الدفتر الازرق

الفصل الرابع عشر:

_بقلم: حبر بلا صاحبة_

الفجر طلع على القصر والدم لسه على الحيطة.

رعد شال سارة من غير كلام وركب بيها العربية. ليلى قعدت ورا وحاضنة بنتها. "على البيت القديم. بيت فهد."

البيت القديم كان خرابة. حيطان سودا من الحريق. ريحة الموت لسه فيها. نفس المكان اللي رعد شال سارة منه وهي عندها 12 سنة.

رعد كسر باب القبو برجله. نزل هو وسارة وليلى. لمبة واحدة بتترعش.

في الركن... صندوق حديد صغير. عليه قفل إلكتروني.

رعد بص لسارة: "الكود؟"

سارة إيديها بتترعش وهي بتدوس: 1 3 7 ... تاريخ ميلادها.

"تيك" الصندوق اتفتح.

جواه... دفتر جلد أزرق متاكل من النار. نفس لون دفتر أمها.

سارة فتحته بإيد بتترعش. أول صفحة بخط فهد:

"أقر أنا فهد السيد بأن كل أملاكي، شركاتي، أرصدتي... باسم ابنتي الوحيدة سارة فهد السيد. لا تُصرف إلا بدمها وبموافقة رعد ابن كمال صديقي لأنه الوحيد الي وصي عليها و انقذها من النار."

آخر صفحة... ورقة تنازل. فهد موقع ومبصم إنه باع كل حاجة لسارة ورعد سوا.

"عشان اللي ينقذ بنتي يستاهل نص عمري" مكتوب تحت التوقيع.

ليلى بكت وحضنت الدفتر: "كان بيحبنا يا سارة... بس الطمع عماه."

رعد باس راس سارة: "الثروة دي بتاعتك انتي يا اميرتي. بس الأهم... إن محدش يقدر ياخدك مني تاني. لا بفلوس ولا بسلاح."

بره القبو... شروق الشمس ضرب في وشهم.

7 سنين ظلمة... وخلصت.

اللي أنقذك من النار يستاهل نص عمرك. واللي وصى عليكي وإنتي ميتة... ده الأب بجد.

---

بقلم : حبر بلا صاحب/ة