رواية اسرني كيدها الفصل الحادي والثلاثون 31 - بقلم الكاتبة ايات الـ سند

بقلم : ايات السند
السلام عليكم

لا تنسون التصويت والتعليق بين الفقرات استمتعو ♥️

شرعاََ وقانوناََ وعشقاََ مالتيي
ما تصير لغيري كد حجايتي 🥺♥️
كد حجايته اسر (جمانت اسر)

______________________
جمان

فتحت ماما الخط وخالتي مدري شنو حجت وماما كامت تبجي : عزا العزاني شلون انشل يولي

الخالة : انضرب جلطة وانشل

ام جمان : هاي ايمتى

الخالة : الصبحية

ام جمان : الله يشفيه بحق محمد رحتي شفيته

الخالة : العصر راحو (كامت تعدد خالات جمان) وانا باجر راح ياخذني رجلي

ام جمان : اخخ لو اكدر اروح

الخالة : يلا شتسوين مع السلامة بس ردت اكلج
سدته وانا خايفين منو هذا سئلناها كلنا بنفس الوقت

ام جمان ببكاء : جلال (خال جمان الي تحرش بيها)

جمان احس مي بارد ونزل على كلبي : الله ميلام بيه

ام جمان : شنو ميلام بيه كلبةة اكو وحدة هيج تحجي على خالها

جمان ماما ما تعرفت عن التحرش انا صحت : مو خالي هذا ولا اتشرف يكون خالي شو تبجين شنو نسيتي شلون طردنا من جنا عايشين يمهم وكمنا ندور بيت نعيش بيه تالي رحنا يم زينب تتذكرين شلون جاي يهين بيها تتذكرين شسوا لو اذكرج عشت اسوء ايام هناك وان شاء الله لا يعوزنا الهم وانوب تتمنى تروح الهم صدك تحجين اكو واحد يحب الي يكرهه والله عجيبة عساه بالموت ان شاء الله

دخلت للغرفة وسديت الباب دخلت بفراشي وصرت ابجي من تذكرت شلون جنت عايشة بتحرشه بخوفي منه بعذابه النا جان جدي ميت وهوا متولي المسؤلية على امه وعندي خالة متطلقة عايشة يمه وعندها بنية صغيرة جنت كل ليلة ابجي عليها واكيد راح يعيشها نفس الي عشتها كلشي ما جاي ينمحي من بالي حسبي الله ونعم الوكيل وصرت اتذكر ابو صديقتي من بتت يمها زدت بالبجي وقرفت من نفسي
دك الموبايل رفعت راسي من فراشي اسر ضربت الووبايل بالكاع مو وكتك مو وكتك ما اريد ما اريد احدد طلعو من حياتي
رجع اتذكر من صيحت على ماما ليش صيحت خربب بية
الله ياخذني (استغفرالله)

تالي بعد معاناة نمت
الصبح كعدت على دكات اسر للموبايل رفضته وكمت غسلت ولبست تنورة البارحة النيلية وياها قميص وردي فاتح ومشجر بنيلي لفيت الشال وطلعت من الغرفة لكيت بابا لابسة دشاشة وعكال وكال :ها ما كملتي

جمان : كملت

ابو جمان : عجل امشي يلا

جمان : شنو ماما تروحين

ام جمان دحكت ودارت وجهها : لا ما مبية

اخذت نفس وطلعت ركبت ليكدام ويا بابا ومشى اسر خابرني جاوبت كال : ها وينج يمعودة ترا وكفت ع الباب

جمان : طلعت راح اجي ويا بابا

اسر : مو كتلج انا اخذج استغفرالله يربي يلا راح امشي
سده

ابو جمان :شبيه

جمان : بس يسئل
ضليت ساكتة وصلنا احنا وسيارة اسر بنفس الوقت
احنا نزلنا ونزل اسر وعمر وخالة

دخلنا للمحكمة اسر لازم ايدي نطا الأسماء وما اعرف شنو هيج شوي ودخلنا ضل يحجي وانا اردد ورا انو بدون ضغط وانا موافقة بلا شي انا ضايجة وما نايمة للصبح وهذا يحجي براسي حيل دخت وطلعنا زمرة دمنا مختلفة وكملنا كلشي بصمنا وبابا وعمر شهدو نطو العقد لأسر وطلعنا وبهل لحظة صرت بالقانون مرته وبالشرع مرته
شاورني : ترا اكدر هسه انهزم بيج مريتي بعد

لكتنا ام اسر تهلهل وتطش جلكيت وفرحانة باسر
هوا ابتسم دنك يمها وكال : يمة كافي تهلهلين هسه تجي خطابة عليج من ورا صوتج

ام اسر : يااا طاح حظك مبروك ان شاء الله زواج الدهر
باسها براسها ومشينا

جمان لزمته من عكسه حيل استندت عليه : اسر حيلل راسي يوجعنيي راح ينفجر

تحولت نظراته من الفرح إلى الخوف :شبيج يولي

اسر : ملاحظج هواي توخين خاف فقر دم

جمان :لا شنو العلاقة

اسر : امشي على المختبر الي حللنا يمه البارحة ونسئله طلع فقر دم بالتحليل لو لع

جمان : لا ماكو داعي اسر جذب يمعود مو دايخة

اسر : لج شنو بكيفج امشي

جمان : اسرر والله مبية عوفني عود بعدين

اسر : يول بس نشوف شبيج

جمان : لا عوفني هاهية

اسر: اويلي يلا عود بعدين اخذج جوز تطلعين حامل وغمر

جمان لا ارادي وبدون تفكير : اي من الهوا

اسر طكها بضحكة افضحنا كرصته كال :لا لتخافين مو من الهوا مني

احمريت خرب بلساني لزمني من ايدي جانت النسخة الأصلية من العقد يمه ومستنسخة يمي ما ادري ليش ٢

اسر كال لبابا : ان شاء الله ثاني يوم العيد (الاضحى) العرس واول يوم تسوي حفلة الها

ابو احمد : ان شاء الله وليدي مبروك عليكم
اسر :الله يبارك بيك عمي

جمان صعدت ويا بابا ومشينا للبيت جان يوم العيد 8/20 يعني زواجنا يكون يوم 8/21 باقي اسبوعين ولازم عاد اجهز نفسي ايام الاخيرة يم اهلي ما اعرف ليش ما اريد اعوفها رغم كلشي يضلون اهلي واحبهم يربي ايام معدودة افف ليش متوترة انا زين اكله على الي صار قبل؟ لا اكيد مراح يفهمني
لا اسر انسان متفهم راح يفهمني
افف يربي وكفت تفكيري من وكفت السيارة نزلت لكيت ماما بالمطبخ دخلت كبل حضنتها :ماما زعلانة مني

ام جمان : لا ماما مزعلانة الف مبروك
جمان : الله يباركلج مامي اسر كال لبابا ثاني يوم العيد العرس بس احسه بسرعة ما اريدد

ام جمان : لا عيني حيل زين وتبدين تجهزين نفسج عجل قابل ينتضرج لي سنة الجاية

جمان : اي خل ينتضر واذا ماما احس مو كذ مسؤلية انا خلي نعوفه

ام جمان :عزا ولج شنعوف من وصلتي للاخير لا لتخافين جمانة وانتو صار كم شهر مخطوبين وانتضرج تعطلين

جمان :افف مدري
دخلت للغرفة زهراء بعدها نايمة كعدتها فتحت عينها كال : ها ولج تزوجتي

جمان : للاسف اي وراح احط حالة تم عقد المحكمة و وياه واحد حلكه صفح وحزرة مال حسد

زهراء :هههه شوفيني ما اخذتو صور

جمان : يا صور دطيري هوا انا كالبة جهرتي من الصبح عبالي ينهزم بس ما تراجع للاسف الشديد
كمت من يمها بدلت اخذت بندول حبايتين و طلعت بالصالة جانو رغد وزهراء وهاجر جاي يتريكون

جمان : اي يابة ناس من الصبح كاعدة وناس هسه تكعد

هاجر :والله هذا الي يتزوج عجل عبالج يجي القاضي يعقدلج وانتي نايمة

جمان : ه ه وخرو خلي اكل وياكم
كعدت اتريك وياهم وبعدين شالو وكعدت زهراء تحجي على عمها شلون متحكم بالبيت

جمان : يمة هم يجي يوم واكعد يمكم اشكي من عيالي الله لا يكولها
للعصر اجا علي اخذ زهراء وراحت رجعنا ضوجة وحدنا انا احب اللمة مرت يومين جنت الظهر كاعدة احجي ويا طيبة مكالمة وكتلها : تعالي ضوجة

طيبة : ما اكدر تعالي انتي

جمان : لازم تجين اني مرة متكوزة ما اطلع

طيبة : انجبي يولي بس البيت مكلوب علينا من ورا هاي البنية الي يحبها حسن ( اخو طيبة) وبابا ميقبل ومكلوب البيت كل شوي يتكاونون

جمان : زين قنعي واحد من الولد غير حسن يحيبج

طيبة : تعرفيهم شلون متشددين ومحد يجيبني غير حسن الي يقبل

جمان : افف زين صبري اكول لاحمد يجيبني

طيبة بفرح : اي اي امانة وحسبي حساب عشة هم

جمان : لا بس العصرية

طيبة : مو بكيفج والله ما اهدج

جمان : ههههه ولي اشوفه وارجعلج خبر
سديته كمت على احمد : كول اي

أحمد : لع

جمان : اهئ احمد ليشش

أحمد : احجي شكو

جمان : وديني يم طيبة

احمد : مبية

جمان : ياا ومنو جان يكيف يوديني حتى يشوفها

أحمد : ولج تدرين هسه ببالي منو

جمان : عزااا منوو

احمد : ايات اخت اسر

جمان : هلو وانتَ وين شفتها

احمد : شنو وين شفتها مو اجت هنا وبعرس زهراء من رحنا للمنتزه

جمان : بس صغيرة يول

أحمد : والله نفس الفرق الي بينج وبين اسر احنا مو قبلنا بيه وهوا يقبل بية وترا انا اصغر من أسر

جمان : يمعود شمدريني زين انتَ ناويها صدك لو بس هيج مثل كل مرة

حك راسه وكال : والله يمكن صدك شو حيل قافل

جمان : دنتضر خلي تكمل اعدادية

احمد : نشوف

جمان : حروح اكول لبابا وتوديني غصب
رحت لغرفتي مدري شنو ادور شفت موبايل وتذكرت لازم اكول لاسر اهو لازم استئذن من مية واحد
خابرته ع الواتس اول مرة ما رد ثاني مرة رد بنعاس : ها جمان

جمان : اسر حروح لصديقتي

اسر :ومنو هاي انوب

جمان : صديقتي بالكلية وبيتهم بمنطقتنا القديمة

اسر : خليج هسه انا اجي اوديج

جمان :يا عليش انتَ مبين نايم ارجع نام أحمد راح يوديني انا بس ردت اكلك

اسر : هوا من رجعت من الدوام نمت ومعليج انا عندي شغلة هناك واخذج وياي

جمان : كتلي شغلة مو

اسر :اي شغلة مو شغلج يلا تحضري

جمان : ههههه اوك
رحت على احمد كال اجت من الله انا اريد اخذ السيارة ونطلع ويا اصدقائي ف كولي لبابا احمد راح ياخذني ويروح يم صديقه هناك وبليل نرجع واسر ياخذج ومن ترجعون خابروني

جمان : عزاا شهل مخططات يا شيطان

احمد : معليج يلا

جمان : معلية انا ما اجذب شهل تأليف

أحمد : ههه امانة

جمان :ديلا
رحت على بابا كتله اريد المفتاح احمد راح ياخذني على طيبة اتعشة وهوا يروح على صديقه هناك وبليل نرجع ما كال شي نطاني المفتاح بس كال ممنوع يتاخر ويفرفر بالسيارة

جمان : لا ابد بس يوصلني
اخدت المفتاح وانطيته لاحمد كام يبدل وانا رحت بدلت لبست بنطرون حتى ارتاح بالكعدة وقميص لفيت شال وكلشي نا حطيت لا مكياج ولا سوار لبست الحذاء خابر اسر كال : طلعي اجيت

رحت على احمد كتله : اجاني اسر راح اروح

أحمد : يلا امشي انا هم حروح
طلعنا سلم على اسر وشغل السيارة وراح وانا واسر صعدنا كال : ليش لابشك صخام بنطرون وهما كلهم ولد

جمان : عمود ارتاح بالكعدة و قابل راح اكعد ويا ولدهم هية بغرفتها
مشى ضلينا ساكتين لما وصلني كال: من اخلص اخابرج

جمان : ترا اضل اتعشة

اسر دحكلي : خوش بسس ديريي بالج تطلعين كدام اخوانها

جمان : اي فهمتت
نزلت دكيت الباب طيبة فتحته من فتت اسر مشى حضنتني وكالت : مشتاقتلج حقيرة

جمان : انا هم يروحي شنو ان شاء الله نضل ع الباب

طيبة : ايا ادبسز فوتي
دخلنا كعدنا بالهول ضلينا نكرك مرة هية تحجي على مشاكل اخوها وابوها الي عايشين بقلق بسببهم ومن اخونها الي ما يخلوها تطلع لا مرايب ولا شي هوا بسبب حسن وكف كدامهم يلا دخلت كلية
وسولفت الها من عقدت وعلاقتي ويا اسر بليل جانت مسوية صاج حطت عشا وفاتت امها سلمت علية وحجينا شوي وطلعت اكلنا ونحجي كامت تشيل اسر خابر فتحت الخط : ها ترا راح اجي عليج حتى نرجع

جمان : اي تعال
سده كمت غسلت وطلعنا بالحديقة انا وطيبة بين ما يجي اسر فات واحد من اخونها من برا كال : السلام عليكم

جمان : عليكم السلام
دخل جوا شوي واجا اسر دك هورن طلعت وصعدت كتلها : وين رحت

اسر : رحت يم اصدقائي اعرفهم هنا وبعدين رحت تعشيت بالمطعم

جمان : عزاا جان اخذتني وياك للمطعم

اسر : ههههه محد كلج تعشي يم صديقتج

جمان : اصلا صديقتي احسن من المطعم

اسر : اي واضح
شغل اغنية

[ينبغي أن يكون هناك GIF أو فيديو هنا. قم بتحديث التطبيق الآن لتشاهد المحتوى.]

ولزم ايدي حيل ودندن ويا الاغنية مبين يحبها
من وصل مقطع قدام الناس كلها انا ملكك
همسلي : كدام الناس كلهاا انتي ملك اسر

يمي رحف جسمي ضليت ساكتة وكف يم مرطبات جاب الي موطة ان الكبوس وناطاها الي وجاب علبتين كبار سفري اضن لأهله حطها بحضني ركب بمكانه كتله : شو ما جايب الك

اسر : ما اريد
مشا ووكف يم باب بيتهم
جمان : ها شو ما وديتني ببيتنا

اسر : دنزلي هسه شوي واوديج

جمان : لا هسه بابا يكوم يصيح

اسر : قابل وين انتي نزلي هسه اوديج

نزلت من السيارة وانا بالباب دك أحمد جاوبته وانا ادخل كال :ها وينج

جمان : اسر نزلني ببيتهم يكول هسه اوديج

احمد : يلا ترا شوي واجي للبيت

جمان : هههه اويلي منك يلا هسه اخلي يوديني
سده
اسر : شبيه أحمد

جمان ضحكت : مو ماخذ السيارة ع اساس هوا موديني وهسه يكول راح ارجع

اسر :شهل تخطيط الاسرائيلي

جمان : أفكاره اني شعلية
بعدنا برا نحجي وطلع احسان سلم علينا وكال :وج جمان جنتي يم طيبة مو

جمان : شمعرفك بيها

احسان : معليج عرفته ودائما اشوفها وياج هية قريبة منج؟

جمان : اي من الطفولة واحنا سوا ليش

اسر : حجى وياي سريد يمشي عليها
احسان : شتكولين توافق

جمان : يمة شوي شوي علية هية ما مرتبطة وبعيدة عن الحب واهلها متشددين عليها لانو هية البنية الوحيدة

اسر : زين فتحي الموضوع وياها

جمان : زين تحسان انتَ هية موتين شفتها وين لحكت تحبها

احسان : ههه هسه انتي شدخلج مو زين ارد اجمعكم بنفس البيت

جمان ضحك : علوا

اسر : هسه ابدي اشتغل وكون نفسك عود حمان تحجي وياها ومشي حتى ما يتعرضون عمود ما عندك شغل

احسان : الله كريم
لزم اسر ايدي دخلنا جوا جانو كاعدين كلهم سلمت وبوست خالة وكلت الاسر : يلااا تاخرتت

اسر : يلا يوم اوديها وارجعلج

ام اسر : الله وياج يمة
طلعنا كتله : خلي نتمشى عوف السيارة

اسر : ديلا
مشينا ماكو احد بالشارع شفت احند وكف السيارة يم بابنا شافنا وضل منتضرنا وصلنا يمه كال لاسر : فوت خلي نكمل التعليلة

اسر : لا يمعود على غير مرة
باسني من خدي مع السلامة

أحمد : امشي ما اسمحلك تبوس اختي كدامي دخليلي احترام

اسر مشا بعد شوي من سمع احمد رجع باسني يمة توترتت راح ودخلنا انا واحمد دخلت للغرفة وسبحت وتمددت
مر ٣ ايام وباقي اسبوع ويوم على العرس
ماما كالت باجر نروح ع السوك تجهزين الي ناقصج لانو قبل العيد يصومون وما نكدر نطلع ف بس يبقى تاجير البدلات الأسبوع الجاي نكملها خابرت اسر وكتله: اريد باجر اروح للسوك

اسر : خوش عود باجر العصر اجيج

جمان : يا شعندك تجي

اسر بتقليد : يا غير اوديكم

جمان : عود احمد يوديني انتَ ارتاح

اسر : لا عمي انا اوديج شنو ما تريدين رجلج يا طايحة الحظ

جمان : ههه بكيفك لعد خالة تحي وياك

اسر : لا ما تكدر تمشي كوم مفاصلها

جمان : خطية عدها العافية

اسر : الله يعافيج حبيبي

ثاني يوم الصبح اجت زهراء خابرتها حتى تروح وياي العصر بدلنا انا وزهراء وماما وهاجر اجا اسر برا وطلعنا ماما ما قبلت تصعد كدام كالت أنتي مرته صعدنا وصلنا للسوك نطاني فلوس وراح ضلينا نتفر ما اشتريت ملابس طلعة عندي بس اخذت فستانين طلعة وقميص واخذت شال على لون الفستان اشتريت حذاء عالي اسود يكون ويا كلشي وترانشوز مكياج بس كم شغلة عبالك مسواك عادي لانو كلشي عندي وكتله اكيد بعدين هم اشتري ما اريد أكثر

البنات فوتوني ع محل بي بدلات نوم وداخليات كتلهم ما اريد والله ما البسها

هاجر : شنو على راسج ريشة ما تلبسيهم معليج كلنا جنا هيج
ضجت كل شوي وكالولي جنا هيج ما تدخلت هما اخذو وخدك بيضة ليوم العرس و٢ انوب وداخليات جديدة وطلعنا هاهية ما ضل اي شي خابرت اسر يجي كال : جماني انا صارت عندي شغلة خابرت الكم أحمد هسه يجي..........

يتبع........