رواية اسرني كيدها الفصل الرابع والثلاثون 34 - بقلم الكاتبة ايات الـ سند

بقلم : ايات السند
السلام عليكم

لا تنسون التصويت تقديراً لتعبي والتعليقات استمتعو ♥️

" وَحين أُحدّق فيكِ أرى مُدناً ضائِعة أرى زمناً قُرمزِياً أرى سَبب المَوت وَالكِبّرياء أرى لُغةً لَمْتُسَجل ."

__________
صحيت على شي ينكش (ينغز ) بوجهي فتحت عيوني لكيت اسر يبوس بخدي : يلا جمانتي كعدي وصلنا
كمت ماكو احد بالسيارة : وينهم

واكف يم باب السيارة الورا يمها : نزلو حتى نتغدة بالمطعم
جمان : وين احنا

اسر : راح يصير العصر دخلنا السليمانية عدلي هدومج يلا نزلي

دحكت بالمراية عدلت شالي وعدلت السترة
اسر : سترتج كصير
جمان : لا والله طويلة نازلة من ورا وكيلوت عريض شنو بعد

اسر : معاجبتني هسه انزلج الجنطة وطلع عباية لبسيها
جمان : والله ما البس ترا هسه اضل بالسيارة واحلف ما انزل ولا اتغدة

اسر دار وجهه واستغفر : يلا نزلي
مدلي ايده لزمتها ونزلت دخلنا جانو كاعدين اهل اسر على ميز و وياهم مرة غريبة استغربت : منو هاي

اسر : خالتي الي ساكنة هنا
سلمنا كعدني وكعد يمي
خالته : ما شاء الله عليكم تخبلون ربي يحفظكم ويوم الولد الصالح

اسر : الله يسلمج
جمان ابتسمت الها

اسر ندار علية : شلون صارت معدتج
جمان : احسن من نمت
جانو منزلين غدة مشاوي دجاج وهيج أملت شوب ما اشتهي علمود قبل شوي كعدت من النوم

من كملنا خالة اسر رادت تدفع الحساب صاح عليها حتى تضم فلوسها وطلعنا راحو اهل اسر بسيارة خالتهم هية مطلقة رجلها وابنها وابنتها متروجين وطالعين وبس هية عايشة براحتها وبراتبها وتسوق وملتزمة بحجابها حيل حبيتها

صعدت انا كدام بسيارة اسر وهوا يسوق
جمان : خالتك حيل محبوبة

اسر ضحك وبتقليد : انتي هم حبابة

جمان : ليش محد اجى ويانة

اسر : راح يروحون لبيت خالتي

جمان : ليش واحنا

اسر : حجزت النا بفندق

جمان خفت بس لا ناويلي اليوم : ها ليش مو وية اهلك

اسر : لا ما ارتاح هناك عود بعدين نروح يمهم

جمان سكتت
فررني عرفني ع المناطق
جمان : شمعرفك بالمناطق هنا

اسر : دائما اجي حفظتها
نزل اشترلي حلويات صعد وحطها بحضني

جمان : اهو هم ببسي ماكو

اسر دحك صفح : تنجبين لو بعد حتى فانتا ما اجيب عصير زايد عليج

جمان : افف

اسر : يلا هاهية بدت الدنيا تغرب خل نروح ع الفندق حتى نرتاح
شوي ووصلنا ع الفندق وكف السيارة بالكراج ونزلنا هوا يمي وانا امشي وراه دخلنا جان واسع حيل ويجنن وكف اسر يم ميز الحجز كله انو هوا قبل كم يوم حاجز الولد نطاه المفتاح ودلاه ع الغرفة بالطابق الثاني جان يحجي ويا الولد نداريت شفت مجموعة شباب واكفين يحجون وولد منهم ندار علية ودحك من فوك ليجوة انا قرفت منه هيج حالتي من اي احد يدحك علية جلبت ببدي اسر من ورا ورا يحجي مدلي ايده جلبت بيها من عكسه اخذ المفتاح وجرني عليه

مشى بس دحك وراه لكى نفس يدحك علية وكف وصاح : ها يول شبيك بابا عليش تدحك

الكل صار يدحك على اسر هذاك الولد دار وجهه يمكن كردي او افتهم بس مرد
جرني كدامه ومشى : كله من ورا لبسج

جمان : شبيك مستور واني شعلية قابل كتله تعال دحك علية
استغفر ومشا وما يقبل يهد ايدي هسه هوا غير معصب ليش ما يهدني وصلنا للغرفة فتحها ودخلنا وواحد جاب الجنط النا دخلها اسر وسد الباب ذب حذائه ودخل ذب نفسه ع الفراش : اخخ تكسر ظهري من الطريق

جمان : بدل ونام

اسر : لا شنام خليها لليل فد مرة حفوت اسبح طلعيلي تراكسود اي شي

جمان بكلبها اهو بدت الاوامر هوا اني لنفسي ما بية اطلع هدوم فتحت جنطته طلعت تراكسود له ولية وبدلت وفتحت موبايلي ماما مخابرة رحعت خابرت عليها : هلاو ماما

ام جمان : شلونج وصلتو مو
طلع اسر من الحمام لاف منشفة على خصره نداريت ع الجهة الثانية ونطيته ظهري

جمان : الحمدلله وانتي اي وصلنا من ايمتى بس نسيت اخابرج

ام جمان : ها خوش الحمدلله ع السلامة
اسر : شنو قابل ما البس شورت صخام مطلعة بس تراكسود
وخرت الموبايل عن اذني وصفنت بوجهه واشرت بايدي ع الجنطة بمعنى متطلع انتة
رجعت الموبايل على اذني : الله يسلمج ماما

اسر هز راسه ضاحك طلع هدوم من الجنطة ولبس وكام يصلي

ام جمان : اخذي راحتج ماما
جمان : باي
كمت دخلت لحمام توضيت وهم صرت اصلي وياه كملنا انا صرت اسبح واسر كام يخابر : ها انتو بالبيت مو
اي خوش دير بالك عليهم
اذا احتاجو شي انتَ حدر لا تخلي خالة تنزل
يلا مع السلامة باجر اجيكم نطلع شوي
سده وشغل السبلت وتمدد انا ذبيت حجاب الصلاة ولزمت موبايل ونمت بالكاع وراسي ع جنطة الهدوم

اسر : هسه مو هاي خرا متحدرين هين ليش تنامين بالكاع

جمان : ما اريد الكاع اريح وابرد

اسر : اها عجل انا هم خلي انزل يمج مدا اريح
ذب الغطا ونزل يمي حط راسه ع الجنطة وغطاني ونفسه هم

حط راسه على كتفي وانا اكلب الموبايل حط ايده على بطني
جمان : شسمه شو وخر شوي

اسر : وين

جمان : بس اشرب مي

اسر : هاي السوالف مالتج عوفيها واريد اعرف ليش هيج تتكهربين مني

جمان : اسفة بس تحملني بس خلي اتعود عليك

اسر دحس راسه بركبتها : تشوف نكدر نتحمل لو لع

جمان عفته الي يكول تبالغ لا ما ابالغ صدك اخاف من احد يتقرب مني سبق وكلت متعرض للتحرش وحادثة محاولة اغتصاب وهذا الشي مو هين وخاصة من حقد على اسر بسبب جبر ابوية الي بس من شفته حيل زين وياية بديت اكول لنفسي لازم اتعود عليه واطمئن اله لانو صار زوجي خلص
شوي فتح عيونه ورفع راسه عني وكال : اجيب عشة هسه لو بعدج ما جعتي

جمان : لا عود بعد شوي
جنت كاعدة اراسل طيبة برسالة كالت : اف زوجي يطلع ويتونس وانا لا لازم يخذني وياه ما يصير هيج

جمان : ههههه الثكل يا بنتي الثكل
اسر : بس لا قصدها على احسان

جمان يبووو نسيت اسر يمي خرب بحظج طيبة انلكفتي يالخفيفة : ها لع يمعود

اسر غمز : عليناا
جمان : اف معرف اضم شي اي بس اذا كات لاحسان تضيع هيبتنا وبعد ما اكلك شي

اسر ضحك : عمي سرك ببير حتى اخلي ابو الحسن يشد الهمة ويلكى شغلة حتى يخبطها

جمان : ههه مشتغلين خطابة احنا

اسر باسها من خدها : غير تزوجنا وهسه نريد نزوج العالم
كام من يمي : يلا حروح اجيب عشة حتى وراها نطلع نتمشى شوي شتريدين عشة

جمان : امم مشتهية بيتزا مال بارحة حيل طيبة
اسر : كومي قفلي عليج باب الغرفة من اجي انا افتحها عندي المفتاح
اخذ السويج وطلعت سديت الباب ونمت ع الجرباية كعت الكب بالتلفزيون لكيت بي قنوات تركية تبث المسلسلات التركية الي متابعتها بالتلفون كيفت كعدت اتابع ثلث ساعة او اكثر دخل اسر للغرفة بايده علاليك اكل

جنت جوعانة كمت فتحتها جايبة بيتزا وحدة كبيرة ولفات صاج
حطيناها بالكاع وبدينا ناكل وانا اتفرج المسلسل
اسر : شتفتهمين عليهم ماكو ترجمة

جمان : من كثر ما اتابعهم تعلمت اللغة

اسر : عجل انتي تركي انا احجي انكليزي لغة الكفار

جمان ضحك عليه كعد هوا يدردم بالانكليزي وانا بالتركي ونضحك كملنا الاكل كمت شلته ونضفت الكاع وحطيت الفضايل بعلاكة وذبيتها
اسر : يلا لبسي عباية وخلي ننزل نتمشى احسن من كاعدة هنا

جمان : لععع خلي ابدلل

اسر ببرود : جايبة عباية لو لع

جمان : لا بس جبت جبة

اسر : اي لبسيها و امشي احسلج

جمان تفأفت كعد ع الجرباية ينتضرني دخلت لبست بنطرون بالحمام وبدي التراكسود ما ذبيته طلعت لبست الجبة والشال ونزلنا طلعنا من الفندق كادني بدينا نتمشى والناس تمشي وكلمن بحاله نفسه حيل حلوة الاجواء
اسر : اوديج على مكان يسوون معجنات وبقلاوة واشياء حلوة مثلج ؟

جمان ابتسمت : اي يلا
رجعنا ع الكراج اخذ السيارة وصعدنا واخذني على هل محل نزلنا كعدنا بي وصيت كريب واسر وصى بس قطعة صغيرة مال كيك شوي وجابوها النا بديت اكل حيل طيبة اسر اكل بس شوي من الكيك مديتله ايدي بالجطل شوي كريب ما حبه كملنا اكل وكام دفع وطلعنا تمشينا شوي ع المحلات ورجعنا ع السيارة حتى نرجع للفندق

وصلنا للفندق وصعدنا ع الغرفة اسر ذب بديه ونام ع الجرباية انا ذبيت هدومي وبدلت لميت جنطة منثورة ولميت الكاع بعدين قفلت ع النوم طفيت الضوا ونمت بالطرف الثاني مال جرباية وتكلطت ع الحافة ونمت

الصبح
جمان كعدت واحس شبعانة نوم لكيت نفسي وبوسط الجرباية ونايمة صفح ووجهي باتجاه اسر وهوا نايم على ظهره ويكلب بالموبايل كمت دحكلي وكال : صح النوم يمعودة صار ساعة بس اريدج تكعدين ماكو وضليت افتر وحدي

جمان : اصلا بعدني نعسانة بيش ساعة

اسر :ب ٢ ونص الظهر

جمان : ها زين
رجعت دحست نفسي بمكاني 
نام صفح على جهتي صرنا واحد مقابيل الثانية حضني وجعصني حيل

جمان : يمة اخخ وخر
هدها وباسها قوي من خذها وكام مد ايده وجرها
اسر : حدري غسلي وتنشطي حتى نروح فد مكان نتغدة ليهسه ما ماكل انتضرج

جمان بتثاوب : اي
كمت غسلت وطلعت لبست فستان لفيت شالي وكبل طلعنا وقفلنا الغرفة اخذني على مطعم وتغدينا كملنا اسر كال : يلا خلي نروح على اهلنا حتى نطلعهم شوي

جمان : لا اسر اريد ابدل هذا الفستان مضايقني

اسر : مضايقج لو علمود مستور لا خلي نروح

جمان : لا والله صدك ينكش

اسر : ديلا هيان الفندق قريب لبسي غيره ونحدر
وداني ع الفندق ونزلنا صعدت اخذت ملابسي للحمام وبدلت غيرت الشال فتحت الموبايل شفت وحدة من خواتي دازتلي رسالة اريد اوخر الاشعار لان اسر يستعجلني دخل على الواتس بالغلط جنت متراسلة ويا بنت خالتي قبل يومين ف شفتها حاطة حداد استغربت دزيلتها : خير خوما بيكم شي اشو حداد

اسر : يلا امشي حتى نلحك نطلع فد مكان

جمان : اسر بس اصبر جاي اسئل بنت خالتي حاطة حداد خفت

اسر : اخذي الراوتر وياج عليش مخليته
جان عنده راوتر نت صغير اصغر من الموبايل اخذته وطلعت وراه نزلنا للسيارة هوا صار يسوق وانا اكلب الموبايل درتلي بنت خالتي : شبيج لازم متعرفين خالو مات
جمت مرجعة ظهري حيل ع الكشن من شفت الرسالة كمت على حيلي من الصدمة
اسر باستغراب : شبيج

جمان ما رديتله كتبت الها : ياهو منهم
: خالو *****

جمان انصدمت هذا الي تحرش بية
رجعت دزت : ما متحمل الجلطة ومات البارحة بليل

جمان ما عرفت اترحمله لو بعدني حاقدة عليه ماكو ذكرى طيبة اله حتى تخلي الواحد يترحمله تحرش بية طردنا اني وامي وشفت الويل منه
اسر : متحجين شبيج

جمان : بنت خالتي ردتلي
اسر : اي شبيهم

جمان : اخو امي متوفي
اسر : اها الله يرحمه متكولين خالي

جمان : ميستحق هل كلمة
اسر عكد حواجبه : ليش

جمان : صدك تريد تعرف يعني ؟
اسر : احجي

جمان : ماكو شي
اسر : شلونن يعني تكولين ما يستاهل اكله خال وبعدين تكولين ماكو شي

جمان : عود من نرجع اكلك
اسر : لا احجي

جمان : لا هناك اسر مالي خلك هسه خلي ندخل نكعد شوي ونرجع أجل الطلعة باجر

اسر كدام البيت ونزلو دك الباب طلع احسان : هلا يابة بالعرسان الي متونسين وحدهم وعايفينا

اسر : انجب جلب لازم غرت وتريد تزوج

احسان : اي قابل بس انتو
اسر ضحك : وخر وخر
جرني ودخلنا لكيناها كاعدين بالصالة ويشربون جاي

اسر : شنو عمي ماكو جاي لنا
احلام : هلا بيكم عيني اشتاقينا دتعالو كولو

اسر ابتسم : ديلا ليسمعج انتي واحسان عبالك عايفكم شهر هوا يوم وحسدتوني عاد او مستفاد
جمان كرصته بايد

ام اسر : خليهم عرسان وبراحتهم تعالو يمة كعدو
طلع وسام من الغرفة اجى يركض علية بوسته جره اسر : لك حيوان وابوك ما تسلم عليه قابل بس جمان
ضحك وحضنه

كعدنا وصبولنا جاي انا مردت صارو يحجون شوي وخالة احلام كالت : يلا كومو بدلو خلي نطلع مول مطعم

اسر : لا احنا حنروح جمان ما الها خلك تطلع

احلام ضحكت : يول اسر خاف حبلتها من هسه

اسر ضحك : لج احلام الجماعة كاعدين لا تخلينا ندوس هوا شلحكنا نسوي

جمان مبينة ميانتهم قوية من حجو هيج سحت بهدومي
اسر حضنها : شوفي خليتي مرتي بهدومها

جمان ابتسمت وبعدته عنها كامو يبدلون
اسر : تطلعين لو نروح
جمان : لا عادي خليهم على واهسهم

اسر : ايمتى نرجع وافتهم السالفة ترا ما مرتاح
جمان تذكرت السالفة ما رديت عليه

كملو تبديل وطلعنا من البيت
احلام : بما انو الدنيا مغرب اوديكم بمطعم كلش طيب بعد نص ساعة او ساعة الا وهناك نفتر وهيج
راح احسان يسوق بسيارة خالته راحت ام اسر واحلام وياه
وسام جلب بية كال اجي وياج
كلت لايات هم انتي تعالي ويانة اجت

احسان : عجل وانا خليتو وياية عجايز
احلام وام اسر : منو العجايز ولك
احسان : هيلببب ولكم راح يذبحون

اسر : حيل بيكم
ندار علينا يلا امشو
صعدت ليكدام وايات ووسام ورا بدا يمشي ورا نص ساعة

جمان : اسر ترا بدت تكلب معدتي وين مودينا
اسر : هياتنا وصلنا
وكف كدام محل نزل اشترى بطل مي وصعد فتح هاي الجكمجة طلع منها حبوب ونطاني مي
جمان : شنو هاي

اسر : اخذي منها حتى تكعدين تاكلين وما تكلب معدتج

اخذت منها شوي ووكف كدام مطعم نزلنا ونزلو الباقي من السيارة الثانية دخلنا خالة احلام حجت وياهم كردي ووصينا اكل وكعدنا تسولف بين ما يجيبون الاكل انا ما شاركت بالسوالف بس سمعت اسر حط ايده ورا ظهري وشاورني : شبيج مكشرة قزوم

جمان : لا ممكشرة بس دا اسمع حجيهم
جابو الاكل اكلت حيل طيب كملنا وطلعنا نفتر بالمنطقة ودخلنا مرطبات هم اكلنا موطة وحلويات شكلي راح اسمن هنا بس مطاعم واكل

بدا يتاخر الوقت اسر كال : يلا هاهية احسان رجعهم ودير بالك انا حكون وراك بس بديت راح يتغير اتجاهي

احلام : ليش ما ترجع ويانة
اسر : باجر ان شاء الله من نرجع من السفرة ارجع وياكم

احلام : اي مو تنسى تعالو من وكت حتى نلحك ع الباص
اسر : يلا تصبحون على خير
وسام : اسر هم راح تتركنا

اسر : تجي حبيبي وياية
وسام : ايي
ام اسر : لا يزعجكم خلي تعالو وسومي باجر يجون يمنا
وسام : ما

اسر : خليه يمة روحو
باست ايات من راسها وركبو احنا هم ركبت وسومي وياية كدام ( للمعلومة وسام عمره فقط ٥ او ٦)

اسر : اي عمي الجهال محصلين اكثر مني
جمان حضنت وسام : شوف اسر يغار منك
صار يضحك

وصلنا وصعدنا للغرفة دخل اسر يسبح
جمان : يلا لك غطي وجهك خلي ابدل
حط ايده على عيونه وفاتح شوي
جمان ضحكت : منحرف على اخوك

اسر من داخل الحمام : سمعتج جمان ترا اطلعلج

جمان ضحكت وسام نام على وجهه بالجرباية بدلت وصرنا نحجي انا وياه طلع اسر اخذ شورت وبدي لبس بالحمام وطلع شوي ضجت وكتله : اسر خلي نشوف فلم

اسر : اي حبيبي طلعي
كمت طلعت فلم من اليوتيوب طفيت الضوا ونصيت السبلت لان بردت جان وسام متمدد بالنص وبايده ايباده يلعبو واسر يمه  كعدت بالجهة الثانية بدا الفلم وصرنا نشوف بهدوء وسام نام اخذت الايباد طفيته وغطيته ورجعت كعدت
اسر : تعاي لا عبالج نسيت احجيلي شسالفتج ويا خالج

جمان نداريت عليه : شذكرك

اسر : تعاي من يمي

جمان كمت طفيت الفلم صارت ظلمة ورحت كعدت من جهته : راح احجيلك اسمعني للاخير

اسر تكلط (تدنة ) وجرني صرت حاطة راسي على بطنه صار يلعب بشعري : اسمعج

جمان من حركته سحت ونسيت الي اريد احجيه
اسر : احجي شعلتي كلبي

جمان دمعت عيوني : اسر اني خالي جان يتحرش بية
اسر : شنو

جمان : اسمع بديت احجيله عن طفولتي ومحاربتي وكلشي جنت مدمعة ونزلت دمعتي

اسر مسحت دمعتها : انا احبج يولي

جمان ارتبكت من اعترفلي ولا عبالك متزوجين عبالك جاي نعرف من جديد وجاي نتقرب من بعض اكثر

اسر مددني يمه وحضني : لا تخافين ولا توخرين او عايش صدكيني راح اخذ حقج منه بس ربج ما ينسى احد وابتلاه بمرض ومات انسيه خلص ولا تخليه يتاثر عليج ولا تبعدين عني بسبب هذا النغل شنو وتفكرين بي حبدي وياج كلشي جديد ح اخليج تتعودين علية وما اتقرب منج حد ما تحبيني وتنسين كلشي صار بحياتج تمام حبيبي

جمان ابتسمت : تمام
ايده جوا راسي قربني عليه : نصبح على يوم جديد وحلو مثلج

جمان : ههههه دكافي معرف ارد نام

نمنا ثاني يوم اسر صار يكعد بي : ولج انتي شنو كافي كومييي

جمان فتحت نص عين : شبيك متكلي

اسر : يلا مو نريد نطلع سفرة

جمان : ما اريد

اسر : ديلا قابل هوا بكيفج
جرني من ايدي و وكفني وانا نايمة فتح عيني وسام يضحك علينا
جمان : وين نروح

اسر : على حدود ايران
جمان : شكو هناك
اسر دفعني على الحمام : بس لبسي فضينا
جانت الساعة ب ٨ طلعت بنطرون وقميص للركبة دحكلي اسر

جمان : شكو لا تكلي ممنوع حتى ارتاح بالحركة
اسر استغفر : يلا كملي
فتت بدلت بالحمام طلعت اسر مبدل وشايل وسام ويمشط بشعره ويضحكون ابتسمت عليهم وكفت لفيت الشال عدلت حواجبي وحطيت حمرة وطلعنا وصلنا يم بيت خالة احلا اسر ركن السيارة ونزلنا جانو يتريكون كالو تعالو كعد اسر : يلا تعاي

جمان : لا ما اريد وهسه تكلب معدتي

اسر : جايبلج حبوب وعود نامي تعاي اكلي شوي
كعدت وراه لفلي لفة جبن ونطاني جاي اكلت كملو وشالو اجت بنت خالة اخلا هم تروح ويانة خبل حبابة جانت متزوجة بس مو محجبة وعدها بنية وحدة
شوي واجى الباص الي راح يودينا طلعنا وقفلو الباب البيت وصعدنا كل ثنين سوا بالكراسي كعد اسر يم الجامك وانا بصفه كبل نطاني حباية ومي
جمان ضحكت : حاسب حسابك يعني

اسر ابتسم : شلون عجل الا انتي
جر راسي على كتفه كال نامي طريق ٤ ساعات
جمان : منعسانة

اسر : عمي نعسانة ما نعسانة انتي اول ما تحطين راسج ع شي تنامين
جمان : هههه شسوي احب النوم
اسر : هنيال النوم

حاولت انام حتى ما اتعب بالطريق وتلعب نفسي وصدك نمت من وصلنا اسر كعدني ونزلنا حيل حلو المكان ضلينا نفتر الظهر رحنا ع مكان  كعدة عربية وايرانيات لابسين زي قصير وجايين سياحة دحكت على اسر مو مهتم الهم تغدينا وطلعنا على مصيف والشلالات تجنن المنظر طلعت الموبايل وصورت واخذنا صورة جماعية كلت لاسر : خلي نكعد يم المي

رحنا قريب وحطيت ايدي بالمي بارد ثلج جان يوكع محبسي من ايدي ورادت توكع الحلقة كبل جلبت بيها
جمان : عفية اسر اريد محبسييي حيل احبه هذاا

اسر : ميخالف عود اشتريلج غيره
جمان : اهئ اريد هذا
اسر : تلاكين الاحسن منه حبيبي
العصر رجعنا وهم طريق ما وصلنا للمغرب نزلنا بالبيت بنت خالة راحت لبيتها وخالة احلام مفرغة غرفة النا اني واسر فتت سبحت لبست دشاشة وشال عمود احسان تعشينا وتعللنا وخلص اليوم

وثاني يوم رحنا سد دوكان ويوم سوك ويوم مولات حيل تونسنا احلا ٨ ايام مرت علية
خلصت اجازة اسر ولازم نرجع للانبار.......

يتبع .......