رواية اسرني كيدها الفصل الثلاثون 30 - بقلم الكاتبة ايات الـ سند

بقلم :ايات السند
السلام عليكم

لا تنسون التصويت والتعليق بين الفقرات استمتعو ♥️

انه متعود عليك
لا تخلي سالفة الما تسوى
تاخذني من بين ايديك 🥺❗

_________________
جمان

خابرني اسر العصر جنت كاعدة بالصالة فتحت الخط كال : شلونج جماني

جمان  : الحمدلله وانتَ

اسر : بخير جمان حضري روحج باجر راح امر اخذج وياية

جمان : وين

اسر : باجر الحفلة مال تخرج احسان

جمان : لا ما اروح ما لية خلك والي اعرفه بس الاهل لازم يروحون ع الحفلة

اسر : اي يابة عجل انتي شنو

جمان : مو حتى بابا مو هنا حتى اكله لا ما اروح

اسر : ول شنو بكيفج انا اريد اخذج وابوج ما اله دخل قابل رايحة ويا غريب

جمان : لا مو غريب بس

اسر :ماكو بس يلا كتلج باجر الصبح امر عليج تحضري حبيبي لبسي شي مستور
سده انا كمت كلت لماما يريد اروح وياهم كالت عادي هية بس ساعتين عود انا اكول لابوج

الصبح كعدت لبست هيج فستان لون سمائي فاتح وياه شال لون فضي نوعه يصير ناعم

ما حطيت مكياج طوخ حتى ما يصيح ويخليني امسحه بس ايلاينر مسكارة تكثف الرموش حيل وحمرة وردي فاتح مشطت حواجبي طلعت حذائي جان كعب بس قصير حيل مثل الكالة حتى اعرف امشي جاي البس الفردة الثانية دك موبايلي اسر فتحته : يلا كملتي؟ انا برا

جمان : هياتني راح اطلع
سده ورحت ع ماما جانت كاعدة كتلها :كلتي لبابا او لاحمد راح اروح مو

ام جمان : اي ماما روحي ديري بالج على نفسج

جمان : باي
اخذت بس موبايلي بايدي وطلعت جانت سيارة اسر برا صعدت ورا لانو امه كدام جانت بس ايات ووسام ورا كلت : صباح الخير

كلهم : صباح النور
اسر شعل جكارته وكام يدخن كلت بكلبي عفية جكاير من الصبح

وسام جان كاعد يمي كال : جمونة طالعة تخبلين

جمان : صدك؟ وانتَ هم طالع تخبل
اسر يدحك علينا من المراية
شوي ووصلنا يم قاعة الي بيها الحفلة وكفت سيارة اسر شفنا عمر ومرته واحسان واماني توهم يريدون يدخلون للقاعة دخلو واحنا وراهم

جان اكو هواي عالم كل طالب ويايه اهله والمقربين اله افف ايمتى اتخرج

شوي وكامو الطلاب وكفو يم الباب وكف واحد يصور دخوليتهم دخلو واحد واحد والاغاني مشتغلة وبعدين وكفو اخذو صورة جماعية وبعدين واحد واحد صاحو اسر كام وكف على صفحة احسان وصل يمه واسر لبسه عباية التخرج والقبعة لازم الاب بس اسر بمكان اب لاخوانه

راح يم العميد وينطي الشهادة احسان جان الضحكة مالية وجهه واسر بس يدحك وبتسم بفخر اخذ شهادته واجا احسان كام له اسر حضنه ويكله : الف مبروك التخرج يروح اخوك

هم عمر وخالة وكلنا باركنا اله كعد يمنا انا جنت كاعدة بين اسر وخالة
احسان : وين بابا عن هل لحظة

اسر حضن جتف احسان : الله يرحمه هسه هوا يشوفك ومتفخر بيك ويفرح اكثر يوم تعيينك

احسان : ان شاء الله
ضلينا كاعدين الا ان خلصت الحفلة وبدت العالم تروح احنا هم كمنا طلعنا خالة راحت بسيارة عمر واني وايات واحسان ويا اسر
صعدنا ومشا اسر احسان كال : شهل كئابة شعلي اغاني ردح خل اركص

اسر : يول صار ساعة تركص جوا اثكل بابا حتى ازوجك

احسان : اي والله يا اسر تخرج وتخرجت دزوجني

اسر : دصبر اتعيين دور شغلة يريد تزوج الخايس ولك بس لا اكو مصكوعة ببالك

احسان ضحك : ترا ما اسمحلك تحجي على مرتي هيج تقبل اكول لجمان مصكوعة

اسر دحكلي من المراية : عاد هاي صحيح مصكوعة

جمان : يا ها علية

احسان :شكد غبية صار ساعة يحجي عليج

اسر :اسكت لا تفكها علينا اليوم كله هادئة

جمان : يعنيي انا مو هادئةة

اسر : ههههه شفت انفكت لا عمي مو عليج
كضو كل الطريق سوالف وصلني اني اول واسر كال : تحضري هل اسبوع نعقد محكمة

جمان : شبسرعة

اسر : شنو شبسرعة هاهية شعدنا عود قبلها بيوم اخلي امي تمر عليج وروحو تسوكو

جمان : بكيفك
ودعتهم ونزلت فتت للبيت صبيت غدة الي اكلت بهدومي بعدها بدلت و نمت نعسانة كعدت قبل المغرب كمت غسلت وجهي حتى اصحصح طلعت من الغرفة لكيت بابا جاي من بغداد
شوي واذن المغرب كمت صليت ورحت للمطبخ

جمان : اكلج هاحر خلي نسوي بيتزا اليوم

هاجر : ما عدنا مواد ليش ما حجيتي من العصر جان عجنت ودزينا ع المحل

جمان : امانة بعد وكت هسه عجني ونخلي أحمد يروح ع المحل

هاجر : تمام
عجنت وانا يمها كمت على أحمد كال :ما بية رجعت على هاجر كالت : هسه ادز قاسم
راحت كالتله واجا وصته وطلع جابها واجا واحنا سوينا كلشي وكملنا

مرت يومين وام اسر خابرت ماما حتى نطلع ع السوك نشتري ملابس للعقد
اتفقو العصر اسر يودينا

العصر جنت كاعدة على موبايلي وعلى قنقة ومتمددة اجت ماما تصيح : يا ولجج شو كاعدة كومي بدلي راح يجي اسر

جمان : افف خاف هسه تريد تروحون والله مبية على باجر

ام جمان : شنو لباجر غير باجر تروحون تحللون وجوز تعقدون

جمان : حكوم بس عوفيني
كمت لبست بنطروني وفوكاه قميص للركبة لفيت الشال ورجعت تمددت شو بية اتحرك اليوم
دك هورن برا طلعت البس حذائي طلعت ماما مبدلة فتحت الباب وطلعت وانا طلعت وراها

صعدنا ورا انا وماما واسر وامه كدامه اسر دحكلي وكال : جمان شتكولين تنزلين تلبسين عباية احسن

جمان خنزرت انوب عباية وسوك ما اعرف امشي بيها : اسر والله قميصي عريض وطويل بعد شنوو

اسر رجعلها الخزرة تأفأف ومشى السيارة ذبنا يم شارع السوك وكال انا راح اروح كملو وخابروني
ضلو يفترون بس ما عجبني شي و تكسرت رجلي
ام اسر : يولي عجل وراج يوم النيشان شلون تفترين

جمان : اهئ خالة انتو اختارو عني

ام اسر : يا قابل انا الي اعرس لو انتي تعاي من خلي نفوت بهذا المحل
دخلنا عجبتني تنورة (بف لو كلوش يسموها تصير عريضة) لونها نيلي ورهمت وياها قميص بيجي ومشجر وبي شوي لون نيلي اخذتها وطلعنا كتلهم : يلا هدوم واشتريت اخابر اسر

ام اسر :يلا هاهية شعدنا قابل
دورت على موبايلي بجنطة ماما ماكو طلعت موبايلها وخابرت اسر منه رد : ها عمة خلصتو؟

جمان : ها اني اي خلصنا تعال

اسر :يول يا ادبسز صار ساعك ادك عليج وين موبايلج

جمان : طلعت ناسيته يلا ترا رجلي تكسرت

اسر : هياتني حدرت
مشينا حتى نطلع من السوك شوي وشفت اشر جاي يمشي باتجاهنا وصل يمنا :ها كملتو شو طولتو

ام اسر : صار ساعة نفتر وما عجب جمانة شي تالي اشتري بس ليوم العقد ما قبل تاخذ انوب

اسر :ليش

جمان : شلي بيها عندي كوم عود بعدين من اجهز اشتري كم لبسة

اسر : خوش امشو
لزمني من ايدي ودانا وين ما صاف السيارة ركبنا وصلنا وكال : تحضري باجر الصبح نحلل واذا طلعت من وكت نعقد تمام؟

جمان : اي
نزلنا لكيت زهراء جاية بدلت وطلعت كعدنا بالمطبخ يم هاجر هية تسوي عشة وانا وزهراء ورغد يمها نسولف تعشينا فتت بغرفتي ع الموبايل اكلب لل١٢ طلعت الملابس الي اشتريتها وشال وحذاء حتى ما انخبص الصبح فاتت زهراء فرشت الها حجينا شوي وهية نامت رجعت ع الموبايل نمت ب ٣ صحيت على ماما تكعدني وتصيح : يولج من الله يا جمان اكيد للصبح سهرنا ولجج كوميييي

جمان فتحت عيني: ها يلا هسه اكوم

ام جمان :ولج اسر خابر عليج ورديت انا مال راح اجي كتله ترا هسه جاي اكعدها كالي لا ترا راح نتاخر وما نلحك نعقد

جمان : الله بعد احسن لا نعقد ولا شي

ام جمان :شلون راح اجيها بضربة
كمت وانا اصيح خ*ا على الي يتزوج

شفت ماما مبدلة كلت : شنو ما تروحين

ام جمان : ما اروح لان بس راح تحللون مستحيل تعقدون هسه مضل وكت كعدت زهراء تروح وياج
جانت الساعة ١٠ كمت غسلت وجهي بدلت حطيت حمرة رتبت حاجبي صارت الساعة ب ١٠ ونص وصوت السيارة برا اخذت جنطتي وطلعت اركض وزهراء طلعت وراية صعدنا انا كدام
جمان وزهراء : صباح الخير

اسر : صباح النوم جمان يا تنمبلي مراح نلحك نعقد اليوم بسببج

جمان : ليش

اسر : لازم من وكت اكثر حتى تطلع التحاليل بس هسه مراح تطلع لي باجر

جمان :يبو هم باجر لازم اكعد

اسر ضحك وحجى بصوت ناصي : هوا انتي كل حياتج وكل همج النوم بعد ماكو لازم تصير كل حياتج انا ما اسمح يكون شي ثاني

جمان ضحكت وصحت : الله كريم
وصلنا للمستشفى نزلنا دخلنا ع المختبر اسر سلم على ابو المختبر يعرفه جان بس رجال واحد بالمختبر اسر كلته : تحللنا فصلية دم

الولد : ها شلون راح تتزوج

اسر : اي والله

الولد : الف مبروك شايفين الخير يلا اكعد هلي ابلش بيك كعد اسر ع الكرسي مد ايده والمحلل سحب الدم منه واسر حط كطنة عليها وكام
كعدني وهوا رفعلي القميص بس للعكس حاب المحلل سرنجة وكال : بس شوي رفعي القميص حتى اكدر اسحب الدم

اسر تافاف ورفعها شوي وانا بس كاعدة طبب الابرة بايدي بس انا حيل خوافة كرصت اسر كل قوتي من ايده هوا كام يضحك علية هوا وزهراء نزل رداني وهمس : فضحتينا هاي عود انتي محللة بالمستقبل

جمان : والله الجكة توجع بس انتَ متحس

اسر : لباجر يلا تطلع التحليل مو

الولد : يي ما تلحك اليوم قرب انتهاء الدوام باجر ندزها للمحكمة وتكدرون تعقدون

اسر سلم وكادني وطلعنا صعدنا مشى ووكف يم محلات مال ذهب وكال : يلا نزلو

جمان : شنو تريد تشتري الذهب

اسر : اي عجل شنو

نزلنا ودخلنا ع المحل صار يطلع النا واسر واكف وراية اختاريت كلادة نازكة وناعم وزهراء اخترتلي تراجي ردتها قصيرة وحلوة ما قبلت اخذ محبس كتله عندي الحلقة والمحبس الي جبته الي من نجحت كال للصايغ طلع النا سوارات طلعت النا اسر اختر لي سوار نفس هذا

ودفع وحطها النا بعلبة وطلعنا وصلنا للبيت وراح

نزلنا جانت ماما محضرة الغدة بدلنا وطلعنا تغدينا وتلتهينا وخلص اليوم بليل جنا كاعدين نتعلل فجاة دك مبابل ماما جانت خالتي فتحت ماما الخط وخالتي مدري شنو حجت وماما كامت تبجي : عزا العزاني شلون انشل يولي.....

يتبع........