رواية #انتي سيوف الثأر في اجفاني الفصل الثامن عشر 18 - بقلم الكاتبه سمو العراق

البارت الخامس عشر
رواية...انتي سيوف الثأر في اجفاني
بقلمي..سمو العراق

قفل السياره وشغلها ضليت ادك علئ باب السياره واحس الدموووع تتطافر من عيوني وما تلمس خدودي الشاحبه الخوووف تملكني وقتل كل خليه بجسمي

حرك السياره وانقتل عندي الامل

ركضت واني اتعثر بخطواتي

تحرك بصوره بطيئه وكفت علئ باب سيارته

ضليت ادك علئ الجام واني ابجي بصوره تكطع الگلب

جان مركز بعيووونه علئ الشارع وابد ما باوع بوجهي جنت اتوسله واحلفه بروح مهتدئ بس هو مكان يسمعني لان مقفل الجام

باوعلي بهدووء وكف السياره بس ما فتحه ضليت احجي وياه بس صوتي ميوصل اله

يباوعلي بحقاااره وابد ممهتم

دار وجهه ورجع شغل السياره مره ثانيه

وكف كلبي من الخووف اديييه ترررجف مثل السعفه تحت اعصار قوووووي

ورجليه انثنت شفايفي خدرت وجسمي عبالك مثل النمل مشئ بي

حسيت شئ صعد علئ رجلي مااعرف دوده عقرب حييه

تخبلت ضليت ارفس برجليييه وصرررخ واركض هييج وهييج حالتي تصعب علئ الكافر صار عندي نهيااار مو طبيعي صووت صررراخي لم الكلاب

من شفت الكلاب صرررت اصررخ بااعلئ صوتي وارفس برجليه واركض بوسط المنطقه الترابيه

شفته نزل بسرررعه من شاف الكلاب تقربت مني

بسرعه سمعت صووت اطلاق رصاصه جانت من مسدسه وكعت علئ الارض والتراب البارد ترس ملابسي واديه ورجليه

انهزمت الكلاب من صووت الرصاصه

احس راسي راااح ينفجر ومن الخوووف ضليت اتقيئ...

هو تقرب مني لزمني من اكتافي ورفعني جنت ناعمه وهو ضخم

دفعته بقسوووه وهجمت عليه اضربه بعشوائيه وضعف

هو حضني حيييييل وقيد مقاومتي حسيت كسر اضلاعي بحضنه...

ضليت اشهك من البجي وانكطع نفسي

سحب حجابي ونزعه مني مسح شفايفي بحجابي وضل يمسح على شعري بهدوء وهمس بكلمات غامضة تدل على خوفه من ضلام المكان ورهبة المنطقه...

ضربته علئ صدره حيييل ودفعته بس هو ماتركني حسيت بسلاحه قريب من خصري كتمت انفاسي خفت تثور عليه طلقه من طلقاته لزمت ايده بعدتها من خصري هو افتهم اني خايفه من مسدسه ابتعد بسرعه....

وكفي ووكف شمر شالي بعيييد عني

شالني بين ايديه وفتح باب السياره صعدني ولبسني حزام الامان جان صوت شهگاتي تطرب بااذنه لكن هو ممهتم

انكطع نفسي من الشهكات المتتاليه والحسره الئ تاكل بصدري

همس بصوت ناصي...كافي راح يوكف گلبج

كتله بشهگه..ااا ان اءء اهه ان شاء الله

ابتسم ابتسامه جانبيه وحرك السياره

ضليت اسعل وكح من كثر البجي

كال بعصبيه...مو اكلج كافي هسه انوب انشحطت

كتله...مااا ما ععع عندك مي

كال...عندي بس بانزين بالصندوك

سبيته بكلبي كبر لفه لو بيده يشربني بانزين الصهيوني مستر عقده اكوو واحد هيج يسووي شمر بالشارع والله بعد مااعانده هذا خبل كولشي يسوي

شعري جان طالع كل مانوصل مكان ضاوي وكال نزلي راسج لحد يشوفج

واني انزل راسي باانكسار بعدين عنده قطعه مال قماش بيضه يخليها من الشمس علئ الجام

كال البسيها حنوصل المنطقتنه

لبستها مجبوره ومسحت دموعي بسرعه

وصلنه للبيت

نزلت سديت الباب بهدوء

وهو نزل قفل السياره وركنها

فتح الباب واني كنت وراه كان السكوت سيد الموقف....

اول مدخلنه استقبلتنه ام خالد بالهفه

ام خالد...هااا يمممه خالد كووون بيك شئ

خالد ببتسامه...لاما بيه شئ شوفي الحمدلله

باوعت عليه وتلاشت كلماتها من شافت شكلي

همست بذهول...شش شصاير

تقربت منها بخجل باوستها وسلمت عليها وصعدت فوك اركض ودموعي تتطاير من عيوني

ام خالد...خااالد يمممه شصاير شبيها مريتك؟

خالد بتصريفه...هههه ماكوو شئ يمه والله

ام خالد بقهر...ضاربها؟

خالد...لا والله ما ضربتها

ام خالد...انت ليش مسودن البنيه لزكت بااهلها واني كتلها روحي ليش تجيبها وتضربها انت ليش متخاف الله وماتحترم انا امك أنه كتلها روحي

خالد بضحكه...والله العضيم مضاربها

ام خالد...جاا شبيها تبجي ؟

خالد...بنص الطريق نزلنه نشتري مي وهجمت علينه جلاب وهي تخبلت وضلت تبجي وهذا الصار

ام خالد بشك...وروح مهتدئ مو انت ضربتها

خالد..وروح مهتدئ ما ضاربها

ام خالد براحه...ريحتني يمممه حاول تهدئ اعصابك بعد امك المره تكسبها بالكلمه الحلوه

خالد بتنهيده...إن شاء الله يمه

ام خالد...يممه خالد باجر تجي خالتك من الكوت هي وبنت ابنها نريد نروح للنجف

خالد...شنوو تجي من الكوت وشوكت ترحون

ام خالد...اي تجي من الكووت باجر من غبشه « الفجر» ونروح من وره الغده ونبات بالنجف

خالد بقهر...الله كريم ان شاء الله ترحون وترجعون بالسلامه....

ام خالد...الله يسلمك يمه بس ترئ ما عندي كروه

خالد بصدمه...يممممه اصيرلج كررروه. صدك جذب

فتح محفضته وطلع مبلغ مالي وانطاها باس ايدها بحنيه وترخص منها وصعد

.......

اول مصعدت فوووك بجيت بجيت بجيت منا لمن احس عيوني غوشت ورمت

بسرعه بدلت لبست تراك اسوود مثل حياتي ويه خالد وغسلت وجهي تمددت علئ القنفه وسترجعت الموقف الي مر عليه قبل شووويه

انقطعت انفاسي من كتم العبره سمعت صوته اجه فتح الباب ودخل سويت روحي نايمه

تمدد علئ السرير بكامل ملابسه

اتخبلت من كل عقله ينام بملابس الطلعه بس مو غريبه هو اربعه وعشرين ساعه دايح ومن يرجع من كثر التعب ينام بملابسه وحتئ بحذائه

وكف وتوجه لكنتوره طلع تراك اسود ودخل للحمام استغفر الله اخذت غيبته

لا غيبه علئ الفاسقين

رجعت عليه لحضات الذل واني ادك علئ باب سيارت لو يدري بابا ميرضاها والله احساس ميوصف مثل المجديه واتوسله ولا كسرت خاطره

رجعت الرجفه لانفاسي المكتومه

هو طلع من الحمام واني غمضت عيوني وجفاف الدموع ساير علئ خدي...

كعد علئ السرير ...

همس.بهدووء...دااانيه

كتمت انفاسي وحاولت اضبط انفاسي وابين اله اني بسابع نوومه بس هيهات الرجفه تعتريني من الاسفل للاعلئ

رجع مره ثانيه صاح بصوت عالي...داااااانيه

همست بخووف...هااااا

كال...تعالي

وكفت بيأس وذل وخوف...ومشيت بخطوات تعبانه وصلت امامه

جان كاعد علئ طرف السرير وينشف بشعره شمر المنشفه علئ الارض ولزم ايدي الناعمه بيده الخشنه

رجفت ايدي بحضن ايده باوع بعيوني وراقب مدائن القلق الموجوده بعيوني

سحبني الحضنه واني عبالك اخذت منه اشاره لزمت بتشيرته حييييييل وبجيت بصوووت عالي

هو حضني حييييل سحبني تمدد ومددني بصفه

همس بصوت جامد...اااااش كااافي نعسان اريد انام

استشعر تنهيدات الخوف الي تقصف وجداني

دفن وجهي برقبته وضل يمسح علئ شعري المجعد

غفيت بحضنه ودموعي تشكي اله مو الغيره من ضلمه وجبروته وتعنته....

ما عاتبني ولا عاتبته تركنه مشاكلنه للايام...

بكيت كثيرا تلك الليلة، حتى أقسمت لدموعي أني لن أغفر له.💔
..............
.

سحر .. جده جده اريد اروح وياج فدوة ..

-ولج وين ترحين وياي يجدة الدرب بعيد وخاف تعبين يصير وياج شي ابقي هنا ..

سحر باحتجاج .. ما .. ما .. اروح وياج اروح ماابغى هنا ماابغى ..

-انت شون وياج ماتملين ولا تهجعين كون طكج البين وقسمج نصين .. كومي بدلي يلله .. كومي ..

سحر .. فرحت من بيبي غبلت(قبلت) اروح وياها لبقداد مشايفتها .. رحت ركض بدلت لبست تنورة سودة وغميص رصاصي .. وفوكهم عباية اسلامية عريضة دورت شال رصاصي ماعندي .. لكيت بنفسجي لبسته وحذاء ابيض غديم شويه ومسحوت بس هذا العندي .مفتوح من كدام ومبين اصابعي السته
.
وجنطة السيور مالتها طويله لحد الورك صارلها هواي ومديلها غديم ..

رحت البيبتي .. يلله بيبي خلصت

ظلت تباوعلي بامتعاض وموغابلة (مو قابلة) على روحتي وياها .. بس اني مااهتميت الها اريد بس اروح ..

لبست جواريبها وعباتها .. وكامت
كالت يلله امشي يمصكوعة امشي ماخذتلي علاكة وياي انه ..
تمشي وتتأفأف .. وصلنه للشارع ركبنه سياره وصلتنه للكراج وهناك يصحيون بقداد بقداد ركبنه وكوووه يالله غبطت..« قبطت»
ومشه بينه .. طول الطريغ ابتسامتي مافارغت (فارقت) مغلتي (مقلتي) .. كلش فرحانه راح اشوف بقداد  جان الاذان ما مئذن وجوو حلووو الطريق طووويل والنسمات الهواء تداعب بشرتي..

وصلنا لبيت ابو خالد دكينه الباب طلع النا شاب
طوويل ومعانيه حلووه بس شكله مألوف وجني شايفته)..

رحب بينه ودخلنا لجوة .. ظليت امشي بخطوات تعكس خجلي وحيائي واحس عيونه تلاكني بنظراتها ..
تمنيت اطير ومايشوفني ظليت اكره نظرات الرجال اليه من ورة غيس وعمايله بيه ..

مرتضى .. اندكت الباب طلعت فتحتها
شفت خالتي ووياها بنية ..
بس جت عيني بعينها نزلتها بسرعة
عرفتها خجلت ..
وجهت نظراتي لخالتي سلمت عليها
واني فكري راح وي هاي البنية
اريد اعرفها منو ..

رحبت بيهم ..ودخلتهم جوه ..بالطرمة وكتلهم تفضلوا
بينما جاي تدخل اجت عيني بعينها مرة ثانية ..
دنكت راسا ..

صرت وراهم وهم دخلوا ..
ظليت اباوعلها صارت كتلة من الخجل وظلت تمشي باستحياء ..

طببتهم للصالة كعدوا ع التخم .. رحت اصيح لامي .
اجت امي والبنات سلموا عليهم ..
ظليت اباوع للبنية تسحب بملابسها ليكدام
تغطي اصابع رجليها ..
ركزت بيهم شفت اكو خلل .. عرفتها هاي سحر
الي عدها ست اصابع بقدم رجلها ..
بعدت نظري مااريد احرجها اكثر

اجه عمار كعد بصفي
طخني بايدي وهمس قريب مني
كال لك دشوف رجلها هاي عدها ٦ اصابع ..

باوعتله وخزرته لميت قبظة ايدي تمنيت ماتسمعه  .. خفت على مشاعرها لاتنجرح ..

عمار .. لك باع ملابسها جنها مكدية ههههه ..

درت باوعت اله هاي شبيك عمار شنو انت طفل وتقلد على البنية استحي عيب خطار عدنا ..

سحبت عمار من على التخم
كتله كوم عندي شغلة وياك ..

صار كدامي واني وراه لزمته من زنده والايد الثانية من كتفه وادفع بي.
وهو يباوع عليه ويضحك باستهزاء ..

طلعنا من الصالة
دخلنا لغرفتنه ..
كتله لك انت متستحي البنية حست ترة ..

عمار .. لك شفتها اول مرة اشوف قدم بست اصابع ..

مرتضى .. خلقة ربك ليش تعيب عليها ..

عمار .. بالله هيه هاي مرة ورانية مرة .. شتان مابين الاثنين ..

مرتضى .. زفرت نفسي بقوة .. انت شنو مصيرلك جارة لك شكو تقارن بينهم شجاب هاي على هاي ..

-اي انت كلتها شجاب هاي على هاي لك رانية كتلة من الانوثة اخخخ بس لو تقبل بية ..

انت متستحي والله رانيا لو تصير بنت ملك صالح ما اتزوجها وانت كاتل روحك عليها

عمار..اي ماعندك ذوق

مرتضى..شلون تقبلها تزوج وحده نامت بحضن اخوك وحبت غيرررك

عمار...اقبلها لان خطيه تتبهذل ومنو الطفلها وترئ مهتدئ يفرح من نحتوي مرته وابنها وما انهجولهم وبعدين هي اول وتالي تزوج صغيره وحلوه ودارسه يلكفونها لكف بس الطفل شلون يربئ عند الغريب

سكتت ماعرفت ارد عليه يمكن كلامه صحيح المقسوم مكتوب وانشوف اخرتها ويه هل حياة
...................

كعدت تقريبا الساعه ب 12 الضهر جنت نايمه علئ القنفه اني مو نمت بحضنه شجابني هنا

اي اتذكر فزيت من حلم مراودني تقريبا الساعه ب 3 الفجر شفت نفسي نايمه بحضنه حسيت بثقل علئ خصري

باوعت واني اتثائب بهدوء باوعت شفت ايده علئ خصري مدخلها من جوه التشيرت ومتلامسه ببشرت جسمي

فزيت مرعوووبه شكد ميستحي عبالي شريف وين مدخل ايده صدوك الرجال ما اله امان

بعدت ايده وكفت اني الهبله وين كبريائي الموقف السواه ويايه بالشارع لايمكن اي وحده ترضئ بيه واني الثوله نايمه بحضنه بعدت منه ووكفت

رحت نمت علئ القنفه ضليت صافنه من اجيت لحد هسه ماارتاحيت جنت متوقعته مثل مهتدئ حنين وروحه طيبه

جان مهتدئ رانيا لو دكله اشمر روحك بشط يشمرها وهو الممنون ونهارك كله مخابرات وضحك ومدللها دلال غامرها برومانسيته روحه المرحه

اني خالد يا اما يغلط يا اما يقلد يا اما يضرب مليت تعبت منه...

من كعدت الضهر لكيته ماكوو طبيعتي من ارجع انام ما اتغطئ شفته شامر الغطئ مقابيل القنفه هاي ثاني مره يسويها معناها تغطئ...

خرررب حضي اتغطئ بالحلم

كمت سبحت بسرعه ولبست تراك وفوكاه رووب طوويل وثخين ومشطت لبست شالي وحطيت شويه مكياج ورشيت عطر حتئ ما ابين اني متعاركه....

نزلت رحت للمطبخ سمعت فوزيه دكول لعمه

شني عروستكم شمسها عاليه اكوو وحده لهسه نايمه ترئ ما يصير هيج خطيه مرت معن تشتغل وحدها شني خدامه الخلفها

مرت معن...والله كل الشغل عليه هو احنه شتسفادينه من زينب يالله نستفاد من الثانيه

ام خالد...اششش شهل حجي اسكتن البنيه بعدها عروس

فوزيه...شني بعدها عروس العروس 3 ايام وتضل تشتغل هي النفسه بس تفوت كم يوم تكوم تكرب وتشتغل انتي ضالمه ام خالد وحده كاربتها كراب المطي وحده مخليتها نايمه علئ الريش

ام خالد...البنيه ناعمه وصغيره وخالد هم ينرادله عشر نسوان يخدمنه خلنها شووويه وبعدين هي تعرف شغلها

فوزيه...لا حاجيها خليها تعجن تخبز تنضف

ام خالد...اي اليوم اكل الخالد قبل لا اروح للنجف يحاجيها

يمممه ارتعبت لا مو من كل عقلها دكول الخالد رحت بسرعه لزمت المكناسه وطحت كنس للبيت وشكلت الصونده وغسلت حتئ الدرج

عمتي شافتني وضحكت كالت فدوه معدله

كتلها اي عمه اريد اعجن

كالت تعرفين

كتلها...لا بس اتعلم

كالت...روحي لمرت معن تعلمج

رحت شفت فوزيه كاعده تحشي براس مرت معن وعذراء كاعده فووك الطاوله جنها ناكه وتاكل بتفاحه

كتلهم ...مساء الخير

كالن ...هلا...« بس شايلات خشمهن عشتو»

كتلها...عفيه لمياء..« مرت معن» اريد اعجن ممكن تعلميني

كالت فوزيه...بعد وكت لو عليج يتغدون بالسبعه باليل

عذراء ...يمه عوفيها شغلها بس تعيط وااا ما واا وعلا شبيج

كلت بكلبي وعلا

كتلها ببتسامه..شسووي خالد يحب يسهر وياي

كالت عذراء...هاااا مو كتلج يسهرون للصبح

فوزيه...اي بس ميخالف لازم تكعد من صبح تشوف البيت شنو يحتاج

كتلها..اي ان شاء لله منا وهيييج واني ولمياء اخوات اكيد اساعدها

حبيت اكسب لمياء لصالحي

لمياء ابتسمت كالت ان شاء لله

كعدت ارتب وياهم الغده

اجت عمه صاحتني كالت تعالي سلمي على اختي

رحت وياها بخجل

دخلت المره كبيييره عجوزه وبصفها بنيه صغيرونه وسط جمالها

دنجت عليها وسلمت

كالت...هلا هلا هاااي الحلوووه مرة خالد يممه فدووه شلون خلغه..« خلقه»

ضحكت كتلها...تسلمين بيبي

سلمت علئ البنيه جانت مرتبكه ومتعرف تسلم دوختني تبوسني وتبتعد وترجع تبوسني واني ابتعد وارجعت عليها ودخنه ثنينه

كالت..شحلاتها ولج خيه ام خالد انتي من تجيبين هل بلابل

ضحكت عمتي كالت ...هو جابها ورادها

كالت..ما عدها اخت لغيس بس كون قير خطيبة مهتدئ

عمتي كالت...لا ماعدها بس هي وخطيبة مهتدئ وانتي تعرفين اريدها المرتضئ

انصدمت من كلام عمه تريد رانيه المرتصئ لا مستحيل والله اختي بعد متريد تزوج...

سكتت ماحبيت افشل عمتي كدام اختها

كالت الحجيه...هنياله خالد خووش حووريه طايحه بحضنه

ابتسمت بااستهزاء..راضي حضرت القاضي ابو الشوارع
تذكرت البارحه شلون خوفني ورعبني...

وكفت ورحت جبت السفره ضلينه ننقل الاكل وخلينه كوولشي عذراء الهيشه كعدت اول وحده وذيج السوالف ولا تستحي تحجي ويه الحجيه بااريحيه وعبالك تعرفها من ستين عام وتاكل بشراهه

عكسنا اني وزوجة معن واخت خالد اصلا من الخجل الاكل يوكع منا ومنا

خلصنا اكل مرة معن راحت سوت جاي واني لميت السفره

صبينه جاي وكالن حنروح

عمه كالت عمار يوصلنه للكراج نركب نفرات احسن

كتلهم...يعني حترحون بس والله تعب انت هسه اجيتو من الكوت...

كالت...لا اجينه من صبح واحنه متعلمين ما نتعب مو مثلج بنت بغداد مايعه

ضحكت كتلها...لا بالعكس هم نتحمل تعب شنو وحد

كالت...الله يخليج ويرزغج بالذريه الصالحه

ابتسمت...تسلمين بيبي

حضرت اغراض عمه والمتاع ومي وبخور المهتدئ وماخذه ورط وعطر ومي ورد وكعك وهوايه شغلات بثوابه....

دخلت عمتي كالت ياااا هذا عمير شالع كلبي مدري وين راح عود ردته يوصلنه

كتلها..مرتضئ موجود خلي يوصلكم

كالت..لا اريد عمار

اضطرت بعدين تاخذ مرتضئ

انتبهت المرتضئ عيونه علئ البنيه استغفرت ربي لعد مو يريد رانيا اشوو مفهمت..

شلون عائله تدووخ

طلعووو واني رحت غسلت المواعين

صعدت للغرفه رتبتها ضليت كاعده

فكرت زينب منوو اكييد جان متزوج وزوجته شالعه كلبه وديطلع خبالاته عليه

استغفر الله ياربي خاف اساله ويقرون عليه الفاتحه

احاول اجرجر عذراء او مرت معن

صارت الساعه بالاربعه وابو زيد الهلالي ما شرف مدري وين يروح مرات يجي باليل ماكوو شغل هييج

صارن دنيا ليل مليت من الكعده نزلت جووه

سمعت صوته جوه ويه اخووانه ديسولف

عمار يكوله...احزر اليوم منو اجتنه

خالد...منوو

عمار...هاااي ام قنيت الك قنيوه بالقرفه الصقيرونه وعش ما جيت يالقالي...ههههههههههههههاي

الترجمه...غنيت الك غنيوه بالغرفه الصغيرونه وعش ماجيت يا الغالي

مرتضئ بنص عين...لك شبيك من اجت لحد الان مستلمها اكس مربع لك وليدي عييييب

عمار...والله اكره هيج شخصيات

خالد...شبيها مو بشر

عمار...يا بشر عدها ست اصابع وقا وغا وجنطتها اقدم من جنطت حبوبتي الله يرحمها

مرتضئ...لا والله شبيها البنيه مرتبه وفقيره لو انت ما تعجبك الفقيره تريد ام لسان

حطيت ايدي على صدري يا هذا شوكت اجه وليش مصعد يالله احسن فكه منه ومن خبالاته

عمار...خاااب هي شنهي هااي ام الوصخ انوب امي تريد اتزوجها والله ما ازوج من ينزل ملك من السماء

خالد بااستهزاء...عليمن ينزل علئ العرگ

عمار...اريد وحده نازكه مثل رانيا هسه دانيه شكد نازكه وناعمه رغم خالد ملفلفها...

دانيه...ماسمعت بس الكزاز تكسر فزيت من كاعي

سمعته يكله...لك كلب حاااط عينك علئ مرتي سافل والله اله اشرب من دمك

مرتضئ يكوله...خالد خنكته علئ كيفك ترئ ميقصد

خالد ...يقصد ما يقصد اوكله نعل يحترم نفسه لا والله يعرف شسووي

عمار...خخخ خالد والله مو قصدي بس كمثال من كل عقلك احط عيني علئ عرض اخوووي

خالد...شوووف رانيه تنساها وتزوج سحر ورجلج فوك رگبتك مفهوم

عمار...اي اي مفهووم

حسيت بي اجه ناحية الباب واني معرفت شنوو اسوي ضليت الم بالاحذيه

هو شافني

خالد...داااانيه

دانيا بخوف...هاااا

خالد...شعندج هنااا

رجف كلبي من عيونه الحاده...لا هسه نزلت

شفت عمار ومرتضئ طلعوو

باوع عليهم واتبعهم بنظرته خارج البيت

كال..نضفي الاستقبال وسويلي ارگيله

كتله...اي حاضر اصبلك عشاء

كال ..ماا اريد تسممت

صعد هو واني دخلت للاستقبال شفته كاسر النفاضه جبت مكناسه ومكرافه ولميت الكزاز ونضفتها

رحت اسويله اركيلها معرفت اسويها ماعدنه احد ايركل...

ضليت محتاره لازمه الخرطوم

شويه ودخلت عذراء

كالت...شعندج صافنه وايدج علئ الخد اضنج عاشگه وابالج احد....

كتلها...يا عاشگه هاي مااعرف اسوويها

كالت..صدك جذب كله اني اسويها للولد

وكل مااسويها اخذلي نفس نفسين وخالد يحلفني اذا شاربه واحلف جذب وكل هل حلفان يغسل الخرطووم هههههههههاي لو يدري يتمضمض بقاصر

دانيه..ههههههه

اخذت الفحم وشغلت عين الطباخ وخلته

وبعدين خلت المعسل

كالت اخذيلج نفس دونه

ترددت بس شكلها حلوووو

اخذت الخرطوم وحطيته بين شفايفي اول مسحبت نفس انشحطت ضليت اسعل

عذراء...كلنه هيييج وبعدين عادي جربي مره ثانيه

رجعت سحبت نفس واحس الدخان دخل بخشمي وطلع من عيوني

رجعت اسحب صارلي واهس

ودخل خاااالد...

انرعبت ضل الخرطوم بين شفايفي وكلبي دكاته سرعت

تقدم نحووي واني رجعت سحب الخرطووم مني

ولزمني من ايدي كال...هلاااا اليوم اركيله باجر الكاج بالملاهي

كتله بخووف...والله والله عذراء كلتلي

كال..طاااح حضج انتي وعذراء هسه من الزمج اكصبج كصب احد يلومني

عذراء...لا والله محد يلومك

خالد...انجبي انتي

عذراء بنص عين ...انجبيت

حط الخرطووم بين شفايفه وجان لازمني من ايدي وجهي قريب من صدره اكصر شوويه اني

سحب نفس ونفخ الدخان بوجهي ضليت اكح واهفي بيدي

عذراء...هاااا هاااا شووو من حلك دانيا اخذتلك نفس واني تحلفني بالاحياء والاموات واحلف وترجع تغسلها...

خالد...جاااا انتي مثل حلك دانيا

عذراء...ياااا شبي حلكي يخبل جنه حلك هيفاء وهبي

خالد بعصبيه...دنجبي

عذراء...انجبيت

ابتسمت من كال هييج وخجلت

كال...سويلنه بعد وحده راح يجي صديقي

كتله...ابو لهب

غمض عيونه وحك لحيته بخرطوك الاركيله...ادري بيج داخله على سجل المكالمات وداخله علئ الفيس وممخليه مكان يعتب عليج بس ما لحكت اعاقبج ان شاء الله غير مره اوك

خله وطلع

عذراء...منوو هذا ابو لهب حتئ انطي خبر لامي تطكه بسحر

كتلها...لو تركضين علئ مستقبلج بكد متركضين علئ الرجل جان هسه انتي دكتوره

كالت...امده الدكتوره بدون رجل طحت بحب ابو لهب والله اذا تزوجنه اسمي جهالي لا قيس تهمار ومقلاص

كتلها يمه اسم الله شهل اسامي

عذراء..علئ اسامي ولد ابليس ههههههههاي

ضحكت سوينه الاركيله الثانيه ورحنه اني وعذراء وديناهم

صعد فوووك تركته هو ابو لهب بالكي يربيه وهيج يتعدل ولوو مااضن خبالات خالد زايده

نمت من التعب اليوم هووايه اشتغلت

وهو ضل انام واكعد وهو ماكووو

صار الفجر وهو ماكووو

بعدين نمت وعفته شنو ميته عليه عابت هل خلقه

كله احلامي بااختي واهلي وكوابيس خالد تخوفني مااصحيت علئ روحي

غير من لمست ايده علئ كتفي

فزيت باوعت عليه حطيت ايدي على شعري واني ارتبه...

كال...ادري ماكوو مشط كوومي مشطي وغسلي وجهج وتريكي وروحي اغسلي سيارتي بس مو تحكينها ويطيح الصبغ والله احك جلدج و ترئ الساعه بالعشره وانتي نايمه فايخه عمي وين لاكيته

كتله بعصبيه..جنت اكعد عند اهلي بالثنتين وبعدين شنوو اغسل سيارتك ترئ زودتها

كال بعصبيه....خاااااب كوووومي زودتها

اغسليها لا اغسلج غسل

وكفت كتمت غضبي

كال يالله اغسلي وجهج اريد اخذلي بوووسه

رفعت حواجبي ما راضيه

رحت غسلت وجهي عود هو نضيف الثور ما يبوسني لان جنت نايمه والله اذا يبوسني اغسل وجهي بتيزاب....

شفته متمدد يلعب بموبايله نزيت وركضت بسرعه حتئ ما يبوسني هو وكف راد يلحكني بس ما لحك

ضحكت وحطيت ايدي على صدري فرحانه

رحت كتلهم وين الزاهي دا اغسل سيارة خالد

هنه ضحكن كالن انتي تغسليها

كتلهن...اي شكوو بيه خطيه تعبان

كالن اخذته عذراء تغسل بسيراميك المطبخ مالت اهلها...

رحت هو بس باب بداخل البيت ودائما مفتوح وماعدهم ولد كبار عذراء الكبيره وكالن فوزيه بسوك

رحت لكيتها شاده الثوب وطالعه السيقان ملح

وتغسل بسيراميك

كتلها...صباح الخير

كالت...هلا دونه تعاي اغسلي وياي

كتلها...لا دا اغسل سيارة خالد

كالت...هااا شرايده

كتلها...الزاهي

كالت...هاج

شفتها تخلي ماده بالمي وتشمرها علئ السيراميك ينزال الدهن بسهووله

كتلها...هذا شنووو

كالت..بطش مال دهوون يطلع الاشياء تلمع

كتلها...انطيني منه

كالت..تغسلين بي السياره

كتلها...اي

كالت هاااج

انطتني بجيس ورحت

اول ماشغلت الماطور بالكراج وحطيت الزاهي والمي والبطش

شمرته علئ السياره

هي سوووده...صارت بيضه وسوووده مثل الحمار الوحشي

انصدمت من طااااااح صبغها لالا انجلطت يممممه شسووووويت والله اليووووم يذبحني

رشيت المي عليها صارت بالزايييد

رجفت شفايفي يرررربي شسوووي عمتي مو هنا وتحميني واخوانه ميعترف بيهم يممممه وييينج راااح يموتني

وكعت علئ ركبي واحس البطش قرح جلدي

البطش...ماده قووويه تزيييل الدهوون لكن تدمر الاشياء المصبووغه....

نهايه البارت....يتبع

كونوا هنا كونوا بخير....احبكم

سمو العراق...

لا تنسووو التصويت البارت جدا طوويل

اشكر صديقتي الكتابه المبدعه فديتها الي ساعدتني بالكتابه Nora-Naser😘😘😘