رواية اسكريبت بريئة يونس الفصل الحادي والعشرون 21 - بقلم اسيا احمد

سمعوا خبط شيد على الباب. تحدثت أسيل بخوف: -ه... هو إيه ده؟ نهض يونس: -هشوف... قومي البسي هدومك. لبس البورنس عليه، وخرج ليفتح الباب لتجد... وجد عمر على الباب. -ازيك يا أبو الصحااااااب؟ قفل الباب في وجهه مرة أخرى. -يونس... يونس؟ فتحت من خلف الباب: -اللي جابك هنا يا عم أنت؟ -جاي أصبح عليك. -وهو في حد بيخبط كده؟ -هههه... معلشي، الحماس أخدني شوية. -الحماس... بحماسك ده كنت هتجبيلنا سكتة قلبية. -هههه... حق عليا... افتح بقي.

-لأ... وامشي من هنا... بدل ما أرخم عليك يوم الصباحية بتاعك. -يا عم على قلبي زي العسل. ثم تحدث بجدية: -حاجة مهم يا يونس... افتح. تعجب يونس من نبرته الجادة: -تمام... هلبس وأجيلك. دخل يونس إلى الغرفة... ليجد أسيل واقفة ومرتدية قميصه. -إيه اللي انتي لبساه ده؟ -م... معرفش... اتلخبطت... كنت خايفة... م... مين اللي كان بيخبط؟ -ده صاحبي... متخفيش. أخذت نفس براحة... بدأ يلبس. -ا... أنت رايح فين؟ -هشوف صاحبي وأجي تاني...

الفطار على الطربيزة، افطري عقبال ما أجي. -لأ... هفطر معاك. -ماشي يا عم. قبل خدها وخرج. خرج من الجناح. -أنا جيت أهو، في إيه؟ -هنتكلم معاك تحت... بس الأول متتعصبش. -أنا أصلاً متعصب عليك... بس يلا يلا. -تمام... بس متتعصبش... أو... أوعدني. -أوووف... انجز يا عمر... أنت واخدني من عند مراتي تاني يوم من جوازنا... فا نبقى حلوين مع بعض. ابتلع ريقه بخوف: -ت... تمام... يلا. أخذ عمر يونس... وأنزل من الفندق...

وذهب إلى كافيه بجوار الفندق. -أنت جايبني هنا ليه... هو الموضوع خطير أوي كده؟ كان عمر ينظر حوله... ويبدو أنه يبحث عن أحد ما. -هو اتأخر ليه؟ -أنت بتتكلم عن مين يا عمر... في إيه؟ نظر في ساعة يده: -استنى بس خمس دقايق. -أديني صابر... أما نشوف آخرتها. كانت جالسة على الفراش وتتحدث في الهاتف. -أنا غلطانة إني كلمتك أصلاً. -اهدي يا أسيل أنا مش قصدي حاجة ولله... أنا بس مستغربة، انتي بتقوليلي إنك لوحدك. -أيوه...

يونس نزل مع صاحبه... وأنا زهقت قولت أرن عليكي بدل القعدة دي. -اممم... سابك تاني يوم فرحك؟ -قصدك إيه بالكلام ده؟ -مش قصدي... بس هو ليه عمل كده؟ -بقولك نزل مع صاحبه. -أنتي شوفتي صاحبه اللي جه؟ -أي... لأ... ه.. هو اللي قام فتح. -طب ابقي شوفي هو راح فين. -ا... انتي صادقة إيه بالكلام ده يا سلمى... يونس... مش هيخوني. -أنا ماقولتش كده.... أنا بس بنبهك... خلي بالك بردوا من فرق السن اللي بينكم. -امممم... لأ يونس مش كده....

هو بيحبني. -ماشي أنا بنبهك بس.... معظم الرجالة بعد ما تاخد اللي هي عايزاه بتلعب بيه. -متقوليش كده... يعني انتي خايفة كده؟ -مش عارفة ولله.... بس لو طلع كده... هخلي عيشته سواد. سمعت صوت الباب يفتح. -طب اقفلي... شكله جه. خرجت من الغرفة لتجده حقاً جالس ويخلع حذائه. -قابلت صحبه؟ هز رأسه بالنفي. -مالك؟ -مفيش. نهض. -شكراً. دخل الغرفة واستلقى على الفراش وهو ينظر إلى السقف.... ويتذكر ما حدث:

-هو الشخص اللي انت مستنيه يا عمر هيتأخر؟ -مش ع... وقف عندما دخل أحد من الباب. -اهو جه. وما إن رآه يونس حتى جن جنونه وثار غضبه... ونهض فوراً وتقدم نحوه وهو يستشيط غضباً. -أنت اللي جابك هنااااا..... ليك عين تييييي بعد اللي عملته؟ أمسكه صديقه عمر حتى لا يؤذيه. -يونس.... إحنا في كافيه متنساش... اهدي هو جاي يتكلم بس. -مش عايز أسمع منه ولا كلمة... امشييي.... مش عايز أشوفك. -اهدي يا يونس. -ابعد يا عمر... ابعد. تحدث آخر:

-ا... أنا آسف يا يونس... ا... -أسفك ده مش هيعمل حاجة.... غور من هنا. تحدث عمر: -يونس.... عيب تكلم باباك كده. تحدث يونس وهو يضغط على أسنانه: -ده... مش... أبويااا..... أبويا مات من وأنا صغير.... أنت متستحقش لقب أب. كان عمر يحاول أن يهدئه. -مش كفاية اللي عملته فيا وفي أمي..... أنا ما صدقت إنها اقتنعت إنك موت.... جاي تظهر تاني ليه.... ليه؟ -أنا آسف يا بني. وخرج من الكافيه. تحدث عمر: -استنى.... ينفعك كده؟

نظر له يونس بغضب جحيمي وخرج... وعاد إلى الفندق. أفاق على صوتها الرقيق الذي تطرب أذنه عند سماعه. -مالك؟ وجدها واقفة عند الباب ويبدو أنها خائفة عليه... فتح ذراعيه لها لتركض وتستلقي بجواره ويأخذها في حضنه. -يونس. -اممم. -أنت زعلان مني؟ -تؤ. -طب... حد زعلك؟ -تؤ. -أمال وشك بيقول إنك زعلان... في إيه؟ -مفييش. -متأكد؟ -ممكن أنام يا أسيل... بجد أنا تعبان. -بس أنت مش فطرت؟ -مش جعان... دلوقتي. -ا... أنت مخبي حاجة عني؟

صمت ولم يرد. -يوونث.... لو بتحبني... قول. أخذ نفس عميق وتحدث: -بابا. -باباك... كانت مستغربة... أليس والده متوفي؟ -رجع؟ -ر.. رجع.. ه. هو مش ميت؟ هز رأسه بالنفي. -أنا اللي قولت كده لماما ولي الكل.... هو عايش. كانت مصدووومة بشدة.