رواية أنتقام الصفحه 27 (ترميم) الفصل الرابع وأربعون 44 - بقلم خـلود الـ محسن

صوتوا للبارت وعلقوا على الفقرات

 
فاتت سيارة بسرعة البرق سمعت واحد صاح غمار بصوت عالي

ثارت منهه طلقتين و صعب طاح بالكاع متغطي بالدم....
فتحت الباب بقوتة و طلعت اركض صعب بنص الشارع سحبتة علية خليت راسة بحضني اصرخ بصوت عالي

:-صصعععبب صصععبب

اتلفت بالشارع محد اكو طلعت امي من الباب تركض
:-ييمةةة ووللليددديي

:-صصععب يمةة صععب ششوففيي

اضرب على وجهه ادية ترجف ما مستوعبة شجاي اشوف
:-صصععبب اكعد فدوة اكععد

جان فاتح عيونة كوة يباوعلي بس ما يسوي اي حركة بدت عيونة تنسد شوية شوية و اني وامي نصرخ تريد تسحبة مني حاضنة وجهه لصدري مااخلي امي تاخذة من ادية

خليت ايدي على جتفة الدم ينزل بغزارة
امسح بي بيدي وامسح ايدي بملابسي

:-يمةةةة فدوة سويي شيي
يمةة صعبيي راح يموت

كامت تركض تدك باب جيرانة واني متربعة بشارع و صعب بحضني صوتي تجرح واني اصرخ اريد احد يطلع من شفت الدم ما ينكطع نزعت شالي لفيتة على جتفة الفة و يوكع ادية ترجف مااسيطر اشدة على ايدة

:-صصععب ااكعد شبيك اكعدد
خلي اشد اييدك كككوومم

انده بي اريدة يكعد كل تفكيري هو لازم يكوم
لفيت الشال على جتفة
باوعت على بطنة هم تنزف
خليت ايدي على مكان الدم امسح بي

اجت امي تركض وياهه ولد جيرانة
بقى واكف بمكانة مصدوم درت وجهي علية صحت بصوت عالي

:-ششبييكك واكفف ما تشووف انت
خلي نااخذة فدوة

كعد بالكاع شاله من بين ادية بقيت لازمة اصابعة عاصرتهن بيدي
اخاف ايدة تفلت مني و امي ساعدت الولد
كوة وصلوة للسيارة

صعدت يمة و امي صعدت كدام يم الولد صاح
:-السويج وين؟

خليت راس صعب على الكشن بدون ما احجي  نزلت بسرعة ادور علية بالكاع اتلمس بيهه ضلام و بس ضوة السيارة متأكدة  شفتة بأيدة من طلع بس ما ادري وين راح لكيتة بالكاع صاير بي اثر دم

اخذتة وصعدت بسرعة مسحتة بملابسي و انطيتة للولد رفعت راس صعب وخليتة بحضني

دنكت راسي على كصتة دموعي تنزل على وجهه جريت نفس اشم شعرة حجيت بهمس بيني وبينة

:- بابا اكعد اموت بدونك والله
شوف شوفف باوعلي اني طالعة بدون حجاب
اكعد مو ما تقبل

-كوم ياروح ملاذ شلون اعيش بلياك

كلت هيج و شهكاتي صارت عالية سمعت امي تبجي بصوت عالي

:-خوية كافي ما يصلح ان شاء الله ما بي شي

باوعت علية وجهه صار اصفر وشفايفة بيض
ايدة نزلت من جسمة رفعت ايدي بسرعة لزمت ايدة سحبتهه علية جسمة بدة يبرد عصرتهه بيدي بقوة رفعت ايدي الثاني اتلمس بوجهه

:-اكعد مابيك شي كوووم ييله كوووم

رُفيدة ببجي:-مملااذ كاافي ملااذذ

:-ييمة خلي يكعد شوفي جذااب مابي شي
يمةة برد جسمة ببرررد

دارت علية اخذت ايدة بين اديهه تمرغ بيهه
:-يمة اابنيي يمةة وليدي

خالة استعجل فدوة
:-يمة شبي ليش ما يحجي خلي يحججي

دنكت راسي علية ساكتة بس اتنفس بعطرة اريد اشبع منة

ما طول ووصلنة لان جان الطريق فارغ و دنيا ليل
كبل نزل الولد على الاسعافات من عرفوا بحالة صعب بسرعة اخذو

اني وامي وياهم طول الطريق لازمة ايدة بقوة وصلنة كدام غرفة العناية المركزة ضليت عاصرة ايدة بيدي بقوة ما اريد افلتهه  رادو يدخلونة للغرفة كال واحد من الممرضين

:-عوفي ايدة

:-لا لاتاخذة مني

اجت امي يمي فلتت ايدي من ايدة من خوفي
علية بقيت اصرخ

:-يييمةة خلي لاياخذوونة يموتنو جذاابين ذووول

اخذتني بحضنة لان واحد اشر الها لازم هدوء بهل مكان
:-كافي هسة يكوم مابي شي

نزلت بالكاع كعدت وياي وهي حاضنتني
:-يمة شفت بعيني شلون طاح بالكاع يمةة سد عيونة واني اباوعلة ماحجة شي ويايي

:-اشش اشش كافي

اجة دكتور صاح على امي وخرتني من حضنهه امسح بدموعي بثنين ادية واباوعلة اريد اسمعه شيكول
وكفت كدامة كالهه

:-تتحملون تكاليف العملية؟

:-اي أي شي تطلبونة حاضرين بس دخلوة

:-لازم يتم الدفع قبل لاتكمل العملية لان حالتة حرجة مايصير يتأخر اكثر من هيج

حجيت واني اناشغ
:-هسة بس دخلوة يموت والله يموت شتردون حاضرين

حرك راسة بمعنى اي
باوع لامي سألهه

:-شيصير منج؟

:-ابني

:-تتحملون المسؤولية عن اي شي يصير اله

:-اي اي

قدملهه دفتر
:-وقعوا علية

وقعت علية وهي اديهه ترجف

فات جوة وامي كعدت يمي باوعتلهه روحي نبهتت من كلام الدكتور

:-شوفي هو كالي هوو والله راح يرجع هو كال ماراح اعوفج حتى راح لاعمامة علمودي بس همة كتلوة

خلت ايدهه على حلكي تسكتني
:-كافي يمة كافي هسة يصير زين

:-هو ما يعوفني هو كالي

كامت من يمي تبجي
زحفت ليورة ارتكي على الحايط مشبثة
نضري على باب الغرفة رفعت راسي اقرة المكتوب

:-غرفة العناية المركزه

گلبي نعصر واني اتخيلة جوة شفت امي
تخابر ما اعرف بمنو اجت يمي لزمت ايدي

:-ملاذ كومي لاتكعدين بالكاع

حركتلهه راسي برفض
:-يمة هسة يكعد كومي

:-جا ليش تبجين يعني صعب بي شي

ماحجت شي كعدت بصفي سحبتني لحضنهه دموعي تجوي بخدي نار بية واني اذكر شلون طاح كدام عيني

:-ملاذ لازم ارجع لللبيت اجيب فلوس تضلين وحدج هنا

:-اي

وخرت من حضنهه و هي كامت وية الولد خلت تلفونهه بيدي

:-ملاذ اعتمد عليج لاتضعفين محد لصعب غيرج هنا اني ما اتأخر هذا التلفون خلي يمج خاف شهاب يخابرج لاتخوفينة راح يجي

حركت راسي بمعنى اي اسمعهه شتحجي بس بالي كلة يم صعب

طلعت و اني بقيت كاعدة صافنة على الباب دخلوة للعمليات بشرط الفلوس توصل قبل لا تكمل العملية

حضنت روحي اجتاحني الخوف كلمة الدكتور
تردد بأذني حالتة خطرة

:-يارب والله تعذب بحياتة هواي كافي تعذبة يارب اختبارك صعب

بقيت على كعدتي طلع نفس الدكتور من الغرفة باوعلي اريد اعين روحي مااكدر رجلية بايدة

:-شتصيرين من المريض؟

ركيت نفسي على ايدي و كمت بسرعة
:-ز..ززوجتة ااني

:-شوكت الدفع؟

:-امي راح تجي هسة

:-منكدر نباشر بأكثر من السويناة  لحد ما يتم الدفع
:-والله راح تجي

:-اعتذر مااكدر حاولوا تستعجلون حالتة جداََ خطرة
وصاير نزيف داخل بطنة
واحتمال كبير الطحال متمزق

:-يعني شنو دكتور

:-ادعولة وحاولو تستعجلون

راد يروح بس مو للغرفة الي بيهه صعب من حلاة روحي و خوفي لزمت جف ايدة و دموعي تنزل حجيت واني اترجة بي

:-فدوة سوي شي فدوة لاتخلي يموت شتطلب احنة حاضرين والله هسة تجي امي عبالك نجذب هسة اذا تريد اشوفك جنسيتة هو محامي و عندة فلوس خاف عبالك احنة ما ننطي

سحب ايدة مني متحسف
:-بابا مااكدر اني المسؤول اذا انسحبتوا مااكدر اتحمل مسؤولية

:-وداعة امي ما ننسحب فدوة دكتور احسبة ابنك امي تموت وراه والله

:-شكد تتأخرون؟

:-نص ساعة والله مو اكثر

:-هواي

كلامة خلاني اصيح بدون وعيي
:-يعننني شنو هوااي شنوو يموت احححسنن انت تكول الوكت مووو بصالحنةة ما راح تخسسر شيي

:-صوتج؟

سحبت نفس اهدي بروحي
مسحت دموعي اباوعلة بأسف

:-اسفة اني اسفة بس شوف دكتور شوف انا حامل هذا اول طفل النة صار سنين متزوجيين ماصار عدنة اطفال ليش تيتم ابني گبل لا يجي للدنيا وما اتخلي ابوة يتهنة بشوفتة فدوة اروحلك ساعدنة

حجيت هيج اريد اقنعة
باوعلي بتأسف

:-راح اجازف

:-شكرا شكرا الله يخليك

حرك راسة بمعني اي ورجع فات للغرفة اجو وياه ممرضين رجعت ركيت نفسي على الحايط اقوي روحي
شوية و اجت امي تركض

وصلت يمي لزمت ايدي
:-ها يمة شسويتي؟

:-دفعت كلشي و انطوهم خبر شصار

قربت منهه ضميت راسي بصدرهه اناشغ
:-يمة حالتة خطرة

:-ادعي ربج لاتيأسين

خلت حجاب على راسي جايبتة وياهه
كعدت بالكاع خليت راسي بين رجلية ادعي
واسمع امي تردد دعاء بصوت عالي من اسمع صوتهه دموعي تنزل

مر هواي وقت ومحد طلع من الغرفة كل شوية شهاب يتصل على امي لحد ما سمعت تلفون امي اشتغل بي ألاذان

رفعت راسي صافنة على الغرفة و حواسي كلهه يم صوت الاذان

:-تصلين؟

:-مااكدر ملابسي كلهه دم

:-كومي غغسلي اديج وملابسج

:-من يكعد

:-كومي يمة كومي لاتشلعون بگلبي

:-ماريد هو يكعد واغسل

راحت للمغاسل بعد ما ملت مني خليت ايدي اتلمس بالدم بملابسي عصرت عيوني مااريد اذكر شصار

:-يارب لاتفجعني بي يارب

مر اكثر من ثلث ساعات و ماكو خبر امي فرشت شال تصلي علية بدت الناس تجي للمستشفى شفت تلفون امي يتصل شفته شهاب رديت علية سمعت صوتة يلهث صاح

:-ها خالة يارقم الغرفة

:-شهاب وين انت

:-ملاذ وينكم انتم خالتي وين راحت

:-تعال يم غرفة العناية رقمهه ……

سد التلفون بدون ما يحجي ضليت اباوع لبداية الممر منتضرة شهاب يجي شفتة من بعيد كمت من مكاني اول ما وصل باوعلي بخوف لان الدم تارس ملابسي عيونة حمر و وارمة من كد البجي

:-هااا ملااذ محد طلع؟

حركت راسي بمعنى لا و دموعي نزلت

:-ش..شهاب هواي تأذة طلع منة دم راح يموت راح صعب

قرب يمي خلة راسي على صدرة
:-ااشش اشش لاتحجين هيج مابي شي اخوي سبع هسة يطلع منهه

مسحت دموعي شهاب باس راسي و ابتعد عني

بقى  يفتر بصفي يطكطك باصابع ايدة
امي كملت صلاة وكامت سلمت على شهاب شوية وفات عمو هادي بس شفتة مدري شصار بية ذبيت روحي بحضنة اناشغ

:-عموو هوو مو ابنك كله يكعد عليك الله

كعد بالكاع حاضني خلة ايدة على عيونة يبجي بصوت عالي وشهاب دار ضهرة النه مخلي گصتة على الحايط و مدنك صوت شهگاتة وصلت لمسامعي  وامي واكفة يم باب الغرفة صوت بجيهم يخوفني اكثر

:-كافي بوية كافي شوفي شصاير بحالج كومي وياي
رفع ايدة يمسح بوجهي

:-يلة كومي ادعيلة بدل ما تبجين

:-عمو شفتة بعيني طاح ودمة ترس الكاع جسمة صار بارد وهو بدية

:-اشش هسة يطلع الدكتور و يكول ما بي شي

:-م..محد طلع عمو ضربوا طلقتين يصير زين موو

حركلي راسة بمعنى اي بس واضح علية شكد خايف سكت شوية و كال

:-عمو ملاذ صعب حجالج شي كبل لايروح؟

باوعت لشهاب اشرلي براسة بمعنى لاتحجين
بلعت ريكي متوترة ما ادري اذا صعب يقبل احجي لو لا

شهاب:-بوية ملاذ تعبانة خليهه ترتاح بعدين اسألهه

كام من يمي و امي اجت كومتني يمهه ضلينة واكفين نفتح باب الغرفة كلهم ركضوا للباب اله اني احس رجلية وكفت ما تعيني سمعت الدكتور كال الهم

:-سوينة العلينة والباقي على الله

بعدة يحجي احس شي سحب روحي فقدت توازني وطحت بالكاع ما ادري شصار وراهه اخر شي سمعت هوسة يمي و بعدهه اختفى صوتهم

فتحت عيني بس اني بالغرفة اتلفت محد اكو رفعت ايدي مشكليلي مغذي تذكرت صعب كمت مفزوعة من مكاني صحت اريد احد يجي

:-ييمةة ويينج

فلتت المغذي من ايدي و كمت فتحت الباب محد من اهلي موجود مااندل وين اروح اريد اشوف صعب مشيت بالممر مثل المخبلة الناس تفوت و تباوع علية باستغراب وكفت بنص الممر حايرة وين اروح ايدي تنزف و ملابسي متغيرة سمعت صوت شهاب وراي

:-ملااذ

درت وجهي علية اباوعلة اخاف اسمع منة حجاية تكسرني اخاف اسأله

:-صعب !

:-زين زين تعاي

:-وووينة اخذني اله

اجة يمي طلع كلنس من جيبة خلاة على ايدي

:-ايدج ليش هيج تسوين

رفعت راسي اباوعلة
:-ششهااب احجي صعب كعد؟

:-لا

:-شكد صارر شكد احجي

:-تعاي نروح جوة العالم تباوعلنة

:-وين اخذني الة

مشة كدامي واني امشي وراة الف فكرة و فكرة اجت براسي

صحت علية و صوتي ماليتة العبرة خفت لان ما يجاوب دار وجهه علية
:-اخذج الة؟

:-اي اي

فتنة لممر ثاني نفسة الي بي غرفة صعب اول ما دخلنة اله ركضت كدام شهاب اريد اوصل لصعب محد كدام الغرفة

دب الخوف بداخلي واني اشوف المكان فارغ وصلت للغرفة باوعت من الجام الي بالباب فارغة وكفت احس روحي ضايعة ادية ترجف ردت شي استند علية شهاب يمشي بأتجاهي من شافني لزمت الحايط و صرخت بصوت عالي

:-وووويننننةةة ووينن صعب وووينةة

ركض بسرعة وصل يمي يسكت بية
:-ولج والله موجود اشش اني اخذج اله لا تصررخين ااشش

:-وووينة جان هنا انني شفتة هنا وين اخذتووا

:-بغير غرفة تعاي

لزم ايدي و مشة كدامي تعدة الغرفة و اخذني لنهاية  الممر اخر غرفة فتح الباب فتت وراة باوعت امي مطيتني ضهرهه وكاعدة على كرسي كدام صعب و عمو هادي كدامي مجتف ادية يباوعلة عيونة دم من

فتت ثنينهم التفتوا الية عفت شهاب و رحت بسرعة كدام السرير

الغطة لنص جسمة بطنة ملفوفة لحد صدرة و ايدة كذلك وجهه اصفر عبالك ما بي دم وعيونة مغمضهن وجواهن سواد فضيع عبالك مابي روح

بلعت ريكي و حجيت بخوف
:-شبي؟

:-ماكو شي بوية ننتضرة يكعد

:-صار شكد من خلصت عمليتة !

محد رد علية مشيت وروحي تتسابق وية خطواتي  وكفت بصف امي قريب من راسة كعدت بالكاع ورفعت نفسي على ركبي خلييت راسي على جتفة بالجهه الثانية من الضربة

:-ليش ما تكعد صعب اكعد مشتاقة لصوتك كوم

باوعت لعمي دنك راسة يبجي
:-عمو ليش تبجي راح يصير زين هو ما يعوفني

:-اي عمو كومي حبيبتي كومي ارتاحي انت تعبانة

:-لا لا ماريد اضل يمة علمود من يكعد يشوفني

دار للجهه الثانية ودنك راسة يمسح بوجهه كام يبجي بصوت عالي بسرعة طلع وشهاب طلع وراة ابااوع لامي دموعهه مغطية وجهه

:-يمة شبي صعب

:-ما بي شي

:-ييمة فدوة كولي شبي

:-ادعيلة يصحة ادعي ملاذ

رفعت راسي عليهه احس ريگي ناشف من الخوف
:-شبي احجيلي لاتموتوني بسكتتكم

حجت وهي تبجي
:-ملاذ صعب اذا ماكعد لمدة ثمن ساعات يدخل غيبوبة محد يعرف وراهه شيصير

رجف گلبي اريد الحجاية تطلع مني ماكدر
:-شكد خلص وكت؟

:-ساعتين

درت اباوعلة مايحرك اي شي من جسمة رفعت ايدة علية ابوس بيهه

:-راح تكعد اعرفك

كمت من مكاني كعدت على طرف السرير امي عافتني وطلعت احس روحي ضايعة بدونة ماعرف شسوي

سحبت ايدة بست باطنهه خليتهه على وجهي ودموعي تنزل

:-ياروح ملاذ لاتعوفني يتيمة ولكيت عيون ابويه بيك لاتيتمني مرتين اموت بلياك انة

نزلتهه من وجهي خليت ايدي على خدة
:-صعب اكعد اني يايوم احاجيك وما ترد كوم شبيك كوم شوف اني مريضة اكعد منو ينطيني علاج شعري منو يمشطة

بقيت اتلمس ببطنة ما اكدر انسى شلون طاح شلون الدم ينزف منة رفعت رجلية حضنتهم لصدري خليت راسي بينهم ابجي بصوت ناصي

:-صعب اكعد اضافري طوال يلة منو يگصهن اكعد اني نعست بحضن منو انام

رجعت اباوعلة واني ساكتة بس دموعي تنزل سمعت الباب نفتح بقيت على كعدتي سمعت صوت بنية

:-حبيبتي

درت وجهي عليهه ممرضة واكفة ومخلية اديهه بجيوبهه
:-لازم تطلعين صار الكم هواي جوة

:-بس اني ما احجي شي والله

:-لا عمـري ما يصير اسفة لازم تطلعين

:-بس اني اريد اضل يمة شوفي والله اكعد هناك وماحجي شي بس خلي اضل اريد يشوفني من يكعد

قربت مني لزمت ايدي و ابتسمت
:-ياحبيبتي مقدرة وضعج  بس هسة ميصير تبقين يمة كومي انت مو تردينة يصير زين

:-اي بس اني مااحجي وهو يصير زين حبابة

:-لا ياحبيبتي موزين علية يلة علمود بس يكعد انت اول وحدة اصيحهه

حركت راسي بمعنى اي كمت وهي لازمة ايدي
:-زوجج مو

:-اي

:-ان شاء الله يكوم بسلامة

:-اكلج هو شكد ويكعد يعني عادي اذا صار اله ساعتين

:-ان شاء الله يكعد انت بس ادعيلة

طلعت برة امي و عمو كاعدين على كراسي الانتضار وشهاب مخلي ادية ورة ضهرة ورافع راسة على الحايط يضرب بي بخفة

وكفت قريبة من شهاب بقى مغمض عيونة كال
:-ملاذ شلون صار هيج؟

باوعتلة يحجي بدون ما يباوعلي
:-شهاب انت تدري صعب راح لعمامكم

باوعلي و حضن ادية لصدرة
:-اي

:-اي همه ماكو غيرهم

:-احجيلي شلون؟

:-من وصلنة بس طلع من الباب اني جنت واكفة اباوعلة فاتت سيارة بسرعة واحد صاح غمار بصوت عالي وصعب دار وجهه عليية و رموة طلقتين بس

:-بس شنو؟

:-صعب محد يعرفة بهذا الاسم غير الاشوح

:-يعني تقصدين مو عمامي؟

:-ما ادري شهاب مادري خلي يكعد مو وكت هل حجي

:-بس يكعد يصير خير

اجة عمو يمي كال
:-ملاذ بابا روحي للبيت ارتاحي شوفي حالج شصاير بي

:-لا لا ماروح يكعد و ما يشوفني

:-بس يكعد انة اجيبج بيدي

:-لا لا

باوعت لامي
:-ماريد اروح كليلة ابقى

شهاب:-عوفهه يابة اني اكلك ما ترجع

سكت و رجع كعد بمكانة
كل شوي واحد يفوت للغرفة ويطلعون بدون حجي
كل ما يمر وقت افقد الامل بس اقنع بروحي ماكو شي

اربع ساعات خلصت امي بس تدعي و شهاب واكف ماكعد ابد عمي يفتر ساعة يحجي وياي ساعة يهدي بينة ساعة يبجي جانت الممرضة جوة طلعت والابتسامة مالية وجهه طفرت اول وحدة يمهه

:-ككعد موو ككعد صح

:-اي اييي الحمد لله

الضحكة ملت وجهي اريد اسكت ماكدر درت وجهي عليهم امي هلهلت وعمو هادي رفع ادية يتشكر رب العالمين شهاب من حماسة لزم جتفي يهز بية

:-لللجج ملااذ كعععدد ككععددد

واني اصيح
:-اااايي والعباس كععد

جسمي كلة ينتفض من الفرحة باوعت للممرضة كوة اجر انفاسي

:-عفففية خل نشوفة

:-انتضروا دقايق يشوفة الدكتور وراهه نشوف اذا تكدرون تفوتون

طلعت واحنة واكفين يم الباب نباوع فات الدكتور ما طول هواية و طلع

:-الحمد لله عدة مرحلة الخطر بس حالتة الصحية كلش تعبانة يحتاج وقت حتى يسترد عافيتة

شهاب:-نكدر نشوفة؟

:-خلوة يرتاح اذا احد بجة يمه او حجيتوا بصوت عالي مو زين علية انتضروا كم ساعة بين ما يتحسن

راح الدكتور واحنة بس نفتر محد من عدنة كعد كوة اقتنعوا نشوفة فاتوا امي و عمو سوة ميصير كلنة خاف تصير هوسة واني وشهاب بعدين نفوت رفعت رجلية اباوع من الشباك عليهم

شهاب:-صبر صبر

:-ما اكدر هسة ليش ماخلوني افوت بالبداية

:-هسة شوية و تفوتين لاحكة

بقيت احوس عشر دقايق ما طولوا و طلعوا فتنة اني و شهاب يمشي كدامي احس روحي تركض گبل رجلية

باوعتلة من بعيد كوة فاتح عينة ومخلي ايدة على بطنة
شهاب وكف من جهه واني بالجهه الثانية كوة رفع عيونة يباوع علينة

شهاب:-ولا عرفتك شني هي طلقة شضاربيك هاوون دكوم تفيك علينة وانة اكول صعب نجر

حجة وهو يجر الحجاية جر
:-اسكت كلب

ضحك شهاب ورجع خطوتين ليورا
:-يلة عيني انة اترخص

حجة هيج وطلع بقيت واكفة بمكاني ودموعي تنزل اباوعلة وهو يباوعلي بتعب حجة بصوت ناصي
:-تعاي

تقدمت جسمي يرجف كعدت على طرف السرير  لزمت ايدة امرغ بأصابعة

:-اشتاقيتلك

:-لا تبجين

رفع ايدة على وجهي مسح دموعي بطرف ابهامة
:-ليش تبجين غير هذا اني مابية شي

حجاياتة كوة تطلع حطيت ايدي على حلكة
:-لاتحجي تتعب هيج جاي تتوجع مو

حرك راسة بمعنى لا
:-انام بحضنك؟

ابتسم ابتسامة خفيفة حرك راسة بمعنى اي وخرت ايدي من حلكة و وخرت ايدة تمددت بصفة على طرف الجرباية

:-خاف ماتريد

:-نامي

خليت راسي على ايدة بس رافعة نفسي ماريد اطخة خاف يتأذة بست صدرة سمعت الباب نفتح طفرت بسرعة للكاع اجيت اوكع من التوتر فاتت الممرضة شافتتي و ضحكت

:-عبالي طلعتوا شفت اخوج برة كلت طلعوا

:-ها اي هو ردت اطلع وانتِ اجيتي

:-ههه اي هو بكل الاحوال لازم تطلعين لان المريض يحتاج راحة و لازم ياخذ علاجة

درت وجهي علية مخلي ايدة على بطنة مبين يتألم بس يكابر كدامنة طلعت واني گلبي يمة

شفت شهاب واكف يدخن باوعلي كال
:-ها لزموك وانت النجر

ضحكت و دنكت راسي
:-شنو؟

:-الممرضة سألتني محد اكو جوة انة كتلهه اي

:-اي مو جلب

ضحك و كعد اشرلي اكعد يمة
:-تعاي احجي وياج

كعدت بصفة اباوعلة
:-ها

:-انة ادري بيج تجذبين بس هلمرة لاتجذبين علية

:-شنو شوكت اني مجذبة

:-شوكت؟تذكرين من سألتج على رتيل كتلج عدهه شي وية علي كتيلي لا وانت تدرين عدهه

:-لا ما ادري معلية اني هسة شتريد

:-صعب هم حجالج شي شلون هيج صار انة وهو رحنة سوة و اتفقوا على غير شي

:-هو حجالي كال رحنة واتفقوا يروحلهم و جان الصبح يريد يروح لان عمك خابرة

:-اي

:-والله بس هيج حجالي وحتى كتلة بات بس ما قبل ومن طلع همه ضربوا

:-صاحو غمار لو الصعب؟

:-لا غمار

:-شوفي ابوي لاتحجين يمة اني بينت اله مانعرف شنو الصار خلي صعب يصير زين وراهه نشوف شيصير

:-ما اسكت اني راح احجي لعمو ماريد صعب يتأذة اكثر

:-دير بالج ملاذ لاتحجين ابد اذا ابوي عرف بالموضوع راح تصير سالفة جبيرة و يعرفون بصعب عايش وراح يحاولون يكتلوة حياتة مهددة حاليا بس اذا سكتنة ع الموضوع و صعب اختفى فترة راح يبين الهم هو مات لو نسحب ومحد راح يتعرض الة

:-منو يكول

:-فكري بيهه صعب صار الة سنين عايش واحد گرب صوبة لا بس من عرفوا بي شفتي شنو الصار اذا رجع اختفى راح نحافظ علية

:-شهاب

:-ها

:-شوف هو صعب مو كال بعد ما يسوي شي يعني بعد الصار راح يبقى على كلامة

كور ايدة و ضرب على رجلة جر حسرة كال
:-ما ادري بس صعب مستحيل يسكت بعد هل سالفة
يكوم بالسلامة ونحجي بهل مواضيع هسة كومي

:-وين؟

:-لبيتكم بعد مانكدر نرجع السالفة صارت بالمنطقة و كلهه عرفت الصعب شغلة ثانية مكانكم نعرف

:-وهسة اني شسوي

:-ناخذ غراضكم من البيت ونروح لشقة صعب الي هنا ببغداد

رحت وراة امي و عمو بقو بالمستشفى وصلنة اخذت اغراضنة ملابس والشغلات النحتاجهه شلت دبة الغاز حسيت بطني وجعتني رفعت نفسي شي طك بضهري عفتهه وباوعت لشهاب واكف يدخن

:-هيو انت ماتشوف تعال شيلهه هو اني وين اكدر

:-جا ما كتيلي من البداية

:-غير شفتني وغلست

اخذهه وطلع يدردم علية كملنة كلشي بدلت ملابسي وطلعت شهاب منتضرني صعدنة سوة

كل شوي اخابر امي صعب نايم بعد ما انطوة العلاج اتصل تلفون شهاب جان مخلية على الجكمجة قريت الاسم عرفتهه بينات

:-الو ها حبيبي.....اي عيني انة ببغداد ان شاء الله اكمل وارجع......لا ياعيني لا اليوم مااكدر

بقى ساكت هواي يسمعلها ضرب على الستيرن بقوة وصاح

:-ياااعينني شغل مهم يابنات لخاطر ربج ……بينات بيننناتت صععب مريض مااكدر اعوفة…يصير خير انة ضال ببغداد مثلا
سد الخط و شمر التلفون على الدشبول

بقيت ساكتة و هو ينافخ و يستغفر
:-انة بيش ورطت روحي بيشش

:-ليش شكو

:-ما شايف مرة تغار من ولد هسة فهمنة الحب غيرة بس مو تغار من اخوي

:-عادي من حبهه الك

:-اله صعب اله صعب لاتجيب روحهه يمة

:-خطية شبيك وياهه

:-اسكتي ملاذ اسكتي لو تدري انة يمج هسة صدك تكرهني بعيشتي انة حاير من نتزوج شلون لو ادري ضال احبهه و متعلعل ولا خاطبهه

:-يا شبيك هسة مو زين تغار

:-وللج اكلهه انة يم علي تعرس علية ارجع ما ارجع حتى علي كام يمشي و يصيح شهاب يمشي بشور مرتة عوفج من علي اكلهه يم صعب تكلي هذا شوكت يعوفنة بحالنه

:-ميخالف

:-تعبتني والله تعبتني

:-تحملهه

:-لو ما احبهه اطلكهه من ثاني يوم بس بنت الكلب احبهه

:-يا لاتغلط عليهه

:-مو انة اذا احب احد اغلط علية دليل على حبي الة

كال هيج وسحب تلفونة فتحة واتصل وخرة من اذنة و باوعلي

:-رفضتة الجلبة

:-هههه تستاهل غير صيحت عليهه

رجع اتصل مرة ثانية فتخت خط كالهه
:-يـروحي مو قصدي اصيح عليج بس انة مشغول…انة بس اجي ارضيج ولا يهمج وعيونج مو قصدي عليج
انة اصيح على روحي شمالني

ضل ساعة يقنع بيهه ضحكت واني اتذكر صعب من نتعارك بعز عركتنة نرجع واحد يحن على الثاني

وصلنة للشقة اني وياه رتبنة كل الاغراض تأخرنة كلش شفت امي تتصل علية رحت ركض للتلفون
:-هـا يمة صعب شبي

من حجيت هيج شهاب يباوعلي بخوف
:-اسم الله على كيفج هستوة كعد مابي شي بس جيبي ملابس الة و جيبلي وياج

:-اي حاضر احنة شوية ونجي هو شلون صار

:-نفس وضعة

سديت التلفون طلعت ملابس لصعب مخليهن بالشقة
:-شهاب يلة نرجع

:-ملاذ ليش ما تضلين بالبيت واجيبلج خالتي تعبتن انة وابوي نضل هناك

:-لا ما اضل بالبيت ودير بالك نوصل وتكلي رجعي

:-ابوي كال والله

:-شهاب والعباس ما اضل تريد انت ضل لو اموت ما اعوفة

طلع كدامي واني امشي وراه اخذ اكل من برة ورحنة للمستشفى بوجهنه

صعب يكعد شوية ويرجع ينام من العلاج ما يكدر يبقى كاعد لليل عمو اجة يحجي وياي

:-ملاذ عمو انت وامج ترجعون للبيت انة وشهاب نضل هنا شوفي امج شلون تعبانة

:-اي هي خل ترجع اني ما ارجع وصعب هنا

:-عمو انت شايفة شصاير بيج روحي بس اليوم ارتاحي وراهه انة اجيبج بيدي

:-لا ماروح

درت وجهي كعدت بالكاع متربعة
رفعت راسي اباوعلهم

:-ما اعوف صعب ابجي والله ابجي هو رجلي لو رجلكم

شهاب طكهه بضحكة
:-لا حگج ببهاي

من شافوا اصراري شهاب قنع امي و عمو يرجعون واني وياه نبقى راحوا واحنة فتنة للغرفة

كعدت على الكرسي رافعة رجلية اباوع لصعب نايم شهاب كعد يكلب بالتلفون كل ما اكلة شتسوي يكول شغل

:-ولج ملاذ ما تنطمرين شوفي الساعة وانت البارحة كلة ما نايمة

:-لا مانعس

لل 2 شهاب نام انتضرنة صعب يكعد بس ما كعد خليت راسي على السرير دايرة وجهي اباوع لصعب

غمضت عيوني مادري شلون خذتني النومة حسيت احد لمسني فتحت عيوني مرعوبة شفت صعب مخلي ايدة على راسي باوعت بالغرفة هدوء شهاب ماكو يمكن طالع برة

:-شلون صرت؟

:-زين

:-اجيبلك شي شوكت كعدت

:-لا…ماصار هواي

:-شتحس متوجع اصيح للدكتور

:-لا رجعي نامي

:-ما نعسانة شسويلك هسة ترجع تنام؟

حرك راسة بمعنى لا

:-تعبان ملاذ جسمي يوجعني كلة

عضيت شفتي الجوة اريد اسيطر على دموعي
:-اصيح للدكتور يسويلك شي

:-لا

يحجي ويعصر بعيونة متأذي
دار وجههه يجر نفسة بقوة يحاول يبين ما بية شي
:-لا تبجين ما بية شي

مستحت عيوني قربت منة
:-اقرالك قرأن؟

:-اي

كعدت بالكاع ورافعة نفسي على ركبي خليت ايدي على شعرة اقرة قرأن ضليت هواي اقرالة لحد ما رجع نام

بقى ثلث ايام وضعيتة هيج يكعد متأذي و يرجع ينام على المسكنات وضعة تعبانة بأعتبار مسوي ثلث عمليات بجتفة و ثنين ببطنة

اني وشهاب ما رجعنة للبيت و عمو وامي يجون من الصبح لليل و يرحون

علي اجة مرتين هو وشهاب يوكفون يحجون سوة على صفحة واني كلشي ما مفتهمه

رابع يوم طلعوا من المستشفى فات شهاب يسحب بعربانة واحنة كلنة واكفين فرحة بداخلي راح يرجع ويانة للبيت احس نقص بدونة

شهاب:-انة مبتلي مبتللي مخلف صعب وناسي

صعب:-احسبني بينات

ضحكوا على شهاب
:-بعدك مريض خوية اصبر لاحك تقصف بية

اجة شهاب كعدة واني لازمة بأيدة ما اعوفهه
ما جان يكدر يتحرك بسبب الضربة الي ببطنة مأثرة على رجلة اليسرة

كعدة على العربانة وباوعلي
:-تعبتج ست ملاذ لازمة بس اضافرة وخري من رخصتج

:-مو زين ساعدتك

كضينة الطريق اني وشهاب نتناكر صعب مالة خلك يحجي كوة يرد علينة

عمو هادي اضطر يرجع لان عايف الشغل كلة على علي و اكو اشياء علي مايكدر يشتغلهه لذلك بس طلع صعب من المستشفى و استقر وضعة عمو رجع للناصرية

صعب نام واني طلعت وية امي ارتب بالبيت طلعت ملابس سبحت وبدلت سوينة عشة سوة حتى شهاب ويانة رحت للغرفة اشوف صعب لكيتة كاعد

:-ها حبيبي محتاج شي؟

:-خلي شهاب ياخذني للحمام اريد اسبح احس روحي وصخ

:-مايصير شلون تسبح

:-حتى لو بس شعري والاكدر علية لعبت روحي احس الدم لليوم بية

:-اجيب الك طشت هنا اسبحك؟

:-ياريت والله

جبت مي وطشت واغرض السبح شايلتهم اريد افوت للغرفة لاكاني شهاب

:-هااا سالمين اغتصبتي اخوي؟

:-انجب شهاب

راد يحجي اتصل تلفونة باوع بالاسم و باوعلي
:-القنبلة راح تنفجر اليوم سمعت صوت امج يمي هسة عبالهه متزوج ببغداد

ضحكت وهو راح فتت للغرفة خليت مخاد ثلاثة بنص الجرباية خليت الطشت وراهم وصعب ارتكى عليهم نزلت راسة غسلت شعرة و رجعت غسلت رجلية وايدة خليت خاولي على شعرة وطلعت الغراض جبت مشط ودهن شعر

:-ماخذة مكاني

:-اي عبالك بس انت تمشطلي

نشفت شعرة ومشطتة گصيت اضافرة رغم مو طوال بس اريد التهي وياة

جابوا العشة بالغرفة على واهس صعب
:-ها يمة صعب تاكل

ركة نفسة على الجرباية
:-لا ما اشتهي

شهاب:-شني صعب مستحي لا تستحي اوكلك بيدي

:-حير بروحك

بقيت كاعدة على الجرباية يم صعب باوعتلي امي
:-نزلي اكلي

:-لا ما اريد ما جوعانة

امي سوت صينية على صفحة
:-صعب اوكلك انة حتى لو شوية

:-لا من اجوع اكلج

شكد لحوا علية قفل ما يقبل ياكل رغم صار الة هواية مماكل اني جنت جوعانة بس من شفتة ما ياكل بطلت
كملوا عشة شلت المواعين اجة شهاب للمطبخ

:-ملاذ روحي يم صعب انة اغسلهن

:-لا هسة اكمل واروح

:-خطية كاعد وحدة و خالة تعبانة خل تنام روحي معليج

:-امي ترزلني اذا تشوفك

:-معليج ماخليهه تشوفني روحي يم صعب

:-اعووضك من تزوج بينات

ضحك واخذ الجلافة مني رحت يم صعب كاعد لازم ايدة جتفة

:-ها شبيك

:-مابية شي

كعدت بصفة ادري بي جاي يتألم واضح من معانية
:-ملاذ جوعان بس اريد انت توكليني

كمت فرحانة جبت عشاة وشهاب بس يدردم اضحك علية كعدت اوكلة اكل شوية انطيتة علاجة  كال

:-تعشي ملاذ

:-بعدين اكل

:-لا اكلي كدامي سوي لفة واكلي اني ايدي ماكدر ارفعهه واسويلج لفة

سويت لروحي وكعدت اكل كملت غسلت ادية وديت لمواعين لشهاب يغسلهن اني اضحك وهو يدردم علينة رجعتة للغرفة حايرة شسوي كعدت اخلي عطور صاح علية

:-تعاي بحضني

فتحلي ايدة تمددت بصفة
:-ملاذ

:-همم

:-ليش رايحة للمستشفى بدون حجاب !

:-هاا

ضليت صافنة منين عرف حتى شهاب ما يدري بية علمود يكلة

:-امم ليش

:-مو انت جنت تنزف واني بقيت حايرة شسوي شديت ايدك بحجابي

:-تحبيني ملاذ

:-شتكول انت

:-ما ادري

غمضت عيني وقربت روحي منة
:-احبك حيلل مو حب عادي احسك جزء من روحي من شفتك وكعت بالكاع احس الدنيا وكفت بعيني عرفت بساعتهه اني وانت روح وحدة

:-تكرهيني لو عفتج

:-مااتخيل اكرهك بس راح اتأذة واني من أتأذة اصير باردة فوك ما تتصور

:-اذا طلعوا عمامي شلون وانة متأكد همه؟

:-مادري اني ماحسب لتصرفاتي وكت هيج شيي

:-زين شوفي انة مو عفت كلشي لاجلج بس انة نغدرت

رفعت ايدي خليتهه على حللكة اريدة يسكت ماريد افكر بشي حگة و مو حگة رغم سامحهم على كلشي و ما طالب الة بحقوقة بس غدروة و من جانب ثاني اني مااكدر بدونة اموت اذا عافني

:-احنة هسة سوة لاتفكر بالبعدين

بقى ساكت شوية وكال
:-مشتهي جكارة ملاذ

:-مو زين عليك هو انت كوة تحجي مو يلة تشرب جكارة

:-حيل مشتهيهه

:-لا ماكو

:-جا انة عندي حل

:-وهو؟

:-اخذ كم رشفة من شفتج تعوضني

رفعت راسي اباوعلة
:-مريض انت عيني

:-انت بوسيني

ابتسمت و خليت ايدي جواي مثبتة روحي بيهه قربت منة خليت وجهي بوجهه ادري بي ما يكدر يتحرك بسرعة رفعت ايدي اتلمس بخدة

:-تريد ابوسك مو؟

:-اممم الخير ومدت ايدة

قربت منة اكثر واني اضحك رفع راسة الي ابتعدت بسرعة قبل ما ابوسة

:-شجاي تسوين ملاذ

:-بكيفي ضجت شنو؟

بقى ساكت صوت انفاسة عالي رجعت قربت منة عيوني بعيونة وصلت قريب لشفتة خليت اصبعي عليهه اتلمسهه صدرة يرتفع و ينزل بلع ريگة واني ابتعدت

:-ملاذ كافي

:-ههههه شسويت اني

:-لا تعلعليني

كمت من يمة فتحت المجر ورثت جكارة و رجعت تمددت بصفة خليتهه بين شفايفة سحب نفس خليت ركبتي قريب منة زفر الدخان ورفع راسة باسني بخفة بيهه نزلت راسي اكثر كال بصوت ناصي

:-مو كدهه لاتفهين و تحركينة

ضحكت و كعدت كدامة متربعة خليت الجكارة بين شفايفي سحبت نفس و زفرتة

:-ملااذ ذبيهه

:-طيبة

:-اطيح حضج وعلي شمريهه يلة

كمت طفيتهه و ذبيتهه بالسلة رجعت يمة
:-انت ليش تصيح لا عبالك مريض واسكت ترا اموتك

:-شو مرغيلي شعري و عود الصبح موتيني

بقيت العب بشعرة لحد ما نام نمت يمة بس بعدت نفسي اخاف اضربة واني نايمة

شوية بدت حركتة تتحسن من فتح خيط العملية ببطنة كام يكدر يكوم وحدة

من تحسن شهاب كال لازم يرجع علمود شغلهم همه الاثنين

بقيت اني اهتم بي أدق تفاصيلة حتى لحيتة اني اسويهه ما يقبل امي تسويلة شي حتى المي مايرد احد يجيبلة الة اني اخر فترة لاحضت علية هواي يستخدم التلفون كعدت على الجرباية امشط واباوعلة يكتب بالتلفون

:-صعب

كال وهو منزل راسة
:-همم

:-وية منو ملتهي

:-شغل

كل ما احجي وياة بموضوع كال شغل

صار بس من يحتاج شي يكلي اغلب شي يحجي وية امي يطلع شوية برة و يرجع للبيت هو وعلي وشهاب كثرت مخابراتهم فتت للغرفة جانوا هو وامي كاعدين باوعولي والصدمة باينة على وجهم

:-شكو؟

رُفيدة:-وين جنتي

:-اسبح

:-ها لا هيج ماكو شي

:-شصاير؟

:-ماكو شي بس اكول وين جنتي

عافتني وطلعت من الغرفة باوعت لصعب ساكت ما يحجي شي بقى كاعد بمكانة كعدت مقابيلة

:-صعب شكو ليش امي طلعت وضايجة انت شبيك
جر نفس و زفرة

:-ملاذ

:-ها شنو

:-انا لازم اروح

عكدت حاجبي مستغربة صح صار زين بس ابد مو مالت يروح
:-شنو وووين !

بلع ريكة يدير بعيونة مني رفع راسة يباوعلي بحيرة
:-ملاذ عمامي ورة هل سالفة

بلعت ريكي خايفة زحفت على ركبي قربت منة رفعت ايدي ترجف لزمت ايدة

:-اي؟

جان مدنك ما يحجي شي
:-احجي وياي ارفع عينك بعيني

:-انة لازم ارجع ما اسكت عنهم ملاذ

احس انفاسي صارت حارة نزلت دمعتي گبل لا احجي شي

لزمة معصم ايدة واباوعلة
:-واني صعب !

:-مثل من رحت بالبداية اعتبري ما صار الي صار

:-ووعدك الية وين راح مو كتلي ايام واعيشج بديرة ضلوعي وين واح حجيك حتى هذا جذب؟

بقى مدنك راسة وساكت

:-صعب وعدتني انت وعددتننني انت بنفسكم املتني راح تضلل انت اجيت برجلكك وكتلليي ملاذ راح اضل
بننفسكك .....

متت واني عدلة كدام عيونك و ما اهتمميت وراهه اجيتني كلت علمودج هيج سوويت وهسة وين رحت اني ووين مليت مني مو ملليت

:-مملاااذذ انة ما جنت محسسب هيج ملااذ افهمميي انة جاي أاذيج مو وحيااتج صارت بخطر من وراي شنو التردين اسوي اضل طول عمري كاعد هنا و سااكتت

دموعي تنزل واني اشوف شلون النار گبت بينة من جديد
:-ما اسامحك صعب ما اسامحك

:-ما راح اخليج تتعذبين اكثر مو بنفسج كلتي الطلاك يريحج مو الطلاك راح يحميج مني اني اناني بيج بس لازم اكسر انانيتي واريحج

-انتِ طالك

قربت منة ايدي ترجف جسمي كلة ينتفض سحبتة لحضني احرك راسي برفض
:-لاا صعب لااا

وخرت منة اتلمس بوجهه امسح بعيونة
:-لااتحجي شيي صعب اتحرم عليك كل عمرري لااا

:-طالك

قربت منة ابوس بي بهسترتيا مثل الفاقد

:-لا ياروحي اااشش لااا تكولل لااا ما ارتاح بالطلاك اجذبب والله اجذبب لاتحجيهه صعبب لاتحجيههه اتحرمم عليككك صعععب اياكك ايااككك لاتكولهه بعد

خليت ايدي على حلكة اسكتة لا ياروح ملاذ اعيش بانانيتك راضية ابتعد بس لا تطلكني

.
.
.
.
.
.
.
.
.للحكاية بقية

كلانا كتف للاخر♥
الوريد♪

تكلة
:ليِّش ما جاسَك حَنيّني
وقررت غَبشة تِسافر
واَنه كاتبلك قَصايّـد
خَلصت بيهّا الدَفـــاتر
الشاعِر الوادم تحِبه
وآنه أحبّك وآنه شاعر .