رواية أنتقام الصفحه 27 (ترميم) الفصل الخامس وثلاثون 35 - بقلم خـلود الـ محسن

الكاتبة لورا

انستا للتواصل lorai_alrwi

تفاعلكم على البارت و اشتراكم بقناة التليكرام..

قرأة ممتعة
………………………

:-اريدج جمارة

:-جؤ صعب وخر اريد انام

:-ملاذي احبج بكل خلكي

:-اممم

رفع نفسة صار جسمة معتلي جسمي عيونة حمر يباوع بعيوني رفع التشيرت اكثر خليت ايدي فوك ايدة امنعة
:-لا تمنعيني منج محتاجج هواي

:-راسي يوجعني شبيك انت وخر

يجر الكلمة جر بي شي مو طبيعي
:-شبي شو خليني اطيبة الج

:-اهوو شوف كوم جيبلي علاج يلة

دنك راسة خلاه بركبتي يتنفس بيهه و يحجي كلام ما مفهوم رجع خلة وجهه بصف وجهي حجة بهمس
:-تحبيني

:-اممممم

:-اني هم

:-شبيك انت

:-احبني هههههه

ضحكت كوة مالي خلكة مدري شيحجي عبالي ناصب علية بس حتى ما يبتسم من يحجي

:-اكلك انت مرضتني

:-امم هسة اطيبج

ذب ثكلة علية احس خنكني ادفع بي ما اكدر ادية ما تعيني من الصخونة ينزع بالقمصلة مالتة جلبت القمصلة بيدة ما يسحبهه عدل

:-اهوو وخرر ما اسلم عليك وخر

:-منو هوو

:-هذا مجلب بيدي الة اسلم علية وانة ماريد اسلم خل يوخرر

لزمت طرف الردان ماالتة خبلني
:-اسحب ايدك

:-وينهه ايدي

:-هههه صعب ما بية حيل احجي واللة اسحبهه عفية
:-رفع راسة و رجع نزلة

:-شبيك انت

:-مو كتيلي اسحب ايدك سحبتهه

موتني ضحك ضربت ايدة بخفة
:-هاي ايدك صعب

:-اكلج انت ملاذ

:-لاا

سحب ايدة حيل و رفع نفسة يباوع بوجهي
:-تشبهينهه بس عيونهه احلى

:-اي يلة وخر خل انام

:-انام وياج

حركت راسي بمعنى لا

رفع ايدة يفتح بدكم القميص نزعة و دنك يبوس بركبتي درت وجهي على الجهه الثانية حسيت شي بلل ركبتي خليت ايدي على وجهه رفعتة اباوع علية لكيت دموعة تنزل

:-شبيك

:-اريد ملاذ عافتني انت مو ملاذ

:-اني ملاذ

:-لاا ملاذ عيونهه حلوة

:-يلة نام الصبح اجيبهه الك

كام من يمي بسرعة كعد يفرك بعيونة كعدت اباوعلة مستغربة
:-شبيك

:-تأخرت على المدرسة لازم اروح راح يفصلوني

:-هههه فدوة نام واللة مالي خلك اضحك

:-انت بس كليلي انت ملاذ لو لا

:-اي اي والعباس ملاذ

:-خوش اذا فصلوني من المدرسة اكلهم جنت نايم يم مرتي

:-اي

قرب مني صار كدامي خلة ايدة على بطني
:-هذا ابني هنا مو

:-اكلك كافي تمسلت تعال نام تغطى باردة انت ما لابس شي

ما رد علية يفتح عيونة و يرجع يغمضهم سحب التشيرت مالتي

:-صعببب

:-اششش ملاذ اشش

نزعني التشيرت سحبت الغطة علية لفيت نفسي بي سحبت المخدة و خليت راسي عليهه اني راسي موتني و جسمي كلة يوجعني و هذا بطران

:-لا تجي يمي صعب

:-سوويلي مكان انام

:-معلية بيك

ما سمعت صوتة استغربت وخرت الغطة من وجهي شفتة واكف يتلفت

:-شجاي تسوي انت صعب بردانة مالي خلك سوالفك

:-امي وين اكلهه عليج ما تنطيني غطة

:-تعال نام الصبح نكلهه

:-ااااا احلفي

:-اي اي بس تعال

رجع تمدد يمي سويتلة مكان تغطى وياية و حضني
لمس جتفي حجة و هو مغمض

:-انت ليش ما لابسة شي

ما رديت علية غمضت عيني اريد انام
:-اكلج اني راح انام دير بالج على ملاذ مريضة

:-اي

:-مو تنامين

:-اي اي

:-يلة خل ننام السهر مو زين علينة

:-امم صح يلة نام

صاح بصوت عالي
:-يكولل الشاعرر
الليلة افضيلج خلك مو مثل ذيج الليلة

:-عوف الشاعر بكااعة حباب خل انام

:-ابدي المباوس من وكت والطش

سديت حلكة صوتة عالي فضيحة بقى يتمتم بالشعر و اني سادة حلكة بلاخير غمض عينة و يدندن عفتة يسولف وحدة و نمت

فتحت عيني الضوة طالع احس جسمي بعدة مكسر و راسي ثكيل باوعت كدامي صعب حاضني و نايم حتى بنومتة عاگد حاجبة لمست جسمي تذكرت بليل سحبت نفسي اريد البس التشيرت بس تحركت فز كوة فاتح عينة خلة ايدة على راسة و كعد يضغط بي بأدية

سحبت الغطة علية و رجعت ليورة اخذت التشيرت مالتي لزمت الغطة بحلكي و لبستة رفع راسة يباوعلي وجهه معقوج

:-ملاااذ ررااسييي راح ينفجرر

كعدت كدامة حايرة شسوي
:-اجيبلك مي

ما رد علية يضغط على راسة بقوة عافني و كام طلع برة اخذت القميص مالتة و رحت وراة خلة راسة جوة المغسلة  فتح المي و كعد بالكاع احسة مثل المتزوهر

:-اجيبلك شي

حرك راسة بمعني لا كعد و بقى يتقيء من كد ما صيح من وجع راسة احس روحة طلعت بصفة

ضل يتنفس بصوت عالي بقيت واكفة و دموعي تنزل على حالتة من استفرغ شوية ارتاح رجع غسل و باوعلي باوع على نفسة قرب مني عض شفتة الجوة يريد يحجي شي بس متردد

:-شكو صعب

سحب القميص مني يلبس بي لزم ايدي و فات جوة دار وجهه علية شفايفة بيض و وجهه مبهوت كال
:-ملاذ

:-ها

:-شصار بينة؟

:-شصار

:-شوفي باوعي علية من كعدت انت لبستي التشيرت
مالتج مو

حركت راسي بمعنى اي

بلع ريكة و لزم جتفي
:-و اني جنت ما لابس شلون ملاذ شصار

:-شقصدك

:-افهمينيي صار بينة شيي اني شلون اجيت هنا بليل سويتلج شي

:-لا

:-شلون اجيت للبيت احنة ليش نايمين بالصالة اني جبتج لو شنو؟

:-انت ما تعرف بروحك شسويت البارحة

:-شسويت ملاذ

:-ناصب علية انت شنو

:-ملاااذ بس احجيلي ما ادري شصار مااذكر شي

ابتعدت عنة ليورة احس لعبت نفسي منة كتلة بتسأول
:-جنت سكران؟

هز راسة برفض مسح وجهه بأدية
:-لا لا ما سكران واللة ما ادري شصار ما ادري بروحي شجابني هنا

:-و تشرررب فوكاهه صعععب شهل قررف انت شجاااي تسووي

قرب مني راد يلمسني ابتعدت عنة ما اريد احجي وياة قرفت من تصرفة

:-لا تلممسننيي شكدد مقررفف و صلاتك وين اذا تشرب كلشي توقعت منك الا هل سالفة

:-مااا سكرن ما سكران افهممميي لزم ايدي وخلة ايدة الثانية ورة راسي قربني منة

:-شممي بية ريحة شررب بيةة

كلش زين اعرف ريحة الشرب جان حسن يفوت للبيت سكران ريحتة تلعب النفس

شميت ريحتة ما بي اي شي رجعت دفعتة عني
:-اي سبحت و اجيت علمود ما اشم ريحة الشرب بيك

:-اشش اششش تدرين ما اسويهه ولج بس كليلي اني كلت شي البارحة زين اني سويتلج شيي ملااذذ خو ماا سويت

:-ايي سوويت

عض شفتة الجوة و تخوصر حاير شيسوي باوع على الميز الكدامة علية كوب مي شالة و ركعة بالكاع

:-شششسسوووويتتتتتتت احجججيي

:-شبيك عصبي ما ادري اسأل روحك

عفتة و فتت للغرفة تأكدت منة ما سكران بس ما اعرف شجان بي قفلت الباب بقيت اسمع صوتة بالصالة يصيح اخر شي دك الباب

:-شتريد

:-افتححي الباب احجي وياج

:-مو انت حابسني البارحة و رايح تشرب يلة افتحة انت

:-ممملاااااذذ لا تخبليني

:-هو انت مخبل ما يحتاج اخبلك

:-ياااغضببب افتحححييي

:-شتريد راسي يوجعني نعسانة اريد انام

:-بس ريحيني احجيلي

:-شحجي البارحة شهاب جابك للبيت و نمنة بالصالة

:-و بعد

:-انت تذكر اني معلية

:-لا حول اللة بابا ملاذي فتحي الباب علمود اخابر امج

:-اححلف تخابرهه

:-واللة اذا حجيتيلي هسة اخابرهه

كمت بسرعة فتحت الباب لزمت طرف الباب و باوعتلة
:-يلة خابرهه

:-احجي اول شي

:-ما تخابرهه اذا حجيتلك

:-ملاااذذ كتلج اخابرهه

:-خوش احلف

:-وعيونج اخابرهه

:-ههه ما اصدك حلفت بيهن جذب

:-ملاااذ ملاااذ مو وكتج احجي

:-شحجي انت اجيت سكران و بقيت تمسلت و بعدين كتلي شسمة

سكتت و هو منتضر اكمل

:-شكتلج احجي

:-نسيت

:-ما اخابر امج

:-لا شوف اني جنت مريضة و اجة شهاب للبيت سأل عليك بعدين راح و من رجع جابك وياة و انت جنت حابسني ف شهاب فتحلي الباب و لكيتك نايم بالصالة تعاجزت اكعدك اجيت و نمت يمك

:-اي و نمنة بس؟

:-اي

:-زين انت ليش لبستي تشيرتج الصبح

:-اسأل نفسك اهوو انت شجاي تفكر ما صار شيي و هسة يلة خابر امي

:-متأكدة

:-لو صاير شي اسكتلك مثلا؟

جر نفس قوي و زفرة مثل الاطمأن من حجيت
:-يلة خاابر

:-خل اسبح و بعدين اخابرهه

:-معلية هسةة

مد ايدة بجيبة يدور على تلفونة ما لكاة رجع يباوع بالمكان الجنة نايمين بي ماكو شي
باوعلي بتسأول

:-ماخذة تلفوني ملاذ

:-لا والعباس

:-جا وين راحح

:-أسال روحك طبعا شارب ما تدري وين وديتة
بقى يفتر بمكانة حاير شيسوي باوعلي و ذب حسرة

:-شوفي نص ساعة و راجع تفوتين للغرفة؟

:-لاااا اذا تقفل علية الباب ما تعرف شسويي دير بالك تفكر تسويهه

:-شوفي اي واحد يدك الباب ما تفتحينه واي صوت تسمعينة تفوتين للغرفة و تقفلين الباب عليج ما تفتحينة لكأن من يكن

:-و اذا انت

هز راسة بملل عافني و طلع اخذت ملابس فتت للحمام سبحت اريد الصخونة تروح من جسمي احس جوعانة بس ما اعرف شسوي تمددت على التخم  منتضرة صعب يجي و يسويلنة مر اكثر من ساعة يلة اجة

:-ها وين رحت

:-جبت تلفوني

:-ها من شربت عفتة يم جماعتك المثلك السكرجية السربوتي

رد علية ببرود
:-ناسي بسيارة شهاب

عدلت كعدتي
:-ديلة خوش خابر امي

كعد كدامي فتح تلفونة طلع رقم امي
:-شوفي بس تسلمين اي كلمة زايدة راح تخسرج هواي

:-هه شتخسرني مثلا تخليني اخسرك انت ما تهمني

:-اذا حجيتي شي مو كتلج ثلث ايام و ترحين صدكي ما اخليج ترحين ف ديري بالج

:-خوش ديلة خابر اول و تالي راح احجيلهه

اتصل و بقى لازم التلفون اول مرة ما ردت بالثانية ردت مديت ايدي ردت اسحب منة التلفون للزم ايدي بيدة و حجة

:-الو هلو رُفيدة شلونج....الحمد للة واللة زين اي... هاي ملاذ تريد تحجي وياج

بقى لازم ادية بأيدة و خلة التلفون على اذني
:-الوو يوم

:-هلا مليذ هلا يمة

بس سمعت صوتهه احس غصة صارت ببلعومي كوة كاتمتهه ردت احجي شي ما اكدر
رُفيدة:-شلونج يمة

:-زينة اني مشتاقتلج

:-بعد روحي يلة عگب باجر اشوفج

ردت احجي گبل سد الخط و فلت ادية
:-شبييكك صععب مو جاي احجي

:-اي كافي مو سمعتي صوتهه

قفل تلفونة و كام مسحت دموعي صحت علية
:-جووعانة

:-هسة اجيب ريوك

:-يلة استعجل

هز ايدة و فات للغرفة طلع ملابس و راح للحمام رجعت تمددت بمكاني منتضرتة يطلع البيت هدوء مو طبيعي صرت اكرة هذا الهدوء اذا وحدي اسمع صوت عقارب الساعة باوعتلة بقيت مركزة وياهه شلون تمشي صوتهه بأذني تذكرت من قفل علية الباب و بقيت بس اسمع صوتهه كمت من مكاني جبت كرسي من المطبخ خليت علية مخاد و صعدت نزلت الساعة بعدني معلكة ايدي
ليفوك فززني صوت صعب من صاح

:-شتسووين

من الخوفة وكعت من فوك الكرسي اني و الساعة حسيت عضامي نرجت اول ما وكعت صعب اجة بسرعة يمي يصيح

:-اسم اللة اسم اللة شبيج

ارتكيت على ايدي و كعدت لزم ايدي يريد يكومني دفعتة
:-وخررر جلب من ورااك

:-دكومي كومي شمصعدج فوك

:-معللليكك من وراكك ططحتت يلةةة معليةة

:-شسوي هسسة

:-انتت طيحتننني ايدي نكسررت يمةة

:-كلشي ما بيج كومي

تربعت اني و كفشتي ما مشطت شعري من سبحت
:-مااااا ما اكوم لو شيصيرر لييش توكعني

:-مصعدج لو دافعج انة شو انت وحدج صاعدة

:-ساااعتكك وترتتنييي منو كالك تخلي ساعةة بالبيت

:-لا واللة دكوميي

سحب ايدي ضميتهن بين رجلية واصيح علية
:-كتلككك ما اكومم انكسرت انكسرت ما اكدر هاي رجلي مكسورة

:-يلة كومي خل اخذج للطبيب هي رجلج لو ايدج نكسرت

:-لاااا ما اروح جسمي كلة تكسرر

:-وتالللليي

:-اصعد على الكرسي و خليني اصيح بيك و اوكع من فوك يلةة

غم گصتة و ذب حسرة
:-بيش ابتليت اني كومي مو جوعانة نروح سوة نجيب ريوك

:-اااا صدك يلة كوم

كمت من مكاني باوعت للساعة نكسرت جامتهه ما اهتميت

:-يلة كووم

:-مو رجلج مكسورة مدري ايدج شو كمتي

:-لا كوم من نرجع عود تنكسر

ضحك و كام
:-يلة لبسي حجاب و تعاي

:-انتضرني هناا

فتت بسرعة للغرفة لميت شعري و لفيت حجابي طلعت لكيتة ماكو صحت

:-صعععبب وينك

ما رد علية عرفتة عافني كبل الدمعة تجمعت بعيني جنت مخنوكة اريد بس اطلع من البيت كعدت بمكاني الوكعت بي تحضرت للبجي فات من الباب كال

:-شمحضرة دراما بلا كوممي نروح و بعدين طلعيهه

ضحكت و كمت اركض عبالي عافني كلت اندمة على الساعة العافني بيهه

لزم ايدي و مشة كدامي وصل كدام باب السيارة فتحة الي و بقى يباوعلي صعدت و بعدة لازم ايدي باوعتلة مستغربة

:-ايدي صعب

عصرهه قوي بين ايدة و فلتهه صعد بالجهه الثانية شغل السيارة

:-اكلك روح لابعد مكان منا لان مخنوكة اريد اشوف الناس

ما رد علية باوعت علية هادء بشكل
:-اكلك

:-همم

:-انت البارحة وين رحت

:-ما رايح

:-ليش عفتني وحدي بالبيت

:-ماعوفج بعد

:-اني راح اعوفك

بقى ساكت اباوع على معانية اريد اشوف رد فعلة من احجي

:-صعب

:-ها

:-البارحة بليل انت كتلي شي

:-شكلت

:-كتلي احبج

:-اممم

:-صح مريضة ما جان بالي وياك بس ااول مرة اسمعك هيج تحجيهه

صف السيارة  ما يحجي شي نزل و قفلهه رجعت راسي على الكشن اجة ببالي البارحة من جنت مريضة ما اذكر شنو الحجيتة بالضبط كل الاذكرة من سألني على الورقة بس ماعرف شنو حجيت غير كم شغلة بسيطة اذكرهن ما ادري شوكت عافني و راح و لا ادري شنو الصار بعد ما حجينة

شوية و صعد بالسيارة بيدة علاكة خلاهه بالكشن الورة حرك السيارة  ضجت بس اني احجي و ما يرد علية باوعتلة و رجعت دنكت سويت نفسي متألمة حجيت بصوت ناصي

:-صععب ريحة الاكل مو طيببة

وكف السيارة باوعلي مستغرب
:-شنوو ملااذذ شبيج

:-ما ادري لعبت نفسي من ريحة الاكل

:-ليش شنو خاف حامل ملاذ احجي صار شي البارحة
من كال هيج ما تحملت طكيتهه ضحكة

عگد حاجبة يباوعلي بأستغراب  من تصرفاتي

:-شبيج؟

:-ههههه اضحك عللليك شبسرعة حملت  وين اكو حامل من اول يوم ما تشتهي الاكل

:-سم ملااذذذ لا تسوين هيج

:-حط علية سم ثاني علمود يصير سمسم

:-ضريفة حضرة جنابج

:-اي اضرف منك

هز ايدة و حرك السيارة وصلنة للبيت خليت جاي على الطباخ جان جايب النة لحم بعجين كعدنة ناكل سوة بس ثنينة ساكتين كمل و كام غسل كعد كدامي بس صافن ما ادري بشنو يفكر

:-اكلك

:-ها

:-مشطلي

:-كملي اكل و تعاي

:-روح جيب مشط و كيتر

كام بدون ما يحجي شي اريد اغثة بس ما ينغث كملت و غسلت لكيتة كاعد على التخم بيدة المشط كعدت بالكاع كدامة

:-شوف اريد تسويلي مشاط حلو

:-شلون تردين

:-سويلي شي مالت عروس

:-لا واللة معرسة شنو

:-معليك انت سوي يلة

كعد يمشط الي
:-احسة طولان كصلياه

:-لا اني اكلج شنو الطولان لسانج و اضافرج

:-لا لا اشاقة ما احس شي

:-بس اني احس

:-اسكت حباب مشط و انت ساكت

سوالي گصيبة و كل مرة يمشطني يطلع مايل راح يغسل و رجع جاب اللابتوب مالتة كعد يشتغل كعدت مقابيلة

:-اكلك

مدنك على الحاسبة و يرد علية
:-هممم

:-انت البارحة ليش هيج سويت بية اني قررت بعد ما احجي وياك

:-خوش

:-شنو خوش ما احجي وياك

:-تمام

:-شبيك اكلك ما احجي وياك

:-اااايي فهمتت

:-لا تصييح اني ضايجة

سد اللابتوب و باوعلي شبك ايد بيد
:-و شتردين هسة

:-اريد امي

:-بقى يومين و ترحين

:-تدري شغلة

:-شنو

:-اكثز يومين كارهتهن و اريد بس يخلصن

:-هيج واصلة مرحلة

:-انت وصلتني لهل مرحلة حبيتك من جنت تهتم بية بس تعرف شنو الغيرني عليك ما توقعت يجي يوم و  تخلي المسدس براسي و لا توقعت يجي اليوم التحبسني بي و لا توقعت تمرضني بيدك بس علمود احجي شي اول مرة حسيت بروحي احبك تعرف شنو جنت فرحااانة هواي حسيت مثل فراشات محاوطات گلبي بس انت كتلت هل فراشات وحدة وحدة بيدك ما ادري شنو المنتضرني منك بعد بس احس الحب بينة بدة يتلاشة

بلع ريكة و ضل يذب حسرات ما يحجي شي
كل ما احجي بسالفة تخص صعب دموعي تنزل لا اراديا دنكت راسي ما كدرت اكتم صوت شهكاتي بقيت امسح دموعي و تنزل جان هدوء بينة لحد ما كام من مكانة كعد يمي و سحبني لحضنة بهل لحضة انهاريت خليت راسي على صدرة و ابجي بصوت عالي ما ادري شنو السبب الي يخليني ابجي

:-صصععبب اذيتننيي هواي

باس راسي و بقى يحرك ايدة على ضهري خلة حنكة على شعري من هديت كال

:-صغرت بعيني الدنيا ملاذ و عيونج صغرت شكد تعبت و شكد تأذيت شكد شفت بصغري و حتى بكبري بس مثل كسرتي عليج ما شفت هيج  ندمت على اذيتي الج بس مو بدية ما اكدر اعوف الماضي اتأذة ملاذ اتأذة مثل الكزازة و تشخط بروحي اذا ما شلتهه تضل تجرح بية

:-و اني شنو ذنبي بس اني الجاي اتأذة بسبب ماضيك

:-ما لكيت غيرج وسيلة توصلني للاريدة

:-ماعرف شي اني

:-اششش هذا مو موضوعنة لا تحجين بي

بقيت بحضنة هواي لامني مثل الطفل و يحرك بيدة على شعري اتصل تلفونة سحبهه و هو لازمني كال

:-هاي رتـيل اكيد جايتني بسالفة جديدة

:-شوفهه شتريد

فتح الخط ما اسمعهم شيحجون جنت مركزة وية دكات گلبة رفعت راسي وكعت عيني على ركبتة شلت ايدي خليتهه عليهه اتلمس بالوشم صاير بنهاية الرگبة لزم ايدي و نزلهه ضحكت و لزمت ايدة لفيتهه علية و رجعت رفعت ايدي كام يحجي كوة و كل شوية يكلهه اللة كريم يصير خير سد التلفون و لزم ايدي وخرت من حضنة اضحك بقى لازم ايدي

:-انتِ كد هل حركات

:-شنو

سحبني علية و حاوطني بيدة طالعتلة لحية بقى يحركهه على خدودي

:-وخرر ايعع

:-ها تضوجين

:-اي وخر

دفعني على التخم و لزم ادية ثنينهم و بقى يحرك بلحيتة علية و اني بس اصيح اخر شي وخر و كام يكركرني كمت اصرخ بصوت عالي

:-ااش اشش العالم راح تجينة

من شافني اصرخ يلة وخر
:-انتتت هوش مو مال شقة

فتح عينة مصدوم ضربت على حلكي بسرعة
:-ااقصد حلككي هوش مو مال شقة كبل يصرخ

:-ملاذذ اطيح حضج واللة

:-ديلة هسة انت ما مطيحة كلي رتـيل شتريد

:-هيج

:-لا تجذب

:-يابة حنة صديقتهه و تريدج تجين وياهه

:-ااااي ايي اروح

:-كتلهه مريضة ما تجي

:-لااا معليية خابرهه اروح

:-ماكوو

:-فدوة فددددوة

:-جؤ ماكو

خليت ايدي ورة ضهره و اباوعلة حرك راسة برفض
:-بااابيي باابيتتيي حبيبي

:-اكرة هاي السواالف

:-صعبييي حبيبي

:-ما ترحين

:-منو الراح يخليني اروح و ما اضوجة بعد

:-مو اننني

:-لا صعبي الحباب

:-ما ترحين يلة روحي خل اكمل شغلي

:-حباااب حبااااببببب

:-جؤؤؤ عندي شغل ما اكدر

:-اي هسة اني شراح اسوي هو انت تشتغل اعتبرني موجودة

:-لا اريد اروح لشهاب مشغول حيلل

:-ايييي سهلةة اخذنني لرتيل و انت روح لشهاب كمل شغلك

:-ملااذ

:-فدوة فددوةة

:-اوف منجج ملاذذ و تالي

:-تالي تاخذني و انت الممنون

:-جؤ خوش يلة عود افكر

:-هي شوكت الحنة

:-اليوم

:-جاا ما عندي ملابس يلة كوم اخذني جيبلي ملابس و بعدين و ديني لرتيل

:-و مشيتي كلمتج؟

:-طبعا طبعا كوم يلة

:-شوفي عندي شغل ما اكدر اجي وياج انطيج فلوس و ترحن انتِ و رتيل للسوك

:-اي بعد احسن

:-لا ما ترحين

:-ااشاقة وعلي اشاقة يلة كوم وديني

:-بدلي

رحت ركض للغرفة بدلت ردت احل شعري لزمت الكصيبة تذكرتة ابتسمت و خليتهه لبست حجابي و طلعت لكيتة محضر اوراق و لابتوب مالتة لان حسب الفهمتة راح يبقى يم شهاب لبين ما ارجع شلت اغراضة و صعدت بالسيارة كلي حماس شغل ستوهه تحركت السيارة كال

:-اكلج ما تحجين شي هناك

:-هو شحجي عكب باجر راح ارجع لامي ما احجي شي

:-شوفي ما اريد ملابس مدري شلونهه و لا تصورين بس بتلفون رتيل

:-اي

:-صبغ بوجهج ماكوو

:-صعععب

:-ارجع ترة

:-يلة يلة خوش اروح مبهذلة

:-ياريت ما ترحين

:-لا اروح

:-شوفي ضحك بصوت عالي ماكو و من يجي المسموط مالتهه ما تتتطلعين فاهمة مو مثل البزونة تمدين راسج تردين تشوفينة

:-اي

:-مو تخلين هواي عطر

:-اممم

:-ماكو ركص

:-اي

:-اي مرة جبيرة كدامج تخلين الحلقة بوجهه

:-حاضر

:-اوصي بعد

:-لاا

:-ترة اوكفلج بالباب تجين و اخذج كبل للبيت دير بالج تسوين شي من وراي

:-اي اي فهمت

:-شوفي اضافرج لا تحطين عليهن شي

:-لا حباب رايحة لفاتحة

:-جا جيبي اني اسويهن الج

:-ما جايبة وياي كلت اشتري وية الملابس

:-اني هسة اجيي اندل وين يبيعونة

هزيت راسي اضحك علية مدري وين يريد يوصل بهاي تصرفاتة وكفنة كدام صيدلية

نزل وصل للباب و رجع باوعلي من المرايا
:-اكلج هو شسمة

:-صبغ اضافر

راح فات و اني اباوع وراه واضحك شوية و رجع بيدة علاكة

:-ذيج المرة اجيت لهاي الصيدلية كتلهم كالو ماعدنة هسة عرفو بية اشتري جابو

:-ههههه اي صح علمودك بلة يالون جايب

:-شوفي تختبرين ذكائي جبتة اسود علمود اي لبسة تلبسينهه يوالمهه

:-ما شاء اللة يحسدوني عليك

فتح الصبغ و دار وجهه علية لزم ايدي صبغ اضفر و سد الصبغ بقى يباوع على ايدي رجع باوعلي شغل السيارة كبل

:-ها صعب

:-ماكو ما تخلين و ذن طولانات اكصهن

:-صصصعععبب شنو مو طلعة هاي

:-عادي الج القرار اذا تردين نرجع ارجعج هسة

:-لا ما ارجع

درت وجهي اريد ابين زعلانة ما اهتم وصلنة كبل لا ننزل انطاني فلوس

:-صعب هاي هواي

:-معليج

:-شوف

:-انزلي يلة شوفي اذا رتيل تتحضر بسرعة اوصلجن بدربي للسوك

:-و انت ما تنزل

:-لا عمي ما موجود شهاب هسة يطلعلي

:-جا وصلني للباب

نزل فتحلي الباب وكف يمي دك الباب طلعت رتيل سلمت على صعب و اخذتني جوة

:-ووولجج ما مصدكةة شعجب رضة يمكن يريد يموت

:-اش اشش سمعج خل نفوت جوة و احجي

:-يابة شنو على اساس اني مستحية

:-اكلج صعب كال اوصلكم للسوك بدربي

:-يااا صدك تريد تنكلبب الدنياا خل ابدل بسرعة
صعدنة لغرفتهه تبدل

:-اكلج همة الولد راح يرحون بشغل منو يرجعنة

:-شعلينة نرجع وحدنة

:-خاف صعب ما يقبل

:-لا يمعودة ما علينة شي

:-شوفي امج تجي ويانة

:-لج امي مريضة ما تكدر شوفي يرحون نكمل كلشي و نخابرهم يجي واحد يوصلنة للبيت

:-خوش بس انت كليلهم

:-اي خوش

كملت و نزلنة ركض لكيناهم برة منتضرين سلمت على شهاب شكلة ابد مو ذاك شهاب الاعرفة ضايج و حتى سلامة كوة صعدنة اني ورتيل ورة

شهاب:-وحدجن تفترن بالسوك

:-شهاب شعلينة اني مو دوم اروح وحدي ما كلت تفترين وحدج

الصعب:-رتيل عينج على ملاذ عندي شغل جان ضليت لمن تكملو

:-من نكمل اجيبهه وحدنة لو نخابركم تجون

الصعب:-لاا اني اجي ارجعجن

:-خوش

وصلنة للسوك صعب و شهاب كل شوية و ذبو حجاية
نزلت رتيل و اني جاي انزل صاح صعب

:-ملاذ مو تنسين شوصيتج

:-اي

اخذتني رتيل اني كلشي ما اندل
:-اكلج ترة صعب ما يقبل البس مشلح لو احط مكياج

:-بكيف صعب هي غير بس بنات

:-ما يقبل واللة اخذ شي مستر

:-معليج معليج عود بعدين تدلعي علية بلبس و هو ينسة

:-شوف هاي مخبلة انت ما يقبل واللة

جنهه ما تسمعني اختارتلي لبس على ذوقهه و اني بس صافنة اذكر بوصيات صعب و اباوع بالفستان الجابتة فضيحة

خابرت صعب كبل لا نكمل اخذنة مكياج و اكسوارات كلشي محتاجينة بس خابر طلعنة الة دفعتني رتيل علمود اصعد كدام لان شهاب ماكو

صعدت يمة ثنينة مغلسين من وصلنة كال
:-شجبتي ملابس؟

:-هاي شوف رتيل جابتة على ذوقهه

:-مثل ما وصيتج

رتيل:-اي اي الي يشوفة يكول عباة يلة نزلي ملاذ

اخذتني سحل فتنة لغرفة رتيل اخواتهه كلهن مزوجات بس هي و امها و شهاب و عمو هادي بالبيت قفلت الباب و نزعت حجابهه جابت الاغراض كومتهه

:-شوفيي اسويلج مكياج وية هذا الفستان شكاككي

:-ولج انت ناوية علية واللة صعب يذبحني

:-المهم نتونس عادي بعدين يذبحج
غمزتلي بعينهه و ضحكت بس يذبحج من الحب

هزيت ايدي على سوالفهه نزعت شالي اباوع على شعري مبتسمة اذكر شلون يضفرة الي فتحتة و كعدت رتيل خلت مكياج و سوت شعرهه اني بس صافنة عليهه

كملت و رجعت خلتلي شعري عفتة مثل ما هو لان مو طويل

كملت اباوع على روحي بالمرايا اول مرة اخلي هيج مكياج اقوة شي جنت من اخلي حمرة و مسكارة بدلت و كعدنة نصور بين ما صار الوكت خابرت على ابوهه ابتسمت شون تحجي وية عمو و تدلع علمود ياخذنة ربع ساعة و اجة لبست حجاب و عباة على ملابسي نزلنة جوة عمو هادي كاعد بالصالة ضميت روحي ورة رتيل

هادي:-يابة منو منورنة

رتيل بسرعة وخرت علمود يشوفني
:-شوف بابا شوف شلون طلعتهه تخبل هسة صعب يبقى سنة يشكرني

دنكت راسي مستحية من كلام رتيل ما تستحي من احد
:-لا يابة ملاذ من زمان حلوة

وصلنة لبيت صديقتهه جانو يحجون بينهم و اني افكر بصعب اذا شافني هيج مسوية شيكول اذا كل المنعني منهن سويتهن

من شفت البنات و الناس نسيت كلشي احس جنت بسجن و طلعت منة تونست بشكل و البنات حبابات

الشي الوحيد الوصاني علية صعب و سويتة كل ما ائوف وحدة كدامي اخلي الحلقة بوجهه

………………………………………

شهاب

طلعنة اني و صعب للمكتب نشتغل صعب من نوع اذا يشتغل ما يحجي اي شي يكمل شغلة و بعدين يبدي بالموضوع كملنة شغلنة على وكت باوعلي كال

:-شهاب

:-ها

:-نخطبت البنية مو

طفيت الجكارة بالنفاضة احساس الخذلان و الخسارة شي يوجع بيوم واحد حسيت اني خسرت شي جنت اعتبرة ملك و الاتعس من هيج ما اكددر حتى افكر بيهه صارت على ذمة غيري حركت راسي بمعنى اي كام صعب وكف يمي سحب جكارة من الباكيت و خلاهه كدامي ورثتهه اله اخذ نفس و زفرة

:-لا تفكر بيهه مدام صارت على ذمة غيرك

:-لا ما افكر

طبطب على جتفي
:-على اقلهه هي راح ترتاح لا تخلي نفسك بيهه ما راح تتهنى

:-طلعتهه من نفسي

:-اعرفك ما تتوصة

رجع سد اللابتوب مالتة طفة الجكارة و كعد
:-اي شهاب احجيلي الصار البارحة

حجيتلة بالتفصيل شلون شفت حالة
:-صعب انت شجابك بينهم؟

:-ما ادري هل موضوع معجبني اني ما جنت وياهم جنت وية محامي صديق الي

:-انت مو خابرتني ليش رحت

:-الولد خابرني كتلة نطلع بهل كهوه من شفتك تأخرت رحت علية و كلت مناك اخابرك ضلينة نحجي بالشغل اخر شي اذكرة شربنة جاي سوة غير هيج ما اذكر شي

:-يعني تتوقع هو متفق وياهم؟

:-جؤ اعرفة زين ما يسوي هيج سالفة

:-واضح خلولك شي بالجاي انت خو ما حجيت شي الهم؟

:-ما ادري المشكلة ما اعرف شنو شربوني و لا اذكر اي شي من الصار

:-زين انت شنو مأكدلك مو صاحبك السواهه

:-جؤ مو هو زين يجوز ذول اتفقو وية ابو الكهوة و خلالي شي بالجاي؟

:-ما ادري واللة السالفة مو خالية ابد

:-وين يرحون مني المهم هذا كله مو مهم عندي اكو شغلة لازم احجيهه الك

:-شنو

:-شهاب ما عندي غيرك مجبور توافق

:-كول

:-خل احجيلك السالفة كاملة بس لازم ترضى اذا ما رضيت راح استخدم غير اسلوب و ما راح يعجب احد بينة

:-احجي

:-ملاذ

:-شبيهه

كعد يحجيلي شنو ببالة يسوي خلاني مصدوم الكلمة ما تطلع مني عبالي بعدة بتأثير الحباية و هيج مفكر يسوي

:-صعب اكيد تشاقة لا سهله علية اسويهه و لا انت الراح تتقبل

:-اتقبل ما عندي غير طريقة و ملاذ راح تروح اذا راحت اضل كل عمري شارد بالوهم شوف انة عندي فكرة ببالي اسويهه اذا ما نجحت نتجة لهل خطة

:-صععبب ما اكددرر اختي هاي

:-ما راح يصير شي علمودي شهاب

:-ما اكدر ما اريد اخسرك و لا اريد اخسر ثقة اختي بية

:-مالك دخل تفتهم بعدين ليش هيج سوينه

:-جاي تضيع بروحك صعب

:-مو مهم شهاب سوي الكتلك علية اذا ما تكدر كلي اكو هواي خطط غير هاي بس ما لكيت افضل من هاي الباقي يأذن ملاذ

بقيت حاير لا اكدر اقبل و لا اكدر ارفض مثل بلاع
الموس بس ما جان بيدي غير اقبل علاقتي بصعب تفوق كلشي تخليني اسوي الغلط و اني مغمظ وافقت بدون ما افكر بنواتج هل خطة

............................

ملاذ

خلصت الحفلة و رتيل خابرت على عمو هادي بس طلع عندة شغل شوية و خابر

:-بابا رتولة راح يجي عليجن الصعب تحضرن

من سمعت كال هيج كمت اخرط بخدودي على الصامت
:-ولج رتتتيل رتيللل كللنننس فدوةة

:-ما جايبة

:-يمةة ولجج صعب اذا شافني هيج يحركنني

:-هية انت شمسوية هنه بس بنات

:-وللج وصاانني كبل لا اجي بس من ورراج هسة شلون ملابسيي شلون

:-ولج غير لابسة عباية نزلي وياي و بدلي شمدري

:-و اذا عرف

:-امشيي ما يعرف هسة شمسسوية انتت

بقيت الوم على راس رتيل لحد ما خابرهه كال اطلعن غطييت وجهي بالشال و طلعت ركضت اريد اصعد ورة ما احس غير رتيل لازمتني من الردن تعت بية

:-وخرري ولج

:-صعدي كدام تردينة يذبحنة سايق عدنة نصعد ثنينة ورة

:-ما واللة ماا صعدي انت يمة

جرجرتني تجرجر صعدت ضامة وجهي باوعتلة مغلس حتى حجي ويانة ما يحجي وصلنة لبيت رتيل كال
:-ملاذ نرجع للبيت

بقيت مدنكة راسي و احجي ما اريد يشوف وجهي اذا رتيل حتى رموش خلتلي

:-هاا لا مو ملابسي

:-بعدين نجيبهن

اباوع على رتيل نزلت تضحك و اني صار عزاء بگلبي حرت وين انطي وجهي

طول الطريق مخلية ايدي على المقبض مالت السيارة اريد بس نوصل و اطفر من ما حجة شي بالطريق تطمنت اول ما وصلنة نزلت ركض

كلت اقفل الغرفة و ابدل فتحت الغرفة مقفولة و المفتاح مو بيهه درت وجهي صعب فات للبيت شمر السويج على التخم نزع السترة و تمدد على التخم ما ييحجي شي طول الوكت اني مغطية وجهي بالشال

:-اكلك اريد المفتاح

خلة ايدة جوة راسة و سحب السويج يفر بي
:-يا مفتاح

:-مال الغرفة اريد ابدل

وكف السويج و طلع من يمة مفتاح مشكلة بالسويج

:-هذا

:-انطينياه

:-اشوف شلابسة بلة

:-لابسة عباة

:-جواهه

:-انطيني المفتاح صعب

:-تعاي اخذي

رحت يمة مقدملي المفتاح اول ما مديت ايدي سحبه و كعد

:-اشوف شمسوية بروحج بلة

:-ما مسووية شي هو ملاابسس

كام كدامي سحب الشال من وجهي دنكت راسي افرك بدية

:-شكلت انة

:-شووف

:-اششش

لزم ايدي رفعهه كدام وجهه
:-مو كلت ممنوع تخلين

:-هي رتيل مو اني

رفع ايدة يتلمس بوجهي بطرف ابهامة
:-هذا هم رتيل

:-اي اي اني معلية هي كالت

:-و انت شيكولون تسوين

دنكت راسي ما عندي كلمة احجيهه نزل ايدة خلاهه على العباة تنلبس على الجتاف لزمت ايدة

:-شووف واللة هي غرتني و اني كتلهه صعب ما يقبل كالت يقبل

:-اممم خل اشوف شلابسة

:-لا لااا شوف وخر حباب

خلة السويج وراة على التخم سحب الحجاب من شعري
:-نزعتي كدامهن مو

:-مو كتلك رتيل مو انيي

:-هااا شمسوية بروحج انت

:-لا هي رتيل خلتلي

يحجي بصوت ناصي ما اعرف افسر شكلة ضايج لو لا علمود اتصرف وياة رجع خلة ايدة على العباة و نزلهه من
اجتافي دنكت راسي خايفة منة

:-شلابسة هاي شكلت انة

:-مو انني واللة اني ردت غييرة

خلة ايدة بجيبة يباوعلي بتمعن
:-هذا الفستان مو مطلع نص الكرة الارضية شلون لبستي

:-هااا شوف

:-رتيل كالتلج مو انت

:-معلية انيي فدوة

:-صدرج كلة طالع عليمن لابسة ملابس

غمضت عيني اول مرة هيج يحجي كدامي قرب مني لزم طرف الفستان من جهة الصدر و لزم طرفة الثاني يسد بي لزمة بيدة و ابتعد يباوعلي

:-ضمينة الصدر زرورج طالعة شستفادينة

:-لا اني بقيت كاعدة محد شافة گصير

:-اني شفتة و رتيل شافت ابو المحل عرف راح تلبسين هيج

:-شسوي هسة اني

:-ارجعي لرتيل تحلج هاي المشكللة

:-لا فدوة اني اسفة اخر مرة اعيدهه

:-سوي شي يخليني اقبل اعتذارج

:-شسوي

:-مثال تردين؟

:-اي كلي شسوي

:-بوسة مثلا تعبر عن الاعتذار

ابتسمت و قربت منة بستة بخدة خلة ايدة على ضهري قربني منة اكثر

:-اني مو هيج اقبلهه

رفعني علية و باسني بشفايفي دفعتة عني اريد اسحب نفس وخر وجهه و بقى حاضني صوت انفاسة عالي

:-صعب

:-همممم

:-وخر اريد ابدل

وخر مني رجع سحبني علية خلة ايدة على ضهري و حركهه

:-هاي شنو؟

:-شنو

:-الضهر مفتوح هم

:-مو كتلك مو اننيي هي هاي رتيل

:-ضلي كل سالفة ذبيهه برتيل

سحبت روحي منة كوة اخذت المفتاح و فتت للغرفة گلبي يدك حيل سديت الباب و ارتكيت علية احس روحي راحت من باسني بقيت اتلمس بشفتي و الابتسامة مالية ثغري حرارة تطلع بوجهي

بدلت و طلعت اغسل صعب كاعد يكلب بتلفونة كال
:-ملاذ طالع اني لليل يلة ارجع اكل بالثلاجة مو ما تاكلين

:-مو تتأخر حيل اخاف وحدي

:-لا بالعشرة اجي

:-انتضرك

:-اي ننام سوة كال هيج و غمز

ضحكت علية قفل الباب وراة و طلع طلعت اكل من الثلاجة اكلت ورجعت شغلت التلفزيون رحت للغرفة خلليت مسكارة و حمرة رجعت اباوع فلم التهيت علية خلص الفلم يلة كمت رحت للساعة الي بالغرفة شفتهه بالتسعة اريد الوكت يخلص علمود يجي بقيت اعزل بالبيت سمعت باب البرة نفتح تلقائيا ابتسمت فات لازم السترة بيدة و لابس قميص ابيض

:-هلااا باباا

ابتسم بدون ما يرد علية عبالي ضايج من شي نزع حذائة و فات بيدة اغراض خلاهم على التخم نزع قميصة و شمرة يمهن

:-صعب

:-همم

:-شبيك

:-ما بية شي اريد اسبح

:-احضرلك ملابس

:-لا اني احضر

:-اسويلك اكل

:-لا اكلتي انت

:-اي اكلت

فات للغرفة جاب ملابس و رجع كعد على التخم استغربت احس بي شي شلت القميص مالتة و كعدت بصفة فتح التلفون بدون ما ينتبهلي شفت الرمز مالتة اول ما فتحة طلعت صورتة سوة من رحنة للغراف  دنكت راسي بسرعة علمود ما يغير الرمز

:-صعب احد ضوجك

:-لا بس تعبان

شمر التلفون و كام للحمام ما جان عندي شي بالتلفون ما همني من عرفت الرمز عدلت القميص شفت بي حمار بالصدر خليتة كدامي بي اثر احمر بلعت ريكي متوترة معقولة يسويهه نفضت الافكار من راسي مستحيل اول مرة ييلبس قميص ابيض و يمكن توصخ بشي كمت اريد اغسل القميص طاحت عيني على الاغراض الجابهن بينهم علاكة بيهه علامة صيدلية شمرت القميص و شلتهه

طلعت العلاج البيهه غريب اول مرة اشوفه ما ادري شهل احساس الاجاني بالحضتهه

بسرعة اخذت تلفونة فتحتة بحثت بكوكل على اسم العلاج طلع نوع من انواع حبوب تخلي الشخص شبة يهلوس يحجي بدون ما يدري بنفسة

جسمي كام يرجف شمرت العلاج  على التخم كعدت بالكاع جسمي ما يعيني

:- يريد يشربني علمود احجي ااي لان هو ماياخذ هيج علاج

امسح دموعي و تنزل ما ادري منين اجتني الجرأة رحت بسرعة للغرفة لبست حجاب اخذت الورقة من بين اغراضي ضميتهه بصدري

طلعت ورقة و قلم من الميز باوعت من الباب بعدة بالحمام فتحت تلفونونة دورت على رقم امي ما لكيتة من خوفي فتحت التليكرام مالتة كتبت رقمة على الورقة
سديت التلفون و طلعت بسرعة من باب الصالة كل ذرة بجسمي ترجف

فتحت باب الشارع على كيف باوعت على الشارع فارغ و ضلمة رحت اركض بوحدة من جهات الشارع دموعي تنزل وية الهوة ما اعرف بنفسي وين رايحة و لا اندل مكان حسيت نفسي رجعت لاول يوم اجيت بي امشي بمكان مضلم ما اعرف شنو المنتضرني بي

.
.
.
.
.
.
.
.
.
للحكاية بقية

كلانا كتف للاخر♥
الوريد♪