بعد اسبوع من بحث زين عن اي شخص كانت ديالا ع علاقة به غير فريدة ورغدة وملك حتى انه قد تواصل مع ملك وتحدث معها اذ كانت تعرف اي شيئ عنها ولكنها لم تكن تعلم اي شيئ عنها منذ اخر مرة كانت معها ...
بعدما وجد مهندس it جيد ليحدث فهد عنه ويذهبا سوياً مع فهد دون معرفة احد آخر ...
بعد فترة من بحث المهندس ف جميع سجلاو الكاميرات الموجودة حول الڤيلا الا انه لم يعثر ع اي شيئ ليخبرهما عما وجده ...
فهد بعدم استيعاب : يعني ايه ملهاش اثر يعني ايه مش فاهم ...انت عايز تفهمني انها لسه ف البيت طب ازاي طيب
المهندس : لا انا مقولتش كدا
زين : انت هتجننا يا باشمهندس مانت قولت انها مخرجتش ف التاريخ دا ولا قبله ولا حتى بعده ف السجلات
المهندس : ايوا بس هي ممكن تكون خرجت من البوابة الخلفية بس مش هنقدر نتأكد او نوصلها
فهد : ايه الهبل اللي بتقوله دا
المهندس : بص حضرتك الكاميرات اللي ع البوابة الخلفية مش مسجلة اي حاجة ع الهارد من قبل التاريخ دا بحوالي اسبوع اللي حضرتك قولت عليه ودا معناه ان الكاميرا دي فيها عطل وبكدا مش هنقدر نتأكد هي خرجت من البوابة دي ولا لسه جوا الڤيلا
بدأ فهد يفقد اعصابه هو حقاً سيجُن مالذي يحدث معه هل هي حقا بالڤيلا ام خرجت ام ماذا ...
بعد رحيل المهندس دلف كلاً منهم للمنزل ليجدا فارس جالساً مع فريدة يتحدثا سوياً ليلفت نظرهم وجه فهد المتجهة والشارد لتتسائل فريدة قائلة : ف ايه مالك يا فهد حاجة حصلت ولا ايه يا زين
ليجيب عليها زين بهدوء ويقص عليهم ما حدث لتتوتر فريدة قليلاً ولكنهر استطاعت اخفاء توترها سريعاً ليردف فارس : يبقا بالعقل كدا هي خرجت من البوابة الخلفية ولحسن حظها ان الكاميرات كان عطلانة
ترددت فريدة قليلاً ثم نهضت فجأة : عن اذنكم يا جماعة انا دماغي مصدعة شوية هطلع انام .. تصبحو ع خير
ردا عليها زين وفارس : وانتي من اهل الخير
بعد صعودها جلست ع طرف فراشها وهي ف قمة توترها فهكذا سيكشف امر اختفاء ديالا وامها لا تريد هذا يجب ان تخبر والدتها بهذا ولكن ليس الان ...
~~~~~~~~~~~~~~~~~~~~~~~~~~
السادسة صباحاً لم تستطع النوم تحركت من الفراش بهدوء لتذهب ناحية غرفة والدتها قبل استيقاظ البقية ...
طرقت الباب بهدوء لم تسمع ردً فتحت الباب ببطئ ودلفت الغرفة لتجدها نائمة اغلقت خلفها الباب وجلست بجانب والدتها لتوقظها ...
بعدها بقليل كانت قد استيقظت واخبرتها بكل ما حدث بالامس ...
تنهدت جميلة بصعوبة لما يحدث لتتحدث قائلة : بصي اطلعي دلوقتي نامي وهدي اعصابك عشان محدش يحس من اخواتك
فريدة : بس يا ماما .....
جميلة : اسمعي الكلام انا تعبانة
فريدة : حاضر يا ماما
بعد خروج فريدة من الغرفة تحركت جميلة بتجاه غرفة ديالا لتوقظها وتخبرها هي ايضاً ما حدث ...
ديالا بقلق : وبعدين يا ماما هنعمل ايه دلوقتي
جميلة بهدوء : ولا حاجة عُطل الكاميرا ف مصلحتنا وكأن ربنا بيدبرها من عنده انا بس قولت اقولك عشان تبقي عارفة ايه اللي بيحصل ..فهمتيني ولا اكن حاجة حصلت تمام
ديالا : حاضر يا ماما
~~~~~~~~~~~~~~~~~~~~~~~~~~~
بعد اقل من ثلاث ساعات كان الكل مجتمع لتناول القطار سوياً لتبدأ جميلة الحديث بعد رؤيتها لوجه فهد المرهق كثيراً ...
جميلة : مالك يا فهد
فهد : مفيش يا ماما
فارس : لا فيه يا ماما
جميلة : ايه متحكي
ليقص عليها ما حدث بالامس لتنظر لفهد مجدداً وتتحدث قائلة : يبقا بالعقل هي خرجت ف الوقت اللي كانت الكاميرا عطلانة فيه ودا من حسن حظها
فهد : ودلوقتي المفروض اعمل ايه ادور عليها فين انا خلاص دماغي هتنفجر
لينهض فجأة ويخرج ويستقل سيارته ويتحرك بها ...
حاول فارس اللحاق به ولكن لم يستطيع ...
~~~~~~~~~~~~~~~~~~~~~~~~~~
بعد مرور اكثر من شهرين اصبحت ديالا بنهاية شهرها الخامس ...
كانت جالسة جميلة بغرفتها بعد خروج الجميع من المنزل بأنتظار خروج ديالا من الغرفة لتذهبا سوياً لمتابعة حملها ...
بعد وصولهم لعيادة الطبيبة شعرت ديالا بتعب شديد ومغص حاد لتسرع فريدة وتخبر الطبيبة بحالتها بعد ان رأتها اتصلت ع سيارة اسعاف لتنقلها فورً ع مشفى خاص بالولادة ...
بعد مرور اكثر من ساعة بدأت ديالا تستعيد وعيها مرة اخرى لتسمع صوت جميلة وهي تقترب منها : ديالا انتي كويسة فيه حاجة وجعاكي
ديالا وهي تجاهد لفتح عيناها : بطني وجعاني شوية احنا فين يا ماما
جميلة : احنا ف المستشفى انتي تعبتي شوية لما وصلنا العيادة ونقلناكي ع المستشفى
دخلت ف هذه اللحظة الطبيبة : ها ايه اخبارك دلوقتي يا مدام ديالا
ديالا : هو ايه اللي حصل يا دكتورة
الطبيبة : جالك نزيف بسيط ولحقناكي الحمدلله
ديالا بخوف وهي تضع يديها ع بطنها : نزيف طب والبيبي
ابتسمت الطبيبة بهدوء : متقلقيش الجنين بخير الحمدلله
جميلة : طب ايه سبب النزيف يا دكتورة
الطبيبة : ساعات بيكون اجهاد وتعب او توتر او خوف او حركة كتير لازم تبقا مرتاحة وميكونش فيه اي توتر او ضغط عصبي عليها ... بس معلش هي لازم تفضل هنا يومين تحت الملاحظة
جميلة بتفكير : شكرا يا دكتورة
فريدة : طب يا ماما احنا هنسيبها هنا مينفعش
جميلة : لا مش هنسيبها ...بصي يا ديالا اللي حصل دا كويس جدا عشان نقول لفهد مكانك
ديالا : بس يا ماما لما هيعرف اكيد هيبقا عايز يعرف انا كنت فين
جميلة : دا طبيعي بس الاهم عنده انه يلاقيك الاول
ديالا : ماشي يا ماما
جميلة : فريدة كلمي اخوكي دلوقتي وقوليله ان ديالا كلمتنا وهي ف المستشفى دلوقتي وان احنا عندها بقالنا شوية ولو سألك عن اي حاجة قوليلو منعرفش هي لسه مافقتش
فريدة : حاضر
خرجت فريدة لتحادث اخيها كما اخبرتها والدتها لتعتدل ديالا وتتحدث مع جميلة ....
ديالا : ولما يجي ويسأل انا كنت فين اعمل ايه مكنش المفروض حضرتك تخليها تعمل كدا
جميلة : اسمعيني للاخر واللي هقوله هو اللي تقوليه لفهد لما يسألك
~~~~~~~~~~~~~~~~~~~~~~~~~
فهد بدهشة : انتي بتقولي ايه انتي متأكدة
فريدة : بقولك احنا عندها ف المستشفى
فهد : طيب طيب انا جايلكم دلوقتي سلام
ليدخل الي المكتب ف نفس الوقت زين ...
زين : ايه دا انت رايح فين
فهد : فريدة كلمتني وقالتي ان ديالا ف المستشفى
زين : بتقول مين
فهد : انا مش فاضيلك سلام
زين : يابني استنى اجي معاك
كان قد رحل من امامه ليتحرك باتجاه مكتب فارس ليجده منكب ع حزمة من الاوراق امامه يراجعها ...
زين : بقولك لقو ديالا
فارس ينظر بتفاجئ ناحية زين : نعم لقو مين
زين وهو يسحبها من ذراعه لينهض : انت لسه هتندهش قوم يلا بينا نروحلهم
فارس : مش لما نعرف مستشفى ايه الاول
زين : واحنا ف العربية نبقا نكلم فريدة ونعرف
فارس : وفريدة ايش عرفها هي ايه اللخبطة دي
زين : معرفش زي زيك بس انجز يلا
~~~~~~~~~~~~~~~~~~~~~~~~~~
بعد اكثر من نصف ساعة وصل فهد امام المشفى ليترجل ويدخل سريعاً تحدث مع موظف الاستقبال ليعرف رقم غرفتها ليصعد بعدها باتجاه غرفتها ليجد فريدة جالسة بالخارج لتنهض من مكانها فور وصوله ...
فهد وهو يحاول اخذ انفاسه : هي كويسة
فريدة : اه كويسة وماما معاها جوا
فهد : انتو وصلتولها ازاي
فريدة : مش وقت اسئلة ادخل دلوقتي اطمن عليها وبعدين نبقا نسأل
تركها واتجه ليفتح باب الغرفة ليجدها ممدة بالفراش وتتحدث مع والدته لينظرا له لتتحرك جميلة وتقترب منه ...
جميلة : متسألهاش كتير اطمن عليها وسيبها ترتاح
حرك رأسه بالموافقة بعدها تحركت جميلة وخرجت من الغرفة ليتحرك هو ويجلب كرسي ويجلس عليه بجوارها ...
فهد بعدما امسك بيدها : وحشتيني اوي
نظرت له قليلاً ثم ليدها التي بين يديه تحاول سحبها ولكنه ممسك بها بقوة ...
فهد : مش هسيبها ومش هسيبك ابداً ... مشيتي وسبتيني ليه
حركت وجهها للجهة الاخرى : لو سمحت سبني دلوقتي مش قادرة اتكلم
يتبع .....
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!