رواية أنتقام الصفحه 27 (ترميم) الفصل السادس والعشرون 26 - بقلم خـلود الـ محسن

الكاتبة لورا
…………
lorai_alrwi انستا
………………
صوتو للبارت و علقوا على الفقرات💚
………………
قرأه ممتعه……

كعدت كدامه و هو عاف السلاح اجه علي يمنه

الصــعب:-شوف شـهاب والله ما راح اتأذه و لا أأذي احد همه بينهم راح تصير و ناس تاكل ناس

:-صعب حافظك انه لا تجذب عليه

درت وجهي منه باوعت لعلي يهز برجه و لازم ايد بيد
:-علي انت احجي

:-شحجي؟

:-لا حول الله علي تحجي لو لا تره اكل لابوي علي يشتغل بضهرك

:-ما مشتتغلل شعليه اني شوف ابن عمك هو ورطنني

:-و انت نغيوه هو ورطك؟

الصعب:-اني جبرته

علـي:-اي اي و داعتك هو جبرني

شهـاب:-اووي يمه هو جبره مو لازم عليك صور +18 و خفت علئ حيااتك شوفو لا تكلبون السالفه ويه منو ندكيتو هل مره احجوو

:-يعني مثل كل مره ما تدري بالصعب ما يتوب

شهـاب:-حددلي بالضبط اذا الاخ مجمع لستة اعداء و يلعب بكيفه

درت وجهي على صعب و لا يمه الموضوع متمدد على التخم مخلي رجليه وحده فوك الثانيه و يعلج

الصعب:-شعليك انت

:-اسمحلي اكلك انچب والله ثنينكم بكلمة مني للحجي اضيعكم

الصعب:-اجي اله وياك؟والله مشتاقله ال*** و لا يسأل

:-الميانه الزفره تدري بي ما يرضه هيج تسوي و انت استاذ علي تشتغل بضهره و ابو حزامين يشوي على اذنكم بصل

:-شمشتغل؟

:-صصععبب ليش تضيع برووحك

:-ما مسوي شي ما اضيع انه اذا ما ضيعتهم بيدي
المهم شتريد مني

:-ارجع للبيت

:-بعدنه ما نفذنه شي وين نرجع اذا ما عاجبك روح

:-عاجبني استاذ بس ممكن تحجون منو الي ببالكم هسه؟

صعب عدل كعدته و صار مقابيلي رفع ايده حك طرف حاجبه بأصبعه الابهام وكال

:-الاثنين

:-شللون صعب خايف عليك

:-علي موجود منو يكدرلنه؟

:-و ليش ما حسبت حسابي تشتغل بضهري صعب

:-لان ادري تعارض و مالي خلك اتوسل

:-المهم احجو شراح يصير؟

:-ما راح نسسوي شي بس نشهاد علي كمل كلشي

:-فهموني شراح يصير جاي احس اني اغبى واحد بيكم
علي قرب مني و صعب رجع ارتكه على التخم يعلج و يباوعلنه

علـي:-راح تصير مشاكل بين عمامك و بين الاشوح و احنه بس متفرجين

:-شلون؟

:-اكلك حبيبي

:-كول

:-انت شلون صرت محامي اني متأكد انت شهادتك مزوره

:-يمه على اساس هو ماخذ الدكتوراه غير بالدفرات عبرت صاير فهيم براسي

:-و انت بالغش لو ما صعب لحد هسه نايم بالمتوسطه
صاح بينه صعب

:-و تاللي كل ما تجتمعون تضل هاي سوالفكم؟

شهاب:-هو يتحرش اطردوه من الشله

علي:-بصفتك ياهو و تقرر يطردوني من الشله هو غير انه اساس الشله

الصعب:-ديله هي شلون شله علي المجرم و شهاب ال***

شهاب:-و صعب ابو النسوان

:-اكل خرا لك اني رجال متزوج شجابني ع النسوان

شهـاب

-صعب شخص مستحيل يحجي شي خاص بحياته كدام احد علي شكد قريب من عدنه ما يوم حجه بأمور شغله و بأمور التصير بالبيت كدامه الا سالفة زواجة من ملاذ وين ما كعدنه بمكان و كال اني متزوج مرات يخلق حديث بس في سبيل يذكر هو متزوج متأكد منه يحب ملاذ بس مستحيل يعترف صعب انسان فعلاََ صعب من ناحية مشاعره من ناحية تفكيره من كل النواحي يفكر بالمستقبل اكثر ما يفكر بالجاي يصير متأكد ما جاي يعترف بحبه لملاذ خوف عليها من المستقبل

ساعتين مرن و علي و صعب و احد يباوع بالثاني فاتحين لابتوب كدامهم و اني ضال اباوعلهم و اهز بيدي ساعة اطلع بره ادخن بعمـري ما دخنت كدام صعب اذكر مره صارت و حالة تأزمت بشكل الا ان اخذ حبوب مهدئه منهه و بعد ما دخنت كدامه

صاح علي
:-تمت ابو الصعب

:-ههه لك عاشت ايدك انتهى دورنه و راح نستمتع

شهاب:-صعب خو ما راح يعرفون عنكم شي؟

:-جؤ اني و انت ما معروفين يمهم و علي واثقين بيه
مستحيل احد منهم راح يشك علي الي سوه هيج

:-فهمني صعب

:-الاشوح لازم يستلم مبلغ**** و انت تعرف هل مبلغ كلش جبير و الاشوح يعببد الفلوس لو شكد ما يثق بعمامك راح يچيك وراهم هل مبلغ

ابتسمت و ارتكيت على التخم عرفت خطتهم
:-اممم علي سحب من المبلغ؟

علي:-ههه ردت اسحب بس ابن عمك ك** طلع يريد يورطهم اكثر تبدلت الفلوس بفلوس مزوره و اني صار يومينن جماعة الاشوح عبالهم مسافر محد راح يشك بيه الاشوح و عمامك راح تصير بينهم مشاكل و بس هذا كل ما بالموضوع

باوعت لصعب يحرك بيده على شواربه
:-اي صعب و اذا لزمك الاشوح و عرف ماضيك؟

:-شبيك شهاب؟مرن 18 سنه منو يذكرني؟

:-و اعمامنه صعب تتوقع لو نلزمت ما راح يميزون شكلك

:-شهابب خويه شبيك انت منو يدري بيه عايش؟

:-خايف عليك و داعتك شكد فرحان بالراح يصير بس خايف بكد فرحتي خايف اسمك ينجاب يمهم

علي:-شنو شهاب منو يعرف صعب بيهم غيري و انه لو على كص ركبتي انت و صعب ما انطي بأسمكم

شهاب:-علاوي انت بنص الموت

:-شهاب انت شوكت تثق بيه ولك ما تذكر ببداية شغلي المسدس تخله براسي و ما جبت طاريكم تريد هسه اجيب طاريكم

:-ما خايف على روحي علاوي و لا خايف ع
منك شيصير بيه خل يصير بس خايف على صعب

الصعب:-وين تردون توصلون بهذا كلامكم محد بينه راح ينعرف و اذا نعرف فهل واحد اني ثنينكم مالكم ذنب انه الورطتكم

شهاب:-كاافي يله كااافي نرجع لموضوعنه الفلوس وينها؟

علي:-بعد هل شغله يمي من اتحول ضابط احلها

:-هههههه ها هسه انت مجرم

:-بالضبط

انتضرنا للساعه 1 علي مشكل كامرات بالمكان الي موجود بي الاشوح و جماعته علي يسمونه الداهيه لان من صدك داهيه كلشي مسجله كلشي كاتبه كل الاخبار عنده

ماكو عملية تصير اذا هو ما يدري بيها كم عملية تهريب خربهه كم عملية بيع للاطفال خربها و محد يدري بي صادقناه عن طريق ابوي صح علي يشتغل وي ابوي بس ثلث ارباع شغله محتفظ بي لنفسه

يكول لابد يجي يوم و تفيدني قانونياََ لما اتطمنا علي ما راح تصيرله مشكله و الاشوح شاك بعمامي همه السلموه فلوس مزوره ببعدها انسحبنا و كلمن راح البيته اعرف غاية صعب من هل عملية يضرب عصفورين بحجر يورط عمامه و يورط الاشوح يخليهم يتكاتلون بيناتهم و بالنهايه ياخذ ثاره من كل واحد بيهم

.................
مـلاذ

لبست حجاب و طلعت من الغرفه لكيت صعب و شهاب بلاستقبال فاتحين لابتوب و كدامهم اوراق يشتغلون عليها فتت و لا واحد رفع راسه لما كعدت شهاب باوعلي كال

:-وعليكم السلام مرة اخي

:-ما احجي وياك مو كلت تشتريلي علمود ارضه شو ما اشتريت

:-مو خويه هسه الشغل واصل لراسي اذا كمت اشتريلج صعب يطردنه انه وياج

صعب رفع راسه باوعلي و ابتسم طكك ركبته كال
:-كوم اشتريلها لا تخليها زعلانه

شهاب:-و الشغل

:-دنعل ابوه كوم

:-من نكلك ابو نسوان ما تصدك

بقيت اضحك عليهم
:-ملاذ شتردين حدي وياج الف غير هييج ما اصرف

:-لا والله متعب روحك صيير مثل صعب اكثر واحد
يصرف عليه

:-صعب عده فلوس اني مفلس

:-كوم كووم يله

جانت اوراق بيده عافهم بالكاع و كام لبس الجاكيت و طلع باوعت على صعب رجع شال الاوراق يشتغل بيهم

:-صعب عندك شغل؟

:-امم بابا رايده شي

يحجي و مركز بلابتوب
:-بس اني ضايجه

عاف القلم على الاوراق و باوعلي
:-ليش منو وياج

:-اريد امي

:-ها ذكرتيني دزت رساله اليوم بليل تتصل علينه

:-صصددكك؟

:-امم

ابتسمتله و هو رجع يكتب رحت كعدت بصفه اباوع شيكتب كلشي ما افهم فات شهاب اول ما دخل
للاستقبال دار وجهه صاح

:-ماا شفت شيي

بقيت اتلفت عبالي اكو شي
:-شكوو

:-يابه كولي ششهاب هسه يجي ردتوني بس اروح و سويتو سوالف فسووق اللهم ابعدنااا

:-دنجب شهاب

:-جؤؤ بابا

كمت من يمه رجعت لمكاني فات شهاب  جايب علاكة حلاويات خلاها على التخم و رجع يم الصعب كملو و بدو يلمون بلاوراق

شهاب:-ها ملااذ تذكرت

:-خير

التفت وراه شال علاكه و شمرها عليه
:-شنو هاي

:-ما ادري رتيل دزتهه

فتحتها كدامهم علبه مالت صبغ شعر اول ما شفتهه ضحكت

:-شههابب عليك الله جيبها لبيتنه حبباابب حبااب

:-ادري ذاك اليوم جذبت كلنه تبات يم صديقتهه و بطلاع الروح امي صدكت هسه شنكول؟

:-كلها يم ملاذ

:-صعععب سكت مرتك مننيي دقيقه و ارتكب بيها جريمه

:-يا شكتلك هسه اني صعب اسكت لو لا؟

:-احجي براحتج بابا

باوعت لشهاب هز ايده و غم كصته
:-امدداني اي والله روح شهاااب سييست

شال تلفونه و اخذ محفظته
:-يله تردون شي

الصعب:-لا ولي

طلع و صعب كام غسل اديه من القلم رجع فات

:-ها بابا تجين وياي نجيب عشه

:-لا روح انت

:-خوش ما اتأخر

طلع و اني بقيت اكلب بالتلفون فتت للواتساب كل مره جايني رقم جديد و اني متأكده هذا نفس الشخص بس يكتب شعر و يروح منين يعرفني ما ادري كاتب الي

:-اانفاسي ترتجف بمجرد ان ارى ابتسامتكِ

سكرنت الرساله و حضرته اجه صعب جايب اكل خلاه بصينيه و رجع كعد مقابيلي

:-ها شبيج ليش مطنكره اليوم؟

:-صعب حبابب شوف هاي الارقام تضضوجني احضر و ماكو

:-ليش شدزلج

رفعت التلفون شوفته الرساله
:-شووف يحسسني اني جلب و بس يشوفني يرتجف

:-ههههه خل يولي حضري كل ما يدز

:-اي هو كل مره احضره

:-عاشت ايدج

:-اكلك

:-همم

:-باجر الجلسه

:-اي

:-نروح غير

:-اي ان شاء الله باجر شهاب يبقى يمج الصبح و اني عندي شغله اكملها  و من اجي نروح

:-شعجب شهاب يبقى

:-افضل تحسباََ للوضع

:-يعني احنه بخطر راح نموت مووو

:-لا كلشي ما علينه لا تعضمين الامور و اكلي

:-افتحلي البيبسي

شال القوطيه فتحهه و خلاها كدامي كملنه عشه شلت المواعين غسلتهه و سويت جاي صبيت و رحت

للاستقبال شفته ماكو باوعت للساحه كاعد وحده بقيت اباوعله مبتسمه داير وجهه على الجهه الثانيه شويه و صاح

:-برد الجاي ملاذي

فزيت من صوته شعرفه بيه موجوده

دار وجهه يباوعلي و يبتسم مشيت من مكاني وكفت بصفه اخذ مني الكوب و لزم ايدي

:-تعاي كعدي

كعدت بصفه ادير بوجهي منه
:-شبيج بابا

:-ها شبيه

:-ليش تتوترين من تشوفيني

:-لا بلعكس انت اقرب شخص الي بعد امي ليش اتوتر

:-اممم ليش

:-ما ادري

خله الكوب بالكاع رفع ايده على جتفي حاوط جتفي و سحبني عليه

:-جماره

:-همم

:-لو رحتي لا تنسيني

رفعت راسي عليه مخلي عينه بعيني ما رمش ابد ما ادري ليش بحة صوته خوفتني حسيت خلاص ما راح اشوفه ما كدرت اسيطر على دموعي كبل نزلت

:-لاا ما انسساك انت راح تجينه كل يوم ما تعوفني و نضل دوم هيج قريبين

رفع ايده يمسح بدموعي
:-دموعج ما اريدها تنزل ابدد

:-اذا انت ماكو ابجي لذلك كل يوم تعال لا تكطع

ظل صافن عليه دنك عليه باس كصتي و خله راسي على صدره

:-ما اكدر اتخطى اي يوم عشناه سوه كل لحضه تنرسم ببالي ما تروح منه

:-صعب حباب لا تحجي هيج والله اخاف

:-ههه مو حديثنه كومي نفوت جوه هسه امج تخابر علينه

:-يله

فتنه جوه ردت افوت للاستقبال كال
:-لغرفتي روحي

ما عارضت طلعت و هو فات للاستقبال
:-ها مو كلت للغرفه

:-اي بس اجيب شغله روحي كدامي

:-خوش

رحت للغرفه طلعت تشيرت من عنده قفلت الباب نزعت التشيرت مالتي ندك الباب و اجاني صوت صعب

:-وينج فتحي الباب

:-اي جاي ابدل

:-دفتحي مستحيه منيي

:-يااا صعب شبيكك تره اقفل و ما افتحه الك ابد

:-لا يابه شجايبني اتشاقه يله ننتضر

كملت و فتحته بسرعه باوعلي غاطه بالتشيرت هز ايده و كعد جايب كاسه و الصبغ مالت الشعر

:-شتريد تسوي

:-تعاي كعدي

كعدت مقابيله مشغل يوتيوب يتعلم يخلط الصبغ
:-شنو ترييد تتعلم بشعري

:-اول شي علاجج بالميز الي على اليمنى جيبي و تعاي و ثاني شي اسكتي خل اشتغل

:-صعب صرت زينه

:-اي ادري كومي

:-شنوو ما اريد

:-كومي بابا كومي ياعينيي

سويتله حركه بحلكي عود زعلانه هو مدنك حتى ما يباوعلي

:-باوع
رفع راسه

:-ها عيني
رجعت سويت الحركه و حضنت اديه

:-تره اني زعلانه رضيني

عاف البيده عض شفته الجوه و يضحك
:-اارضيج؟

:-اممم

:-متأكده تردين ارضيج

:-اي

شال الكاسه منن كدامه و قرب مني نزلتت اديه و دنكت راسي نضراته توترني ما يشيل عينه اذا باوع عليه

:-متأكده؟

:-ها

:-ارضيج؟

:-اي

قرب مني اكثر خله كصته على كصتي

:-و هسه

رفعت راسي علييه

:-شنو

:-نرضيج غير

:-ما زعلانه

ضحك و ابتعد مني
:-اخخ بويه من سوالفج

:-شمسويه

سحب الكاسه يخلط بالصبغ

:-لا يابه ما مسويه

:-اكلك خاف شعري يحترك

:-لا بحثت عليه خوش صبغ

:-اكلك امي شو ما خابرت

:-بعد وكت شنو نعستي

:-لا

خله الصبغ على صفحة كام للمجر جاب العلاج و بطل مي و اجه يمي طلع الحبوب

:-يله شربي

اخذتهم منه و هو يخلط بلابره ضربتهه شويه انتضر كال
:-ايدج

:-شبيها

:-شنو عاجبتج خل نشيل الكانونه

:-خاف يطلع دم مثل ذيج المره

:-لا تعاي

لزم ايدي و اني دايره وجهي حسيت بسحبة الكانونه خله كطن عليهه و راح جاب مشط

:-يله صعب خل نفتح صاللون

:-ههه اي ليش لا

كلت بحماس ما منتبهه لروحي
:-ااااي و نسمي الماكيره صعب

جان واكف بصفي دنك عليه و سحب اذني
:-ييمه اذننييي وخرر مو ايدي ستوهه طلع منهه دم عوفنني مريضه ما يصير تحاجيني

:-شوكت تبطلين تجفص

:-شكايله هسه اني ما كايله شي انت حساس

ما رد عليه كعد علي الجربايه صار ورايه يمشط بشعري
:-رُفيده ليش تخليج تكصين شعرج صدك تحجي

:-بدون ما تدري كصيته و كتلتني و بعد ضليت اكصه دوم ما تكدرلي

:-اي هاي رُفيده مو صعب دامج تعرفتي عليه خلل اشوف شعرج مكصوص

:-تره مو كلش گصير و اني اتعاجز امشطه

:-اني امشط الج ما اتعاجز من شعرج لا تكصي

:-و اذا رحت منك

قبل لا يرد ثنينه فزينه على صوت الاتصال احس روحي مفرفحه على الاتصال طفرت قبله للتلفون لزمته شفت امي رفعت راسي اباوعله كال

:-ردي بس لا تحجين اول شي

فتحت الخط و خليت التلفون على اذني اجاني صوت امي

:-الو

:-يوم

:-هلا شلونج يمه

:-زينه اني انت شلونج وين رحتتي صار شكد ما تخابريني

:-اخاف عليج والله شلونج صعب شلونه

:-زينين احنه هذا صعب يمي

انطيته لتلفون سلم عليها سد الصوت ما اسمع شيحجون
بس يكلها

:-اي خوش هاي هيه ان شاء الله خير طمنينه الله وياج سداه و باوعلي

:-هاا شكو

:-اليوم راح تحاول تاخذ جناسيكم

:-صصصدككك يعنني راح ارجعلها

هز راسه بمعنى اي احس فرحه بداخلي
:-شبيك انت ضجت تره ما اعوفك والله

:-لا ما ضايج فرحان الج

:-اممم

:-يله تعاي شوفي شلون راح اسويج حلوه لبس جفوف و بقى يسحب خصل من شعري و يخلي صبغ بالفرشه بلاخير كام يشيل بيده و يخلي

:-اكلك انت شجاي تسوي

:-معليج معليج خل نشوف شنو تاليتها ويه هذا

:-هذا؟ بله شسمه

:-شسمه رسم شعر غير

:-هههههه اي صح رسم شعر

:-جا عليمن تضحكين

:-لا هيج شبقى اريد اكوم اشوف

:-خل اكمل

خله قراصه بشعري كام

:-ملااذ مو تكومين هسه اجي

:-اي

بقي يدور بالمجرات طلع علاكه جاب كلنس و كعد كدامي
مسح كصتي و خله علاكه على شعري

:-شجاي تسوي انت

:-همه بالفديو هيج كالو

:-و اذا شعري صار بي شي

:-اذبح رتـيل

:-هههه لا معليها هي

كام تمدد على الجربايه و اني بقيت اكلب بالتلفون على ما يخلص وقت الصبغ

:-اكلج بابا

:-هاا

:-شجاي تسوين

:-ما اسوي شي

:-تمرغيلي ضهري

:-اي جايه

عفت التلفون و كعدت بصفه على الجربايهه كعد ونزع قميصه رجع تمدد على بطنه

:-مرغي زين

بقيت احرك اديه على ملابسي عللمود يدفن خليتهن على ضهره حسيت بجسمه قشعر من لمستي بقيت احرك اديه على ضهره

:-مللاذ يم ركبتي

رفعت ايدي امرغ بركبته
:-تأذيك ركبتك؟

:-اي لان ادنك هواي على اللابتوب

:-اممم

خليت ايدي على الوشم البركبته بقيت احرك اصابعي عليها

:-جؤؤ ولج لا تسوين هيج

:-حلو هذا الوشم

:-ايدج وخريها

:-ماا

:-لا توخرينها متونس على فكره

كورت ايدي و ضربته بضهره
:-اخخ خرا بيومجج

:-علمود ما تتونس

:-متونس وداعتج

دنكت راسي بست الوشم و بسرعه وخرت جان مغمض عيونه و داير وجهه على جهتي اول ما رفعت راسي بقى فاتح عيونه علييه يباوعلي مصدوم

وخرت ايدي منه اضحك عليه
كعد و خله ايده على ركبته نفسه صار عالي بلل شفايفه و ابتسم

:-ليش؟

:-ها ما ادري عجبني

:-شعجبج الوشم لو البوسه؟

:-لا الوشم

:-اوشملج؟

:-الي

:-لا مو بجسمج

:-چاا؟

:-عاجبج انت اسمج يصير وشم

:-هاا

:-هيج بابا اريد جاي

:-اي

كمت وصلت لباب الغرفه صاح
:-لا لا تعااي ما اريد

:-ها ليش

:-مو زين على شعرج رجعي

:-لا عادي

:-جؤ كعدي ما اريد اصلا

:-خوش بكيفك

رجعت كعدت بالغرفه و هو كل شويه يشوف الساعه اخر شي صاح

:-يله كومي غسلي شعرج

:-تمام

:-اغسله الج

:-لا شنو اني اغسله

:-جؤ اوكفي

:-شتريد

:-بارده عليج خل اجيب هنا مي و جدريه اغسلج

:-ياا شنوو صعب من جنت جاهل امي هيج تسويلي

:-ليش هسه كبرتي

:-ياا تره عمـري 19

:-اي صح كلش جبيره

:-اي لعد شنو

:-سكتي بابا سكتي لو يصير عمرج 100 سنه اشوفج ملاذ الطفله

نزل من الجربايه خله تلفونه على الميز و طلع شويه و اجه بيده جدرية مي و طشت

:-صعب صدك تحجي

:-لا اتشاقه وياج

خلاهن بالكاع و جاب خاولي من الكنتور
:-يله ما تجين لو اله عزيمه

:-شنو والله ماعرف هنا اغسله

:-اني اغسله بابا

كعدت كدامه خله الطشت بينه و كعد يشيل برداني خله الخاولي على جتفي

:-يله دنكي

نزلت راسي بطشت و بقى هو يغسله
:-عيننييي صعب عينتي

:-غممضيي ولج

:-المي طب بخشمي

:-ولجج رفعيي ايددج وخري المي من وجهج هسه ادري اني لازم شعرج اديج شبيهاا

:-والله اخر مره تغسل شعرري

:-خوشش وخر الطشت و رفع شعري لف عليه الخاولي

:-نعيما بابا

:-شكـرا هلست شعري

:-بعد كل يوميه اني اغسل شعرج

:-هههاي غير حروح وين بعد تغسل شعري

باوعلي احس ملامحه بهتت دنك راسه بسرعه شال الطشت و المي

نشففت شعري و هو ماكو مشطت رحت لغرفتي جبت مسكاره و حمره خليت شعري صار لونه على ماروني كلش حلو طلع كعدت اصور و كل شويه اخلي شعري بجهه نفتح باب الغرفه رفعت راسي فات صعب بقى يباوعلي بدون ما يحجي شي

:-هاا حلوووه

ما حجه شي اجه بصفي جنت واكفه كدام المرايا علمود اصور خليت تلفوني على الميز و باوعتله وخر شعري من جتفي

:-شمسويه بروحج

:-شنو

:-اخخ خاايف تهزميني ملاذ خاييف

بلعت ريكي حجيت باسستفهام
:-من شنو خايف صعب

:-منج تزيديني تعب فوك تعبي كل ما شفتج روحي تروح بيج

:-صعب تحبني؟

:-جؤ

رفعت عيني اباوع لعيونه عبالك نعسان شفته الجو ترجف
:-شبيك مريض انت؟

:-جؤ

صوت انفاسه عاليه خله ايده بشعري غرس اصابعه بيه و قرب وجهه مني خشمه يم اذني يتنفس بقوه احس كلبي صار دمام بلعت ريكي و حجيت بصوت يرتجف

:-بابا

:-همم

:-وخر

:-خليني ملاذ

دار جسمه عليه و مشه خطوتين ليكدام رجعت لوره صار الميز بضهري ما اكدر اتحرك صرت بينه و بين الميز

:-صعب شبيك انت بوعيك

:-جماره

جسمي كام يرجف ما اكدر اسيطر عليه نزل ايده الثانيه لزم ايدي عصرهه بوسط ايده

:-ليش جسمج بارد

:-شبيك فدوه وخر مني

:-ليش تسوين هيج

:-شنو صعب ما مسويه شي

:-عطرج ملاذ عطرج

يحجي بهمس عبالك يمنه احد رفعت ايدي على صدره ردت ادفعه مثل الحايط ما يتحرك من كدامي

:-مُتــعب يرمي كُل تعبهُ بوسط احضانها لماذا الرفض

:-انت واعي صعب بيك شي

رفع راسه خله كصته على كصتي
:-بكامل قواي العقليه

:-وخر مني

نزل ايده من شعري خلاها على شفايفي مسح الحمره بأبهامه فلت ايدي و ابتعد مني

سحبت تلفوني من على الميز و طلعت بسرعه رجليه ترجف ما اكدر اسيطر عليهم دخلت لغرفتي

و سديت الباب گلبي يدك بقوه كل ما اغمض عيوني يجي شكله كدامي كل ما ارمش اتذكر شسوه دكات گلبي خربطة انفاسي وياه معقوله احب صعب مجرد افكر راح ارجع و بعد ما اشوفه احس اتهستر كل هذا كلامه الي بس ما يكول احبج معقوله يحبني بس ليش ما يعترف شنو المخلي رافض فكرة الحب

بعد طول تفكيري صراع بين عقلي و گلبي توصلت لشي و هو اني احب الصعب اي نعم اني احبه و مستحيل اكدر بدونه فززني اشعار من التلفون فتحته لكيت صعب كاتب

:-مريضج صيريلي علاج

:-شبيك مريض تره اصحه مني

شويه و كتب
:-احب اكلج امداج

:-ههه مشتاقه لشي

:-اكيد الي

:-هههه لا اغمك بثنين اديه

:-ما تتوبين انت؟

:-لااا اكلك

:-كولي

:-ما كتلي اني طالعه حلوه لو لا

:-صدك تحجين

:-جا مجذبه عليك

:-ما تطلعين شعدج بالغرفه

:-انت شجاي تسوي

:-افكر

:-بشنو

:-بحبيبتي

:-ها خوش الله يحفظهه الك ست برطومه

:-لا شايفتهه انت و تكولين ست برطومه غير بس اشوفها اذوب

:-اووي شكدد سيبندي انت باي

:-ههههه لاا تعاي بالاستقبال

:-و شهاب خاف يجي

:-جا روحي لغرفتي اجيب الكتاب و اجي

:-لا تعال بغرفتي

:-خوش جاي بس انت تتحملين مسؤولية الراح اسوي

:-شراح تسوي

:-ما اسوي شي بس تذكري جربايتج شكدهه

صفنت شويه باوعت على جربايتي ام نفر واحد كتبتله
:-ننام بالكاع تره

ما فتح الرساله نفتح باب الغرفه فات بيده الكتاب
:-دزيتلك رساله شوفها

:-شكاتبه

:-افتحها

نزلت من الجربايه خليت مخاد بالكاع بدون ما يحجي شال المخاد خلاهم على الجربايه تمدد و ابتعد شويه

:-يله تعاي

:-المكان صغير

:-ميخالف تعااي

:-شوف صعب نروح لغرفتك

:-جؤ تعاي

:- زين بالكاع

:-دتعاي ياعيني

:-خوش بس انت تقره

:-حاضر بس تعاي

تمددت يمه خله ايده جوه راسي و سحبني عليه
:-فتحي الكتاب

:-وخر ايدك مني و افتحه

:-يابه شنو اليوم طالبه عناد؟

:-جؤ جيب

اخذته منه فتحته و هو خلاه كدامه يقره

………………
عودة الى الماضي

الصفحه الخامسة و العشرون

رُفيدة

:-حسيت واحد لزم ايدي رفعت راسي اريد اشوف منو صار احمد بوجهي

سحبت اييدي منه و رجعت ليوره
:-ششرايد انت شرراييدد

:-فوتي جوه شعدج بالشارع و بهل وكت

:-ههه وين قصدك؟لبيتك؟ منو الطردني

:-فوتي جوه نحجي الجاي و الرايح يباوعلنه عليج يله

:-احمممددد اششش اخر من يفكر بكلام الناس انت اكرهك فوك ما تتصور شرايد منيي انت تتونس من تشوفني متأذيه

:-رُفيده بس فهمينيي ما اريد اشوفج وي غيري اخاف عليج اخاف واحد ياخذج مني ليش ما تفهمين

:-انت مرريض شبيك منو ياخذني منك خايف من عابس انت؟
عابس زوج اختي بعمري ما راح اخلي عيني عليه و لا هو راح يفكر بهل شي تدرري ليشش لان هو مو مثلك مو مثل تفكييرك كل يوم جاي تخليني اندم اكثر من القبله رضيت اتزوج واحد مثلك

:-صووتج احنه بشارع خخل نفوت جوه و يجرالج التردينه بس امشي

:-هههه يجرالي الاريده؟
ليش نسيت قبل كم يوم هم كلت يجرالي الاريده و شنوو شفت اختتي تيتمت ما تريدني اشوفهه لا و الاقوه من هيج جاي تشك ب عابس شوف عاابسس اشرف منك خلي يكون بعلمك اكلك من الاخير طلكني  ما اكدر اكمل ويه انسان مثلك

:-لو تموتين حلم بليس بالجنه ما اطلكج وين ترحيين ييم اخوانج مثلا؟لو وين

:-ههه لان واثق ما راح اكدر اعيش وياهم تحجي بزود
خل يكون بعلمك ادريي راح ابقى على ذمتك بس صدك مو حب بيك لا لان ما عندي حل ثاني

:-ميخالف المهم تبقين وياي

لزم ايدي سحبتهه بقوه حضنت اديه لصدري مشيت كدامه كوه لازم دموعي ما تنزل مستحيل اضعف كدامه
و ابجي فتنه للبيت صاح وراي

رحت قبله للغرفه قفلتهه و كعدت خليت المخده علي وجهي دفنت راسي بيها و بقيت ابجي بصوت عالي اريد افرغ كلشي بداخلي شوكي لامي خذلاني من احمد بعدي عن روح كل هذا احسه متراكم عليهه لما احس فرغت كلشي خليت المخده و تمددت ربع ساعه مرت ندك باب الغرفه صاح احمد

:-رُفيده

ما رديت عليه
:-رُفيده عابس هنا رايد نروح وياهم روح صاير عدها ولاده

من سمعت على روح طفرت من مكاني سحبت الشال مالتي و طلعت حتى ما باوعت لاحمد وصلت لباب الشارع صاح

:-رُفيده دير بالج على روحج على ما اجي

جريت نفس بقوه و زفرته اكيد هذا مريض
طلعت سيارة عابس بالباب صعدت يم روح و عابس بسرعة ساق السياره وصلنه للمستشفى و روح راحت روحها شكد ما صرخت اول مره اشوف هيج طلوكه
ساعتين ضبط هي بس تتلوه و تصيح من الوجع و احنه منتضرين اخر شي كامت ما تكدر توكف و عابس يريد يسويلها عملية بس هي قافله

صحت على الممرضه
:-فدوة لعينج البنيه راحت من ادينه بس فحصوها
اخذتها وياهه بعد ما طلعت شويه و الممرضه اجت تركض كالت

:-راح تولد

باوعت لعابس يمسح بدموعه يروح و يرجع بنفس المكان و اني كاعده على صفحة اريد اذكر قران لو دعاء اقره ماكو كله راح من بالي رفعت راسي شفت احمد فات للمستشفى ما حجيت وياه بقى يحجي ويه عابس
نص ساعه و طلعت الممرضه تهلهل

طفرت من مكاني عليها و عابس اجه يركض صاح
:-بشري روح شلونهاا

:-جاابت ولد مبروك عيني

:-و هي شلونهاا

:-الحمد لله زينه

مسحت دموعي حمدت ربي و شكرته باوعت لعابس كعد بالكاع ركع و كام حاير شيسوي كالو شويه و نفوت

اخيراََ اضاء دنيا روح ابنها الـصعب

…………………………
سد الكتاب و خلاه على الميز دار نفسه على جهتي و عبر ايده عليهه

:-ملاذي

:-وخر ايدك و بعدين احجي

:-جمارتي

:-هاا هاا

:-اريد انام بحضنج بس هل ليله

:-تره كل يوميه ننام سوه

:-لا مو هيج

:-جا؟

:-ترضيين لو لا
؟
:-شنو تره اني نايمه ييمك

بلع ريكه بقى يباوعلي لحضات احس لمعه بعيونه

:-تعودت عليج تتخيلين بالليل ما اغفه اذا مو ايدج بيدي شلون و راح ترحين

:-هههه عادي اكطع ايدي خليهه يمك

:-بدون احساس انتِ

:-كول احبج تره اني مو غبيه ادري تحبني

:-جؤؤ غبيه ما احبج

:-اكلك اسحب الغطه عليه خل انام احسن الي

سحب الغطه قرب مني اكثر غمضت عيني رغم ما نعسانه بس اريد انام اخر مره بحضنه

:-جممارره

:-ها

:-خليي احط راسي بحضنج شلون هسه انه حاضنج
فتحت عيني درت وجهي عليه

:-مو اني صغيرونه اصير بحضنك

:-ميخالف بس تتعبين اوخر

عدلت نومتي نمت على ضهري و فتحت ايدي اله
خله راسه قريب من ركبتي و حاوطني بيده

:-ها مرتاحه لو اوخر؟

:-لا ابقى انت مرتاح لو لا

:-اووو شهل سؤال

:-شنو

:-نامي خل انام

خله خشمه بركبتي يتنفس ما اكدر انام ادري بي كاعد رفع ايده على ركبتي يحرك بأصابعه عليها

:-صعب

سحب نفس قوي و زفره بكلمه
:-هممم ملاذ

:-لا تسوي هيج اريد انام

:-نامي

وخر ايده باس ركبتي و بعد راسه بقيت مركزه وياه كلبه يدك بقوه لحد ما نمت ما ادري بي نام لو لا كعدت على صوت الاذن صعب على نومته رفعت ايدي العب بشعره

:-بابا

دار وجهه متنحس
:-بابا اكعدد خل نصلي سوه

رجع دار وجهه على جهتي فتح عيونه بلكوه
:-كومي هسه اجي وراج

:-لا كوم وياي نتوضى سوه

وخر من يمي يفرك بعيونه كمت اخذت حجابي باوعتله يحك بشعره و يتثاوب

:-كووم صعب

:-كايم

طلعنا ثنينه اباوعله مسطور احس اني جاي امشي بي توضيت و هو توضى ورايه رجعت فتحت المي البارد بدون ما ينتبه شلت شويه بيدي و رشيت عليه شهك و باوعلي

:-خرا بيج ملاذ بارده ولج

:-علمود تصحصح

:-هاي يمكن انت مسويتلي شي و اني نايم لذلك كعدت مسطور و ما جاي اركز

مشيت كدامه اعدل بحجابي كتلله
:-ادري شنو مخدرتك ما مسويه شي

:-لا حول الله بعدنا من الصبح بديتي تجفص

باوعتله عاكده حاجبي
:-ياا والله ما جافصه

:-لا بابا فوتي فوتي متأكد صلاتي ما تنقبل

باوعت للاستقبال شهاب نايم
:-صعب شهاب ليش نايم خل نكعده

:-لا خل يولي يتنحس واحد يكعده من وكت

:-اي ما دام يتنحس خل نكعده

باوعت على التخم هتفون مالت صعب ضحكت و باوعت لصعب

:-انتضرر هنا هسه اجي

:-شتردين تسوين

:-معليك بس انتضرر

رحت ركض للغرفه جبت تلفوني شكلت بي الهتفون عليته على اعلى صوت و طلعت صوت صراخ بس ما شغلته

الصعب:-شجاي تسوين انتِ

:-تعال خليها بأذن شهاب

:-وعلي ناويه علينه

:-تتعاال حباب

:-بابا اليوم جمعه خل يشبع نوم

:-شنو تره ازعل

هز ايده و اخذ مني التلفون خلاه بأذن شهاب و شهاب بسابع نومه و لا يتحرك اخذت التلفون شغلت الفديو بصوت عالي ما احس غير شهاب طفر من مكانه مرعوب و يتنفس بقوه

:-شكككووو
صحت عليه

:-ها شكوو

عيونه حمر غمضهن بقوه و فتحهن يباوعلنه مستغرب
:-شبيكم

:-هههههه اصحى شهاب

:-و سم و مرض و زقنوب من الصبح

الصعب:-بگلبك موو

:-بكلبكم ثنينكم والله يجي يوم واشور بيكم انتم الاثنين

:-كوم صلي

:-متدينه صايره امشي روحي منااا روحي انت صلي معليج بيه و اليكعدني ما يلوم غير روحه

تمدد و غطه وجهه بالبطانيه صاح
:-خطة العباس عليه لحد يلمسني اليلمسني يهطوه العباس

صعب غمته و لزم ايدي رحنه للغرفه خله مصلايته و وراهه مصلايتي صلينا سوه كملت و بقيت اباوعله بعده يصلي احس شي بداخلي مكتوم معقوله اخر مره راح نصلي سوه اخر يوم راح نكون بي سوه بس وعد على روحي لو شيصير ما راح اعوفه باس التربه و رجعه لمكانهه باوعلي و ابتسم

:-تقبل الله

:-منا و منكم

:-يحـرسج الله

لم المصلايه و اني هم لمميت مصلايتي رجعت لمكاني و فتحت اله ايدي عض شفته حك شعره احسه يريد يحجي شي

:-ها كول

:-هيج

تمدد بحضني هو بس فاتحه ايدي اله هو حاضني
جنت نعسانه بسرعه نمت رغم صعب حجه وياي بس غلبني النعاس و ما جاوبته

كعدت صعب ماكو بالغرفه باوعت للساعه ب 9 متحمسه منتضره اتصال امي على نار كمت من فراشي اخذت
تلفوني خاف تتصل عليه  طلعت اغسل فتحت الباب رحت لغرفة صعب ما موجود ردت افوت لللاستقبال
شفتهم هو و شهاب واكفين بره هستوني اصيح بأسمه وكفني حديثهم و اتصال تلفوني بنفس الوقت من سمعو تلفوني ثنينهم دارو يباوعون عليه الخوف مبين بوجهم مجرد سمعت حجيهم دمعتي

مستحيل امي تعوفني بنص الدرب  رفعت ايدي اريد افتح خط صعب صاح

:-لااا اوكفي

ما اهتميت كلامهم طفه روحي اجه باتجاهي الصعب و اني فتحت الاتصال اكيد يجذبون مستحيل السمعته …

……………………

بـرق

:-كملت دروسي اجت امي تحجي بلهفه

:-ولج بررق

:-ها يوم شكوو

و هي جاي تحجي فات سيف
:-هاي شصاير؟

:-عمك سيارته الزينه واحد كاضهه و شاخطهه على
الطول و هسه عمك يريد ييموت

:-شننوو لا يابه

:-والله لو شايف لازمين الجهال كلها يردون يعرفون ياهو مسسويها

بـرق:-اي صح اكيد واحد من الجهال حرامات هاي السياره الزينه هيج تروح

رفعت راسي سيف يباوعلي و رافع حاجبه ابتسمت و رجعت دنكت اكلب بكتبي اريد الكه شي اقره سحبت الكتاب و فتحته بدون ما انتبه اله متوتره من نضرات سيف كل ما ارفع راسي الكاه يباوعلي و رافع حاجبه حتلو يحجي ويا امي

سيـف:-برق كتابج ببالمكلوب

باوعت على الكتاب ضحكت كتله
:-هاا اي اي اني خليته اريد اشوف اعرف اقره هيج لو لا

:-هاا خوش

مُهرة:-اي سيف يمه كلي وين جنت

:-قدمت شكوه

امي لطمت على صدرهه و صاحت
:-شنو ولك

:-قدمت شكوه يايمه تردين ابقى ساكت الهم حتلو حكنه ما يرجعونه لمهم اشوه سمعتهم

:-ولك ناوي تجلطنني انت

سمعنه صصوت مرة عمي تصيح
:-سييف

طلع سيف من الباب صاح
:-ها

:-تعالو عمك يردكم

:-خوش جايين

:-كل البلبيت

:-خوش

سد الباب و فات باوعلي كال
:-يوم اني وياج نروح اذا سالو وين البقيه كلهم بالدوام
و
:-ليش جا و برق

باوعلي ابتسم و دار وجهه يريد يطلع
:-بالدوام برق

طلعت امي و اني غلست بدلت ملابسي للدوام بقيت واكفه بالباب منتضرتهم يجون شويه و اجو امي باوعتلي كالت

:-برق بيش شخطتي السياره

:-هاا شنو يا سياره

:-برقق تعرفين كلش زين

باوعت لسيف ضايجه مستحيل يضم سالفة على امي

:-سييف اني شعليه

:-لا يابه شعليج اذا ما طلعتي انت اكص ايدي من العرك

:-اي اني قابل بس احنه نضوج خل همه يضوجون ويانه
:-ولج ما تخافين انتِ

:-لا ما اخاف

اخذت جنطتي و طلعت اتلفت خاف واحد يشوفني من عمامي رجعت من الدوام لكيت سيف ملتحق استمرت
حياتنه على هل مشاكل عمامي يطالبون بالقطعه و سيف يرفع دعوات بس بدون فايده

صرت سادس و جانت من اصعب ايام حياتي سيف يسهز وياي علمود يدرسني كعدنا بسبب مرض كورونا و كعدت اقره بالبيت وحدي بيلسان رجعت و صارت تدرس الكتروني بالبيت و سيف قليل يروح كلنا انجمعنا من جديد جنت اني الوحيده هل فتره باعده نفسي علمود ادرس الا ان انصابيت بكارونا و جانت بدايتهه اي واحد ينصاب بيها يموت جان فعلا مرض خطر…يتبع

.
.
.
.
للحكايه بقيه

كلانا كتف للاخر♥
الوريد♪

الحمد لله نحلت المشكله و نشر البارت والله جنت افكر بالبنوتات يلي ماعدهم تلي❤️