن وضلن من شافنج بهاي جهرتج

:-ديلة هسه ابنهم الحلو من كد ما ساحل روحة كنس الشارع بكرامتة

:-ها جا غير ماتعرفينة

:-يمة والله واحد مهتلف اني شعلية عوفيني فدوة

كمت طلعت ملابس من الكنتور
:-بعد ساعتين ونطلع للناصرية

:-اي خوش

:-صعب راح يوصل

عفت البيدي ودرت وجهي عليهه
:-نكدر نروح وحدنة ليش يجي

:-مايقبل شسويلة

هزيت راسي بمعنى اي

اخذت ملابسي وفتت للحمام كعدت جوة الدوش شكد ما ابين انني ما مهتمة اجذب تجي لحضة اضعف بيهه واتمنى لو كلشي صار حلم

احس روحي مخنوكة كلش سبحت وطلعت نضفت البيت وامي سوت غدة سمعت باب الشارع ندكت جنت بغرفتي كمت بسرعة اباوع من الشباك شفت امي فتحت الباب وفات صعب لكيت روحي ابتسم بدون ارداتي شفتة رفع راسة على جهة الشباك ما ادري اذا لمحني لو لا رجعت ليورة ضربت روحي راشدي

:-شككد غبيةة شكدد غبية مااكدر لروحي

رجعت ادور بالاغراض اعزل بيهن رغم مرتبات صارت كدامي الكلادة حلفت ما البس هاي الحلقة دام صعب ابتعد عني

بقيت احوس بالغرفة لحد ما نفتح الباب واني مسوية روحي ارتب بجنطتي هي محضرتهه امي قبل بيوم
رفعت راسي صار صعب كدامي سد الباب وخلة ادية ورة ضهره

:-شلونج ملاذ

:-الحمد لله

رجعت شلت الجنطة سديتهه وطلعت حجاب لبسته كل شوي اباوع بالمرايا يباوعلي وساكت درت وجهي علية

:-محتاج شي!

:-اي

:-شنو كول

:-حضنج

عفت البيدي وتقدمت وكفت كدامة حاضنة ادية لصدري خليت عيوني بعيونة

:-منو اختار الطلاك؟

:-امج

:-انت وامي مو اني الي اختاريت عهل شي زين منو الي عاف منو

بقى ساكت دنك راسة
:-منو صعب؟

:-مو من ايدي روحي تجبرني ملاذ

درت وجهي عضيت شفتي اهدي بروحي جريت نفس وحجيت بدفعة وحدة

:-انت محرم علية ف ياريت بعد مانحجي على انفراد عندك شي احجي وامي موجودة

:-طلاكنة مو صح طلاكنة باطل ثنينة مجبورين وماجان اكو شهود

:-مايهم الي يهم انت طلكتني وانتهى كلشي

بقى ساكت شوية وفتح الباب طلع

كعدت على الجرباية ادية ترجف خليتهن على وجهي ابجي بصوت ناصي

:-يياربب ابعدة عني يارربب لاتكسرني خليني قوية لاتضعفني مرة ثانية وترجعني اله ادري بي ما يضل وياي

مسحت وجهي وعدلت حجابي طلعت الجنط برة

امي صبت الغدة كعدنة كلنة نتغدة محد ببينة يحجي شي

كملنة كلشي وطلعنة صعدت ورة وامي كدام خليت راسي على الكشن وصعب بقى يشغل اغاني شغل الدنيا حلوة رفعت راسي كتله

:-غيرهه صعب

غيرهه بدون ما يحجي طلع في وحدتي
:-ثنينهن لاتطلعهن

ما يحجي بس شكول يسوي طلع
-مشتاك طبعا اي مشتاك

:-اغيرهه؟

:-بكيفك

رجع عينة على الطريق
كلش بعيد

بقوا يسولون هو وامي شوية وكالتله
:-اجونة خطابة؟

:-ياساتر خطابتيش!

:-على ملاذ كتلهم متزوجة البنية

شفتة يباوعلي بالمرايا كال
:-منو هذا

:-جيرانة يصيرون الولد شايفهه من تداوم

باوعليي وحرك راسة بمعنى اي بدون ما يحجي

وصلنة لبيت صعب الي كعدنة بي اخر فترة نزلنة وراح جاب عشة بعد ما اجة لليل تمدتت بفراشي ماكدر انام بقيت اكلب بالتلفون لو ارجع لمحادثات قديمة مصورتهه صعب دزلي

-شعندج كاعدة

-ماجاينيي نوم

:-اجيج؟

:-لا

شافهه ومكتب شي بقيت كاعدة صافنة على الغرفة اذكر كل يوم كضيناه هنا سمعت باب الشارع نفتح فزيت من مكاني ردت اكعد امي تلفوني اتصل شفته صعب فتحت خط

:-ملاذ اني برة فتحيلي الباب

:-شتريد

:-بس اشوفج واروح والله

كمت فتحت الباب واكف بالساحة باوعلي بقى هواية واكف ما يحجي شي وراح

سديت البباب ورجعت لمكاني

ثاني يوم من الصبح امي اخذتنة على رتيل شكد حاولو وياي اروح صالون مارحت ماجان الي واهس بشي صح بدلت ومكياج بس ماكمت يم احد شفت تلفوني يتصل رقم فتحته صحت

:-منو

:-اني ميار
اخت رتيل الجبيرة

:-ها حبيبتي شرايدة؟

:-اني فوك بغرفة شهاب تكدرين تجيني ضروري فدوة فستاني ما اكدر اسد السحاب وماعندي غيرج

:-منو يمج

:-بس اني وابني تعاي بحبابة

كلت لامي اخذت تلفون وصعدت بسرعة فتت للغرفة محد بيهه درت وجهي الباب نسد صعب واكف ورة الباب قفلهه وباوعلي

:-ههي وين مييار؟

:-راحت

:-افتح الباب اريد انزل جوة

:-بهذا لبسج ما تنزلين

:-صصعبب لاتستفزني والله اصرخ والم الي بالحفلة عليك

:-بهذا لبسج ماكو طلعةة

سد الباب وخلة المفتاح بجيبة راح على الجرباية
التفتت علية اباوعلة بقلة حيلة

:-صعب حباب

:-ملابسج ما تنزلين بيهه ان شاء الله ناوية تجيبين الخطيب الثاني

:-خل البس شي اقلها

:-جنتي تكدرين تلبسين شي من البييت هسة فجأه قررتي تنسترين

كعدت بالكاع تربعت وركيت ضهري على الحايط
:-من تصحى حضرة المخبل افتحلي الباب

:-غيري كعدتج

:-معليك بكفيفي لاتدخل

من حسيت اكو خلل بكعدتي غيرتهه سمعته يتصل على امي يكلهه ملاذ يمي تتأخر خلصت الحفلة هو على الجرباية كاعد يدخن ويكلب بتلفونة كل شوي اشوفج يباوعلي واني ماعدة بطرف الغرفة

كام من الجرباية صار كدامي
:-يلة كومي افتح الج الباب

كمت ارتب بملابسي
:-اخرر مرة صعب اخرر مرة

درت وجهي على الباب وهو وراية حسيت بي باس ضهري وابتعد فتح الباب وصار وراة

بقيت جامدة بمكاني ما اتحرك كال
:-لا يشوفج احد روحي جوة

نزلت ركض ماحجيت وية احد حتى رتيل

خليت امي كوة ترجعنه للبيت ثاني يوم شكد حاولت وياي بس اروح قفلت عليهه ماقبلت اروح يدزلي رسائل ما ارد رابع يوم اجة علينة هو وشهاب بالسيارة وشهاب مبين ضايج حتى سلامة كوة رجعونة لبغداد

………………………………………

شهـاب

خـلصت حنة  رتيل اتفقت وية بينات تفرغ البيت على يوم لان اريد اجيهه ما ادري شنو غاية صعب ورة هل سالفة بيوم عرس خابرتني

:-الو شهاب

:-ها

:-اليوم بلليل البيت فارغ تكدر تجي

:-اليوم عرس رتيل ما اكدر

جنت كاعد يم صعب بالسيارة اشرلي بيدة بمعنى منو
شلت التلفون من اذني وبعدتة حجيت بهمس

:-بينات

:-افتح سبيكر

فتحت صوت اباوع لصعب يسمعهه شتحجي
:-شهاب اليوم كوة فرغت البيت امي رادتني اجي وياهه بس ماقبلت شهاب لكيت حل اهلك وينهم شوكت تخطبني اهلي لايعرفون؟

اشرلي صعب اكلهه اي اجي
:-اي بينات اليوم اجي ونحجي

سديت التلفون شمرتة على الدشبول
:-بليل تروح اول شي تسوي كأنما عادي وانت راح تكلهه اهلي يخطبون وطبيعي

:-وبعدين؟

:-اريد اطلع شنو سالفة بينات اني اليوماجي وياك بس بدون علمهه شهاب تقنعنني انت سويت الها شي

:-ما جاي اذكر شيي صعب مااكدر كلشي ناسي

:-زين انت هم شفت اكو اثر شي

:-طلعت بسرعة بدون ماشوف شي لان شفتهه منهارة بس هي جانت بحضني

:-يصير خير اشهب

لليل خابرت بينات فاتحتلي الباب فتت للبيت بس اني

طبيعي البيبان سديناهه ورانة عادي فتت لغرفتهه عكس كل مرة حجاب وماكو مكياج شكلهه مكسور

:-شهااب احجي ليش ردتني حاجيت اهلك موو

:-اي حاجيتهم

جانت كاعدة على الجرباية واني واكف مقابيلهه ماحس غير الباب نفتح ثنينه التفتنه مصدومين فات صعب بيدة سلاح

:-صصعب شجاي تسوي؟

مارد علية وكف قريب من بينات الي جسمهه كام ينتفض
خلة المسدس براسهه ودفعهه بطرف المسدس

:-هيي احجججي

كالت بصوت يرجف
:-شش...ششحجي الله يخلليك شحجيي ششهاابب منوو هذاا شيرريدد

:-بابا تحجين لو بأتصال واحد امحي وجوددج مناا شنو غايتج من شهاب

:-مااعنددي شيي خطييبي خطيبيي انت منوو

باوعت علية جنت جامد بمكاني ماعرف اتصرف منتضر اشوف نهاية هل موقف

:-ششهاااب احجي وياه منو هذاا خاابرر اهليي خابر الشرطة شهاااب

:-بيناتتت لاتخليينني اصيح على وحدة مثلج احجي بهدوء فضينة ماكو وكت

:-ششهاب

:-اااشششش

:-ششحجي شتريد احجي

:-شعندج ويه شهاب؟

:-خ..خطيبييي

ضغط عليهه بالمسدس اكثر
اشرلي
:-شهااب افتح فيديو بتلفونك

فتحت اصور وصعب ابتعد بس موجة المسدس عليهه
:-بينات راح انطيج مهله عشر دقايق تحجين كلشي
شهاب فعلا سوالج شي لو لا واحنة متأكدين شهاب ما سوة لو جاي ترتكبين علية

:-م..ماارتتكب هوو شاف روحةة هوو جان ناييم يممي
قرب منهه اكثر خلة المسدس على فكهه

:-اطشر وجهج بطلقة وحدة

ماجان اكوو اي شيي يدل مسويلج شي احجي الصدك واساعدج لو حابة تجربين الموت اليوم؟

:-للااا لاا الله يخلليكك هوو جان يمميي تريدني اجذب اسأله

:-تمام بس راح نسوي تحليل ناخذج ويانة اذا طلع شهاب ما مسوي شي ساعتهه ودعي روحج

من سمعت الحجي هيج كامت ترجف بمكانهه
:-لااا الله يخليكك لاا لاتاخذني راح احجي بسس وخر المسدس

ابتعد موجه المسدس عليه
:-احجي بينات شهاب صور

:-انني مو بنية اجذب شهاب ماسوالي شي ردت اورطة ويتزوجنيي بس الله يخليك لاتفضحوني

سديت التصوير احس جسمي كلة باد اباوعلهه روحي تفور ما ادري شنو الي اريد اسوية التلفون كوة لازمة بيدي فقدت توازني ما اصدك حلم عمري وحب سنين هيج بالحضة وبكم كلمة نهت علاقتنة بكلمة كسرتني
صعب لزم جتفي يسندني

:-اطلع شهاب اطلع جاي وراك

:-ما اكدر اوكف صعب

جنت احجي بدون وعي عيني ماكدرت ارفعهه على بينات ولا سمعت الها صوت غير بجيهه سندت روحي على صعب

:-اطلع منا صعب خل نطللع

طفرت علية لزمت ايدي
:-اووكف فدوة لاتروح شهاابب يكتلوني اهلي يكتلوننيي انت مو تحبننيي فدوة استر علية ششهااب اني بيناتت

سحبت ايدي منهه وهي مجلبه بيهه رجعت لصعب تريد تبوس ايدة

:-مرة وحدة صارت واعترف غلط بس ارحموا بحالي يكتلونيي ومايرف الهم جفن

:-باجر تخابرين عمي تبلغينة رفضج بالمقابل احنة راح نسكت عنج وعن تهمتج

هذا اخر شي حجاه وياهه لزمني ساندني من جتفي وطلعنة صعدنة بالسيارة جنت بس صافن ما مصدك مو حب سنة و لا سنتين بسهولة هيج تسوي بية

:-شهاب

:-صعب تعبان تعبانن حيل ماريد احجي

:-لا تحجي بس خلي ببالك انت خلصت من بلوة رب العالمين يحبك وخلصك

ضليت ساكت الحب مو بهل سهوله ولا بهل كلمات نتخطاة

صعب ما خلاني اروح  بتت يمه وثاني يوم رحت وياه لبغداد يوصل ملاذ وامهه

بينات ماخابرت ولا اجانة رد منهم ضلينة يومين ببغداد صعب ما ادري شنو يدور بباله بالصدفة واكف ادخن
بالساحة صعب ما يدري بية سمعتة يخابر

:-علي تأكدلي من موقعهم ثنينهم ببغداد

سكت شوية رجع كاله
:-اي اليوم انهي كلشي

وكفت قريب منه عاكد حاجبي
:-صعب

دار وجهه عليه
:-ها شهاب

:-شجاي تسوي

:-ماكو شي
بقى ساكت واني صافن علية اكو شي ضامة علية كال

:-شهاب اليوم اليومم راح انهي كلشي

:-شتقصد

قرب مني حضني بدون ما يحجي

:-سامحني خاف يوم غلطت بحق واحد منكم اريد تدير بالك على ملاذ خاف ما اكدر اشوفكم بعد

دفعتة من حضني
:-هييو انت ليش تحجي هيج!

بلع ريكة ودنك راسة كال
:-اليوم راح انهي كلشي عمامي هنا وراهه اسلم روحي

دفعته منفعل
:-اانتتت شتتحجججي صععب شتحجيي ففوت جوةة اشوف شلون تطلع من البييت

:-شبيك شهاب نهيت كلشي وخلص قررتت

:-شقررت شقررت وملاااذ شلون بيهه ملاااذ ماتكدرر بددونك ششبيكك انةة مو اخووك شنو مو بعينكك اذا صارلك شي ابوي يموت ورااك صددكك احنةة اهللك فكر بيينة

:-مو جنت وياي بكل خطوة ليش تختلف علية هسه راح اروح واني مطمأن انت خلصت من عثرة بحياتك وملاذ راح تكدر بدوني

:-اااشش اشش صععب لاتحجي هييج انني ماعرف اتصرف بددونك ااضيعع ملااذذ ياخذونهه عماممهه لااا تروحح صععبب اياكك نضيع بددونك

:-الله كريم

:-لاااتحجي هيج ونعمة بالكرريم بسس ماتروحح والله اخابر ابوي

:-راح ياخذني للحبس بيدة لمن يوصل اكلك انتهى كلشي شهااب صار سنين متاني هل يوم لا تعارضنني

:-اكتلك بيديي ماترروحح

خلاني بناري اصيح وفات جوة مصمم على قرارة ادري لو شما سويت ماراح يتراجع

طلع من البيت طلعت وياه
:-ارجع

:-ماارجعع موتتنة سوة

:-جؤؤ كملل بشغلنة لا يجي يوم تضلم بي انسان خليك مييزان واهم شي ملاذ ماوصيك بيهه صغيرة هاي ماتعرف تتصرف راح تتأذة عليه عيونك عليهه

:-اجي وياك صعب افهمم مااكدر اضل وادري بيك رايح لموتك بديك

:-الله وياكك ماوصيك بعد

طلع واني عيوني علية ابد ما باوعلي سمعت رسالة بتلفوني فتحتة صعب كاتب

:-زوج ملاذ بيدك لواحد يستاهلها مو يشلع گلبهه مثلي وخلي تلبس الحلقات بالملادة مو اله بيدهه اذا تكدر

سديت التلفون واتصلت على ملاذ مباشرة بسرعة ردت

:-الو

:-ملااذ اني شهااب شوفيي صعب راحح ملااذ

ملاذ

احس گلبي كام يرجف من سمعت صوت شهاب وكلماتة

:-وووينةة صععب وووينةةة

:-خل نروحلة ملااذذ راح ادزلج مكانة روحي للموقع هذا وانة هم جاايي ملااذذ بس هل مرةة فدوةة

نزلت دموعي جسممي يرجف
:-ددززيللليي شهابب دزللي بسررعة

سد التلفون مني جنت بالروضة طلعت بدون ما أستأذن من احد

اجتني رساله موقع يتبع مكان صعب اخذت سيارة وصلت مكان ماعرف وين على الموقع امشي وصلت لمنطقة صح كلهه بيوت بس فارغة لان ضهرية

رجعت اتصل على شهاب ما يرد من مليت خابرت امي
-الجو حار و ضهريه اخابر على امي ما ترد

::-وووينج وينننج ليش ماا ترردددين ماكو شي اكيد هسه ناايمه و تلفونها صامت

دزيتلها مسج
:-راح اتأخر الدوام شفتين اليوم لا تنتضريني

-اسفه لان جذبت عليج اسسفه اخر مره بس ارجع احجي الج الصدك كله بسببك وين وصلتني اجذب على امي

امشي و اتلفت ضهريه و الناس ما تطلع هيج وكت شسويت بيه انت شسسوويت بس اشوفك اكطعك بثنين اديه اتصل على شهاب ما يرد

يالله شبيهم اليوم متفقين ما يردون عليه

الله لا يوفقك غمار الحقيير بس اشوفك اخنكك و اني الممنونه الخايس

ااايي انت غممار اااايي غماار ما اعرفك اني اعرف بس الصعب جلبب جللب اخرر مرهه اجي وراك اخرر مرره صدكني

سمعت  صوت سياره وراي لزمت جنطتي قوي و مشيت بسرعه اي صوت اخاف منه الوكت مو امان

و اني بمنطقه مو امنه على اي لحضه واحد يلزمني من وصلت السياره يميي احس گلبي كام يركض گبل رجليه التفتت و شفتهه تمشي بمستوي روحي راحت

ما اكدر اشوف منو الي بيهه كمت اركض بدون ما ادري بروحي ردت افوت بفرع

بسرعه نزل واحد من السياره لابس شفقه و لثام اسود لزم ايدي قوي فتحت عيني مصدرمه اريد اصرخ و الم العالم

خله ايده على حلكي بقوه بقيت افتح عيني و اسدهه الدنيا غوشت بعييني احس بلي يصير يمي بس ما اكدر اتحرك

سحبني للسياره اريد افتح عيني و اشوفه منو ما اكدر اخر شي حسيت بي من مشت السياره

وراهه فقدت ما حسيت بشي فتحت عيني كلشي مغوش جسمي بايد ما اكدر ارفع شي منه و الم راسي فضيع

رجعت اغمض و افتح لما صارت الرؤيا واضحه كدامي
ما اشوف غير السكف الي عباره عن سندويج و داخل منه اشعة شمس تضرب بوجهي

شويه شوية جمعت طاقتي رفعت ايدي اغطي عيوني من الشمس احس بديت استجمع قوتي

كعدت اتلفت اني وين منو جابني بهل مكان ريحه تلعب النفس

بي بس باب حديد و رازونه كلش عاليه غرفه طابوك و السكف سندويج و بس اني ببيها اتلفت يمي و
ادور على جنطتي ما لكيتهه

بقيت افتر بالمكان ادور على تلفوني ماكو كمت ركض ادك بالباب بقوه ماكو صوت بقيت ارفس بي برجلي  اسب و اغلط ما اعرف على منو بس اريد احد يجي و يساعدني اقلها اعرف اني وين

:-كلاااب منو جاابننني هناااا طلعووننيي
ياااناااسس اني هننا واحد يطلللعنننييي ووينكمم

ماكو صوت المكان كلش هادء ما اعرف الوكت بس اكيد بعده ضهر الشمس قويه

تعبت كعدت بالكاع روحي رايحه و اديه تأذيني كد ما ضربت على الباب لميت رجليه لصدري و دموعي نزلت

:-منوو جابني هناا معقوله سويتهه صعبب معقوله جنت تجذب عليه معقوله هذا انتتت

شهاب الحقير قشمرتني الله ياخذكم يا جلااب ولكم اهلكم ذول اهلكم هييج خايفين  و خطفتوني الله لا يوفقكم بس خل الزم واحد منكم اشنقه

بين افكاري الي كل شويه تتغير  و دموعي و كلامي سمعت طكه بالباب وكفت مستعده اريد اعارك فات

.
.
.
.
.
.
.
.للحكاية بقية(صووتتن للبارررت مو بس تقرن مصكووعاتتت)

توقعاتكم للبارت الجاي

كلانا كتف للاخر♥
الوريد♪