رواية أنتقام الصفحه 27 (ترميم) الفصل الثالث وأربعون 43 - بقلم خـلود الـ محسن

انستا للتواصل lorai_alrwi

⛔يلة عيننيي تصويت و تعليق لا اشوفكم وجهي الثاني مال التساااات🐍
……………………

شاف الرسائل و ما كتب شي بقيت افتر بالغرفة سمعت باب الشارع انفتح طلعت بسرعة شفتة واكف كدامي

سد الباب و باوعلي حضنت ادية لصدري امثل القوة
اجة بأتجاهي عاگد حاجبة

:-ملاذ

:-طلكني

سحب ايدي من عكسي بقوة لزم جف ايدي عصرة بيدة ما يحجي شي بقيت اباوعلة مستغربة سحبني وراه و فات للغرفة

:-ايدي عوفهه اندل ترة

-ااايددي شبيك وخررر

فتح الكنتور يكلب بالملابس طشرهن
-ههيي عووف ملاابسي هسة منو يعززلهنن

طلع شال بعد ما كلب الكنتور كلاب
خلة الشال على راسي و سحبني يريد يطلع من الغرفة سحبت ايدي منة

:-شبييك انتت شوف شسويت بالملابس

وكف كدامي عيونة حمر و شرايينة بارزة

خلة اصبعة على حلكة
:-ااااششش

-كل همج ملابسج صوتج ما اريد اسممعه

لزم ايدي و سحبني وراة شفت امي واكفة بالصالة ما سوت شي

:-ييمةة حاجي هذا المخبل خلي يعوفني

ما حجت شي بقت بمكانهه واكفة تباوعلنة
:-صعععبب عوفني جاي اكلك عوووفننيي والله الم الناس عليك

عتني علية بقوة خلة وجهه بوجهي
:-صوتجج لا تتفرعنين

طلع بالشارع واني عيني على باب البيت اريد اشوف امي
فتح الباب صاح علية

:-صعدديي

:-ماا اصعد ملابسي طشرتهن

:-ممملااذ صصعددديي

:-وين تاخذني؟

:-اصعدي

حضنت ادية لصدري ودرت وجهي منة مااباوعلة
:-تصعدين لو شلون

:-طلكني

:-استغفر الله

كال هيج ولزمني من زندي دفعني للسيارة

:-عووفني جلب لاتدفعع ايدكك شكبرهه حقيير

ما اهتم ركع الباب وراة خليتة يوخر مديت ايدي على الباب اريد افتحة

:-اذا فتحتي مااطلكج ااابد

:-مو هي بكيفك ارفع عليك دعوة

:-ترفع دعوة على محامي ما تدرين افرها فر عليج ضلي بمكانج و انت ساكتة

سحبت ادية من الباب بقيت اباوع على الشارع درت وجهي علية خازرني

:-هااا دير وجهك مني يلة

شفتة مشة من كدام السيارة عيونة علية
:-وجة البومة

صعد و شغل السيارة درت وجهي على الشارع ثننينة ساكتين بس صوت انفاسة مسموع شوية و كال

:-شكلتي مساع

:-شكلت؟

:-من رحت اصعد

:-وانت شعليك لاتدخل

بقى ساكت فتحت الجكمجة اكلب بيها و اباوعلة شفت بيها مسدس خليت ايدي علية

:-عوفي

:-ما ميتة علية

عفتة و بقيت اكلب بلاغراض طلعت علج فتحت اول واحد علجتة و شمرت الكاغد علية بقى ساكت ما حجة شي

:-راح طعمة وين اودية

:-محد كالج علجي

باوعتلة بطرف عيني طلعت العلج من حلكي و لزكتة بجامة السيارة

:-ملاااذذ

:-ها عيني ها گلبي

استغفر بصوت عالي و رجع عينة على الطريق

شفت كلنس مخلية كدام حجيت بصوت ناعم
:-ااايع ايدي توسسسختت لازم انضفهااا

رجعت اباوعلة ابتسم ابتسامة خفيفة من شافني باوعت رجع عكد حاجبة سحبت كلنسة باوعتلة عينة علية رجعت سحبت هواية مسحت طرف اصبعي و شمرتهن بالسيارة

:-شجاي تسوين انتِ

:-يعني شنو اعوف ايدي وصخة؟

ما رد علية حرت شسوي العب بالدكم البسيارة احسة كاعدة على اعصابة بس ما يحجي

:-اكلك انت شسمك
- هااا ذكررتت الصعب الحقير

:-امج شوكلتج اليوم

:-والله ما متريكة ياريت تريكني

:-تدللين غالية و الطلب رخيص بس نوصل اريكج باليعجبج

حجة هيج و باوعلي باستهزاء
هزيت ايدي و درت وجهي وصلنة كدام بناية عالية ووكف السيارة اخذ المسدس من الجكمجة

:-وين جايبني انت؟

:-نزلي نحجي جوة

:-ما انزل وياك

ما رد علية فتح الباب و نزل خلة المسدس بضهرة اجة من جهتي فتحلي الباب و ارتكة علية

:-يلة عيني مدام نزلي

:-كلي نزلي اميرة الاميرات يلة انزل

رفع حاجبة وهز ايدة
:-الحمد لله الذي عافانا مما ابتلاكم

:-اي والله الف الحمد لله ما خلاني وحدة مجرمة

:-تنزلين لو انزلج اجبار؟

:-خيارات؟ اذا خيارات ف ياعيني اختار ما انزل

عدل الياخة مالتة باوع كدامة دار وجهه باوع وراه يتفحص الشارع دنك علية بسرعة سحبني من ايدي و حاوطني بقوة يسحل بية سحل

:-ملاذ اذا ما مشيتي مثل البشر اشيلج بنص الشارع

:-وخرر اني امشيي لا تخلي ايدك علية

وخر ادية مني لزم جف ايدي يمشي كدامي صعدنة للطابق الثاني وكف كدام غرفة فتح الباب و اني بس صافنة

:-شتريد مني

:-فوتتي

:-وين جايبنني انت لا عبالك سلمتك نفسي ذيج المرة و تعاطفت وياك جنت عبالي مستعدل بس هسة مستتحيل
حجة و هو كاز على اسنانة

:-فوتي ملاااذ

من حسيتة نغث فتت جوة بس احس گلبي نار شكو جابني هنا

فتت جوة درت وجهي علية فات و قفل الباب
:-لا تقفلة صعب محد يمنة

:-رجلج ملاذ

:-صعب خلي يكون بعلمك انت و الماكو سوة

:-امم ميخالف

:-لا تستهزء

:-اممم

:-افتح الباب اريد اروح و بعد لا تدخل بية

:-اممم وين ترحين؟

:-صصعععبب عوفني شدخلك والله اصرخ و اخليهه كلها تلتم عليك

:-صرخي يلة نسيتي اني و انتِ شنو؟

اسلوبة مستفز من شفتة ما منة امل عفتة و وكفت بنص الصالة ردت ادير وجهي كبل حضني من ضهري سحب الشال شمرة بالكاع بلعت ريكي متوترة

:-ووخررر

رفعت ادية افتح بيدة مني ضاغط عليه بقوة ما اكدر ابعدة عني دارني علية و باقي حاضني خلة راسة بركبتي يتنفس بيها

:-وووخرر صععب وخررر

ارجع ليورة اريد اسحب روحي منة احس حرارة تطلع من وجهي

:-ووخرررر اكرهكك عوووفننييي صععبب

حضني بكل قوتة ما ابتعد مني لشتي كامت ترجف ما اتحمل أذية اكثر من العشتهه

:-عوووفننننننييي كتتتللك

رفعت ايدي اضرب بي على صدرة فلت ادية ووكف كدامي عيونة دم

رجعت ادفع بي من صدرة بقوتي بس ما يتحرك من مكانة اصيح بصوت عالي

:-لللليشششش تخليينني احححبك للليششش تخلييني اتعلقق بييكك خليتني اموت بطرواك وانتت تعرف كلش زززين انت مو اللللي للككك خليتت النااار بگلبيي تشتعل كل يوم

جسمي كام يرجف رجلية ما تعيني اوكف اكثر من هيج كعدت بالكاع اصرخ و اضرب على وجهي

كعد كدامي مد رجلة وطابك الثانية سحب ادية علمود ما اضرب وجهي

:-ككاافيي

رفعت راسي اباوعلة و دموعي تتسابق

:-لااا مو ككاافييي ماتعررف اني بشنو احسس لان بعمرك ما جربت الحبب بعمرررك ما راح تعيش شعورري بعمرك ما راح تتأذة مثليي انت اناانني حيل انااني

:-جمارة

:-اسسمميي ملااذ ملاذ وبسس لا تلقبنيي مااحبك
كرهتتننيي حتى بأسمييي

رفعت ايدي اضرب على صدرة
:-اااسمي شيلة منااا لاتخليي اثر النةة كارهتتك
ححححيلل

:-شنو اليريحج

:-طلاكنة

بلع ريكة باوعلي بدون ما يحجي سحب ايدي باسهه سحبتهه منة مسحتهه كدامة

:-لا عبالك راح اضعف مستحيل صعب مستحيل قراري واضح اريد طلاك

طلع المسدس من ضهره خلاة بيدي
:-اكتليني بيدج و لا تطلبين هل طلب

سحبت المسدس و شمرتة حجيت مركزة على الحروف
:-طلكني صعب

:-ما اكدر

لزمت ياختة بثنين ادية وكعدت على ركبي
:-تكككدرررر تتكددررر

سحب ايدي منة بلل شفايفة و دنك راسة
:-ااحجي وياااككك

خليت ايدي على خدة رفعت راسة بسرعة رفع ادية يمسح بدموعة

:-شنو التريدة

:-اعوفج اختفي من حياتج كلشي تردينة اسوي بس ما اطلك اعتبريني ميت

:-واني كلشي ما اريد منك غير الطلاك

ما رد علية عافني و كام صحت وراه
:-ووويينن

:-جوعان انة ما متريك

:-شبيك انت صاحي

:-تجين وياي نجيب ريوك لو اروح وحدي

:-مااا ارييد رجعني لامي

:-اممم ميخالف نتريك و نروح

:-مااا اتريكك ترة اروح وحدي

:-روحي

فات للمطبخ شوية و طلع ينشف بوجهه بقيت كاعدة بنص الصالة متربعة

:-كومي

:-معلييك

عافني و راح لباب البرة
:-ووويننن راح تعوفني وحدييي

:-شوية و اجي

بس دار وجهه غميتة صاح
:-اكسر اديج

:-اكسر خشمك

طلع برة و سد الباب وراة كمت افتر بالشقة فتحت باب الغرفة مأثثة كاملة فتت للمطبخ كلشي كامل بيهه شوية و سمعت باب البرة نفتح طلعت شفت صعب فات بيدة علاكة

:-يلة وديني لامي

:-نتريك و اخذج

:-صعب شوف

اجة يمشي بأتجاهي وصل يمي لزم ايدي و فات للمطبخ
:-اكلك انت شارب شي اني مو جاي احجي وياك

:-اي و انة جاي ارد عليج

:-انت ليش جبتني هنا اصلا

:-اريد اتريك وياج

فلتت ايدي منة جريت كرسي و كعدت علية رفعت رجلية تربعت على الكرسي

اباوعلة يحضر بالريوك
:-صعب

خلة الكوابة على الميز طلع باكيت جكاير من جيبة وياهم جداحة انطانياهم وكال

:-ها حبيبي

:-مو حبيبتك اني

:-اي حبيبي بس ورثيلي جكارة

:-لا تكول حبيبييي

:-اي بابا حبيبي

:-انننيي شجااي اكول

:-ماكلت حبيبي كلت بابا حبيبي

:-خوش لاتكول

:-ورثي الجكارة

اخذتهه من ايدة بقى واكف فوك راسي
ورثتهه وخليتهه بين اصابعي رفعت ايدي اله علمود ياخذهه ابتسم و دار وجهه سحب كرسي و كعد كدامي

:-شربيني

:-لا والله؟

بلع ريكة تحركت تفاحة ادام اكثر من مرة كال بصوت باهت

:-بس هل مرة ملاذ

درت ايدي اله خليت الجكارة بين شفايفة سحب منهه نفس و وخرتها بقى الدخان بحلكة ما زفرة كام من الكرسي دنك علية خلة راسة بركبتي ونفخ الدخان
درت وجهي منة نزل راسة اكثر باس ركبتي بخفة وابتعد مبتسم

:-شبيج فاهية

:-هااا

:-الجكارة

باوعت على ايدي الجكارة مو بيهه دنكت راسي متوترة شفتهه بالكاع نزلت رجلية من الكرسي ونزلت اخذتهه

:-فلتتت من ايدي

ضحك و دار وجهه
:-لا واضح كرهتيني

بقيت ساكتة ماعرف شحجي كمت طفيت الجكارة جوة المي و ذبيتهه بالزبالة رجعت لمكاني وهو كاعد كدامي
اخذت صمونة جنت ميتة من الجوع ردت اكل كال

:-انت مو مريضة

باوعتلة مستغربة
:-اي

:-اوكلج اني؟

ابتسمت و باوعتلة ببرود عيونة مركزهم علية
عفت الصمونة على الميز رفعت ادية احرك بيهن

:-شوف يتحركن اكدرر كلشي اسوي اكدر ادفرك هنا و انسيك اسمك

سحب الصمونة من كدامي سوة لفة صغيرة وخلاها كدامي

:-انة اشوف شي و انت تشوفين شي هسة من كلتي اكدر احركهن شفتهن ما يتحركن لذلك لازم اوكلج

رفعت ايدي اريد اخذهه من ايدة سحب ايدة مني
:-مثل گبل اكليها من ايدي

ماحجيت شي اكلتهه اباوعلة عيونة مركزهن عليه بقپ يسويلي لفات و يوكلني

:-شبعت اني ما تاكل انت

:-ريوكي كدامي هسة اتريك

:-اي ما تتريك يلة كمل

ضحك وطكك اصابع ايدة
:-يعني تقبلين هسة اكوم اتريك؟

:-واني شعلية ليش شفتني مانعتتك؟

ضحك بصوت عالي ورفع ايدة يفرك أذنة
:-اكلك انت شتقصد؟

:-شقصد انة اقصد الريوك

:-زقنبوت احسن

دار وجهه ياكل كمت غسلت ارتكيت على الكاونتر
:-يلة بسرعة كمل و طلكني

:-انت ما تملين

:-لا

ضل ياكل و اني احجي كمل و كام غسل عزل المواعين باوعلي كاعدة على الكاونتر

اجة كدامي خلة ادية على الكاونتر مثل الحابسني بينهم

:-مشتاقلج ملاذ

:-ما مشتاقتلك ولا اشتاقلك و اكرهك

رفع ايدة و سحب ايدي لازمهه بخفة يباوعلهه حاولت اسيطر على الرجفة البيهه ماكدرت من يوم الراح لهذا اليوم ادية ما وكفت رجفتهن

باس ايدي طول يلة رفع راسة
:-تردين طلاك؟

الدمعة بطرف عيني ما اريدهه تنزل اريد ارجع قوية ماريد هل حب يأذيني اكثر رفع عيونة علية

:-شنو التردينة

:-اريد ارتاح

:-شنو اليريحج

:-من انساك

:-زين انة اعوفج ترتاحين و ابد ما ادخل بحياتج بس لاتكليلي طلك كلشي يجرالج الة الطلاك

:-اضل متعلقة بيك اني جاي اموت بس محد يحس بية

:-اعتبريني ميت مااكدر اطلكج

:-زواجنة جان اتفاق عقد على ورق ليش ما تطلك

:-صار اكثر من الورق ما جنت محسب نوصل هيج

:-اول و اخير انت عايفني ليش ما تطلك؟

:-ما اكدر انة ادري اذا ضلينة متزوجين محد يخلي عينة عليج اذا طلكتج راح تزوجين غيري

:-بس ماراح ابقى منتضرتك خلي يكون بعلمك اول وتالي راح اتزوج

:-وانة عايش ماكدر اشوفج وية غيري خليني اموت و تزوجي

:-هذا مو حب هاي انانية

:-اي اني اناني بيج اكدر اتخلى عن كلشي الا عنج

:-بس اني اكدر اتخلى عنك و بهل لحضة

ابتسم ورفع ايدة على ركبتي سحب الكلادة من جوة التشيرت

:-لو تكدرين ما لبستيهه

:-مو لان تخصك لان بيهه اسم عمو عابس

:-ترجعين لبيتكم

:-شوكت تطلكني

:-خلي نتفق اتفاق حلو

:-شنو؟

:-انة ما اطلك و انت ضلي بعيدة عني

:-واحنة هذا الي جاي نسوي بس انت كلشي جاي تدمرة كل ما ابني روحي تكسرني

:-تعبتيني ملاذ تعبتيني حيل

:-ماتعبتك انت تتعب بروحك عوفني بحالي انسى ملاذ انسى نعالة اعتبررني ماكو متت اختفيت ما اجيتك بذيج اللية السودة

:-انت كدرتي تنسين

:-انسى اذا مو اليوم باجر واذا مو باجر بالبعدة لاتهتم

:-معناهه زواجنة ما راح يأثر عليج بشي

:-لا يأثر طلكني

رجع ليورة ارتكى على ميز الطعام وخلة ادية بجيوبة يباوعلي بتمعن

طفرت من فوك الكاونتر وكفت كدامة
:-يلة ماعندي وكت اكضي وياك

:-تردين اطلكج؟

:-اي

:-علمود تتزوجين ابن جيرانكم المخيل عليج؟

رفعت راسي مصدومة بللت شفايفي و حجيت بنكران
:-ابن جيررانة!!!

:-اي ياهي من تجي من الدوام واكفلها بالباب و من تطلع من البيت منتضرهه و اخذهه للمستشفى حاير بيج الاستاذ حارس شخصي مو ابن جيران

:-شوكت هاي ماادري

:-بعععيونني ولج بعيوني اشوفهه واكفلج بالباب حلقتج بيدج و هو عينة عليج تردين تطلكين علمود لا هاي هية مبروك ست ملاذ عروس

:-اي حقي هذا اريد اتزوج شعليك انت

:-روحي لبسي حجابج خل ارجعج لبيتكم

:-شني طلكنني

:-اممشييي كداممي يلةة

عفتة ورحت للصالة لبست حجاب مشة كدامي واكف بالباب رحت وراة ساكت يزفر نفسة بقوة

:-شفطت الهوى استاذ

:-هوى الله همزين مو بيدج

لزم ايدي و فتح الباب صعدنة بالسيارة حضنت ادية و كعدت

:-هسة شنو جيتنة لهنا شستفادينة

:-تريكنة سوة تردين نرجع نسوي اكثر من الريوك ماعندي مانع انة

:-شكد سربوت انت و تفكيرك

:-اقصد نتغدة شوفي بالج الوصخ وين راح

درت وجهي على الشارع شغل السيارة مشة شوية كتلة
:-شوكت نطلك

:-سدي هل سيرة تعرفين بس اطلكج تصيرن مرة الخيخة حسن و تحبليلج بخمس جهال و تجين لبيت امج عباتج تخط وراج وشايلة طفل على خصرج والثاني بيدج وكلهم وصخ يمشون وراج شلج بهاي السالفة ضلي علية صار شكد متزوجين ما حبلتج

:-ومنو كالك اتزوج حسنن ادور واحد شخصية وهيبة

:-سلميلي

:-ااخلف جهال وانت تضل بدون جهال

:-جهالنة احنة الاثنين بحياتج ما راح تكولين جهالي لو جهال صعب غير هل كلام ماعندي

:-خوش اذا مارففعت عليك دعوة وخليتك تطلكني وبيوم طلاكنة انخطب

بقى ساكت مشة هواي وكفنة بأزدحام كال
:-كل وبالج عمامج ما يكدرون يلكونج ترة برمشة عين يلكونج بس ساكتين لان يدرون بيج متزوجة اذا طلكتج انت و رُفيدة راح يدمروجن

درت وجهي علية مركزة بكلامة احس گلبي رجف اخاف على امي فعلا لو عمامي لزمونة و صعب مطلكني انجبر ارجع والله اليعلم شنو عقابي

بقيت ساكتة وصلنة للبيت نزلت باوعتلة بقى بالسيارة

:-اذا اختفيت هم راح يعرفون واني هم اضيع بعدهه

خلة ايدة على الستيرن ضربة بقوة شغل السيارة و مشة فتت للبيت احس روحي ضايعة اول ما فتحت باب الشارع امي طلعت من باب الصالة

:-ها يمة

:-ها

اجت يمي لزمت ايدي تباوع علية
:-ها يمة شنو شكو؟

:-شصار

:-ما صار شي

فتت للغرفة تمددت على الجرباية الف فكرة وفكرة براسي وخرت الغطة سحبت التلفون من الكاع ورجعت تمددت دزيتلة رسالة

:-راح ترجع لناصرية؟

خليت التلفون على بطني صافنة على السكف فززني صوت الرسالة فتحتها كاتب

:-عجباََ لعينيكي اذابات قلباََ من حجر

:-ترة ما كتلك تغزل كتلك تروح لو لا

:-ما دزيتهه الج لحبيبتي بالغلط وصلتلج

:-ديلة انت وحدة مادبرتهه مو يلة غيري؟

:-شقصدج ولج

:-هيج

:-راح اتصل

شفتهه بعدني مارادة اتصل فتحت خط

:-شتريد احنة شاتفقنا

:-انت تحرشتي دزيتي رسالة

:-خوش هسة شعدك متصل

:-شكلتي مساع وحدة مامدبرهه؟

:-جا مجذبة؟

:-سهلة بعدنني مو بيعيد راجع تدرين شسويلج؟

:-شتسوي

:-اوكفلج الدورة تسع اشهر

:-تضحك حضرتك هسة من ابلكك هم تعتب علية

:-جمارة

:-ها

:-ادعيلي

:-شدعيلك؟

:-بعد كم يوم راح يصير شي

:-شيصير؟

:-بعدين احجيلج اذا صار ساعتهه راح ارجع

:-ترجعلي؟

:-اي ملاذ انة مااكدر بدونج و لا اكدر اعوف كاتل ابوي يسرح ويمرح بس شي ببالي اذا صار ساعتهه راح ارتاح من الجانبين

:-شوكت تحجيلي

:-بعدين يلة هسة اروح عندي شغل

:-باي

سديت الخط كمت من فراشي عزلت الغرفة و طلعت وية امي ماتخليني انضف تخاف علية كل شوي جايبتلي صحن فواكة تريدني اكل

………………………………

شهاب

نايم فزيت على صوت التلفون فتحتة لكيت بينات تتصل ابتسمت مسجلهه(دعسوقة)

:-الو

:-الو حبيبي

:-روحه

:-شلونك

:-ولج بوية انة مو بس زين انة بالجنة مشتاقلج ولج ولا
عبالك البارحة لبستج الحلقة

:-هههه اني هم اشتاقيت تجي؟

طفرت من فراشي
:-صدددك يصير هسة اجي؟

:-لا خليهه بليل بس اول شي خابر اخوي كلة جاي اشوف بينات

:-صبريلي بينات خل اتأكد يعني بينات يصير كل يومية اجيج

:-ههههه تريد اخوي يطردنة من البيت

:-شني هي غير مرتي

طلعت برة الغرفة ادور على رتيل واحجي وية بينات فتت لغرفتهه ماكو دورت البيت كلة عليهه ماكو

:-حبيبتي من اريد اجي اخابرج هسة مشغول

:-براحتك

سديت الخط منهه فتت لغرفة اهلي اخر مكان بقى بالبيت محد بيهه بس امي و نايمة صعدت فوك شفت باب البيتونة مفتوح صعدت فوك گلبي راد يوكف اخر مكان اتأمل اشوفهه بي رتيل مو من نوع تطلع بدون ما اني ادري خليت التلفون بجيبي سمعت صوت واحد فوك تقدمت اكثر سمعت صوت رتيل تبجي وتحجي بصوت ناصي

:-عـلي احجي لشهاب والله مايعوف بينات هي شنو ذنبهه

حجت هيج وبقت تشهك شوية و رجعت كالت
:-علي فدوة افهمنني

تقدمت اكثر سويت صوت اريدهه تحس بوجودي

بس شافتني نزلت التلفون من ايدهه تباوعلي و ترجف
مديت ايدي الها

:-انطيني

حركت راسهه برفض
:-جيبي رتيل

سحبت التلفون من ايدهه خليتة على اذني
:-علي؟

بقى ساكت ما يحجي شي
:-شكراََ ع الامانة

:-ماخنت الامانة شهاب انة ما جايكم من الشباك انة جايكم من الباب مستعد هسة اجيب اهلي واتقدملهه بس انة محترم رأيك وما اخجلكم بجيتي

:-اخر مرة تتصل على رتيل

:-يصير التريدة اخر مرة اتصل بس مو اخر مرة اخطبهه

كال هيج و سد الخط نزلت التلفون وبقيت واكف كدام رتيل مدنة راسهه و تبجي

:-التسوينة صح لو غلط؟

ماحجت شي بقت مدنكة تبجي و ترجف
:-رتيل صح السسوويتتي لو غغغلط؟

:-شهاب

:-لو التسوينة صح جان ما تخابرين بالختلة؟

حركت راسهه برفض

:-رتيل رفعي راسج

رفعت راسهه تباوعلي عيونهه مليانة دموع
خليت ايدي على خدهه

:-رتيل انة علمودج ماريد واحد مو كفو الج كلنة ندري بعلي مطلك و مرتة شنو الكالتة علية انسان مو مسؤول وساعتهه علي ما دافع على روحة صدكيني لو جنت ادري واحد بالمية الغلط من مرتة ازوجج اله وانة مغمض لان علي زين من كل الجوانب بس مااجازف وازوجج اله

حركت راسهه بمعنى اي نزلت ايدي اباوعلهه بتمعن
:-رتيل شبيها بينات؟

:-مابيهه شيي والله مابيهه

قدمت التلفون الها
:-اخذي واثق ما راح تغلطين

:-ما اريدة اسفة اخر مرة اغلط

بست راسهه و خليت التلفون بيدهه
:-نزلي وحذفي رقمة اصلا اني متأكد هو من نفسة بعد ما يخابر

اخذتة و نزلت
نزلت وراهه افكر بكلامهم نزلت جوة خابرت اخو بينات بلغتهم بجيتي ماعرفتة يهلي و يمرحب حضرت ملابس طلعت جبتلهه هدية و رجعت للبيت لليل طلعت بسيارتي اروحلهه خابرتني بنص الطريق

:-الو ها حبيبتي

:-اجيت؟

:-اي بالطريق انة

:-محد بالبيت بس اني و امي ابويه واخوي طالعين

:-نطلع برة مادام محد اكو

:-شبيك حبيبي اهلي ميقبلون المهم شوكت توصل

:-ما ضل شي

وصلت لبيتهم ما ردت ادك الباب خابرتهه
:-بينات تعاي فتحيلي الباب

:-مفتوح حبيبي فوت جوة اني مااكدر اطلع

:-خو ما ابوج بالبيت يكلي شعدك فايت

:-ههه لا محد بس مااكدر اطلع بهذا لبسي

سديت الخط دفعت باب الشارع كبل نفتح لكيتهه واكفة بالصالة ابتسمت وتقدمت حضنتهه

:-مشتاقلج

:-ههه شبسرعة البارحة يمي

:-شطالعة ولج

ضحكت وسحبتني كعدنة بغرفة جوة اتلفلت بالبيت ما مرتاح بكعدتي بقينة نسولف عادي باوعت لتلفوني يتصل

:-من رخصتج حبيبي هسة ارجع

طلعت بالصالة صعب يخابر علية
:-الو ها ابو الصعب

:-أشهب وين انت

:-بالنعيم حبيبي

:-يانعيم شوف انا طالع للبصرة تجي وياي لو اروح
لوحدي؟

:-هسة؟شعدك بالبصرة صعب

:-شهاب تعال و افهمك شوف ضروري اروح لازم الكة حل

:-خلية باجر الصبح

:-مشغل السيارة امر عليك لو اروح؟

:-لا لا انتضرني بباب بيتنة راجع

سديت الخط مستغرب منه شيسوي بالبصرة معقولة قرر خلاص لازم يسوي البالة ماعدنة احد بالبصرة غير عمامي انفاسي نحبست من التفكير سديت الخط و مشيت للغرفة شفت بينات كاعدة و مبتسمة دنكت اخذت
غراضي من الميز

:-حبيبتي انة لازم اروح

:-وين؟

:-شغل ضروري ما اكدر اتأخر محتاجة شي

:-شهااب وين تروح اشرب عصير على الاقل

:-لا وعيونج مااكدر غير مرة صعب خابرني ضروري اروح
كامت من مكانهه منتفضة

:-يعنني صعب من جنة بعلاقة واكفلنة مثل العظم و نخطبنة و ماخلصت

عگدت حاجبي مستغرب من اسلوبهه
:-بييناات صوتج اياج تحجين على صعب

:-مو قصدي حبيبي

قربت مني باست جتفي

رفعت كوب العصير
:-اشرب لخاطري لاتضوج

:-ما ضايج يلة انة رايح اخابرج عود

:-شهااب شوف بس اشرب العصير شوف اكعد هنا شوي و روح

اخذت الكلاص منهه شربت شوية و رجعتة
:-هاي لخاطرج وهسة راح اروح

:-حبيبي بس شوية على الاقل اكعد اكل هذا كلة سويته علمودك

خليت المحفظة بجيبي بست راسهه
:-لا يروحي غير مرة اترخص انة

عفتهه و طلعت مستعجل فاتت من يمي سيارة اخو بينات ما جان منتبهلي استغربت سدرة صاعدة وياه بالصدر

ركزت نضري زين متأكد هاي سدرة طليقة علي شجابهه وية اخو بينات كملت الطريق افكر بهذول شجابهم سوة وصلت لبيتنة شفت صعب راكن سيارتة على صفحة نزلت ورحت بأتجاهه فتحت الباب و صعدت

:-ها ضلع

:-شهاب تجي وياي لو لا

:-فهمني شتريد تسوي

:-شهاب هي خوة لو نعل تجي وياي و هناك تفهم لو ما تجي

:-وياك للوحة تنزل وانة اسوق بس غير افهم احنة
رايحين للموت لو رايحين شنسويي

:-هي موتة لو موتين

:-موتة ام الكبوس خوية توكل تدري بية اخليك وحدك
شغل السيارة رغم سوالفي وية صعب بس ضل ببالي سدرة شتسوي وية اخو بينات من بين الكلام كلت لصعب

:-صعب

:-ها

:-شوف انة ماريد احجي بعرض ناس بس صار شي اليوم من اجيتك

:-شصار

:-اخو بينات الجبير جنت راجع و شفتة بالسيارة

:-اي و شكو بيها

:-لا مو شفت وياه سدرة

:-سدرة منو؟

:-طليقة علي

حرك راسة بمعنى اي و رجع يسوق
:-اكلك هي شجابهه علية حتى ما تگربلهم

:-ما ادري

:-الله كريم

:-شهاب

:-ها

:-علي يريد يخطب رتيل ردلة خبر

:-شنو حاجاك؟

:-اي صار كم يوم بس انة ماكتلك

:-لا ماكو قسمة

:-شهاب اذا على طلاك علي و سدرة احب اكلك علي طلك سدرة بسبب الموضوع الشفتة اليوم

عگدت حاجبي مستغرب
:-يا موضوع

:-سدرة و اخو بينات

:-شبيهم؟

:-خل اسألك وجاوب بعدهه اشوف احجيلك لو ما تستاهل

:-أسأل

:-انت ليش ما تنطي رتيل لعلي و انت تدري كلش زين رتيل و هو واحد شاري الثاني

:-ماانطي لعلي مرة

:-ليش لان يحبهه ترة انت بيوم من الايام هم حبيت و هم حجيت بالختلات و هم سويت علاقة واحد حاجاك لو رتيل لان بنية

:-بس انة ما محاجي رتيل بس كتلهم ماكو قسمة

:-زين شنو السبب لا تكلي لان علي مطلك الاف الشباب مطلكين شنو المشكلة

:-اخاف على رتيل تذكرر من سدرة رفعت القضية مو اني و انت موجودين كالت علي مقصر و علي معذبهه و علي كذا و كذا ما عارض؟

:-هسة هذا السبب!

:-اي ما انطيهه لواحد مثل علي صغيرة و مدلله ما تتحمل هيج

:-زين انة من احجي تصدكني لو لا

:-طبعا اجذب روحي وما اجذبك

:-علي طلك سدرة لان تخونة

:-شنو؟ صعب انت تعرف شجاي تحجي

:-طبعا اعرف تريدني اطعن شرف وحدة وانة ما متأكد

:-صعب احجي عدل ما فهمت

ركن السيارة على صفحة مخلي ايدة على الكير باوعلي و عاكد حاجبة

:-اسولفهه بالتفصيل ترييد علي فات لبيتهم لكة سدرة و اخو بينات سوة بالغرفة يقرون قرأن وطلكهه

مصدوم بكلام صعب مااعرف ارد علية شغل السيارة الهدوء عام المكان

:-خل يخطبهه شهاب الحب يتعب كافي تتعب بأختك

:-هي كالت راح تعوفة

:-شهاااببب لاتستهوش انة زلمة ودايس على مشاعري والف مرة كلت راح اعوف ملاذ وشايفني هسة مثل الطفل وين ما تروح لاحكهه تريد رتييل بنية و العاطفة غالبة مشاعرهه تنسى بسهولة؟

:-يصير خير

:-كل الخير رجعتنة من البصرة خطوبة علي و رتيل

:-لا مو هسة

:-شني لا اااي شو انطيني تلفونك

طلعتة من جيبي انطيتة اله خابر على و فتح سبيكر
شوية و رد

:-السلام عليكم

رد علية صعب
:-ثكيل شني؟

:-ياهو صعب؟

:-اي شلونك ابو الشبااب

:-هلا خوية شلونك وين شهاب شو مخابر من تلفونة

:-اي مو شهاب مستحي منك انة قررت اجي احجي وياك

:-كول

:-يابة شني مرتك يمنة ماتريدهه؟

:-يامرة؟

:-رتيل

بس كال هيج صوت علي تغير
:-شنوو صعب شبيك

:-خوية احنة رايحين للبصرة و باجر العصر يلة نرجع اللك لليل تمشي علينة تاخذ مرتك من عدنة

:-صعب عليك العباس وحدك انت

:-يمي شهاب

:-اكلك يصير اجي هسة وعلي بس اكل لابوي ما يمانع

:-ادري علاكة خضرة بهل سهولة تجي تاخذهه لا خوية نريد مشية شي وتعال اخذهه

بقوا يحجون شوية و سداة ما انكر بداخلي فرحان بس مصدوم معقولة اخو بينات و مرة علي معقولة اخوها جان رافض زواجنة لان علي صاحبي

فكرة تجيبني و فكرة تاخذني لحد ما وصلنة للبصرة حجزنة بفندق صعب ابد ما حجة شنو الي يريد يسوي بالعشرة الصبح طلعنة سوة

:-صعب بس كلي شراح تسوي يجوز هل شي مو من صالحك

:-لا من صالحي كلشي راح اسوي علمودكم وبلاخص علمود ملاذ انة ماريد اخسرهه

وصلنة لبيت عمامي ثنينة واكفين كدام الباب باوعت على صعب شلون شرايين ايدة بارزة ووجهه نكلب احمر

:-صعب نرجع

:-لا

مشيت وراة المضيف مفتوح كبل لا نوصل كال
:-بيا ركن من هذا البيت ابوي نكتل

ضليت ساكت حاير شكلة طلع واحد لابس دشداشة و غترة و لازم سلاح بيدة مبين واحد من الحراس

:-تفضلوا خوية تفضلوا

الصعب :-الشيخ موجود

:-تفضل شيخ راضي ربع ساعة و يوصل

:-ننتضرة برة بين ما يجي

:-لا خوية الديوان فارغ كعدوا وانة ابلغة بجيتكم لاكت خوية ماعرفتكم

:-كلة قرابة قديمة

:-تدلل يبوي تفضل

فتنة جوة قدمولنة جاي صعب كاعد على اعصابة ما مد ايدة على شي مستحاية مديت ايدي شربت الجاي اجو ولد كعدو يمنة يحجون ويانة بس اني اتجاوب وياهم ضربت صعب بطرف ايدي

:-شبيك؟

جر نفس قوي و زفرة رجع نفسة على الحايط
:-ماكو شي

مر نص ساعة وفات راضي اني و صعب نعرفهم بس همة مايعرفونة من الصغر ماشافونة كعد يباوعلنة بأستغراب

:-حي الله من جانة

الصعب:-حياك الله عمي راضي

مد ايدة لازم بيهه سبحة يفرهه
:-شنو حاجتكم ان شاء الله مكضية

الصعب:-انة جاي احجي وياك على انفراد اذا مابيهه مانع

:-حياك

اشر لللموجودين كلهه طلعت بقينة اني و صعب صاح

:-الوياك يضل لو لاله؟

:-انة وهو واحد

:-تفضل بوية

كام صعب كعد كدامة ثاني رجلية خلة ادية على رجلة يحركهم مثل اليهدي بروحة

:-راضي؟

:-شيخ راضي

:-عيالك شيصحولك؟

:-بوية

:-ولد اخوك؟

:-عمي

:-عمي راضي

:-شني الرايدة بوية شتحجي انت؟

:-عابس شيقربلك؟

:-اخوي الله يرحمة

:-انة الصعب عابس

كام منتفض من مكانة و صعب كام واكف كدامة وكفت يم صعب اباوع لعمي معانية نكلبت كلاب

:-عابس ماعندة ابن

:-عمي كلش زين تعرفني لاتنكر انة جايك بطلب لا عبالك املاك و فلوس لا انة مو ترباتكم

:-عابس مات ما متزوج

:-زين

مد ايدة بجيبة طلع جنسية عمي عابس الاصلية مكتوب عليهه متزوج و بضهرهه مكتوب اسم الزوجة روح

:-شني تريد اكثر مو هذ الاثبات

رجع طلع جنسيتة مكتوب عليهه اسمه الكامل
:-جيتك من كبل و ماخليتني اطلع هل جنسية كدام احد بس بعد هل يوم شلون تمنعني؟

:-شنو الرايدة

:-اعترف بية كدام الكل

:-قضية صار الها سنين سد بابها

:-زين اسد بابها بشرط

:-شنو؟

:-قضية كتل عابس تنفتح من جديد ابوي ما مات بحادث ابوي مات مكتول واكو ادلة و شهود على هل قضية

صعب يحجي و راضي وجهه احتقن مصدوم بالسمعة

:-ابوك مات بحادث

:-تمام باجر تنفتح قضية و اوراق من الماضي ساعتهه كول عابس مات بحادث وياك المحامي الصعب عابس

دار وجهه صعب يريد يطلع مشيت وراه صاح علينة
:-اوكفوا

رجع باوعلة
:-شكلت؟

:-تريد اعترف بيك سهله بس انطيني يومين

:-شي ثاني

:-شنهو؟

:-تعترفون بعتوا اطفال للاشوح انتم متاعقين وية مجرم سلموا نفسكم وانة اساعدكم اذا حكمكم عشر سنوات ساعتهه اخليهه خمسة واطلعكم بفلوس بس اهم شي الكل يعرف وانة راح اسكت عن جريمة القتل

:-الصععععب

:-احنة العدنة حجيناة نترخص

مد ايدة بجيبة طلع ورقة وراح كدام راضي خلة الورقة بيدة بقى لازمهه يباوع علية

:-رقمي اذا احتاجيت شي

طلعنة احس روحي اريد اطير بس اريد نطلع و احضن صعب طلعنة بشارع طفرت علية حاضنة دموعي تنزل

:-للككك صعععب راح تضلل موو

ضحك و طكطك ركبتة
:-خل نشوف قرارهم

:-ولك انت حصرتهم حصرة موتت اكيد راح يسوون التريدة

:-لا تحجي لملاذ الة يصير النريدة

:-خايب نجب غير راح اكل لابوي

:-ساعتهه اذبحك انة جايبك عون تطلع فرعون عمي لاتدخلة بهل سالفة خوش من تصير قضائية عمي من الشهود

:-يلة التريدة يصير

بوجهنة رجعنة للناصرية من فرحتي خابرت على علي
:-اكلك شنو ما ناوي تخطب يلة

:-شهاب تدري عبالي اتحلم عليك الحسين اهلي
متحضرين لاتفشلني ولك خاف جاي تنتقم لان لزمتني اخابرهه

:-اي تعال علمود اعلسك انت مبين بعدك تخابرهه اليوم كلة رتيل بس تضحك

نحجي و نضحك حددو يومين و يسوون حفلة كضيتهن وية صعب عمي خابرة كبل خطوبة رتيل بيوم كالة يومين و ترجع للبصرة ويصير التريدة

……………

ملاذ

فرحانة برتيل نسيت كلشي بينة بس صعب كالي على خطوبتهه خابرتهه تبجي وتضحك ماتدري بروحهه طايرة طيور رغم الوقت الانطوا الها قليل بس ما مهتمة لليل امي نامت و اني متمددة بفراشي خابرني صعب

:-الو

:-شلونج

:-زينة وينك شو مختفي

:-شغل حيل مشغول

:-صعب

:-ها

:-اريد اجي لرتيل ضايجة

:-صدك بنفسج تجين؟

:-اي والله احس مخنوكة اريد اطلع من البيت و هم احب رتيل اريد اشوفهه حتى رادت تكل لعمو هادي يجيني كتلهه لا مااجي

:-اجيج انة؟

:-صدك يعني عادي

:-بس كولي انة خادم

:-جا خوش يا خادم تعال اخذني باجر

:-ولج انت شكد حقيرة المهم اكو شي اريد احجي الج

:-شنو احجيلي

:-باجر مو تجين لرتيل احجيلج

:-ما اخليك تشوفني وحدنة

:-اكلج ليش تحسسيني مراهق عمري 13 سنة احس
سوالفج مدري شبيها اليوم

:-شبيك اوي شكدد اكرهك

:-ديلة هسة اني ميت عليج ايدح بعدها ترجف

:-اي بس مو كلش

:-ملتزمة بعلاجج

:-اي

:-جمارة

:-ها

:-ايام بس ايام واسويلج وطن يم ديرة ضلوعي

:-صعب انت كل مرة تخليني احبك وبعدين تأذيني

:-هل مرة غير ملاذ

بقينة نحجي حسيت نعست عفت الخط مفتوح ونمت كعدت على صوت امي

:-هاا ها شكوو

:-كومي انت وكفشتج صعب راح يوصل يكول متحضرين كتله شكو يكول ملاذ كالت نجي لخطوبة رتيل

كمت احك بشعري شفت تلفوني ب 10 اني شكد نايمة
:-هاا يي يلة تحضري

:-ولج شتحضرر غير تحجين تكولين

:-اي هو بليل كالي

:-دكومي كوممي حضري ملابس صخام بوجهج

كمت متململة طلعت ملابس فتت للحمام سويت جسمي و طلعت مشطت شعري باوعت لاضافري طولانات عفتهن يجي هو و يگصهن

طلعت من الحمام شفت صعب بالساحة يسلم على امي بقيت واكفة بمكاني مترددة شسوي

:-شلونج ملاذ

:-هلو

دار وجهه على امي
:-رُفيدة حيل مستعجل لازم نطلع هسة يادوب نلحك

:-اي يمة ماعدنة شي

فات جوة شال الاغراض امي محضرتهن واني رحت للغرفة ترست روحي عطر لفيت شالي و اخذت المگراضة

فتحت كنتوري عندي فستان بعمري ما لابستة امي تذبحني على هيج لبس  طلعت برة ما لحكت اسلم علية من الباب طلعنة طول الطريق عيونة علية كل ما اباوعلة يحجي وية امي و يباوعلي

الطريق كلش بعيد وصلنة لكيت رتيل بعدهه بالصالون هي هم متأخرة فتنة جوة بعد ما شفت صعب

رحت وية اخت رتيل وامي بقت يم النسوان  اسمهه مرام كلش حبابة بدلت وطلعت بقت صافنة علية

:-شنو متخلين مكياج؟

:-لا ماعرف بس مسكارة وحمرة

:-هههه لج دادة انت متزوجة ورجلج بعد غياب اليوم يشوفج تعاي تعاي

:-يعني شنو

:-دتعالي نخلي انة وياج سوة

كعدت يمهه تخليلي مكياج باوعت على روحي بالمرايا بس اسم ملاذ الشكل مو الي

:-اكلج شو طلعت مو اني

:-اي لج عيني شنو غير خطوبة تردين تطلعين هيج

:-خاف عيب

:-لا العيب علية

فتحت تلفوني صعب داز رسالة
:-اجي اخذج تشترين ملابس؟

كتبتلة
:-لا جايبة وياي

بقيت يم مرام لحد ما خلصت واجت رتيل يلة نزلنة بس شافتني ابتسمت حضنتهه بقوة

:-مبروك يروحي ما مصدكة

:-الله يبارك بيج ملاااذ مسامحتني مو

:-من كل گلبي

ابتعدت عنهه عيونهه مدمعة شفت امي خازرتني غلست ادري بيها ما ترضى على لبسي هي الحفلة بس نسوان سمعت تلفوني يتصل فتحتة لكيت كومة رسائل واتصالات من صعب فتحت خط صاح

:-وووينج انتت

:-ويني يم رتيل

:-المهم سمعي انة هنا ببيت عمي هادي بغرفة شهاب تعاي

:-مااجي شسوي جاية انت ماتشوف كلهه نسوان

:-محد يمي شبيج تعاي

:-مااكدر شهاب وين

:-راح لغرفة رتيل مايجي بس تعاي

:-مااكدر

:-اكو شي لازم احجي الج والله ضروري يحدد اذا ردتي تضلين لو ردتي تطلكين

:-شنو؟

:-اصعدي متانيج

كال هيج و سد الخط باوعت على البنات كلهه تركص سحبت روحي من بينهم وصعدت غرفتين فوك وحدة مالت رتيل تعديتهه و دكيت باب الغرفة مالت شهاب بسرعة فتح الباب فتت للغرفة اتلفت شصاير

:-شصاير؟

سد الباب و ارتكة علية
:-شطالعة بنت الحلو

باوعت على روحي شلون صعدت بهل ملابس
:-ها شكو تباوع انت

تقدم واني ارجع ليورة ضحك وحاوطني بيدة
:-هذا الصبغ و اللبس مو مانعة ليش تتعدين الحدود

:-حفلة بنات

:-هممم

دنك راسة اخذ شفايفي بين شفايفة بعد وجهه يبوس برگبتي و قريب من اذني
:-ملاااذ تعبتتيننيي

ابتعدت عنة ارجف
:-شبيك منا عالم ما تستحي

:-مرتي

:-شوف حباب خل اروح

:-طارد شهاب من الغرفة و مجازف وضال ببيت عمي علمودج وهسة بوسة وحدة وتردين ترحين

:-شوف والله امي هسة تفتقدني

كعد على الجرباية  بقيت واكفة اباوعلة
:-شوفي ملاذ انة رحت لعمامي

بلعت ريكي خايفة كعدت كدامة بللت شفايفي
:-شنو؟ شصارر صععب

:-انطيتهم شروط لاجلج ملاذ لاجلج انة بس اريد يعترفون بية كدام العالم ماريد يضل غبار علية من الطفولة

:-صعععبب خاف يأذوك

:-لا لزمتهم من ايدهم التوجعهم

:-يعني راح تضل!

حركلي راسة بمعني اي عيوني ملتهه دموعي كمت فرحانة حضنتة

:-جؤ انت تتحرشين وانة حالف ما اتقربلج لحد ما نرجع سوة

:-هههه صعب ما مصدكة يعني راح ترجع؟

:-اي كلة لاجل عيناج

بقينة نحجي شوية شفت تلفوني احترك بالرسائل رتيل تدزلي امج تدور عليج

:-صعععب اني راح انزل امي راح تذبحني

:-روحي

باوعت علية الفرحة ما سايعتني نزلت بسرعة امي كل شوي تكفخني لحد ما خلصت الحفلة بليل و صعب عرس علينة الة نرجع لبغداد من شفت مابي امل طلعنة بليل

كل الطريقة مطنكرة علية وهو يشغل اغاني لو يذب حجي امي كضتهه نوم وصلنة بثلاثة بليل نزل الغراض و امي نزلت ما ادري شبي لا قبل يبات و لا قبل نبقى يوم بالناصرية

سلم على امي و طلع وكفت بالباب وكف كدامي
:-ها جمارة عندي شغل و خفت عليكم تباتون هناك لذلك جبتج ماريد يصير شي

:-عادي بس بات اليوم

:-مااكدر الصبح لازم اروح لعمي خابرني

:-دير بالك على روحك

ابتسم و سحبني لحضنة باس راسي و طلع بقيت واكفة اباوعلة اشرلي

:-سدي الباب وراج قفل

:-اي

رفعت ايدي اسويلة باي لحضات جانت بس نزلت راسي  فاتت سيارة بسرعة البرق سمعت واحد صاح غمار بصوت عالي

ثارت منهه طلقتين و صعب طاح بالكاع متغطي بالدم....

.
.
.
.
.
.
.
.
.للحكاية بقية

كلانا كتف للاخر♥
الوريد♪

بس اريد اشوف وحدة تكول البارت قصير هنا كاعدتلجن ارزل ماعنديي تفاهم اليوم بارت 5500 كلمة🤭