رواية أنتقام الصفحه 27 (ترميم) الفصل الثاني 2 - بقلم خـلود الـ محسن

حساب الانستا lorai_alrwi

صعب الطباع صعب الكلام♡
....
بدايه لفهم الغريب كل ورقه خلفها اسرار
كل سر خلفه مفتاح سأصل لتلك المفاتيح
انا الملاذ و انت الصعب ايانا سيفوز
......
روٌحہ عآبسہ.....
::::::::::::::::::::::::::::::::::::::::::♡
صوتوا للبارت و علقوا على كل الفقرات

بقيت كاعده بالاستقبال كمت من مكاني افتر و احرك بالبرادي اريد الكه شي اريد فد شي يفهمني اللغز العايشه

وياه ماكو اي شي رجعت لمكاني مليت ما متعوده على هيج عيشه من اول يوم طلعت روحي شويه و سمعت

باب غرفته نفتح بقيت اباوع للباب منتضره جيته فات هم لابس رسمي شنو مشكلته ويه الرسمي اشو عبر باب الاستقبال عزاا هذا يريد يطلع صحت وراه

:-هااا ويين
رجع بدون ما يفتر كال
:-جا اني شكلت مو كلت كلمن عليه بروحه

:-اخااف وحددي
:-تعلمي

:-صدك تحجي انتت والله اخاااف يعننني اني امانه عندك تخيل تطلع و من ترجع تلكه الجني ماخذني شتسووي

:-اذا اخذج يرجعج بساعتج و ينطيني فلوس فوكاج
:-شششنوو قصدكك

:-واضح قصدي المهم ما اتأخر نص ساعه و اجي اجيب شيخ

:-صدك تسويهه جا اخذني وياك
:-ممملاذ انت مو صغيره سوالف الجهال بطليهن
عافني و طلع صفكت اديه وغميته صاح عليه

:-ايدج اكسرها مرة الثانيه زعطوطهه
:-الممجججرممم معلييكك بيه كلمن عليه بررووحهه

ما رد عليه طلع و بقيت احوس بلاستقبال اخاف اطلع احس هل بيت بي شي ربع ساعه و هو ماكو طلعت من

الاستقبال رحت لغرفته فتحتهه احس جسمي يرجف لا يجي و يشوفني سديت الباب و اتجهت للميز عليه اوراق

اريد اعرف شنو هاي الاوراق شيسوي بيهم و هو ما يعرف يقره شلت مجموعه منهم كلهه اوراق طباعه عليهن كتابات غريبه

اول وحده جان مكتوب عليهه قضية اغتصاب الطفله ملك
عگدت حاجبي بأستغراب شنو اغتصاب شنو قضيه

سحبت الورقه الثانيه مكتوب بيها قضية اختطاف ضليت اگلب بلاوراق بخوف كلها مكتوب عليها قضايه

حسيت العرگ اخذتي مو من طبعي ادور وره شخص بس طبعه اسلوبه الغريب خلاني هيج اتصرف احتمال

صح هاي الاوراق مو اله سفطتهم و رجعتهم مثل ما جانوا خليتهم على الميز ضليت اباوع للغرفه اللاب توب

ماكو و لا المسدس اتجهت للكنتور مالته فتحته جان عباره عن بدلات رسميه كلهه باللون الاسود ما عدا لون

القميص يتغير فتحت الكنتور الثاني قمصان و تشيرتات عاديه معلگه سحبت واحد من القمصان خليته على
جسمي و اباوع على روحي بالمراياا

:- عزاا هذا يوصل لركبي عبالك فستان قصير سمعت طكت الباب نزيت لان كل خيالي بالجنني كلشي يصير و
صحت هذا جنني غمضت عينني و صحت بصوت عاللي

:-جنننننييي جججننننيييي الحككوووللليي
سمعت صوت ضحك فتحت عيني و اشوف صعب كدامي كتله

:-شبيككك انتت
:-انت شبيج كل شويه و صحتتي جنني خبلتيني ترهه
:-ادري بيك انت بس ردت اخوفك

:-هههه اي صح واضح
:-شنو ما مصدك لا تصدك تره ما يهمني
:-اي شعدج بغرفتي

بلعت ريكي بخوف يالله شكله اتذكرت القميص بيدي كتله
:-انت مو كلتت لبسي منني ف اجيت اخذ ملابس اريد اسبح

:-هممم المهم الشيخ كال ساعه و يجي حضريي روحج
:-شحضرر ان شاء الله تريدني اخلي مكياج و احضر جيس جكليت اطشلك

:-اللهم طولج ياروح مو تردين تسبحين روحي سبحي
:-ايي

عفت الغرفه و طلعت احس رجليه وحده تطك بالثانيه من الخوف اخذت منشفه من المشر و فتت للحمام

سبحت و بقيت حايره شالبس ويه القميص هو اني لبست الققميص و غطيت بي شسوويي شكد جلب ما اخذني

اشتري ملابس طبكت ردانه و لفيت شعري بمنشفه لبست وياه بجامه مال تراكي لان نص رجليه طالعه

طلعت من الحمام لكيت صعب كاعد بره و داير وجهه على الجهه الثانيه يمكن ما منتبهلي ضليت امشي بخفه

على اطراف اصابيعي وصلت يمه اريد انززه ما احس غير دار عليه و صاح

:-بووووو
:-يممممهههه يممهه

احس گلبي راح يطلع من مكانه رجليه كامت ما تعيني كعدت بالكاع اريد استوعب الصار رفعت راسي عليه
مبتسم و يباوعلي كتله

:-شششبيييككك للليش تنززننيي ما تكول خططيهه
:-لعد انت ربج وحد مو ردتي تكمزيني

:-لاااا ما ردتت لا تجذبب
:-شوفي تره الكلوب صاير وراج و انت اجيتي تتخنسين تردين تخوفيني عود و خيالج وصل گبلج

باوعت للكاع صدك الخيال يصير على الجهه البيهه هو كمت من مكاني ما رديت عليه احس ثلجت واني ما لابسه شي ثخين كال

:-اني لو شايفج بدون ما تسوين الخطه جان اخترعت شلابسه انت

:-معلللييككك مضغوط لان طالع حلو عليه كمت من مكاني كضيت طرف شعري و شمرته بغرور و
عفته فتت جوه اكو مدفئه بالاستقبال كعدت ييمهه

ادفي بأديني شويه وفات للاستقبال كال كومي فوتي بالغرفه من اصيحج ابقي واكفه وره الباب علمود الشيخ يسألج و ما وصيج لسانج طلعي شطوله

ضوجني كلامه اني شوكت مطلعه لساني شطوله بس هذا مو مالت واحد يتشاقه وياه مرديت عليه كمت من مكاني

احس روحيي لابسه گونيه بس مستحيل اكولل مو حلو واخلي يتشمت عبرت من يمه كال

:-شعجب ما راددتي
رفعت راسي باوعتله بملل كتله
:-لا تعيل بيه مالي خلك تره

عفته ورحت للغرفه كعدت ع الجربايه يالله مخنوكه اريد شي يوخر ضوجتيي شويه و سمعت صوت بره يمكن

اجه الشيخ كمت ردت احضر مي رحت للمطبخ شفته لازم دولكة المي بيده كال

:-ها ليش طلعتي بارده عليج
:-ما بردانه فتت للمطبخ و هو شال الدولكه كال

:-شتردين
:-وين الطبخه مال جاي

اشرلي على باب بالكاونتر طلع و اني رحت طلعت قوري خليته على الطباخ ضليت ادور على الاستكاين حضرت

الصينيه و خليت بيها الجاي درت وجهي اريد اصيحله ياخذهه شفته واكف بباب المطبخ حاضن اديه لصدره و
يباوعلي بس درت وجهي كال

:-ما متعود عليج هادئه
:-منا و هيج تعود المهم هذا الجاي
:-شكرا تعبتج

شال الصينيه و مشه للاستقبال باوعت وراه شفته فات اني گبلل رحت للغرفه حاولت افتحهه ماكو مقفوله

ضجتت هااي ليش قافلهه شنو بيها عفتهه و رجعت لغرفتي اتجهت للجربايه تذكرت الورقه الفضول اكلني

اريد اقره البيها طلعتهه من جوه المخده فتحتهه بقيت اقره بالكتابه جسميي قشعر الخوف سيطر عليه ششنوو

هذا المكتووب معقوولهه اممي شللون ضامه هل شيي زيين الصعبب شعليه ليششش هل ورقه ما لازم يشوفهاا

طبكته بخوف اديه ما سيطر عليهه ترجف فتحت السحاب مالت المخده و خليته بيها و سديتهه كعدت على

الجربايه احس روححيي راحت اخاف من كلششي اخااف من الضلمه مو يله هيج موضوع ولازم اسكت عنه

دموعي نزلت يمكن من الخوف ما ادري من الموقف يلي اني بي ندكت باب الغرفه مسحت دموعي بسرعه رديت بصوت يرجف

:-مفتوح فوت
فتح الباب و اني مدنكه راسي كال
:-كومي يله
:-اي

كمت من مكاني اباوع بالكاع ما اريد يشوفني كال
:-شبيج ملاذذ

:-هاا
:-شو رفعي راسج
رفعت راسي باوعتله كتله

:-ها شكوو
عكد حواجبه مستغرب من شكلي كال
:-شبيج باجيه؟
:-لااا

:-عيونج شبيهه خايفه انت لا تخافين ما اسويلج شي
:-لا ما خايفه بس برادنه

:-تره الغرفه دافيه المهم تعاليي اتأخرنه بعدين نحجي
احس ضايجه حتى مالي واهس اجادله مشيت وراه

وصلنه باب الاستقبال كال ابقي واكفه هنا فات و سد الباب ع النص سمعته كال للشيخ

:-يله شيخنا اجت البنيه
اكو يمهم صوت ييمكن اكوبعد ناس ع الاغلب يقربون للصعب شهود على العقد نوب من جذبه يكله امها مسافره و ابوها ميت

ضل الشيخ يقره قرأن و ايات كال مبلغ بمعنى مهرنه المقدم و المؤخر وجان رقم كلش عالي ضليت اهز بشفيافي

يمه الجذاب المجرم يريد يبين روحه طاك اني ما فاهمه شنو السالفه من سألني موافقه لو لا بقيت ساكته اتذكر

مره بت عمي انخطبت و وصنها من يسألج الشيخ مو گبل تكولين اي اني سويت مثلهه بقيت ساكته رجع عاد

السؤال هم بقيت ساكته نفتح الباب صعب خازرني بس ما يكدر ييحجي شي كال

:-احجيي
:-شكول

عض على شفته الجوه و رجع رد الباب غميته من وره الباب رجع الشيخ عاد السؤال يمكن هاهيه لازم احجي
كتله
:-اي عمو اقبل

رجع الشيخ مدري شحجه حسيت صوته بي ضحكه يا بس لا استعجلت بالموافقه هسه شيكولون عليهه شبيه
مو ثكيله اول ما سأل الصعب كال نعم

:-مبروك الكم
:-الله يبارك بيك

صفنت جا اني وحد ما ارد توني فتحت حلكي اريد ارد على الشيخ طللع صعب من الاستقبال كال

:-يله روحي للغرفه
مالي خلك اجادل عفته و رحت للغرفه بقيت فاتحه الباب

و اباوع عليهم طلع الشيخ ووياه ثنين رجاجيل و هو طلع وراهم وصلو للطارمه و اني طلعت منتضرته يفوت لازم نقره الكتاب سد باب الشارع و فات كال

:-راح اجيب اللنه عشه من بره ما جوعانه
:-لاا انيي اسوي بس بشرط

ارتكه ع طرف الباب كال
:-اي شنو بله شرطج

:-نقره الكتاب لا تطلع حجج
:-خوش جا اجي وياج نسوي سوه
:-يله

مشيت للمطبخ و هو يمشي ورايه كضيت ردن القميص طبكتهه و كضيت اطرف القميص شديتهن باوعلي كال
:-شجاي تسوين

:-ما تشوف القميص عبالك لابسه جادر شتحس من مشتري هيج

:-جا اشتري على قياسج
:-اي ما تكول هاي اللطيفه الجميله راح تجي خل اجيب على قياسهه
:-لا عذريني ما شم گفه ايدي

طلعت من الثلاجه بيض و طماطه گصصتهم و شغلت
الطباخ صعب ييسوي زلاطه طلعت خبز من الثلاجه

جايبه الصبح من اني نايمه و رجعت گصصت بتيته و بقيت اگلي بيهاا كال

:-انت تدرسين
:-لا عمامي بطلوني تدري جنن من اشطر الطالبات بس محد خلاني اكمل
:-اممم

:-انت صدك ما تعرف تقره امي تكول انت ما دارس صدك
:-اي
:-ليش
:-ما كدرت ادرس

:-زين شنو شغلك
:-شعليج
:-هسه اننني مو جاي احجي بأدب وياكك تره ادري بيك مجرم اذا مو مجرم ف قاتل متسلسل اكلك خاف انت بالمافيا

:-لا تسألين شي خاص
:-خووشش

طلعت المواعين اغسل بيهن هو كمل الزلاطه و راح كال بس اودي الستره بالغرفه شويه و رجع بقه واكف على صفحه كتله

:-طفي المخلمه
طفاهه انتبهت هاي ثاني مره من يطفي الطباخ داير

وجهه يمكن بدون ما يدري صدفه طلع الصينيه و خله بيها المخلمه و اني طلعت البتيته خليتهه و الزلاطه جاب

خبز و مي و كعدنه ناكل ثنينه ساكتين كل ما نكعد بالمطبخ عييوني تبقى معلكه بالغرفه لحضات صمت قطعهه بسؤاله كال

:-لعبتي بالاوراق من فتي للغرفه مو؟
حجه هيج و بقه مدنك مستمر ياكل و لا عبالك سألني
احس اللگمه وكفت ببلعومي كتله

:-يا اوراق
:-لواته لا تستلوتيين لعبتي بلاوراق مو
:-بس ردت اعرفهن شنو

:-و شنو استفاديتي
:-صععبب تره حقي اني اخاف منك ما اعرف اي شي عنك لذلك صار عندي فضول و شفتهن

رفع راسه و حجه مركز على حروف كلمه
:-فضووللجج بطلي ويااييي و لا تخافين منني

ما رديت عليه عفت الاكل و كمت اغسل هو شال الصينينه و طلع جلافه يريد يغسل المواعين قربت منه و سحبت الصينينه

:-معليك بالمواعين اني اغسلهن
:-لا اني روحي للاستقبال جاي وراج

:-جيبهن هاي اخر مره اشوفك تمد ايدك على ماعون
:-غسليهن و اني اعزلهن
:-خوش
وخر و اني بقيت اغسلهن هو ينشف و يرجع المواعين بمكانهه كملنه و كال

:-روحي للاستقبال و جاي وراج
طلعت من المطبخ و هو طلع راح لغرفته فتت للاستقبال

و لزمت الكتاب و اخييرراا راح افتح واحد من اسرار الصعب شويه و اجه صعب لازم بيده مقراضه قدمهه الي كتله

:-شنو
:-مقراضه
:-اي اشوف اقصد شسوي بيها
:-گصي اضافرج
:-مممااا احبهنن

:-ملاذ گصيهن تره هذا وصخ
:-انت مو كلت كلمن عليه بروحه اني احب اضافرريي ما اگصهن لا تدخل

:-من اليوم تعتبرين مرتي شكلج لازم تسوين و هسه گصيهن لان مو حللوات شايفه الايد بدون اضافر تخبل و نضيفه يله يله گصي

:-ممماا صعععبب معلللييك بأضافرري
:-گصيهن يله لو اني اگصهن قدم ايده الي يشوفني أضافره كاصهم ويه اللحم كال

:-كصيهم لو اكصهن هيج
:-صعععب فدوه اله اضافرري

:-گصيهن علمود تقرين الكتاب اذا ما گصيتيهن اخذه منج و ثنينه ما نستفاد

من حجه هيح اضطريت اگصهن لان ادري بي قفل سحبت المقراضه منه و كعدت اگص بأضافيري كلش احبهن

احس جاي اگص بحلمي كدام عيوني نوب حاط وجهه بأديه و كل ما اقلم اضفر يكلي بعد بعد بقه بي كملتهن و

شلت الاضافر شمرتهن بالحاويه متت قهر بس شسوي اني اعلمك لازم اخذ ب ثاري كعدت يمه كال

:-شوفي ايدج طلعت تلمع
:-خووش

درت وجهي منه وسحبت الكتاب فتحت أول ورقه مكتوب بيها  لأبني بخط جبير

قريتهه للصعب و كلبت الورقه الثانيه مكتوب جوه الصفحه الاولى1

عودده الى الماضي في عام 1988
في الناصريه………

:-عابس لازم تسوي حل لعلاقاتنه
:-جاي احاول روح بس اهلي رافضين فكرة ارتبط بوحده غير ديانتي

:-بس اسلمت يا عابس اني نولدت مسلمه ليش تحجون ب الماضي

لزم اديه و حضنهم بين اديه ضل يبوس بيهن كال
:-والله لو تنطبك ارض و سما اخذج يا روح
نزلت دموعي كتله
:-شوكت

:-نازل لاهلي و هل مره لو اني لو همه اذا رفضو اتزوجج و نعيش سوه اعوف الدنيا كلهه لاجلج يا روح عابس

:-بس اهلك راح يأذونه محد يكدر روحي اني و انت نوكف بوجهم
:-احبك عابس
:-روح عابس

:-يله اني راح افوت جوه و انت هم روح لا يشوفنه احد
:-روحي حبيبه سلمينه على رفُيده

رحت و كل شويه ادير عيوني عليه لاتفاركنه يارب ما عندي غيره امي و ابويه ماتوا اخوالي تخلو عني لليوم ما

شفت واحد من عمامي بس الله عوضني ب عابس
رحت فرحانه بطريقي ل رفُيده ابشرهه بكلام عابس صح

اني اشتغل عند اهل رفُيده وعايشه بسدهم بس ما يوم حسسوني بهذا الشي لكيتهه كاعده بره كالعاده على

مرجوحتهه و دفتر الذكريات بيدهه وصلت يمهه وحضنتهه من وره نزت لان جانت صافنه بخيالهه كالت

:-هااي انت روح والله خوفتيني
:-عنندديي الج بشارهه

باوعت عليه مستغربه حركت ايدهه بأستفهام و كالت
:-شنوو

:-عاابسس راح يحاججي اهله حتلو ما وافقو راح يجي هنا و نعيش سوهه

طفرت من مكانهه والفرحه ماليه عيونهه كالت
:-صصددككك والله؟

ضليت اكمز بمكاني بفرحه و هي لزمت ادينا بقينا ثنينه نكمز بفرح و اصيحلهه والله والله

حضننتنيي و صوتهه مالي الفرح كالت
:-ما مصدككه و اخيراا بعد ثلث سنوات قرر يتزوجج

:-و لا انني مصدكه اخس رووححي بحلمم
كعدنه بالحديقه و رفُيده كل شويه تحضني كالت

:-روح ليش ما تكتبين قصتج كلشي يصير وياج و بلاخير احجيهه لاطفالج

:-هههه ما تجوزين من سوالف القصص هي شبيها قصتتي
:-لج حلوه احس لازم نوثق كل لحضات حياتتنه اصبري شوييه و اجيج

عافتني و فاتت لبيتهم ركض شويه و اجت شايله مثل الكتاب بيدهه كعدت يمي و قدمته الي كالت
:-هاج هذا

اخذته منهه مستغربه بقيت اگلب بالكتاب فارغ اوراقه بيضه كتلهه
:-شنو هذا

:-دفتر كتبي بي كلشي يخص حياتج و عوفي اول ورقه فارغه من تكتبين كلشي و تتزوجون انت و عابس و يصير عدكم جهال اكتبي بأول ورقه لمنو تهدينه

:- شراح نستفاد
:-اكتتبي يجي يوم و العالم تقره قصتكم و يحجون بحبكم

هزيتلهه راسي بمعنى اي عجبتني هل فكره اخذت لكتاب و رحت لبيتي او ما يسمى بالغرفه يلي انطونيها اهل

رفُيده و عيشوني بسدهم جان الله الي يعلم هسه شنو حياتي

كعدت بالكاع و جبت قلم كتبت حياتي و جان اول احداث بهل كتاب ردت اذكر شلون بديت احجي قصتي

لاطفالي بالمستقبل لازم يعرفون انو عدهم خاله صارت سند لاامهم و صديقة روحهه بديت اكتب بواهس نسيت

كلشي و الفرحه ماليه روحي و كلماتي اريد اكتب الاحداث كلهه شلون تعرفت على عابس لازم يجي يوم  اعرف شنو نهايتنه و اكتبها بهل دفتر

°°°°°°
عودة

ملاذ
خلصت الصفحه الاولى جنت اقره بواهس و بصوت عالي علمود نسمع اني و الصعب رفعت راسي من الكتاب
مبتسمه باوعت على الصعب جان يطكط بأصابعه كتله

:-يعننيي الوشم هذا اسم امك و ابوك
عگد حاجبه مستغرب من حجايتي خليت ايدي على حللكي عبالي جفصت بشي كال

:-وين شفتي؟
:-هو غير انت ماخذ راحتك تفتر بالكيمونه و اني تدري بيه فضوليه ف شفته

:-اممم يي اسمهم
:-و هسه وين امك

:-كملي الكتاب و تعرفين
:-زين خللي نقره بعد لو تعبت

حسيته ضاج كام بدون ما يحجي شي وصل للباب كال
:-نعست باجر نكمل كومي انت نامي الوكت تأخر

شلت الكتاب و رحت وهو مشه كدامي فات الغرفته درت وجهي عليه قبل لا يسد الباب كتله

:-تصبح على خير
رد عليه بدون ما يباوع الي
:-تلاكين الخير

سديت الباب و فتت للغرفه تمددت على الجربايه بقيت افكر امه شنو نهايته لازم نختم هذا الكتاب و اعرف شنو

القصه ليش هيج مكتوب بذيج الورقه ليش لحتى هيج يسوون معقوله كره لاا مستحيل متوصل لهذا الحد من بين افكاري و تحليلاتي فتت بنومتي

—جنت كاعده بلاستقبال نفسه يلي عايش بي الصعب و الكتاب كدامي سحبته اريد اقره بي اول ما فتحت الكتاب

رفعت راسي و شفت ثنين واكفين كدامي مره و رجال ما اعرفهم اول مره اشوفهم حجت المره كالت

::-بداية انتقامكم النه
::-من منوو؟

الرجال لزم ايد المره الي وياه و مشو كمت وراهم اريد اروح دارت المره عليهه كالت

::-تجين ويانه لو تبقين
::-منو انتم
::-تعالي ويانه

مشيت وراهم بخطوات ثكيله و همه يمشون لازمين ادين بعضهم بنص الطريق و الصعب لزم ايدي بقوه
فزيت من نومتي عرگانه

بقيت اباوع بالغرفه و استغفر شنو هذا الحلم منوو هذولل معقوله هل حلم يخص الكتاب كمت من فراشي

طلعت بره ارييد اشرب مي احس روحي فحطانه من الحلم باوعت للمطبخ بي البراد بس ضلمه صعب ما يخلي

گلوب مشتغل ما يكول هنااا وحده تخاف بس مشكلته ليش يطفي الكلوب وكفت مقابيل غرفته متردده ادك

الباب لو لا ديله خل اكعده من نومته بس هو يگص ااضافري دكيت الباب ماكو ميرد رجعت دكييته بقوه هم

ماكو ردت ادگه للمره الثالثه و نفتح بقيت واكفه و ماده ايدي ع الباب طللع صعب عيونه منعسه يسدهم و يفتحهم نزلت ايدي كال

:-هاا شبيج ليش كاعده بنص الليل بيج شي
يحجي و يباوعلي مستغرب عباله بيه شي كتله
:-عطشانه

:-صدك تحجين؟
:-اي والله عطشانه و اخاف اروح للمطبخ هسه بيش الساعه

:-ب 3 وربع
:-اي الجني يستغل هيج اوقات يجيني بيهه يله تعال وياي

:-خر* بيومج هسه اني شيرجعني انام ما عرفتي ترحين وحدج

:-لا ما اعرف المره الجايه لا تطفي الگلوب
مشه كدامي و اني وراه ادردم كتله

:-اكلك افضل شي شيل البراد خلي بغرفتي علمود لا اكعدك بليل و لا ازعجك لان اني مستحيل امشي وحدي

او اكلك لا لا كل يوميه اكعدك نجيب مي و نرجع وصل للبراد ما يرد عليه ترس الگلاص مي و انطانيه كتله

:-اني مو احجي ليش ما ترد عليه شنو ما تسمع
:-ادرري شبالعه لسان عصفور مو جنه نايمين شلون عندج قدره هلكد تحجين و فوكاهه نكدد نكدد بنص الليل

:-شكايله اني وخر حتى مايك ما اريده ما ميته عليك رحت للكاونتر طلعت كوب ثاني و ترسته مي من البراد كال

:-ها هيج صارت
:-اي معليك بيه

اني كلت هيج اشو هذا خله الكوب ع البراد و راح يريد يطلع من المطبخ وصل للنقطه مالت الگلوب و طفاهه

صارت ضلمه كلشي ما اشوف كمت اتخيلل الجني يطلعلي من الغرفه انيي انسانه تخاف من الضلمه صحت

:-صصعععبب مو وكت شقااك شغل الگلوووبب
ميرد عليه انوب هدوء و هندس كلشي ما اشوف بقيت

اتلمس بلفراغ و امشي اريد اوصل للنقطه حسيت واحد لمس ايدي من الخوفه شمرت المي كدامي و بقيت اصيح

:-يييمممههههه الججنني والله لممسنني لممسنني ويينكك صععبب افتح الضووهه فدوهه يمممهههه لحكوولللي ولجج يممههه
شغل الضوه كال

:-هااا يمه؟ يحجيها بأستهزاء
باوعتله منكع بالمي يمكن من شمرت المي وكع عليه كتله

:-صصعععبب الجنني لمسنني والله لزم ايددي بالضلمه
:-صدكك شسولج؟

:-والله والله لزم ايدديي
:-اني لزمتهه
:-تحجي صدكك
:-اممم

:-انتتت مخبللل لو صاححيي هااي سالفهه بله وكف گلبيي شتكولل ولج وينج رفُيده عايفتني يم واحد مخبل
:-كملتتي؟

:-لا و لا راح اكملل يعننيي اني اجيت اموتت شسووي اذا متت شكول لامي

ضحك بصوت عالي كال
:-هو غير متي شتكليلها

:-لا تتتتضحكك شككد مستتفزز انتت كون جننيي يلزمكك دعوة مضللوممهه ياررربييي

:-تمام شتردين هسه
:-لا تشاقه ويااايي هيج

:-تعودي كل ما تسوين سوالف جهال اسوي بيج هيج
:-انتتت الجاهللل فكرر على القليل كول يجوز گلبهه يوكف

:-و ما وكف لا تسوين دراما يله روحي نامي
:-معلليك بيه

دار وجهه بدون ما يحجي رحت وراه كتله
:-اكلك
:-همممم

:-اسألني ليش كعدت من النوم
:-لان عطشانه

:-لاا
:-جاا ؟
:-دسألني

دار وجهه عليه وكفنه بنص الممر كال
:-يابه ليش كعدتي من نومتج

كتله بأستهزاء
:-لان عطشانه
:-تره سخيفه

:-ادري بس جذب تحلمت بشي و كعدت
:-تمام يله روحي كملي حلمج دار وجهه يريد يفتح يدة الباب طببكت ايدي اريد اغمه بقه داير وجهه و كال

:-لا تغميني
:-شنووو منو غامك
دار وجهه عليه كال
:-حفظت سوالفج

:-لا ما ردت اغمك كاعد افرك اديه بردانات
:-خوش روحي نامي

فتت للغرفه تمددت اريد انام ما اكدر احس الحلم جاي يصير كدامي جنت اذا احلم بشي گبل احجي لامي و هي

تهدي بيه هسه وين اروح بقيت احوس بالفراش يمكن فاتت ساعه و اني ما نايمه سمعت صوت الاذان كمت من

فراشي من اجيت لهسه ما مصليه استغفر الله خل اصلي
طلعت من الغرفه و اخذت حجابي مخليته على الميز

طلعت بقيت حايره امشي للمطبخ و اتوضى لو اطلع بالطارمه لا لا اروح لطارمه لان الحك اشرد المطبخ ما

الحك يجوز يلزمني جني طلعت امشي بالممر ضلفت انتباهي المنضر الكدامي معقوله الي اشوفه ابتسمت و

باوعت للاستقبال الصعب يصلي بقيت اباوعله احس فرحه بداخلي صح هو مجرم بس عاد بي شي زين ما

تحركت من مكاني لحد ما كمل صلاه باس التربه و لم المصلايه كام و رفع رساه عليه كال

:-ها شكعدج؟
:-تقبل الله

:-منا و منكم شبيج كاعده بعدج خايفه
:-لا اريد اصلي

:-اجي وياج تتوضين
:-لا رايحه وحدي

طلعت توضيت الجو بارردد و ينزل مطر خفيف ظلام خفيف احب هيج جو دعيت بگلبيي يارربب ريح بالي و
رجعني لامي بسلامه ياربب احفظلي امي

فتت جوه لكيت الصعب كاعد يكلب بالتلفون اخذت مصلايته و ورحت بطرف الاستقبال اصلي كملت و رفت

راسي لكيته يباوعلي بس رفعت راسي نصه و بقى يكلب بالتلفون شلت المصلايه باوعلي و كال

:-شحلمتي
خليت المصلايه بمكانهه ورحت كعدت بصفه كتله
:-احم ليش احجيلك

:-بكيفج اذا ما تردين لا تحجين بس اذا عاجبج كولي
:-يمكن حلمت بأهلك
دار عليه مصدوم كال
:-شلون عرفتيهم ششحلممتي بله

:-ما اعرف جنت اريد افتح الكتاب و اكو رجال و مره
المره كالت عاي بدايه انتقامكم بقيت اسأل بس ما

جاوبوني بعدين كالت ترحين ويانه قاطع كلامي و كال بخوف

:-شنوو رحتتتي؟
:-لا اجيت انت و لزمت ايدي و اني فزيت من الحلم لان انت جنت موجود و الكتاب فسرت ذول اهلك

:-لا تفكرين هواي بالكتاب
:-صعب تدري بحياتي مما صرت فضوليه بكد هسه
:-ليش الفضول

:-اريد اعرفك شنو صح تشوفني اراددك بس احس لازم اعرف انت شنو

:-حسسب الفتره الي تبقينهه يمي و حسب ذكائج راح تعرفين الصعب

:-شلون اعرفك و انت ما تنطيني اجوبه
:-عشت طول عمري غريب ليش تردين تقربيني منج؟

:-فهمتني غلط ما اريد اقربك مني بس ما احب اعيش ويه شخص بوهم انت منو ليش لحتى امي ثقت بيك و خلتني يمك ليش انت بذات لان تجمعها علاقه بأمك؟

:-هاي الاجوبه مو عندي تلكيهه
:-زين انت شنر شغلك؟لا تكول الجواب مو عندي

:-ملاذ ما احب شخص يتدخل بيه
:-انت مجرم
:-ما أذيج

:-يعني مجرم
:-روحي نامي
:-و انت

:-راح يطلع الصبح و اطلع مو مالت انام
:-تروح ترتكبب جريمهه
:-استغفر الله ربي ملاااذ بويه شبيج؟

:-لا اكلك انت مو مجرم لان تصلي المجرمين ما يصلون
:-ملاذ نامي عيوني انت
:-مجرمم موو

:-صاروخ روح نام
:-شنو صاروخ منو صاروخ لا تصيحنيي هيج
:-لا تجفصين و ما اسميج

:-ما مجفصه انت شوكت ترجع من شغلك
:-ما ادري
:-اليوم نقره بالكتاب خوش
:-اي
:-خوش

عفته و كمت وصلت للباب كال
:-اليوم نروح نجيب ملابس لا تلبسين هيج بعد
درت عليه و تخوصرت كتله

:-شنوو يعني قصدك مو حلوو والله حلو عليه و يخبل لا اكلك شو بلا خاف ما تريد البس منك لا شو البس

:-لبسي
:-لا تجاوووبب هييج
:-شتردين

:-اريد تجادلنني علمود احس منتبه وياي
:-روحي نامي
هزيت ايدي و طللعت من الاستقبال وكفت بالباب و غميته صاح

:-لا تغمميننن
:-ما غامتك مجررم جذاابب
:-جايج

سمعته كال هيج لزمت طرف القميص و طكيتهه ركضه للغرفه سديت الباب و كعدت صاح بصوت عالي

:-اذا انت مو كد سالفه لا تشمرين حجي
:-معلليك

ما ردد عليه رحت تمددت بفراشي احس ارتاحيت من اعارك شخص احس تجيني طاقه جنت نعسانه نمت ما

كعدت اله الساعه ب 9 الصبح كمت نضفت الغرفه و نضفت البيت و الطارمه الصعب ماكو يمكن طالع من

وكت كملت و رحت فتحت غرفته اريد انضفهه لكيتهه نضيفه

اي والله احسن شي بي ما ييخلي شي وصخ طلعت قميص من ملابسه و رحت سبحت غسلت البجامه مالت

تراكي علمود البسهه من تنشف رحت للمطبخ اريد اسوي غده بس ماكو شي سويتلي ريوك تريكت و غسلت

المواعين طلعت بتيته و سلكتهه مو كل يوميه تگلاه اليوم بس يجي صعب اخلي يجيب النه مسواك خلييت

البتيته على الطباخ و طلعت اريد اشوف البجامه ماحب ابقه هيج لابسه

امشي و الف بشعري الفه و يرجع ينزل شعري قصير ما ينشال وصلت لباب البره رفعت راسي و......

.
.
.
.
.
.

.
.
.للحكايه بقيه
لــــــــــــــــورآ💚

كلانا كتف للاخر♥
الوريد