رواية أنتقام الصفحه 27 (ترميم) الفصل الرابع وثلاثون 34 - بقلم خـلود الـ محسن

الكاتبة لورا

انستا lorai_alrwi

اشتركو بقناة التلي و تفاعلو على البارت ❤️
…………………………

: -اذا ثمن وصولها الموت مستعدله اذا همه مجرمين ف
اني المُنتقم

: -صعب كاففيي تأذي نفسك

: -احجي ملاذ

حركت راسي برفض شال المسدس من راسي باوعتلة و مسحت دموعي بطرف التشيرت ما احس غير خلة المسدس براسة واصبعة على الزناد

: -صعععب

رفعت ايدي اريد الزمة ددفعني عنه
: -بس تقربين مني اضغط علية

بقيت احرك راسي برفض مااعرف شأتصرف بهل لحضة

: -صعب فدوة لاتسوي شي صعب شوف اموت وراك واللة اموت

كلشي بشكلة يوحي على الاصرار رجلية بعد ما تعيني لزمت الحايط الوراية اثبت روحي غمضت عيني و حجيت بقلة حيلة

: -و الحق اكتل روحي وراك

فتحت عيني اباوعلة ما زال رافع المسدس على راسة
: -صعب

: -بكل الاحوال راح اموت اذا ما حجيتي بهل لحضة اكتل روحي و اذا حجيتي راح اسوي البالي و اسلم روحي

: -و اني صعب

: -جنتي عايشة و مكملة حياتج گبل لا تعرفيني ما راح يتغير شي اذا رحت

للزمت طرف قميصة و سحبتة علية حاوطتة بأيدي اشهك

: -احضني صعب

ما رد علية بس حسيت بية نزل ايدة البيهه مسدس
: -احبك لا تروح احبك اموت بدونك واللة لا تسوي شي يأذيك ساعتهه اكتل روحي

: -ملااذ

: -اششش اشش افهمنني صعب خلي نعيش

: -احجيللي ملاذ تعبت واللة تعبت روحي تاكل بروحي حسي بية لا اكدر أأذيج و لا اكدر اعوف الماضي

: -اكتلني و لا تخليني اشوفك بيك شي

كعد بالكاع و هو محاوطني بيدة كعدت وياة لمني بحضنة خلة المسدس بصفة مد رجلة و الثانية لامهه خلاني بين رجلية خلة ايدة على حنكي ورفع راسي علية
: -تحبيني

: -اي صعب اي واللة احبك لا تروح

: -بس اني ما استاهل

بللت شفايفي اريد احجي خلة اصبعة على حلكي يسكتني
: -تزيديني اذية هيج

وخرت ايدة من حلكي احجي و عيوني ماليتهه دموع
: -اعيش وياك كل عمري نتزوج حالنة غيرنة و نعيش مثل الناس انت مو كلت احبج موو اني هم احبك

: -ما اكدر

: -تكدر واللة تكدر بس عوف الماضي ساعتهه راح نعيش براحة

: -ما اكدر ملاذ انة هذا مريض ما اعيشج بناري انطيني الاريدة و كلمن يروح لسبيلة

: -ماعرف شي صعب ليش ما تصدكني

: -كلشي تعرفين كللشي و متأكد عيونج تحجي غير لسانج

: -صعب تعبتني وياك ما كدامنة خيارين يا اما ترجعني لامي يا اما تختار نعيش سوة الخيارين اني ارتاح بيهن

: -اتأذة بالإثنين

: -ما راح تتأذة اذا عشت وية التحبهه

: -متأكد من روحي أأذيج دام اكو شي ضامينة علية

: -ليش مصر اني اعرف شي

: -لان متأكد تعرفين ملااذ ريحيني تعبان صار سنين

: -ما ترتاح لان تدور بالقديم عوف كلشي صعب

: -لا سامح اللة لو امج ماتت منتحرة بسبب عمامج شنو راح تسوين؟ شتسووينن راح تسكتتين انني مو حجارة و اسكتت گبل لا تموت امي بلعت كلمات سم و بعد ما ماتت عشت حياة سم و محد يعرف عميي شكدد قريب مني ما يدري شنو العشتة و شنو المريت بي لو  ما شارد بذاك اليوم ممكن اكون حالي حال الاشوح هسة لا و يجوز اتعس

: -منو الاشوح

: -مو مهم ملاذ

: -صعب

: -تعبت كافيي

رفعت أيدي خليتهه على اول دكمة بقميصة ايدي ترجف بس ما اعرف ليش هيج اسوي اريد احتوي ما اريد ابتعد عنة ما اريد نتفارك باوعت علية رافع راسة و مغمض عيونة فتحتهه و نزلت ايدي للثانية فتحتهه نفسة صار عالي صدرة يرتفع و ينزل نزلت ايدي للثالثة  لزمهه بيدة

: -لا ملاذ

ما اهتميت الة وخرت ايدة و فتحت القميص خليت ايدي على اثر الجرح البي

: -شنو هذا؟

: -واحد من الف معاناة عشتهه

بقيت احرك ايدي عليه
: -يأذيك

حرك راسة بمعنى لا
: -تنام؟

: -اي

وكفت و مديت ايدي الة ابتسم و دنك راسة
: -متأكدة

:-شنو؟

:-تكدرين

:-شنو شبيك

:-اقصد تكوميني

:-اي

رفع ايدة خلاهه بجف ايدي سحبتة ما يتحرك لزمتة بثنين ادية و سحبتة قوي كبل فلت ايدي عثرت اجيت اوكع لان جنت ساحبتة قوي

:-ياا شبيككك انت

:-ساعديني يللة

:-معلية بيك

:-محتاجج

:-تكدر وحدك

:-جؤ ما اكدر

حسيتة يقصد شي ثاني بس غلست رجعت مديت ايدي الة بسرعة كام نزع القميص و شمرة بالكاع

درت وجهي ارييد انام لان قفلت حجة بصوت ناصي ما سمعتة شكال درت وجهي علية

:-شنو

:-مو وياج

:-لعد ويامن

:-وياهه

:-منو؟

:-هااي

:-يااا شبيكك منوو هاي

بقيت اتلفت اريد اشوف على منو يقصد
:-ما تشوفينهه وراج

درت وجهي اتلمس بالفراغ عبالي اكو شي ما اشوفة رجعت وكفت يم صعب لزمت ايدة

:-صعب تشوف شي؟

:-اي

:-ييمةة شتششووف عليك اللة

:-جاي تحجي ما تسمعينهه

:-لااا لاا واللة ما اسمممع

:-تكول هاي اليمك خل تسكت

:-صعععبب فدووةة اخذني لامي خل ارجع يم رتيل ما اريد هناا فدوةة

:-تجي ويانة

:-صصعععععببب يمةةة طلعننني منا طلعنيي

:-وين نروح

حاضنة ايدة وين ما يتحرك اتحرك وياة
:-وين ما جان فدوة شجاي تشوف هسة

:-ششوف؟

:-وين راحتت

:-تعاي نامي تعااي

:-ما انام بهاي الغرفة واللة

:-جذب ماكو شي

:-ششنو

:-اجذب عليج يلة نامي

فلتت ايدة بودي اطفر علية اكطعة خلاني كوة اجر نفسي و هسة يكلي ماكو شي

:-شبييكك انت شبيككك تدريي بية اخاف ليش هيج تتسووي اكرررهكك اكرهككك

:-اي خوش

:-شنووو خوووشش شبيك انت ناوي تخبلني

:-هو راح اخبلج

:- اذا جنت مفكرة شوية اضل يمك هسة بطلتت

:-اي مو اني اخليج ترحين

:-دوخر مني وخر

درت وجهي اريد انام تذكرت هستوة اشر على المكان الكددامي على اساس شاف وحدة كبل درت وجهي و رحت من الجهه الثانية تمددت

الصعب:-ذاك مكاني

كمت من الفراش كعدت ادور بي و اكلب بالمخدة و اني ساكتة

:-شضيعتي

:-ادور على اسمك المحجوز بي المكان شو ماكو

ضحك غميتة و رجعت غطيت روحي بالغطة حتى وجهي اخاف لا يسويلي شي لان غميتة سمعتة تمدد على الجرباية سحبت الغطة بسرعة و وخرتة من وجهي باوعت علية يباوعلي بدون ما يحجي شي كمت من الجرباية خليت الغطة مثل الفراش و عفت نص اتغطى بي رجعت تمددت على الغطى و الباقي غطيت بي روحي

:-شجاي تسوين انتِ

:-معليك

:-انطيني غطة وياج

:-مالتي

:-اممم خوش

تمدد و اني بقيت مطلعة وجهي اباوعلة
:-خطية ما عندة غطة

ما رد علية بقيت ساكتة فتح تلفونة يكلب بي
:-خابر امي مشتاقتلهه

:-ما ضل شي و ترحين

:-اي خابرهه هسة يضل بالهه عليية

:-كتلهه تلفونهه عطل

:-جذاب ما تستحي تجذب

ما رد علية بقى ساكت مخلي ايد جوة راسة و الايد الثانية يكلب بالتلفون

:-الجو كلللش بااارد خطية الي ماعدهم غطة

لمحتة ابتسم بخفة
:-اكلك صعب باردة لو لا؟

:-زينة

:-انني كللش حريت يمكن لان عندي غطة

حرك راسة بجزع و استغفر
:-انت شبيك عبالك اقصدك هااااا تذكرت اثاري انت ما عندك غطة

:-امم بردان تدفيني؟

:-ها

:-تدفيني؟

:-شنو اني صوبة

ضحك و عاف التلفون انكلب على جهتي و ارتكى على ايدة لزمني بيدة الثانية من جتفي و سحبني علية
:-ماااا عوفنننيي

:-صار ساعة تنكين فوك راسي تردين تنامين بحضني
تعاي اني احلهه الج لا تنكين اني انومج

:-وخررر وخرر منو رايدة حضنكك ادري هو شنوو و انك عليية وخر

:-اشش صوتج

سحبني علية و سحب الغطة من جواية غطانة ثنينة
:-شوف كوم البس تشيرت

:-ما اريد

:-شووفف اريد انام لا تسوي شي

:-ما مسوي

غمضت عيوني اريد انام خلة ايدة على خصري سحبني علية اكثر فتحت عينيي اباوعلة مغمض

:-هااا شبيك

باوعلي مسوي روحة مصدوم
:-شكو

:-شنو شكو وخر ايدك

:-دنامي نامي

خليت ايدي على الاثر الي ببطنة حسيت جسمة فز بس بقى ساكت وخرتهه بسرعة احاول انام بس ماكدر
:-اكلك

:-همم

:-باجر تروح للدوام

:-اي

:-و اني

:-تبقين هنا

:-اخاف

:-ما عليج شي

:-شوكت نروح للشقة اريد ملابسي و اغراضي

:-باجر العصر

:-لا تروح باجر للشغل عبمود الصبح نجيبهن

:-ما اكدر نامي يلة

:-شوف زين اني ما جاي اكدر انام احس مشتاقة لامي

:-ترحيلهه بعدين

:-اهوو خابرهه

:-ليللل هسة اذا خابرتهه عبالهه صاير شي

:-جا شلون

:-نامي

:-اكلة مااكدر

:-احجيلج قصة؟

:-اي

:-اكو واحد

:-امم

:-ضلي ساكتة لحد ما اكمل القصة ما اسمع صوتج و وراهه. من اخلص هم ما اسمع صوتج كببل تنامين

:-شنو السالفة

:-اشش يلة سمعي اكو واحد حب وحدة بس هي ضمت علية سر و عرف بيهه شكد يحاول ييأذيهه علمود تحجي بس لان يحبهه ما يكدر يسويلهه شيي و بلاخير عرف و انتقم و خسرتة للابد

:-بس

:-اشش نامي حتى لو ضمينة سر طول عمرنة و شخص ثاني يعرفة راح ينفضح هل شي و اول واخر هل واحد راح يعرف اذا مو من حبيبتة ف من غيرهه يلة نامي

بلعت ريكي متوترة سحبني لحضنة خلة راسي بركبتة و باس شعري نمت و اني بهل حالة

كعدت الصبح لكيتة ماكو باوعت للساعة بالعشرة كمت من الفراش صينية مالت اكل بالغرفة و بيهه ورقة

طكطكت ركبتي و كمت من الفراش اخذت الورقة اعرفة خط صعب كاتب بيهه

:-صباح الخير اكلي و اذا تردين ارجعي نامي لما اجي من الدوام

جعصت الورقة و شمرتهه على الجرباية باوعت جايب گيمر و صمون بدون جاي كمت اريد اطلع اغسل فتحت باب الغرفة مقفول سحبتهه قوي عبالي الباب معلك ماكو غميت گصتي و رجعت كعدت كدام الصينية

احس اختنكت ليش يقفل الغرفة وين اروح لهل درجة يخاف علية لو خايف اطلع من البيت بدون علمة حرت وين اغسل شفت دولكة مي على الميز اخذت منهه و غسلت

احس نفسي مسدودة ما اكدر اكل طفيت الضوه و سديت البردة رجعت للفراش تمددت اباوع للسكف المكان هادء لدرجة اسمع بس صوت عقارب الساعة كلشي نرسم ببالي من اول يوم اجيت بي لهل لحضة من يوم الجنت خايفة عبالي مجرم من يوم العافتني بي امي اول مرة امشي بشارع فارغ مضلم و مالكيت غير الصعب امشي وياة لحد هل يوم

ضحكت من ذكرت قبل
:-جان اكبر همي شنو راح البس للدوام باجر جنت عايشة بأحضان امي و ابوي ليش صرت شايلة اكبر مسؤولية ليش تخلة بيدي سر بي حياة ناس تذكرت المكتوب بالورقة

عابس ........... انقتل على ايد اخوانة لان ابوة سجل نص املاكة بأسم عابس خافو تروح املاكهم الي و لابني و لعابس و من شافو قوة علاقتة بية قتلوة و نشرو خبر مات بحادث و لان عدهم سلطة جبيرة محد كدر يحقق بهل حادثة و الخبر الثاني انتشر عابس مات و هو ما متزوج اتبرو عن حفيدهم و قتلو ابنهم و اتهموني بالزانية

لكيت دموعي تنزل لا ارادياََ مسحتهم بقيت بمكاني ما ادري وين اروح الغرفة  تخنك غمضت عيوني اريد انام كل ما ابقى وحدي احاول انام ما اريد احس بالوحدة

هواية بقيت كاعدة ما ادري شوكت نمت فتحت عيني احس جسمي متكسر وكعت عيني على الساعة صايرة بالثنتين سحبت الغطة علية بقيت بمكاني نفسي ما تتقبل كلشي ضليت متمددة بمكاني هواي سمعت صوت باب نفتح شكد ما مركزة اي صوت يصير اسمعة عرفتة صعب نفتح باب الغرفة درت عيني على الباب شفتة واكف

:-ملاذ كاعدة

ما حجيت شي شغل الضوة اجة كدامي سحبت الغطة غطيت وجهي حسيتة كعد على الجرباية سحب الغطة مني

:-شبيج ملاذ منو وياج

بقيت ساكتة يمكن لو حجيت كلمة انفجر بي
:-بابا تسمعيني

كعدت كوة اشيل روحي ردت انزل من الجرباية لزم ايدي
:-شبيجج احجي وياج

سحبت ايدي منة بقوة و كمت حجيت بصوت عالي اريد اطلع حركة گلبي بي

:-شششبيييةة شبييةة و تسألنننيي اسأل روحك قافل علية الباب انني مو سجينة عدكك اني امانةة هييج تعامل الامااانة صعب لو شما سويت وياك مسستتحيل تصير خوش واحد ما جذبت من كلت انت واحد مريض و راح تمرضنني

بقى ساكت ما يرد علية بقيت ادفع بي من صدرة و احجي بهسترية

:-مااا ترررد لان تدرري بروحك مذنننب تدرري جاي تأذينني ابقى ساكت لان تعرف غلطط السوويتةة ما فكرررت ولو لحضة ممكن احتاج شي ممكن احتاج اروح للحمام ممكن اريد اغسللل ممكن اجوووع ليشش ما ففكررت بيية

جنت اضرب بي بقوة و احجي كعدت بالكاع منهاره ابجي بصوت عالي

كعد كدامي دفعتة اريدة يوخر سحبني لحضنة
:-اهديي ملاذ اخاف عليج و سديت الباب ما اريد احد يوصلج

:-لااتجججذب لاتجذببب تخاف اشررد لان تدري بروحك جاي تأذينني رجعني لامي تعبتتت وياك تعبتت

:-ارجعج كافي

يحجي و يمسح بوجهي خلة ايدة على شعري يردد قرأن بصوت ناصي اكدر اسمع شلون يتمتم بالسورة

:-ارتاحيتي

:-صعب لا تقفل الباب علية واللة اتأذة ابقى اسمع بس صوت الساعة و محد يحجي وياي و لا اسمع صوت احد واللة راح اتمرض

:-اخر مرة اقفلة اساسا بعد ثلث ايام و ترحين

وخرت من حضنة ما مصدكة السمعتة
:-وين اروح؟

:-لامج

:-صصدددكك

حرك راسة بمعنى اي مسحت عيني ابجي و اضحك
:-صدددكك واللة يعننيي راح ارجعلهه

:-اي

رجعت حضنته و اضحك
:-خاابرتكك موو

:-اي يلة كومي اغسلج و اكلي شي

:-ما اريد

:-لا مو زين عليج

توكلني انت؟

:-اي كومي

لزم ايدي و طلع وياي الجو بدة يدفى بس مغيم اخذ مي من المغسلة و غسل وجهي شكلة هادء لدرجة على الحجي الحجيتة توقعتة راح يذبحني

سحبني و مشة راد يفوت للبيت وكفت و فلتت ايدي منة
باوعلي مستغرب

:-تعاي شبيج

:-مااا

:-شتردين؟

:-مااا ما اجي

:-تعاي بابا علمود اوكلج

:-ماااا

:-استغر اللة شنو التردينة

:-جيبلي اكل هنا

:-صدك تحجين

:-ايي

:-بابا تعاي خليت الاكل بالمطبخ

:-ماااا

خليت ايدي على بطني اتلمسهه
:-يلة شوف ابني جوعان مماكل من البارحة روح جيبلة اكل

ضحك و خلة ادية بجيوبة
:-منو ابوة هذا؟

:-اني ابوة و اني امة

:-لا واللة

:-اي شنو مو بعينكك

قرب مني خلة ايدة فوك ايدي الي على بطني باوعلي يضحك
:-بنية لو ولد

:-اممممم توم

:-ياابة هو انة بس بايسج و حملتي بتوم جا لوو

:-ااانننجججببب

:- لسانج ولج

:-غير انت مدري شتكول

:-غير انت حامل انة شعلية يلة تعاي نهتم بالطفل

:-لا جذب مو حامل يلة وخرر روح جيبلي اكل هنا

عافني و فات جوة شوية و طلع جايب صينية
:-لا سويلي لفة

:-تتشرطين

:-لعد ما اكل اذا ما تسويلي

خلاهه بالكاع و كعد سوة لفة و انطانياهه
:-يلة فوتي

:-لا اكلهه برة

:-تخبلتي شجاج

:-معليك

اخذ الصينية و فات جوة انتضرتة يطلع ماكو رحت اشوفة باوعت من الباب متمدد على التخم يكلب بالتلفون

:-صععب شو ما صحتلي

:-ملتيني شسويلج

:-مليت مني؟

:-لاا مليت من روحي يلة تعاي بابا كعدي هنا

فتت كعدت بالكاع اكل كملت كمت غسلت بالمطبخ و رجعت كعدت يمة

:-اكلك

:-هاا

:-انت ليش قفلت علية الباب

:-ثلث ايام تحمليهن

:-يعني راح تبقى تقفل علية الباب

:-اذا حجيتي قبل لا تخلص هل ايام الثلاثة ساعتةة ابطل ما اقفل عليج الباب

:-صعععبب انت شنو ما تفهم

:-جؤ

:-ماعرف شي

:-امم نشوف بعدين

:-بكيفك لا تصدك

:-شبعتي

:-اي

:-ورثيلي جكارة

:-وينهه

طلع باكيت جكاير و جداحة من جيبة و انطانيهم اخذتهه ورثتهه و انطيتهه الة كعدت قريب منة

اخذ كم نفس منهه كال
:-البارحة أذيتج من رجعنة

:-لا عادي

:-امم و اليوم هم اذيتج مو

:-اي بس اذا ما تعيدهه عادي

:-ورثيلي جكارة ثانيية

:-شتسوي بيهه

:-ورثي

سحبت ثانية و ورثتهه انطيتهه الة لزمهه بيدة طفة الاولى بين اصابعة

:-صصعععبب

ما رد علية بقيت صافنة علية شجاي يسوي رجع طفة الثانية بيدة

:-ليش تتتسوي هيجج صعب

:-تنامين؟

:-شبييكك انتتت شبيككك

سحبت الجكارة من ايدة لزمت ايدة انفخ عليهه و هو و لا هامة

:-عدنة عصارة مالت حرك

حرك راسة بمعنى لا
:-تأذيك

:-لا

:-شسويلهه الفهه بشي

:-لا ما بية شي

:-صعععبب لا تسوي هيج

:-تخافين علية

:-اااي اخااف لا تسوي شي بروحك اكعد يلة

عدل كعدة خلة ايدة على خدي
:-اسف ملاذ

:-اسكت يلة لا تحجي

:-ملاذ ريحيني كافي

وخرت من يمة عدلت شعري
:-شوف كوم اريد اجيب ملابسي من الشقة اريد اسبح

:-لبسي حجاب يلة

فتت لللغرفة لبست حجابي شلون ما جان طلعت لكيتة على كعدتة

:-ما تكوم

:-يلة

كام كدامي و اني امشي وراة احس روحي مشتاقة للبرة شلون بهاي الناس الي تنسجن سننوات اني يوم واحد ما تحملت

صعدنة بالسيارة ساكت ما ييحجي شي
:-اكلك انطيني تلفونك

:-شتسوين بي

:-اشغل اغنية

:-يا اغنية اني اشغلهه الدنيا حلوة مو

:-لا جيب اني اشغل هي ضلت دنيا حلوة وياك

:-جا شتردين

:-شعليكك انت يابة جيببب

:-ماكو

:-ها عبالك اخابر امي عليك هو اول و تالي راح احجيلهه شسويت بية

:-ما تحجين

:-اي مو هي بكيفك ساعتهه راح تراقبني بلاتصال لو شراح تسوي

:-اراقبج لما اللة ياخذ روحي وهم مو ياخذهه اوصي عليج

:-ننننننن دشغل شغل

:-شتردين

:-واللة الوياك يحب في وحدتي بس حتلو الضروف معاكسة وياي اشغل الدنيا حلوة

هز ايدة و شغلهه بسرعة وصلنة بقيت الم بالغرض هو طلع برة رحت لباب الغرفة تأكدت منة ماكو رجعت فتت للغزفة اتلفت بيهه خاف حاط كامرة اتخيل كلشي يسوي تأكدت ماكو شي

طلعت الورقة ضميتهه بنص ملابسي الداخلية من الخوف ماعرفت وين اخليهه خفت لا يشوفني رجعت الم بالغراض اهدي بنفسي اريد اطلع طبيعية ما يبين علية شي  شفتة فات للغرفة سويت روحي ملتهية اطلع  غراضي من المجر

:-ما كملتي

:-لا هاي اخر شي كملت

:-محتاجة شي نروح للسوك؟

:-لا للبيت

وكف وراية حاوطني بدية باوعتلة بالمراايا الكدامي
:-شتريد صعب

رفع راسة يباوعلي بالمرايا
:-تحبيني؟

:-لا ما احبك و ما اندل الصفحة وين ويلة وخر و رجعة للبيت

ضحك و وخر من يمي خلة جكارة بحلكة بدون ما يورثة شال جنطة و اني شلت الثانية اخاف يشيلهه اتخيل يشوف الورقة باوعلي جر حسرة كال

:-أشيلك من خيالي وتـرد مثـل الشيــب ،
كل ما ينشــلع يكـثر

:-اي خوش

:-مو الج لا تفرحين

:-اي اني ما حجيت وياك حجيت وية الجنية

ابتسم و دار وجهه مشيت وراة ما ادري شبي ضايج طول الطريقة ما حجة شي وصلنة للبيت اخذت الجنطة فتت للغرفة و هو باقي برة بقيت اعزل بالاغراض طلعت برة شفتة كاعد

:-صعب شبيك

:-كملتي

:-لا راح اكمل

:-تجين هنا؟

:-وين

:-نكعد هنا تلعبين بالميي

:-واللة؟

:-اي

:-خوووش لعد خل اكمل بسرعة واجييي

رحت بسرعة كملت العندي و طلعت اكو صوندة مي معلكة بالحايط سحبتهه و شكلتهه بالبوري صعب يباوعلي و يضحك

:-كوم شوف الي يتنكع اكثر هو الخسران و الثاني يعاقبة بكيفةة

:-ها متأكدة

:-ااايي بس عليك اللة خليني انكعك اكثر

ضحك و كام اخذ الصوندة خلاهه بنص الساحة واشرلي على مكان اوكف بي

:-شوفي راح اشغل البوري و اني اوكف مقابيلج اول ما اوصل للمكان هذا ثنينة نركض للصوندة سوة

:-اااي اتفقناا

شغل البوري و راح بمكانة اول ما وصل رحت ركض للصوندة لزمتهه و بقيت ارش علية مي قرب مد ايدة راد يكركرني كبل فلتت الصوندة لزمة و لزمني من ايدي حاوطني بحضنة خلة الصوندة فوك راسي و اني اتحرك و اضحك اريد اوخر ما اكدر

:-وووخرررر وخرر نكعتننني

:-خسرتي لو بعددد

:-وخررر واللة بردت وخرر

:-خسرررتتي؟

:-اي اي خسرت بس عوفني

من كلت هيج وخر و راح سد المي لم الصوندة لميت شعري انشف بيي

:-نكعتتني هي كالوها هيج

:-اي و فزت شنو اتفاقنة؟

:-عليك اللة لا تسويلي شي

:-لا هسة اكلج شسويلج

:-شتسوي

لزم ايدي و فات للبيت فتنة للغرفة فتح الكنتور يدور بالغراض

:-شتدور

:-وين شالاتج

:-جوة اخر شي

دنك جوة طلع شالين
:-شجاي تسوي

:-اعاقبج غير

:-شنو صععب وخر بطلت

:-لا بس اربط اديج و رجليج لمدة عشر دقايق

:-لا شنوو ماريد

:-اذا ما قبلتي بهذا العقاب يصير اصعب

:-اهوو صعب شبيكك

:-اديج يلة

خليت ايدي كدامة لزم ايدي و دارني ربطهم بالشال

:-على كيف

رجع كعد بالكاع و شد رجلية
:-يابة صعب حيل شديتهم

ما رد علية شالني وصلني للجرباية

:-هيي نزلننني منو كالك تشيلننييي

ما رد علية كعدني على الجرباية و وخر اخذ ملابس من الكنتور و اني بس اباوع وراة

:-صععععب شبيك كافي شقة يلة تعال افتح ايديي صارت بدون ملح

بقى مدنك يطلع ملابس اخذهم و وكف يم باب الغرفة اصيح علية ما يرد

:-صععب اني صوجي العب وياكك افتحح ايدي يلةة
شغل البنكة بقيت صافنة علية شجاي يسوي ملابسي منكعة و الجو مو مالت بنكة سد الباب و طلع

:-صصععععببب صععععب شبيككك واللة بارردة ملابسيي مبللة

هههههي افتح البابب لا تصيرر حقير افتحةة صعععبب فددوةةة افتحةة

كمت ابجي و اصيح علية احس روحي لا حول و لا قوة ما اكدر اسوي شي لميت رجلية لجسمي ادفي روحي مرن عشر دقايق رجعت اصيح علية بالكت يرد بس ماكو احس البرد وصل لعضامي

:-صعععبب عليك اللة وين رحت راح اتمرض فدووة

حاولت افتح ادية ماكدر رابطهم حيل ماكو الة صوت بقيت اكثر من ساعة على هل حال كل ما اصفن ابجي لو ارجع اغلط علية ما ادري شنو غايتة من سوة هيج

ملابسي نشفت علية بدة الجو يضلم اشوف من ورة البردة خليت راسي بين رجلية و دموعي تنزل سمعت طكطكة بباب الغرفة عرفتة اجة اول ما نفتح الباب رفعت راسي اباوعلة بقى ساكت بس واكف و عيونة علية حجيت بكل هدوء

:-افتح ايدي صعب

طفة البنكة و اجة يمي وكف وراية يفتح بيدي حسيت الدم رجع الهم راد يفتح رجلي دفعتة بطرف ايددي و فتحتهم اني بقى واكف و مخلي ايدة بجيبة ما يحجي شي كمت اخذت ملابس من الكنتور و طلعت برة سبحت و رجعت للغرفة طلعت شال لبستة هو كاعد على الجرباية ما يحجي شي كملت و باوعتلة

:-اخذني لامي

ما رد علية كام راد يطلع صحت وراة
:-اخخذذننني لامي كتلكك

:-بعد ثلث ايام

:-صصصعععببب ثانية ما اضل يمكك اخذني لامميي انت مو صاحي ما اتحمممللك

:-نزعي حجابج و كعدي

:-ما اضل هنا اشرد واللة اشرد

:-رجعي كلت

:-ما اضل وياكك انت متأكد صاحي روح راجع طبيب اكيد بيك شيي

دار وجهه علية قرب مني و دفعني من زندي

:-ووويننن تررحيين وووينننن لعماممج لو ووووينن

:-معليكك عماميي انيي اريدهمم معليك بية انتت

:-ليش تخليني أأذيج اكثر رجعييي

:-خووش ما تاخذني لامي اخذني لبيت عمك لما امي تخابرك اروح الهه

:-رجعععيي كتلجج رجعععييي اموتج ملاااذذ

:-ما اتحملك صعب

:-ما اسويلج شي بعدد

:-هههه كلت ما تسويليي شهل نكتة صععب كرهتنني بروحي شتريد تسوي اكثر من هيج

عافني و طلع برة كعدت بمكاني ابجي بصوت عالي ابجي على روحي شجابني يم هيج شخص بقيت كاعدة بمكاني ارتكيت على الكنتور تعبت نفسيا بسببة طلع كلشي من عيني اني ذنب منو هيج جاي اتعاقب بعمري ما أذيت احد حتى النملة من تموت كدامي تكسر خاطري مو أاذي بشر و هيج يصير بية

تعبت كد ما بجيت و يأست ياخذني لامي ما عندي ملجأ غير النوم رغم الوكت بعدة مو متأخر لفيت روحي بالغطة غمضت عيوني احس بيهن حرارة من كد ما بجيت نمت سمعت باب الغرفة انفتح فتحت عيوني ما اكدر احس جسمي متكسر باوعت على الساعة قريب الوحدة بليل ما اكدر احرك روحي و جسمي مثلج

:-صعب

:-حسيت بي خلة ايدة على كصتي

:-بردانة غطيني

:-ملااذيي

ما ادري بروحي شحجي راسي يأذيني بشكل و احس الصخونة بأعضامي صايرة

:-انت الجلب موو

:-اممم ملاذي بابا

:-همم انت منو احمدد لاا وخر احمد مات

:-ملاذ

:-اكلك احمد شلون مات

:-عندج ورقة

:-ايي

:-شبيهه؟

:-ورقة مالت دفتر بس خذوهه ولك بردانة بردانةة

:-ملاذذ بابا احاجيج

:-انت احمد لو الجلب

:-شوفي

:-ما اشووف عيونيي ما تنفتح اكلك بردانة غطيني بعد

:-احجيلي ملاذ

:-انت وين جنت هاا عرفت جنت يم ابني

:-تسمعيني شحجي

:-رااسي يوجعني غطيني اريد انامم

:-اي هسة

:-غطيننيي بررددت اكلك امي كالت تسلم عليك

:-شوفي اسألج و تجاوبين

:-لا اريد مي اشرب

حسيت بي كعدني و انطاني كوب مي
:-اشربي

:-شربني مااكدرر لك باردة جيبلي غطة

:-مصخنة انتِ

:-من ورة صعب الجلب

:-اجيبلج شي تاكلينة

:-لا لا بس غطيني احضني خل ادفة

غمضت عيني اريد انام بقيت احجي وياة بس ما ادري بروحي شكول حسيت بي نام بصفي رجعت نمت فزيت على صوت واحد يدك بباب الغرفة فتحت عيوني اباوع يمي ماكو احد اخر شي اذكر صعب جان موجود اريد اكوم من الفراش ما اكدر و لا اكدر اصيح منو

استغربت منو يجينة و يدك باب الغرفة مو البرة كمت كوة باوعت للساعة بعدة ليل وكفت ورة الباب جسمي كلة يرجف من البرد

:-منو

:-اني شهاب

استغربت شجايبة بهل وكت
:-شكو شهاب

:-ملاذ صعب يمج؟

:-لا مو هنا

:-بلة تعاي برة

حاولت افتح الباب مثل كل مرة قافلة
:- ما اكدر افتح الباب مقفول مو عندي المفتاح

:-لا حول اللة رايح اني رايدة شي

:-وينة صعب؟

:-يجوز طالع وية الولد

:-متأكد

:-اي خوية رجعي نامي

بعد ما سمعت صوتة يمكن راح من كد ما جسمي مأذيني ما اهتميت صعب وين ردت بس ارجع للفراش تغطيت و غمضت عيوني ما اكدر انام لان هواية نمت بس جسمي محتاج نوم

:-هذا صعب وين

تذكرت من حجة وياي اخر شي عرفت ليش نكعني بالمي يدري بية من اصخن احجي كلشي لذلك هيج سوة. يردني احجي ما ادري بروخي اذا حجيت لو لا زين وين راح

سحبت الغطة ادفي روحي شفت مخليلي بطانية ثانية لفيت روحي اريد ادفى ردت انام بس ما اكدر اريد اشوفة وينة

……………………………

شهاب

اتصل علية صعب قريب الوحدة بليل يريد نطلع وية الولد استغربت اول مرة صعب يطلب مني هل شي لا و بهيج وكت متأخر

:-شوف اذا انت ما تطلع اني اطلع

:-صعب حتى ابوي ما يرضة اطلع هيج وكت يدري بيك ما تطلع ما يصدك اذا كتلة وياك

:-ضل لا تطلع راح اطلع وسة ولد اعرفهم

:-لا جايك تانيني

:-خوش استعجل

سديت التلفون منة وصلت لبيتهم عدي مفتاح البرة دكيت الباب محد رد من مليت فتحت البيت فارغ محد بي اتصل علية ما يجاوب خابرت على ولد صديقنة سألتة علية كال مو وياي ضليت حاير وين اروح

من مليت دكيت باب غرفتهم جواب ملاذ خوفني اكثر بسرعة طلعت اكو كهوة متعودين نطلع بيهه من نشتغل اصدقائي و اصدقاء صعب ننجمع هناك و نشتغل رحت الها اباوع بين الناس شفت مجموعة اعرفهم صعب لازم قضية ضد واحد بيهم وصلت يمهم شفت واحد مخلي راسة على الميز مثل النايم و همه يحجون وياة بس ما يرد عليهم و يتمتم بكلمات ما مفهومة عرفتة من صوتة صعب ما ادري شنو الجمعة بيهم رحت ركض الة من شافوني اشتغربو شنو الجابني لهنا

لزمت ايد صعب اريد اوكفة ما يكدر
:-صععب شبيكك

:-وخرر ايديي

كوة يجر الحجاية جر
رفعت راسي على الولد اليمة
:-شبيي صععبب؟

:-ما ندريي هو اجة و شفتة كلت اسالة شبيك

:-لاااتجذبب هيج مهتم لامر صعععبب انت شنطيتووو؟

:-ما منطي شيي

مو وكت اعارك احد بيهم كومت صعب كوة كل شوية يوكف يكلي انت ياهو لو يكلي رجعني للكهوه

كعدتة كدم و سقت بسرعة اريد بس اعرف شجابة هنا
:-صععب تسمعنني

:-منو انت ملاذ

:-يا ملااذ يا ملااذ اني شهاب بس كلي شجابك هنا شارب شي انت

:-اي مي هههههه

:-شنطوكك صعب

:-ياهو

:-لا حول اللة صعععب احاجيك

:-اريد انام بحضنهه وديني اشتاقيت الهه

غميت كصتي اني وين احجي و هو وين يحجي

من شفت حالتة هيج كلت اوصلة لبيتهم اوصي ملاذ علية و باجر ارجع اشوف شبي و شصار وياة وصلت فوتة للبيت كل مكان نفوت من يمة ينركع بي اخر شي كعد بنص الساحة مالت بيتهم و يصيح علية

:-ملااذ جيبي البطانية برردان

:-كوم عوف ملاذ بحالهه كومم

:-وين اكوم مو هاي الجرباية

:-هذا صخام بوجهك احسن مو جرباية كوم شثكلك

كوة كومتة بالدفرات وصلتة للصالة هسة ملاذ شتكول كل شوي داك باب الغرفة بالف يا علي دكيتة كبل صاحت
:-هاا شهاب وينة صعب

:-هذا ملاذ شوفي انة لازم ارجع للبيت راح افتحلج الغرفة و فوتي صعب جوة شوية تعبان

:-شبي؟افتحلي الباب

:-ايي

اخذت المفتاح من جيب صعب و فتحت الباب طلعت حالهه اتعس من صعب باوعت عليهم ذول شبيهم

:-وين جان

:-بعدين احجيلج انت شبيج

:-ما بية شي فلاونزة

:-شوفي لازم اروح ابوي كل شوي يخابرني باجر امرلكم

:-هاي هية روح

بس راح باوعت على صعب متمدد بنص الصالة بملابسة و بحذائة تعاجزت اكعدة اريد انام رحت للغرفة جبت بطانية و تمددت بصفة غطيتة و غطيت روحي

الصعب:-انت شهاب

ضحكت علية شبي هذا شهاب شنو رجع خلة راسة بركبتي و سحب نفس قوي

:-ملاذي

رفع ايدة خلاهه على شفتي
:-هاي ليش حارة انتِ

:-نام راسي يوجعني

:-احبج جمارة انتِ حامل مو

راسي مسطور ما بية احجي وياة
:-شوكت تزوجنة ملاذ

رفع ايدة سحب التشيرت مالتي مالي قوة انزلهه مني
:-صعب

:-هممم

:-وخر شبيك انت

:-اريدج جمارة

.
.
.
.
.
.
.
.للحكاية بقية

كلانا كتف للاخر♥
الوريد♪