رواية اسرني كيدها الفصل السابع والعشرون 27 - بقلم الكاتبة ايات الـ سند

بقلم : ايات السند
السلام عليكم ♥️

لا تنسون التصويت والتعليق بين الفقرات استمتعو ♥️

تسكُن قلمِي والميم بَاء
فهَل لي مِنك يا رفِيق عنَاء
قُلبت همزته لقاف ؟

______________________
جمان

فجاة خابر اسر كمزت من مكاني وانوب هذا الماسك علي وجهي شلون اجاوب رجع دك جاوبت : ها جماني شلونج

جمان بالكوة حجيت : زينة وانتَ

اسر : الحمدلله شبيج كوة تحجين

جمان كلت بكلبي عزا شلون معرف معقولة هل كد مبين وخرت الموبايل عن اذني حجيت بصوت ناصي : يول يرغيدان تعالي شيلي هل ماسك

اسر : وينج

جمان شلعت هاي الي قريب يم شفتي متتت وجع حجيت : هياتني

اسر : شدتسوين؟!

جمان : لا بس سيف ابن قاسم يمي وكعدته خفت يوكع

اسر : المهم اليوم انا خفر بالمستشفى باجر ترا إحسان يجي ياخذج الصبح بس ردت اكلج

جمان : لا حخلي أحمد ياخذني

اسر : ليش تعطليه عن شغله هوا يطلع قبلج انتي وإحسان نفس الطريق شبيج حسيتج خايفة
لا تخافيني جماني اساساََ ايات وياج مراح اخلي يذبها حتى انتي وياها سوا

جمان : لا مو خايفة تمام

اسر : وحطيتلج مصروف يم ايات

جمان : عليش خليت بعد عندي

اسر : معليج يلا تصبحين على خير

جمان : تلاكي الخير
سده وراح كمت شلعته الماسك : شسوا بية شدعي عليج يا رغد هاي اول واخر مرة

رغد : انجبي مو صوجج
ضحكت و كملت كمت رطبت وجهي ورحت نمت

الصبح من كعدتني ماما كبل كمت استحيت لا اضل نايمة ويجي احسان ماما وكفت تدحك مستغربة لانو كعدت بسرعة

توني كملت سمعت طواطة برا
أخذت جنطتي طلعت جان جاي بسيارة اسر صعدت ورا يم ايات صبحت عليهم وصلني للكلية يالله راح وصل ايات ورجع للكلية ابد ما شال عليه عينه

مر الدوام عادي بالطلعة جاي نمشي انا وطيبة ع المخرج شفت إحسان واكف ينتضرني كالت طيبة : يولي هذاك احسان ينتضرج

جمان : اي فد ولد وردة ولج وصلني وبعدها وصل ايات حتى ما نبقى وحدنا وما رفع عينه نيال التاخذه على هل أخلاق

طيبة : قصدج نيالي مو

جمان : هههههه انجبي ادبسز
طلعت احسان شافني وراح ع السيارة كعدت ورا هوا راح باتجاه المستشفى وكف وخابر : ها اسر وينك

عرفت جاي ياخذ اسر شفناه جاي باتجاهنا وشال صدرية المستشفى علي ايده وجان يشغل جكارته وكف يم جامة احسان نفخ عليه الدخان ابتسم وكاله : حدر انزل لك يلا

احسان ضحك ونزل صعد ليكدام صعد اسر يسوق دحكلي بالمراية وكال : شلونها مريتي

جمان استحيت من احسان يربي هذا ميتوب بس من ويانة احد يحجي وياية وانا احمر : الحمدلله

اسر : بشرفك احسان هم تاخرت عليك من جيتها الصبح

احسان : لا كبل طلعت

اسر دحكلي : عجل بس انا تخليني ساعة ع الباب وانتي نايمة

جمان عزا فشلت : على حظه كعدت اليوم من وكت شسويلك

احسان : عفية بيج اريد تطلعيله كلب ثاني كون

اسر ضرب احسات ببطنه : لك عار بدال متكوللها دللي اخوية تعبان

احسان : ما تعبان كلشي ما بيك عرج ميطكك

اسر : دنجب راسي يوجعني
احسان ضحك
وكف اسر يم مدرسة ايات جانت واكفة يم الباب ويا صديقتها تنتضرنا دك هورن عليها اسر دحكت واجتي يمي صعدت كبل اسر اندار عليها وسئلها : ها بشري شلون امتحان العربي اذا مو زين اموتج صار يومين ادرسج

ايات : هههههههه على كيفك اذا اكلك مجاوبة شنو تنطيني

اسر : طلبي ويصير

احسان : يول بس بين انو انتَ عادل كدام مرتك شو انا من اجاوب بالامتحان ما تكلي اطلب ويصير

اسر : ها تغار من ايات انت تخرج واطلب ويصير

احسان ضحك : يلا نشوف

جمان صافنة على نقاشاتهم حيل حلوة علاقتهم واسر شلون يسئلهم عن الدوام وبس نجحو كلشي تطلبوه اسويه عبالك ابوهم صدك

مرت يومين جنت توني كاعدة من النوم من رجعت من الدوام نمت كمت غسلت وجهي اجيت ع الموبايل شفت مراسلتني ايات : اكلج جمونة انتي مو كلتي انا زينة بالرياضيات عادي اجيج وتقريني عندي امتحان باجر شهري رياضيات وما فهمت بعض المواضيع واسر ما عرفها

جمان رديت الها : اي يروحي اي وكت تعالي انتضرج اليوم

ايات : ماما كالت متسوة هسه حتصير المغرب ع الليل اذا عندك مجال

جمان : كلشي ما عندي تعالي التهي وياج وخلي خالة تجي وياج

ايات : اشوف يلا باي

جمان صار المغرب كمت صليت وعدلت غرفتي حتى ادرسها بيها طلعت ساعدت هاجر بالعشة كملنا وغسلت المواعين توني جاي انشف ايدي واندك الباب طلع احمد لكى اسر وايات فوتهم انا طلعت راسي واشرت الآيات تجي منا اجتي باتجاهي اسر دحك علية كبل فوتت نفسي جان شعري كفوش ولابسة صدرية الجلف
نزعتها وفاتت ايات يمي بوستها فكيت شعري حتى المه من جديد دحكت وكلت : وين خالة شو ما اجت

ايات : مفاصلها توجعها مالت على غير مرة

جمان : عدها العافية وين تريدين نكعد بغرفتي لو ليش ما نكعد نقرا ع الميز هنا اريح

ايات : بكيفج

جمان : ع الميز أسهل
كعدنا وطلعت كتابها ودفتر لزمت الكتاب اكلب بي اغللب مواضيع جان عندنا وقاريتها بس حسيت جان اسهل كتلها : من وين لوين امتحانكم حددتلي

جمان : حقريج كل المادة مال امتحان واكتبلج ملاحظات لان اعرف هاي المواضيع خوش ومن هسه اذا ما فهمتي علية معلية ضحكت

ايات : هههههه يلا

بلشت الها وشرحت ع الاعرفه وكل الامثلة من الكتاب وعلمتها اسهل الطرق جانت مدرستنا بالمتوسطة تنطينا اكثر من طريقة ليهسه اتذكرها إلى ان كملنا كتلها : ها بشري فهمتي لو لع

ايات : والله حيل فهمت من شرحتج المدرسة ما علمتنا هيج

جمان : هههه لا تبالغين بس جنت احب الرياضيات ف ليهسه اتذكر طرق الحل وحتى اكو نص ناسيتها مو كلها اتذكرها بس من شفت الكتاب تذكرت

ايات : اففف ايمتى اخلص مدرسة

جمان :يولي والله ماكو احلا من ايام المدرسة
تدرين احنا جنا اعدادية ومن تمطر نطلع نلعب جوا المطر ومن ارجع اتمرض وماما ترزلني

لو جنا آخر رحلتين انا وصديقاتي نضل نحجي الا ان ننطرد نطلع ونكعد نضحك

وجنت راعية مشاكل يابوية يوميا مشكلة
لو هاي مرة جان عدنا احتفال مدرسي ف مدرسة مكروهه كالت الا ناخذ درس قبل الاحتفال هية بدت تشرح واندارت ع الصبورة واحنا نزلنا جوا الرحلات ناكل من الجدورة والله حيل ايام ونسة

ايات : شحلو جنتي جمان انا معندي هيج صديقاتي

جمان : والله دوري وتلكين وتتونسون سوا
حجينا شوي وجان اسمع صوت أحمد يصيح جمانة كتله هااا جان فات ع المطبخ دحك ع ايات شوي وكال اسر يكول يلا

كمت ويا ايات من باب المطبخ طلعنا واسر جان واكف يم الباب انا ما رحت للحديقة ضليت واكفة يم باب المطبخ طلعو عاد فتت لغرفتي لزمت الموبايل

_________________
اسر

ايات كان عدها امتحان رياضيات ومتعودة بكلشي انا ادرسها بس الرياضيات مو حيل وياه كالت حجيت ويا جمان وكالت تعااي ادرسج اسر اروح انا وماما

اسرر: عود اوديكم بليل تعللو و خلي تقريج الي ما فاهمته ورجعو

كملنا عشة وايات كامت تبدل واجت كالت : ماما شو بعدج كاعدة

ام اسر : يولي والله مفاصلي توجعني مبية

اسر : بس لا رجعت توجعج اوديج باجر على دكتورج؟

ام اسر : لا يمة ما يحتاج هسه اخذ علاج

اسر كمت جبت الها دواها وانطيتها
ايات : وهسه شلون ما اروح يعني

ام اسر : يمة اسر روح انت وياها تخلص وتعالو

اسر : وانتي شلون اعوفج يضل بالي

ام اسر : يا ولك اسر روح اخذ علاجي قابل شنو وترا احسان وعمر يمي روح يمة لا يضل بالك

اسر اخذت ايات وطلعت دكيت الباب طلع احمد دخلنا شفت ايات رايحة باتجاه يم الاشجار دحكت جمان تاشر الها من باب بنص الحديقة بس شافتني دخلت بسرعة ضحكت على شكلها بكل حالتها حلوة دخلنا انا واحمد للديوان وكعدنا بين ما تخلص ايات ساعتين وشوي كتله روح صيحها الي كمت طلعت برا وايات طلعت من هذاك الباب هم شفت جمان بس هية منتبهت اخذت ايات وطلعنا

اسر : ها فهمتي وكلشي تمام لو لع

ايات : بلا فهمت حيل عليها

اسر : يعني درجة كاملة؟

ايات : ان شاء الله

اسر : عفية ببنتي
دخلنا للبيت شفت امي شلون صارت وكعدت يمها شوي وصعدت لغرفتي انام

________________
جمان

ثاني يوم خميس داومت ومن رجعنا كبل سئل ايات ع الامتحان كالت حيل زينة ان شاء الله اجيب درجة كامل

اسر : يلا راح اقدم زواجنا حتى هم اجيبج يمي وايات تستفاد منج شتكولين

جمان : لا بلا ما اريد هسه ما بقى شي على امتحانات الكورس الثاني مالتي

اسر ضحك : ننتضر يجمان شنو ورانا ودحك علينا
انا ارتباكت درت وجهي للجامة وصلت البيت

مرت يومين بيوم السبت بليل
________________
اسر

جنت طالع ويا ضياء لليل وصلته لبيته ورجعت من فتت بشارعنا وتعديت من يم بيت اهل جمانة شفت احمد كاعد برا يخابر شافني واشرلي سده وكام
وكفت يمه نزلت سلمت عليه ردت اصعد حتى اروح كال : وين انزل نتعلل

اسر : لا والله مبية

احمد : دتعال يمعود انزل خل نكعد شوي

أسر : يلا خل نكعد شوي

أحمد : تعال اكعد بالحديقة واعمرلك هل ناركيلة شتكول

اسر : هوا انتَ كل حياتك ناركيلة

أحمد ضحك : شسوي ما يمر يومي بدونه دفوت اصلا جنت ادخن بالحديقة بس طلعت اخابر برا
دخلنا جانت عدهم كعدات بالحديقة وأحمد حاط ناركيلته برا

اسر : اي عمي مخابرات بليل وبرا

احمد ضحك : مو تعرف شركاتي ما تنتضر

اسر : ايباخخ
مدلي احمد الناركيلة كتله :ما اريد كمل انتَ طلعت جكارتي

أحمد : هاي غود انتَ تشتغل بالصحة و٢٤ ساعة جكاير

اسر : اتعودت عليها ما اكدر بس بداخل الدوام مستحيل ادخن بس من اطلع
شوي وكام شال الناركيلة يفوتها كتله : صيحلي جمانة

احمد : اي ياب مشتاق للحب احنا بيش كيلو

اسر : دمشي يول دوختني
ضحك وفات احس مشتاقلها صحيح ما تشبع منها من اوصلها ما اكدر اكعد وياها ونحجي ونتفاهم ادريها لي هسه ما متقبلتني ما ادري ليش بس اول واخيرها تحبني ما اعوفها لو تموت ( دكول اضل وياها للابد صخام تكول ما اعوفها لو تموت غزل جيس حب )

شوي وطلعت تقربت لي يمي
جمان : السلام عليكم

أسر من صارت قريب يمي جريتها بلحظة كعدتها يمي و حضنتها : وعليكم السلام عمي
دفعتي تريد تبعد كلت : شنو بيج دودة كلما الزمج تحوصين

جمان :عزا اسر دوخر

اسر : ما اوخر خليني بعد هل سنين ما استاهل حضن حطيت راسي على جتفها

جمان : راح يطلع احمدد

اسر :لا ما يطلع اعرفه كفو

جمان : حيطلع بس وخر راسك عن ركبتيي ول اخخ لا تجعص ايدي

اسر : عني شنو بكيف احمد لو غيره مرتي وبكيفي شحده يحجي

شوي وخرت : يابة مشتاقلج حتى مجاي اشوفج مثل البشر هية بس دقيقة اوصلج الصبح العالم من تخطب يوميا يم اهل المرة ويلعبون بس انا محترم

جمان : الله يل محترم

اسر ضحكت ولزمتها من فكها : ليش يابة مو محترم

جمان : محترم محترم بس وخر

اسر : يول انا الك بس صيري يمي

جمان : عفية هسه ليش تتحلف ترا والله ما اتزوجك

اسر : بكيفج ما تتزوجيني اما اهدج (اعوفج) لو تموتين بعدين لا تخافين من التهديدات بسيطة وغمزلي

جمان : عزا هدني خليي افوت انتَ بس غمزتك مدري شلونها وحتى زواج ما اريدد

اسر : ههههههه بعدين نتفاهم
شوي وفاتت طلعلي احمد كتله راح اروح سلمت وطلعت اخذت سيارتي ورحت للبيت تلكتني امي عمود تاخرت كالت ضل بالي

اسر : جنت يم بيت ابو احمد دفوت ارتاحي كم مرة كايلة لا تنتضريني ويضل بالج
دخلتها و لكيت احسان وايات و وسام كاعدين بالصالة ع الموبايلات صحت : ها والدوام

ايات : هسه اسر أمانة اخر ١٠ دقايق من الحلقة

اسر : ماكو كومي الصبح تضلين نعسانة

ايات : بداعة الله يروحي هسه اكوم

اسر : اويلي من اللواكة مالتج يلا خلصي وكومي
انداريت على وسام : وانتَ ان شاء الله هم متابع مسلسل وتريد تخلص الحلقة

وسام ضحك : لا هسه حنام كام واجا باسني وراح

صعدت بدلت وتمددت

______________
جمان

جنت كاعدة واجا أحمد كال : اسر يريدج برا استغربت جنت لابسة بجاما طويلة وبدي ردان لان بليل تصير باردة بعده ما احتر الجو حيل طلعت بكفشتي وهدومي كبل حضني وانا توتر وخفت ضل نحجي الا ان فتت أحمد طلع شوي وفات كال راح

دخلت للغرفة كاعدة اكلب بالموبايل قبل ما انام وحجيت ويا طيبة شوي كمت جهزت ملابسي وجنطتي طفيت الضوا ودخلت بفراشي انام سمعت صوت إشعار من الموبايل رفعت راسي اشوف شنو فتحت الموبايل ودحكت من فوك مكتوب

: ليش استعجلتي واختاريتي اسرر ليشش.........

يتبع.........