رواية اسرني كيدها الفصل السادس والعشرون 26 - بقلم الكاتبة ايات الـ سند

بقلم : ايات السند
السلام عليكم

لا تنسون التصويت والتعليقات استمتعو ♥️

- أنتَ ماتنراد بس كُلش أريدك .

____________

اماني : يا متدرين اسر جان خاطب مريم

جمان صدمةة جان خاطب هاي؟ وليش فصخ واكيد جان يحبها ورفضته وليش ما حجالي وليش وليش كل الافكار بلحضتها اجت ببالي  رديت : ها اي تذكرت حجالي اكيد مراح يضمم عنيي هييج شي

اماني لوت حلكها : ها اي ما يضم

دخل اسر لان اكو باب من المطبخ مفتوح على الحديقة شافني وابتسم كال: جبت الكم الي محتاجي هاج اماني

جمان وانا اخفي غضبي : توني جنا بطاريك

اسر ضحك :ها زين لو شين

جمان رفعت حواجبني : لا زين لا تخاف جنت احجي شلون ما تضم علية شي

اسر استغرب بس ما بين : يابة منور مطبخنا بيج مريتي

جمان ابتسمت بس كدامهم انا جنت واكفة قريب يم باب المطبخ الي داخل البيت تعدا من يمي يريد يفوت كرصته من ايده

اسر رفع حاجبه بمعنى شكو ابتسم الهم وكال : يابة غطو علينا حاخذ عنكم مريتي احجي شوي وياها

جرني من ايدي وطلع دخل بغرفة : شبيج مكشرة جماني

جمان : ها والله اعذرني تريدني اضحكلك وانا توني مصدومة من الي سمعته

اسر ضيق عيونه : شسمعتي

جمان : خاف ناوي تضم اكثر اعذرهم خطية حجو

اسر : غير تحجيي هسهه

جمان : مبروك ولو متاخرة على خطوبتك من مريم

اسر رفع شعره بايده وغمض عيونه ودار وجهه عني وحجا: خ*ا بيكم

جمان :فوك ما يحجولي!

اسر : ترا هذا الشي قبل ٤ مدري ٥ سنوات اولا وثانياََ جان اكو شي خلاني اسوي هل خطبة

جمان : ممكن تفهمني شكو؟

اسر : ولو اشوف ما اله داعي نرجع هل سنين بس تعالي كعدي اكلج

جمان : لا اله داعي لازم تحجيلي وما اكعد

اسر : خرب ببليسج كعدي يوليييي

جمان : افف وهاي كعدت فهمتي

اسر : احجي عدل

جمان : اوك حجيت عدل احجيلي

________________
اسر

سولفت الها انو هاي جانت وصية ابوية وهوا حاجي ويا عمي وجان يقنع بية انو اتزوجها لان جان يحب بنات عمي زوج نور لعمر والتفت علية وانا ما اقبل وجنا نتكاون على هاي الشغلة
إلى ما ابوية تمرض وحتى وهوا مريض يقنع بية كلت ان شاء الله وبعدها توفى وكلت خل اسعده بكبره وخطبتها بس عقد قران بدون خطبة ولا حفلة وحجيت الها شلون جانت تتصرف وتلح وتشك وتدور مشاكل وانا بزعت وفصخت الخطبة والتهيت لاهلي الي صار مسؤوليتي وعمر ما مهتم هواي الهم وهاهية

فجاة دخل وسام راح يركض بحضن جمان : شونج جمونة

جمان : ههههه حبيبي انتَ شلونك

وسام : انا زين مشتاكلج

جمان بسته : وانا مشتاكتلك ليش ما تجي علية

وسام : اسر ما يقبل

جمان : معليك بي تعااي يمي من تضوج خوش

وسام : اي

ما اشوف الا اسر باسني من خدي ويكول لوسام : شوف هاي مرتي بس انا وخر

وسام زعل : عجل مو كلت انا وياك

اسر : لع ماكو غيرت الاتفاق

جمان : لا  معليك انا خطيبتك بس انتَ

اسر : لا تجذبين عليه

جمان : اسر شبيك دعوفه

اسر :  منين جيتي خطيبته

جمان : معليك انا اريد وسامي وحضنته

اسر بعده عني : لو انا لو ماكو

جمان ضحكت كلت الوسام : عمري انتضرني بالهول شوي واجيك
طلع

جمان راحت ضحكتي انداريت عليه : اي كملل وليش ما حجيتلي

اسر : وين احجيلج اذا احنا ما نتشاوف بس من اوديج للدوام وحتى على الرسايل متردين

جمان : جنت تحبها

اسر : جمان لا تخبليني اصلا ولا اي شعور جان الها فقط بسبب ابوية صارت هل خطبة اصلا انا احب فد وحدة فديت ربها

جمان بتفاجئ : لعد ليش ما خطبتها

اسر : انا ادبر الامور ان شاء الله عن قريب راح تكون زوجتي

جمان : الله يهينكم ليش خطبتني وانتَ تحبها

اسر : عادي عمي الشرع حلل اربعة

جمان جتني البجية : وكل اعقلك اقبل اكو ثانية وخر هد ايدي خل اكوم

اسر : بكيفيي ما اهد كومي إذا بيج خير

جمان : كمت وضليت اجر بايد احس راح تنكسر وهوا ما عافني وكاعد عادي اخر شي جريت ايده وعضيتها بكلل قوتي هوا هدني وكال : شنو ما ملحقيج انتي

لزمتها ركضة اريد اطلع برا الغرفة حضني من ورا وهوا ميت ضحك : وخرر هدني لا تحضنننييي وخرر

اسر : هههه اخخ بوية صدكتي؟

جمان : شصدك وخر عني كافي صدمات اليوم طلعت خاطب قبلي وتحب حبيبتك وراح تتزوجها شلك بية وخر خاف تغار عليك

اسر ضحك بعد أعلى : وانتي ما تغارين علية منها

جمان : لا ما اغار هدني

زدت بحضني عليها : عمي عود مصدكة انتي ما اتزوج غيرج عيناي

جمان : وخر لا تضحك علية

اسر : هسه انا ما جذبت كلت راح اتزوج لاحبها واليفتهم يفهم

جمان : اي روح اتزوجها بس وخرر

اسر : وربي غبية درتها وبستها من خدها احمرت شبسع ما تحمر هل بنية عجل من تتطور البوسة شتسوي فلتت من ايدي وطلعت تركض

صحت : امانيييي اممانيي

اماني : ها اسر

اسر : تعالي

اجتني دخلت على الغرفة : ها خوية رايد شي

اسر : منو الحاجي كدام جمانة على الخطبة القديمة؟

اماني توترت : منو حاجي

اسر : احجي ولج انتي لو هذيج؟

اماني : ولا وحدة هاي من هسه كامت تالف حجي علينا

اسر : شتئلف اماني راح اموتج انتي الحاجية

اماني : اي واذا حجينا وهية كالت كايلي ليش تجذب

اسر : شدخلج بيها شدخل هذا الموضوع هسه

اماني : شوف اسر هاي مبينة من هسه توصل حجي وتدور مشاكل بينك وبين اختك الجبيرة

اسر : عجل تريديها ما تكلي

اماني : لو ترجع على مريم احسن وردة ما تلاكي مثلها

اسر : انا الي راح اتزوج مو انتي وتختارين خليني زين وياج اماني ومتحترمج اكبر مني لا ترجعين لسوالف قبل

اماني : اي خايف على احساسها

اسر صحت : امااانيييي

اماني : فهمنا يلا ارحع للمطبخ انا

راحت وانا صعدت لغرفتي فوك وتمددت ما يتركون اليوم يمر بدون مشاكل

____________________
جمان

طلعت من الغرفة ركض دخلت للهول كعدت يم ماما وبعدين اجا وسام يمي وهما جانو يحجون شوي وجابت ايات مشمع كمت افرش وياها فرشنا على طول الهول طلعت وياها للمطبخ اساعد اذا اكو شي
هاجر جانت بعدها بالمطبخ

مريم : ها لازم طول نقاشكم

ايات : ترا يعني جان كاعدة بالهول على كيفج

مريم دارت وجهه
هاجر : وحتى اذا بعدها يمه خطبيته وكدام الله مرته وخليهم يحجون براحتهم

الكل كام يافاف من صفحة استغربت من حقدهم شدخلهم جانت اماني تصب وبنت عمتهم ونور ومريم واكفين على صفحة يحجون كامت هاجر صارت تصب الحلاوة وانا صرت اشيل المواعين واحطها بالهول كالت ام اسر : تعالي كعدي ولج جمان هسه البنات يصبون

جمان: لا عادي خالة وياهم
الجدة ابتسمت لجمان : خليها صارت باعتبار جنة البيت
جمان ابتسمت الها ورجعت على المطبخ وشلت ويا ايات وكملنا وكعدنا بالهول كلنا جدتهم كالت : ايات يولي روحي صيحي لاسر والاحسان يجون يتغدون ويانة ماكو احد غريب

كامت ايات شوي ورجعت : لا جدة اسر ما يقبل يكول اكلو ومعليكم بينة

انا حرت منين ابدي اكل مسوين مناسف دليمية عفت النزاكة والاثونة وكعدت اكل إلى ان شبعت حسيت راح اطك

كمت حتى اغسل
الجدة : يا شكلتي حتى تكومين
جمان : جدة كل هذا وما اكلت هاهية شبعت
الجدة : والله جنه اكل العصافير

طلعت للمطبخ اغسل كل هذا وتكول اكل العصافير

رجعت للهول كعدت شوي وشالو الغدة كمت اشيل وياهم وكفت نور وبنت عمتهم يجلفون انا رجعت كعدت يم النسوان جانت اماني ومريم هم كاعدين وايات اجتي بصفي جانو يسولفون سمعت صوت اسر وراية انداريت واكف على الباب :ها جدة شلون مريتي

الجدة : يمة فدوة لعمرها ان شاء الله تسعدك وتضلون دوم سوية

اسر :امينن
طلع و كالت جدته : يمة من هسه ما اوصيج باسر وردة ويحطج بعيونه بس داريه

جمان : ان شاء الله

ام مريم : والله لو شما تداري بيه الزلمة تضل عينه فارغة ويدور

اماني : اي والله هسه حتى رجلي ما احلف عنه كلهم نفس الشي وما يملي عينه شي

الجدة : هوا مو من الزلمة هية من المرك هية الي تلزم رجلها تداري تحبه تعدله مثل متدري اما هذول الي يدورو ف نسوانهم ما قايمين بواجبها عدل ابو اسر جانت ام اسر حاطته بعيونه وتحبه صار يموت عليها وهية وبس هاي المرة العدلة وان شاء الله جمونة هم هية تصير هية واسر والله يستاهل سبع

ام مريم : عمة يعني قصدج انا ما مدارية رجلي  وما قايمة بواجبه

الجدة : والله عاد انا حجيت حجاية والي يريد ياخذها على نفسه يعني يعرف نفسه على غلط

ام مريم : لا انا فهمتج وانتي تحجين هيج عمود ام اسر جابتلج احفاد ولد وانا خلفتي بس بنات

الجدة :والله انا ما افرق بين الولد والبنية كلهم نفس الشي وزرق من الله ولا تكعدين تخبطين سوالف علينا خلينا كاعدين بهدوء

اندارت ام مريم على اماني وصارو يحجون انا حسب ما سمعت اماني متزوجة اخو ام مريم
ومبينة علاقتهم قوية ضلينا شوي كاعدين ونقاشات من ام مريم احس مليت الكعدة من يصير بيها نفس مو طيب تصير مو حلوة

اذن العصر وكمل ماما كالت يلا كومو كافي كمنا
الجدة : هاي وين بعد وكت خلونا كاعدين
ام اسر : يمعودين دضلو ع العشة

ام جمان :والله ماكو احلا من لمتكم مشكورين عود ع المرة الجاية ام اسر جيبي الحجية وتعالي

ام اسر :ان شاء الله والله لو تضلون
هاجر : تسلمين نطاج العافية عمة
طلعنا من باب الهول للحديقة شفت اسر جان كاعد ويدخن سمعنا رفع راسه ودحك كام اجا يمنا كال : هاي وين بعد وكت

ام جمان : مشكور وليدي
اسر :مو طلعة هاي هسه ضلو ع العشة

جمان كلت بكلبي لزكو لزكو بعد ( مو صوجج صوج اليعزمج لو منكم ابات يمهم 😔)
ام جمان : هاهية والله

اسر : عجل خلي امشي وياكم اوصلكم خوما تطلعون وحدكم

ام جمان : تسلم يمة هوا احنا اجينا وحدنا مو بعيدين
ام اسر : ميخالف خلي يمشي وياكم
طلعنا فتح الباب كدامنا وطلع طلعنا وصرنا نمشي باتجاه البيت هوا يمنا يمشي شوي متقدم وصلنا ماما كالت : ما تفوت يم الولد
اسر : على غير مرة تسلمين عمة جمانة بس انتضري لا تفوتين
ماما وهاجر فاتو وانا وكفت ع الباب : ها

اسر دخن جكارة : شبيج بعدج ضايجة

جمان : لا مضايجة

اسر :لا ضايجة مو كتلج شي وأنتهى

جمان: يعني ترضى هسه اكلك جنت مخطوبة

اسر دار وجهه وتنفس ورجع علية :جمان انا وحد كتلج جانت وصية ابوية تريدين اترك ابوية بكبره مو مرتاح اساسا توفى وهوا مو راضي علية بسبب عنادي و مراهقتي التافهه جمان كلشيي ما تعرفينن عوفي الزعل هسه

جمان اخذت نفس :هاهية مزعلانة

اسر : كم مرة كايلج لا تجذبين من زعلانة كولي اي زعلانة

جمان : لا هاهية مبية شي بس زعلانة عمود انتَ اتعبرتني شي مو مهم وما حجيتلي حسب ما اضن لازم من البداية نكون واضحين

اسر لزمت ايدي وجعصها: واضحين جمانتي واضحين يلا مع السلامة

جمان : الله وياك
دخلت جوا وكبل للغرفة كعدت حضنت رجلي هسه شنو اسوي ازعل عمود لازم ضام عني كلشي لو أرضى عمود هوا مجان راغبها احس معرف اتصرف شلون هسه هوا يحبني يعني معقولة انا ارجع احبه زين هوا هسه زين وياية معقولة يتغير بعدين شكول عليك يا بابا مفكرت بية وانت اختاريت كلت خلص لازم اطلع من الأفكار وين الايجابية مالتي جوز يحبني جوز يعوضني ويحبني واعيش مرتاحة لازم اعوف كلشي على مجراه

ثاني يوم ضليت نايمة قبل العصر ماما كعدتي كالت كافي نوم كافييي كمت غسلت وجهي ومشطت طلعت للمطبخ جانو مكملين غدة صبيت لية وكعدت ع الميز اكلب بتلفوني واكل بعدها كمت لغرفتي كعدت اقرا امتحاني باجر

كمت وتعشيت كعدت ضايجة حتى من الموبايل طلعت العب انا وسيف بالصالة هيج العاب قبل بالايد وبعدين كام جاب معكباته وكعدت اسويله اشكال كمت ركضت لغرفتي جبت دومنة وكعدت اسوي جبل بيها تعالي اجا وسحب وحدة وخربطها
جمان : لاا ولكك طاح حضك صار ساعة اسوي بيها

طلعت رغد من الغرفة ومدري شنو حاطة على وجهها كالت : يول بدال ما كاعدة تلعبين ويا سيف تعالي تسوي ماسكات انا وياج ضوجة

جمان : لا مبية

رغد : دكومي يا عجوزية

كمت يمها جابت غلاية مال مي حار وحطت خاولي فوك راسي حتى يصير البخار على وجهي صحت : يولييي عزااااا حموت وخري

هية لازمة وجهي : بس صبري بقى شوي

جمان : والله انعل عشيرتج اختنكتتت
وخرت وجهي صايرة طمطاية واهفي : حموت

رغد : انجبي ما تموتين غير انتي ما متعودة

جمان : ولا اريد اتعود هاهية مو يلا حكوم

رغد : لا ولج بعد
قشرت وجهي وكمت غسلت كالت اخير شي ماسك حطت ماسك بعلبة اسود كالت هذا مال فحم : رغد خوما يوجع

رغد : لا ابد

فاتت هاجر ورغد حطتلي شوي وكامت يشد كمت ما اكدر احجي وهما يضحكون علية لزمت موبايلي جانو الشلة يحجون على الامتحان فجاة خابر اسر كمزت من مكاني.........

يتبع......