رواية أنتقام الصفحه 27 (ترميم) الفصل السادس 6 - بقلم خـلود الـ محسن

حساب الانستا lorai_alrwi
::::::::::::::::::::
روٌحہ عآبسہ.....
* انه عاشك و هايم بيج اخذج من حلك السبع يُباا♡
.....................................
مــــلاذ الصعب
*شني بيج وهيج غيرني انه الما طاحت عيني عله
بنادم هسه روحي بيج
.....................................
مُهرة°°بــــَــرق°°آيوب
*راح اعوضج راح اصونج راح اخليج بوسط عيني♡
::::::::::::::::::::::::::::::

وكعت عيني على الكلاده شفت المداليه مالتهه عباره عن حلقتين متلبسات بالسنسله ضلت عيني معلكه بيهه لحد
ما رجع لمكانه و اني عيني وره السنسله باوعلي كال

:-ها شبيج
:-الكلاده حلوه
:-شكرا
:-شنو معناهه

لزمها بيده ضل صافن عليهه شويه و مسح كصته كال
:-هل كلاده وراهه هواي حجي

:-شنو
:-مو وكته هسه

رجعت اكل و افكر شنو يقصد شنو الحجي يلي وره هل كلاده كملنه وكمت شلت المواعين غسلتهم و الصعب راح

لغرفته يكول عندي شغل اموت و اعرف شنو هل شغل هذا خليت جاي ورحت جبت تلفوني لكيت جايني اشعار

من نفس البنيه سألتني على اسمي بالخاص كتبتلها
:-ملاذ وانتِ

رجعت التلفون على الكاونتر طفيت الجاي و صبيت بالكوب اخذته اتمشى بالممر لازمه الكوب بيد و الايد

الثانيه بيهه التلفون ما منتبهه للطريق اجاني صوت الصعب من ورايه
:-وينن

رفعت راسي شفت روحي متخطيه غرفته اريد اوصل للاستقبال بدون ما انتبه گبل سديت التلفون باوعت عليه كتله

:-شبيك نززتني
:-هو لو ما صايح عليج غير تطلعين كول و تمشين گبل
باوعت ورايه هاي بيه عاده من الزم التلفون انسى روحي كتله

:-لا تره ادري بروحي بس عباللي انت بالاستقبال
:-لا واضح تدرين فتحت باب الغرفه و انت بعدج على
مشيتج مسمعتي الصوت

:-لا سمعت بسس ..
:-اي بس شنوو
:-بس عباليي ...
اكلك اشو اسكتت هاك الجاي بررد
تقدمت بأتجاه و انطيته الكوب كال

:-شكرا يابه
:-خوش رايد شي راح اناام
دنك راسه يباوع على كوب الجاي رجع باوعلي كال

:- عادي ننام بالاستقبال؟
:-هاا؟
:-هيج انسي براحتج روحي نامي
:-راح انتضرك بالاستقبال

رفع راسه و ابتسم فتت للغرفه اخذت مخده و غطه رحت للاستقبال لكيته كاعد على التخم لازم الكتاب بيده كتله

:-شددا تسوي
رفع راسه عليه بسرعه كال
:-نقره الكتاب؟
:-اي

اجيت كعدت بصفه و خليت المخده و البطانيه باالكاع ضليت احوس اريد اكله انت تعرف تقره فتحت الكتاب و الحجايه بطرف لساني ما تحملت رفعت راسي عليه كتله

:-سؤال
:-امم كولي
:-انت تعرف تقره موو؟

رفع راسه عليه مصدوم كال
:-لا
:-و الورقه منو الي كتبهه؟
:-ييا ورقه

:-تعرفهه كلش زين لا تغشم روحك
:-ملاذ انت بعدج مريضه شنو

رفع ايده يريد يلمس جبهتي وخرت منه كتله
:-صععبب لا تحسسني اني بيه شي لسه اذكر الكلام المكتوب بالورقه شفتك بعينني تكتب

:-ما ادري على شنو تحجين وين شفتي الورقه شمكتوب بيها؟

:-جانت عندي بس ما ادري وين اختفت
:-منو غيرج هنا يعني وين راحت متوهمه بويه ماكو هيج شي

:-شنو يعنني صعب متأكده شفتهه قبل لا اتمرض و ضميتهه

:-وين ضميتيهه خل ندورهه
:-هاا؟
تذكرت وين ضميت الورقه ضليت صافنه بوجهه كتله

:-اكلك خلي نقره الكتاب يمكن صدك جنت اهلوس
:-لا يجوز صدك خل نكطع الشك باليقين وندورهه
:-لاا انسى يله نقره الكتاب

°°°°°°
عوده الى الماضي
روٌحہ عآبسہ.....
رُفيده

استمرت علاقه عابس و روح لكن بالحدود مرات من نروح للدوام لو من نرجع تلتقي بي مجرد سلام

بينهم لحد ما يوم جنت طالعه
بالحديقه و اجه عابس كال

:-رُفيده عادي احجي وياج
بقيت اتلفت خاف واحد يشوفني

رحت وره البيت و هو اجه ورايه بالختلات لا واحد يشوفنه و شيخلصني وكفت ووكف كدامي كال

:-رُفيده اريد اسوي مفاجأه لروح
فرحت بداخلي كتلله بفرحه

:-صصددك؟
:-والله

:-شنوو شتسويلهه
:-اخطبها!
:-صددك والله
:-اي والله شبيج

حسيت بخوف و توتر من يمي لعد روح شراح يصير بيهه كتله

:-بس عابس اكو شي لازم تعرفه
:-شنو

:-روح امها مسيحيه بس اسلمت يعني روح نولدت من ام و اب مسلمين

شفته توتر من حجيت هيج مسح على جبهته و رجع باوعلي كال

:-ليش ما كلتوا من زمان
:-ليش هل شي راح يأثر على حبكم؟

:-لاا بس ما ادري اذا كلت لاهلي على هل موضوع راح يكون عادي لو لا
:-لا تكلهم

:-اني هم هيج كلت لا تفكرين بالموضوع و لا تحجين يم روح

:-لا ما احجي يله راح اروح لا يشوفنه احد و يفهمونه غلط

:-يله روحي و بوسيلنه روح
:-ههههه شعليه اني
:-ههه يله في امان الله

مشيت من يمه و الفرحه ماليه گلبي شلون يريدني ما احجيلهه رحت بوجهي لروح لكيتهه كاعده تكتب كتلهه
:-ها شتكتبين

رفعت راسهه و ابتسمت كالت
:-جاي اكتب اليوم شصار

:-شصار بله
كعدت بصفهه و اخذت الكتاب من ايدهه روح خطهه مميز بشكل فتحت الكتاب و كعدت اقره كاتبه

*جنه واكفين بالحديقه جوه الشجره و ضل الشجره صاير علينه ابتسامته و لمعت عينه جانت تحجي حبه الي يكنه

الي رغم لقائاتنه القليله بس احس الدنيا ضاحكتلي عابس من يشوفني يعوضني عن كل حرمان حسيته

بحياتي كلماته تدخل لوسط گلبي الشي يلي خلاني احب عابس حنيته عليه و حتلو شاف عندي اخطاء ينصحني

بهدوء يخليني گبل اتقبل و اوافق جنت مرتكيه على الشجره و هو مقابيلي كال

::-روحايتي مشتاقلج
دنكت راسي خجلانه كتله

::-اني هم
::-انتِ هم شنو
::-مشتاقتلك

::-روحايه خلي عينج بعيني و كولي
رفعت راسي عليه مستحيه احس خدودي راح تنفجر من المستحه كتله

::-مشتاقتلك
گبل نزلت راسي سمعت صوت ضحكاته كال

::-اكتل روحي شلون بيه انه ولج روحايه حاضنه هل روح انتِ

::-عاابسس لا تحجي هيج ما اعرف ارد عليك

جان مخلي اديه بجييب البنطرون تقدم عليه اكثر صرنه قريببين عللى بعض كلش ما يفصل بينه غير مسافه

صغيره طلع ايده و لزم ايدي و صار يتحسسها يحرك بابهامه عليهه بخفه كال

::-ماكو داعي تحجين شي يباا بس خوففج و ابتسامتج الما تكدين تكتميهه و لهفتج اول ما تشوفيني و رجفة

اديج بقربي هذا يعنيلي هواي يعادل الف كلمه عدي
رفعت راسي علسه خليت عيني بعيننيه كتله

::-احبك يا عوضي
::-يا بعد طوايف عابس اعشك هواج يباا

ما اعرف منين اجتني هل جرأه و كتله احبك و اني مخليه عيني بعيونه بقيت رافعه راسي اريد اشبع

ناضري منه عيونه البنييهه حواجبه سمارهه صفاته الجنوبيه اخذت گلبي جنت روح بس هسه
روحي صارت لعابس

كال
::-شبعتيي شوف يباا
::-ما اشبع منك يبااا

::-صايره تحجين مثلي
::-اليحب يقلد حبيبه

::-اشتعل ابوووي ولج
::-ههه يله لازم اروح لا يطلع عموو لو خالتي

::-روحي الرحمن يحفظج الي
دنكت راسي باوعت على ادينه لازم ايدي بقوه كتله
::-احمم بس ايدي

جان يباوع على وجهي دنك على ادينه رفع ايدي على وجهه شمهه حيل و باسهه بسرعه سحبت ايدي منه و رحت بدون ما اباوع ورايه

رُفيده
سديت الكتاب و خزرتهه كتلهه
:-ههييج تسسوون بضهرريي
:-هههه اني شغليه هووو

:-اي هو و انت مسكينه و بعدين انت شلون هيج تكتبين كلشي حتى وكفتكم يابه اذا كلش جهالج اني احجيلهم
ضربتهه بجتفهه بخفه غمزتلهه و كتلهه

:-بس احجوليي شيصير بينكم و اني احجيلهم
:-لا والله امشي طلعي بره

ضحكت و كمنه ثنينه كعدنه بالحديقه و كتبنه ويانه نقره بيهن

°°°°°°°°°°
عوده الى الحاضر
مــــــلاذ&الصعب

طبكت الكتاب احس براحه حبهم جان نقي لذلك هيج جانت نهايتهم

باوعت على صعب احسه مثل الي مخلي كل حواسسه وياي كتله

:-شكد حلو امي و امك قريبات لبعض تحسهن روح وحده
:-امم اذكر

:-شنو يعنني انت تعرف بهل كلام؟
رفع راسه و بقى خازرني كال

:-ملاذ تسمحيلي افتح راسج اتأكد شكو بيه و ارجع اسده؟

:-شلون تفتحه تشيل قبق رااسيي و اني ابقى بدون قبقق
:-الحمد لله ربيي

:-هسه اني شكلتت يعني دا اسألك تدري بهل كلامم يلي بين امي و امك

:-شلوون ادري انت مو جاي تقرين يعني شفتينني نولدت لو بعد ؟

:-لاا اصلا اهلك ما متزوجين
:-جا انهمدي يعني ما اعرف بهل امور
:-زينن شنو الي تعرفه

دنك راسه جر نفس قوي و رجع حجه كال
:-امي و امج صديقات و ابوي تزوج امي على حب بس ما ادري شنو قصتهم

:-اكلك
:-ها

:-جا يجوز امي هم متزوجه على حب و اني ما ادريي
ضحك بصوت عالي كال

:-كلشي توقعي من رُفيده و روح
:-جا اني هم اريد اتزوج على حب

رجع خزرني و عض اصبعه حجه و عاض على اصبعه
:-اخخ بوووييه

:-شبيكك والله شكد حلو الحب
:-وعلي كوه لازم روحي منجج كوووه

:-ليش اني شكلت
حط ايده على شعره ورفعه ضل يكرر بهل حركه رجع باوعلي و كاال

:-تعتبرين زوجتي ما يصير هيج تحجين كدامي
من حجه هيج احس الحجايه عصرت گلبي حتى معدتي اذتني

:-بس اني مو زوجتك مجرد امانه يمك و سوينه هل عقد مجرد شكليات

دار وجهه بكل ارجاء المكان جر نفس بقوه وزفره حط عينه بعيني و كال

:-يعني ما يعنييلج شي؟
:-شنو يعني
:-هيج غاليه انسي

:-منو غاليه
:-ملاذ شو انجبي شكد تلحين

:-على فكره اسم غاليه حلوو خوش اسمي بنتي غاليه
:-اي و ندلعلها غلوش

:-ادلعلها قصدك!
:-امممم نامي

:-اكلك خل اكلك حباب بس لا تسكت
:-شتردين ولو ادريي شي بايخ

:-لا دسمع اريد انام بس ما جايني نعاس
:-اممم و المطلوب

:-احجيلي شتعرف من قبل اي شي حبابب حباااببب
:-خوش تمددي بمكانج و اني احجيلج

:-و انت؟
:-شبيه هم اتمدد بمكانني
:-يله

راح لمكانه و اني رحت لمكاني ما اشوف وجهه كال
:-شنو تردين بضبط

:-بكيفكك
:-امم خوش
كمت من مكاني كال
:-هاا وين؟

بدون ما احجي خليت مخدتي بصفه بس فرق بينه جبير صرنه ثنينه منطين وجهنه للساعه بس اني اباوع عليه

جان مخلي ايده جوه راسه و ماد رجل و طابك الثانيه و ايده على بطنه ابتسم من شافني تمددت قريب منه كال
:-ليش اجيتي؟

:-احب اشوف معاني الواحد من يحجيلي قصه
:-امم شحجيللج جنت طفل عمري 10 سنوات بس اني

لامي جنت احلم المس اطراف طفل احلم اشيل طفل بأيدي تتخيلين جانت هاي اكبر احلامي

:-امم و هسه شنو اكبر احلامك؟
:-شي خاص

:-امم زين كمل تحقق حلمك لو لا
:-جنت كل ما اشوف امي اكلها يمه جيبيلي

اخت اريد ادللها اريد المس اطرافهه اريد تحس
بطعم الاخو من تكبر بس جانت تكلي ماكدر

ابوك مات عبالي اذا مات الاب عادي
ما جنت اعرف شنو يعني ابوك مات عبالي يصير وراهه تجيبلي اخت

*اسمعله و عيوني غرغرت دموع لان ادري
ب الصعب ما عنده احد ضجت لان

حلم بسيط جان و ما تحقق
يحجي يجر نفس و يرجع يكمل كال

:-جانت رُفيده حامل و ما الها احد كل
ما اسأل امي على اخت تكلي

:-ان شاء الله رُفيده تجيبلك اخت
ابتسمت على كلامه و ضليت مركزه وياه كال

:-جابت رُفيده بنيه جان ابوج ملتحق و امي حايره ما تكدر تعوف امج و هي تطلك و حالتهه تعبانه

:-اممم
:-امي دزتني على قابله اصيحلهه اني رفضت
لان جننت مدلل بعمري ما طالع بدون
امي تخاف عليه من الهوى

:-اممم ششكلتلك
:-كلتلي مو حلمك تلمس اطراف طفل روح جيب القابله علمود يتحقق حلمك و تشوف اختك و هي صغيره

ما رديت عليهه رحت من يمهم بسرعه و جانت اول مره بحياتيي امشي وحدي اول مره اكون وحيد اول مره

اتشجع و اخطي خطوه بدون امي امشي و اتلفت بشارع وحيد ضلمه و بس صوت الجلاب من بعيد تجي وصلت

لبيت القابله و الي جان اسمهه ام محمد ضليت ادك بالباب بقوه بابهم جان عباره عن جينكو

شويه و طلعتلي ام محمد كالت
:-هاا خاله
:-خاله تعااي بسررعهه وييااي خالتي راح تجييب امي تريدج تعااي بسرعهه اختي لا يصير بيهه شي

من حجه هيج طكيتهه بضحكه كتله
:-من حجيت هيج ام محمد شنو كالتلك؟

:-ههه بوكتهه ضلت صافنه بيه شويه و كالت اي خاله جايه

لبست عباتهه و اجت وياي نمشي بسرعه طول الطريق وصلنه و اني بقيت بره اول مره احس روحي اني والي الحرم تدرين بعد شسويت
:-شسويت؟

:-دزوني على ماي حار و اني رحت جبت و واكف بالبباب منتضر اشوف الطفله متلهف جنت على شوفتهه شويه و

سمعت صوت طفل يبجيي طلعت امي و بشرتني رُفيده جابت طرت من الفرحه شويه و كالتلي امي تعال شوف

فتت للغرفه و جان اشوف هل طفله ناعمه و لافيهه بشي ابيض و عيونهه مسدوده كعدت كدامهه ثنيت رجليه و

اباوعلهه تدرين اديه رجفت لاول حلم من احلامي رجفت و اني اشوف هل طفله كدامي تدرين من شفت هل طفله

حسيت بأمان حسيت كأنما الاطفال ممكن يصيرون النه ملاذ كل احلامي و كل امنياتي و كل شي مريت بي
بطفولتتي حجيته بمسامع هل طفله عبالي تسمعني

:-جنت سمعله و دموعي ماليه عيني يحجي بس ما مبين الي انو هاي انيي جنت متلهفه اسمع شنو جان احساسه و اعرف شنو طفولته كال

:-امي فتحت الگماط و كلتلي شوف ايدهه ايدد ناعمه من تلمسينهه تحسين روحج لامسه شي من الجنه تدرين
شغله من صدك الاطفال قطعة من الجنه

بقينه هواي كاعدين لحد ما امج ارتاحت و اخذتج بحضنهه و اني افتر وره هل طفله اخاف

عليهه تددرين فكرت ابوكهه من امها و اربيهاا
:-هههه اي و بعد

:-اممم امي سألت امج شنو نسميهه تدرين منو سماج؟
:-لا بعمري ما سألت منو سمانني

:-امي كالت لرُفيده شنو نسمي هل طفله اني جنت واكف بصف امي و صحت من يمي بصوت عالي كتللهم

خالهه سميهه ملاذ

ومن هل يوم انت تسميتتي ملاذذ

*ضليت صافنه عليه و الضحكه ماليه وجهي كتله
:-شنو صعبب يعنني انت سميتتني؟

:-امم سميتج و ياماا لعبتج و ياما حجيتلج اسرار محد يعرفهه بس جان عمرج اشهرر تدرين احلى شي تحقق
حلم طفولتي بيج

اببتسمتله ما اعرف شنو ارد كتله
:-شنو جنت تحجيلي شنو الاسرار
:-اذا صار الباليي احجيلج هل اسرار

:-شنو الي ببالك
:- مو شي مهم المهمم اني تعبان لعبي بشعري اريد انام
:-حااضر

رجعت لمكاني و تمددت صار راسي يم راسه تمددت على بطني و رفعت راسي ايد العب بشعر صعب و الايد الثانيه
كعدت اراسل ب البنيه جنت سألتها على اسمهه كاتبتلي

*برق
*تشرفت بيج حبيبي

شويه ردت عليه كتبتلي
*الي الشرف من وين

*من الناصريه و انتِ
*من واسط

التهيت احجي وياهه حجينه بمواضيع عامه استلطفتهه لان جنت بوقت فراغ و اريد احد يلهينني و جانت البنيه

كلش حبابه بسرعه تفوت على الگلب هوايه حجينه بلاخير سألتهه

:-*انت يا صف
:-اني خريجه سادس بس بعدني ما داخله جامعه
:-*ليش؟
كتبتلي

:-هو الموضوع طويل لازم احجيلج من البدايه علمود تفهمين بس حاليا ضروفنه ما ساعدت و انتقلنا بيت و

اخواني و خواتي يدرسون محد بالبيت ويه امي و اريد اختي تتخرج يله اباشر

:-*ليش ابوج وين
:-*متوفي

:-*ياا الله يرحمه زين احجيلي عنج بعد
:-*باوعي انت عندج شي؟

:-*لا ماعندي شي الصعب و نام
:-*هههه شنو الصعب هذا هم اسسم

:-*هههههه والله ما ادري اني هم مثلج اكول شنو هل اسم
:-*شيصير منج؟!

توترت من سؤالهه كتلهه
:-*يصير اخوي

:-*ها الله يحفظه المهم
اسمعي ابديلج حياتي من امي و ابويه شلون تزوجو لحد هذا يومنه
:-تمام اسمعج

°°°°°°°°°°°°°
عوده الى الماضي
*مُهره♡ ايوب
~في عام 1994

:-مــُــهره اعمامج همه الي قررو مو بكيفنه
:-بس بيبي اني صغيره ما اريد اتزوج هسه خل يتزوج وحده من اخواتتي

:-يا بيبي شبيج هنه اخواتج بس ما يقربلهم شي و هو ابن عمج وين تلكين احسن منه شاغول و خوش ولد فاهم و جبير

:-بيبي همه حياتهم صعبه عدهم ابقاار و نعجات اني ما اكدر اعيش وياهمم

:-ولجج مــُــهره صوجي دللتج لو ادري بيج هيج و لا ادللج

كعدت قريب منهه ابتسمتلهه بطفوله و كتلها
:-بيبي الي تشوفوا يصير لا تضوجين مني

طلعت من غرفة بيبي كعدت بالحديقه البره جانت صغيره بس من اكعد بيهه ارتاح احس افرغ كل احزاني بهل

مكان خيالي و داني لاول مره رحت بيها لاعمامي اني و اخوي حيدر

::-مـُهره تجين وياي هناك ونسه عدهم صيد و عدهم حلال ترحين وياي هل مره تشوفينهم

::-لا حيدر ما اروح
::-ولج والله تندمينن انت من مات ابوي و ليومنه هذا ما رحتيلهم خلينه هل مره نروح سوه

::-ما ادري حيددر افكرر
::-شنو هي ينرادلهه تفكيرر ما عليج تعاي وياي والله راح تحبينهم

::-اي خوش
ضليت افكر بكلامه خطيه خل اروح وياه هل مره قابل شراح يسوولي و وياي اخووي

ثاني يوم من الصبح حيدر اخذني و رحنه لاعمامي اول ما وصلنه تلكونه و الولد اخذو اخوي وياهم و اني رحت

ويه النسوان جنت صغيره بنهايه ال 13 سنه بس استحي بشكل يسولفن وياي و اني بس ابتسملهن و هنه

الله يسلمهن الف وحدهعلى ابو جايه من بغداد التمن عليه صار وقت الغده وكلهم ييكعدون على سفره وحده

رحت كعدت بصف حيدر لان ما اعرف احد حتى بيبيتي ام ابوي جانت نضراتهه الي بيهه كره يمكن لان كطعت

عنهم لو لان بيببتي ام امي هي الربتنه كرهونه بنص الغده وحججه واحد منهم جان جبير بالعمر ومعگل كال
::-بنيت علاوي كبرانه حيل

دنكت راسي على الماعون الكدامي ادري بي يقصد عليه ما رديت حيدر خله ايده على جتفي كال

::-اي جدي كببرت جا تضل صغيره دوم
::-لا جدي انه قصدي البت جبيره مالت زواج

كمت ابلع اللكمه بالكوه حتى عيوني دمعت باوعت على حيدر بطرف عيني بس ما رد على جدي ابتسمله و رجع

ياكل الدمعه نزلت على خدي و اني مدنكه ما اكدر ارفع راسي شويه و كمت من مكاني ما اندل المطبخ وين صاير

ضليت واكفه بنص البيت و صافنه اجت وحده كالتلي
::-ها شبيج ليش ما اكلتتي

دنكت راسي خاف تشوف عيوني باجيه اني انسانه حساسه بسرعه تنزل دمعتهه

::-ما اشتهيي
::-شعندج هنااا

::-اريد اغسل بس ما اندل
عافتني و مشت بقيت واكفه بمكاني مشت مسافه من يمي رجعت دارت عليه و كالت

::-ما تجين وراي شبيج ثثوله
::-هاا!!

هزت ايدهه و مشت كدامي صاحت و هي تمشي بأتجاه مكان كالت

::-تعااي ورايي
مشيت وراهه جانت جبيره قياسا بيه بس ما ادري ليش هيج تنتر بيه وكفت تغسل و اني غسلت وراهه كالت
::-اكلج

درت وجهي عليهه و اني انشف اديه بثوبي
::-كولي خاله

::-شايفتتنني بكد امج الس*** و تكليلي خاله مو خالتج اني جنة هذا البيت حالي من حالجن بعدني شباب
هزيتلها راسي بمعنى اي كالت

::-امج كم رجل صارت متزوجه كملت الشرع لو بعدهه
حجت هيج و طكتهه بضحكه

بدون سابق انذار كامت دموعي تتسابق ياهي التنزل گبل احس صارت حراره بوسطهن كلماتهه مثل سهام على گلبي ما كدرت اسكت كتله

::-بالحلال خاله
::-هههه و من عافتج انت و اخوج عد الغربه مو حرام
::-مو غربه بيبيتتي ربتني على اقلها مو مثل عمامي سوو
روحهم ما يعرفونه هسه كاموا يحنون

::- لساننج ولجج طبعاا عليمن تطلعين على امج لسانج بطول القندره

::-احترمي نفسج امي تشرفج و كتلج امي تزوجت بالحلال مو بالحرام و اذا شاغل بالج ليش عافتنه و

مقهوره علينه ف ما ضلينه بالشوارع بيبيتتي لمتنه
::-بالعافيه عليكم ولد الك*** صدك اكلج

شفت الكلام وياهه ما بي فايده عفتهه و ردت امشي اجتني حجاياتهه مثل السم

::-اكلج هذول الي امج خلفتهم من رجلهه الثاني يعتبرون اخوانج لو لا ههههه

::-كلنا اخوان بالاسلام
درت وجهي عليهه و شبكت اديه لصدري كتلهه

::-بسس اكو حالات شاذه منعتبرهم اخوان
عفتهه و مشيت و اني الشرار يتطافر من عيوني صار

بالعشر سنين ما جايتهم تالي من تجي اسمع هيج كلام مستحيلل اتحمل هيج بشر ينكطون سم من جدي و

بيبيتي و شيل ايدك
رحت كعدت يم حيدر كال

::-روحي يم البنات
قربت يمه اتلفت خاف واحد يسمعني كتله

::-شوكت نرجع لبيتنه بعد ما اتحمل
شو هذا كتله هيج وضاج كال

::-شبيج لا تتعايرين شبيهم شو حبابين و متونسين بس انت متعوده على سولف بيبيتتج خل نبقى ثلث ايام هيج و نروح

::-لا لا فدوه حيدر ما اتحمل اضل هلكد يمهم
ففزني من صفنتي صوت بيبي و هي تصيح بأسمي

::-هاا مــُهره بيمن صافنه فكرتي بالموضوع لو لا

درت وجهي عليهه و خليت ايدي على عيوني من الشمس كتلهه

::شنوو بيبي بسم الله ستوني طلعت من يمج
اجت تتوجه على عصتهه و كعدت بصفي كالت

::-يا بيبي ايوب خوش ايوب ولد يروح بدربه و يرجع بدربه و اني اكلج ما دام اعمامج و جدج قررو بعد احنه

ما بيدنه شي احسبي حسابج بأي وكت يجون ياخذونج
::-اددري شنو بأي وكت يجون ياخذوني باگه خضره بهل سهوله عدهم ياخذوني

::-اي يا بيبي الضاهر بعدج ما عرفتي اعمامج شنوو
كمت من مكاني نكتت التراب من ثوبي و مديت ايدي

لبيبي كومتهه من مكانهه و اخذتهه جوه البيت خليتهه على الجربايه مالتهه و رحت تمددت بالهول مخليه اذيه

على بطني و صافنه بالسگف افكر بحياتي شنو تاليتهه
راح انخطب و امي اصلا ما تدري بالموضوع و حتلوا

تدري ما راح تهتم خطيبي و ما شايفته بعدنني طفله كل الي يهمني شلون العب بألعابي شوكت يطلع كارتوني

المفضل و اشوفه هسه شيصير لو ابوي ما مات و امي ما تزوجت مو جان عشت حالي حال غيريي بيبتتي لشوكت

راح تدوملي ما عندي حل غير اقبل ب ايوب يجوز راح ارتاح وياه بس من اتذكر جناينهم و نضراتهن الي و

كلامهن الي يشمرنه عليه رغم روحتي الوحيده الهم انقهر و اتراجع من قراري بروحتي الوحيده الهم ما التقيت ب
ايوب لان جان ملتحق

♡مــــــلاذ
جنت صافنه على المحادثه احس گلبي وجعني على امهه احس هل صدفه مو عاديه ليش الصعب و برق جاي

يحجولي قصص اهلهم بنفس الوكت يجوز هل شخصين محتاجين يفرغون احزانهم و الله خلاني اكون قريبه الهم

جنت متردده اسألهه اذا امهه عايشه لو لا صدك اذا طلعت متوفيه يجوز اموت بمكاني اني على ام صعب و
احس اليوم ماتت من بين تفكيري دزيتلهه

::-اكلج سؤال بس مو تضوجين
::-كولي حبيبي

::-امج وين هسه
::-عايشين جوه سگف واحد

احس مثل المي بارد و نزل على گلبي كتبتلها
::-الحمد لله و الشكر

تعبت من الوضعيه الاني بيهه ردت اتمدد على ضهري ويه ما تحركت صعب كال

::-شوكت تنامين
فززني صوته هذا شكعده مو صارله ساعتين نايم كتله
::-شككعددكك

::-الساعه ب 2 نامميي
يحجي و هو مخلي ايده على عيونه كتبت لبرق
::-يلا حبيبي اني اترخص نكمل غير وقت

::-براحتج عمري تصبحي على خير
::-و انت من اهله

سديت التلفون و خليته بصف المخده صعب كال
::-ملااذذ خلي ايدج على شعريي

مرديت عليه تكددت صفح و خليت ايدي على شعره بقيت العب بي اجتني النعسه و ايدي تعبت ردت اسحبه

و الصعب رفع ايده و لزم جف ايدي احس مثل الفزه صارت بگلبي بلعت ريكي و همست بصوت ناصي

::-صعبب
ماكو ما يرد عليه ايدي تعبت راسه بعيد عني فرق مخدتيين شلت مخدتي خليتهه على صفحه و خليت

راسي وياه على نفس المخده و. لفيت روحي بالبطانيه ايدي عبالك صارت ملك اله ما يعوفهه بقه لازمهه لحد ما

غفيت جنت نعسانه بشكل فزيت من نومتي ما ادري اذا جان حلم لو حقيقه بس الي اعرفه جنت بعز نومتي شفت

صعب كدامي بس جنه نايمين بالعكس فتحت عيني شففته كاعد كتله بنعاس

::-بيش الساعه
::-الاربعه

::-نمت!!!
::-جؤ

حركت ايدي و حسيت بأيده ببعدهه عليها كتله
::-شوكت تعوف ايددي
::-ما اعوفهه

جان بنفسي ارد علييه بس النعسه مسيطره عليه حتى للصلاه ما كمت من النعاس

رجعت طبكت عيوني و بديت اغفه حسيت بشواربه لامست ايدي عرفته جاي يبوسهه ردت اسحبهه بس من

حس بيه ضغط عليهه حيل ما حجيت شي رجعت كملت نومتي للتسعه يلا كعدت جان يوم جمعه رفعت راسي

علىمكان الصعب اريد اشوفه بس ماكو يعني طالع
سحبت تلفوني و شفت رساله جايتني من امي فز گلبي گبل طفرت من مكاني فتحتهه جانت كاتبتلي

*^ملاذ هل فتره لا تتصلين بيه ابد اله اني اتصل لان اعمامج يشكون بيه و يفتشون تلفوني اخاف يفتحون و يلكون منج رساله ابدد لا تدزين احبج و ديربالج على روح ما ضل شي و نرجع

من قريتهه كمت ابجي اشتاقيتلهه حيلل احس گلبي راح يينفجر عليهه اني مو حمل فراگ امي متعوده عليهه

مسحت دموعي و رفعت راسي استغربت من الصعب جان واكف بباب الاستقبال شافني باوعتله كال

:-صبباح الخير صاروخ
:-صباح النور مجرم

:-شبيج تبجين
:-ماكو شي شنو اليوم ما عندك شغل

:-لا ماكو ما عندي شتكولين نطلع؟
:-صددكك!!!
:-والله

طفرت من مكاني بسرعه كال
:-لو ادري كل يوميه تكلج نطلع علمود تكعدين

:-ديلا هسه اليشوفك يكول ماكو هيج هي مره اخذتني و ذليتني

:-ليش شسويتلج حتى ذنيج السوالف خليتج تشتريهن كولي مقصرر

دنكت راسي على البطانيه سويت روحي اريد اسفطهه كتله

:-شكددد بربووك انتتت
جنت منطيته ضهري ما احس غير اذني نلزمت و هو
واكف ورايه كال بصوت واضح عليه العصبيه

:-ففششررتتيي!!
:-لا لااا لاااا و داعتتككك
:-ولجج سمعتج بأدنني

:-عووف اذننييي عوفهه راحح تطلع الطبله عليك من كد ما تجرجر بأذننيي

:-لا تجفصصين ملاذذذ اخر مره اسمعج تفشررين
عاف اذني باوعت عليه و اني افركهه بأيدي كتله
:-هاي مو تفشوره

:-انجبي ما تحجين هيج حجي يميي
سكتت منه مالي خلك اجادلل شلت البطانيه و رحت

غسلت طلعت ملابس وسبحت من طلعت لازمه المنشفه بيدي اريد انشف شعري شفت الصعب كاعد بالطارمه و

لازم لابسه بأيده مدري شبي ما يسبح اله بالحمام البره هسه اني اخاف انت شبيك كال

:-زمالل انتت لو تنشفين بالحمام لو جووه ما تطلعين بهل برد بدون ما تخلين شي على راسج

خليت ايدي وره اذني و كفت بأستقامه ضربت رجلي بالكاع كتله

:-اممررك سيدديي

ضحك و كام صار كدامي اخذ المنشفه مني و خلاهه على راسي بقيت واكفه بمكاني مصدومه من السواه يلم
بشعري بهدوء و يخلي جوه المنشفه كمل و نزل ايده كال

:-اكلج
:-همم

:-تدرين اول ما جابتج امج جان اكثر شي مميز بيج شعرج بحيث انت ستوج طالعه من بطن امج و شعرج

اسسود و شويه نازل اشو هيه شعرج گصير شنو الموضوع
رديت عليه بكل ثقه

:-اي مو اگصه
لزم خشمي و بقه ضاغط عليه كلش يضوجني من يسوي هيج لو يلزم اذني لو يلزم خشمي كال

:-بعد ما ينگص
:-مااا والله
:-ما ينكككص

:-ششعليكك
:-رجلج و لا تعلين صوتج
:-طططلكككننننيييي

:-عايشه الدور بت رُفيده ما علينه المهم هل شعر بعد ما ينگص

:-زين عندي الك اقتراح
:-و هو؟

:-انت مو تريد اگص اضافيري واطول شعري خل نعكسهه و اكوم اطول اضافري و اكص شعري

:-احتفضي بأفكارج بداخلج ويله امشي كملي بيين ما اسبح

فتت جوه مشطت شعري والله احبه گصير من يطول يشلع الگلب كملت و لفيت حجابي بقيت اگلب بالتلفون

سسمعت الطكه مالت باب غرفته كمت فتحت الباب و باوعتله فات للغرفه من سمعني فتحت الباب باوعلي و ابتسم كال

:-اعرف تأخرت بس شلون راح اعوضج بهل طلعه
:-ديله فضهه خل نشوف تاليهه

سد الباب و غميته صار هواي ما غامته احس نقص بحياتي شو هل مره ما كال غميتتيني صحت عليه

:-صعب ترره غميتكك
:-ليشش بنت الحللوهه شسويتلج

:-مشتاقه اغمك
:-سسههله الزمج

حجيت بصوت ناصي
:-دنجب كل يوم تكول الزمج و ما لزمتني
شوييه و اجاني صوته

:-لا تدردمين الخانسهه
سكتت منه و رحت كعدت بلاستقبال شكد يتأخر ابو الرسمي هسه حتى لو عروس خلصت شويه و اجه كال
:-يله كومي

:-ها شنو خلص عرسك صلاوات
:-كومي و انجبي

كمت وراه صعدنه بالسياره ثنينه وجوهنه مو مالت طلعه معصبين عليمن ما ادري عليمن هوايه مشينه جنه واكفين بنص ازدحام شو هذا بنص الازدحام و كال.....

.
.
.
.
.

.
.
.
.
.
للحكايه بقيه

كلانا كتف لاخر♥
نكدر نوصل اكثر من هيج💚