رواية اوركيدا الفصل السابع 7 - بقلم دانيا

رواية اوركيدا

الفصل السادس6

بقلم دانيا

قلت ليهم ديل ناس امي جو خالتو علويه قالت لي فضليهم انا هسي بجي طلعت لقيتهم فعلاً ديل امي وغيداء سلمت عليهم ومشيت جبت ليهم مويه خالتو علويه طلعت قعدت معاهم .... امي سألتها اخباركم شنو وكدا بعد اتونسو شوية خالتو علويه حكت ليهم ،، امي قالت لي اجي ياعلويه دا كلام شنو عاد شباب الزمن دا بري منهم لكن نعتبر م عندهم نصيب او م خير ليها قسمتها مع غيرو ولاا تتأثر يعني شنو م آخر مخلوق في الدنيا ... غيداء قالت ليها ياخليلها فاديه والله هو الخسران وين يلقو زي فاديه .

قالت لي ورح ليها قمنا مشينا ليها في الغرفه لقيناها متمحنه غيداء قالت ليها فكي الحيرة يابت اعتبريهو شر وربنا زحاهو منك الحمد لله .... عاينت لينا وقالت صاح كلامك لكن انا همي ابوي اواجهو كيفن ببتكلم كدا ابوها جاء دق الباب سلم علينا وخليناهو معاها وطلعنا ،، اتكلم معاها كتير وبعدين طلع اتكلم مع الضيوف وعلى كدا الناس فروا وناس امي رجعوا وانا قعدت معاها قلت ليهم بجي بكره ،، بالليل راقده جنبها قالت لي غرام قلت ليها اها قالت لي صاح كلامك الأولاد ديل م ليهم ضمان قلت ليها نومي م تفكري كتير .

الصباح كان عندي محاضرة طلعت مشيت بيتنا غريت وطلعت لقيت اخوي في الباب قال لي صاحبتك اصبحت كيف؟ عاينت ليهو وقلت ليهو كويسة قال لي ماشه معاكي ؟ قلت ليهو لالا الليله شكله م عندهم .... قال لي انتبهي على روحك وم تثقي في زول قلت ليهو بإذن الله .

الأيام عدت بسرعه ونسينا الموضوع وفادية اتجاوزت القصة بقت كان صادفت حسن في الجامعه زاتو بتعمل نفسها م شايفاهو .... اليوم قاعدين برا بنتونس انا وهي عاينت لتلفونها قالت لي زمن محاضرتي جاء نتقابل بعد المحاضرة قلت ليها تمام انا زاتي ماشه المكتبه ،، مشت مني وقمت مشيت المكتبه اول ما جيت داخله لقيت حسن في وشي حاولت اتحاوزو جاء مد لي يدو وقال لي غرام كيفك .... قلت ليهو وعليكم السلام ولااا عاينت ليهو زاتو مشيت منو قعدت بقرأ كدا جاء قعد في الكرسي القدامي قال لي اسمعيني .

قمت من المكان طوالي عاوزة امشي قال لي انا خليتها عشانك للحظه اطرافي كلها بردت عاينت ليهو بغضب قال لي ااي والله عشانك .... قلت ليهو انت متخلف والرد زاتو خسارة فيك طلعت من المكتبه ومشيت وانا كلامو بتردد في راسي حسيت بكمية الغزارة الفي الزول دا حمدت الله الف مره إنو فاديه م ارتبطت بيهو ،، مشيت القاعه لقيت صحباتي الجدد بقيت بتونس معاهن لمن فادية طلعت من المحاضرة ومشينا البيت قلت نهائي م بوريها حصل شنو عشان م تتضايق .

مرت تلاته سنين على الموضوع كنت قاعده في غرفتي بطبز في تلفوني باب الغرفه دق قلت اتفضل طلع دا اخوي .... جاء قعد جنبي سألني من الدراسه ماشه كيف وكدا حسيتو داير يقول شيء بس متردد ،، قلت ليهو حاسه إنك عندك موضوع تاني ضحك وقال لي والله كبرتي لمن بقيتي تقري افكار قلت ليهو م كدا لكن واضح عليك قال لي صراحه انا ااي عندي موضوع انا عاوزكم تمشو تخطبو لي صحبتك دي لكن اول شيء قلت اشوف رايك وهي ح تكون ردة فعلها كيف ؟

ختيت يدي في خدي نظام بفكر قلت ليهو والله يااخوي م بعرف لكن نحن نمشي ونجرب مالو