رواية أنتقام الصفحه 27 (ترميم) الفصل السادس وثلاثون 36 - بقلم خـلود الـ محسن

ألكاتبة لورا

انستا للتواصل lorai_alrwi

تفاعلكم على البارت حبيباتي

اشتركو بقناتنا بالتلي🤍...
…………………………
قرأة ممتعة

امشي بمكان مضلم ما اعرف شنو المنتضرني بي مشيت لنهاية الشارع  صاير بي فرعين حرت وين اروح فاتت مرة تطلع بكد امي صحت وراهه

:-خالة

دارت وجهه علية كالت
:-تفضلي حبيبتي

:-خالة منين اوصل للشارع العام

:-ليش انت وين اهلج

بقيت ساكتة و هي تباوعلي منتضرة جواب مني رجعت كررت علية السؤال

:-شبيج حبيبتي مضيعة شي اهلج وينهم ليش وحدج

:-خالة بس دليني بالشارع فدوة

بقت تباوعلي مستغربة من شفتهه ساكتة عفتهه و مشيت بواحد من الطرق خفت لا صعب يلاحض ما موجودة امشي و افكر هسة طلع من الحمام لو لا هسة يدور علية

وصلت للشارع العام ضلمة حتى السيارات قليلة للحضة ندمت طلعت من البيت  ذكرت الحبوب الجانت عندة رجف كلبي بقيت اتلفت وراية اتخيل احد متابعني

عصرت الورقة البيدي غمضت عيني دموعي تنزل تمنيت الكة امي بين هل ناس و تاخذني وياهه سمعت صوت سيارة وكفت كدامي كمت ارجف عبالي صعب سمعت صوت اول مرة اسمعة

:-وين توصلين

رفعت راسي شفتة رجال جبير بتكسي بداخلي خايفة ما اريد اصعد تمنيت اندل امي وين اروحلها مشي

حركتلة راسي بمعنى لا

تحركت السيارة من كدامي دنكت راسي فتحت الورقة البيهه رقم صعب بقيت اقرة بالرقم من خوفي من كد ما تجمعت الدموع بعيني احس كلشي مغوش كدامي وكعت دمعتي على الرقم حضنتة على ملابسي اريدة ينشف

شي بداخلي يريدني ارجع بس خايفة شراح يسويلي صعب اذا رجعت الندم بدة ياكل بية احس روحي شخص غريب بوسط زحمة الناس وين اروح ما ادري رفعت ايدي اوكف تكسي

وكف واحد اريد احجي ما اكدر امسح دموعي و ترجع تنزل

:-ها خوية امري اوصلج لمكان

هزيت راسي برفض
:-كولي محتاجة شي ضايعة انتِ؟

:-اي اي خابرلي اهلي ضعت منهم

:-وين ضعتي

:-بس خابرلي اخوي يجي ياخذني مااندل اني وين و ماعندي تلفون فدوة خابرة

استغفر ربة رجع باوعلي
:-انطيني رقم امج

:-ما عندي بس رقم اخوي

:-متأكدة اخوج

:-اي اييي اسألة اذا ما تصدكني واللة ما اندل شي حباب

:-انطيني الرقم خوية

ايدي ترجف رفعت ايدي البيهه رقم الة
نزل من السيارة رجعت ليورة خايفة حضنت الرقم لصدري

:-شترييد

ما حجة شي فتح التلفون و انطانياة
:-هاج خابري و انة هنا واكف من يجي اروح

:-شكرا

ابتعد عني شوية سجلت الرقم بالتلفون من كد ما قريت بي حفظتة ضغطت على اتصال كل دكة گلبي يرجف اضعافهه ما ادري شلون راح اواجهه شنو اكلة بس شفت افضل شي ارجعلة مااندل اي شي شوية و اجاني صوتة بقيت اجر نفسي بخوف عشت رعب بهل لحضات عمري كلة معايشتة

:-الوو تفضل

ما حجيت شي شوية وكاال
:-ملاذ وينج

اول ما كال اسمي شهكت ابجي
:-ملاذ ويننن رحتتي احجي

:-ما ادريي وين صعب تعال

بس كلت هيج سد التلفون احس گلبي نغزني معقولة ما اهتم معقولة راح يعوفني بقيت اباوع على التلفون و دموعي تنزل اجة الولد يمي

:-ها خابرتيهم

حركت راسي بمعني اي و قدمتلة التلفون سحبة من ايدي صفت سيارة يمنة رفعت راسي نفس سيارة صعب

نفتحت الجامة من الجهه الواكفين بيهه شفت صعب داير وجهه على الشارع بكل هدوء بقيت واكفة بمكاني مو بس جسمي يرجف احس روحي ترجف

:-هذا اخوج؟

ما رديت على الولد عيوني مركزتهه على صعب دار وجهه علية عيونة دم حجة بكل هدوء

:-صعدي ملاذ

روحي واكفة و رجلية تمشي فتحت باب السيارة صعدت الباب بعدني ما سادتة و شخط السيارة هنا ادركت حجم المصيبة الاني بيها لزمت ايد بيد اهدي بجسمي ما اريد ارجف ما جنت بعيدة عن البيت اول ما فات بالفرع جنت مدنكة راسي كتلة

:-صعب

:-اششش ما اريد اسمع صوتج ابد

رفعت ايدي امسح دموعي ما ادري شنو المنتضرني منة الندم ياكل بية ساعة اكول لو رايحة لاي مكان و ساعة اكول رجعتي احسن

صف السيارة يم الباب نزل و سد الباب فتحت الباب اريد انزل قافلهه علية تهسترت عبالي يريد يحبسني بالسيارة دكيت على الجامة شفتة اجة بأتجاهي فتحهه و فتح الباب ما يخلي عينة بعيني لزم معصم ايدي و سحبني بقوة ركع الباب مال السيارة و فات للبيت يسحل بية سحل ما اكدر انطق كلمة فات للصالة حسيت ايدي راح تنكطع بين ادية سحبت ايدي بقوة منة دار وجهه علية لزم طرف التشيرت من ركبتي و رجعني ليورة سد الباب و هو لازمني

:-عوفني صعب

رفع ايدة لزم فكي بين ادية عصرة و رفعني ليفوك ضغط جسمي على الحايط حتى معانية جانت ترجف

:-اااعوووفج اعوووفج كلتتتتتيييي موو عفتج شفتي شصارر ششفتتتتي لو لااااا ملاااذ شفتتتيي

:-ارريد امي اريددد امي صعععب اريدهه

:-تحلمممين ترحيلهه تحمليي نتيجة افعاللج

فلت وجهي و سحبني من ايدي دفعني بالغرفة سد الباب علية ضليت ادك بالباب قوي و افتح بالمقبض مالتة
:-ططلعنننيي منا واللة اموت صصعب اختنك فدوة طلعني.

ضليت اصيح بصوت عالي اركع الباب بدية و برجلي اريدة ينفتح من يأست كعدت بالكاع دموعي تارسة عيني رجعت للغرفة المقفولة للمكان الفارغ للهدوء اليخنك الدكات الساعة عشت بحرب افكار كل عمري ما عايشتهه ساعة اندم طلعت و ساعة اندم رجعتلة

رفعت رجلية لجسمي حاضنتهم بيدي خليت راسي بينهم ما ادري شنو هل برود الي اجاني بهل لحضة احس مشاعري افكاري روحي كلهه توقفت بالي تشتت ما اسمع اي صوت صرت افسر الهدوء على هيئة صوت

بقيت هواية كاعدة بهل وضعية كل اعضائي مركزتهه وية هدوء البيت الي يصدر منة بس صوت دكات الساعة يأست اسمع صوت احد كمت من مكاني طلعت الورقة من صدري خليتهه على الجرباية كدامي اباوعلهه و دموعي تنزل

:-انت السبب بأذيتي انت الي خليتيني اعيش برعب يم اماني جريمة بين ادية لازم اخلص منج

سحبتهه اريد اشكهه ذكرت كلمات امي صارت ترن بأذني لمن كالت هاي امانة

سفطتهه مثل ما جانت و خليتهه جوة الدوشك نزعت الحجاب و تمددت على الجرباية خليت عيوني بالسكف و ايدي جوة راسي ايدي الثانية على بطني ادك بأصبعي وية صوت الثواني مال الساعة البرد اجتاح جسمي بس روحي تفور ما اريد غطة

بقيت احسب الثواني بأصبعي اوصل للمية و ارجع اعيد رغم التوتر الاحس بي بس احارب بذاتي اريد اثبت
لروحي قلقي مو من صوت الساعة

كعدت و خليت رجلية بالكاع درت وجهي من الساعة ما اريد اشوفهه الهي نفسي بشي بس مااكدر شي بداخلي يستمع لهل صوت بقيت احرك رجلي هل حركة اسويهه من اضوج وصلت لمرحلة ما اسيطر على نفسي اسد اذني بأصابعي و احجي وية روحي بصوت مسموع

:-ملاذ ملااذ الساعة ما بيهه شي تعبانة انت نامي مو زين السهر

اقنع بنفسي اني ما بية شي رفعت ادية اضغط راسي وصلت لمرحلة اكطع شعري بدية بقوتي علمود اتأذة و ما انتبة لاي صوت باوعت بأرجاء الغرفة اريد شي عالي اصعد علية

سحبت الميز مالت الجرباية سفطت علية مخاد سحبت الساعة طلعت منهه الباتري و شمرتة وخليت الساعة بالكاع و رجعت بصف الباب ادك بي

:-منو هنااا احد يفتحلي الباب راح اتخخبلل

رجعت افتر بالغرفة وكفت يم النقطة مالت الكلوب بقيت اشغله و اطفي خليت ايدي على النقطة اريد اوازنهه ما اريدها تشتغل و لا تطفة ضغطتهه على كيف وصلتهه للنص نفلتت من ايدي و طفه الكلوب رجعت ضغطتهه من جديد اريد الاضاء تصير وسط ما اريدهه تطفة و لا تشتغل ما ادري منين اجتني هل افكار بس الوحدة تعبتني ما وازنتة و نضغطت الدكمة بالكامل ضليت اضرب عليهه بيدي و اصيح

:-لاااتطففة لا تتتطفةة

ايدي اذتني كد ما ضربتهه بالحايط سمعت احد يفتح بباب الغرفة ما اهتميت جنت احس مشكلتي كلهه تكمن بنقطة الكهرباء لحد ما حسيت احد حسبني من النقطة لزم اجتفاي بين ادية

:-لجج ملاااذ تخبللتتييي

:-وووخررر منننني وخرررر

:-ااااشش اشش صوتج اذا اسمعة اخبلجج

رفعت ايدي و وخرتة مني رجعت ليورة اباوعلة
:-تخبلني؟ليش انت ما خبلتني رجعني لامي ما اضل يمك

:-اخرر مرة اسمع هل كلمة منج صوتج اذا طلع برة الغرفة اذبحج ملاذ

دار وجهه راد يطلع صحت وراة
:-اذا ما رجعتني لامي اشرد

دار وجهه علية قرب مني دفعني على الكنتور خلة ساعد ايدة على ركبتي

:-تشرردين انتِ ما تصيرلج توبة

:-ما تصيرر لان مستحيل اعيش وية واحد مثلك

:-شسويتلج ست ملاذ لان طالبت بحقي لان ردت اعرف شضامين علية صرت ما ينعاش وياي

دفعتة مني خليت ايدي على صدرة ادفع بي
:-شسويتت؟ و بككل صلافة تكلي شسويتت ليش منو المرضني بدية منووو زين زين منو الجانلي امان و صار مصدر رعب الي منووو يا صعببب

دفع ايدي منة
:-انت جنيتي على نفسج ماكو داعي تدخلين نفسج بشي انت اكبر منة ورقة عندج سلمينياهه و راح ينتهي كلشي

:-مووو عندددي ما عندي اي شيي عوفني بسبيل حالي رجعني لامي شردت منك لان ادركت انت مستحيل تنقذني امي ما جابتني علمود تنقذني اممي خلتني بوسط مخاوفي بدون ما تدري

:-هذاا مو سبب يخليج تطلعين من البيت لج اطلع من الحمام اكلب البيت عليج عباليي تشااقين و بكل عين صلفة الكاج عايفة البيت و شاردة لج انت شنو من عقل شايلة وين تردين ترحين وووينننن بهل ليل

:-اخاف على روحي منك و شردت

:-تتتخاافين؟وووكفتج وية ولد طول بطول بنص الشارع هااي شنوو ما تسويهه بس الصلفة امثاللج

كلماتة مثل النار تجوي بروحي ما ردت اطول حديثي وياة يمكن انهار لو حجيت كلشي بداخلي

:-انت انسان مريض صعب ما اتحملك ثانية طلعني منا

:-عشم بليس بالجنة تحملي نتيجة افعالج

قربت منة عيوني بعيونة
:-تريدني ابقى ما اشرد و اني شفت بعيوني شنو جايب وياك لككك صعب تريد تسوويني مدمنة حبوب لك حبوب جايب انت شنو من بشرر اني مو امانة وين الامانة اذا تريد تعيشني بأدمان

من حجيت هيج بهتت ملامحة بلل شفايفة و دنك راسة
:-ياحبوب؟

:-هههه لا و تسأل شكد ما تستحي

:-انطيتج حباية اني سويتج مدمنة سووويتتتجج جاوبي
ردت احجي كال

:-كوللي اي لو لااا

:-بس جنت راح تنطيني

:-ماااا انطيتج بس انت تفرعنتي ماادري شنو غايتج ورة الشردة منو هذا الي واكفتلي وياة بشارع ما فكرتي بالحضتة يجوز تنخطفين زين شنو جان ببالج تصعدين سيارة و وين ترحين وووينننن ل*** ترحين وينن

:-لاي مكان يخلصني منك بس عرفت اني غبية و رجعتت يم واحد مثلك انت وصخ بتفكيرك و بافعالك

:-صوتج كلمة ثانية ما اريد اسمع لحد هل لحضة لازم روحي منج

:-لازم روحك منني شنو بقى و ما سويتة ها خاف نادم ما مديت ايدك علية سويهه اضربنني

احجي بصياح سحبت ايدة و رفعتهه علية
:-يييلةةةة اضررربنننيي اذا انت رجال

دفعني بقوة ضهري نضرب بالكنتور احس روحي شاطت خلة ايدة على بلاعيمي و رفعني ليفوك خليت ايدي فوك ايدة اريد اسحبهه بس قوتة تفوق قوتي

:-لا تصيرين اول خساراتي جرررريي عدلل ملاااذذ

:-ايدددككك منيي ايدككك

خفف ايدة عني قرب وجهه مني يحجي و يزفر نفسة الحار بوجهي

:-حالف ما امد ايدي على مرة و كسرت حلفتي بسببج
خليت ايدي بين ايدة و بلعومي افكهه مني وخرهه بسرعة دفعتة من صدرة

:-نكسس لا تمد ايدك علية واللة اندمك و غلات امي
اندمك يا صعب بس اطلع منا اطلعك من بالي اكرهم شكد حقير

:-وانة طلعتج من لحضة الطلعتي بدون اذني

:-وجودك و عدمة بحياتي ما يأثر بية و لا راح يجي اليوم الانسى بية اذيتك و عيونك راح تشوف شلون اكسرك

:-تحلميين بشنو تكسريني تحبين مثلا !!!

رفعت ايدي ادفع بي
:-اطلع من حياتي خاين نكس حقير

رجع يدفع بية بطرف ادية
:-تررردين تحبين موو تردين تزوجين بس اعوفج مووو

:-وامرر زفتي من بابك امررها على شاربك وعينك تشوف

:-ههههههه احلامج قوية ليش تتوقعين راح اطلكج و اعيشج براحة راح يضل اسمي مرافگ اسمج طول عمرج اشوف يا مرة تتزوج

:-تحلم اضل وية سكير مثلك

:-تحلمين تصيرين وية غيري ياملاذ

رفعت ادية ادفع بي من صدرة اريد اطلعة من الغرفة
:-اططلعع ما اتحملكك اطلعععع نكككسسس اممي شلون امنتني يم سكير مثللك

:-و شلون امنتج يمي وانت بليلة سودة شردتي حالج حال السكير شنو الفرق بينكم

:-شردت اريد ارتاح منكك اقلها ما فتت للبيت و اني سكرانة و لا جبت وياي حبوووب و لااا اجيت و بقميصي اثارر مال نسوووان

:-ممماااا منطيج حباية و لا اني شارب منةة

:-للليش جبتة ليش منو غيرنة هناا راح يشرب هل حبوب انت تريد تمرضني بس علمود احجي انت انسان اناني تريد الك بس ما تنطي لغيرك

:-اي اني اناني انناننني لان اريد اعرف اهلي شبيهم اناني لان اريد اعوض روحي المر العشتة انانيي لان اريد اريح اهلي بگبرهمم انة اخاف عليج من روحي صح جبت الحب بس ردت انطيج حباية وحدة اي اريدج تحجين و اذا ما حجيتي ما راح انطيج اكثر

:-شتحجي انت شتتتحجيييي انت تقنع نفسك انو انت زين وياي من تتصرف هيج لك صعب ليش تأذيني هيج شنو ذنبي اني ذنبي اعمامي أذوني و عشت يمك معقولة هذا ذنبي لك اني اجيت أأتمن بيك تالي هيج اخاف منك وين صعب الاعرفة وينةة وين راح ذاك اليخاف على ملاذة من صوت الرعيد وووينةة

تهسترت و اني احجي اضرب بي على صدرة بقوة
:-لكك بعمري ما تخيلت احب و تالي حبيتك تدري ليش لان شفت بيك خوف امي علية و لهفة ابوي شفت بيك انسان ما شفتة بغيرك شفتك ملاذ لروحي الضايعة ليش ضيعت كل هذا بتصرفاتك فتت للبيت و انت سكران ما ادري متعاطي و اني غلست لان اول مرة اشوفك هيج و عذرتك و رجعت مرة ثانية جايب حبوب و ششفت بعيني اثر بقميصك و انت كبلهه كايل احبج و تريد مني ابقى وياك

:-ما مسوي شي من الحجيتي

رفعت ادي دفعتة بقوة
:-لاتتتجذببببب اطلع ما اتحمل انسان مريض مثلك
دفع ايدي منة و لزم صدرة متوجع

:-كافي ملاذ

:-مو كافيي تأذيت ها تأذيت من ضربة ايدي زين جربت شعور وجع الكلب يأذي اكثر

:-اي شي تحجينة و اي شي سويتة الج ميبرر فعلتج مفكرتي گبل لا تطلعين معقولة لهل درجة غبيةة ما كلتي احد يخطفج وولد الحرام هوااي لا عبالج اني هنا اعاملج حالج حال اختي غيري لااا

يحجي و مخلي ايدة على صدرة بجهة الگلب كل وبالي ضربتي قوية و اذتة

:-و لا يبرر افعالك الي انت انسان غلط من بدايتك لا تغلطني وياك عوفني اطلع تعبت منك

دار وجهه و مشة بقيت واكفة بمكاني وصل للباب لزم طرف الحايط

:-خل يكون بعلمج انتِ الي جبرتيني اسوي هيج و انت جبرتيني على الراح اسوي جان بأمكانج تنطيني الورقة بكل هدوء و تعيشين براحة كل حياتج

:-ما عندي اطلع

خلة ايدة بجيبة و ما زاال داير وجهه
:-حاولي تسيطرين على كلامج من تتمرضين

خلاني واكفة بوسط الغرفة تايهه بين كلماتة هاي اول مرة صعب يعوفني و يطلع و اني ابجي اول مرة احس بصعب ابتعد احس حرورة بگلبي سديت الباب و كعدت راكية نفسي علية

:-ضيعت نفسي بحبك اكبر غلط بحياتي حبيت انسان مثلة صوجي اني الما سمعت كلامة من البداية جان دائما يحذرني احبة

كمت من مكاني الوب بالغرفة ما اريد اطلع و واجهه كل مرة نتواجة ما يصير بينة غير المشاكل

بس ما اكدر لروحي مليت من الغرفة فتحت الباب و طلعت راسي شفتة كاعد على التخم بالصالة بس شافني جان لازم بيدة شي يمسح بصدرة كبل نزل ايدة و بقي يسد بالقميص طلعت امشي على كيف وصلت كدامة باوعتلة رفع راسة يباوعلي ثنينة ساكتين كام يتلفت بصفة

:-شكو؟

:-ها

:-شبيج

:-شعليك

:-شتردين

:-شنو ان شاء اللة ما يصير اطلع من الغرفة باقي البيت مسجل بأسمك

:-شبيج بابا

:-لاتكول بابا

:-لا عبالج حب احجيهه استهزاء لان اشوف بيج شي حالياا

:-و اني اشوف بيك اشياء بابااااا

هز ايدة و دار وجهه شال كطن و مرطب
كعدت على التخم خليت رجل على رجل و هو كام

:-هاي شنو بيدك

باوعلي مستغرب
:-شبيج انت؟

:-شبية هاي شنو بيدك

:-معليج

:-لاا شو علية مدام ثنينة ببيت واحد نتشارك كللشي خوشش ف يلة كلي شنو هاي

:-اذا مدام بيت واحد  شاركيني بالورقة

سكتت منة شفت اثر بقميصة كمت من مكاني واكفة كدامة فاتحة عيني على وسعهه

:-لككك شنوو هاايي

:-شنو

:-رفعت ايدي ضغطت على المكان سحب اصبعي بسرعة
وعصر عيونة
:-شنننو هااي

:-شنو وينهه

عاف الكطن و المرطب و لزم المكان البي اثر
:-ما ادري يجوز شي طايح على القميص

:-لااا تجذبب احجي شنو هااي

:-شجذب ما ادري يجوز عصير

:-ثاني مرة عصير بقميصك و على نفس المكان؟

:-شعليج انت؟

:-لا شو علية شنو هاي

دار وجهه و مشة ذب الكطن بالحاوية فات للغرفة رحت وراة واكفة بالباب خلة المرطب على الميز

:-ليش مشتري مرطب جديد ها عرفت لان ينزعجن من البشرة الخشنة

هز ايدة و ضحك يباوعلي بالمرايا
:-تضحك؟

دار وجهه علية وحضن ادية لصدرة
:-اي ااضحك شتسوين؟

:-شسوي؟

:-اي شتسوين

:-معليك شسويي لاتضحك خوشش

تمتم بكلمات ناصية و رجع يمشي اخذ بطانية من الجرباية و طلع مشيت وراه

:-بطانيتي هاي

:-مشكلتج

:-اريدهه جيبهه

:-نعسان اريد اننام روحي من يمي

:-نام ان شاء اللة تتحلم يخنكونك بالبطانية و تفز مرعوب و ما تتهنى بنومتك

:-اي خوش

تمدد على التخم و تغطى كعدت بالتخم المقابيلة اريد اعرف بيش الساعة ساعة الصالة كسرتهه و ساعة الغرفة طفيتهه شفت تلفونة على الميز الكدامة كمت من مكاني وية ما مديت ايدي اريد اسحبة طفر قبلي سحبة

:-شتردين؟

:-اخابر الشرطة عليك يسجنونك لان واحد سكير و تتعاطة و ابو نسوان و مجرم و تعنفني

:-دجيبي جيبي ياريت يسجنوني و انام مرتاح

:-كون ياخذونك لسجن كلة عگارب وين ما تنام تكرصك العگرب بالمكان الشفت بي اثر

:-تغارين؟

:-اوووي منين

:-لان ما مسويلج اثر

:-انجب اننجججبب واللة انت واحد ادبسزز

:-لسانج بس شنو نسيتي البارحة منو خلالج اثر روحي باوعي بالمرايا زين برگبتج

:-اكرهك على فكرة

:-اي ام الاثار

:-اكلك شوفلي بيش الساعة

:-شتردين بيهه البيت مقفول ما تكدرين تشردين لو نص الليل

:-احب اذكرك ما ضل شي و اروح بس هل يوم يخلص و باجر و بعدهه تحلم تشوف خيالي

فتح التلفون و باوعلي
:-ب 3 الا ربع

:-خابر امي

:-نايمة هسة و على كوولتج ما ضل شي و ترحين الها

:-راح اشغل البلازمة

:-امشي نامي

:-شعليك بية

:-بابا روحي نامي

:-انطيني البطانية

:-اخذيهه

رجعت كعدت على التخم
:-ما اريدهه

ما حجة شي بقى يكلب بالتلفون ركيت ايدي على طرف التخم

:-جوعانة

:-بالثلاجة الاكل كومي اكلي

:-كوم جيبلي مريضة اني

وخر الغطة منة و كام فات للمطبخ رحت وراة ردت اصعد على الكاونتر ما اكدر جبت كرسي من الميز خليتة و صعدت على الكاونتر تربعت هو طلع الاكل من الثلاجة
:-سويلي زلاطة

ما حجة شي طلع خيار من الثلاجة كبل طفرت من فوك
:-لا لا جيب اني اسوي

سحبتهه من ايدة وكفت كدام السنك اغسلهه باوعتلة
:-هاي ايدك لامس بيهه غيري تلعب نفسي

ما حجة شي عافني و مشة برة المطبخ صحت وراة
:-وين رايح

:-انام

:-شنو تنام و اني اكل وحدي

:-ليش متعلمة الة ونيس

:-تجي تكعد يمي و تاكل وياي خوش

:-ما اريد

سديت المي عفت الخيار على السنك و مشيت كدامة
:-ها وين

:-ما اكل بطلت

:-تعاي ناكل سوة

:-من البداية ليش تشلع گلبي

رجعت للمطبخ اخذ الخيار گصصة و خلاة بماعون فتح العلاكة مالت الصمون و كعد يمي سوة لفة و انطانياهه اخذتهه من ايدة

:-سوي لروحك

:-اكلي و بعدين اكل

:-ترة ابطل ما اكل يلة سوي

رفع ايدة راد يسوي صحت علية
:-لاا لحضة

اخذت صمونة و سسويتلة لفة انطيتهه الة

اخذهه من ايدي و رفع ايدة يلمس بگصتي
:-شبيك؟

:-لا ماكو شي بس كلت خاف مريضة اخذهه للطبيب

:-شنو قصدك اني بية شي

:-لا لا اكلي بس حسيت بحرارة كلت يجوز جسمج جاي يشع بسبب الصخونة

اخذت اللفة اكل بيهه ما فهمت شيحجي كمل و كام غسل رجع كعد كدامي

كملت و كمت غسلت راد يكوم كتلة
:-ابقى كاعد اريد احجي وياك

رجع كعد جبت كرسي خليتة كدامة اهز برجلي و اباوعلة

:-شكو انت بيج شي

:-جؤ انزع قميصك

:-شنو؟

:-انزع قميصك

:-شتردين

:-متعارك انت؟

:-لا

:-انزع القميص

:-ما متعارك شتردين بالقميص

:-الاثر الي بقميصك القديم و الي بهذا دم مو؟

:-لا بابا كتلج يمكن عصير هسة اكوم ابدل و اغسلة

:-اني طفلة و تضحك على عقلي احد ضاربك هنا رفعت
ايدي لمست المكان كش جسمة ابتعد عني

:-انزع خل اشوف وية منو متحاجي بيش نضربت

:-ماكو شي

راد يكوم لزمت الياخة مالتة و كعدتة وكفت مقابيلة فتحت دكمة القميص لزم ايدي

:-اريد انام شبيج تخبلتي

:-اشش صوتك ما اسمعة

فتحت الدكم و وخرت القميص من صدرة بلعت ريكي من شفت شلون صاير احمر و وارم باوعت علية دنك راسة خليت اصابعي اتلمس الوشم المسوي نفس الخط الواشم بي روح عابس برگبتة بس هذا واشمة على صدرة كاتب

-ملاذ ألصعب

بقيت امشي بيدي علية ثنينة هادئين رفعت راسي علمود دموعي ما توكع

نزلت راسي اباوعلة ما اكدر الزم روحي بس دموعي تنزل
كام من مكانة يمسح دموعي بابهامة

:-جؤ شنو انت عنددج خزان حتى اليعطس تبجين علية

:-ماحبك انني ماااحبك

:-يلة ميخالف تعاي

سحبني لحضنة رفع ايدة يرتب بشعري وخرت راسي من جهة الوشم
:-يأذيك؟

:-لا

:-لا يأذيك صاير احمر

:-جؤ بابا ما بي شي باجر يروح

:-اني ضربتك علية وكام ينزف

:-لا عادي لان جديد بعدة

وخرت من حضنة
:-لا لان اني ضربتك

:-اي يلة لان انتِ ضربتني

:-انت ليش هيج تجرح نفسك مو يأذي

:-دائما احس عاجبج الوشم البرگبتي كلت اسوي واحد خاص بيج

:-خلييني اسوي واحد

:-ها صدك؟

:-اي واللة مثلك اسوي

:-وين تسوينه

:-هو مثلك بنفس المكان

قرب مني يوخر بشعري
:-هممم و منو يسوية

:-ام الوشم غير

:-هااا

:-لعد منو انت وين سويتة غيير عد وشام

:-وانة هيج اخليج تسوين يم وحدة و توشف صدرج؟

:-هو اني راح اروح من يمك بعد

:-هممم و شتسوين بالوشم من ترحين

:-هو هيج شبيك علمود اسوي مثلك

قرب مني اكثر رجعت ليورة لزم جتفي و دفعني على الحايط خلة ايدة من جهه على الحايط و ايدة الثانية يلعب بشعرري

:-اممم وين وصلتي

:-شنو

:-اسويلج وشم بصدرج؟

:-لا مو انت الوشامة

:-هسة اسويلج ما يأذي

:-لا ما اريد امي ما تقبل

:-بكيف امج لو بكيف رجلج

:-ها

:-بكيفي لو بكيف امج

:-بكيفي اني

ما حجة شي نزل ايدة على ركبتي يتلمس بيهه نزلهه سحب التشيرت ليجوة عيونة تمشي وية ايدة رفع راسة و اشرلي بأصبعة على مكان

:-هنا تردينة؟

حركت راسي برفض رجع دنك راسة سحب التشيرت اكثر
:-هنا؟

:-ما اريد

:-تردين بركبتج مثل العندي؟

لزكت نفسي بالحايط احرك راسي بمعنى لا ابتسم و خلة راسة بركبتي يتنفس بيهه

:-ملاذي ليش تخليني اقسى وياج

:-ليش شسويت اني

سحب نفس قوي و زفرة برگبتي حرورة انفاسة تلامس جسمي بقى يوزع بوسات برگبتي رفعت ايدي على صدرة  ابعدة عني رفع راسة خلة گصته بگصتي

:-تدرين من ما لكيتج شكلت؟

:-شكلت

:-كلت ملاذ اليوم كتلتها على ايدي

:-تكتلني صدك؟

:-غير كون اكدر شفت عيونج و راح الحجي كلة ضليت قافل عليج الباب خاف اسويلج شي كاعد بالصالة و اسمع صوتج

:-ليش تحبسني اختنك واللة لا تحبسني صرت من اشوف الباب مسدود روحي تنبهت

:-عفتة مرة مفتوح و شردتي

:-من وراك انت ردت تشربني حبوب اني ما اريد اصير هيج اخاف واللة

:-تتوقعين مني اخليج تدمنين شي؟

حركت راسي برفض
:-تصرفج جان غلط لو صح

:-الشفتة جبرني اتصرف هيج

:-علمود الحبوب

:-اي

:-تكرهيني؟

:-اني ما اكرهك بس انت جاي تأذيني

:-خل ننهي هل اذية و سلميني الورقة ليش تستمرين بكرهيني و استمر بأذيتج

:-مو عندي

:-جؤ عندج انت بنفسج كلتي هل شي

ردت اوخر من يمة لزمني بيدة و رجعني لمكاني
:-صعب فددوة وخر واللة اكرهك من تسوي هيج

ابتعد عني يسد بدكم القميص
:-روحي نامي تأخر الوكت

رفعت عيوني علية
:-انت ليش ما تصير حباب وياي علمود احبك

:-روحي نامي جاي وراج

عفتة و فتت للصالة اخذت البطانية خليتهه على الجرباية باوعت على روحي بالمرايا فتحت عيني مصدومة قربت اكثر على الميز اتلمس بركبتي شصاير بيهه كمت اتفاور بس فات للغرفة درت وجهي علية و اني لازمة ركبتي

:-ششمسووي انتت

:-شنو

:-صصعععبب هاي سواايةة مو تدري راح اروح هسة شكل لاممي هااا

:-شنو شمسوي غير افهم

:-ركبتتي صعب شوووف شصاير بيهه

:-ها هاي غير ردتي وشم و انة كريم سويتلج حتى ببلاش

:-ووخرررهن من ركبتي يلة

:-شنو المطلوب مني شو خل اشوفهن قرب مني يريد يلزم ركبتي لزمت ايدة و عضيتهه

:-اايدي ولج ايدددي

وخرت من يمة و دفعت ايدة رجعت اباوع على المرايا
:-من تجي امي يرحن لو لا

:-لا يضل

:-شكلهه شكلههه

:-كليله رجلي

:-ااسكت خبلتتنيي امشيي وخرر من كداممي

عفتة و رحت تمددت على الجرباية لفيت نفسي بالغطة و ادردم حسيت بي اجة يمي على الجرباية سحب الغطة درت للجهة الثانية حضني و بقى ساكت

:-صعبب لا تسوي هيج عيب من امي

:-هسة امج ما مسويلهه من قبل على اساس

رفعت ايدي ضربتة على بطنة
:-لا تحجي علي امي اذبحكك واللة

:-يابة شكايل غير هذا الصدك دنامي نامي

نرفزني سكتت منة غمضت عيني احس بيهن ملح صار هواية ما نايمة بديت اغفي صعب حجة بأذني

:-اسف ملاذي اددري راح تتأذين بس ما عندي غير هل حل

:-شنو

:-هيج نامي

جان مخلي ايدة على بطني رفعهه غمض عيوني من كد النعاس نمت كعدت ثاني يوم صعب ما موجود فتحت باب الغرفة لكيتهه مفتوحة غسلت و فتت للمطبخ من نمت المطبخ جان هوسة ما ادري شوكت نضفة احس بعدني محتاجة نوم تعاجزت اسوي ريوك خليت راسيي على ميز المطبخ غمضت عيني اريد النعسة تروح ما ادري بيش الساعة بقيت هواية بمكاني

سمعت باب البرة ينفتح كعدت اتمغط عبالي صعب اجة طلعت للصالة فاتت رتيل بس شفته ابتسمت اجتي علية حضنتني

:-رتيل شعججبب لج

:-لبسي حجاب شهاب بالباب

رحت بسرعة للغرفة جبت حجاب و رجعت لكيت شهاب بالصالة شكلة متغير هواية عيونة مغورة سواد اول مرة اشوفة ما مهتم لشكلة ما مشط شعرة

:-شلونج ملاذ

:-هلا شعجب اليوم ذكرتنة كاطع كلش

ابتسم وكال
:-مشغول هل ايام

:-ايي لا تكطع ويانة بعد مشتاقة اتعارك وية احد

رتيل:-لج اني صدمني صعد للغرفة كال نروح لملاذ اني ما صدكت خبر لبست حجابي و اجيت ركض

:-واللة جنت ضايجة

كمت للمطبخ جبت مي و كعدنة اني و رتيل نسولف و شهاب مو ويانة كل ما اباوعلة يكلب بالتلفون الغريب بالموضوع اول مرة شهاب يجيب وياة مسدس رغم ما صاير شي علمود يجيبة

:-شهاب

رفع راسة علية
:-ها

:-صاير شي لصعب؟

:-لا

:-ليش جايب رتيل و انت جاي و بيدك سلاح؟

:-لا واللة ما بية شي حتى صعب خابرني كال ربع ساعة و جاي

:-همم زين

رتيل:-اكلج ما صلحتي تلفونج

:-ها لا صعب مشغول

:-ها خوش من تصلحينة كليلي عاد اراسلج

:-اي ميخالف

بالي بقى يم صعب ما ادري ليش خايفة
شفت شهاب بيدة تلفونة كتلة

:-اكلك بيش الساعة

:-ب 11 ونص

بقيت ساكتة رجعت احجي وية رتيل بس عيوني على شهاب احس صاير شي شوية و سمعنة باب الشارع نفتح كام شهاب بسرعة

:-هذا صعب

:-اي

طلع قبل لا يفوت صعب للبيت استغربت تصرفاتة باوعت لرتيل

:-رتيل صاير شي؟

:-واللة ما ادري

:-صعب راح يروح؟جابج هنا لان راح يرحون

حركت اجتافهه بمعنى متدري كمت من مكاني حايرة اطلع لو لا

رتيل:-شبيج يمعودة يعني شنو صاير ماكو شي هذا صعب و هذا شهاب

:-ما ادري لعد ليش ميفوتون

:-يجوز عدهم شغل شعلينة يا عيني

رجعت كعدت يمهه گلبي نار كل تفكيري يمهم شوية و فاتو ثنينهم صعب قفل الباب و فاتو شكلهم عادي صعب سلم و عيونة علية احس برودة بأطرافي خفت لا صاير شي كل بالي يم امي راح خاف بيهه شي

الصعب:-ملاذ بس تعاي شوية وياي للغرفة

كمت وراة و جسمي يرجف باوعت لرتيل خافت على خوفي شهاب واكف بصف رتيل صعب وكف بباب الغرفة منتضرني اوصل رحت يمة لزم ايدي

:-صعب امي بيهه شي

ما حجة شي عصر ايدي قوي سحبني علية خلة ضهري على بطنة و حكمني بقبضتة

رأسا باوعت على شهاب خلة المسدس براس رتيل عيوني عليهم ما ادري شجاي يصير صرخت رتيل بخوف

:-شهااابب

جان لازم ايدهه و مثبت المسدس براسهه و اني و صعب كدامهم اعضائي كلهه ترجف

:-صصعععبب رتيلل رتيل شوفهااا

ادفع بيدة بكل قوتي منة اريد افلتهه اروح لرتيل الي بس تبجي

:-صصصععبب صعععبب هاي رتيلل شبيكك بس وخرر مني

روحي راحت و اني اصرخ
:-شهااااب انت مخبللل لك وخررر منهه اخابر عمو عليك عوووفهااا

صعب قربني منة عاصرني بحضنة حجة بأذني
:-تردينهه تعيش

بقيت احرك راسي بمعني اي تهسترت اصيح و اضرب صعب برجلية اريد يفلتني بس هو مثل الحديد ما يتحرك

:-كلة يعووفهاا كلةة

عيوني على شهاب مدنك راسة ابد ما يباوعلنة و رتيل ترجف و تبجي ضامة نفسهه بالتخم

:-جيبي الورقة و يعوفها

.
.
.
.
.
.
.
.
.
.
.
.للحكاية بقية

كلانا كتف للاخر♥
الوريد♪