رواية انتي ربيع العمر في كل الفصول! الفصل الثالث عشر 13 - بقلم rned 🖤

..

"غيداء "

وقفت وهي تمشي بثبات ورزانه ودقت باب  مكتب هادي وقال لها:  تفضل. 

فتحت الباب وتركته مفتوح ودخلت:  السلام عليكم.
هادي:  وعليكم السلام
غيداء تقدمت وتركت الملفات:  ماادري وش اسوي فيهم.

هادي:  بسيطة تفضلي اجلسي بشرح لك كل شي..

جلست غيداء بهدوء وهادي سحب الملف وفتحه وقال:  هذا الملف مختص بعلاقات الشركه مع الشركات الأخرى
مثلاً علاقة  شركتنا بالشركات التجارية الثانية والصفقات والاعمال  الي تقوم فيها سواءً كان تصدير او استيراد...

غيداء:طيب وش الشي المطلوب مني بخصوص هالملف؟ هل في شي محدد لازم اسويه ولا بس كمعرفة؟

هادي: المطلوب بسيط تفهمي وشلون تجهزين  مثلا المعلومات الخاصه اللي نحتاجها في اي اجتماع مع اي شركه ثانيه، على سبيل المثال مثلاً في عندي اجتماع مع شركه لإستيراد الادوية  من برا  ،  فأقول لك جهزي لي كل المعلومات الخاصه في هذا الاجتماع كل الاشياء اللي نحتاجها و كل الاشياء اللي ممكن نحتاجها في العقد انتي  بيكون عندك معرفه بخصوص هذا الشي  من خلال الاجتماعات السابقه، ومن خلال الاتصالات السابقه مع وكلاء الشركات،  وبتجهزين كل هذه الاشياء قبل دخولي الى الاجتماع ومن خلال هذا الشي ومن خلال المعلومات اللي عندي ومن خلال المعلومات اللي في الملفات ومن خلال الموافقه من الطرفين تتم الصفقه...

هزت غيداء راسها بالموافقه:  طيب والمكالمات مع الوكلاء هل بتكون عندي انا ولا بتكون عند السكرتاري..

هادي:  كل الاتصالات واللقاءات الاخرى بيكون على السكرتير أما  انتي بتكوني المساعده فيني المساعده الخاصه فيني يعني لو طلبت منك معلومه عن اي شركه عن اي صفقه احنا مقبلين عليها على اي اجتماع، يكون هذا شي عندك انتي  اذا  في مثلا ملفات خاصه ما يشوفها الا المدير فقط انتي ايضا  يحق لك تشوفينها و بتكونين جزء من هذا الشي  لانك  انتي المساعده الخاصه،  اما بالنسبه للتواصل مع العملاء ولا الشركات او لقاء عملي بيكون من مهمات السكرتير..

هزت غيداء راسها بالموافقه وقالت:  طيب في عندي استفسار بسيط بخصوص التسويق، مثلا عند استيراد اي شي  مثلا شحنه من الخارج تكون تجاريه  سواء كانت يعني شحنه خاصه بالتجميل او دوائيه او اي شيء،  يعني هل يكون المحلات التجاريه والاشياء الثانيه تعرف انه مثلا احنا بنصدر وبنستورد هذه الاشياء؟

هادي:  في فريق متخصص في التسويق سواء التسويق الالكتروني او التسويق الاخر بس لو كان عندك انت موهبه او عندك افكار جديده تقدرين انك تساعدين هم  في اي شي او تعرضين علي الفكره وانا اقدمها لهم ينفذونها يعني لك صلاحيات كثيره...
وكذلك في شي  مهم بخصوص الملفات والفواتير  بعد ما يتم الموظفين عملهم يرفعون بكل هذه الملفات لك انتي بتراجعينهم بتشوفينهم وبتدخلينهم لي فيما بعد..

غيداء:  تمام ان شاء الله..

هادي:  واذا لقيتي اي صعوبه او اي خلل في بعض الملفات او اي شي ثاني  عالي لي  استفسري ما هي مشكله..

غيداء  طيب  ان شاء الله.

رن جوال  هادي مقاطع عليهم الحديث فرفع هادي جواله وعقد حواجبه هو يشوف رقم غريب لكنه  رد وقال:  هلا..

المتصل:  السلام عليكم ورحمه الله الاستاذ هادي آل فارع؟

هادي:  الله الله وصلت..

المتصل:  انا اتصل لك من شركه فيّان بخصوص طلبك للقاء مع المدير..

عدل  هادي جلسته باهتمام وقال: وش صار علمته؟

المتصل:  علمناه  مشغول اليوم لكن بكره تقدر تجي وتقابله..

هادي ابتسم:  إن شاء الله متى حددت اللقاء الساعه كم؟

المتصل:  الساعه 10:00 الصباح...

هادي:  ان شاء الله..

قفل هادي من المتصل وقال:  والله وتنازلت يا فيّان تقابلنا!.

  غيداء عقدت حواجبها وقالت:  مين هذا فيّان..

هادي ابتسم وتوه يبي يتكلم:  ممتاز انا اصلا ابي اكلمك في هذا الموضوع احتاج مساعدتك ونشوف اذا قدرنا نحل هذا الموضوع تعتبري انك انجزتي شي عظيم وتصدرتي في الشركه  مكان كبير.. 

غيداء  باهتمام:  ما فهمت يعني اذا ممكن توضح لي؟

هادي:  اكيد بوضح لك الموضوع وما فيه ان  في الحين شركه اسمها شركه فيّان مديرها نوعاً ما غامض ما حد يعرف عنه شي ولا يعرف حتى اسمه  هذي الشركه عمرها التجاري  مو كبير،  جديده النشأة لكن اعمالها التجاريه جداً قويه وفخمه دخلت الساحه بقوه وتسطرت مركز كبير والتعامل معها صار تعامل من جميع الشركات حتى من شركات عالميه   " سكت شوي وقال "  مو هنا الموضوع، الموضوع  انه بيننا وبين هذي الشركه ثار مجهول..

غيداء باستغراب:  وشلون يعني ثار مجهول  بخصوص وش؟.

هادي:  هذا الشي  الي نبي نعرفه نبي نعرف وش الثار الي بيننا وبينهم..

غيداء عقدت حواجبها وقالت:  وش اللي خلاكم تعرفون انه بينكم وبينهم  ثار وانتم ما تعرفون شي من الاساس؟!

هادي كتف يديه وقال:  بالضبط هذا الشي اللي بعلمك عليه اللي خلاني أتاكد انه بيننا وبينهم ثار هو تعاملهم مع شركتنا من اكثر من شهرين او اقل،  اي صفقه ندخل فيها مع اي شركه ثانيه سواءً  اجنبيه او عربيه نلقى شركه فيّان داخله في الوسط وساحبه مننا هذه الصفقه وحتى وصل فيهم الأمر انهم يشتروا بعض الاسهم بمبالغ كبيره وخياليه لشي واحد والغرض من هذا الموضوع انهم يفسدون الصفقه ما بيننا وبين هذا الشركه مع أن شركتنا ما ضرت احد ولا يعني ما عمرها تصادفت شركه فيّان في اي صفقه او انها دمرتها في اي صفقه لكن في شي مجهول واللي يخلي الموضوع اكثر مثير للشك هو المدير الخاص في الشركه..

  غيداء:  وش فيه هذا المدير؟

هادي:  المدير هذا امره  غريب بدايةً من شكله ونهايةً من اسمه بدايةً شكله ما  عمر ما احد شافه وما يظهر نفسه في اي اجتماع، واذا اذا صادف  انه تصور مع اي احد من العملاء اللي اشتغل معهم او كانت علاقته معهم كبيره فيكون لابس قناع وبعض الاحيان ايضا يلبس نظارات وهذا الي  خلانا نشك فيه....  الموضوع الثاني اسمه عمره ما دخّل اسمه في اي صفقه مع اي شركه سواءً  كبيره او صغيره عالميه او غير عالميه دائماً اللي يتصدر في هذا الموضوع هو مدير اعماله ودائماً اسم مدير اعماله هو اللي موجود في العقود يعني هو خارج الموضوع تماما حتى بخصوص مبالغ ماليه تم ايداعها في البنك وغيره مسجله ايضا باسم مدير اعماله يعني المدير هذا فقط واجهة  للشركه باسم فيّان يعني ما حد يدري من هو ولا وش اسمه ولا كيف شكله وبرايك انتي شخص مثل هذه المواصفات يخرب علينا كل صفقه وكل إجتماع وكل تجاره ندخل فيها بشكل علني و صريح ما يدل على ان بيننا وبينه ثار قديم؟  او شي في نفسه بس احنا ما ندري عن هذا الموضوع لكن هو يعرف تمام المعرفه ان لازم ينتقم مننا باي طريقه كانت!!.

غيداء  عقدت حواجبها وقالت:  انا اشوف ان الموضوع يعني مو لهذي  الدرجه يخليكم تفكرون انه بينكم وبينهم  ثار في النهايه يعني هي مجرد صفقه ومجرد تجاره يمكن شاف انه الشركات اللي تعاملتوا معها مربحه ويمكن انه يستفيد منها...

هادي:  صحيح انه بيستفيد بس مو بذاك الشكل يعني اقول لك شركته  عالميه او توصل للعالميه يعني ما اتوقع  ان الربح لهذي الدرجه ولو قلنا يمكن صدفه ليه يجي في الصفقات اللي احنا نقوم فيها وفي نفس التزامن وفي نفس اللحظات يجي يسحب صفقه هو ويشتريها بأسهم كبيره ويخرب علينا الا  أن في موضوع شي..
.

غيداء حست بنوع من الحماس:   يعني متأكدين انه يبي يضرنا؟

هادي:  بالضبط يبي يضرنا وباي شكل كان..

غيداء:  طيب وبخصوص الإجتماع هذا اللي نظمته بتلتقي فيه؟

هادي:  اكيد ابلتقي فيه انا رحت لشركتهم لكنه ما كان موجود وعلمتهم ان هادي  آل فارع يبي يقابل المدير طلبوا مني الرقم لكن قلت لهم علموه بإسمي وهو بيعرف من انا وبيطلع رقمي، ولو أنه مو مهتم فينا ولا متقصدنا ما كان اهتم في موضوع روحتي له، واجتماعي معه ولا كان أصلاً اهتم انه يدق علي وهذا شي  يوضح لنا ان بيننا وبينن شي وفي خاطره شي كبير علينا  ..

غيداء تحمست وقالت:  طيب بخصوص هذا الموضوع هل تحتاج مني شي  تحتاج معلومات او شي ثاني؟ 

هادي:  بكل تاكيد انتي  تعتبرين ذراعي اليمين يعني ما بتصرف اي تصرف او اي خطوه الا وانتي عندك المعلومات الكامله عن هذا التصرف  وتبحثين ايضا وتكوني تساعديني في كل امر..

غيداء حست ان ودها تصرخ من الحماس لكنها ضبطت نفسها وقالت وهي تشرح بيديها:  طيب استاذ هادي  قبل ما نبدأ بأي شي  المفروض انه نحط قدامنا اهداف نركز عليها عشان نقدر شلون نوصل لهذه الاهداف..

تبسم هادي على  حماسها وشلون تشرح بيديها وقال: مثل وش؟

غيداء وهي تحس انه قدامها لغز كبير ولازم تحله وهذا الشي جداً يسعدها قالت:  اول شي بنحط قدامنا هدف انه لازم نعرف شخصية  فيّان هذا ونعرفه على حقيقته، نعرف اسمه، نعرف عائلته ، نعرف عمره،  نعرف كل شي يخصه،  ثاني شي احنا لازم نعرف وش اللي يخليه يعادينا،طيب وشلون بنعرف الحل؟   من خلال  الهدف الثالث والهدف الثالث هو الحل  اذا عرفنا ذول الشغلتين بنوصل للحل..

هادي كان مبتسم وهو يناظر حماسها وهي تشرح بايديها وينتظرها تكمل كلامها..

فقالت غيداء:  اذا تسمح لي في عندي اقتراح..

هادي  :  العمل بيننا مشترك ولك كل الصلاحيات.

عضت غيداء شفتها تكتم حماسها وقالت:  طيب استاذ هادي  الهدف الأول بيكون علي تنفيذه واللي هو المعلومات الخاصه انا بتتّبع هالموضوع وبعرف كل شي  يخص فيّان بعرف من عائلته!  بعرف اسمه! بعرف عمره!

وأنت يا استاذ هادي بيكون عليك الهدف الثاني الاجتماع مع فيّان ومعرفه وش سبب العداوه او انك تحاول تعرف وش اللي خلاه ياخذ كل صفقاتنا؟..

اما الهدف الثالث فبيكون علينا الاثنين واللي هو ايجاد الحل لهذه المشكله...

هادي كتف  يديه وهو مبتسم وهو يحس انه جدا مستمتع بطريقه شرحها وطريقه كلامهم لكنه يحاول انه يخفي هذا الشي  وما يوضحه لها عشان ما تاخذ عنه  فكرة  سيئه او تنزعج منه فقال لها:  طيب وانتي  وشلون بتعرفين عنه  كل هذي المعلومات؟

غيداء قالت في نفسها ( افا هذا من تخصصاتي)  تحنحنت  بهدوء وقالت:  بحاول اني اعرف هذي  المعلومات واذا ما قدرت بعلمك..

هادي:  متأكد انك بتعرفين. 

غيداء بهدوء:  ان شاء الله.

هادي:  خلاص تقدرين تبدين شغلك من الحين
عشان بكره الاجتماع ابي يكون عندي معلومات استند عليها..

وقفت  غيداء وقالت:  ان شاء الله بحاول بقدر الإمكان انه  احصل على معلومات ولو كانت خفيفه بس تفيدنا..

هادي ابتسم لها بتشجيع وقال:  بالتوفيق انتي قدها اثبتي نفسك واثبتي وجودك في هذي  الشركه من اول اسبوع لك فيها عشان تحصلين على مرتبه موظف متميز..

اومئت  غيداء  بابتسامه و قالت: ان شاء الله..

هادي:  بالتوفيق..

اقفت عنه غيداء بتطلع لكن  شافت  سهى واقفه على باب المكتب  تنتظر هادي  يسمح لها بالدخول...

سمح لها هادي تدخل ودخلت سهى  وفي يدها ملف ناظرت غيداء من فوق لتحت وقالت:  استاذ  اذا تسمح ودي معك بكلمتين مهمه..

اومئ  هادي بالموافقه:  اكيد تفضلي..

واشر لها على الكرسي بيده..

سهى ناظرت غيداء  وقالت:  وانتي  لو سمحتي اقعدي عشان تسمعين..

عقدت  غيداء حواجبها بأستغراب وتقدمت وجلست على الكرسي المقابل لسهى..

اخذت سهى نفس ومدت  لهادي ملف كان في يدها وقالت:  تفضل استاذ هادي..

اخذه  هادي باستغراب وناظره وقال:  ملف  وش هذا؟؟

سهى نزلت نظرها وما ردت!.

وفتح هادي الملف وقرأ اللي فيه وعقد حواجبه وقال:  يعني وش؟

سهى  بهدوء وواضح في صوتها الزعل:  هذا ملف استقالتي انا ودي اطلع من الشركه..

هادي ترك الملف على الطاوله وناظرها وقال:  وليه؟

سهى  ناظرت  غيداء شوي  ونقلت  نظرها لهادي وقالت:  انا يا استاذ هادي  من يوم توظفت في هذي الشركه وانا ادري انها شركه متسمة  بالشفافيه والوضوح وكذلك المصداقيه والعدل..

وأنه في هذي الشركه ما في فرق بين الموظفين وكلنا نعتبر سند للاخرين وعندنا هدف واحد واللي هو نجاح الشركه..

أومئ هادي براسه  وقال:  و للحين احنا كذا..

سهى وهي تفرك يديها وزعلانه:  انا ادري انه للحين كذا بس اشوف انه انت يا استاذ هادي خدشت في هذي  الشفافيه والوضوح..

هادي كتف يديه بتعجب وقال:  افا ليه.!!

سهى:  انا ما  اقصد يا استاذ ان اجرح في  مصداقيتك الشخصيه، لكن من كوني موظفه في هذه الشركه فاتوقع انه يحق لي اني اعترض على شي ما يعجبني  او اكون اقدم مظلوميه صارت معي فيا استاذ هادي انا اشوف انه انا ما قصرت في شغلي وانه من  كل الجوانب الخاصه بشغلي  متكامله وكل المعلومات وكل الاشياء اللي انت طلبتها من قبل اشوف انها كانت متكامله وفي الوقت الطلوب و صحيحه ،  فاتوقع انه من الظلم انه عشان الواسطه اخت الإستاذ صقر،  تاخذ مكاني وانا يتغير شغلي لانه بهذا الشي يا استاذ هادي  انتوا خدشتوا مصداقيه العمل وشفافيته وعدله واتوقع ان الاستاذ صقر ما يرضى بهذا الشي...

غيداء رفعت حاجبها وهي تناظرها تعجب من كلامها!!..

اما هادي فقال ببرود:  اتوقع يا سهى انه ما حصل لك اي نقص في مكانتك بالعكس احنا رفعناها لمكان  ثاني لكون انه الجناح الثاني في الشركه يحتاجك  اكثر انتي خبرتك صارت جداً كبيره وعميقه وفي قسم ثاني في الشركه يحتاجك ويتطلب معلومات  مثلك يعني هل من الصحيح انه أخذ المتدربه لشغل كبير وتمسك قسم وهي للحين متدربه؟  ولا من الصحيح انه اخذ الموظف ذو الكفاءة العاليه والمعلومات المتكامله عشان يمسك شغل اكبر من اللي كان فيه بينما المتدربه تبقى تحت اشرافي و تعليمي الى ان تصل الى تطور اللي وصلتي له انتي، و في اللحظه اللي تكون اصبحت معرفتها كبيره باخذها القسم ثاني وبجيب متدرب او متدربه ثانيه اشرف على تعليمهم  ثاني شي والمهم يعني انا ما ادري وين الخدش في الشفافيه والمصداقيه في الموضوع  انا اشوف انه يمكن كان طريقه التقديم او ابلاغك بالموضوع شويه سريعه،  لكن هذا الشيء كان مدروس من قبل وكنت ببلغك فيه...

سواء  جاءت اخت صقر او ما جاءت القسم الاخر يحتاج موظف يكفاءة عاليه وانا ما شفت هذا الشيء الا فيك انتي سواء كانت جاءت الاستاذه غيداء  او ما جاءت انتي كان بيتغير عملك وبتتركين المكتب هذا وتنتقلين  لشي ثاني وتمسكين شغل اهم..

سكتت  سهى وما ترك لها مجال انها تهاجمه بالكلام وعلى طول طلع لها تبريرات نوعاً ما مقنعه لكن هذا الشي كله هي ما تبيه هي تبي تكون مساعدته فمشكلتها مو مع تغيير الوظيفه مشكلتها مع انها ابتعدت عنه..

هادي رفع حاجبه وقال:  واذا كان مشكلتك مع الراتب فانا اتوقع ان الراتب للشغل اللي مسكتيه اكبر من راتب انك تكوني مساعدتي..

سهى:  لا مشكلتي مو مع الراتب مشكلتي انه كذا فجأة  تجي هذي وتاخذ وظيفتي وانا ما مني اي تقصير..

غيداء  بنرفزة  قالت:  شوفي انا من الأول ساكته لك وانتي تدقين في الكلام أخذت وظيفتي وساطه جاءت لي ومدري وشو   اول شي احترمي نفسك ثاني شي  انا ماني مشفوحه اجي اخذ وظيفتك ولا عشاني اخت صقر انا جيت هنا على  انه عندي ماده اقدمها لانه عندي شغل اقدمه، ثاني شي   انا ما لي اي علاقه في انه تم تغيير وظيفتك لا تنظرين لي بنظره اللي مظلومه وعلى اساس انه انا جيت اخذ وظيفتك وافنشك من الشغل انا هنا عندي شي  اقدمه موظفه مثلي مثلك ما في فرق انه انا اخت صقر ولا مو اخت صقر واذا قلتي لي اقعد عشان تسمعيني هذا الكلام انه انا ما جيت هنا الا بالوساطه فيا حبيبتي اذا تبين الموضوع كذا  انا ما احتاج أصلاً انه اتوظف انا عندي الحمد لله خير وما جيت هنا الا لانه عندي موهبه وعندي خبره ابغى افيد فيها شركه اخوي تمام شركه اخوي ركزي ابغى افيدها يعني انا ماني جايه احط مستواي وافكر كيف اني افنش موظفات او اخذ وظيفتهم منهم،

انا جايه هنا اقدم عمل لشركه اخوي اللي تعتبر شركتي من جهه اخرى ومنظور اخر.
يعني لا تخافين انا ماني مشفوحه اجي ابحث وراك
واشوف وش انتي  تسوين واخذه عليك..

هاادي شاف انه غيداء بدأت تعصب وممكن انه هي تقول كلام ما يرضيه وما يرضي سهى  لذلك قال:  خلاص انتهى الموضوع انتي يا سهى موظفه قديره عندنا في الشركه وما نستغني عن خدماتك ابدا ونحتاجك هنا كشيء اساسي  ولا في لذلك تنقيص من حقك ولا من قدرك انه ابعدناك من هذه الوظيفه بالعكس انا خليتك تمسكين شيء اهم وشيء انا ماني مرتاح الا اذا شفت انك ماسكتيه  انتي وبتطمن على الاخر ان الشغل ماشي تمام..
فعشان كذا استقالتك طلبها مو مقبول  ما نستغني عنك ابدا واعتذر اذا كانت طريقتي في تقديم الموضوع لك  شوي شديد  وسريع لكن انا كنت افكر فيه من قبل وكنت ببلغك بطريقه ثانيه ولكن جاء الموضوع بسرعه وكنت  مستعجل لذلك انتي  فهمتيه غلط..

انتي مكانتك في الشركه كبيره ولك احترامك ولك تقديرك وخدماتك جدا رائعه وما يمكن احنا نستغني عنها ثاني شي في نقطه ابي اذكرك عليها عشان يعني ما تتحسسين من الموضوع اذا تذكرين في بدايه ما فتحنا الشركه انتي جيتي وقدمتي على الوظيفه فكنت مساعدة  صقر لما كان هو المدير التنفيذي وبدا يفهمك الاشياء من الصفر بعدها جيت انا..

وانتي غيروا وظيفتك وصقر خلاني المساعد  الخاص فيه وبدا بتدريبي لين ما قدرت انه اتوظف بعد ما شاف انه خلاص المعلومات اللي عندي صارت كفايه وما عاد احتاج الى تدريب فصرت انا  المدير  وجابك انتي مساعده خاصه لي..

وهو طلع من هذا الموضوع الحين نفس الكلام قاعد يتكرر اذا الاخت الاستاذ صقر جايه تتوظف فتحتاج
من يدربها ومن يأهلها بعد ما نشوف انه هي اصبحت متكامله المعلومات والشغل عندها صار واضح ومتمكنه  منه  بنرقيها ونجيب مساعد اخر..!

احنا فقط عمليه سير للشغل يعني الموضوع ما يحتاج  تحس وتتضايقي من الموضوع..

سهى هزت راسها بالموافقه ووقفت وهي ساكته وواضح عليها جدا انها زعلانه واعتذرت من هادي  وطلبت استئذان انها تطلع ووافق..

اما غيداء فكانت ساكته وتناظرها وتخزها بعيونها وهي تحس انها ما ارتاحت لها ابدا وقرفانه منها فوقفت غيداء قبل يقول هادي  شي وقالت  :  وانا بعد استاذن في عندي شغل اذا ممكن انه اطلع..

اومئ هادي  بالموافقه وطلعت غيداء بسرعه ولحقت سهى وقالت:  هيي بنت انتظري..

وقفت سهى والتفتت لغيداء وقالت:  نعم؟؟!

غيداء:  ابي اللابتوب اللي معك اللي كان خاص  بالمكتب وفيه المعلومات الخاصه باجتماعات هادي

سهى  تكتفت ورفعت حاجبها وقالت:   وليه ان شاء الله؟

غيداء  تكتفت وقالت بشخصنه:  والله اشوف انه انا صرت الحين المساعده الخاصه في الاستاذ هادي فاتوقع ان المعلومات اللي في هذا اللابتوب لازم تكون عندي لانه شغلك صار شي ثاني تماما لذلك ولا عليك  كلافه جيبي اللابتوب لمكتبي..

سهى ببرود:  والله يا عزيزتي اللابتوب هذا لاب توبي فما راح اجيبه   لأي احد اذا تبين لاب توب خذي لك لاب توب من اي مكتب وتعالي لعندي لما تحسي انه في معلومه ناقصتك ممكن اقدمها لك اذا كنت فاضية..

غيداء:  اتوقع انه الحين صار مكتبك ثاني واتوقع انه فيه لاب توب كمان  فبتدخلينه وبتشوفين اللابتوب امامك تبدأين فيه شغل جديد، مكتب جديد،  انا ادخل المكتب اشوف اللاب توب اللي كان فيه وابدأ  اواصل شغلي لذلك اذا سمحتي تكرماً ولطفاً تجيبين اللابتوب عشان ابدا شغلي..

سهى ناظرت غيداء من راسها لين  رجليها وقالت:  الاب توب هذا احتاجه والمعلومات اللي فيه انا اللي بحثت عليها وانا اللي اوجدتها وتعبت عليها وماني مقدمها لك سواءً  كنتي  اخت صقر او مو اخته.

شدت  غيداء على يدها وهي تحس انها  بدأت  تعصب وهزت راسها بالموافقه ومشت عنها..

اما سهى صدت وهي صاره على  اسنانها بكره وراحت  راجعة  لمكتبها مع انها تعرف انه مو من حقها انها تاخذ لاب توب خاص بمكتب و فيه معلومات المكتب ثاني لكنها شخصنت  الموضوع مع غيداء وكارهتها لذلك مستحيل تقدمه لها وتساعدها باي معلومه..

أما غيداء فكانت امكر منها وكانت عارفه بحركاتها هذه لكنها ما حبت تصغر عقلها في  ثاني يوم شغل لها  وبتحل الموضوع بطريقتها...

وتوجهت لمكتب هادي مره ثانيه ودقت الباب ودخلت لما سمح لها وقالت:  عفواً  استاذ هادي بس حبيت اسئل..

هادي:  تفضلي؟

غيداء:  من وين اقدر انه اجيب لي  لاب توب..

عقد هادي حواجبه وقال:  ليه المكتب ما فيه  شي؟

غيداء تمثل الاستغراب:  لا ما فيه شي وبعد كنت ابي اسئلك يعني اذا ممكن احد يساعدني اشوف المعلومات السابقه عشان اكمل منها يعني ما حقدر انه ابدا المعلومات مثلاً من  الصفر الى الحين..

هادي:  المفروض انه اللابتوب الخاص في المكتب عندك،  صبر اصبري  شوي بيجيك انا بسئل  وينه  مو مشكله..

طلعت غيداء وهي مبتسمة  بمكر وقالت بهمس:  ايه توك صغيره يا سهى انك تكوني خبيثه على غيداء دانا استازه يا حببتي..

جلست غيداء على مكتبها وناظرت هادي من خلف الزجاج الي  رفع هاتفه وو اضح انه يكلم احد..

بدأت غير تقلب في الملفات تشوف الصفقات الأولى والشغل الأول وما هي الا دقائق وشافت موظفه جايبه لاب توب لغيداء ابتسم غيداء بهدوء و شكرتها واخذته وفتحته وبدأت تستكشفه عشان تبدا تجمع المعلومات اللي تحتاجها عن فيّان...

ومن هنا تبدا قصه غيداء و  هادي وشركه فيّان.....

______

"فاهد".

نزل نظره ليديهم المشتبكه ببعضها وخرجت منه تنهيده طويله وناظرها مره ثانيه شافها تناظر ولدها وعيونها مليانه دموع شد على يدها بقوه وهمس: طال البعاد  وشاب القلب وهو ينتظر متى تشبعين كبريائك وعزة نفسك.  

غمضت العنود عيونها وحركت اناملها وهي تنوي تسحب
يدها من يده لكن فاهد شد على يدها اكثر وقال: كم باقي سنين اصبرها؟ 

بلعت ريقها وهي تشتت نظرها
فاهد ناظر جواد الي على المسرح فرحان مع الطلاب وفرحته الحين اكتملت بشوفة أمه وأبوه .

فاهد بهدوء:  سنه؟  سنتين؟  ثلاث؟ ولا لين يتزوج جواد ونلتقي في زواجه؟!

العنود سحبت يدها وناظرته تتصنع القوه وهي منهارة من الداخل بسبب شوفته بعد كل هالسنين: طريقي وطريقك انتهى زمان ولا نسيت؟

فاهد ابتسم وهو يناظر عيونها:  ما انتهى.

العنود بحده :  انتهى ولا تبي اطعنك من جديد عشان تتذكر..

فاهد انحنى شوي وصار قريب من اذنها وقال بأبتسامة: 
انتي لي وزوجتي وام ولدي وحبيبتي وشيخة قلبي..

غمضت عيونها وهي ترتجف وسحبت نفسها لكنه مسك يدها بقوه ورفعها لمكان جرحه وهمس:  هنا مكان الطعنه لكن صدقيني مالها أثر الأثر الي في قلبي اكبر..

سحبت العنود نفسها بقوه منه وهي تحس كل جسمها يرتجف وصدت بسرعه بتطلع من المكان الي هو فيه بتهرب من المكان الي يجمعها فيه..

لكن وقفها صوت صغير:  ماما..

توقفت رجولها وركض جواد بفرحه وهو يضمها من رجولها التفتت العنود له غصب عنها وجلست لمستواه وضمته لكن جواد مد يده لابوه وجلس فاهد على الأرض لمستوى جواد ولف جواد يده على عنق ابوه واليد الثانيه على امه وضمهم الأثنين وهو مبتسم بفرحه بينما العنود دموعها تنزل وهي ترتجف وفاهد غمض عيونه بقوه ودقات قلبه متسارعه وهو يشوف راس جواد يفصل بينه وبين العنود رفع فاهد يده وطوق ظهرها وشدها له هي وجواد واحتضنهم....

أبتعدت العنود  عنهم ووقفت وهي تعدل نقابها ووقف فاهد وهو مبتسم وقال:  هذا اليوم جوادي الشطور بما انه  حصل على الجوائز وتكرم لأنه من الممتازين جبت لك هذي  الهدايا وبعد بطلعك انت وامك تتغدون برا وأوديك الملاهي وش رايك؟.

جواد فتح عيونه  بفرحه هو يصفق وقال:  حلو حلو يا بابا..

العنود ناظرت فاهد بصدمه:  انت وش قاعد تقول؟؟

فهد تقدم منها ونزل لمستواها وصار عند اذنها وهمس:  انا كلمت الشيخ هزاع واستئذنت منه اني اطلع ولدي وزوجتي اليوم..

العنود من بين اسنانها:  انا ماني زوجتك.

فاهد:  انت زوجتي واتوقع انه عقلك كبير وما بتخلين الولد يتعقد وتتحطم كل مشاعره في هذا اليوم المهم بالنسبه له وبتقبلين  انك تطلعين معي عشان جواد، و في النهايه انتي زوجتي ولازم تستوعبي هذا الشي  واذا انتي مو متقبل هذا الموضوع ولا مستوعبته الحين اخذك وتروحين للمحكمه ترفعين علي قضيه خلع..

شدت  العنود على يدها ورفعت راسها وناظرته وقالت:   ابطلع معك  مو عشان شي،  علشان جواد وبس..

ابتسم فاهد وقال:  لين متى وانتي تكابرين؟  لين متى و هالخشب مرفوع كذا ما يتنازل؟ ما كفاك سبع سنين انتقمتي مني فيها أشد الانتقام؟  ما يكفي!؟

ما ردت عليه  العنود وابتعدت عنه وناظرت  جواد وقالت:  يلا ماما..

جواد بزعل:  ما بنروح مع بابا؟  ماما  الله يخليك الله يخليك لا تسوين  كذا  بابا قال بيطلعنا!!.

فاهد ناظر العنود وهي رفعت نظرها بسرعه وقالت :   بنروح يا ماما بنروح ابتسم جواد فرحه وقال وهو ينط:  يا سلام.. يا سلام..
وهو يصفق وينط من الفرحه وابتسم فهد وهو يشيله ويبوس خده وناظر فاهد العنود ومدلها يده لكنها قلبت عيونها  وصد ت بوجهها..

تحنحن  فاهد  وأشر بحاجبه على جواد اللي يناظرهم تأففت العنود ومدت يدها ليده  وضغط عليها فاهد بقوه وقال: ما  تشوفين يدي مشغولين واحده حامل فيها جواد والثانيه ماسك يدك  اذاً انتي اللي بتشيلين الهدايا..

قلبت العنود عيونها ونزلت تاخذ الهدايا اللي على الارض ومشى فاهد  وهو مبتسم ويضغط على يدها كل شوي واللي يشوفهم يقول هذه أسعد عائلة...

_______

" جواد "..

كان جواد هو واخوانه كلهم عدا فاهد وهادي..

متوجهين الى بيت عمهم وجميع سياراتهم

وقفوا سياراتهم عند بيت $حمدان" اللي ارسل لهم هادي اللوكيشن تبعه..

ونزلوا من السيارات وهم يناظرون بعضهم الثاني..
قال جواد:  انا من رأيي انه اول شي ننادي ولده حمدان وهو بيشوفنا وبيقلطنا للمجلس ومن بعدها نبدأ  بالكلام ماله داعي نهجم كلنا...

عسّاف:  وانا بعد من رأيي كذا..

جواد:  اجل انا بدق عليهم الباب وبتكلم مع حمدان وإن شاء الله يصير خير..

يوسف:  إن شاء الله ما يتضايق عمي عشان فاهد ما جاء..

جواد:  فاهد يقول صار له شغل خلاه يرجع للديره وانت تدري أن فاهد مو اي شغل يرجعه اكيد شغل كايد اما هادي  فعمي  ما بيشره  عليه اول شي هو ما يعرفه، ثاني شي  هادي لازم انه يروح الشركه اليوم، لانه في شغل مهم ما يصير يتأخر ويوم ندخل لعمي ونكلمه ندق على هادي وبيجي له  انا خايف الحين  عمي ما يقبل  يقابلنا..

الكل اتفق مع  جواد في الكلام وتقدم جواد من الباب واخوانه  كل واحد واقف عند سيارته كانوا كثير جاهه كثيره عند بيت حمدان  .

وقف جواد عند باب البيت ورفع يده ودق الباب والتفت  يناظر  اخوانه ورفع يده مره ثانيه ودق الباب وجاه صوت حرمه كبيره:  من؟

تحنحن جواد وقال: حمدان موجود؟

جده حمدان:  لا والله يا وليدي مو موجود طلع شغله لكن بيرجع قريب من تبيني اقول له؟

جواد ناظر اخوانه وأشر لهم أنه مو موجود..

وتحنحن مره ثانيه وقال:  زين عمي عجلان موجود في البيت؟

عقدت الجده حواجبها باستغراب وهذه المره الاولى اللي يجي يسئل من عجلان:  اي وأنا امك موجود من انت؟.

جواد:  ولا عليك امر ممكن تنادينه ابيه  بكلمة  راس..

الجده استغربت اكثر وقالت:  وين أناديه وانا  امك الرجال طريح الفراش ما يقدر يوقف ليه وش تبي حمدان فيه شي؟  صاير له شي؟..

جواد حس بحزن كبير على عمه وقال:  لا لا تخافين ما فيه  شي بس نبي نقابل عمي عجلان  .

الجده:  من انت وانا امك؟

جواد اخذ نفس عميق وقال:  جواد بن جراح..

فتحت الجد عيونها بصدمه وهي تعيد الاسم وهمست:  ابن جراح؟؟

جواد بتردد:  يا عمه ولا عليك امر ابي اقابل عمي اذا تسمحين قولي له جواد يبي يقابلك..

ما عرفت  الجده وش تقول والصدمه مستحلتها على الاخر من بعد هذه السنين الطويله والكثيره يجي واحد من عيال جراح!!!! وش يبون  من  بعد هذي السنين كلها؟  وش  الي ذكرهم فيهم؟  ..

لكنها مع ذلك فتحت الباب وبان لها وجه جواد..

وجواد رفع نظره لها وشاف عجوز كبيره واضح عليها التعب وشقى  السنين نزل نظره وقال:  وشلونك يا عمه

الجده كانت تناظره بصمت رجال كبير!  اخر مره شافته وهو صغير يتعدى عمره ال 14 ولا 13 هذا هو رجال كبير قدامها جسم وعرض وطول همست بعدها بصدمه قايله:  انت جواد؟!

تنهد جواد وقال:  انا يا عمه  انا جواد شلونك  وش اخبارك عساك طيبه؟  وشلون صحتك؟ شلون عمي وش اخباره؟  عمي وين هو؟ 

نزلت دموع الجده وقالت:  ادخل يا امي ادخل حياك الله تقدم..

جواد بكل  لهفة  يسلم عليها ويقبل راسها باحترام

الجده كانت تبكي وهي تسئله وشلونه وشلون اهله  وامه وخالاته وهو يرد عليها بعدها قال لها:  اخواني برا جيناكم بنشوف عمي بنسلم عليه...

ابتعدت الجده عن جواد وطلعت راسها من الباب وشافت اللي واقفين عند سيارتهم رجالك كبار كل واحد اطول من الثاني ورجعت نظرها  لجواد وقالت ودموعها على خدها المجعد:  خلهم يدخلون وانا  امك خلهم  يدخلون بيت عمهم ما هو غريب.. الا  وشلون سمح  لكم ابوكم تجون لنا وتتذكرونا من بعد هالسنين كلها؟.

جواد نزل راسه وقال:  ابوي مات من سبع سنين!

نزلت الجده راسها وقالت بهمس:  هذا هو صار عند ربه!.؟ " قالت "  نادي اخوانك وانا امك وخليهم يدخلون المجلس وانا بروح لعمك وبكلمه انكم فيه..

جواد اومئ  وقال:  حمدان وينه؟

الجده:  حمدان في شغله  الله يستر عليه يمكن يجي  الحين ولا بعد شوي انتوا  أدخلوا المجلس وعمك بعلمه عنكم وان شاء الله انه يجيكم..

جواد اومئ  بالموافقه  وقال:  بنادي  اخواني الحين!   .

  راحت الجده لداخل وهي تمشي بخطوات ثقيله والى الان ما هي مصدقه ان بعد هذا السنين كلها جاءوا وتذكروا عمهم تدري ان عمهم اكيد بيعاتبهم وبيستقبلهم بعتب كبير ويمكن ما يقبل انه يقابلهم  لكنها قررت تعلمه لعل الامور تتحسن وتتصلح من بعد كل هذا الغياب وبعد هذا التعب والشقى طول السنين الماضيه لعله يقبل يقابلهم ويجتمع شمل آل فارع اللي فرقّهم جراح بظلمه وطغيانه..

.....

يتبع...