رواية اسرني كيدها الفصل السادس عشر 16 - بقلم الكاتبة ايات الـ سند

بقلم : ايات السند
السلام عليكم

لا تنسون التصويت والتعليق بين الفقرات استمتعو ♥️

أشعر بالتعب من كل شيء، من هذه الأشياء التي أنهت قلبي، ومن الاصدقاء الذين لا يداوي وجودهم شيئاََ ومن المنزل الذي لا استريح فيه ومن هذه الحياة الطويلة التي اوقن جدا بأني ساقطعها لوحدي"

____________
جمان

كالت صوريني فتحت الموبايل دا اصورها وهيا واكفة وعثرت وكامت تصيح واخذها المي الجاري انا صرخت كل صوتي

دخل احمد بسرعة وجرها وزينب راد يغمى عليها من البجي والصراخ
من طلعو ريتاج ضلينا نهدي بيها ورجعنا للبيت اول ما دخلت لغرفتي وذبيت نفسي على جربايتي يولو هلكتتتت

جوان : يعيني جنتي تكسرين حجار

جمان : ي والله ومن التعب ما كملت تكسير

جوان : يا عيني الله يساعدج

جمان : اكلج شو انتو لزكتو ايمتى تروحون حفلة وخلصت بعد شكو

زينب : راح نخيم يمكن صخونة هوا عكب باجر العرس وبعدين نروح

جمان : يبووو لا تزغرطين يا انشراح شهل صدمة ولكم

الكل ضحكو كمنا بدلنا ولزمنا سرة ع الحمام اكلنا الذبان
وبعدها عزلت الغرفة والبيت وزهراء وهاجر لزمو المطبخ انكلب وحدة نظفت وحدة سوت عشة اكلو والجهال استشهدو من التعب ضلينا نفتر

جمان : الله هدوء راح اشتري منوم ومن تجون انطي لجهالكم الشياطين

زينب : لا بلة بيت جدهم وبكيفهم

جمان : بيت جدهم وحدة وحدة تجي مو كلكم انتو وشياطينكم

زينب : شفتو يولو خالتكم متريدكم

جمان : انتي كل شوي وكوليلهم خالتكم متريدكم دعوفيهم نايمين وخلصانين منهم
شالوهم من الهول رحت فرشت الهم واجو حطوهم
و رادو يطلعون

جمان : ها حبيبات وين

جوان :خير ان شاء الله نريد نسهر عكب باجر تروح زهراء لازم تودعوها

جمان :عيني ماكو داعي اودع كم يوم وتكولي دي ما الحك اشتاق انوب من تلتمون انتو و راح تروح زهراء وانا ابتلي بيكم

زينب غمزلتي : حبيبتي لا تخافين انتي هم تتزوجين وراها

جمان : يمة اسم الله انتو بس شيلو عينكم عني انا بخير

زينب : عود اذكرج

جمان : هسه فرشت الكم فوتو نامو وعوفو السهر والهوسة متعبانين

جوان : نامي انتي ومعليج يا جلبة

ضحكت عليهم وهزيت ايدي دائما احب نتشاقة ونتناكر هيج نمت لان حيل دايخة وهما طلعو يسهرون

________________

اسر كعدت الصبح بدلت وطلعت متاخر شوي اليوم
طريقي يصير من جهة بيت اهل جمان شفت جاي يحضرون غراض وصعدو بسيارات تعديت من يمهم شافني احمد وكفت سلمت ع ابو احمد واحمد

اسر بمزح : ها شلونكم لازم مقررين ترجعون تشيلون،
شفت جمان كاعدة بالسيارة من جهة اليمي دحكت عليها كلت بكلبي شهل جمال جماني

احمد : اي ما عجبتنا منطقتكم

اسر ضحكت : افا
غافلت ابوها من اندار ع احمد دحكت عليها تافأفت ودارت وجهه ولج اذا ما اطبق جملة ساجدة " اجيبك للدرب كتلك اجيبك" اصبري

ابو احمد : لا والله سلامتك بس طالعين سفرة نتونس

اسر : في امان الله

ابو احمد :الله وياك

مشت دخيلك يا ربي ايمتى تصير بسيارتي مو بسيارة اهلها ضربت الستيرن بكفي وصلت المستشفى وبلشت دوامي
خلصت وطلعت للبيت ارتاحيت العصر خابروني أصدقائي يكولولي تعال راح ناخذ عشانا ونروح ع الشط

اسر : تمام راح اجي ما عندي شي
خابرت على محمد خابرني الصبح كال راح اجي عليك كل فترة نجتمع كتله تعال لمكان ***** راح اروح انا والشباب
بدلت وطلعت للمكان كالو مر ع ضياء جيبه وياك
حدرت عليه

أسر : ها ضلع شلونك

ضياء : الحمدلله
رحنا ع الولد بالمطعم اخذو العشة من المطعم وطلعو الدنيا صارت المغرب وصلنا للشط تجمعو وصار واحد يسولف ويا واحد

شفت ضياء ديصور :ولك ضل صور كلشي مثل البنات

ضياء : انجب ما اسمحلك رجاءا

اسر : ع اساس انا انتضر تسمح لي

ضياء : غير متابعاتي ينتضرون الستوري مالتي

اسر : لا ابد كلشي ولا متابعاتك

ضياء :عجل غير بنياتي هذول
شفت محمد اجا كمت عليه سلمت وكعدنا انا وياه وضياء
خلصنا وكمت هما يريدون يضلون كلت انا اروح كالو ضل ما قبلت كام وياية محمد

من رجعنا للبيت شفت سيارة ابو احمد برا وواحد جاي يخدشها من الجانب و يمشي سرعت وصلت يمه ونزلت هوا شافني وركض ركضت وراه ما لحكته ولا عرفته خرب بهل حظ لو لاحكه بالسيارة جان لكفته

رجعت محمد سئلني : ولك شبيك هذا منو

اسر : بس اصبر
رحت لبيت ابو احمد دكيت الباب طلع أحمد

احمد : هلا اسر شلونك تعال تفضل

اسر : مو وكت اتفضل يول تعال شوف سيارتكم شفت واحد جاي يشخطها ركضت ورا بس ما لحكته

احمد بصدمة : شنو، اجا ع السيارة يشوف انصدم صايرة ع طول الجانب اليسار
راح صاح ابو اجا شاف

ابو احمد مسح ع وجهه بغضب : هذا يا كلب وليش هيج سوا

اسر : اعذرني عمي ركض وراه بس فلت مني للاسف وما عرفت منو

ابو احمد : عندي كامرة ع الباب هسه اشوفه

اسر : لعد انا اترخص عمي وامر الكم الصبح بلكي نعرف هذا منو واي شي تحتاجوه انا بالخدمة

احمد : تسلم ما تكصر واشكرك عمود كلت النا

أسر : لا عادي مع السلامة اخذو راحتكم
عفتهم ورحت ضلو يحجون شوي ع الباب وفاتو خلي ياخذو راحتهم جوز عدهم شي ويا احد ما أريد اتدخل بس ما راح اقصر بأي مساعدة اف لو لازمه شلون فلت مني كال محمد :دفهمني

اسر : شفهمك سيارة الجيران شلون يعني اشوف واسكت وبعدين ترا هذول بيت عيال اخت مرتك

محمد : ها هاجر هنا كعدو؟

اسر :اي
دخلنا ع البيت وامي رحبت بمحمد وكيفت بي كعدنا انا وياه وإحسان وعمو اجو تعللنا وسوو ناركيلة بعدين انا رحت لغرفتي ما احب اسهر كوم

_______________

جمان

سمعت هوسة كمت شفت متجمعين ع الكامرة واحمد مدري شجاي يدور
جمان : هاي شبيكم شكو

زهراء : يولي مدري منو شاخط السيارة مالتنا من الجانب ع الطول وبابا يريد يعرف منو وجاي يدورون بالكامرة

جمان : يبو هذا يا حيوان
شافو بالكامرة ما واضح وجهه
نزل انور من فوك ( ابن ابو جمان) : شكو شبيكم
حجو له ع السيارة هوا احمر وجهه وعصب

انور : بس لا سواها هذا الك***د اليوم اموته

ابو احمد باستغراب : منو هذا تعرفه؟

احمد : ولك احجي شبيك

أنور :ي اعرفه اليوم انعل والديه، وطلع من البيت
ضلينا لل ٣ الفجر وهوا ماكو .........

يتبع .......