رواية انتقام بلا رحمة الفصل الخامس والعشرون 25 - بقلم Beroabood5

بعدما اغلق مع صديقه يشرد قليلا وهو يفكر ....

زين وهو يحدث نفسه : ناوي ع ايه انا مكنتش مطمن ع سفرها معاك لوحدكم وفجأة تغير رأيك وعايز ترجع ...اكيد ف حاجة خلته يغير رأيه ...هو اكيد هيحكي وساعتها يمكن اعرف اتصرف ...ربنا يستر

~~~~~~~~~~~~~~~~~~~~~~~~~~~~
تجلس ع مكانها ع الصوفة مازالت تشعر بالألم ولكنه يتزايد فقررت ان تأخذ من المسكن وتتمدد ع هذه الصوفة وتنام قد ترتاح من الالم قليلاً ....

بعدما انهى مكالمته مع صديقه جلس قليلاً يحاول ان يريح عقله من ما يفكر به ولكن عقله يأبى هذه الفكرة ...ذهب يصنع له القليل من الطعام فمازال الوقت مبكرا ع وجبة الغداء ليتذكر هاتفها المتروك ع طاولة المطبخ يأخذه ليخرج من المطبخ ويعود مرة اخرى الى جلسته الاولى ...

مل من هذه الجلسة ليصعد غرفته ليجد الانوار مغلقة ولكن ضوء الشمس يغلف الغرفة وينيرها ليجدها نائمة ع الصوفة توليه ظهرها نائمة بعمق ...يتحرك باتجاهها ينظر لها عن كثب يتنهد ويتجه لسريره يجلس قليلاً عليه يفرك جبهته بيده ثم يتمدد لينظر باتجاهها مرة اخرى ....

~~~~~~~~~~~~~~~~~~~~~~~~~~~
يجلس وحده يفكر مازال يشعر بالذنب ع ما فعل وما يفعل ... يريد ان يريح ضميره يريد ان يثبت برائتها ولكنها لا تريد الحديث يجب ان يحاول جعلها تعترف ولكن كيف ...

~~~~~~~~~~~~~~~~~~~~~~~~~~~
بعد مرور اسبوع ع هذه الاحداث تحرك فهد وديالا ليلاً ف طريق عودتهم الي القاهرة .... بعد وصولهم ڤيلا فهد كادت ديالا ان تفتح باب السيارة ولكن منعته يده وهو يمسك بيدها الاخرى تنظر له : ف ايه مش هننزل

فهد : لا هننزل بس قبل ما ننزل عايزين نتفق ع شوية حاجات

تعتدل ف جلستها وهي تنظر له بتعجب : حاجات ايه

فهد : الكل فاهم ان احنا بنحب بعض بس بطريقة التعامل اللي بينا دي هتخليهم يستغربو وانا مش عايز كدا

ديالا : هنعمل ايه يعني مش فاهمة

فهد : يعني هنبين قدامهم ان احنا كويسين ومبسوطين زي ماقولتي لاخوكي ..غير كدا مش هينفع ننام ف اوضتين هننام سوا ف نفس الاوضة ... كلها فترة قليلة ونخلص

ديالا تنظر له بألم وغضب : اللي يريحك ممكن انزل بقا

يترجلا من السيارة يسبقها فهد ليفتح الباب ويعود مرة اخرى للسيارة ويخرج حقائبهم تتركه وتدخل هي تستقبلها فريدة التي تفاجئت من وجودها تجري اليها ليحتضنا بعضهم بقوة : حمدالله ع السلامة متصلتوش ليه قبل ما تيجو عشان نخلي الخدامة تنضف الجناح بتاعكم

ليجيبها فهد وهو يضع الحقائب ارضاً ثم يحتضنها : حبينا نعملها مفاجئة

فريدة وهي مبتسمة : احلى مفاجئة هروح اقول لماما وفارس

بعد ذهاب فريدة تحرك فهد ليمسك يد ديالا ليدخلا الصالة يجلس ويجلسها بجواره كاد ان يتحدث معها لكن قاطعه دلوف والدته واخيه الي الصالة ينهضا ليحتضن فارس فهد وتحتضن دياب والدة فهد وفريدة مازالت واقفة خلفهم : هنقضيها احضان بس النهاردة ولا ايه

لتجلس جميلة وهي تحتضن كتف ديالا : عاملة ايه يا حبيبتي ايه اخباركم سوا ..اوعي يكون فهد مزعلك اموتهولك

تنظر له ديالا نظرة لن يفهمها احد غيرهما فقط وتبتسم ثم تعيد نظرها الي والدته ولكن يسبقها حديث فهد : كدا يا ماما يعني هي اغلى مني عندك

جميلة وهي تبتسم : ايوا طبعا دي بنتي التانية غلاوتها من غلاوة فريدة بالظبط

ديالا : تسلمي يا طنط

جميلة وهي تبتسم لها بحنان : لا انا من النهاردة ماما زي ما فريدة بتقولي

ديالا : حاضر يا ماما

جميلة : الشغالة هتنضف الجناح قومي يا فريدة جهزي انتي العشا عشان اخوكي ومراته يطلعه يرتاحو

فريدة : حاضر ...تعالي معايا يا ديالا بدل ما اقف لواحدي

بعد اكثر من نصف ساعة من الحديث بين فارس وفهد حول العمل يتجمعوا حول مائدة الطعام بعد ان وزعت كلاً من ديالا وفريدة الطعام ع الطاولة ليبدأوا ومازالا يتحدثان حول العمل ليقاطعهم صوت والدتهم : فارس انت مقولتش لفهد عن الظابط اللي جيه من مدة

فهد : ظابط ايه دا و ايه اللي جابه

فارس : دا ظابط من اللي كانو شغالين ع قضية حادثة ميرنا

لتنتبه حواس فهد وديالا وينظرا لفارس بتركيز ليحثه فهد ع استكمال حديثه : بس القضيةاتقفلت ع انها حادثة عادية

فارس : القضية هتتفتح تاني لان ظهر دليل جديد

فهد وهو ينظر لديالا بطرف عينه ثم يعاود النظر لفارس : دليل ايه دا و ازاي ظهر فجأة كدا بعد كل المدة دي

فارس : الاغرب ان الدليل هو عربية ميرنا نفسها

فهد بتعجب : انت هتتكلم بالالغاز كدا كتير انجز وقول ع طول

فارس : المفروض ان العربية كانت حرز عند البوليس لانه يعتبر مسرح الجريمة بس بعد قفل القضية والد ميرنا طلب منهم انه يسترد العربية ع اساس انها بتاعة بنته وتعتبر اخر ذكرى منها بس طبعا العربية كانت مدمرة حاول يصلحها ولما وداعا لميكانيكي قاله انها مش هيبقالها قيمة واخرها هتتباع خردة

فهد بعدم فهم بسبب توتره من ذكرى هذه الحادثة : ايوة ايه دخل العربية مش قادر افهم

فارس : الفرامل كانت مفكوكة قبل ما ميرنا تعمل الحادثة

لينهدشوا جميعاً من حديثه ماعدا والدته فهي قد سمعت هذا من قبل ليتحدث فهد وسط صدمته : يعني ف حد كان قاصد انه يعمل كدا ودا مين اللي له مصلحة وليه اصلا

ديالا : طب ازاي كل الفترة دي موجودة عند البوليس ومحدش فكر يبص عليها

فارس : محدش فكر ف كدا لان عربيتكم انتو الاتنين دخلت ف بعض ف الكل فكر ف انها حادثة طريق عادية جدا زي ما بتحصل ع طول

لينهض فهد فجأة ويخرج مسرعاً من الڤيلا تاركهم جميعاً قلقين من ردة فعله تجاه هذا الحديث ....
يحل منتصف الليل دون اي خبر عنه اكثر من خمس ساعات متوترين لا يعلموا اين هو او ماذا فعل لتتحدث والدة فهد موجهة حديثها لهم : يلا كل واحد يقوم ينام

فريدة : ازاي بس يا ماما وفهد ....

جميلة : هو هيبقا كويس باذن الله هو اكيد اضايق من الكلام دا و عايز يبقا لواحده فترة ...ممكنبقا كل واحد ع اوضته

ليصعدو جميعاً غرفهم ويغلقوا ع انفسهم ...
بعد ان دخلت الغرفة بدأت تدور ذهاباً واياباً بالغرفة لتعرفها جيداً ثم تجلس امام تلفاز الغرفة قلقة عليه بشدة فمهما فعل هي لا تستطيع التحكم بقلبها فهي تحبه بشدة وحزينة ايضاً ع ميرنا التي ذهبت بسبب قاتل مختل لا تعلم ما يريد لتنام بمكانها دون ان تشعر بشيئ ....

كان يجلس بجوار قبرها حزين فقد كان يظن انها كانت مجرد حادثة والمخطئة بها كانت ديالا لكن الان يوجد طرف ثالث يفكر ويفكر ولكنه لا يستطيع معرفة من له المصلحة بقتلها من المستفيد سيقتله حتماً سيقتله تحرك من مكانه ليرحل الي منزله حتى يرتاح قليلاً وبعدها يبدأ رحلة بحثه عن قاتل حبيبته السابقة ....
دخل المنزل ليجده مظلم فهم نائمين صعد غرفته وجدها ممدة امام التلفاز يغلقه ثم يحملها ويضعها ع الفراش ثم يتجه لغرفة الملابس يغير ثيابه ليتمدد بجوارها ليحتضنها و يناما هكذا من يراهما يعتقدهما حبيبان ولكن حقيقة الامر مختلفة .....

التاسعة صباحاً يتقلب بالفراش ليجده مازالت نائمة بجواره نهض تحرك ليدخل الحمام ليستحم ثم خرج بدل ملابسه وخرج من غرفته وجد المنزل هادئاً تمام جلس بالاسفل ليتصل ع زين ويخبره ان يأتي ع بيته بأسرع وقت ....

بعد ساعة وصل زين الي المنزل يستقبله فهد ليتعجب منه زين فهو لم يخبره عن ميعاد قدومه ....

زين بقلق : ايه اللي حصل يا فهد انت قلقتني ف ايه وبعدين انت رجعت امتا

فهد : لسه راجع امبارح

زين : ومقولتش ليه

فهد : عادي المهم دلوقتي عايزك ف موضوع بعيد عن الشغل

زين : خير ف ايه

فهد : عايز اعرف مين اللي قتل ميرنا

زين بتعجب : نعم ..قتل ميرنا ..يابني هي مش عملت حادثة وانت اتهمت ديالا انها السبب

فهد : لا فيه طرف تالت انا كنت غلطان ف موضوع ديالا

زين : قولتلك ومصدقتنيش بس انت عرفت منين ان فيه طرف تالت

فهد : القضية اتفتحت تاني لانهم عرفو ان الفرامل كانت مفكوكة من قبل ما العربية اصلا تتحرك

زين : يعني حد كان مخطط ومرتب وعارف هي هتنزل امتا

فهد : بالظبط

زين : طب وبعدين هتعمل ايه دلوقتي

فهد : مش عارف ومش قادر تفكر عقلي وقف

زين : خير اكيد ربنا هيكشف اللي حصل ف اقرب وقت

فهد : صدقني مش هرحمه اعرف مين هو بس وهقتله

زين : انت اتجننت عايز تودي نفسك ف داهية البوليس هيشوف شغله وهياخد حقها باذن الله

فهد : لو كان هيشوف شغله كان شافه من زمان من ساعة الحادثة

زين : اكيد المرة دي هيبقا الشغل احسن لان ف دليل انها جريمة مش مجرد حادثة ..المهم دلوقتي هتعمل ايه مع ديالا

فهد : هكمل معاها

يتبع ......