رواية اسرني كيدها الفصل الثالث والثلاثون 33 - بقلم الكاتبة ايات الـ سند

بقلم : ايات السند
السلام عليكم

لا تنسون التصويت رجاءا مو بس تقرون والتعليقات استمتعو ♥️

ماذا لو سمحت لنا الأيام فتكتب لنا صُدفة خيرُمن ألفِ ميعاد . . .

___________
اسر دازلي : ساعات وتصيري يمي حبيبي
ما رديت خابرت على طيبة ردت عليه : هلاو جمون

جمان : عبالي نايمة

طيبة : لا بعدني

جمان : تجين باجر مو

طيبة : والله مدري تشوف حسن الصبح اذا قبل يجيبني شوي

جمان : امانة قنعي اريدج

طيبة : تمام احاول، خايفة مو

جمان : مدري تصبحين على خير
طيبة : وانتي من اهلو

غلقت الموبايل واستلمت للنوم الي ينقذني من كلشي وحتى ما كمت يم البنات ما الي خلك
جنت حيل تعبانة وبس اريد انام اشوو من اجيت انام رجعت افكر وطار النوم من عيوني
باحر حبدي حياة جديدة شلون حتكون يربي ساعدني مرتبكة شلون باجر اخليه يقرب مني تلعب نفسي هذا الشي مو بايدي ما اريد يارب شنو الحل كمت توضيت وصرت اصلي استخارة حتى ارتاح دعيت ربي كل الخير قربه مني وكل الشر ابعده عني وشيل هذا الخوف من كلبي
يارب اسر يستاهلني وما اتعذب وياه يارب اريد حياة هادئة وخلص ضليت ساجدة شوي وكمت انزاح شكو هم بكلبي سلمت وكمت للفراش جان الكل بالديوان متمددين عفتهم وبس حطيت راسي ع المخدة نمت

الصبح
ام جمان : يول عزا العزاج يا تمبل كومي كافيي

جمان فتحت عيني كل خواتي وماما وكافين فوك راسي : ما اريد اعرس وخرو

رغد : يا ويلج من الله دكوميي

جمان : اممم

زينب داست على رجل جمان
جمان صحت : ولللل اخخخخ شبيكم تخبلتو شكو

رغد : كومي ابونا راح يعرس

جمان : ها اي خليه

زهراء : اكيد تتشاقين كومي صار الظهرر يولي

هاجر ضحكت : خلي اسر يجي ياخذها وهيا نايمة وخلص

جمان رفعت راسي وانا مغمضة عيوني : اتفق وياج
رجعت نزلت راسي ونمت

سحلتني ماما من ايدي
جمان : خرب بالحظ ماكو هزيمة لازم اكوم ايمتى يخلص هل يوم الاكشر
كمت غسلت وجهي كعدت تغديت ب ١٢ جانو طابخين من وكت كملت ورجعت تمددت اجت هاحر تركض علية جرتني وكومتني مشتني وراها لغرفتها لان انا مقررة ما اروح صالون بالعرس اخلي هاجر تمكيجني حيل يعجبني مكياجها وما اريد شي خبصة وحتى كلت لاسر ما اروح صالون

كمت جبت موبايلي جان بالغرفة جان الكنتور فارغ وجنطي ماكو لانو بيوم عرفة العصر ماما وهاجر ورغد يعزلون الغراض وقبل الليل رجعو جانت الغرفة بس غراض اخواتي الجايين ماكو شي يخصني بعد ما انام هنا بعد ما اتكاون ويا خواتي من يجون افف جنت مدمعة مسحت عيني وطلعت حتى نسيت موبايلي

رجعت يم هاجر حتى تبدي بية
هيج المكياج والشعر مثل الصورة ما خليت شعري نازل حتى ما يضوجني مثل الحفلة

من جاي تمكيج بعيوني كالت : اكلج ليش ما البسج عدسة يطلع المكياج ارتب

جمان : لا يع ما اريدها وانا اخاف اطلعها من عيني بعدين

هاجر : بكيفج
كملت وجانت الساعة ٣ وشوي وعالم هواي جاية
جمان : شعدهم من هسه

هاجر : هوا هذا العرس خوما يصير المغرب

جابت جوان البدلة للغرفة حتى البسها ساعدوني البنات حتى ما تتخربط التسريحة شدوها على جسمي من ورا
وكفت كدام المراية ابتسم لروحي حلوة بالابيض بس وراها ما ادري راح حياتي تصير بيضة مثل بدلة العرس لو لا

كعدوني البنات واخذولي صور وطلعت دخلت للديوان وصار يهلهلون انا مبتسمة بس اطكطك اصابعي بتوتر محد لاحظ رجفة ايدي لاحظو ابتسامة وجهي
كعدت ع الكوشة وصوت الاغاني طرش اذني
جان طيبة تدخل للديوان كمت اني والبدلة وهية اجت تركض حضنتها احسها بس هية الي فاهمتني بدون ما تعرف كلشي عني كعدت يمي ع الكوشة
طيبة : شبيج وجهج اصفر

جمان : احسني رايحة اعدام

طيبة : هدي يروحي والله اسر خوش ولد ومثقف وواعي وحتى انتي بديت ترتاحين تجاهه

جمان : انا بهدوئي بس جاي اتماشى ويا الوضع بعدني ما مطمئة اله وخايفة ما اعرف طيبة لا تسئلين بس كلبي خايف مو بايدي

طيبة : والله ما اعرف شكلج جمونتي

جمان دمعت : تخيلي بابا صار يومين ما شايفته حتى ما فكر يودعني ما فكر راح اطلع من بيته وانا خاطري مكسور

طيبة : هسه يجي عليك ماكو اب يترك بنته بهيج يوم لو شمهما صار

جمان ابتسمت مستهزئة
شوي جانت الساعة ٥ الا واجت صوت الزفة البنات عدلو احجبتهم وكلمن حار بروحه حتى يروح بالزفة انا جمدت بمكاني ما تحركت ماما جابت الكبوس مالت البدلة حطته براسي دخل اسر اول شي جان لابس قاط اسود حيل حلو واهله واصدقائه هم دخلو ويهلهلون ويركصون صار هواي ناس وهوسة اجى اسر كعد يمي اول شي سواه همس باذني : بطلي رجفة ايدج

دحكت على ايدي الي محد لاحظت رجفتها حتى انا نسيتها سديت ايدي قوي مد ايده وحل ايدي وربطها بايده ، بايده الثاني نزل الكبوس اكثر بحيث سار على وجهي كام وجرني بايده الي لازمني بيها برقة وكومني يعني هاهية راح اطلع من بيت اهلي شفت ماما واكفة بباي الديوان وتبجي اشرت الها بايدي كربت من يمي حضنتها وبجيت : ماما هاهية راح اعوفج

ام جمان : فزغ البيت علية يبزر كعدتي

جمان ابتسمت من بين دموعها : هاهية بعد محد ينام ويجلطج

ام جمان ندارت على اسر : وليدي ما اوصيك بيها هاي قطعة مني امانة دير بالك عليها

اسر ابتسم : بدون ما توصين بين عيوني جماني

جمان رجعت بست ماما : احبج ماما

ام جمان : انا هم يروحي
طلعو الناس حتى تمشي الزفة اسر شد على ايدي وكال مسخي دموعج بعد ممنوع البجي نزل الكبوس عمود نرفع شوي مشينا درت على زهراء واشرت براسي ع الباب بمعنى راح تجين
اسرت براسها بمعنى اي

من طلعنا برا كعدت اتذكر بهيج شهر قبل ٦ سنين صدفة التقيت باسر بعرس غفران ومحمد ، مشينا اسر طابك السيارة كبال الباب حيل جانت سيارته فتح الباب الي كدام هية سيارته عالية كال :لابسة شي جوا البدلة ؟

جمان وهية تخفي دموعها الباقية : لع

اسر صار يستغفر وكف وراها بحيث محد يشوفها ساعدها صعدت وسد الباب وراح من الجهة الثانية حتى يسوق دحك جان احمد واكف بالحديقة ابتسمت اله وتذكرت بابا وقاسم ما شفتهم ولا اهتمو لي نزلت دموعي اسر حرك السيارة وشغل اغاني غصب عني طلعت صوت شهكة
اسر رغم صوت الاغاني العالي سمعها بسرعة رفع الكبوس ودرا وجهي : خرا بية ليشششش تبجين فهميني

مسحت عيني بس رجعت شهكت كال : يولي بس كوليلي شبيج

جمان : رجعني لاهلي ما اريدك

اسر : بس انا اريدج

جمان شهكت : معلية بيك

اسر : بس انتي بية

جمان : يعني قافل هاهية ما تتركني ؟

اسر : حيل قافل لا تخافين مو انا الي تخافين منه
رفع ايدي وباسها من الحلقة
شغل اغنية مال بارحة ( 60 دقيقة حياة )
وكال : حضني راح يصير يحميج تمام جماني

من بين خوفي هزيت راسي بأي
غير الاغنية وصار يدندن ويا الاغاني ومبين حيل فرحان فجاة اجى على بالي مريم خطيبته القديمة شلون البارحة تدحك بحزن واليوم ماكو احس زعلت عليها تناسيت الموضوع من كملو الزفة و وكفو بباب بيت اسر دخل السيارة جوا ونزل واجى يمي ينزلني نزلت كادني ودخلنا جوا ع الديوان جان كل كرايبه بالديوان اكو منهم ما جايين بالزفة صار يهلهلون ويطشون جكليت وكربت جدة اسر تطش علية

اسر ضحك وكال : ع كيفج حجية ترا انا اخاف على مريتي تتعور

الحجية ضحكت : الف مبروك بعد كلبي يوم اشوف جهالكم بايديكم

اسر ابتسم : ان شاء الله
كعدنا ع مكاني مخصصي النا ببداية الديوان شفت زهراء وزينب وخالتي دخلو ارتاحيت اكو احد اعرفه ابتسمولي

ردت اوخر الكبوس عن راسي اسر جر ايدي جان يدخلون ولد عمامه وكرايبه الزلم واختلطو ويا النسوان وصارو يركصون اضن كل اعراسهم هيج شفت عمر ونور يركصون سوا ابتسم عليهم رغم تعامل نورالي مو حلو بس منظرهم حلو

الولد جرو اسر يركصو وياهم ما قبل صار يدفع بيهم
كالولهم زين حدرنسوي جوبي ضحك عليهم وكام من يمي اشوفهم شغلو اغنية جوبي ولزمو سرة بالبداية زلم وبعدين نسوان والي ما يعرف وكف على صفحة خواتي اجو يمي
هما ديوانهم حيل جبيرة وانوب وكفو سوا فرغت وكف اسر بالبداية مال جوبي ولزم سبحة بايده وبدو يجوبون كلهم خطوة وحدة ولا واحد غلط واسر والثاني الي بالبداية صارو يسووو حركات غير عن الوسط وحيل حلو صار الجوبي ما اعرف اوصفه وعيني واكفة بس على اسر الي يتحرك خطواته بدقة زادت كارزميته انا بذيج اللحظة ما تحمل صرت اريد اكوم اجوب وياهم وتذكرت انا العروس اهو اسر رفع راسه دحكلي وضحك وضل مدحك علية شوي وتحرك شوي لانو ما مرتاحة شفت اسر يخزرني وياسر على راسي عرفت قصده على الكبوس الي انرفع شوي ويمكن طلع شعري البداية نزلته حد كصتي خلصت الاغنية وكفو جوبي وصارو الولد يحضنون بيه ويباركوله صارت الدنيا مغرب

اجى كعد يمي دقايق وكام ومدلي ايده حتى اكوم
ام اسر : ها يمة حتروح

اسر : هاهي طفو الاغاني الدنيا مغرب مو زين وخلي جمان تبدل وترتاح من الظهر بهل بدلة
صارو الزلم كلمن يكول لاهله يلا نروح

اجو خواتي يمي كالو راح نروح صارو يحضنون بية دمعت عيني

زهراء : يلا لا تبجين من ترجعون من الشمال نجتمع شتريدين بعد

زينب : لا تخافين حبي عادي وروحي اتعشي جبنا الكم عشة وارتاح باجر وراج طريق توكلي على الله تمام ؟

جمان بدموع : تمام بوسيلي ماما وسلميلي عليها
راحو اسر حضني ومسحلي دموعي : كافي شنو دموعج ما تخلص انتي

جمان كرصت من ايده ضحك وكادني حتى نروح للغرفة صار جسمي يرجف حس علية ووكف : شبلاج (شبيج ) بس ترجفين ارتاحي شوي
صعدنا ع الدرج وساعدتني ايات وخالة ام اسر بالبدلة
الطابق الفوك عبارة عن صالة جبيرة وبيها كعدت وصحيات وغرفتين وحدة لاسر ووحدة لعمر والباقي جوا بس اليوم مفرغين الطابق الفوك بس احنا

دخلنا ع الغرفة حيلل واسعة وبيها اخشاب تركية لون كريمي خالة كالت بدلو وارتاحو ونزل انا حيل توترت من ضلينا وحدنا
اسر : يلا حبيبي ذبي البدلة وبدلي انا راح اسبح
ذب سترة القاط اخذ منشفة وطلع من الغرفة راح للحمام

ارتاحيت من بقيت وحدي بديت اريد افتح البدلة ما اكدر ساعة احاول بالكوة انفتحت ذبيتها جانو محضرين بدلة نوم بيضة تركتها وفتحت الكنتور مصفطين هدومي بي دوري على التراكسودات وطلعت واخد بجاما طويلة ونص ردان لبسته وشلت البدلة حطيتها بالجيس مالتها كعدت ع كوشة كبال المراية تصير بديت افكه التسريحة شدعي عليج هاجر بيها هواي ماشات اطلع وارجع ليورا
فكيتها بس جاي اشيل الماشة الي كدام دخل اسر للغرفة دحكت من المراية جان لاف منشفة على خصره فتح باب الكنتور حتى يطلع ملابس اله انا حنت محضرة ملابس داخلية ومنشفة الي من شفته بس بالمنشفة كبل اخذت ملابسي وطلعت للغرفة جان الحمام يم غرفتنا

دخلت جان جبير وبي بانيو سبحت وكملت ارتاحين من راح المكياج ووراح السبري من شعري لبست نفس التراكسود الي حنت لابسته ولفيت على راسي المشفة وطلعت اعرف ماكو احد فوك غيرنا لذالك امشي بالصالة بالنص ردان

دخلت للغرفة اسر جان لابس تراكسود ومتمدد على الجرباية والغرفة باردة من السبلت دحكلي من دخلت انا رحت ع المراية كعدت ولزمت موبايل كله رسايل مبارك من صديقات ومن كرايب اسر طفى السبلت عمود توني طالعة من الحمام نزل انا كعدت ارد واكو صديقات دازين دزينا صوركم كتلهم زوجي ما يقبل حتى اخلص منهم
التهيت بالموبايل دخل اسر شايل صينية عشة خلاها ع الكاع كال : تعاي حبيبي تعشي شنو ما جعتي

جمان بهدوء : هسه اجي
غلقت الموبايل وكمت كعدت كباله هوا جان كاعد على دوشك مفروش بالكاع كال : تعالي هين ع الدوشك شعندج كاعدة ع الكاع

جمان : لا عادي
جر كوشة من وراه ونطاني ايها كال : كعدي عليها اريح

حطيتها جواية جان العشة بيتزا ولفات كص وكباب حرت شنو اكل اخذت قطعة بيتزا وصرت اكل
اسر : جمان نسيت اجيب فانتا من جوا طلعيلج من الثلاجة
جان حاط ثلاجة بالغرفة كمت ادور على ببسي ماكو بس فانتا وسفن
جمان : اريد ببسي اني

اسر : ام الاني ماكو بعد ببسي ممنوع

جمان : ليششش

اسر : مو زين شربي من هاي

جمان : هاي مو غازية ترا كلها نفس الشي

اسر : لا هاي اهون انا ما اشربهن بس علمودج

جمان بكلبي امري لله اخذت فانتا وكعدت اكمل اكل

اسر : انتي شو ما ممشطة شعرج ليهسه

جمان : التهيت بالموبايل
اكلت قطعة ثانية بيتزا وكمت

اسر : شهل اكل مال عصافير

جمان : لا هاهية شبعت طلعت غسلت ايدي ورجعت للغرفة وخرت المنشفة من راسي اسر شال الصينية ونزلها انا مشطت شعري وجذلته اسر بعد ما اجة احس مرتاحة عمود ليهسه ما تقرب مني وهادئ يارب يضل هيج كلت انزل لو لع
لع خليني احسن تعبانة لاحكة انزل اخذت موبايلي وتمددت ع الدوشك اخخ التعب اريد انام دخل اسر

اسر : اكلج محضرة هدومج مو

جمان بتعب : ليش

اسر : شبيج مو باجر نطلع للسليمانية

جمان : ها والله نسيت من التعب

اسر : لا نامي عود الصبح سويها

جمان : لا مسويتها بس اريد احط كم شي
كمت طلعت الجنطة مالت السفرة جانت يم الكنتور ماما مخليتها فتحتها ما غيرت شي من هدوم الطلعة بس شلت بدلات النوم بدلتها بتراكسودات مريحة حطيت جنطة صغيرة بيها شوي مكياج حطيت منشفتي وسديتها
نداريت اسر ذاب البدي ومتمدد على بطنه ومغمض عيونه
جمان : احم وانتَ وين جنطتك

اسر بتعب : ما سويها

جمان : لعد تسئلني على جنطتي وانتَ ما مسوي شي

اسر : للصبح عود

جمان : بكيفك
موبايلي دك ماما فتحت الخط : هلا جمانة

جمان : هلا ماما
اسر صاح : تعاي طفي الضوا
طفيته صار ظلام وبس ضوا السبلت رجعت احجي ويا ماما

ام جمان : شلونكم ارتاحيتي

جمان : اي تعيشيت وغسلت شعري وارتاحيت وشوي وراح انام حتى اكعد الصبح

ام جمان : اخذج ؟

جمان ممثلة الغباء : لا ماما ما اخذني باجر نروح

ام جمان ضحكت عليها : يلا ماما توصلون بالسلامة الصبح اول ما توصلين طمنيني

جمان : تمام تصبحين على خير
سديته ضويت بالموبايل خفيف اسر نايم اخذت غطا من الكنتور حطيته ع الدوشك الي بالكاع نمت وتغطيت
بعدني ما نايمة حيل سمعت صوت : وينج جماني

فتحت شوي عيني اسر رافع راسه وهوا نايم ويصيح فتح موبايله وضوا شافني نايمة بالكاع صاح : ها وين نايمة ولجج
مثلت النوم وما رديت
كنبص (كعد ) يمي : اوف منج اوف
رفع الغطا وراد يتمدد يمي كبل فتحت عيوني

اسر : ها عجل مو ع اساس نايمة

جمان : اي نايمة انتَ كعدتني

اسر : له له شعجب صايرة تكعدين بسرعة المهم ليش نايمة هينة

جمان : اني ارتاح هنا روح نام
كام شغل الضوا ورفع الجرباية ما اعرف شيسوي انا درت وجهي ع الحايط ورجعت غفيت حسيت راس اندحس وراية اريد انام اشوفه ربطني بايده طلع جايب دوشك ونايم يمي
جمان بارتباك : وخر اسر

اسر بخشونة : نامي

جمان بخوف : امانة اسر وخر

اسر : يلادبسز مالتي بس كوليلي ليش هيج خايفة حتى ما تقربت منج ادريج خايفة ماكو داعي كل هل خوف مراح اسويلج شي

جمان بدت تدمع عينها : متدري اسر

اسر : شنو ما ادري جمان احجي

جمان : ماكو شي اسر بس نام هسه
نداريت عنه ونمت وهوا هم نام ما تقرب مني

الفجر ب ٥ دك منبه موبايل اسر فز وطفاها اندار على جمان وخر شعرها عن وجهها : جمان يلا كومي

جمان بعدها نايمة غيرت نومتها ونامت على بطنها وغطت راسها
اسر : يول لا تبدين انتي والنوم مالتج ترا ما لي خلك
بعدها نايمة وخر الغطا من فوكاها وشالها فتحت عيونها : ها شكو وين دحكت هذا اسر

ذبها ع الجرباية : يلا كومي يا تنمبل راح نتاخر من وراج

جمان : اي هسه
شفته دار وجهه وانا بعدني حيل نعسانة رفعت غطا الجرباية ورجعت نامت

اسر طلعت غسلت وجهي وفتت للغرفة جمان نايمة ع الجرباية صحت : يول يجمانةة شبيج كومي

جمان : اهئ افف كمت كمت منو كال اريد اروح لو ضالة نايمة اشرفلج

اسر ابتسم :عادي ماكو مشكلة
حاوطها من خصرها وتقدم ع الجرباية

جمان : لا وخر حكوم 
طلعت الحمام غسلت وجهي وفرجت دخلت للغرفة اسر حاط جنطة وجاي يحط هدومه

اسر : تعاي طلعيلي القميص الاسود من كنتور التعليك

فتحت الكنتورد طلعت الي يريدها وطلعت كيلوت نيلي وبدي ابيض ويصير فوكاه سترة كابوية خفيفة نداريت اسر جاي يذب هدومه حتى يبدل كبل اخذت هدومي وطلعت للحمام بدلت ورجعت للغرفة اسر مبدل ومكمل وكاعد مدري منو يخابر دحكلي ما كال شي على لبسي عمود بس طريق فتت على المراية لفيت شال نيلي حطيت مرطب ومسكارة اخذت جنطة حطيت بها حبوب معدة عمود تلعب نفسي بالطريق وحطيت موبايلي اسر نزل جنطتنا انا اخذت حذائي ونزلت وراه اهله كاعدين : صباح الخير

الكل : صباح النور
مبدلين خالة وايات واحسان بس عمر ومرته ما يروحون ووسام اجى عليك باسني وصبح : جمان راح اروح وياكم

جمان بسته : هلا بيك يروحي
اسر دحك على جمان صفح : يلا كملتو

ام اسر : اي يمة بس كعدو تريكو
اسر : انا ما اريد وانتي جمان
جمان : لا ما اريد حتى ما تكلب معدتي

اسر : كوم احسان طلع جنطكم
طلع اسر واحسان شال الجنط وطلع وراه شوي وفات اسر : يلا طلعو
راح نروح بسيارة اسر لانو هوا يعرف الطريق

طلعنا برا ركبنا اسر يسوق ويمه احسان وانا وخالة وايات ورا وسام راح يم احسان
بدا يمشي الساعة بـ٨ طلعنا من المحافظة هنا بدت تلعب نفسي
جمان : اسر وكف

اسر بخوف : شبيج

جمان لازم حلكها : وكف
وكف السيارة جان الطريق فارغ نزلت من السيارة نزل اسر وراها صارت تستفرغ وكف وراها ويمسح على ظهرها
اشترى بطالات مي من المحلات الي ع الطريق واجى لزم ايديها غسل الها ووجهها هم
اسر : ها شلون صرتي

جمان : بعدها معدتي

اسر : غير تكوليلي تلعب نفسي حتى اجيبلج حبوب من البيت

جمان : انا جايبة واخذت بس ما فاد

اسر طلع الحبوب من جنطتها وشافها : ها متفيد مو قوية
صعدني بالسيارة وكفت يمي : ما يفيدج العلج يخفف لعبان نفس

جمان : لع يزيد عندي

اسر مسح على راسها روحها رايحة : هسه ع الطريق اكو صيدلية عود اشتريلج حبوب
سد الباب وصعد كدام ومشا
ام اسر : اسم الله شجاج يمة هاي وانتي على بطن فارغة
حطيت راسي على جتف ايات الي يمها اسر وجه التبريد علية كال: نامي حتى ما تلعب نفسج انوب
ضل معدتي تكلب بس حاولت الزم نفسي اسر صار يسوق على كيف بديت اغفى على كتف ايات الى ان صدك نمت

صحيت على شي ينكش (ينغز ) بوجهي فتحت عيني .....

يتبع .......