رواية اسرني كيدها الفصل الثامن والعشرون 28 - بقلم الكاتبة ايات الـ سند

بقلم : ايات السند
السلام عليكم

لا تنسون التصويت والتعليق بين الفقرات استمتعو ♥️

هو أڪبر مني سنآ وأنا أكبر منه حبا 🖤🕯

____________________
جمان

كريم : ليش استعجلتي واختاريتي اسرر ليشش

جمان : مفهمت!!؟

كريم : لو بس ناطيتني امل صغير حتى اتقدملج

جمان : صدك تحجي شنو اتقدملج ترا خلص انا صرت لاسر ورجاءا بعد لا تراسلني

كريم : احبج جمان

جمان : تنساني وتصير سوالف باي

كريم : اتركيه

جمان : شترك كريم كافي روحح و لا تدز شي بعد
طلعت وحذفتها المحادثة يمة وكع كلبي هذا شبيه بهل ليل

اسر دز رسالة : يجماني شعندج كاعدة لي هسه وتالي الصبح تضلين نايمة

جمان اكيد شافني نشط ناقصتك انا : لا حنام تصبح على خير

اسر : وانتي من اهلي

جمان صارت فراشات ببطني شلون عنده ردود عبالك مجهزها عفت الموبايل ونمت

مر شهر.........

قربت امتحانات الكورس الثاني مالتي كعدنا قبل الامتحان باسبوعين لان مخلصين ما عدنا محاضرات جان بعد يومين عيد ميلاد اسر اول يوم برمضان ليهسه حافظة تاريخ ميلاده بهل شهر ما ملتقينة هواي بس من يوصلني وهسه ما عندي دوام بس مرة اجا تعلل ويا احمد وصاحني كعدت شوية يمه وكمت هوا كضاها خفارات يضل يراسلني بديت ارجع استطلفه مثل قبل بس تضل بكلبي خوفة هية الخوفة مو بس من اسر من الكل بس رغم كلشي من اتذكر شلون جان نقاشنا حاد انا وبابا وكلام تكثر من الي اكتب حيل انقهر واحقد على اسر والكل
________________
طبعا راح أوضح أشياء اكثر عن الابطال حتى تفهمون ان شاء الله من اختم اعدل و اذكر هاي الاجزاء بالبارات البداية

جمانة او جمان تعرفو انو خالها تحرش بيها وبهاي الفترة امها جانت متطلقة ويم اهلها اتكرر هاي الشي اكثر من مرة هية مجانت تفهم بعدين راحو سكنو ببغداد يم اختها تعلمت لهجتهم وعت هناك بس صاحبت بنت جيرانهم وجانت تضل تروح عليها وفجأة ابو صديقتها كام يتحرش بيها ومحاولة اغتصاب بسبب ليلة باتت يم صديقتها بعدين ابوها رجع امها عمود خواتها واحمد جانو ساكنين يم ابوها ف رجعو ابوها كلش مهمل تجاههم وما يعبر عن حبه ويطلع اشهر للمحافظات ومو داري عنهم هيا صارت اعتزالية وما تطلع هواية وما تحب تكعد بتجمع لذالك شفتوها اغلب الاوقات بغرفتها وخوفة تجاه الشباب بسبب الأشياء الي صارت الها ومن حقها محد راح يعرف شعورها وهية حتى كايلة لوحدة من خواتها على التحرش الي صار الها بس هية اعتبرتها سالفة عادية وجمان جانت مفكرة انو اختها تكول لامها لانو هية ما تتجرئ تحجي هيج بس شافت عدم الاهتمام فكال محد راح يهتم اذا كلت اله ومحد راح يفهمني وكتمت على نفسها اي وحدة من الخوات مراح اكول بسبب طلب جمان وهية كالت جوز ما فهمتني زين رغم كلشي انا راح اضل احبها

اما بالنسبة لاسر فهوا جان حاله حال اي شاب ويكون صداقات وهيج بس كال انا ما اذيت وحدة ولا ابتزيتها لاني مو هيج وافكر عندي خوات وبعد وفات ابوها ترك كلشي وتغيرت أشياء بداخله واهتم باخونه صار اب الهم وهسه تكولون عمر مو تؤمه ليش ما مهتم كده؟ عمر حيل مهمل ويمشي ورا مرته ف أسر تاركه وهوا مهتم الهم وهوا والنعم منه سبع والله وبالنسبة لدوامه فهوا كمل دراسة ودخل تخصص وراتبه زادد وصار عالي و ما محتاج احد

َوهذا كلشي بس حبيت اوضح أشياء واتعمق بالابطال ♥️
__________________

حرت شنو اجيبله لازم اجيبله شي حتى لو ما احبه كعدت اكلب بالبيجات وصيت قميص صيفي وساعة كملت ونمت
ثاني يوم كعدت باجر رمضان العصر جنت اسوي تزينات لرمضان احب هيج شغلات اخذت ورق ملون والصمغ والاقلام والنشرة مال اضوية وكعدت بغرفتي ازرين واسوي للمغرب وبعدين كمت جبت كارتون من برا وكعدت اكصكص على شكل هلال وقمر وعندي خيط خشبي او هيج يصير لفيته عليها طلع شكلها يجنن

اخذتها وطلعت علكت النشرة الي زينتها بالصالة والهلال والقمر حطيته فوكاه
اجت هاجر شافتني ضحكت كالت : اجا رمضان واجت سوالفج

جمان : لعد شوه غير ازين الكم
كملت فتت بديت ارتب محاضراتي حسب الامتحانات ما ضل بس اسبوع وكم يوم شكول عليهم مخلين الامتحانات برمضان بهل حر
كعدت اقرا امتحان اول يوم صار الليل ودك موبايلي رقم غريب عرفته ابو التوصيل ركضت على احمد يحجي وياها كله : عدكم توصيل وصلنا المكان الي كلتو عليه بس ما عرفنا البيت

أحمد : انتضرني راح اطلعلك
نطيته الفلوس طلع شوي وفات بايده العلاكة اخذتها حتى اشوفها وشوفتها الماما كالت حلوات
كلت بكلبي الا اخسرك فلوس هل هدية يا اسر اصبرلي

دخلت رتبتها بعلاكة وضميتها صارت الساعة ب١٢ حرت اعايده لو لا اخير شي كلت لا عمود عباله ما اعرف او ناسية بال١ كمت اساعد هاجر بالسحور لكيت رغد هم كاعدة كعدت وياهم حيل احب أجواء رمضان شوي صبينا وكعدت ماما كامت وكعدت بابا احنا ما نمنا كعدنا ناكل كملت وجلفت المواعين كملت كلشي توضيت ورجت اقرا قران قبل الاذان
من اذن كمت صليت ودعيت ولي يتقبل صيامي وان شاء الله كلشي يصير زين وحلو بحياتي

كمت نمت ضليت نايمة لل٣ الظهر ماما كعدتني : يلا كومي يمعودة شهل صيام بس نوم

جمان : دعوفيني ماما

ام جمان : يلا فضيني ميصير تكضيها نوم

جمان : يلا كمت روحي
راحت كعدت ع موبايلي نص ساعة وكمت صليت و سبحت ولبست رحت على هاجر سوتلي شعري جذايل (ضفيرة) فرنسية هيج

طلعت للصالة مشغلين قرآن وماما تسوي فطور الله راحة نفسية رمضان غير

رحت يمها سويت التمر ع النار و وراه سويت الفستق وكعدت احط بالتمر فستق احبه هيجي كملته وحطيته بالحافظة كعدت ع موبايلي شوي وماما شافت الامساكية كالت يلا قرب الاذان تعاي خلي نصب كمت احط الشوربة وهية الباقي
كمت اجت رغد كامت تشيل للصالة انا رحت على سيف ابوسه بي هل ادبسز ما اشبع منه اخذته وطلعت برا حتى اسمع الاذان

كعدت بالحديقة والعب وياها طلع رغد هم حتى تسمع شوي واذن كمنا فتنا فطرت ع التمر رحت اصلي ورجعت اكل خلصنا ورغد جانت تجلف وانا كاعدة يمها ع الكرسي ونحجي شوي وشفت احمد يريد يفوت لغرفته ركضت عليه : يلا ايمتى تخابر اسر راح يخلص اليوم

احمد : شنو اكله

جمان : كله تعال هسه اريدك بشغلة وهيج واكيد راح يجي يلا امانة

احمد : ديلا خوش
دخل وكام يخابر انا رحت لغرفتي احجي ويا طيبة ما بدلت ولا شي ما لية خلك ضليت ببجامتي وحتى جذايلي ما بية افكها

شوي وسمعت الجرس دك طلع احمد ودخل اسر ربع ساعة ودخل علية احمد كال يلا كومي عايديه فضينا بقو علينا بس مخطوبين

ضحكت عليه رحت للديوان

______________
اسر

ليلة رمضان جنت كاعد بغرفتي اجت ايات صاحتلي كالت تعال استحر كمت وراها ونزلت او ما نزلت امي حضنتني وكالت : كل عام وانتَ بخير يبعد امك

أسر ابتسم : فدوة لعمرج يمة وانتي بخير

اجت ايات عايدتني واحسان ووسام وبعدين طلع عمر من الغرفة هم عايدوه لانو احنا بنفس اليوم كعدنا تسحرنا شوي وصعدت اذن وصليت ودعيت تقبل صيام شهر رمضان وما نسيت امي وجمان واخواني بدعائي كمت نمت

الصبح رحت ع دوامي ومن رجعت هم نمت للظهر مر اليوم عادي لليل خابرني احمد كال: تعال يمي تعلل ورايدك بشغلة

اسر : يول والله مبية على باجر

احمد : شغلة مهمة بس تعال

أسر : يلا جايك ان شاء الله شغلة تستاهل
كمت طلعت وحتى ما بدلت كلت بس اشوفه وارجع وصلت ودكيت الجرس طلعلي ودخلنا الديوان ضل يسولف عادي ويسئل كتله : يلا احجي شنو الشغلة

احمد : دقيقة هسه اجي
كام طلع ثواني وشفت جمانة دخلت وتقربت كدامي ابتسمت وحجت : اسر كل عام وانتَ بخير ان شاء الله

اسر : وانتي خيري جماني شيصير لو تضلين هادية هيج

جمان عليت صوتي : والله صوجي اني جتي اعايدك

اسر كمت جريتها وحضتها : لو هيج المعايدات لو ماكو حبيبي انتي عبالي ما تدرين

جمان انتبهت عليه اول مرة يكول حبيبي الي همت اهفي بوجهي من الخجل بس شو حبيبي ليش مو حبيبتي : لا ادري
راد يبوسني من شفتي نطيته خذي ضحك وباسه

اسر : شهل كصايب الحلوات طالعة صغيرونة

جمان : اي اكيد صغيرونة وكيوت قابل مثلك عجزت دخلت ال ٢٩ ومن تصير ٣٠ تشيب

اسر : لا ما اشيب الا اخذج حتى اشيبج وياي

جمان تذكرت الهدية : اصبر دقيقة
رحت ركض للغرفة جبتها ورجعت يمها نطيتها اله : هاك شوفها

اسر : شنو هاي
فتحت العلاكة وشافها وابتسم : كربي تبوسج يول اليوم صايرة لطيفة ما اتحمل هيج ترا

جمان : لا ما اقرب طلعت عينك

اسر : بكيف عشيرتج انا
جرني وباسني من خدي : انتي اصلا احلا هدية بحياتي

جمان : اي اي اضحك علية روح على حبيبتك روح

اسر : ما اضحك عليج انا بس انتي غبية

جمان : ها خوش مشكور

اسر كصرتها من خشمها : وصايرة حساسة و تزعل ام خشة (ام خشم)

_______________
جمان

طلعت من الديوان ودخله احمد شوي وراح

مرت ال ٩ ايام وبلشت امتحانات الي خايفة منها وخايفة اكثر من زواجي الي بعد الامتحانات ........

يتبع.......

بارت خفيف لطيف بدون قفلة تجلط + سرعت الاحداث شوي حتى ما تملون
وتكولولي تريدون اختمها هل فترة لو اطولها اكثر؟