رواية اسرني كيدها الفصل الخامس عشر 15 - بقلم الكاتبة ايات الـ سند

بقلم :ايات السند
السلام عليكم ♥️

وليس الهجر يؤلمني ولكن
جمال الذكريات يهز قلبي
اخادع حُزن روحي بالتمني
فأين حنان ذلك القلب عني؟

__________________
جمان : رجعليهم خبر رفضي

ام جمان : ليش

جمان : اريد اكمل دراستي حاليا و ما اريد اتزوج

ام جمان : عادي يمة خوما يريد يمنعج عن الدراسة

جمان : لا من اتزوج تصير علية مسؤلية لا تلحين ماما ما اريد

ام جمان : هاهية خلص ع راحتج
راحت تبلغ بابا رفضي بابا ضل يسئل ليش وشبي هوا كتله بابا سد هذا الموضوع ما اريد سكت وكال هاهي رجعي خبر الرفض

كلت بداخلي خفتاََ وراحة خلي يشوف منو جمان ما يدري انا اخر همي الزواج كمت درست

بليل كاعدين وماما خابرت ع ام اسر ضلو يسلمون ويحجون كالت ام أسر : بشري حمامة غراب

ام جمان : والله الصراحة ام أسر البنية بعدها صغيرة وتريد تكمل دراسة وما مفكرة بالزواج ومو مال مسؤلية هسه وانتو حشاكم من القصور ما بيكم كلشي بس بعد جواب البنية ما تريد هيج شي هسه

ام اسر : عادي خية الحياة قسمة ونصيب وكدامها دراستها ع راحتها
شوي واستئذت ونهت الاتصال

ام جمان : احس فشلت منها

ابو جمان : عليش هاي البنية يطلبها الف واحد وياخذها واحد

ام جمان : ي صح

_________________

أسر

رجعت من الدوام متلهف ما شفت امي الصبح من طلعت
للدوام ولا سئلتها شصار
وصلت لكيتها جاي تصب غدا

ام اسر : ها الله يساعدك

اسر : ويساعدج شلونج

ام أسر : زينة زينة بس كلي شعجب اليوم دخلت النا مفتوح للحلك (مبتسم) يوميا كالب وجهك

اسر : انا كالب وجهي

ام اسر : طلع هالجوهرة الي بحلكك

أسر : اف كشفتيني هسه كولي شنو جوابهم البارحة

ام اسر : اها هيج الشغلة دكول من الاول

أسر : هسه غير تجاوبيني بيني وبينج حتى البارحة منمت انتضر الجواب

ام أسر : ولك خوما من هسه ينطون الجواب لباجر لعكبه جوز

اسر : افا ليش

ام اسر : هيا هيج لازم كم يوم

اسر :شهل عادات الغريبة

ام اسر :دمشي بدل لاحك ع شلعان الكلب

اسر : قصدج دوا الكلب

ام اسر : ها من هسه بديت تخاف منها

أسر : شخاف منها غير هاي الحب والحرب

ام اسر : دمشي ابو الحرب

ضحكت صعدت بدلت ونزلت اكل مر اليوم عادي بليل موبايل امي دك واحنا كاعدين بدت تسلم من كالت ام احمد بدون شعور كمزت يمها

كملت اتصال وانا احر من الجمر
ام اسر : يمة شكلك من الاخير البنية ما موافقة

سكتت جان اكول شعور بداخلي جان يعرف الجواب وهسه تاكد
اسر : الله يقدم الي بي الخير

شوي وصعدت لغرفتي اذا انتي عنيدة يا جمان ف انا اعند منج والايام كدامنا ونشوف

_______________
جمان

بعد مرور يوم

اليوم ثلاثاء قررنا نطلع سفرة احنا وخواتي قبل عرس زهراء الي هوا عكب باجر الخميس البارحة راحت اجرت البدلة وحجزت الصالون وكلشي كامل وكلنا نطلع احنا وياها قبل ما تتزوج
امي اجت تكعدنا من ال ٨

جمان بصراخ : هسه شكو قابل هية مدرسة لو شنو

ام جمان : انتي تمبل اكلي خ*ا وكرمينا بسكوتج والله عادي ضلي نايمة واحنا نروح واذا

جمان : لا بلة سفرة وتكولين ضلي نايمة بس لو دوام ما تكولي ضلي نايمة وغيبي والله أشو الا اروح

ام جمان : كومي لعد فضينا همزين ما زوجتج وفضحتينا يم العالم

جمان : والله امي و  انطوها حجاية عاد كل شوي راح تذكرني بالخطبة الكشرة
تتذكرون من مرة صديق ابن خالتي طلبني ضلت سنة تذكرني كل شوي وكالت السالفة

زهراء : يبو لا تذكريني ولا انا كلما يجي احد شتسوي

جوان : ولكم تتشاقة وياكم قابل شنو

ام جمان : العفو قاطعتكم بس مملاحظين جاي تحجون ع امكم وهية يمكم

ضحكنا كلما وحظناها
كمنا بدلت وجهزنا الغراض الي نحتاجها والاكل وطلعنا سيارتين
صعدت بالسيارة مال بابا شفت سيارة وكفت يمنا وبابا واحمد صارو يسلمون شفت اسر بسيارته واضن رايح للدوام واناقة وحركات هلاو شهل موظف يروح هسه لدوامه شعلية بيه درت وجهي

طول ما يحجي يدحك علية متتت من الاحراج وعركت وكلت اكيد هسه شافوه شلون يدحك مشينا والوضع عادي محد حجة تنفست بارتياح

وصلنا للمكان يجنن شط وخضار اول شي بدينا بيه هوا التصوير شغلنا سماعة عالية والمكان فارغ بس احنا

وكاعدين وناس تتناقش وناس تتامل الجمال الي هيا انا اموت ع هيج مناظر لو اكعد ١٠٠ سنة ما امل
دخل احمد للشط والجهال بالبداية انا ما تحملت ردت افوت وياهم

ام جمان : ولج شتفوتين كعدي

جمان : ما الا افوت ليش ريتاج والباقي دخلو

ام جمان : هاي العايزة تقارنين نفسج بالجهال

جمان : ديلا بس رجلي

ام جمان : روحي بس لا تفوتين ترا اشوفج 

جمان :لا ابد
كعدت دخلت رجلي المي بارد ثلج شوي شوي بديت انزل وصلت لي فخدي

ام جمان : والله اعرفج راح تنزلين شوي شوي حتى تسبحين عيب يمة هسه تجي عالم

جمان ببكاء متصنع : راح اطلع ارتاحي
طلعت وصار الظهر شوينا دجاج وتغدينا وكعدنا شوي قريب العصر وكالو كافي كومو ضجنا

الجهال كامو يبجون الا يسبحون انوب يالله انروح
ماما كالت ميخااف خلي يسبحون خطية ونبدل الهم ونروح

جمان : هاي عمود احفادج لو جمان كالت لجرشي ما تقبلين

زينب :انجبي ولج وتالي ويا غيرتج

جمان : عادي شلونهم جهالج حتى اغار منهم وبعزين بكيفي هاي امي ممنوع احد يقترب منها مفهوم

جوان : ولج انتي اخر العنكود محد ياخذ مكانج

جمان : لا والله اخذوه يحسرة
دخلو بس ع البداية واحنا يمهم ريتاج كالت صوريني
وانا بالشط ضحكو البنات عليها

جوان : شوف شوف تعملت من خالاتها جمان و زهراء بس يصورون

جمان : اصلا هذا احلا تعلوم وبعدين خالة بس بالاسم هما يصيجولي باسمي وياه غلطة هم

فتحت الموبايل دا اصورها وهيا واكفة وعثرت وكامت تصيح واخذها المي الجاري انا صرخت كل صوتي..............

يتبع......
حتى لو قصير المهم انزل 🌚