رواية اوركيدا
الفصل الاول1
بقلم دانيا
طلعت من البيت مستعجله وامي طلعت وراي واقفه في الباب وتوصي فيني خلي بالك من نفسك وقولي للمديرة امي قالت ليكي ردي عليها ضروي م تنسي ... قلت ليها تمام ياامي حاضر انا اتأخرت فادية اتلقي فاتتني ماشه على الميدان الفي شارع المدرسه محل بتلاقى مع فاديه شفتها من بعيد واقفه عديتو نصو جري ونصو مشي .
وصلتها سلمت ليها قلت ليها م اكون اتأخرت عليكي شديد ؟ قالت لي لا انا زاتي جيت هسي ، قلت ليها تمام يلا ورح شكله الجرس فضل ليهو عشرة دقايق من يضرب .... بقت تعاين بهناك لي قالت لي عايني وراكي " بتتكلم وهي بتتبسم " م اتلفت عاينت ليها بإستغراب وقلت ليها في شنو وراي ؟ ضحكت وقالت لي " روميو " جاء مسكتها من يدها قلت ليها عليك الله كدي سيبينا منو قليل الشغله دا .
اتحركنا ماشين على المدرسه قالت لي سبحان الله من دخلنا الثانوي دي السنه التالته لينا وكل يوم الصباح الود دا بطلع في زمننا وبقيف يعاين لينا من بعيد .... لكزتني في كتفي قالت لي قصدي ليكي لمن حفظ زمن طلعتنا ،، رايك شنو تاني لو طلع في وشنا نسألو نقول ليهو انت فهمك شنو ياود الناس ؟ قلت ليها جنيتي انتي دايرة الناس يقولو عننا شنو ؟ " غرام يونس ، و فاديه مدثر " واقفات مع ولد لالا مستحيل .
قالت لي م تفهميني غلط ياهبله انا قصدي نوقفو في حدو عشان حركتو دي غياظه افترضي يوم شافو واحد من اهلك ول اهلي ح يعملوا فيهو شنو ؟ سكت مسافه وكلامها حسيتو منطقي .... قلت ليها خلاص تمام انا المره الجايه لو شفته ح اتلكم معاهو عديل اقول ليهو عاوز مننا شنو تاني اوعك تراغبنا
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!