رواية أنتقام الصفحه 27 (ترميم) الفصل السابع 7 - بقلم خـلود الـ محسن

تابعوا حساب الواتباد و
صوتوا للبارت علقوا على الفقرات
♡.......................................♡
روٌحـــہ عآبسہ..... 💚
..............
مُـــهرة ايوب(برق🖤)
..............
مـــلاذ الصعب
..............

:-نززللي رااسج فوتتي جووه بسررعهه ملااذ
بقيت مصفنه عليه هذا شبيي كتله

:-هاا هاا شكووو
:-مو وكتت اسألتج نززليي جوه بسرعه

نزلت روحي جوه ضليت اصيح عليه
:-صععبب شكوو يمعووودد والله المكان ضيك ما اكدر افوتت

:-نززلليي هو انت هلكدوتج نزللي بعدين نحجي
يحجي هيج و مخلي عينه على جهتي ما ادري على شنو يباوع

نزلت روحي جوه راحت الهيبه و الكشخه تحركت السياره هو يسوق و يرجع يباوع على الجهه الاني بيها مر يمكن عشر دقاايق تضايقت كتله

:-واللعبااس راح اطلع اختننكتت
ما رد عليه صارت السياره تمشي سريع يعني خلص الازدحام كال

:-طلعي يله
طلعت و اني ادردم عليه

:-هسه اني شجالننيي شكوو شكوو احججيي يعنني ليشش خليتنني جوه ما كلت راح اختنكك راح امووتت تكسررت تكسسرت امداننيي اذا تقشمرت و سويت التريده بعد

:-اادرريي شنوو لسان لو رشاشه على كيفجج على كييفج
:-ششحاججيه فوكاهه فوك ما خليتني افوت جوه و
انجعص تكلي لسانج و اننيي محاجيه شي

:-صاروخ جا لو تحجين شلون اذا هذا كله ما حاجيه
يحجي وياي و مركز عيونه على الطريق كتله

:-عوفنه من كل هذا الحججيي ليش خليتني افوت جوه شنو حرااميه احنه

:-ماكو شي
:-ششنوو شنوو ماكو شيي لا تخبلننييي

:-ليش انت صاحيه
:-لا والله مو صاحيه تدري ليش لان اخذت كلمة واحد مثللك

:-اممم
:-وسسسممم

باوع عليه و رجع باوع للطريق بسرعه لزم خشمي بقوه
كالل
:-عللليمننن

:-عللليك علللييككك عووفف خششممميي
بقه ضاغط عليه بقوه احس عيوني كامت تدمع رجع كال
:-عللليمنن ولججج

:-عللليه اقصصد بس عووفنننيي
من كلت هيج وخر ايده مني اني بقيت افرك بخشمي و ضايجه حتى ما رجعت حجيت وياه

فتنه لمنطقتنه و ثنينه ساكتين باوعت على مداليه السياره جانت عبارع عن زنجيل و نازل منهه ميزان

ردت اسأله بس ضوجني ما اريد احجي وياه حضنت اديه لصدري و بقيت اباوع على الجهه الثانيه احس اختنكتت

ما ادري ليش كمت ابجي من وره تصرفه ماادري ضايجه على الطلعه كمت امسح بدموعي و ترجع تنزل من كد ما

بجييت شهكاتي صارت واضحه وكف كدام البيت فتحت الباب اريد انزل لكيتهه مقفوله مسحت دموعي و درت عليه بس منزله عيوني كتله
:-الباب

ضل مدنك راسه و مخلي ايده على كير السياره مسح على وجهه و سحب كلنس من كدامه و قدمهن الي جنت

من صدك بهل لحضه بحاجة الكلنس مديت ايدي اله و اخذتهن دنكت راسي و بقيت امسح بوجهي رجعت

فتحت الباب انفتح گبل نزلت بدون ما اباوعله فتت جوه و سمعته سد باب الشارع وصلت لغرفتي اريد افوت اجاني صوته كال

:-ملاذ

وكفت بمكاني بدون ما احجي و وخرت ايدي عن يدة الباب اجه يمشي بأتجاهي وصل يمي وكف مقابيلي كال
:-ليش بجيتي

بس سألني دموعي رجعت تنزل ما اريد يشوفني ابجي بس ما اكدر اسيطر دموعي وحدهه تنزل خصوصا من

سألني مدري شصار بيه رفع ايده يمسح بدموعي بقيت جامده بمكاني نزلت ايدي وبقى هو يمسح بدموعي ويحجي

:-اشش اشش لا تبجين كاافي انه اسفف مو قصديي كاافي لا تنزل دموعج كافيي بويه عسى دموعج ما تنزل بس بالفرح كاافي

من حجه ههيج ذكرني بأمي شلون جانت تخاف عليه من ابجي كمت اشهك من بين شهكاتي كتله

:-لللييشش ضربتتنني
ضحك و كال

:-اسممم الله شوكت ضربتجج هو بس عصررت
خشممج

:-هوو انت ايددك غير مكراافه اجيتت تكطمم خشمممي
:-شقه هذاا شقهه

:-شقه!!و خشمميي انني متأكده تاليتتهه راح ينكططمم من وراااك

قرب مني كلش صرت بينه وبين باب الغرفه رفعت راسي عليه و هو مدنك يباوعلي كال بهمس

:-متأذيه؟
:-هاا

رفع ايده و لمس خشمي بطرف أصبعه الابهام كال
:-خشمج يوجعج

احس جسمي اجته رجفه بلكوه طلعت الكلمه مني و كتله
:-لا ما بيه شي

دنك عليه و باس خشمي احس الدم وكف بجسمي ضل ثواني قريب مني بهل ثواني احس حرارتي ارتفعت اريد
انطق حرف ما اكدر بقيت بس ارمش بعيوني كال

:-بعده يأذيج؟
اريد ارد عليه ما اكدر بلعت ريكي و حجيت بصوت يرجف
:-صار زين بس يأذينبي انت ما جوعان اكلك روح نامم
ضحك بصوت عالي كال

:-شني ربطي كلامج و انطينه جمله مفيده بالحق ما فهمت حجايه

عفته و فتت للغرفه بسرعه الرجفه بعدهه بجسمي احس اوضاعي كلهه تخربطت كعدت على الجربايه اريد اهدء

جان اكو بطل مي على الميز من توتري اخذت البطل و شربته كله اريد استوعب الصار بقيت احوس بالغرفه

ساعه اكوم افتر سااعه ارجع اكعد اخر شي وكفت كدام المرايا باوعت على روحي تذكرت من باسني تلقائيا ابتسمت فزيت من صفنتي

:-اوو شبيجج ملااذ على شنو كل هل تفككير انجبي و اسكتتيي يمكن ماكو شي و اني سويت قصه ببالي

بسس هو صدك مو باس ايدي من اننيي نايمهه
ضربتللي صفنه رجعت كلت لا لااا شوكت

باسهه متوهمه عليممن يبوس ايدي
اندك الباب ويه دكته فز گلبي صحت

:-منووو
اجاني صوت الصعب
:-يعني منو غيرنه هناا

ضربت على كصتتي اووويي صدك شهل غباء رحت فتحت الباب اول ما شفته كدامي احس گلبي كام يدك كال

:-تعالي نتريك شلون جبتلج ريوك تعويض على الطلعه
:-اي جايه

تقدم عليه و سحب ايدي يمشي بالممر لازم ايدي و ايده الثانيه بيهه تلفون مركز بي فوتنهه للمطبخ شفته
محضر الريوك اخذني يم الصينينه و كعد
كعدت مقابيله ردت اصب جاي گبل نزل التلفون كال

:-جؤ جؤؤ اني اصبلج
اخذه مني و صب قدملي الكوب و ابتسم بقى شويه يباوع عليه و كال

:-شبيج بس تضربين صفنات ماكله لحم من بره؟
:-ياهوو؟

:-ملاذ خاف ما شبعانه نوم
دنكت راسي مستحيه شكد عيب هسه يكول ما شايفه

ولد اي صدك هو اني وين شايفه شو كضيت عمري كدام ولد عمامي واحدهم اذا وكفت بي ب باب الكاظم باليوم اطكلي 100 الف

من اتذكر عمامي تلقائياا اتنرفز صحت
:-اممممداهم اي والله

جان صعب كدامي ياكل من صحت هيج گبل رفع راسه مستغرب كال

:-هاا شبيج

هستوني استوعبت اني شحجييت استحيت من صعب
گبل نزلت راسي مد ايده يتلمس جبهتي استغربت من حركته كتله

:-ها شكو؟

:-بويه مريضه انت اشو حتى ما مصخنه شبيج من الصبح و لهسه تصرفاتج مو طبيعيه

:-لا ماكو شي تذكرت واحد خنيث و عقلي ما كدر يخزن ف الكلمه طلعت ليبره

ضحك و رجع دنك كتله
:-شو ما سألتني هذا ياهو الخنيث

:-يجوز ما تردين اعرف لو حابه اعرف جان كلتي اسمه

:-لاا اريدك تعرف هذا ابن عمي الخنيث يريد يتزوجني
و هو الصبح من يكعد ما يغسل وجهه لو ينطينني وجهه اضل سبوع بس انضف بي القذر

:-تخيلي روحج مرته و تتعلمين الصبح ما تغسلين و يخليج تطولين اضافرج و ينملن وصخ و ما يخليج تكملين دراسه

:-اييعع اني اخلي اضافرري تنمليي وصخ والله يلمعنن بس انت ما تخلينني اطولهن و بعدين هو گبل لا اتزوج

بعدني ما شايفه رحمة الله كلهه اجتني تتراكض تكولل بعران تطربك و يصيحون على امي

بطلللوووهاا بطلوهااا من امداك من عمام همزين ابوي طلع احسن منهم مدري ليش امي ما ترتاحله

:-انت للو اخليج تحجين بعد شويه جا حتى شتلبسين هم تحجيلي ف اسكتي

:-ليش اني شحاجيه تره تكسر خاطري لان راسك يأذيك ما اسولف هواي

:-اياابه شكدد مهتمه بيه لدرجة كل ثانيتين تذكرين سالففه و تحجينهه

:-ايي صددك ذكرتني
:-بيمن ذكرتج

:-ليش خليتني افوت جوه بالسياره شنو شفت و لبدتني
:-جان واحد من اعمامج بالسياره المقابيلنه

احس گلبي وكف ممن كال هيج ضربت على صدري كتله
:-ييممهه عزاا بعينننيي خو ما شاافننني

:-لا غير فتي جوه ما شافج
:-يمممه يمهه بعد ما اطلع ابددد اكلك احنه مو بمنطقه ثانيه

:-امم
:-جاا شجابه يمنهه تف عليهم وين ما جان لاحكيني

:-ما ادري المهم ما شافج

:-فدوه صعب والله اخاف منهم ييجوز اذا يلزموني
يكتلوني لو يجبروني اتزوج الوصخ لا تخلليهم ياخذوني

:-دامج يمي لا تخافين كملي ريوكج
:-ما اكدر نسدت نفسي

:-جا اني ليش ما احجيلج ادري بيج ما راح تاكلين

اخذ صمونه و خاشوكه فتح الصمونه و اخذ گيمر كام يخلي
بيهه سدهه و انطانيهه كال

:-هاي كلهه تاكلينهه مفهوم
:-بسس

قاطعني و كال

:-ماكوو بسس اكليهه بسرعه

اخذتهه من ايده و كعدت اكل بس تفكيري كله شيصير لو اليوم عمي شايفنني باوعت على صعب كتله

:-منين تعرف عمي؟
:-اعرفهم كلهم وين عنهم

:-شلون تعرفهم
:-معليج كملي اكل

:-اكلك
:-هممم

:-تعرف ابوي الله يرحمه
:-امم حق المعرفه

:-صددكك احجيللي عنه
:-ما احبه

:-ييااا ابووي تره شنو ما تحببه
:-جا و اذا ابوج ما احبه شسوي

:-لااا والله اولل شي هو ميت و ثانني شيي ابووي غصبا عليك تحبه خووش

:-امم خوش
:-تحبه؟

:-لا
:-لللليششش

:-بكيفي بويه بكككيفي

:-زين و اممي
:-طبعاا احبهه ما ينرادلهه

:-تحب منوو انت
عاف الصمونه الي جانت بيده باوع عليه كال

:-تردين تعرفين منو
:-ايي

:-احب امي اقدسهه رغم كل الناس تصيح عليهه مذنبه و ابوي رغم اكو عنده اخطأ و ماشفته من صغري بس احبه

احب رُفيده و احب بت رُفيده من جنت اعرفهه بطفولتهه و احبها من كبرت

بلعت ريكي و ضليت مركزه بعيوني بي كتله
:-شنو يعني

:-مو شي بس الانسان الي يسويلي زين احبه
:-و اني شسويتلك

:-هواي بطفولتج جنت اشوفج من شباج بيتكم رُفيده تفتحه الي و اضل الاعبج و من اشوف محد اكو احجيلج

شسويت كل يوم و من كبرتي جاي تقريلي قصة اهلي و تهونين عليه من اجيتي و لليوم احلى ايام بحياتي ما

حسيت بهل طعم من عمر ل 10 سنين و لهذا اليوم
:-ليش ما جنت تفوت لبيتنه ليش من الشباك؟

:-هوواي حجي بويه يسطرج مو وكته
:-بس اريد اعرفه

:-الوكت كفيل يعرفج بيه
:-بس صعب انت تعرف تقره

جر نفس قوي و رجع زفره كال
:-اي اعرف بس اريد انت تقرين الكتاب الي

:-ليش امي كالت ما تعرف و انت جنت مصر ما تعرف
:-هيج انسي

:-انت كتبت ذيج الورقه؟
:-اي ورقه!!

:-ذيييجج بيوم الي اني تمرضت
:-لا ما كاتب

:-صصعععببب
:-هاا عيني

:-اهوو شبييككك احجي
:-ماكوو شي احجي

:-ززيين انت شنو تشتغلل يعنني انت طلعت تعرف تققرهه يعني دارس

:-معليج
:-اهووو شبييكك
:-ما بيه تردين شيي

:-امم ليش من تشغل الطباخ ما تباوع عليه؟ليش ذيج المره من شغلتلك جكاره هيج صار بيكك جاوبني فددوه

:-ما اكدر اباوع بالنار
ضليت صافنه شويه ما مستوعبه كلامه كتله

:-شنوو يعني
:-ملاذ كملي اكل

عافني و كام غسل شلت الصينينه و غسلت المواعين البيهه ضليت افكر ليشش ما يكدر يباوع بالنارر رحت

اريد اطلع بكوكل بس بقيت صافنه شكتب اكله ليش واحد ما يباوع بالنارر يرربيي كل ما اسأله شي يحيرنني

اكثر من گبل مشيت اريد اطلع من المطبخ شفت صعب بالممر طلع و يمسح بوجهه فتح ددكمه القميص الفوك و

كعد بالكاع مرتكي على الحايط رحتله بسرعه كعدت يمه كتله
:-ششبيكك صعبب

احسه مثل المختنك يفتح بالقميص وخرت اسده و فتحت الدكم ضل يمسح بوجهه و يجر النفس بالگوه كال

:-الحبوب بالسيارره جيبييهاا بسرعه

طفرت من يمه بسرعه السويج بالاستقبال اخذته و طلعت ركض فتحت السياره ضليت اگلب بالجكمجه طلعت

الحبوب رفعت راسي وصارت عيني على المداليه رجعت بسرعه وصلت يمه بعده على نفس الحاله انطيته الحبوب

و رحت اجيبله مي من المطبخ رجعت لكيته شارب الحبايه انطيته المي و كعدت يمه يمسح بوجهه و يضغط

عيونه بأصابعه حالته تعبانه حرت شسوي بهل لحضه نزل ايده و ضل صافن على الفراغ شفايفه بييض لزمت

ايده و ضليت امرغ بيهه لحد ما بده شويه يهدأ باوعلي و التعب باين على عيونه كتله

:-شللون صرت
هز راسه بمعنى زين

:-خفت علليك شبيكك ليش هيج خل نروح للدكتور نشوف شبيك فدوهه مو كلت اذا ما صرت زين نروح

:-لا زين ما بيه شي

:-ياا ززين دا تشووف روحك شفاايفك بييض و عيونك ذبلانه من تتخربط حالتك تصير فد نوب گلبي يوكف
عبالي راح يصير بيكك شيي فدوهه صعبب ليش هيج خل نروح فددووه

:-ما بيه شي بس عادي انام بحضنج و تلعبين بشعري

لزمت ايده بدون ما ارد و كمت سحبته و هو كام اخذته
للاستقبال تربعت و اشرتله ييجي يتمدد جاب الكتاب و

تمدد خله راسه بحضني و للازم الكتاب يتلمس بي ضليت العب بشعره كتله

:-صعب انت جاي تقره الكتاب وراي
:-اقره القارينه

:-ليش
:-احس روحي عايش وياهم

:-نقره هسه؟
:-اي

:-اليوم انت تقره النه
:-لا انت اقري

:-بس هل مره انت اقره
فتح الكتاب

°°°°°°°°°°°
الصفحه السادسه
روٌحہ عآبسہ.....

رُفيده

جنه كاعدين بالحديقه و اجه عابس كالعده يمشي بدون ما يطلع صوت وصل يمنه و جان يريد يغمض عيون روح
و هي بسرعه دارت عليه كلتله

::-شفتك
::-هه شلون حسيتي بيه

::-صرت حافظه صوت خطواتك

ضل مركز بوجهه هوايه ابتسم و كالها
::-هلكد تحبينني روحايه

::-فوك ما تصور
رفع راسه شافني كاعده كال

::-ها هلا رُفيده
::-هلا

طبك اديه لصدره و راد يحجي و جان يجينه صوت ابوي ثلاثتنا نصدمنا اني و روح طفرنا من مكانه و وكفنه و
عابس بقى واكف بمكانه كال ابوي

::-عابس مو رحت قبل شويه ليش رجعت؟

::-عمي اني جاي احجي وياك بموضوع شفت البنات و سلمت عليهن گبل لا احجي وياك

::-شنو هل موضوع؟
::-انه باجر جايب اهلي نطلب ايد روح منكم

باوعت على روح ترجف و جامده بمكانهه اني رحت بصفهه لزمت ايدهه صارت حمره كد ما عصرت بيهه كال ابوي

::-يصير خير بس لا تحجي ويه البنات لحد ما يصير شي رسمي

::-ان شاء الله عمي باجر يجونكم الاهل اذا ما بيها زحمه
::-براحتكم

مشه عابس و ابويه بقى واكف يمنه للحد ما عابس طلع باب الشارع دار علينه و اني لازمه روح يمكن راح تموع بين ادييه كال

::-من شوكت عدج علاقه بي
هي ضلت ساكته و ابوي منتضر جواب منهه كتله

::-ما عدهه علاقه
قطع كلاميي و حجه بعصبيه

::-ممننوو موجهلج السسسؤالل
بلعت ريكي وبقيت ساكته نغزت روح علمود تحجي كالتله
::-ما عندي

::-ما عندج؟!! و جيات عابس باليوم الف مره شنو هاي روح اني ما مسؤول على اي غلط يصدر منج بنتي رُفيده

يا دوب كادر على تربيتهه لا تخلين الوادم تحجي علينه
دنكت راسههه و دموعها كامت تنزل ما حجت اي حرف كتله

::-يابه روح ما عدهه علاقه بي بس مره اجه و جنه ثنينه واكفين كالهه اني رايدج على سنة الله و رسوله هي كالتله حاجي عمي

::-المهم فوتن جوه
اخذت روح و فتنه للغرفه مالتهه بقت تبجي اريدهه تسكت ماكو كالت

::-انيي غلطاننه موو
::-لا ما غلطانه و اسكتتي يله باجر عابس يجيب اهله و اخيرا تصيرين ملكه

باوعتلي و ابتسامه نرسمت على وجهه كالت

::-تدرين ما مصدكه احسس كلشي جاي يصير وهم خايفه لا اهله يرفضون

لا تفكرين خلي كلشي وره عابس اكيد كلشي يسوي علمودج هو يحبج مو مهم اهله

::-رُفيده اذا عابس ما صار الي يمكن اموت
::-اشش اشش انجبي اسم الله شهل حجي

ضلينه كاعدين نسولف لحد ما امي صاحتلي رحت و هي راحت لدفترهه كالعاده تكتب

ثاني يوم رحت من الصبح يم روح لكيتهه كاعده محضره ملابسهه اجت امي ويانه مشطت شعر روح و ضفرته الها

هي ما عايزه شي تطلع الهم بدون كلشي ينعجبون بيهه للعصر احنه ببيتنه فات ابوي للصاله كال

::-حضرن جاي و مي

اني و روح رحنه للمطبخ اشو اول ما وصلنه روح كعدت بالكاع ما تكدر توكف جسمهه يرجف

سمعنه صوت النسوان بالصاله و روح كامت تبجي كعدت يمهه

::-شبيج روحايه
::-خاايفهه بطلتت ما اريد اتزوجج خلي بس يبقى يحبنني

::-دنجبي و كوممي يله ما عليج
جسمهه يرجف خفت لا يصير بيهه شي كتلهه

::-روح انت ماكله شي
::-لا ما اكدر ما اشتهي شي

جبتلهه بسكت و عصير كتلهه
::-اكليي لا تخبلينني

اكلت بسكته وحده و كالت ما اكدر اكمل ضلت تروح و ترجع بالمطبخ كل شويه توصل يم الباب تباوع بسكته و ترجع تباوعلي كالت

::-اكلجج شلون اسلمم منين ابددي
::-لا تخبللينني شنو منين تبددين اي وحده تصير كدامج ابدي بيهه

صاحت امي عليينه علمو ناخذ التقديم
تنطيت صينية العصير لروح و اني اخذت البسكت وراهه

اول ما فاتت بقن يصلن على النبي لان من صدك روح جمالهه جذاب منو يشوفه ينعجب بيها قدمت الضيافه و
كعدت كالت وحده من النسوان

::-انتِ روح

اشرتلهه براسهه بمعنى اي ضلن يحجن و يتفحصن بيهه كالت وحده من النسوان

::-هي بت اخوكم و ربيتوها من الصغر
ردت عليهه امي

::-لا بت صديقتي بس اهله راحو لدار حقهم و هل طفله تربت عدنه من الصغر صارت مثل بنتي

::-يعني غريبه عنكم
::-اي بس ماكو غربه دام تربت ببيتنه

روح حجت و الكلمه كوه تطلع من حلكهه اعرف حجت هل شي تخاف من المستقبل ممكن الكل راح يلومهه هي

حجت هل شي بس اول و تالي جان لازم تحجي دام عابس يحبهه لازم يكون كلشي صريح بينهم ماكو جذب كالت

..............
مـــــــلاذ
صعب طبك الكتاب كال
:-بليلي نكمل تعبان

:-خل نشوف شنو كالت
:-بليل

:-راسك يأذيك
:-شويه

كال هل حجايه و كام من حضني مبين الحزن بوجهه كام راد يطلع من الاستقبال كتله

:-شبيك صعب
:-ما بيه بس تعبان

كمت يمه لزمت ايده و رفعت راسي اباوع عليه كتله
:-صعب احجيلي شنو البيك والله تعبت و اني احاول

اعرفك شنو ليش ما تحجي
خله اديه بجيوبه كال

:-اخاف ملاذ
:-من شنوو

:-اخاف احجيلج و اتعلق بيج اخاف تصيير نهايتنه مثل امي و ابوي

:-شنو يعني
:-اخاف من الحب

:-جربته!
:-ابد

:-شنو تحتاج
:-راحة بال احتاج انسى الماضي

:-شنو بالماضي و تريد تنساه
:-كللشي ملاذ كلشي اريد انساه جربتي شعور تربين روحج بروحج

ما افهم شنو يحجي بس اكيد وره هل كلام هذا هواي حزن هواي الم هواي تعب صعبب انسان كله الغاز كل

شي اشوفه بي عباره عن لغز اول مره بحياتي اصير هلكد فضوليه تجاه شخص باوعت عليه جان فاتح نص

القميص بس ما لابس الكلاده كتله
:-صعب رين كلادتك

:-نزعتهه
:-ليش
:-مو دائما البسها

مشه من يمي بأتجاه غرفته عبالي راح يفوت الها بس كمل مشي و راح للغرفه الي بالمطبخ مشيت وراه بس

جان كدامي قفل الباب بقيت كاعده ب باب المطبخ منتضرته يطلع كالعاده اسمع صوته يحجي ويه شخص

بس هل مره ما خفت لان احس صعب بحاجتي حتلوا جان ويانه شخص بهل بيت مهما يكون سر هل غرفه ما

راح يهمني المهم صعب يكون مرتاح شويه و طلع قفل الباب وراه و خله المفتاح بجيبه شافني كاعده ب باب المطبخ كمت من مكاني كال

:-شعندج هنا
:-منتضرتك

:-رايده شي
:-لا بس منتضرتك

ابتسم و تقدم يمي لزم ايدي و مشه فات للاستقبال اخذ الجاكيت مالته و طلعنا امشي وره كعد على الدجه صايره

كدام باب البره و اشرلي اكعد يمه رغم الجو بارد بس هو بطرك القميص كعدت يمه وحضنت اديه لصدري ادفي

بروحي فتح الجاكيت مالته خلاه على اجتافي كال
:-خو ما ضايجه مني
:-لا

:-ادري بروحي مرات اضوجج بس بغير قصد بعمري ما تعاملت ويه بنيه

:-صدك يعني انت ما حاجي ويه بنات
:-لا

:-صددكك انت و هاي عضلاتك و وجهك الوسيمم ما حاجيت بنيه

:-لا اكيد حاجي بأمور ثانيه بس ما فاتح گلبي لشخص انت اول بنيه احجي وياهه

:-اكو شخص يعرف عنك شي
:-اممم واحد بس و ممكن راح يصيرون ثنين

:-صددكك منوو
:-شهاب

:-شنو يقربلك؟
:-صديقي و خويي و ابن عمي

من كال ابن عمي بلعت ريكي متوتره كتله
:-يعني ابن عمك الح؟

:-امم
:-انت عندك علاقه بأعمامك

:-لا بس واحد منهم و ابن عمي يشتغل وياي صارت علاقتنه قويه بس اعمامي هواي لكت ما عندي علاقه بيهم

:-زينن هذا عمك حباب يعنني احسن من باقي اعمامك؟
:-ليش ادققين وين تردين توصلين

:-هيج
ضلينه ثنينه ساكتين كتله

:-اكلك
:-همم

:-راح سألك اشياء عن حياتك و انت جاوبني بصراحه خوش

:-اممم
:-شنو اسمك الثلاثي

:-الصعب
:-الثلاااثييي
:-كملي

:-جؤؤ اوووفف زين ليش سميتني ملاذ
:-حسيتج ملاذي من جنت طفل و سميتج بهل اسم

ابتسمت على كلامه رجعت كتله
:-شنو اغنيتك المفضله
سحب تلفونه كال

:-تسمعينهه؟
:-ايي

شغل اغنيه من فلم كارتوني اسمهه في وحدتي جنت دائما اسمع هل اغنيه كَ اي اغنيه عابره بس من شغلهه
الصعب حسيت هل اغنيه تمثله

في وحدتي والحزن بي كالموج يغرق مركبي
والعين تحكي قصتي ما حل بي

قد زال احساس الامان
وخسرت مع خوفي الرهان
قد ذبت في يأسي و ضعت بلا مكان

اضحيت في دربي وحيد انا لم اكن هذا اريد
وكذبت حين مقولتي اني سعيد

ضل مركز ويه الاغنيه و اني عيوني معلكه بيه كملت و سد التلفون كتله

:-اني وياك راح ابقى للابد مستحيل تكون وحيد

ابتسم نص ابتسامه كالل

:- لا تعلگينني بيج كلشي احبه و اتعلق بي اخسره
:-شخسرت

:-امي ابوي خسرت روحي هواي اشياء خسرتهه بليله و يوم من جنت طفل خسرت كرامتتي
ابتسم و جر حسره احسهه شكت صدره كتله

:-ليش تحجي هيج كأنما اني ماكو راح اوكف وياك دوم. اي شي بنفسك تحجي اني موجوده لا تضن بيوم امل اسمع منك حتلو سافرت و رحت بعيد منا بس ما راح اعوفك و نضل دوم نحجي سوه

:-اذا يوم تخربطت و اذيتج بدون ما ادري بروحي راح تعوففيني

:-مستحيل راح اصيرلك ملاذ بدل ما اعوفك اعالجك

:-سنين تعالجت بس ما يفيد
:-من شنوو

ضل صافن على المكان الكدامنه ما حجه شي دار وجهه عليه وابتسم كال

:-كومي كافي صارت بارده لا تتمرضين
:-خل نكمل حجي

:-جؤ كومي بارده تتمرضين و تضلين تغلطين عليه انت مصخنه واروح اكتلج

:-ههه لا ما تكتلني
:-الوي اذنج

:-من اسوي مكسوره هسه ما مسويه
:-ههه اي يله بويه فوتي جوه

فتنه ثنينه جوه هو راح بلغرفته و اني رحت لغرفتي اتذكر بكلامه فرحت شويه لان احس بده يحجيلي اشياء

تخصه يارب يجي اليوم الي اعرف بي كلشي
تمددت بمكاني و شلت التلفون دزيت رساله ل برق مفتقدتهه

°°°°°°°°°
:-مرحبا اليوم ماكو
شويه وردت عليه

:-مراحب موجوده بس جنت انضف بالبيت هسه كملت انت شجاي تسوين

:-مجاي اسوي شي متمدده
ضلينه نحجي لحد ما كتلهه

:-كمليلي القصه
بدت تحجي تكملة القصه

°°°°°°°°°°
مـُــهرة ايوب

_مُــــــهره

اعمامي من وحدهم قررو انيي لازم اتزوج بس لحد الان ما شفت ايوب اجو جابو النيشان ما مصدكه احس كلشي

جذب ما اريد اتزوج عفت كل الناس رحت تزوجت من عمامي و بعدني طفله مو حمل زواج بس ما جان باليد

حيله اخوي حيدر ملتهي بحياته اخواتي و اخواني من امي بعمري ما حاجيه وياهم و لا عندي بيهم علاقه بس

واحد منهم مرات اشوفه يسلم عليه بس. ما تربطنه بيهم علاقه من اني و طفله ربتني بيبي اول ما توفه ابويه امي

راحت تزوجت و عافتنه اني و حيدر عليهه اعمامي ما رادونه و امي قررت تعيش حياتهه بس بيبي اختارت

تكمل حياتهه و هي تربي جهال بتهه بسرعه بسرعه قررو العرس من كيفهم حتى محد منهم اجه و سألني اذا

موافقه لو لا بيوم عرسي يله بينت امي و اجت حالهه حال الغرب باركتلي جنت كاعده على كرسي حديد جان

بوكت عرسي ماكو منه و صديقات بيبي و نسوان ما اعرفهن حاضرات و يغنن اغاني شعبيه و هوسات شويه و

كالو اجه العريس جانوا جايبين شيخ وياهم عقدنه بيوم العرس جان بس عقد سيد

كل الي اعرفه العرس انتقل من بيت لبيت ثاني ما جنت مفكره بالي يصير بالحياه الجايه

بالمسوؤليه بالاطفال هواي اشياء ما فكرت بيهه
زفوني و بيبي راحت وياي الهم نكدر نكول زفوني لبيت الجحيم طول الطريق ارجف خايفه

من الحياه الجايه يعني خلاص هذا رجلي الكاعد يمي
ما لازم ابقى مُهره المدلله راح اعيش بذاك البيت يلي كل

شي يهتموله حلالهم معقوله راح اصير حالي من حالهم و اطلع وياهم للحلال جنت خايفه بشكل شويه وحسيت

ايوب لزم ايدي خلاهه بنص ايده جنت طفله ايدي بعدهه صغيره و هو اكبر مني بعشر سنوات رفعت راسي

شفته اسمراني صاحب شارب شعره مزينه و لابس عسكري

دنكت راسي و وصلنه للبيت الاهازيج و الموسيقى صارت اصواتهه عاليه

زفونه فتت للغرفه و الخوف امتلك كلبي من شفته فات و بس اني وياه بقينه بالغرفه جابوا العشه و تعشينه ثنينه ساكتين شويه وكال

:-مُهره تصلين
:-ما متوضيه

طبع من الغرفه شويه و فات بيده طشت صغير و ككلي ستيل جان بوكته نستخدمه خلاه كدامي كال

:-توضي

اول شي غسلت وجهي لان تارسات عيوني كحله غسلت كل المكياج البوجهي و توضيت شالهن و طلع بره شويه و

رجع فتح الكنتور طلعلي ازار صلاه ووكف كدامي يصلي وكفت وراه و كملنه صلاه

تم زواجنه كَ اي زواج عادي جان شخص هادء بشكل اسلوبه و شخصيته و شكله كلش هادء نمنه ثاني يوم

كعدونه من الصبح سبحت و جابلي فستان ابيض لبسته و خليت حجاب خللي مكياج و بدت النسوان تجي للعصر

تعبت كلهه راحت ردت انام و فاتت مرة اخو ايوب للغرفه اسمهه زهره كالت

:-مثل امج راح تفترين على ابنه و تموتينه
ردت ارد عليهه اجانه صوت ايوب من الباب كالهه

:-مو هنه بيدهن ورقه يكتبن هذا لازم يموت يعني يموت
رادت تحجي قاطعهه كالها

:-طلعي بره لا تحتكين ب مُهره
طلعت و هو فات للغرفه كال

:-طلعيلي ملابس اريد اسبح
كعد على الجربايه و اني رحت اطلعله ملابس كال

:-اي وحده تحجي لا تردين عليهه كليلي و اني اسكتهن منج

حركتله راسي ب معمى اي انطييته الملابس و مشه رجع باوعلي شال المنشفه و انطانيهه كال

:-تعاي اوكفي ب باب الحمام انتضريني و ضلي لازمتهه اي واحد يفوت لو يحاجيج لو يصيح الج كليله منتضره زوجي

اخذتهه منه و مشيت وره صدك بقيت واكفه شويه و اجت طفله تحجي مكسر كالتلي

:-مهووه يثيحوج
ابتسمت على كلامهه كتلهه

:-منوو
:-امج لاح تلوح

كتلهه هسه اجي

اعرف تقصد على بيبيتي اريدهه تبقى يمي ما متعوده ابقى وحدي بدونهه دكيت الباب على ايوب كال

:-هاا
:-اكلك بيبي راح تروح خلي اروحلها

:-كملت انتضريني نروح سوه بقيت واكفه بس كمل اخذ المنشفه بسرعه طلع و رحنه سوه سلمت على بيبي بقيت

ابجي عليهه و ايوب لزم اييدي واكف بصفي حجه بصوت ناصي

:-لا تبجينن مُهره جا شلون تضل يمج دوم

راحت بيبي و من هنا بددت حياتي الجديده
.................
مــــــلاذ

جانت تسأل بأمها و تحجيلي عن قصتهم
هواي استمتع وياهه كتبتلي

:-يله باي نحجي غير وقت
:-باي

سديت التلفون و طلعت بره دكيت باب الغرفه مالت صعب ماكو صوت فتحت الباب بهدوء باوعت للغرفه

فارغه محد بيهه رحت للاستقبال ماكو احد دورته بالمطبخ دكيت باب الغرفه الاخيره ماله صوت رجعت

باوعت للتخم السويج ماكو يمكن طالع رجعت اخذت تلفوني من الغرفه و اجيت بلاستقبال صارت كدامي

الحبوب الي يشرب منهه الصعب كمت اخذتهه و كتبت اسمهه بالكوكل بحثت عنهه اريد اعرف معناهه انصدمت من المكتوب جانت حبوب..........

.
.
.
.
.
.
.
.
.

.
.
.للحكايه بقيه

كلانا كتف للاخر♥
♪الوريد