رواية أنتقام الصفحه 27 (ترميم) الفصل الثلاثون 30 - بقلم خـلود الـ محسن

الكاتبة لورا
°°°°°°°°°°°°
انستا للتواصل lorai_alrwi
°°°°°°°°°°°°
تفاعلكم على البارت احبتي💚
°°°°°°°°°°°°
قرأة ممتعه
...........

مخلي المسدس بگصتي كعدت مرعوبة ما مستوعبة شجاي يصير كل و بالي حلم گلبي رجف من شفت واحد ملثم كدامي احس لساني نبلع طفرت من مكان و رجعت ليورا المسدس يحركة وية حركتي مثبت على راسي كوة طلعت مني حجاية

:-م..منوو انننت

صوتة اكثر رعب من الموقف الاني بي رغم كلامة بهدوء
:-وين الصعب؟

سحبت الغطة علية بدون حجاب بدون كلشي بس اتحرك ينتر بية رجع صاح و هو كاز على اسنانة

:-زوجج الصعب؟

:-اي ايي هو زوجي

:-وينة

:-شتريد منة

:-كولي وينة؟

:-ما ادرري فدوة ماعرف شي اني

:-تحجين لو نأذيكم؟

:-منو انت شتريد منة

:-تردين تعيشين يحلوة!

قرب مني اكثر لزم خصلة من شعري رحت على الجهه الثانية اجيت اوكع احس روحي طلعت من لمستة ادية مقرف كمت ارجف صحت بصوت عالي

:-صصعبب وينك صصعب

خلة ايدة على حلكة و صاح
:-اشش صوتج لا اوديج لجنة الخلد

:-لا لا ما احجي شتريد اسووي

:-دليني على الفلاش الي صعب حافظ بي كلشي

:-يا فلاش

خلة المسدس على جتفي و ضربني بي بخفة
:-لا تغشمين روحج احجي

:-والله ما اعرف شي شتريد مني صعب ماكو مسـافر

:-هههههه مسافر؟

حركت راسي بمعني اي و اني ارجف خوف اريدة بس يروح حاولت اقنعة بأي طريقة

طلع تلفونة و بقى يكلب بي و المسدس موجهه علية بس اتحرك يرفع عينة احسة يكلي اشوفج

خلة التلفون كدامي ما فهمت شي شارع و بي ناس و سيارة تشبة سيارة صعب التصوير بعيد و مزوم ندارت الكامرة على شخص لازم سلاح و موجهه على السيارة
كبل سد التلفون و قرب مني

:-هسه صعب مسافر يحلوة

:-شنو هاي

:-اذا ما دليتينة على الفلاش
سوة بيده حركه رفعهه ليفوك مثل الطيارة و كال
:-زوجج بيوووو عند الرب

بلعت ريكي متوتره كعدت عدل بللت شفايفي احس روحي راحت ما اعرف شأتصرف و شسوي بهل لحضة

:-ش..شتريد اسوي كلي والله كلشي اسوي بس صعب عوفوة

:-سلميني الفلاش

:-يا فلاااش ياافلاشش و الله ماعرف

:-صوتج لج ك**** لا تعلينة عليه

مسحت دموعي ارجف
:-اي اي اسفة مو عليك

:-قدملي ايدة الثانية ما شايل بيهه شي نضراتة مثبتهن عليه بكل جرأه ما شالهن ابد كال

:-بوسي ايدي

ردت احجي رجع كال
:-هاا مو تنسين زوجج بطلقة ينمحي وجودة

رفع رجله خلاهه على الجرباية و الثانية بالكاع قرب مني يلعب بشعري بعدت نفسي منة لعبانة نفسي من ايدة

:-لا تلمسني فدوة كول شتريد اسوي بس عوفنة

:-اعوفكم جؤ هاي النعمة ما تنعاف لو انتِ لو رجلج

:-يكتلك اذا لمستني

ضحك بصوت عالي و رجع ليورا
:-محد راح يعرفني ام الدليل و راح تموت

:-لا فدوة لا تكتلني والله اخاف

:-اترجي اكثر

:-فدوة والله الفلاش ما اعرف وينة شراح تستفاد من تكتلني لو تكتل صعب

:-استفاااد هواي

:-كل لصعب ينطيك الفلاش بس لا تسويلنة شي

:-هههاي ما توقعت الصعب يتزوج هيج غبية

رجع قدم ايدة كدامي
:-يلة بوسيهه و اكلج شراح نسوي

:-عوفني لو اخابر الصعب

مد ايدة بجيبة طلع تلفوني منة بقيت اتلفت مصدومة جنت مخليتة يمي شلون اخذاة

:-تردينة يموت؟

هزيت راسي برفض
سحبت ايدة دنكت راسي عليهه و بستهه دمعتي وكعت عليهه

سحبهه صاح بيه
:-ااايع لعبت روحي مسحي دموعج من ايدي

كمت اشهك احس بذلة و خوف بعمري ما حاستة سحبت وحدة من ردني و لزمتهه بجف ايدي مسحت ايدة جسمي يرجف

:-و هسه نبدي بالخطة يحلوة

كعد كدامي المسدس ابد ما عافة من ايدة كل شوي يتأكد من تلفونة و يرجع يغلقة

سحبت رجلية لصدري حضنت نفسي احس اخر يوم الي بهل دنيا ما اريد صعب يتأذة و لا اريد اموت ماعرف شنو المطلوب مني شراح ينحكم علية بعد هل لحضة صعب راح ينقذني لو لا

:-ليش ترجف يحلو

:-احجي شتريد لا تعصبني

:-اموت على اليعصبن روحي تروح بيهن

بلعت ريكي حجاية ثانية انفجر بي كوة لازم روحي
:-لو عندي وكت جان استمتعت وياج بس نعوضهه و لا تهتمين عيونج الحلوة و هل جسم ما يتعوض
ياشر على جسمي بأصبعة و يحجي

سحبت الغطة من عندة غطيت جسمي احس كلماتة تقشعر بدني شنو شعورهم من يسوون هيج
رفع راسة عليه بس عيونة طالعه

:-خابري الصعب

:-شتريد منة فدوة لا تسوولة شي ابوس ايدك

:-خابري و ما نسوي شي

طلع تلفوني كلب بي انصدمت شلون فتحه
اخذته منة فتت لجهات الاتصال كلشي محذوف رجعت فتت لكل البرامج ماكو شي عبالك تلفون جديد رفعت راسي مصدومة

:-مو تلفوني هذا

:-لا تلفونج فرمته حافظة رقم زوجج

هزيت راسي بمعنى لا سحب مني التلفون و خابر بتلفونة

:-الو شوف رقم الصعب استعجل
رجع سد تلفونة يهز برجلة حركت روحي اريد اسحب الغطة على ركبتي كبل رفع المسدس بوجهي

:-شبيك شبيك وخرة من وجهي

:-لا تحاولين تسوين شي

:-لا

شوية و اجة صوت رساله بتلفونة طلع تلفوني و نقل بي رقم الصعب قدملي التلفون ردت اخذة كبل رفع ايدة ليفوك

:-لا تحاولين تحجين اي حرف كل كلمة تحجينهه تأثر على الصعب شفتي هذا ابو القناص الي بالتصوير جاي يسمع شنحجي اي كلمة غبية منج الصعب يضيع و انت تضيعين و احنة نربح

حركت راسي بخوف
:-لا لا والله ما احجي شي بس عوفو

فتح تلفونة على الكامرة و على ابو القناص شلون موجهه السلاح على صعب

شفت صعب من بعيد واكف مرتكي على السيارة يشرب جاي انطاني التلفون لزمتة و رفعت راسي عين على تلفوني و عين على تلفونة اخاف لا يسوون شي للصعب

:-شلكلة

:-كليلة تخربطت تعال للبيت

:-تكتله؟

:-لا و داعت هاي عيونج اذا اجه راح تعيشون بس اذا ما اجه راح يموت

رفعت تلفوني خابرتة و ادية ترجف صوتي مبين علية الخوف و الرجفة

رفعت راسي عيني على تلفون الولد صعب مد ايدة بجيية كبل فتح الخط و اجاني صوتة

:-الو بابا اشرلي اليمي افتح الصوت فتحته و خليتة كدام حلكي

:-وينك انت اني تخربطت

غمضت عيوني ما اتحمل اشوف شي كدامي دموعي نزلت احسهه تيزاب اخاف لا يطلع تصرفي غلط اخاف راح يجي و يأذونة اخاف لا اطلع اني جايبته للموت بدية
بقى يكرر عليه

:-شبيج بابا شبيج شي يأذيج بيج شي

رجعت اباوع على تلفون الولد صعد بالسياره و تحركت
:-ليش تبجين جايج لا تبجين

:-بسرعة تعال راح اموت

:-اشش اسم الله جاي جاااي

يحجي بصياح و توتر نسحب تلفوني من ايدي
سداة و رجعه لجيبة كمت اشهك بالبجي

:-عفية خوش تشتغلين

:-ففدوة ما راح تسويله شي موو عليك بروح امك لا تسوي شي اله والله ما اله دخل

:-ااااشش صوتج هييي

:-حباب والله

ما خلاني اكمل خلة المسدس على حلكي رجع رفعة على راسي و صاح

:-حرررف ثاني اطشر راسج بطلقة مفهههوم

حركت راسي اي و اني ارجف دموعي تتسابق كل شوي صعب يتصل و هو ما يخليني ارد وكف صار كدامي و موجة المسدس علية فات واحد ثاني احس روحي راحت نفس لبس الاول و هم شايل مسدس كال لصاحبة

:-ها تمت؟

:-اي خو ما احد لاحض؟

:-ماكو شي امان

:-عليك البنية من يجي اسحب الفلاش منهم و نطلع

:-خوش

اني بس صافنة ما افهم شيحجون الف فكرة و فكرة اجت براسي على صعب مر اقل الربع ساعة احسهن رعب مو وكت كضيتة وياهم سمعت صوت صعب يصيح

:-ملااذي وينج ردت احجي اشرلي واحد منهم اسكت
اجه الثاني وكف بصفي خلة المسدس براسي و الاول راح يم الباب و وجه المسدس على الفتحه مالتة

نفتح الباب بقوة و فات صعب اول ما فات صرخت
:صصعب

بقى واكف مصدوم من الشافه الي يم الباب خلة المسدس بضهر الصعب و دفعة ليكدام

مشه صعب بدون ما يحجي
دار وجهه على الولد الي واكف بضهره

:-منو انتم

:-سلمنة فلاش القضية مالت الخميس

رجع باوع علية ما يكدر يسوي شي الولد لازم ايدي و مخلي المسدس براسي صاح على صعب

:-بس تتحرك اكتلهه

:-عوفوها

ذاك نعزة بالمسدس على ضهره
:-تعرف شلون نعوفهه ف سلمنة بسهولة لو تخسر زوجتك للابد

باوعلي بقلة حيلة اول مرة اشوف صعب هيج حاير
:-وخر السلاح منهه و اسلمكم التردو

مسحت دموعي و شهكاتي صوتهه عالي اريد انطق كلمة ما اكدر حسيت صعب نكسر صاح بي الولد

:-وينة الفلاش

:-باالغرفة الثانية

ذاك اشر الصاحبة سحلني من الفراش
:-ههههييي هي تكوم لا تلمسهه

:-لا تصيح امشي و انت ساكت

:-صدكوا اذا لمسهه ما اسلم شي عوفوهه

صديقة صاح بي
:-عوف ايدهه بس امشي بصفهه

فلت ايدي و يمشي يمي المسدس مخلي براسي حتى حركة ما اكدر اتحرك يمشي وية خطواتي صعب و الولد كدامنة فاتو للغرفة و اني بقيت بالممر اباوع الصعب طلع من الكنتور شي صاح بي الولد

:-انطينياة و شوف بس تسوي شي ترة زوجتك بيدنة
الصعب ما حجه شي خلاة بيدة و رجع ليورة اشرلة بالمسدس يمعنى اطلع طلع بس ساكت ما يحجي شي ابد ما خلة عينة بعيني اليمي صاح بية

:-امشيي

مشيت و اني مدنكة روحي تلوب على صعب وصلو ب
لباب البرة واحد منهم كاله

:-لا تحاول تحجي شي و لا تخابر انتم مراقبين اي كلام اي تصرف ثنينكم تنكتلون

وصل لباب الشارع كل شوية يضغط على ضهر صعب بالمسدس يمشي طلعو و صعب باقي ساكت سد باب الشارع و فات ما يحجي شي فتت وراه كعد على التخم مخلي ادية بين راسة

:-صعب

ما رد علية رحت كدامة لحد هل لحضة احس الخوفة بيه كعدت كدامة

:-صعب والله خفت عليك و خابرتك

رفع راسة باوعلي و تحسر لزم جف ايدي
:-خو ما تأذيتي

:-لا رادو يكتلونك والله هو شوفني مخلين واحد يراقبك بيدة رشاشة كالو اذا ما اجه نكتله

:-خو ما احد سوالج شي

:-لا محد صعب والله اني اخاف خل نطلع منا ليش هيج يسوون

:-كومي لمي اغراضج بليل نطلع منا

:-صدك؟

حرك راسة بقبول
:-بعد ما اكدر أأمن عليج هنا لازم نطلع

:-منو ذول شأخذو منك

:-اخذو هواي ملاذ هواي

:-ليش هيج صعب اذا تعرف شغلك هيج ليش ما تخلي كامرات اقلها اذا تريد تقدم شكوة عندك دليل

:-عايش بهل منطقة علمود محد يعرفني ما ادري شلون لزموني شلون عرفو وكت طلعتي شلون عرفو بيج موجودة

:-شراح تسوي

:-ماا ادري ملاذ

طلع قفل بابا البرة
مشه بالممر صاح علية

:-راح انام تعبان مو تطلعين برة

طلعت من الاستقبال مشة و تخطة غرفتة عرفتة راح للغرفة الجوة

بقيت واكفه لحد ما شفتة فات و سد لباب وراة رحت للغرفة باوعت على المكان الجنت بي الموقف كلة نرسم ببالي احس عايشة برعب قفلت باب غرفتي رغم قفل البرة بس اخاف حضرت ملابسي و اغراضي طلعت الورقة من جوة الجرباية كعدت اتمعن بيهه

-خلي صعب دائما يعيش بوهم ممكن راح يعوف كلشي و يعيش طبيعي ينسى الانتقام اذا بقى على سالفة ابو مات بحادث ليش ما اشك الورقة و انهي كلشي جاي يصير

نفضت الافكار من راسي ضميت الورقة بين ملابسي احس ما الي حق امنعة يعرف الحقيقة و اكيد امي ما راح تقبل بالجاي افكر بي اذا صعب عرف الحقيقه بعد ما عمامة ياخذون جزائهم ما راح يكدر يسوي شي ما راح يتحول الى شخص مجرم

كملت و كعدت على الجرباية ما ادري صعب شنو جاي يسوي شوية و كمت لغرفتة حضرت ملابسة شلت الصندوك يلي يخلي بي اغراضة فتحتة و كعدت بالكاع اكلب بالغراض

الكلادة ام الحلقات بس زنجيلها ضامة الحلقات احنة لابسيهه و اكو خاولي صغير اذكر مرة انطانية و رجعتة اله و كلنسة و اضافري و كلنسة ثانية مسفطهه فتحتهه بيهه شعرة رمش ابتسمت و رجعتهن مثل ما جانو خليتة بالجنطة اخذت ملابس قليلة ماعرف اذا راح نرجع لو لا باوعت للساعة صارلة هواية وقت و ما طلع طلعت الجنط بالممر رحت للمطبخ وكفت مقابيل الغرفة ما اعرف شسوي متحيرة ادك الباب لو لا

قربت للباب دكيتة ما رد رجعت دكيتة مرة ثانية اجاني صوتة كلة غصة صاح

:-هاا

:-شجاي تسوي

ما حجه شي ردت اروح من شفتة ما رد اول ما درت وجهيكبل فتح الباب باوعتلك مدنك راسة

:-صعب

سد الباب و خلة ادية وره ضهرة ارتكة عليه باوعلي عيونة حمر و شعرة مخربط جان لابس سترة بس من طلع ما لابسهه حالة مخربط

:-شبيك

:-ما كدرت احميج منهم اذوج و اني واكف كدامج

:-ما اذوني بس خفت عليك

:-لا تحجين لرُفيدة شي

حركت راسي بمعنى اي

لزم ايدي و دار وجهه على الغرفة فتحهه احس رجفة سارت بكل جسمي كل ما افوت لهل غرفة احس برعب و رغم هل مرة صعب فوتني الها بيدة بس ما زلت خايفة امشي وراه عيني معلكة بي سد الباب و دار علية الضوة مطفي اضائة خفيفة صرت كدامة

:-ملاذي شكد ما اتعب ارتاح هنا افرغ كلشي بداخلي هنا اليوم كعدت هواي بس شي بداخلي رايدج شي بداخلي يكلي ملاذ تريح كلشي من گلبك

لزمت جف ايدة ما اعرف اواسي بقيت اباوع بعيونة شكد شايلة هم شكد شايلة تعب

:-كلشي يهون صعب لا تهتم اني و الراح منك كلنة نتعوض اله انت اذا رحت ما راح تتعوض اذا علمود القضية لا تهتم رب العالمين يحبك و خلصك من هل شي

:-ملاذ ما تعرفين شي حياة انسان راحت من ادية بلمح البصر هددوني بنقطة ضعفي لعبوهه صح بس مو صعب اليضيع هيج شي من ايدة الله كريم

:-تهون بابا لا تضوج

:-همه شسوو شلون اجو للبيت انت جنتي نايمة لو شنو

:-اي اني نايمة فتحت عيني و ما اشوف اله مسدس براسي تخيلت روحي بحلم و اجيت اصير سبعة و اسحب المسدس منة و اسوي حركات افلام بعدين استوعبت اني بالحقيفه خنست

:-هههه يلة ميخالف و شصار بعد ما شفتي شي من شكلهم

:-لا بس عيون واحد منهم من كد ما خزرني زوعني العافية

:-شلونهن عيونة

:-شلونهن؟يشبهن العيون

:-لا والله شهل معلومة اقصد ما ميزتي شي منهم

:-اي يشبهون الزلم و طوال لابسين اسود و لابسين جفوف نص بديهم

:-بابا اطلعي اطلعي صوجي انة سألتج جا ما شفت

:-ياا شبيك مو زين جاي انطيك اوصاف و بعدين انت مو شفت شكو تسألني

:-اقصد من جنت ماكو

:-لا بس حاجبة بي طبرة و عيونه حلوات ههههه

:-خوش و انت بذاك الزلك رحتي لعيونة

:-مو اني باوعت علمودك

سحبني و طلعنه من الغرفة قفل الباب و راح لغرفتة طلع جنطة صغيرة و رجع فات للغرفة شويية و طلع باوعلي واكفه صافنة عليه

:-هاي الجنطة ما تنفتح مو مثل الصندوك

:-يا صندوك شوكت فاتحته

:-الصندوك الي فوك  الكنتور فتحتي

:-لا بس الي بالكنتور فتحته ما شايفة الي فوك الكنتور

ضحك و هز ايدة
:-ياااا شكد خبيث انت اي شعليك فتحته

:-خوش

:-متريكة

:-لا

:-راح اجيبلج شي من برة بس الباب يبقى مقفول

:-لااا ما اريد لا تطلع طلعتنه سوة و ضلتنه سوة

:-ما عدنة اجبان شلون

:-معليك اني اسوي بيض انت تتريك

:-لا تريكي انت خل الم اغرض الشغل نصهه هنا

:-خوش

راح لغرفتة و اني سويت لفة و كوب جاي كعدت على الكاونتر اكل فات للمطبخ شرب مي باوعلي و ضحك

:-هسة اليشوفج يكول هاي مالت وحدة ستوهم مخلين مسدس براسهه

:-لو كاتليني شيخلصك مني

:-هههه شلون هو انت غير راح تموتين

:-بكيفهم ترة اني ما خفت منهم

:-لا ما خفتي يابه

:-اي خفت عليك مو منهم

باوعلي و بقى صافن علية شوية و دار وجهه خلة الكوب و طلع يخابر و يحوس رجع وكف بباب المطبخ

:-اكلج عادي نبقى بشقة شهاب فترة بين ما احضر النة بيت؟

:-بكيفك

:-يعني انت ترتاحين بيها

:-اي عادي

:-خوش

راح و اني نزلت غسلت خلص يومنه بالبيت
صعب يشتغل و يجيب اوراق منا و يرجع اوراق منا و كل شوي يخابر سطرني و اني مفاهمه شي بس يكوم يصلي و يرجع يشتغل لليل جنت كاعدة مقابيل الصعب اكلب بتلفوني و هو يشتغل باب الشارع ندكت احس گلبي وكع باوعت على الصعب

:-منو هذا

:-كومي لبسي حجاب شهاب هذا

لبست حجاب و رجعت لكيت شهاب بالاستقبال
:-هلو

:-شعجب كون كل يوم يهددونج علمود تستعدلين

:-صوجي والله ابو اذان

:-كومي يلة مستعجل

:-وين

:-اخذج وين

باوعت على الصعب
:- و انت صعب

:-اجي وراج ما نطلع سوة

:-ليش

:-احسن الج بابا يلة كومي

:-شوكت انت تجي

:-بس اليوم اكمل شغلي و اجي

:-ما تبات وحدك ما اروح

:-ما ابات بابا بليل اجي و عيونج

:-و اذا صار الك شي

:-لو يردون جان سوو من اجو للبيت

:-شوكت تجي بيش الساعه

:-قبل 3 بليل اني جاي

:-انتضرك خوش

:-هاي هية روحي

طلعت للساحة اني و شهاب و صعب ورانة نزع قمصلتة و نطانياهه لان طلعت بلبس خفيف

:-اكلي لا تنتضريني

:-اي

:-شهاب دير بالك عليهه

:-لا توصييني على اختي

طلعنا و اني عيوني على الصعب ما طلع ورانة و شهاب سد الباب من يمة صعب ابد ما بين روحه استغربت ليش شهاب قفل الباب من برة السيارة الي جاي بيهه شهاب مو نفسهه الي يجي بيهه قبل

صعدت كدام مستغربة
:-شهاب ليش مو صعب قفل الباب

:-احسن

:-اكلك احلف صعب ما يصير بي شي

:-والله ما علية شي

:-زين شوف انت شايف شصار الصبح خلو مسدس براسي و خلو واحد يريد يكتل صعب و اني ضليت مصدومه شوفاني بفديو يصورون صعب و

قطع كلامي كال
:-وعلي كل السالفة ادري بيهه لا تحجيلي

:-هاي شبيك فشلتني شهاب انت ليش هيج مو مثل صعب من احجيله ما يفشلني

:-مو صاحي و يتحمل

:-ولي شهاب ما احجي وياك بعد. و شوف اكلك رتـيل تجي يمي لو لا

:-لا

:-اهوو جا وين اروح

ما رد علية شوية وصلنة لمكان وكف و سلم على ولد اول مرة اشوفه مد راسة من الجامه كلي

:-يلة ملاذ نزلي

:-شهاب مو صعب كال للشقة وين جايبني
المكان الي فتنه بيجان كلة درابين

:-اخذ سيارتي و نروح

بقيت صافنة ما اعرف شيقصد ليش جابنة هنا و شراح نستفاد بقينة واكفين الولد بقى يحجي وية شهاب سمعته كاله علي تذكرت رتيل كبل باوعتلة ردت اشوف وجهه شفتة و بسرعة دنكت لا يشوفني اباوعلة اخذ السيارة الي جنة بيهه و احنة بقينة واكفين و سيارة ثانية نفسهه سيارة شهاب القديمة موجوده بالمكان

:-شهاب شسويتو

:-خاف احذ مراقبنة ضاع عليهم عبالهم احنة بذيج
السيارة و هسه نكدر نروح للشقة بدون ما نشك بواحد يراقبنة

:-يا والعباس انت ذكي

:-سوالف رجلج

:-و هسه عليك الله صعب شوكت يجي يعني ما يصير بي شي

:-جؤ كلشي ما علية

:-جا خاف يشوفونة

:-خفاش ما ينلزم يلة صعدي بالسيارة

صعدنة و اني احس روحي مثل الغبي ليش هيج سوو و علي ما يخاف على روحة من طلع بسيارتنه

:-زين اكلك علي ما يخاف يلزمونه

:-لا احنة راح نروح بطريقنة هاي الدرابين محد يكدر يتابعنة منهه هسه تلكينهم اذا صدك يراقبونة راح ينتضرون بالطريق الرئيسي و هواي سيارات تطلع مناك اكيد مراقبين رقم سيارتنة راح يرحون ورة علي و احنة نروح بطريقنة محد ينتبة النه

:-و علي

:-شوية و يطبك على محل من يشوفون لبسة و شكلة راح ينسحبون لان مو نفس الشخص الراقبو

:--يا والله خوش فكرة

:-اي ادري انة ذكي

:-ليش تجذب قبل شوية كلت رجلج

:-لا هو اخذ الفكرة مني

:-زين هو شلون راح يجي

:-عندة صديق بمنطقتكم يصير ثالث بيت عن بيتكم

:-اي

:-اي فهو راح يصعد على سطحكم و من سطحكم لجيرانكم و من جيرانكم لبيت صديقة و راح يطلعه من بيتهم عبالهم واحد من هذا البيت و هم محد راح يتابعة

:-جا ليش ما اجة ويانه

:-يكول بلكت يفوتون للبيت علمود يصورهم يلزم عليهم دليل

:-اكلك هذا الفلاش الي اخذو منة شلون؟

:-ما ادري بس ما اعتقد صعب عندة نسخة وحدة مو غبي لهل درجة بس المشكلة بعد ما يكدر يلزم القضية راح تتأذون ثنينكم

:-ياا زين هي شنو القضية

:-قتل و طاحت براس واحد تدرين لو تشوفينة من يمج تبرينة على باب الله يبيع بعربانة و صعب كدر يحصل صور علمود هل قضية و تثبت مو هذا المجرم همة ذولاك ما عليهم دليل بس من عرفو صعب عندة لزمة عليهم هيج سوو

:-جا انتم ليش تكلولهم ما بقيتو ساكتين و بعدين
طلعوهن

:-مو احنة الحجينة واحد محامي يكرة صعب حجة لان المحامين واحد يعرف بالثاني و واحد يدور ورة الثاني زلة

:-اها زين و تالي

:-ما ادري ننتضر صعب

:-خوش

وصلنة للشقة محد بيهه شهاب و صلني قفل الشقة و طلع كعدت وحدي صافنة اذكر الصار ذكرت خوفي على صعب وين جنت و وين اجيت امي شكد عانت يلة صرت عدهه و تالي الدنيا بعدتني عنهه و اليوم جان ممكن اخسر حياتي و امي مو يمي من بين تفكيري سمعت طكت الباب گلبي فز وياهه ما كدرت اتحرك احس رجلية جمدن فات شهاب باوعلي

:-ها شبيج

:-عبالي واحد ما اعرفة

:-شبيج حتى وجهج صوفر محد يجي هنا امان

:-فدوة خابر صعب

:-ما علية شي المهم ملاذ هذا خطج كسري خاف ماخذين رقمج راحت من بالي هاي الشغلة

انطيته تلفوني طلع الخط و كسرة
:-جا شلون احجي وي امي

:-اني اشتريلج خط المهم هسة تاكلين

:-لا انتظر صعب

:-يتأخر

:-اي ميخالف انتظرة

:-مو زين عليج اني مو مثل اخوج ناكل سوة

:-لا انت اكل بالعافية اني ما اشتهي

:-ملاذ

جنت مدنكة اطكطك بأصابعي رفعت راسي اباوعلة كعد كدامي خلة علاكة الاكل بالكاع و شبك ادية وحده بالثانية

:-شوفي اسألج بس تحجين الصدك

:-اسأل

:-شوفي انت يجوز ما تعرفيني صح اضحك و اتشاقة و احجي كلشي بس اذا وعدت شخص يحجيلي شي و ما احجي صدكي على كص ركبتي ما احجي و انطيج معلومة ثانية احنة المحامين نلكفهه و هي طايرة و فضولين بشكل

:-اي

:-كبل كلشي انة اخوج  اريدلج الخير و داعت ابوي شنو الاشوفة بي صالح الج اتمنى يصير و اي شي اشوفة يأذيج اني احاول ابعدة عنج اشوف بيج رتـيل والله

:-شكرا

:-تحبين صعب انتِ؟

بقيت صافنة عليه صح ماخذة على شهاب و اضحك وياة و عادي احجي يمة كلشي بس من توصل للصعب كلشي بية يتبخر

:-وداعة الخوة بينة ما توصل للصعب

:-اي

:-ليش ما تكليلة

:-هو ما يحبني

:-ما يحبج؟ صعب مدمن بيج مو بس يحبج

:-سألتة هواي بس ما جاوب

:-شوفي ابسط شي صار سنين بس ردنة صعب يتعالج و هو رافض هل فكرة رفض قاطع بس انت اول ما اجيتي هو تعالج اني شكد قريب عليه بس ما تعالج من كتله

:-جا اني شسوي

:-شوفي ملاذ صعب من هو صغير تيتم تبهذل بحياتة بس محد يعرف شنو المر بي كل الي نعرفة صعب عانة هواي من مات عمي ابو الصعب الله يرحمة و لهذا اليوم ما ضاك الراحة بعيونة و مصر يريد يضل يعاني

:-احجيلي شتعرف عنة

:-ما اعرف شي بس الي اعرفة من ماتت عمتي روح الله يرحمهه هو اجة لاعمامي ابوي جان صغير بذاك الوكت هو اصغرهم محد تقبلة فجأة صعب اختفة ثلث اشهر محد يعرف وين راح و من رجع ما تواصل وية احد عاش لحالة هو ربة نفسه من عمرة 11 سنة و لهذا اليوم ما شفتة اخذ شي من احد و ما تواصل بس وي ابوي لان دوم ابوي جان يروحلهم من امة عايشة و حتى انة رغم جنت صغير ما اذكر بس رايح الهم

يحجي و احس گلبي يتكطع
:-و بعدين صعب شلون عاش

:-ما ادري

:-ابوك ليش ما ساعدة

:-صعب روحة عزيزة رافض فكرة احد يساعدة من هو طفل

:-زين اعمامك ليش ما اخذو صعب هو مو ابنهم

:-يكرهون عمتي روح و يخافون على الورث اكيد صعب راح تصيرلة حصة من الورث نكرو وجود الصعب تدرين شنو خلو الناس تنعت صعب بأبن حرام ابن زنا محد اعترف هو ابن اخوهم و كل الناس يضنون عابس مات و هو ما متزوج صارو روح و الصعب نكرة بعين الناس لذلك صعب لحد هذا اليوم حاقد على عمامي و لحد هذا اليوم ما ينسى شي منهم

:-زين اني شسوي شوف اني ما اريد صعب يروح

:-لا تخلينة يروح كلشي بيدج تكدرين تحولين مجرم لبريء تكدرين تخلين الصعب انسان ثاني

:-ما بيدي شي شوف اني دوم اسأله اكلة انت تحبني هو يكول لا شنو تريد الزك اله

:-لا مو تلزكين بس خلي دوم يفكر بيكم سوة

:-يعني شلون

:-خيبة نجبي وعلي دوختيني

:-لا شوف خل اسألك

:-شنو

:-انت من شوكت تعرف صعب

:-من جنة اطفال و درسنة سوة بس جنت اشوفة بالمدرسة بس ورة المدرسة محد يعرف بي وين يروح

:-و بعد

:-هو هذا كلشي اعرفة عن صعب و طول عمـري من اتقرب منة يحاول يبتعد يكلي ماريد احد يتأذة بعدين بسببي نهايتي معدومة

:-زين شوف منو غمار

بلع ريكة و رجع ليورة سكت شوية ذب حسرة و كال

:-ما اعرف بس شي متعلق بماضية و بمستقبلة

:-اذا احجيلك ما تحجي للصعب؟

:-وعدتج ما يطلع شي من حجينة لذلك جاي احجيلج لان ادري ما راح توصلين شي للصعب و لا انة اوصلة

:-تعرف شي عن الغرفة يلي ببيته؟

:-اي بس ما شايفهه و ما اسألة لان ما يجاوب

:-انة مرة فتت بيهه جان اكو بيهه لوحة  بيهه صور قديمة ما اعرفهه لمنو و بيهه كتب و من بين هل كتب كتابين يتشابهن واحد اسمة صعب في الماضي و مكتوب بي بس مقريت شي و واحد اسمة غمار في المستقبل فارغ ما بي شي

قرب مني مستغرب من الحجيتة عكد حاجبه باستفهام
:-زين هو يدري بيج فتي الها

:-مرتين فتت الها بس مرة مشفت شي و بوكتهه اذاني هواي و مرة ميدري بية و شفت هذن الغراض بيهه

:-و بعد شنو شفتي

:-رسمة مالت عيوني صعب يعرف يرسم؟

:-ما ادري دوختيني

:-شوف زين اريد اسألك بعد شي

:-أسألي

:-عمو عابس الله يرحمة شلون مات

:-بحادث

بلعت ريكي احس اريد احجي لشهاب بس متخوفة
:-منو كلك

:-شنو منو كلي هو كبرت و ابوي كالنة

:-بس هيج كاللكم

:-ليش اكو شي ثاني

:-ها لا هو اني هم ادري سوة حادث

:-اي

:-و خالة روح؟

:-شبيهه

:-شلون ماتت

:-شلج بهل اسأله

:-مو اني اختك احجيلي و غلات امي ما راح احجي لاحد

:-احتركت

:-شلون؟

:-ما ادري روحي ملاذ كافي اسأله

:-عليك الله اخر سؤال هسة اني مو حجيتلك كلشي حتى كتلك احب صعب شبيك احجيلي

:-انتحرت

فتحت عيني مصدومة
:-شنوو ليش

:-ما ادري والله ملاذ ما ادري لا تحجين يم صعب ابد حبابة

:-بس كلي ليش

:-والله ما اعرف ليش شوفي و هاي واحد من اسباب الغيرت صعب عمامي طششو سالفة على عمتي روح عود هي استغفر الله زانية و عود من عرفو بيهه هي انتحرت

:-خالة روح محد مثلهه مستحيل هيج تسوي

:-اي هي من احتركت و الناس تسأل شكو كالو هل سبب

:-يعني منهه و صعب نصاب بالرهاب

:-لا من ورة حجي الناس و بقت الحادثة براسة ما راحت لذلك نصاب بهل رهاب جنة نطلع من المدرسة بعدنة صغار هو صعب متقدم علية بسنة بس من ماتت امة بسنتة ما درس و وراهه رجع صرنة سوه ندرس و من نطلع من المدرسة هو صغير و يدخن و انة اخاف منه ما اكل لبوي علية

:-انتم مو بالبصرة و هو بالناصرية؟

:-صارت مشاكل بين ابوي و عمامي طلع منهم ابوي و اجه هنا عاش ما عدنة تواصل ويه عمامي هسه

:-اي كمل

:-شكمل حجيتلج الاول و التالي

:-خوش يجي صعب و اسولفله

:-تسولفلة ام حاجب افضحج كدامة اكلة فاتت للغرفة و اخلي صياحنة ماله والي

:-هههه لا اشاقة شبيك ما احجي سر بينة

:-ادري بيج ما تحجين

:-اي ما احجي

:-اي عفية يلة هسه عندي شغل اكملة على ما يجي
الصعب

:-براحتك

راح بغرفتة و اني رحت للغرفة الثانية بقيت هواي منتضرة لا شهاب طلع من غرفتة و لا اني طلعت احس اختنكت و اني انتضر الصعب للوحدة بليل طلعت دكيت باب الغرفة مالت شهاب كبل طلع

:-ها ملاذ

:-وين صعب اشو ما اجة

:-ما اكدر اخابرة على جية هسه تاكلين بين ما يجي

:-لا

رحت كعدت بالصاله و شهاب يمي يكلب بأوراق
:-شهاب شجاي تسوي

:-اشتغل

:-خابر صعب

:-انت ما تستوعبين شني ولج ما اكدر

:-جا خاف بي شي

:-لا علي مراقب موقعة كلشي ماكو امان

:-جا خابر علي خلي يشوفة وين

:-شوية و يجي

متت من الجوع لحد ما شهاب عاف البيدة و بقى يكلب بتلفونة رفع راسه علية

:-ملاذ اني راح افوت للغرفة صعب راح يجي

:-صدك وينة

:-دقايق و يجي

حركتلة راسي بمعنى اي فات لغرفتة و اني رحت بباب الشقة منتضرتة

شويه و نفتح الباب فات و سد الباب وراة ما منتبة لوجودي دار وجهه شافني واكفة ابتسم و اجه مقابيلي كبل حضنتة خلة ادية على جتفي

:-ها بابا شلونج

:-جوعانة صعب جوعانة

:-هههه بس جوعانة

:-اي ويلة هسه احجيلي شسويت

:-خل نفوت تعبان شهاب هنا مو

:-يي هستوة فات للغرفة كال صعب راح يجي

:-خوش يلة تعاي جايبين اكل لو اروح اجيب

:-لا شهاب جاب

:-تعاي اوكلج

:-لا ناكل سوة

خلة ايدة على جتفي و اخذني للمطبخ

:-اي بابا شصار من اني ماكو

:-ما صار بس انتضرتك

:-اممم شفتي منو هم احد شافج

:-اي بس شفنة واحد اسمة علي بسرعة راح

:-اي و بعد

:-بس

:-خوش يلة تعاي

كعدت و هو طلع العشة من الثلاجة كعد كدامي
:- انت مرتاحة هنا لو تضوجين ترة شهاب بس اليوم موجود علمودج بقى

:-لا اني ما اضوج من شهاب اشوفة اخوي

:-اممم زين

:-ليش ملابسك متربة

:-طفرت على الحايط و نترست تراب

:-خفت عليك

ابتسم و انطاني لفة رجع يباوعلي و اني اكل
:-اليوم لو صايرلج شي ما اسامح روحي ابد

:-ما صار شي

:-بعد ما اكدر اخليج تطلعين

:-زين و انت

:-انسحب من القضية

:-و الولد خطية يعني راح تثبت علية التهمه

ابتسم ودنك جر حسرة طلع باكيت جكاير من جيبة و خلة جكارة بين اصابيعة

:-جؤ عندي بس يومين ارجع الماي المجاريهه اريد بس الصبح يطلع

:-شراح تسوي

:-عندي نسخة من الفلاش الاخذوة همه اذكياء مراقبيني و كدرو يفوتون لبيتي بس انة من زمان محسب حساب لهيج شغلة لذلك اكو جانب بحياتي خافي عن الكل و حتى عن شهاب

:-شنو هو

:-تذكرين الرجال الي رحنة اله بيوم وكلتج يمة ذرة

:-اي

:-اممم هذا كل شغلي و كل اسراري عندة من اني طفل و لليوم

:-يعني راح تجيب الفلاش منة و ترجع تقدمة دليل برأة

:-جؤ مو اني لان ما اريد ااذيج بعد

:-جا منو

:-لا تدوخين روحج بهيج شغلات كملي اكل

:-شبعت

:-نروح ننام

:-اي

كمت اغسل و هو وكف وراية حضني من ضهري درت وجهي علية مباوعلي ملتهي يغسل بيدة سحب الصابونة من ايدي و لزم ادية يغسل بيهن

:-اعرف اغسل

:-امممم

:-يابة كافي وخر ادري تسوي تعقيم لادية

:-اممم

:-يا شبيك

:-اششش

جسمة قريب من جسمي خلة راسة بركبتي باسني احس جسمي قشعر وخر مني غسلت ركبتي باوعتلك و حركت جتفي ضحك و دنك

:-سويلي جاي

:-اي روح للغرفة هسه اجي

راح و اني سويت جاي صبيتلة و اخذت الكتاب من الجنطة و رحت للغرفة متمدد على الجرباية مخلي ادية جوة راسة و صافن على السكف كعدت بصفة كعد و اخذ مني الجاي

شاف الكتاب بيدي ضحك كال

:-دورت علية بالبيت بعدين تذكرت الكتاب يهمج اكثر ما يهمني

:-هههه احسة جزء من حياتي صار

شرب الجاي و هو راح اخذ الكوب فتحت الكتاب على ما يجي كل صفحة تاخذ روحي احس كاشفني رغم هو هادء ما حاجي شي

رجع فات و سد الباب طفة الضوة صحت بي
:-لا عوفة حباب

رجع شغلة و اجه على الجرباية نزع القميص مالتة بقة بس بالبجامة

:-باردة ترة

:-مستحر

:-عكس العالم انت

تمدد و تغطة فتحلي ايدة
:-تعاي

:-اني راح اقرة

:-اي لان اني تعبان

تمددت بحضنة درت الكتاب علية و هو سحبني علية

…………………………

عودة الى الماضي

الصفحة التاسعة و العشرون

رُفيدة

:-روح حبيبتي خلصت العدة لشوكت ناوية تطلعين شوفي العالم برة

:-ما اريد الصعب شلونة

:-نايم

خلت راسهه بين رجليهه حجت وياي و صوتهه ماليتة الغصه

:-رُفيدة اخذي الصعب اني ما اعرف اربي احس روحي مقصرة وياة

كعدت كدامهه حضنتهه  كامت تشهك

:-والله مو بيدي اريد اكوم اريد اضحك وية الناس ما اكدر حتى ابني اشوف بي عابس الدنيا واكفة بعيني

:-الله يرحمة ياروحي بعد راح عد ربة ما بدينة شي بس الصعب بحاجتج هل طفل شنو ذنبة و تذكرين عابس
شكد يحبة اعتبري وصيتة و كومي لابنج

:-رُفيدة انت تعبتي من وراي كل يوم مشكلة وية احمد اني هاي هية بعد راح اهتم بروحي و بأبني روحي انت معليج بينة

:-احمد يحجي و يسكت معليج

كل يوم اباوع لروح تذبل اكثر من قبل بس شوي شوي بدت تهتم بأبنهه من مات عابس لحد اربع اشهر ما لزمت الصعب حتى تعود علية

كل ما يكبر هل طفل يشبة لابوة سنة و روح رجعت وكفت على رجليهه بدت تهتم بابنهه و حاولت شكد تخلي اهل عابس يعترفون بيهم بس بدون فايدة من شافت هيج كامت تشتغل خياطة و تسوي مكانيس تبيع على الناس دبرت عيشتهم

احمد ابد ما يقبل اروح الها و خصوصا بعد الحجي الي طلعو عليهه اهل عابس بس حماهه هادي بقى يتواصل وياهم يسال عليهم و مهتم بيهم بس روح ابد ما اخذت منة شي رجعت وكفت على رجلهه من جديد و ربت طفل صنعت منة عابس ثاني

احمد يلح على الطفل بس ما صار عندي لا هو المتزوج و مخلصني و لا هو الساكت

اخو عابس من يجي يجيب وياة طفل اسمة شهاب صار عمر الصعب خمس سنوات متعلق بية كلش كل ما اجيهم يجلب بية احس الصعب صار قطعة من روحي و كلة يسميني فوفيدة اموت علية من يكلي هيج

…………………………

سديت الكتاب و خليتة على صفحة باوعت لصعب

:-بابا

:-همم

:-احس مشتاقتلك والله

:-الساعة ب 2 و نص ملاذ اي حجاية هسه تأثر بية و ما اضمنلج شسوي

:-طول عمرك تفكيرك سربوت

:-منو كالج تفكيري جان مو نضيف بس هاي انت صاير تفكيرج كلش

:-ههههههههه والله انت هيج قصدك

:-اش ولج اش ضحكتج وصلت لبيت عمج

:-اوي هسه شنو ما اضحك

:-لا اضحكي

ردت اسحب الغطة لان مغطي بس رجلينة صار كدامي الجرح الي ببطن صعب خليت ايدي علية فز جسمه لزم ايدي و باوعلي بلع ريكه و بلل شفايفة

:-تلامسين بروحي ترة

وخرت ايدي و هو سحب الغطة غلست منة درت وجهي و خليت ادية جوه راسي غمضت عيوني قرب مني و حضني من ورة

:-صعب

:-همم

:-باجر ابقى بالبيت

:-ما اكدر عذريني بس هل يومين مشغول

:-زين باجر موعد الدكتور

:-ما اكدر اروح بس هل مرة نأجلهه

:-صعب و تالي

:-وعيونج استمر بس هسه ماكدر

:-خوش

:-نامي بابا لا تفكرين بشي
كال هيج و باس ركبتي بسرعة وخر

:-لا تمسحينهه

سكتت منة غمضت عيني لحد منمت كعدت الصبح محد بالبيت بس اني فتحت تلفوني تذكرت بدون خط لكيت صعب كاتب الي بورقة مخليهه على الميز

:-بابا لا تخافين الشقة مقفلة و محد يندلهه و البيت مراقبينة من يمنة اي احد يجي نشوف لا تخافين اكلي و ارتاحي اجي من اكمل شغل

عفت الورقة و رحت فتحت الجنطة مالتي جنت ناسية الورقة مال الكتاب بين الملابس طلعتهه و ضميتهه جوة الدوشك

تريكت و بقيت انضف بالشقة هي نضيفة بس الوحدة موتتني و مجرد اتذكر البيت مقفول اختنك

جنطة صعب الي خلة بيهه اغرضة مالت الغرفة ما لكيتهه صعب مدري وين خفاهه كمت ادور شغل من جوة الكاع لكيت مسواك بالثلاجة

طبخت غدة و طلعت المواعين كلهه هي نضيفة بس هيج كعدت اغسل بيهه

……………………
شهـاب

طلعنة من الصبح اني و الصعب
اني اسوق و صعب يمي يدليني على مكان نروحلة صعب ما يحب السياقة كل ما يشوفني يستغلني اني اسوق

:-صعب انت شجاي تفكر

:-خل نوصل و تفهم

:-القضية راح تعوفهه

:-شهاب لا تلح خل نوصل و انت تفهم كلشي

سكتت منة ما ينطي اي معلومة يريد كلشي بوكتة
وصلنة لمكان نزلنة جان مكان عادي عربانة مالت اكلات سريعة و رجال يبيع بيهه شاف الصعب و اجه باتجاهنه تحاضنو و صعب باس راسة

خلوني صافن صعب منين يعرف هل شخص و مستحيل يسوي هيج شي وي واحد غريب عنة باوعلي الرجال و كال

:-منو هذا

الصعب:-اخوي اشهب

:-هلا بوية هلا تفضلو خل يجيبولكم جايات

كعدنة بمكان على صفحة و الرجال ويانة عرفني علية الصعب

الصعب:-يلة عمي انة لازم اروح بس اجينة ناخذ الفلاش

طلع فلاش من جيبة انطاة لصعب اخذة تسالمنة و رحنة للسيارة

شهاب:-صعب هذا نفسة الفلاش

:-نسخة منة

:-راح تلزم القضية من جديد

:-لا انت تلزمهه

:-شنو تحجي صدك؟

:-محد يعرفك و لا تحجي كدام احد عندك الدليل اني انسحبت من القضية كدام الكل و اتفقت وية اهل الولد راح اعرفهم على محامي بديل حجيت لواحد ثقة من عائلتهم و اتفقنة و هسه انت من تروح كأنما شخص يلزم قضية ما يعرف عنهه شي بس لا تأجل القضية الخميس تنهي كلشي

:-و اذا عرفوني اني البديل و راقبوني

:-جؤ محد راح يعرف لحد يوم القضية راح تنعرف و قدم الدليل و كلشي انتهى

:-صعب و تالي ترة انة رجال لا متزوج لا شايف شي بحياتي اريد اعيش

:-مو بكيفك فوزك بهاي القضية راح يفيدك هواي

:-ما اريد

:-جؤ شوف من تنتهي القضية انت و علي راح تطلعون سوة بس علي بملابسك الي تجي بيهه و بسيارتك اذا احد راقبك ف راح يمشون ورة علي اي واحد يوكفة لو يتعرضلة هو ضابط و شخص ثاني همه راح يتورطون و هيج راح يضيعون الصدك و همه يضيعون

:-عاشت ايدك خوش هاي هيه

:-و هسه للمكتب يلة

رحنة للمكتب صعب رغم تنازل من القضية بس كلشي هو تكفل بي ما قصر ابد

………………………

ملاذ

كملت كلشي  و كعدت بالصالة صفنة تجيبني و صفنة تاخذني افكر بصعب الوقت مالت دوامهم خلص بس محد اجة للبيت سمعت باب البرة نفتح كمت من مكاني خايفه سحبت الحجاب على شعري

ما لحكت اسوي شي تخيلت اجو نفسهم و راح يكتلوني بس فات شهاب صحت بي

:-يابة شبيك بلعت العافية من وراك وين الصعب

اشرلي بمعنى اسكتي و عض شفتة فات وراة رجال بقيت صافنة اول مرة اشوفة ثلاثتنة ساكتين واحد يباوع للثاني الرجال شكلة غريب ما اعرفة منو

باوعت لشهاب كتله
:-منو هذا؟

…………………

.
.
.
.
.
.
.
للحكاية بقية

كلانا كتف للاخر♥
الوريد♪

الجزء الخاص ببرق و عائلتهه راح يكون ببارت ثاني لان راح ننهي قصة برق بطلب من البطلة دمتم احبتي❤️