رواية أنتقام الصفحه 27 (ترميم) الفصل الأربعون 40 - بقلم خـلود الـ محسن

انستا للتواصل lorai_alrwi

اشتركوا بحسابي على الواتباد @lorai_alrwi و تفاعلكم على البارت
………………………………
راحت فتحت الباب واني عيوني معلكة بيهه اخاف اشوف حسن كدامي.........

شفت شهاب فات لا اردايا ابتسمت من شفتة ملت راسي اريد اشوف صعب جاي وياة لو لا راحت ابتسامتي من امي سدت الباب بقيت واكفة بمكاني فاتوا امي وشهاب رفع راسة باوعلي

:-شلونج ملاذ

:-هلو

:-الحمد لله على سلامتج

:-الله يسلمك

:-شنو ناوية توكفيني بالباب دوخري خل نفوت

درت وجهي و ضحكت ما اريد يشوفني اضحك علمود ابين الة زعلانة

فاتو هو وامي كعدو بالصالة و اني واكفة اباوعلهم

:-ملاذ ولج جيبي مي شي

:-مو اني مااحجي وية شهاب

:-ياا ولج امشي

:-شهاب كوم جيب عصير من المحل خل نقدمة الك ماعدنة

امي غمت گصته و تأشرلي بيهه تتوعدلي و شهاب ميت ضحك

:-خالة اني حالي حال صعب لاتستحين مني

:-لا يمة شلون ضيف عدنة انت

:-ملاذ اختي و انت مثل امي لا تتقيدون

:-يلة مامتقيدين كوم جيب عصير و كيك خل اكل امي ما تجيبلي و اني مريضة

اباوع على امي زين ما شكت ثوبهه بس احجي هيج اريدهه ماتستحي منهم من يجونة اني اشوفهم قريبين علية مااريد نتقيد منهم

:-اكعدي انت شنو حرس فوك روسنة

اشرت لامي براسي على المخاد من سويت العملية مااكدر ادنك حيل على شي و لااكدر اكعد كبل على الكاع الة مخاد
صاحت امي علية

:-شنو ملاذ

:-ها لا هيج

جبت مي و رجعت واكفة يمهم يسولون سوالف عادية و شهاب مسوي روحة كلش يفتهم شال المخدة من ورة ضهره و خلاها على صفحة و هو مستمر يحجي وية امي
شوية و كال

:-كعدي ملاذ

لزمت بطني و كعدت يمهم كامت امي تحضر الغدة اني و شهاب ثنينة ساكتين اباوعلة يكلب بالتلفون و اني صافنة على الفراغ حمحمت و حجيت بصوت ناصي مااريد امي تسمعني

:-شهاب

عاف التلفون و رفع راسة
:-ها

:-صعب ليش مااجة

:-ما يدري بية هنا و هم عندة شغل

حركت راسي بمعنى اي ودرت وجهي گلبي طاك على شوفتة تمنيت لو يجي حتلو بس اشوفة و يروح

:-ملاذ

درت وجهي علية بلل شفايفة و يطكطك بأصابعة
:-شوفي ملاذ وغلاتج عندي كلشي صار ذاك اليوم مو بأردة واحد من عدنة لا اني و لا صعب و لا رتيل

:-اممم

مااريد اذكر هل موضوع ذاك اليوم بكل تفاصيلة يأذيني

:-ملاذ انة جاي اليوم علمودج مااريد تشيلين بكلبج علية و لا على صعب شما نرجع للموضوع حكة بالسواة و انت اكثر وحدة شاهدة على معاناتة

:-وانت شنو عبالك ضامة الورقة علمود أأذي اكثر لا شهاب ضامة الورقة مااريد يجي اليوم الاخسر بي صعب ضامتهه لان ادري نتائجهه شنو من يشوفهه تعرف شنو الراح يصير صعب راح من ادينة

:-حاولت وياة بس مااكدرلة ملاذ انت اقرب شي الة لاتعوفينة حتى لو اذاج لا تعوفينة صعب مريض و باني فكرة براسة من الصغر لازم ينتقم

:-لو جنت انت بمكاني شراح تسوي شهاب احس روحي ضايعة ما اعرف شسوي مرات اكول حگة هذا مو هين ابوة نكتل و امة احتركت كدام عينة شهاب صعب سنة كاملة عاشهه بمر بسبب منو بسبب عمامة لو ما رب العالمين واكف وياة جان صعب حالة حال الاشوح

:-ماجنت اعرف شي ولااحد بينة يعرف صعب شنو التعرض الة لا اني و لا ابوي و لا امج و لا اي واحد بس مهما يكون خل نحاول انة مااكلج خل يسكت على الموضوع لو سكت انة ما ارضة بس لا يسوي الي ببالة خل ينطي لقضية لاي واحد و كلهم راح يرحون بالرجلين

:-واني شسوي هسة؟

:-هذا الحاير بي ما اشوف غيرج باب رجعة لصعب بس المشكلة ما ادري شلون

ردت احجي و فاتت امي ثنينة سكتنة
:-اكلج يمة

:-ها

:-هذا شهاب مو خوش ضيف حتى بطل ببسي ما جابنة مو بعينة اني و عمليتي

عضت اصبعهه خازرتني و شهاب ضحك بصوت عالي
:-ملاذ هسة اروح للمحل شتردين اجيبلج

:-جذاب و العباس الجلف تذكر مرة من اكلك اشتريلي تكلي حدي للالف

:-لا مو هسة مريضة

ضحكت و اني اذكر سوالفنة كبل باوعتلة بأبتسامة

:-ايي بس بوكتهه صعب جبرك تشتريليي اي شي اريدة حتى الاكل جان يجيبة الي شاايف حتى اذا بجيت يطلعني من البيت علمود ما ابجي تذكر من جنت يمنة ما يخلينني اطبخ شي و لا اغسل مواعين يخلية كله عليك

جنت احجي بحماس و كأنما بعدني بذاك الوكت اختفت ابتسامتي من شفت امي و شهاب شلون مركزين علية و اني احجي بصوت عالي و مبتسمة دنكت راسي مستحية من تصرفي شهاب راد يتلافة الموضوع كال

:-اي خالة صدك هذا البيت اجار لو ملك

:-لا يمة اجار انة كلت اشتغل و عندي ورث من ابو ملاذ اخذتة من طلعت اجمع علية و اشتري بيت على كدنة

:-ان شاء الله خالة

خليتهم يحجون كمت من مكاني شي بداخلي يفور وصلت للغرفة كعدت على الجرباية بس رمشت دموعي نزلت

:-ليش ما اجة ليشش ايي اني اريدة يجي واصير زينة
مسحت دموعي و كمت للصالة امي و شهاب صوتهم برة يشوون اخذت تلفون امي و رجعت للغرفة اتصلت علية ما يرد خلص الاتصال و هو ماكو ايدي كامت ترجف عفت التلفون و لزمت ايدي اهدي بروحي

:-شبية اني ليش ابجي هو مو عافني مو راح ليش اتصل علية مااتصل بعد اني رجعت لامي اريد اعيش وياهه مااحب صعب اني ما احبة

فز گلبي وية صوت الاتصال كل الحجيتة راح من شفت اسمة كبل فتحت خط

:-الو

:-صعب وين انت

:-بالشغل

:-ليش ما اجيت اني مو مريضة ليش ما تجي

:-اجيكم؟

غمضت عيني و جريت نفس مسحت دموعي حجيت بصوت ماليتة العبرة

:-تضل؟

:-اشوفج و اروح

:-و بعدين

:-شبيج تعبانة انتِ؟

:-لا الصبح عبالي انت اجيت ضلت عيوني معلكة بالباب متانية تفوت بس ماكو

:-صرتي زينة

:-لا اني مريضة تعال علينة

:-اجي هسة

:-بس ضل لا تروح

بقى ساكت شوية بعدين كال
:-متعمد ما اجي اريد تتعودين

:-صعب

:-طوايف صعب

:-شوف احس گلبي بي نار

:-بيج حيل تكومين

:-اي

:-كومي شوفي اكو قرأن بالبيت

:-اي عدنة

:-كومي جيبي

كمت من مكاني امي مخلية القرأن على ميز التلفزيون بالصالة اخذتة و رجعت كعدت

:-ها ملاذ

:-جبتة

:-خلي على كلبج

ركيت نفسي على راس الجرباية خليت القرأن على گلبي اريد ارتاح

سمعتة شغل سورة الفلق بصوت ناصي
:-رددي وياهه

غمضت عيني اسمع لصوت القرأن و اردد بگلبي وية السورة مغمضة عيوني و دموعي تنزل لا اردايا كل ما تخلص يعيدهه و اني اردد وياهه سد السورة كال

:-جمارة

:-ها

:-احجيلي شبيج

:-اني تعبانة من اذكرك ما ادري شيصير بية گلبي ينعصر و روحي مخنوكة اريد تجي بس ما اريدك لان ادري جيتك تأذيني

:-كل ما تفكرين بية شغلي قرأن و اسمعي الة ترتاحين

:-يومي طويل ما يخلص بس افكر تعبت صعب

:-شنو التردينة تردين شي تخلصين بية يومج

:-لا بس اريد انساك لا تخابر بعد

:-ميخالف

:-حتلو اني خابرتك لا ترد علية

:-واذا جنتي تردين شي شلون

:-لا اني ماريد شي بس لان اشتاقلك اخابر بس اني مااريد اشتاقلك

:-اجيبلج تلفون غير هذا تلتهين بي و لاتخلين بي رقمي

:-لا اني حافظة رقمك بس اجيب تلفون اخابرك

:-من تصيرين زينة الكالج شغل تلتهين بي و ما تفكرين

:-انت ماتفكر بية

جر حسرة و بقى ساكت
:-ملاذ

:-ها

:-خيالج مرافك روحي بس باعد روحي منج لان راح اخسر هواي لو ضليت

:-ما احبك اني اكرهك صعب اكرهك هواي

ماحجة شي مسحت دموعي حجيت و الشهكة لازمتني
:-اني قوية صعب وعدتك راح أأذيك و راح اوفي بوعدي راح تعيش الجاي اعيشة

:-لاتتعبين روحج ارتاحي

:-اي اي مرتاحة

سديت الخط اباوع على ادية ترجف صوتة طابع بخيالي ما يروح بقيت اضغط على راسي قوي اريد انسى ما اريد افكر ماعرف بروحي شنو الاريدة عايشة بدوامة بين لازم ابتعد ماريد اتأذة بحبة اكثر و بين شي بداخلي رافض هل فكرة و متأكدة راح يرجعلي عشت الصراع الداخلي بقيت اصيح بصوت عالي ما ادري بروحي

:-ملااذ انسي اننسييي لاتفكررين بيي

فزيت على صوت امي و هي واكفة بالباب مصدومة مني اضرب راسي بضهر الجرباية مادري شلون وصلت لهل مرحلة قربت مني حضنتني لصدرهه و اني ابجي بصوت عالي

:-يمة يمة بنيتي شجاج شبيج يروح امج

:-بردانة اني احضنيني

سحبتني لحضنهه حضنتني بقوة و بقت تردد دعاء بصوت ناصي

::-ربي اني اسألك انت تريح قلبها و فكرها و ان تصرف عنها شتات العقل و التفكير اللهي في قلبها امورنا لا يعرفها سواك فحققها يا رحيم اللهي كن معها في اصعب الضروف وارني عجائب قدرتك في اصعب الامور يالله

اسمع لاميي و دموعي تنزل رفعت راسي عليهه تمسح بوجهي

:-شجاج يا يمة توج تضحكين شجاج

كمت اشهك و احجي
:-يمة ا..اخذي مني التلفون ماريد يضل يمي حبابة

بقت تباوع بوجهي بحيرة باست گصتي و وخرت دمعتهه بعينهه

:-جنتي مثل الوردة ليش هل ذبول

:-مابية شي بس لاتعوفيني وحدي ماريد اضل وحدي

:-كومي وياي الولد وحدة برة تعاي توكفين يمة تلتهين

:-و انت وين ترحين

:-اضل يمج لا تخافين

كمت وياهه رفعت ايدهه ترتب بحجابي خلت ايدهه على خدي ابتسمت و اخذتني وياهه طلعت برة شهاب واكف يم جمرية مسوينهه يششون سمج

:-ها ملاذ تعاي تكعدين اجيبلج مخاد

:-لا هنا واكفة

امي فاتت جوة جابت مخاد كعدتني عليهن بقيت اباوع على الجمرية بالي مو يمهم احس روحي مشوشة شوية و فاتت امي جوة

شهاب:-ملاذ ضايجة انة اريد اروح بس اذا ضايجة اخذج للالعاب تتونسين

:-لا ماضايجة بس شوية تعبانة

:-زين تردين اجيبلج شي

:-لا ماريد شي

سكت و رجع يهفي على النار
:-ملاذ

:-ها

:-رتيل عدهه علاقة بعلي

حضنت جفوف ادية اطكط بأصابعي
:-يا علي؟

:-علي تعرفينة

:-شلونة صديقكم انت و صعب

:-اي هو

:-لا ماكو شي

:-متأكدة

:-لا شهاب ماكو شي متوهم

درت وجهي ماريد يشوف توتري كال
:-خوش

ضليت ساكتة درت وجهي شفت امي واكفة بعيد عينهه عليه ابتسمت الها من شافتني ابتسمت ضحكت و رجعت للمطبخ

حجيت ويا نفسي
-يارب لا تخلي امي تشوفني مكسورة

كام شهاب طلع السمجة و اني وكفت اباوعلة
:-ملاذ اذا خطبت تجين

:-صصدكك راح تخطب

:-ان شاء الله

غمزتلة بضحك
:-لك منوو منوو هاااي

:-تقنعينيي صعب لو رتيل ما حاجيلج

:-ههههه لا عرفتهه بينات مو

دنك راسة مبتسم و حركة بمعنى اي

شكد فرحتلة نسيت كلشي من شفت عيونة شلون مليانة حب و فرحة

فتنة جوة و اني بس اضحك باوعت لامي تباوعلي عيونهه مغرغرة دموع و مبتسمه

:-ييومم شهااب حيخططب وحده يحبهه

باوعت لشهاب دنك راسة مستحي
:-ياا يمة بيها الخير ان شاء الله مهناي ييمة

:-مشكورة رحم الله والديج خاله انت وملاذ لازم تجن
صحت علية

:-لا لا ما نجي لان صعب يجي

ثنينهم باوعو عليه
:-لا اقصد الطريق بعيد و اني اتأذة من السيارة

ما حجة شي كعدنة نتغدة سوة و امي تسويلي لفات صغار طلع شهاب جايب وياة بلازمة علمود البيت وامي تحلف ما تاخذهه

:-شهاب لعد منو يشدهه بربك هسة لو جايب وياهه ستلايت و ريمون شبيك ما جبتهن باوعت لامي تخرط بخدودها بصمت

:-ماعندي فلوس ملاذ خلصت اني رجال وراه عرس

بقيتة نضحك صدك ارتاحت نفسيتي من شفتة فتنة جوة و امي عيونهه تلاحكني حاولت شكد ما اكدر ما ابين الها بية شي

:-ملاذ هاي البلازمة راح اخليهه لغرفتج لان الصالة بيهه بلازمة

حركتلهه راسي و درت وجهي اباوع على البلازمة اتصل تلفون امي درت وجهي بلهفة ردت اكوم امي صاحت

:-اني اشوفة

رجعت لمكاني عيني تلاحكهه خابرت بس جانت تحجي ويه مرة رجعت اباوع للبلازمة كملت اتصال ومشت للمطبخ صحت عليهه

:-شتسوين

:-اغسل المواعين

:-اني اغسلهن

:-لا يمة مو زين عليج ترفعين ايدج هواي اني اغسلهن

:-شوكت اشيل الخياط

:-كم يوم و تشيليهن كعدي

راحت للمطبخ گلبي نار عليهه ما اسوي شي وياهه كل البيت عليهه

للغروب فتت للغرفة اسمع صوت الاذان مشغل بالصالة غمضت عيني استمع لصوتة هيج و يتخلل ببالي ذكرياتنة سوة من كعدتة الصبح نصلي و جان نعسان ضحكت و اني اتذكر شكلة شلون ضاج من رشيت علية مي

فتحت عيني اباوع للغرفة فارغة عيوني تحركني كل شي يصير وياي افكر بصعب كل ما اصفن و كل موقف يجي ببالي يتعبني

فاتت امي للغرفة بيدهه مصلاية مسحت دموعي و هي باوعتلي تتحسر ما حجت شي خلت مصلايتهه و القرأن يمهه تصلي ضليت مركزة وياهه كملت و شالت القرأن خلتة على راسي

:-ملاذ بنيتي شبيج

:-بس تعبانة اريد هذا الجرح يطيب اريد اصلي

:-ما ضل شي حبيبتي اسويلج شي تاكلين

:-لا ما جوعانة

شالت مصلايتهه رجعتهه لمكانهه و خلت القرأن يمي حضنته على صدري و تمددت كل شوي اريد اخذ التلفون من امي بس امنع روحي ما اريد اتعلق بي اكثر فاتت امي من باب الغرفة

:-ملاذ انة راح انام تردين شي

:-وين تنامين!

:-بالصالة اذا تردين هذا التلفون خلي يمج

:-لا ما اريدة تعاي ناميي يمي لاترحين

جابت فراشهه خلتة بالكاع يمي تمددت اباوع عليهه
:-يوم

:-ها حبيبتي

:-شلون عرفتي صعب رجع من جان طفل

:-شرجعج لهاي السوالف

:-احجيلي

:-جنة كاعدين وندك باب البيت كمت فتحتة شفت صعب واكف بالباب شكلة متغير اسمر و مزين شعرة و حاجبة مطبور لو ما رابي يمي ما عرفتة بذاك الوكت بيومهه ليله كاملة ما نمت بتت يمة بالبيت بس مو صعب الاعرفة متغير و لا جنة طفل تصرفاتة و كلشي بي تغير بعدهه بدة يشتغل العصر ينضف احذية و الصبح يختفي محد يدري بي وين سنتين و باع بيتهم محد جان يكدرلة شكد حاولت وياه يضل بس ما كدرتلة راح لغير منطقة محد يدري بي لأي مكان راح غيري و غير عمة هادي الي عاف اهله من سمع بصعب رجع و اجة بمنطقة قريبة لبيت صعب و صارو هو و اخية شهاب سوة لحد ما كبر بالسنة زين اذا شفتة

بقيت ساكتة غمضت عيوني احاول انام بس ما اكدر ما يجيني نوم هواية مر وقت باوعت لامي نايمة

كعدت صافنة على ميز التواليت كدامي اباوع لروحي بالمرايا الغرفة اضائتهه خفيفة غمضت عيني و فتحتهه اتخيل صعب بالمرايا درت وجهي اتلفت بالغرفة تعوذت من الشيطان

رجعت اباوع كمت اشوف خيال كدامي صعب واكف فجأه و تلطخ بالدم بلعت ريكي خايفة غضت عيني رجعت اباوع اشوف صور الناس الشوفنياهم و كال عمامي وياهه صرخت بصوت عالي من شفت الدم يطلع بكثرة رجعت ليورة بسرعة خايفة شنو الجاي اشوفة كدامي

:-لااااا لاااا عوووففةة لاااااا

حسيت على امي لازمتني و تهدي بية درت وجهي على امي

:-كككتلووة يمه كتلووة

طفرت شغلت الضوة و رجعت يمي تنفخ على وجهي و تتعوذ من الشيطان

:-اسم الله اسم الله يمة حلم ماكو شي دخيلك ياعلي بنيتي بأمانتك

:-ما نمتت والله ما نمتتت همه كتلووة كدامي

:-اسم الله الرحمن بنيتي اتعوذي من الشيطان ماكو شي
رجعت اباوع للمرايا ماكو بيهه شي ادية ترجف حسيت على وجع ببطني تلمستهه شفت اثر دم صاير بالتشيرت ايدي كامت ترجف

:-شبيية بطننيي دم منهمم اجاااني شووفي

لزمت التشيرت مالتي و رفعتة
:-اسم الله الرحمن عليج لان طفرتي بسرعة طلع منج دم الجرح بعدة ما ملتئم

:-اني شفتهم كداممي صار كله دم

باست راسي و طلعت تشيرت من الكنتور بقيت كاعدة بمكاني صافنة على المراايا معقولة نمت و فزيت من حلمي لو جنت اتخيل معقولة صعب صار بي شي

احس جسمي كلة بايد ما اكدر اسوي شي امي نزعتني التشيرت مالتي و نضفت الدم الي بالجرح لبستني واحد ثاني

باوعتله عيونهه مليانه حزن تباوعلي بقلة حيلة
:-يمة اقريلي قرأن خل انام

تمددت و غطتني كعدت بطرف الجرباية لميت نفسي بوضعية جنين فتحت القرأن بحضنهه حضنت ايدهه و غمضت عيني اسمع بصوتهه و هي تقرة غفيت على هل حالة

كعدت الصبح امي مخلية كرسي بصف الجرباية راكية راسهه على الحايط و لازمة ايدي بس تحركت فزت تباوعلي

:-ها يمة شلون صرتي

:-زينة اني ما بية شي

قربت مني تتلمس براسي
:-مريضة يمة اخذج للدكتور

:-لا مابية شي زينة انت ليش نايمة هيج

:-ما علية شي اني كومي غسلي خل اسويلج ريوك

كمت من مكاني غسلت برة المي مفتوح و اني اباوع للباب الشارع اتخيل صعب راح يفوت مثل كل مرة جايب اكل و يضحك بوجهي ابتسمت لا اراديا سمعت صوت باب المطبخ نفتح بسرعة سديت المي و رجعت ما اريد امي تتعذب اكثر وياي كعدنة ناكل و هي تسويلي لفات صغار توكلني بيدهه

:-ملاذ

رفعت راسي عليهه
:-ها يوم

:-اسألج شي لا تستحين مني اني امج جاوبيني بصراحة

:-كولي

:-كبل ما جنتي هيج شصارلج؟

:-بس مريضة ما بية شي انت مو تعرفيني من اتمرض اخاف

:-بس كبل ما تخيلتي و فزيتي من نومج تصرخين

دنكت راسي اتحاشة نضراتهه الي اني ما فاهمة روحي شأريد

رجعت كالت
:-صعب خابرني

رفعت راسي عليهه بلهفة
:-ششكاال سأل علية

بلعت ريكي متوترة درت وجهي للجهة الثانية
:-ملاذ

:-ها

:-انت و صعب متزوجين؟

:-اي و هل شي انت ردتي

نزلت كوب الجاي و ضلت تطك بأصابعهه
:-مو هيج اقصد انت تعبانة مو مالت اسألج بس فضول يا يمة

:-شنو لعد

:-اقصد صعب ليش ما رضى يطلكج و انت واضح عليج شكد متعلقة بي اكيد اكو شي بالموضوع

:-لا ماكو شي هو بس تعودت عليه ما متعلقة بي اني و حتى انت شفتيني ما احجي وياة ما بينة شي

:-ها و لهفتج هسة من كتلج خابر

:-لا غلطانة اني ماحبة حتى كتله بعد ما اخابرك

:-ليش ما يطلكج

:-راح يطلكني

:-وليش ما طلكج ذاك اليوم احجيلي بنيتي

:-ما اعرف

:-انت و صعب تزوجتوا؟

:-اي سيد وهو سوة عقد محكمة هم

:-و صار شي بينكم

باوعتلهه شفتي ترجف من التوتر ماادري ليش تسأل هيج و وين تريد توصل

:-ليش اذا صار بينة شي شراح يصير

:-يعني صار جنت متأكدة اكو شي ملاذ ليش الولد مصر ما يطلكج

بلعت ريكي
:-و اذا ما صار شي راح يطلكني؟

:-اني اخليه يطلكج ليش تبقون بعلاقة مابيهه معنى على الاقل اكو بينكم شي رسمي يجوز راح يجي يوم و يرجع الج و دام ما قبل يطلك اكيد يريد يرجع

:-يعني راح يرجعلي

:-الله كريم

شالت المواعين و اني بقيت كاعدة شسويت اني شلون جذبت على امي خاف يصير شي خاف صعب يكل لامي و تخلي يطلكني

نفضت الافكار من راسي كمت للغرفة المبايل كدامي شي بداخلي يريد اخابرة كمت من فراشي سحبت التلفون و خابرت على صعب وية كل دكة نفسي يعلى اني رافضة اخابرة بس گلبي رايدة رايد يسمع صوتة اريد اغذي روحي بية بس فتح الاتصال بقيت ساكتة اسمع صوتة

:-الوو رُفيدة شنو ملاذ شلون صارت

بعدت التلفون عني اهدي بروحي اسمعه يحجي بس ما اكدر ارد رجعت اسمعه كال

:-ملاذ؟

-بابا كافي عناد وية روحج ما أذيتيني بكد ما أذيتي روحج

دموعي تنزل و امسحهه ابجي بصوت ناصي ما اريد يسمعني سديت الخط و كعدت بالكاع حاضنة رجلية لصدري

-ياارب نسينياه يارب ما اريدة والله وجودة يأذيني اختباارك صعب نسينياه يارب

سمعت صوت رسائل بالتلفون شفتهن من برة بدون ما افتح كاتب

:-جمارة كافي تتعبين بروحج لاتبجين كومي غسلي اذا تعبانة خابريني نحجي اسولفلج شي تردين اسمعج شي افتحي خط راح احابر

اتصل اكثر من مرة ما رديت اباوع على اسمة و ابجي ادري جاي أأذي و أذي روحي بس اريد افكر لبعيد اريد من هسة اتعلم افاركة خلص الاتصال دز رسالة كاتب

-كون ابوس عيونج و امسح تعبهن تعبني

رجعت التلفون لمكانة و رجعت لفراشي كضيت ايامي كلهه بالغرفة ما اطلع كل يوم اذبل اكثر الاكل من اشوفة تلعب نفسي اشوف امي شلون متأذية بس كلشي يصير مو بيدي صرت اتخيل صعب بكل مكان بحيث تعايشت وياة افز من نومي اتخيلة كاعد يمي اغسل اتخيلة واكف يمي كاعدة وية امي اشوفة يمي اسمعه يخابر على امي بس ما احاجي

مرة كعدت من نومتي بليل اتلفت بالغرفة اول مرة افز و ما اتخيلة موجود خفت ليش ما تخيلتة موجود

طفرت للتلفون فتت على الواتساب اباوع على حسابة اباوع على رسايلهم هو و امي كلة يدزلهه صوت و هي تكتب حفظت الرسائل كد ما سمعتهم فتحت الصوت مالتة اسمع بي كبل اجت رساله

:-ملاذ شعندج كاعدة؟

شمرت التلفون من ايدي اتلفت بالغرفة شلون عرف بية كاعدة سديت التلفون بدون ما اشوف شكتب و رجعت لمكاني كمت ما افوت للواتساب

امي بدت تسوي كليجة و تبيع للناس صح قليل بس جيرانة وكم وحدة ياخذون بس بعدهه بالبداية

صار عشر ايام على عمليتي لازم افتح الخيط مالتهه امي لبست عباتهه و اجت للغرفة لكتني كاعدة بمكاني

:-ولج مليذ كومي يمة انة عبالي كملتي

:-ما اريد اطلع خليهه غير يوم لو هي تجي للبيت

كعدت كدامي و لزمت ايدي
:-ملاذ كومي يمة كومي شوفي العالم

:-ما اريد تعبانة روحي انت اني اريد انام

:-بس ما تفتحينة يفوت لبطنج و لازم يسوون عملية ثانية هم يشكون بطنج و يطلعون الخيط

:-اا صدك

:-اي يمة كومي

سحلتني من مكاني كوة لبست حجاب و صاية شلون ما جان اخذتنة لمرة كلولها عليهه تعرف بهل سوالف فتنة شفت النسوان كلهه يمهه و امي تعرفهن كلهن سلام و مباوس ضليت صافنة شبسرعة امي سوت علاقات

:-هاي بنيتج ام ملاذ

:-اي اي هي هاي ملاذ

:-يا عيني الله يحفظهه و لا شايفينهه

:-اي هي تستحي تطلع

:-شلونج خاله

:-زينة

كتلهه هيج و ددرت وجهي اباوع للنسوان

امي تريدني افتح الخيط كدام هاي النسوان كلهه اجت المرة كالتلها امي علمود الخيط باوعتلهه و حجيت بصوت عالي

:-شنو خاله تردين هاي النسوان كلهه تشوف بطني

ضحكت و النسوان ضحكن مدري عليمن
:-لا حبيبتي جوة

:-ياهو اكو جوة

:-بس اني حبيبتي

:-خل امي تجي وياي

:-اي حبيبتي

امي لزمت ايدي و اخذتني وكفت كدام جرباية و عدهه كطن و معقم و سوالف مستشفيات

بلعت ريكي متوتره شاورت امي
:-اكلج شراح تسويلي يعني اذا فتحت الخيط شراح يصير
حجت بصوت عالي خلتني الطم على وجهي

:-بس تفتحة

رجعت اشاورهه
:-يمة مو هيج يعني هي راح تعرفني متزوجة لو لا اذا فتحت الخيط

غمت كصتهه و اشرتلي اتمدد على الجرباية
:-الحمد لله على العقل ربي

رفعت راسي ما اريد اشوف شلون تفتح الخيط و امي لازمة ايدي سحبت الخيط حسيت بي بس ما يأذي
كملت كالت

:-تفضلوا كعدو

:-لا نريد نروح

امي باوعتلي و ابتسمت بوجه المرة
:-تعبانة تريد ترجع

مشت كدامي و اني وراهه كل مرة توكف يمهه ساعة بطلاع الروح طلعنة

:-ولج مليذ شنو انتِ مو عيب تحجين هيج يم النسوان

:-يمة انت شبسرعة سويتي هلكد علاقات

جاي احجي وياهه رفعت راسي فاتت من يمي سيارة تمشي على كيف احس گلبي عصرني من شفتهه تشبة سيارة صعب احس جسمي كام يرجف لزمت ايد امي عصرتهه بقوة ما اندل بيتنة وين بس اريد اوصله

:-ها يمة شبيج

:-يمةة يجيني وين ما اروح رجعيني للبيت فدوة

باوعتلي خايفة وصلتني للبيت و عيونهه عليه رحت بسرعة لفراشي غطيت وجهي بالغطة

:-يارربي ليش وين ما اروح تذكرني بيي اريد انساة تعبت يارب تعبت

سمعت صوت الاذان صار الي شكد عايفة صلاتي بحجة المرض جسمي مهدود ما الي حيل اكوم اسمعه و ابجي كارهه روحي صلاتي عفتهه امي هملتهه روحي أذيتهه بس مو من اييدي

كعدت اباوع على الغرفة كل مكان بهل غرفة ذكرت كل لحضة بينة ما يروح من بالي هو هم هيج يتأذة لو بس
اني

:-صعب اجذب اني اجذب عليك ارجع مو اكثر يومين اكرهن جذب خل نرجع من جديد ما شفتك هواي

احجي وية روحي بس بدون ارادة احس شي جاي يتحكم بية

غمضت عينني ما اريد اتخيله رفعت راسي اشوفة كاعد يمي

:-لاااتجييي ررروووح انت تريد ترروح ليشش تجينني

من اصير بهل حالة امي توكف بالباب تباوعلي و تبجي من كد ما تعودت علية صارت توكف لحد ما اهدء وراهه تجي يمي

:-ششوفيي ما يعووفننييي خل يروح كليله يروح لو يضل يمي دوم

كمت من فراشي لزمت ايد امي ابوس بيهه و ابجي
:-يمة هو مو يحبج ها كليله خل يعوفني ما احبه انيي كتله راح أأذيك و جاي أاذية ليشش يجييي

:-يمة ملاذ تعاي يروحي

كعدتني على الجرباية و هي كدامي خلت ايدهه على خدي

:-ملاذ حبيبتي ليش هيج تسوين تخابرينة تحجين وياه؟

:-لا لان يعوفني

:-شنو التردينة يمة

:-اريد انساه يمة اني بية شي يمكن اني مريضة يمة شوفي شوفي ايدددي

رفعت ادية الها يرجفن مسحت دموعي

:-شوفي كليله خل يطلكني

:-ترتاحين؟

:-اي ارتاح هو لان ما مطلكني اني تعبانة هيج

:-وراهه توعديني ترجعين ملاذ القوية

حلكي يرجف احجي و دموعي تنزل امسحهه اريد ابين لامي ما متأذية

:-اي اي بس خل يطلكني ما اريدة هو لان ادري بي مرتبط بيه بعقد هيج متأذية

:-خوش يصير التردينة

كامت من يمي صحت وراهه
:-ووين

:-اخابرة ما دام تحسين أذيتج تنتهي من تطلكين اليوم يطلكج

بلعت ريكي خايفة
:-لاا لاتخابرينة

:-شتردين ملاذذ شتررردين كليلي

سحبت ايدهه خليتهه على كلبي
:-بية نار هنا يمة ما تطفى شسويلهه تعبت والله تعبت ما اعرف شنو الاريدة

:-تخابرينة تحجين وياه و ترتاحين
:-لاا لاا ماريدة

حركت راسهه بقلة حيلة سحبت الغطة علية و درت وجهي

:-ربي لاتضيعني بشعوري ربي لا تعيشني بشعور ما ادري بروحي شنو الاريدة

غمضت عيني نمت من كد التعب كعدت على صوت امي تقرة قرأن

:-يمة بيش الساعة

:-بالستة العصر كومي حبيبتي كومي اكلي شي ذكري ربج
كمت من فراشي جسمي مكسر طلعت برة غسلت و فتت للغرفة كعدت بالكاع ارتكيت على الجرباية اباوع لامي تصلي كملت و باوعتلي

:-كومي صلي

:-مااكدر

ما حجت شي كامت لمت المصلاية طلعت من الغرفة و فاتت بيدهه صينية اكل خلتهه كدامنة

:-وكليني

كامت تسويلي لفات باوعت على اضافري طولانات شوية

:-يمة اضافري طولانات

:-خليهن حلوات عليج

:-لا وصخ

:-اكصهن الج

:-اي

:-هسة ليل مو زين عليج الصبح اكصهن

:-اي شعري طولان مو

:-اي يخبل

:-ضفري الي

:-ميخالف يروحي هسة اكلي و اشبعي و اسبحج بيدي و امشطلج شعرج

:-يعني ما تتعبين اذا سويتي الي هيج

:-لا يروح امج شلون اتعب منج

:-و نوميني اقريلي قرأن اني ارتاح من تقريلي

:-بعيوني

رجعت اكل شوية و وخرت رادت امي تشيل الصينية اخذتهه منهه

:-اني اريد اغسلهن

:-لا حبيبتي ارتاحي

:-لا اني صرت زينة حتى العملية طابت

اخذتهه منهه رحت للمطبخ غسلتهن كل ما تجي فكرة ببالي اسولف شي وية المواعين علمود التهي كملت و فتت للصالة انشف ايدي بملابسي لكيت امي واكفة محضرتلي ملابس

:-يلة تعاي اسبحج

:-لا بس غسلي شعري اني اسبح

:-ولج كبرانة و صايرة تستحين مني ولج غير كل عمري اسبحج

ضحكت و مشيت وياهه فتنه للحمام جايبة اغراض كاملة سويت جسمي بي شعر و امي جلفتلي جسمي و غسلت شعري بقيت لابسة ملابس داخلية استحي منهه كملت و طلعت لكيتهه واكفه بالباب خلت خاولي على شعري و حضنتني فرحانة بية اخذتني للغرفة كعدت بالكاع اباوعلهه شلون فرحانة نشفت شعري و كعدت تمشط بي

:-مشتاقة لملاذ القوية التمد لسانهه علية اذا مشطتهه حيل

:-بس انتِ جاي تمشطيني على كيف

باست راسي بدون ما تحجي كملتة و كعدت يمي لزمت ايدي

:-مليذ يروح امج شسويلج ليش هيج تأذين برويحتج

دنكت راسي دمعتي طاحت بحضني
:-لا تبجين يروح امج

:-يمة اخذيني للامام الكاظم اني ارتاح هناك

:-ميخالف باجر اخذج بعيني

كامت شغلت البلازمة خلتهه بالغرفة علمود التهي بيهه لليوم ما شغلتهه طلعت فلم اباوعلة بالي مو يمهم بس علمود امي ردت بس الوكت يخلص انتهى الفلم و اني صافنة فززني صوت امي

:-ها ملاذ شفتي يخبل

حركت راسي بمعنى اي كمت على الجرباية
:-اني نعست راح انام

ما حجت شي كامت فرشت فراشهه و نامت بس غمضت عيني نمت رغم شكد نمت بس احس روحي محتاجة نوم فزيت على واحد حاضني من ضهري فتحت عيني و درت وجهي شفت صعب كدامي صحت

:-عوووفنننييي تعببتت فدوة عوفنني

سد حلكي بيدة
:-اشش اشش صوتج ولج

طفرت من مكاني خايفة شكد اتخيل بس ما يوم حجة وياي رجعت ليورة و هو كعد يباوعلي مصدوم

باوعت بالكاع امي ماكو لا هي و لا فراشهه
:-اننت ليش ما تعوفني حتى امي عبالهه تخبلت روح من خيالي اطلععع فدوة

سحبني لحضنة عاصرني بقوة و اني ادفع بي و اصيح لا امي اجت و لا هو وخر من نهد حيلي كتله

:-تعبت كافي

:-ملااذي كافي تأذين بروحج

رفعت ايدي لمست صدرة
:-صعب !

:-روحة

:-شجابك

:-ثنينة متأذين خل نرتاح

:-انت خيال مو خيالل لو لاا

:-ملاذيي انة صعبج

وخرت منة رفعت ايدي اتلمس بوجهه طالعتلة لحية ابتسمت و دعمتي نزلت بلعت ريكي

:-اجيتني

:-ااي

نزلت ايدي ضربت صدرة بقوتي
:-اكررهككك اكرهكك ليشش عفتننيي اني ردت اموت شوف شصار بية شوف

رفعت ادية الة
:-من اذكرك يرجفنن ششووف شلون ضعفتت شوفف شللون تأذيت شوووفف رجعت اضرب بي

لزم ادية يريد اهدأ
:-عووفننني گلبي يأذينني منك

ما حجة شي حاوطني بيدة عصر جتفي و رفع راسي الة مسح دموعي بيدة الثانية

:-ارتاحيتي هسة

ما حجيت شي نزل ايدة على حنجي لزمة و دنك باس راسي

:-تعبان خلافج تعبان حيل

نزل راسة باس عيوني
:-من اوصل بتفكيري لعينج حيلي ينهد هنا عندي وطن

رجع نزل راسة باس خدي
:-اشتاكيت لكل لحضة كضيناهه سوة ضحكتج صوتج دموعج كلشي ملاذي

قرب خشمة من خشمي احسة يسحب انفاسي
:-حتى نفسج اشتاقيلة

اخذ شفتي بين شفايفة باسهن بقوة و ابتعد
:-هنا ارتوي جمارتي

ما جنت اصدر اي رد فعل ما اعرف اذا جنت راضية بلي يسوي لو لا بس الي اعرفة ما كدرت امنعة

:-ليش اجيت

:-رايدج ملاذ رايدج بكل حواسي

لزم التشيرت من نهايتة خليت ايدي على ايدة

:-امي

:-تدري بية

سحب ايدي و رفع التشيرت
:-لاا

:-خلي بينة شي اذكرة لتالي عمري

غمضت عيني گلبي يرجف رجعني على الجرباية و صار معتليني يبوس بية رفعت ايدي حضنت ركبتة

:-راح تضل وياي موو

:-اممم

:-صعب

:-ملاذي خو ما تأذيج العملية

حركت راسي يمعنى لا
نزل راسة يبوس بركبتي بقوة

:-احبج هوواي غركانة روحي بيج

ثنينة نرجف ثنينة خايفين بعد هل لحضة شراح يصير بهل لحضات ما جان بينة صمت تعاتبنة و صعب حجة كلام بعمري ما حسيت و لا سمعت بي ما جنت مصدكة موجود يمي بعد السمعتة حسيت لهنا و رجعت حياتي لهنا و اني و صعب راح نبقى سوة

رفع نفسة باس راسي
:-جمارة اليوم صرتي ملاذي من صدك

ما حجيت شي دايرة عيوني منة تمدد بصفي و سحبني علية الجرباية صغيرة

خليت ايدي على الوشم
:-بوسي ملاذ

رفعت راسي بستة و خليت راسي على صدرة
:-تمرضت بدونك

:-جمارة ماكدرت امنع روحي ماريد يصير شي و انت ضالة بنفسي

رفعت راسي اباوعلة
:-راح تضل مو

.
.
.
.
.
.للحكاية بقية

كلانا كتف للاخر♥
الوريد♪