رواية اسرني كيدها الفصل الثاني والثلاثون 32 - بقلم الكاتبة ايات الـ سند

بقلم : ايات السند
السلام عليكم

اسفة عن الانقطاع الي صار بس جانت عندي ظروف
لا تنسون التصويت والتعليق بين الفقرات اريد تفاعل قوي استمتعو ♥️

ولأنك جئت في الوقت الذي كنت أرفض فيه ألحب أحببتك جداً 🖤⚜️

______________
خابرت اسر يجي كال : جماني انا صارت عندي شغلة خابرت الكم أحمد هسه يجي

جمان : تمام خو ماكو شي؟

اسر : لا حبيبي بعدين افهمج
سده طلعنا من السوك شفنا احمد صاف السيارة وينتضرنا صعدنا ورحنا للبيت هاجر وصت أحمد على مسواك وراح دخلنا للغرفة بدلت وعفت كلشي بحاله وكعدت ارتاح اخخ رجليي تكسرت من المشي اف ولا احب السوك شوي وكمت اتعشيت تعللنا واجا علي على زهراء
فتت لغرفتي تمددت على الموبايل الى ان نعست ونمت

ثاني يوم كعدت الظهر تغديت وتذكرت اسر من كال بعدين افهمج راسلته : شصار وياك البارحة ما كتلي

نص ساعة ودك علية فتحت الخط : شلونج جمانتي

جمان :زينة وانتَ

اسر :الحمدلله

جمان : شو هوسة يمك شنو بعدك بالدوام؟

اسر : اي اليوم راح اضل خفر وهل اسبوع راح اكضيها خفارات حتى اخذ اجازة بالعرس ونطلع للسليمانية

جمان : صدك؟ شو ما كتلي

اسر : نسيت اكلج نطلع وأخذ اهلي ويانا نتونس هناك اسبوع هيج

جمان : زين تعرف احد هناك

اسر : اي خالتي عايشة هناك يلا حروح العالم اجت يمي

جمان : اوكف صح ما كتلي شبيك البارحة

اسر : جاية خطابة على مريم وهية رافضة وعمي يريد يجبرها وصايرة مشكلة وامها متكاونة ويا عمي خابرتني الحجية كالت تعال احجي ويا عمك وهديه ورحت يمهم

جمان : ها وشصار هسه

اسر : كال راح اعوفها فترة انوب تفكر لج يلا حبيبي جاي يصيحولي

جمان : يلا مع السلامة
سده اجت ماما يمي حتى نرتب الهدوم بالجنط
حطينا جنطة للي اشتريتها البارحة وحطيت جنطة اخذ هدومي ونصها راح انطيها لانو ما اكدر البس هناك تراكسوادت قصيرة

جمان : ماما صدك ترا اسر كلي نطلع ورا العرس للشمال

ام جمان : اي يمة ما بيها شي حتى انا ام اسر كالتلي

هاجر : عمة من هسه حطيلها جنطة تاخذها وياها خوما تاخذها كلها

رغد : اي حطي كم لبسة بيت وطلعة

جمان : ديلا حتى ما انخبص بعدين
عزلنا جنطة وسط حطيت بيها بنطرون ووياها قميص طويل وفستانين نسقت شال وحذاء وياها وحطيت تراكسودات طوال ودشادشتين لان كلت اكيد إحسان راح يروح ويانا ماما صارت تحط بدلات نوم

جمان : اهو هسه هاي شلها داعي

هاجر : دنجبي احسلج انطيني عمة انا اصفطها
كعدو يحطون بكيفهم عفتها كتل عود بعد اطلعها
خلو الجنط بغرفتي وطلعو
كمت سبحت ولبست دشاشة قصيرة

تمددت وفتجت الموبايل لكيت مكالمتين فائتة من اسر راسلته : ها

دقايق ورد : وجعا هوا هيج عالم ترد كولي تفضل حبيبي، بيك شي زوجي العزيز

جمان : يالعزيز ليش داك علية

اسر : هههه وين جنتي

جمان : بالحمام

اسر : باجر من ارجع من الدوام وارتاح العصر اخذج تختارين بدلة حتى نحجزها

جمان : ليش ما تخليها عود ننزل انا والبنات

اسر : لا حتى اشوف مو تلبسيلي بدلة ما ندري اهية بدلة حفلة لو بدلة نوم

جمان كلت بكلبي خرب حظي وانوب شلون يحجي : ديلا عادي انتَ اخذني ع الحالتين راح اخذ الي تعجبني مو الي تعجبك

اسر : نشوف يلا روحي نامي

جمان : باي

اسر : اضل اعلم بيج كولي تصبح على خير عيوني وانا اكلج وانتي من اهلي جماني حدري روحي بابا ميفيد الحجي وياج انا اعلمج يولي

جمان ضحكت وكلبت بالنت شوي ونمت
ثاني يوم ما كعدت للظهر ماما كعدتني كملت غسلت وصبيت اكل وكعدت اكل واشوف مسلسل خلصت اكل وضلين اشوف المسلسل اندمجت ونسيت حتى المواعين واسر
بنص الاعتراف جان يدك اسر كلت بكلبي اهو هذا مخرب اللحضات الجميلة رديت

اسر : ها بدلتي

جمان : ها لا بعد

اسر : راح تجلطينييي يلا امشي لبسي عباية وانتضريني

جمان : لا بلا عباية وانوب بالسوك حتى ما اعرف امشي بيها

اسر : مشكلتج يلا
سده كملت شلت اكلي وغسلت ايدي فتت للغرفة اركض طلعت فستان وشال لبست بدون ترتيب حيل حطيت مرطب لان شفايفي مشكشكة وبي لون شوي اجا احمد كال اسر ع الباب
لبست حذائي بسرعة وطلعت حتى موبايلي نسيته

طلعت وصعدت اليكدام اسر دحك وكال : هو العناد شلون يصير

جمان :ترا فستان لا تدور حجج

اسر : حقج ياب سكتنا
نزلنا يم محل بدلات لزم ايدي وفتنا ضليت اشوف بالبدلات وأجر بايدي أسر ما يهدها شوي وكال : ديلا ما اختاريتي

جمان : اسر ترا توني فتنا

اسر : اي صار ساعة فضينا

جمان : شسويلك ماكو شي حلو هنا

اسر : امشي اكو محلات انوب اهينة
طلعنا مشينا ولكينا محل بدلات جبير والبدلات تخبل اول ما دخلنا وكعت عيني على بدلة وردي وصخ او هيج يسموه تجنن ونازكة تصير ماكو شي ع الجتف بس هيج جوا الجتف عجبتني
جمان : اريد هاية

اسر : عمي صدرج وايدج كلها طالعة شبيج انتي

جمان : وإذا تجنن وبعدين بس نسوان معلية بيك اريدهااا لو هاي لو ما اريد

اسر : هسه ندور انوب

جمان : اهئ ما اريد ادور لو هاي لو ماكو

دحك عليها وكال : يلا اخذيها بس بدلة العرس انا اختارها

جمان : بس يلا احجز هاي وعود نتفاهم
حجزها كلها اول يوم العيد اجي أخذها واتفقو
مشينا ع الجهة الي بيها بدلات ابيض اكو واكو لا

اسر اشر على وحدة : يلا نحجز هاي؟

جمان : ياا اسر هاي شو بيها حجاب وردان وشوفها حيل جبيرة

اسر : ليش بلا تريدين بدلة عرس بدون حجاب

جمان : اي والكبوس مدري شسمه عليش موجود

اسر : لا ماكو هاي حلوة هاهي

جمان دكيت رجلي بالكاع واشرت على بدلة عجبتني : لو هاية البدلة لو ما اتزوج

اسر : يول يالقزم انتي عود جاي تهدديني لو هاي لو ما اتزوج قابل بكيفج بمحمد هسه اخذج لبيتي ولا عرس ولا شي

جمان برطمت : يعني تخيل تزعل مرتك عمود بدلة غير لازم اختار انا

اسر :وتالي وياج فهميني

جمان : دشوفها زين والله حلوة معلية اريدها

دحك عليها هية جانت ردانها كاملة بس شيفون ومن يم الصدر شوي نازلة كال : دلعة حيل

جمان : راح تتغطى بهذا الي حيصير على راسي دفكها عاد

اسر : يول انلام من جنت ما اقبل اتزوج

جمان : ها يعني متندم يلا بشرفك خلي تفسخ

اسر خنزر : دمشي ادبسز
حجزها وكملنا من طلعنا للسيارة بطني بدت خيل توجعني كلت بكلبي : يبو هذا موعدها بس لا تجيني
تذكرت وكتله : اسر وديني على صالون **** حتى احجز

وصلني ودخلت بس وحدي حجيت وياها ع الحجز للحفلة والعرس حبابة الحمدلله طلعت للسيارة وكتله حجزت بس بعد اكو الم ببطني
وصل ووكف يم بيتهم
جمان :ها شو وكفت

اسر : نزلي تعشي واوديج

جمان :لا وديني

اسر : دنزلي حتى تتعودين باقي ٣ ايام ويصير بيتج وغمز

جمان : والله مريضة بس وديني

اسر عكد حواجبه بقلق : ليش شبيج

جمان : هيج مريضة

اسر : غييررر تحجي شبيها حتى افتهم

جمان : بطني توجعني

اسر : خاف ماكلة شي مو زين

جمان : لا يمعود بس وديني
اشو اسر صار يضحك حيل

اسر : اي فهمنا يلا
وصلني وراح فتت بدلت وجانت جايتني الحمدلله ما ضليت يم اهل اسر طلعت يمهم تعشيت وشوفت البنات البدلات لان صورتها كالو تجنن

اخذت جيس مخصص للمي الحار مليته ورحت ع الغرفة تمددت وحطيه على بطني
مرت اليومين ما كدرت اصوم عرفة لانو علية الدورة واسر بس خابرني مرة هم جان عنده خفر بيوم عرفة سويت جسمي متت وبس اغلط على اسر

اجا اول يوم العيد الأضحى يوم حفلتي
اجو من الصبح خواتي وبيت عمي وبيت خالتي اجو كعدوني البنات كعدت وطلعو من الغرفة كمت كعدت وانا بالفراش صافنة بالفراغ بطني توجعني من التوتر يربي شبسرعة اجت الحفلة وباجر العرس يعني راح اتزوجه واصير يمه شلون بية انا وخوفي وتفكيري السلبي يربي شراح يصير وياية رحمتك يا الهي

رجعت تمددت اجت ماما تصيح : يويلج من الله ليهسه ما كمت يلا اكلي فد شي حتى تروحين ع الصالون راح يروح الحجز يولي

جمان :خلي يروح يارب

ام جمان : تكومين لو اجيج ولج

جمان : اففف امرنا لله راح اكوم
كمت ودت اسبح ماما كالت شلون تروحين وشعرج مبلل بس غسلي وجهج وتعاي احطلج ريوك
غسلت وجهي واخذت موبايلي وطلع من الغرفة البيت مكلوبة وانا ابد ما الي خلك احد ما دخلت يمهم كبل رحت ع المطبخ حطيت ريوك وبدت اكل جان يدك اسر رديت

اسر : صباحج جماني

جمان وهية تاكل كالت : صباح النور

اسر : باي وقت تريدين اجي اخذج للصالون

جمان : ليش انتَ تريد توديني ؟

اسر : عجل منو عمي

جمان : مدري بكيفك تعال

اسر : وج بت الحلو قابل انا الي راح اتكميج مدري شسوي لو انتي

جمان ضحكت : هسه الساعة ب ١١ اكمل ريوك وابدل وب ١٢ هيج تعال

اسر : ديلا
سديته شلت اكلي ورحت للغرفة لبست بنطرون وبدي نص ردان ولبست عباية فوكاها لان هناك راح انزعها اساسا 
اجت زينب وزهراء بدلو هم يروحون وياية
شفت الموبايل قبل ٥ دقايق اسر داز رسالة :كملتي ؟

رديت : اي يلا
طلعت للديوان سلمت على الكرايب وسمعنا صوت طواطة برا كتلهم : يلا اجى امشو

طلعنا صعدت ليكدام والبنات ورا سلمنا ورد السلام الصالون مو بعيد شوي ووصلنا كال : جمان لا تنزلين اصبري
نزلو البنات طلع الفلوس نطاني
قبل ما انزل شفت سترة المستشفى ورا كتله : داومت اليوم

اسر : اي هسه طلعت من الدوام وحدرت عليج من باجر تبدي الاجازة تعرفين زواج وكذا وغمز

جمان كلت بكلبي لو سادة حلكي احسلي فتحت الباب اريد انزل
اسر : تعاي هين اكلج حتضلين بالعباية مو

جمان : لا راح اذبها حتى تشتغل براحتها

اسر دار وجهه ع الجامة : ما تنزعيها

جمان : لا والله ليش

اسر : والله الي اشوفه وجهج ما اله دخل بالعباية تكدر تخربط بي بدون متذبيها

جمان : ان شاء الله
نزلت ودخلت للصالون لكيت البنات يتغامرون لية : ها شسويتو ورانا

جمان : دطيرو احنا صار ساعة نتمالخ وهذول يتغامزون
كعدنا نص ساعة كملت العروسة الي بايدها و كالت يلا تعالي حتى ابدي بيج كمت كعدت كالت ذبي الشال واذا لابسة شي جوا العباية ذبيها حتى ما تتمصخ
ذبيت الشال وما ذبيت العباية طلعت الها صور المكياج والتسريحة كتلها اريد كلشي يكون مضبوط ومرتب

بدت تشتغل بالمكياج من كملت العيون شفت نفسي حتى اذا اكو شي مو حلو اعدله كلشي نفس الصورة ومرتب وكملت الباقي انا ادقق علمود ما اريد اكون بهيج يوم مهوسة ومو مرتبة علمود نفسي مو علموده وحدة وياها مساعدة بدت بزينب تمكيج
وانا كملت مكياج بدت بشعري كالت : شعجب عروس وما صابغة شعرج

جمان : احب لونه
تذكرت من رحنا نأجر بدلات كلت لاسر : حروح باجر اصبغ شعري

اسر كلمته المعتادة : ممنوع

جمان : هلاو هاي ليش انوب

اسر : ع طبيعته احلا

جمان : بس انا حابة اغير قابل شعري لو شعرك

اسر : شعري وجربي صبغي بدون ما ادري شوفو شسوي بيج

جمان درت وجهي عنه ضايجة حتى بالشعر يتدخل
—————-
كملت تسريحتي اجت بمكاني زهراء حتى تمكيج هم ونروح جانت الساعة ب٣ انا اخذت صورة الي عجبني المكياج وكلشي مطلعني غير

ام الصالون : شنو ما جايبة بدلتج ؟

جمان : صدك تذكرت اسر من وصلنا كال راح اروح اودي البدلة لبيتكم شتكولون بنات اخابره يجيبها البسها من هنا ؟

زينب وزهراء : بكيفج

جمان خابرت اسر رد : ها كملتي ؟

جمان : اي بس جيبلي البدلة حتى البسها هنا

اسر : لا ماكو

جمان : هم كول ممنوع ليش ان شاء الله

اسر نصى صوته من الي حوله : يول شنو مخبلة انتي شلون ارجعج لهلج وانتي لابسة بدلة كل زنودج وصدرج طالع بالبيت لبسيها

جمان : اف يلا كملنا ربع ساعة وتعال

اسر : خوش هسه انا يم الحلاق اكمل واجي
شوي وزهراء كملت ولبسنا الاحجبة نطيت الفلوس للصالون واسر خابر يعني اطلعو رفضته وطلعنا
اجيت اصعد كدام خنزر و كال: لا روحي ويا البنات ورا انتي ما شاء الله ممخلية شي محاطته على وجهج وغطي شعرج زين
انا جنت بس حاطة الشال شكل حتى ما تخرب التسريحة كعدت ورا وعدلت الحجاب من كدام وصلنا وراح جان مزين ومعدل نفسه لانو لازم يدخل على الحفلة شوي

دخلنا من باب الديوان محضرين كلشي ومبدلين ومشغلين الديجي وحتى طيبة جاية كبل دخلنا لغرفتي حتى البس لبست البدلة الي جان لونها مثل المكياج وردي على بصلي شوي غامقة حيل حلوة ساعدوني البنات وسدوها الي من ورا لبسوني الحذاء بعد ما كل البنات كتبو اسمائهم واول وحدة طيبة
قبل لا اطلع خواتي اخدو صور النا واخذولي وحدي

دخلو رغدو هاجر النا ما شفتهم من اجيت جانو مبدلين ومكملين كلشي وسيف وياهم اجى يركض علية يصيح : عروسة عروسة
ضحكت عليه
هاجر : عزا العزاة ما شاء الله والله كلشي يجنن من التسريحة للمكياج للبدلة
رغد : اي والله يجنن معروفة جمان بشكلي نازكة

جمان بغرور وبدلع : اعرف اعرف طالعة كميلة (جميلة ) رجعت صوتها الخشن متروحو يولو كافي تصبغون بية

رغد ضحكت : والله مو صوجج ادبسز
اخذوني وطلعنا للديوان الكرايب كلهم موجودين وبدو يجون الجيرانا كعدت ع الكوشة الي اجرها اسر البارحة حيل حلوة
جانو البنات يركصون خنزرت طيبة يعني تعاي صيحلي اركص جت جرتني بالنص هوا انت بالكوة جنت لازمة نفسي بديت اركص وياهم ب ٥ صارت صوت سيارات برا عرفنا اجو اسر واهله البنات راحو تسترو انا كعدت وجان يدخلون كرايب اسر وامه يهوسون اشو انا فجاة اجتني الضحكة وما اكدر الزم نفسي تذكرت انا العروسة ولازم اثكل ضميت ضحكتي جان يدخل اسرلابس قاط نيلي حيل مرتب وحلو يمشي ويدحكلي ومبستم

هنا الضحكة الي توني كنت اضحكها تحولت خوف وارتباك اجا كعد يمي ومن صار قريب يمي وانا كلشي مني طالع جسمي صار يرجف لا ارادي غمضت عيني ثواني مستجمعة قوة فتحت عيني مبتسمة لام اسر الي داخلة تهوس وتركص كدامنا
شاورني اسر : حرت افسرج شو انتي ترجفين وجهج يضحك

جمان : انتَ بليت نفسك بوحدة متناقضة ومو مفهومة تتحمل ؟

اسر ابتسم من غير الفرحة الي بعيونه : احلى بلوة ، حيل اتحمل ما لج دخل

جمان ابتسم وجهه بس بعد التوتر بكلبها شافت وسام جاي باتجاهم ابتسمت اجا باسته جمان
اسر: ايا ادبسزهذا لو اسر مقرب منج هيج جان انكرصتي

جمان : معليك مو وسومي

وسام : اي جمان طالعة حلوة

جمان : صدك شكرا يروحي
جابت ماما علبة الذهب حتى يلبسني شال الكلادة وتقرب مني لا ارادي بعدت عنه دحك مستغرب رجعت نفسي طبيعية لبسها الي وباس جتفي رجفت كلت : شبيك اسر ما تستحي بنص هل عالم تبوسني

اسر : لا ما استحي مالتي وبكيفي ترا هسه انهزم بيج انتي صبر سنيني

جمان سكتت لبسني المحبس وبعدها السوار وحضن ايدي بايده اجت زهراء تصورنا هوا تقرب مني انا كلبي راح ينجلط من الارتباك اخذت صورة وراح جريت ايدي من ايده ورفعت البدلة من يم صدري رجع جر ايدي دقيقة وصاح امه : يلا هاهية انا حطلع حتى البنات ياخذون راحتهم عيب

ام اسر : اصبر يمة اركص شوي ويا مرتك وروح
كام ومدلي ايده كومي وياها انا التوتر الف حرفيا
شغلو النا اغنية

[ينبغي أن يكون هناك GIF أو فيديو هنا. قم بتحديث التطبيق الآن لتشاهد المحتوى.]

حط ايده على خصري وانا رفعت ايدي على كتافه بس ما مرتاحة للوضع انا اوصل لي صدره ضليت مدنكة راسي
وصلت مقطع (اصل انا لما بكون متشافة بتوتر اصل انا خوافة بحضنك احميني )
جرني عليه حيل وصار حاضني وكال بصوت خافت : انتي ليش خوافة

رفعت عيني عليه يدحك بنظرات مدري شلون اوصفها ومبتسم لانها بين ايده
من بدت الموسيقى العالية او الحماس من الاغنية رفعني وفرني خفت من انحطت رجلي ع الكاع ضحكت كال : اي دفكيها من الصبح مكشرة
خلصت الاغنية هدني وطلع

انا كعدت الكوشة جان انتبه على مريم ونور واماني واكفين على صفحة ويتهامسون ومو عاجبهم الوضع مريم صارت تدحك علية بحقد درت وجهي عنهم وصرت اضحك ويا طيبة صار المغرب راحو اهل اسر وكرايبه وراح الجيران هم راحو بس كرايبنا بقو وطيب بقت ع الحنة بليل
كمت ذبيت البدلة لبست بنطرون وقميص وطلعت جانو يصبون عشا حطو سفرك على طول الديوان حتى تكفي وهوا حيل جبير صبو جانو دازيت على كباب ومشويات

انا سويت بس لفة كباب دجاج واكلتها ما اكل الباقي جانت هوسة وهما هواية وواحد يحجي ويا واحد دخت بعد ما اكدر وانوب هاي التسريحة والمكياج بعدها كمت غسلت ايدي اجت طيبة وراية تستخي تكعد بدوني رحنا للغرفة صاير بيها انقلاب كعدت طيبة تفك التسريحة الله خف حمل عن راسي اخذت بندول تمددت شوي فتحت الموبايل ولكت ايات دازتلي فيديوهات من يبلسني الذهب ومن نركص فتحت الفيديو ابتسمت على منظرنا

طيبة : ها ولج صرتي تحبي مو

جمان راحت الابتسام : لععع

طيبة : علينا جوجو

جمان : دولي جلبة
طيبة ضحكت

شوي واجو بنات كرايبنا كالو يلا نبلش الحنة حتى نخلص من وكت ونروح كومو لبست فستان ماروني قصير اشتريته بي نفشة شوي من جوا عدلت حمرتي الي رايحة شعري من فكيت التسريحة ضل ميرلي ما تخربط عدلته وطلعت الهم جانو محضرين صينية الحنة ومشغلين الاغاني

كعدت صارو يحنولي ويسولفون ويضحكون جنا بس صديقات وكرايب واهل وعلى راحتنا بعدين كالو خلي نسوي حنة تركية كامو جابو تول احمر حتى يحطوه فوك راسي كعدوني على كرسي بالنص وحطو هاي فوكاية ويفترون هما لازم يشيلون شموع بايدها جانو وحدة شايل طاسة الحنة و وحدة مالت الشكر وكل وح شايل شكل من الصينية الي جانت كدامي وانا اضحك دنكت عليك بنت خالتي : يول هاي تضحك هسه لازم تبجين

جمان : هلاو ليش ان شاء الله

البنية : هية هيج يلا ابجي

جمان وخرت هاي من فوكاها وكمت : انوب صار بيها بجي دولو شغلولي سجودي (ساجدة ) خلي اركص براحتي بكلبي باجر اكابل اسر واكعد وتالي لو انا اخنكه لو هوا يخنكني

صرنا نركص عادي شوي وراحو الكرايب ضلو بس بيت خالة وحدة يمنا علمود بعيدين انا دخلت سبحت راحة نفسية طلعت كبل ذبيت نفسي للفراش فرشنا كلما بالديوان كالو حتى نسهر وياج ميدرون انت مطفية من التعب اجتي ماما وزينب كعدو يمي كالت ماما : جمان راحت الدورة منج مو

جمان : اي جان اليوم اخير يوم

ام جمان : عجل سمعني حتى احجي وياج يولي

جمان طخت عندي : عرفت على شنو جايتني علمود باجر مو سمعوني من الاخير لو يموت ما اخلي يكرب مني خوش

ام جمان : نجبي شهل حجي

جمان : هذا الي عندي حتى لو اكله عليه الدورة ما يطخني يعني ما يطخني اوك وهسه حنام وان شاء باجر ما اشوف هل يوم الاكشر
كامو من يمي لزمت الموبايل حتى اطفي شفت من الاشعارات فوك اسر داز : ساعات وتكونين يمي ........

يتبع ......