رواية اوركيدا الفصل العشرون 20 - بقلم دانيا

رواية اوركيدا

الفصل التاسع عشر 19

بقلم دانيا

دنقر منى وقال لي " انا عاوز اتزوج بت خالي " كلامو جاء على قلبي زي الصاعقه بقيت بعاين ليهو بعدم تصديق حسيت حواسي كلها اتشلت وقبل انطق بحرف رفع راسو عاين لي ومسك يدي الكانت بارده زي التلج !! قال لي ما تفهمي غلط ياغرام لكن انا جايبها لأمي جايبها تساعد امي " انا لسه مصدومه من اول كلام قالو واتصدمت اكتر لمن قال لي العذر الأقبح من ذنبو ، جايبه تساعد امي " سحبت يدي من يدو وبعدت عنو .. عاوز يتكلم تلفونو اتصل قام على حيلو رد على المكالمه وقال ااي ياايمن جاي عليك وطلع مشى خلاني مخي جايط وم مستوعبه اي شيء ،، علقت في مخي جملة تساعد امي دي اتزكرت روحي من جيت تعبت في البيت دا قدر شنو وخدمت امو دي قدر شنو وفي النهايه دا جزاي.

شبكت يديني في راسي حسيت بقصه في قلبي دموعي نزلو مطر .

احمد مشى الكافي الجنب الظلط لقى ايمن قاعد في الكرسي منتظرو اول ما جاء سلم عليهو وقال ليهو مالك يا زول شكلك م على بعضك ؟ احمد جرى الكرسي قعد فيهو وقال لأيمن اقعد ... قعد قال ليهو اها الحاصل شنو يامان ؟ احمد شال نفس عميق وقال إستغفر الله العظيم واتوب إليه والله ياصاحبي م عارف اقول ليك شنو لكن من الأخر كدا انا ح اعرس تاني ،، ايمن عاين ليهو بصدمه شديد وعدم تصديق مد يدو وختاها في جبين احمد وقال ليهو يازول انت نصيح ؟ احمد عاين ليهو بزهج وقال ليهو دا م موضوع مزح انا جادي معاك ... ايمن قام على حيلو وقف وبقى يعاين لأحمد وقال ليهو بنبرة غضب يازول انت مجنون ولشنو ؟ السبب شنو البخليك تقول كدا ؟ .

ردة فعل ايمن وصوتو العالي خلو الناس تزكر معاهم وبقوا يعاينو ليهم احمد بقى يتلفت وقال لأيمن هدي يامان اقعد !! ايمن قعد وقال ليهو شكله في سفرتي وغيابي حصل كتير لكن دا م بديك الحق تقرر قرار كبير قدر دا انت بت الناس الجبتها في بيتك دي واتمرمطت عشان تحصل عليها دي م ماليه عينك حرام عليك ... احمد مسح وشو بيدينو وقال لأيمن ماتسكت خليني اعرف اتكلم او اخليك واتخارج ،، ايمن سكت وبقى يعاين لأحمد قال ليهو اتفضل قول .

قال ليهو ياايمن المسأله م مسألة إنها ما ماليه عيني بالعكس انا ماليه عيني ومقتنع لكن المشكله في نقاشاتها مع امي دي !! ايمن قاطع كلامه وقال ليهو هسي الله يسألك داير تقنعني إنو دا السبب ماانت عارف إنو امك كانت رافضه من الأول فطبيعي يكون في خلافات .... قال ليهو لا ياايمن م كدا هم كانوا متفقين لكن في اللحظات الأخيره اصبح في خلافات بينهن وصراحه انا م ح اقول ليك غرام غلطانه لأنو الشيء البتشوفو امي غلط يمكن غرام م تشوف فيهو غلط لأنو هي جايه من بيئه مختلفه وكانت عايشه عشيه مختلفه ياخ دي يمكن كانت في بيتهم صحن م بتغسلو جات هنا لقت طريقة حياتنا مختلفه ،، وانضغطت بشغلة البيت انت م بتعرف الأوركيدا الليله اصبحت كيف .... يمكن الكل يستغرب من قراري دا وهي بذات يمكن تشوفو اكبر صدمه بالنسبه ليها لكن مع الزمن ح تكتشف إنو كان لصالحها ،، انت عارف هي يمكن الحياة الكانت خاتاها في راسها لنفسها غير الحياه العايشاها حالياً وكدا يمكن هي ترجع تعيش الحياه الكانت عاوزاها بشروطها هي ،، ايمن سكت مسافه م اتكلم وبعدها قال لأحمد ونفرض إنها م اتقبلت وطلبت الطلاق البحصل شنو ؟ احمد عاين ليهو بصدمه قال ليهو لا ياايمن م بحصل .

قعدت ابكي وحسيت الدنيا اسودت في وجهي للحظه اتزكرت كلام امي زمان لمن قالت لي حياتك مع الناس دي ح تكون صعبه لأنهم م متعلمين ... مهما كان في النهايه ح يكون في خلافات كتيرة بسبب أنماط الحياة المختلفه مخي بقى يودي ويجيب ،، قاعده كدا احمد جاء خاشي عيني دي م رفعتعا ليهو قعد في طرف السرير التاني وخشمو م فتحو قلت ليهو تساعد امك امك عاوزة يساعدوها في شنو ؟

الفصل العشرون من هنا