رواية اسرني كيدها الفصل التاسع والعشرون 29 - بقلم الكاتبة ايات الـ سند

بقلم : ايات السند
السلام عليكم

لا تنسون التصويت وتعليق بين الفقرات استمتعو ♥️ طبعا البارحة ما جان عندي نت وما نزلت بارت واليوم عوضتكم ببارت طويل

رباهُ كيف أُخبرها أني بها مغرما
وأن تفاصيلها تجذبني لأهواهُ ؟
وكيف أَعُدُ لها ...سنيناً وأياما
تساءلتُ فيها من ذا الذي يرعاها؟
حال اسر "🥺

_____________________
جمان

وبلشت امتحانات الي خايفة منها وخايفة اكثر من زواجي الي بعد الامتحانات

جنت كل يوم من اروح امتحن انا بطبيعتي اتوتر واخاف بالامتحانات وانوب حر وصيام ف اسر يضل يطمن بية يوصلني ومن اطلع اخابره يجي عليه لان اطلع من وكت يوصلني بسرعة ويسئل على امتحاني و يرجع يروح يكمل دوامه كملت امتحانات قبل العيد بيومين واخيرا عطلة ارتاحيت والحمدلله زينة بكلها

ليلة العيد دائما تكول الليلة المفضلة عندي سبحت كعدت كويت شعري وكعدت اصبغ واموري تمام انا رمضان كلها اسهر واروح لامتحان ومن ارجع انام هيج تعودت ف هسه بعد مكدر انام ضليت كعدت بالموبايل بغرفتي بعدين كعدت اشغل اغاني واركص بدون سبب من الضوجة واهلي كلهم نايمين البيت هدوء صارت الساعة ب ٥ كعد بابا واحمد راحو يصلون صلاة العيد وماما والبنات كعدو عايدتهم شوي ورجعو من الجامع كامو البنات يعايدون بابا كمت انا هم ميصير ما اعايده

عايدته دخل احمد جايب صمون وكاهي وجبن عرب للريوك شوي لل٧ هاجر وماما حطو الريوك وتريكنا وكملنا فتنا كشخنا للعيد لبست جينز اسود وبدي نص ردان اسود وبي رسمة من كدام ضوجة وحدنا بالبيت كعدت اطلع فيديوهات مكياج وامكيج اول واحد صار طوخ معجبني كمت غسلته ورجعت طلعت شي ثاني اخف وكعدت احط جان عبارة عن ظل ترابي ومسكارة وعدلت حواجبي حطيت احمد خدود وحمرة رفعت شعري ذيل حصان وطلعت بالصالة بابا وزع النا عيديات وقاسم هم
طلعت اخذ صور بالحديقة اف شهل ضوجة سمعت ماما تخابر بالمطبخ

دخلت الها واسمعها تحجي : وانتي بخير يعيني ينعاد علينا وعليكم بالصحة

الي وياها بالموبايلي مدري شنو حجت ماما ردت : دتعالي جيبي البنات وتعالو ع الغدة

سكتت ماما تسمع وكالت : لا لا ماكو انتضركم ع الغدة يلا بدلو وتعالو وخلي حتى الولد يجون

سكتت شوي وضحك : كل الهلا بيكم يلا انتضركم
الله وياج

جمان : منو عزمتي

ام جمان : خابرت ام اسر اعايدها وعزمتها

جمان : ها وراح يجون

ام جمان : كالت اشوف الولد جينا جينا ما اجينا على غير مرة

جمان : تمام
جنت كاعدة يم ماما ع الميز وهية كاعدة بالكاع تلف دولمة نزلت اسوي وياها سمعنا الجرس طلع أحمد مدري منو فوت من باب الديوان واجا علينا : كومو للديوان اجا عمي فهد ومرته

ام جمان : خوش هسه اكوم
كامت ماما غسلت ايدها وانا هم دخلت للديوان وانا دخلت وراها سلمت عليهم وعايدتهم

عمها فهد : جمانة شهل جمال صايرة مرة

جمان ابتسم اله
فهد : ايمتى العرس مالتج

جمان : والله عمو بعد ما حددنا بالضبط بس بهل فترة

مرت فهد : شو ما عزمتونا على الخطبة

ام جمان : والله هية صارت فجأة وبس خطبة وعقد قران كلنا ما تلحكون تجون من بغداد بس ابو احمد نطا خبر لاهله قبل العقد لو ما كالولكم

مرت فهد : والله سمعنا بس ردنا منكم الخبر

ام جمان : ان شاء الله العرس قريب ضلو هنا واحضروه

فهد : لا والله خيتي جيت هنا بشغلة وراح ارجع بس ان شاء الله اذا صارلي مجال ليش ما اجي ع عرس جمان صغيرتنا

جمان ابتسمت : اي عمو امانة تعال

فهد : ان شاء الله حبيبتي انتي مو خطيبج ابن حجي خالد

جمان : اي عمو

فهد : عرفته وحتى مرة شايفه بالمستشفى

شوي حجا ويا بابا وكامو
ابو جمان : ها وين

فهد : والله هاهية نروح هدى (اختهم عمة جمان) عازمتنا ع الغدة وهم اعايدها

ابو جمان : يمعود دضل وعود ع العشة روح الها

مرت فهد : تسلم على غير مرة وطلعو
رجعت ويا ماما كملنا الدولمة وسوت برياني اندك الباب طلع احمد انا دحكت من شباك المطبخ فات اسر وامه وايات كلت لماما : اجت خالة

ام جمان : تخلخت عظامج هاي عمتج

جمان : شسوي ماما متعودة هيج اكللها هسه دعوفيني وروحي سلمي عليها

راحت ماما سلمت وهاجر هم دخلت وياها سلمت على ام اسر وعايدها وايات هم شفت وسام حضني وباسني كلي ان شاء الله عريسة

ضحكت عليه : ولك عريسة شنو لازم عروسة

وسام : نفس الشي

جمان : ههههه اويلي من لسانك
رفعت راسي اسر ديحك علينا ورافع حاجبه كلت بكلبي اهو هذا شبي من صباح العيد كالب وجهه

ماما كالت لام اسر وايات يكومو ويانا حوا حتى ياخذون راحتهم واحمد يكعد يم اسر

كامو وانا هم ردت اكوم اسر كال : شنو عمي ماكو النا معايدة

جمان درت عليه : كام وانتَ بخير ان شاء الله حجي بعد شتريد

اسر : شو كربي يولي غير اعرس اول بعدين اصير حجي

جمان : شسمه لا الزواج مو مهم روح حج بالاول

اسر ضحك : تعالي انطيني عيدية بوسة

جمان : لا بالله وانا شنو عيديتي

اسر : هم بوسة تعاي

جمان : ماااااا خليت البوس الك متفيدني هاي ورقلي يلا

اسر : اصلا البوسة تفيد اكثر من الفلوس

جمان : لا بشنو تفيد

اسر : اصلا بيها فوائد كوم بعدين ادرسها الج تعاي حتى انطيج عيدية

جمان : لا ما اريد بوسة

اسر طكها بضحكة : يابةةةة وج انتي كيفي ع البوس مو بوس ولج تعاي عيدية

جمان : ديلا انطيني لعد

اسر : راح انطيج لخاطر هاي ال لعد الي بيها تموع

جمان : يا هاي منو يتموع انا ما اتموع

اسر : لا مو انتي ياب غلطنا

جمان : ها لازم من كثرهم بعد ما تفرقني

اسر : كربي انطيج عيديتج
تقربت يمه جرني باسني من خدي وجري من الذيل حصان مالتي

جمان : اخخخ شعرييي

اسر : هاي عليمن تكولين من كثرهم بعد متفرق

جمان : هههههههه مو عليك بس هدني امانة

اسر ابتسم وهدني طلع محفظته ونطاني عيدية وكال : ها عمي وكولي اسر مو زين

جمان ضحكت : لا زين زين
احمد دخل وانا طفرت من الديوان لكيتهم كاعدين بالهول ماما ورغد وياهم وهاجر بالمطبخ تكمل الغدة كعدت يمهم اجا هاجر كعدت شوي واشرت النا نكوم وياها كمنا انا ورغد رحنا ع المطبخ كالت خل نبدي نصب حتى نكمل ويبرد الاكل حيل حار ونحط الهم

رغد : شنو نحطهم كلهم بالديوان

هاجر : لا احنا وام اسر بالهول وأحمد وعمو و اسر بالديوان
صبينا واصريت الا انا اكلب الدولمة وبالكوة كلبتها واحترك من الجدر شوي بايدي رحت للديوان صحت احمد ونطيته المشمع وكتله تعال اخذ الغدة وانا رحا فرشت بالهول صبت وكملنا غدنا لمينا وكفت رغد تجلف وهاجر تصفى انا رحت للهول كعدت يم ايات

وسئلتها على امتحانتها كالت تقريبا الاسبوع الجاي تبلش للعصر وكامو ام جمان :بعد وكت ام

ام اسر : مشكورة والله نروح نعايد بيت جد اسر وهاهية نرجع لبيتنا مع السلامة

احنا : الله وياكم

_________________
اسر

صباح العيد اهل جمان عزمونا ع الغدة عمر كال اودي نور (مرته) يم اهلها وراح اتغدة هناك واحسان كال انا حطلع ويا أصدقاء وعود مناك اجيكم ببيت جدو

اخذت امي وايات و وسام ورحت صار العصر دزيت عليهم طلعو ع السيارة وديتهم حتى نعايد جدتي
وصلنا (طبعا جد اسر ميت وجدته ما طلعت من بيت رجلها واجا ابنها ابو مريم ونور عايش وياها)
بيت عمامي هناك سلمت على جدة وعايدتها

كعدت يم عمامي عمر جان هنا من الصبح واجا احسان شوي وكتلهم يلا كومو
الجدة : يا ولك اسر دضلو ع العشة كلهم حيضلون

اسر : لا هاهية

الجدة : دمشي لك والله الا تضلون

اسر : ههههه هسه ليش تحلفين

الجدة : هاهية ماكو طلعة حدري اكعد يمي اسولف وياك

اسر علاقتي ويا جدتي حيل قوية واموت عليها كالت : يول شو ما تزوجت لي هسه

اسر : ان شاء الله حجية هل فترة نقعد بالمحكمة ونتفق ع العرس

الجدة : ولك غير هاي مرتك وردة مال الله

اسر ابتسمت : لا حجية ما اسمحلة تتغازلين بمرتي

الجدة : يول من هسه بعتني ولي من يمي

اسر : هههه لا شنو ابيعج غير انتي الحب الأول والاخير شتكولين عندي حجي وياية بالدوام اخلي ياخذج ونسوي عرسنا سوية

الجدة : يا ولك من طاح حظك كوم من يمي ما اكول غير الله يعينج يلي ببالي

اسر : افدي انا الي ببالي
كل هل حجي انا كاعد يمها ونحجي بصوت ناصي فاتو النسوان كمت برا يم الولد
تعشينا وكملنا وتعللو وبس قال وقيل وانا واسي طبل كعدت ادخن جكاير شوي وكمت وكفت على باب المطبخ وصحت لامي كتلها : يلا يمة امشو بعد ما بية حيل

ام اسر : يلا هسه حروح البس وفوت سلمت على الحجية قبل ما تروح

دخلت للديوان جانت جدتي كاعدة ونسوان عمي كلت : يلا حجية راح اخذ أهلنا مع السلامة

الجدة : ما تضل تبات

اسر : لا غير مرة تصبحون على خير

الجدة والباقي : الله وياكم
طلعنا رحنا كلنا بسيارتي واجا عمر ورانا بسيارته

________________
جمان

من طلعو اهل اسر احمد كال لماما اسر كال لبابا بس اخته تخلص امتحانات ويكمل تخرج اخو هل فترة ياخذ جمان يعقدون محكمة ويسوون العرس

جمان : يمة شبسرعة

هاجر :لا مو بسرعة هية اخته هالايام تبلش تمتحن وحفلة اخوه وراها يعني بعد ٣ أسابيع ع العقد ووراها نبدي نجهز النيشان والحفلة مو هيج عمة

ام جمان : اي زين
شوي واجو البنات كلهم زهراء وزينب وجوان
حتى يعيدون يمنا

وجان رجل جوان وزهراء جايين هم
بليل فجاة البنات كالر للولد كومو خلي نفتر وناكل موطة كبل كمنا لبسنا عبي وانا اصلا طلعت بتراكسودي لانها طويل وردانه طوال وعليه شال لان بليل وانا مراح انزل من السيارة طلعنا نفتر بسيارة مهند (زوج جوان) انا وجوان وزهراء وعلي وسيارة أحمد هاجر ورغد وزينب

مشغلين اغاني ردح ويصفكون عبالك عرس ومهند يزيد سرعة وأحمد يزيد اكثر متنا ضحك عليهم وكفنا يم مرطبات نزلو الولد جابو الموطة واجو نطونا الموطة لزمتها ورفعتها وصورت فيديو وهيا الاغاني مشتغلة
زهراء : ايا ادبسز تصورين وحدج مو

جمان ضحك : أي يابة تعلمت اصور وحدي

رجعونا ع البيت دخلنا بالهول يم ماما تعللنا شوي وعلي كام راح لاهله ما يبعدون حيل كال اله احمد : ليش ما تضل تبات وهل جمعة

علي : عود باجر اجيكم ونطلع على ****** (مدينة العاب او منتزه) نتعشة هناك شتكولون

ام جمان : اي عود نروح العصر

علي : خوش مع السلامة

احمد : الله وياك وطلع وياه لي برا
بين هاي الهوسة كلها بابا كاعد بالغرفة ومو دراي شوي وكمنا فرشنا لجوان ورجلها وجهالهم بالديوان وزينب وزهراء بغرفتي كلمن راح بفراشه لان الساعة ٢ وهم سهرانين

لزمت الموبايل قبل لا انام شفت اسر راد على الستوري الي جنت حاطته جان المقطع الي صورته ومسوية تاك للبنات وللولد هم وكاتبة شكرا على هل طلعة اللطيفة والسريعة كايل : هذول منو؟؟؟ عرفت علي بس الثاني ما عرفته؟

جمان : هذا رجل اختي

اسر : اي واحد منهم

جمان : ما تعرفه رجل جوان

اسر : مو هذا العسكري؟
جمان : يي

اسر : زين اشو ما كلتيلي قبل ما تروحين ست جمان

جمان : والله فجأة بس رحنا اشترينا موطة ورجعنا

اسر : فجاة كتيلي زين ضلو يمكم الولد؟

جمان : بس مهند

اسر : جاي تلبسين حجاب كدامهم

جمان اويلي شكد يدقق ويستجوب : لا

اسر : شنوو ليش بلا

جمان : لان مهند اصلا مربيني على ايده ومثل ابوية او أخوية ماكو فرق

اسر : ماكو مثل اخوية يضل غريب عنج البسي حجاب

جمان : اسر ورا هل سنين كلها تريدني البس حجاب مراح يكولون هاي شبيها فجأة تخبلت وبعدين اصلا كل خواتي ما يلبسون حجاب كدام نسابتنا

اسر : ماكو ليش يكولون شبيها الي بيها انو رجلها ما يقبل تطلع بدون حجاب باختصار

جمان : الله كريم

دزلي صوت فتحته يصيح بعصبية : اخخخ منج يجمانن بس صيري يولي بس صيريي انا اعلمج ايمتى يخلصون هل اسبوعين

جمان خفت من نبرة صوته يماهه هذا اكيد راح يسودلي عيشتي ما رديت عفت الموبايل ونمت

ثاني يوم كعدت الساعة ١ الظهر كمت تغديت وكملت الظهر كاعدين البنات هاجر تحفلهم ويسولفون عبالك فاتحين صالون هاجر كالتلي تعالي احفلج من قبل رمضان انتي محافة صايرة شواربج اثخن من شوارب قاسم

جمان : هههههه والله ما بية عدو بعدين

هاجر : دتعاي مدام كاعدة لو تموتين ما احفلج بعدين
كمت يماه كلما ما تحط الخيط على وجهي اصرخ انا من السادس اعدادي بديت احف حواجبي جنت بس شواربي والي بين الحواجب بس بالسادس وقربت اصير كلية حطولي البنات ونظفو الي حواجبي بس جنت حيل احبها مرتبة بس ما خليتها يخففوها بس تنظيف لان رسمتها حلوة

كملت وكمت دزيت رسالة لاسر لا أنسى ويسويها طلابة علية دزيت : اسر ترا راح نروح ليوم للمنتزه مو تكول ما كلتيلي

نص ساعة ورد : هلا جماني جنت بالدوام اليوم طولت ايمتى راح تروحون

جمان : بعد شوي

اسر : خليج انا اجي اخذج

جمان : يعني تروح ويانة

اسر : اي خوما اعوفج وحدج هناك

جمان : بكيفك زين جيب خالة وايات وياك

اسر : ما اضن المهم انتضريني تروحين وياية

جمان رحت كلت لماما راح يجي علية حجت وياية وكتبت اله : ماما تكول عليش لا تمر اروح وياهم وانتَ كبل روح هناك

اسر : اوفف منكم يبيت ابراهيم (ابو جمان) دومكم شالعين كلبي

عفت الموبايل وهما كملو سوالف و الصالون وكامو يبدلون الساعة ب ٦ نروح كلنا ع البراد وحتى نتعشة هناك
لبست كيلوت حتى ارتاح لونه زيتوني و قميص اسود وشال حطيت مسكارة وخط ايلانير صغير ما مبين اصلا وحمرة وردية ترابية كلهم كملو اخذت موبايلي وطلعت البس حذائي طلعت لكيت ماما وزينب ورغد وهاجر بسيارة ومقبطة صعدت ويا مهند وجوان و زهراء

وصلنا هناك شفتنا علي توه واصل هناك ع الباب بعدها فتنا سوا ارل ما دخلت خابرني اسر : يول هاي انتي الي نزلتي من سيارة مهند مو وانوب لابستلي قميص كصير هنيالي

جمان كمت اتلفت بسم الله الرحمن الرحيم وين شافني : يمة اسر على كيفك اي ما صار مجال لان طلعت اخير وحدة وصعدت ويا مهند والبنات وياية هوا انتَ وينك

اسر : هياتني دا اطبك السيارة يلا هسه اجي
سده دخلنا كعدنا على ميز شوي وشفت اسر ماشي بعيد ويدور علينا شافني واجى باتجاهنا كامو الولد سلمو عليه جان اكو كرسي فارغ بيني وبين أحمد اجى كعد كبل لزم ايدي بايده وعصرها كصرته من ايده وهمست : شبيك اسر

اسر : بشرفج هوا هذا لبس ينلبس

جمان : اسر ترا انتَ تدقق حيل ولبسي كلشي ما بيه ومستور اصلا انا ما البس شي فاضح

صار يحجي ويا الولد شوي وأحمد كام يريد يروح يجيب عشة اسر هدني وكام وياها كله : اصبر هياتني جاي وياك

انا كلت بكلبي يمة واخيرا عاف ايدي جنت متقيدة (عذرو عمو اسر يحب الايدين)

ضلينا ننتظرهم اجو حطو الاكل ع الميز وأحمد كال : شتريدون بعد عشاكم صار من عمكم اسر

ام جمان : يا ولك احمد وانتَ شبيك ليش خليته يدفع

احمد ضحك : والله هوا اصر وانا ما حبيت اخجله

ام جمان : انطاك العافية يمة

اسر ابتسم : بالعافية

رجع كعد يمي بمكانه وزعو الاكل واللفات اكلت لفتي للنص وعفتها حيل تشبع اسر خزرني كال : كمليها

جمان : ما اريد شبعت

اسر : شنو تشبع النص كمليهاا

جمان : اهئ والله شبعت

اسر : ميخالف اكلي انوب يلاا
اكلت شوي منها وعفتها ما كال شي
كملو وبعدين علي كام لم البقاية والوصخ بعلاكة وذبها شوي وأسر كلي: امشي خل نمشى

جمان : اريد العب انا

اسر : بس كومي

جمان : ماما حنكوم شوي هاج جنطتي
سيف ابن هاجر كام يبجي يريد يكوم يلعب وهية ما تخليه تكله بعد شوي
جمان : جيبيه خل اخذه وياية

هاجر : لا هسه يضوجج

جمان : لا بس تركيه
هدته اجا يركض علية كدته واسر جر ايدي لزمها ومشينا وصلنا يم سفينة نوح عندت الا اركب واسر ما يقبل

جمان : هسه شتريد مني امانة اريد اصعد

اسر : ددحكي كلها شباب كل عكلج انتي

جمان : زين انتَ اصعد وياية امانة اسررررر

اسر : لا ما اصعد وماكو

هوا مشى واني وكفت بمكاني وكتله : لو اصعد لو ما اتحرك

اسر : اويلي من خبالجج انا فضحتينا امشي صعدي يلا

جمان كيفت رحت اخذلي بطاقة وصعدت جان اكو بنات بالبوسط مو بس ولد هوا وكف جوا هوا وسيف بلشت شوي شوي تعلى صارت حيل عالية لدرجة كلما ترتفع احس راح انكلب صرت اصيح اسرر نزلنيي وانوب معدتي كلبت ابد مو مال العاب انا كامت توكف وكفت واجا اسر يمي نزلني كال : يا ادبسز ليش تصيحين

جمان : يماه والله حموت جانت حيل عالية اسر معدتي

اسر : كلتج يولي لا تركبين من شفتج تصيحين رحت كلته وكفها
جان شايل بطل مي غسلي وجهي ومشاني وياه ع المحل اشترى علج وطلع نطاه الي كال هسه تركد معدتج

سيف كام يبجي يريد العاب مشيت على لعبة مال اطفال صعده اسر بيها وانا واكفة جوا اللعبة ركبه ورجع يمي كال : شلون صارتي

جمان : لا هاهية زينة
اشتغلت اللعبة وسيف يصيح جمانة وياشرلي بايده ويضحك

اسر :شلون راح انعل والديه هسه يصيح جمان بنص اللعبة

جمان ضحك : جاهل ميخالف
اسر خزر سيف هوا سكت بعد ما يصيح

اسر : ايمتى نصعد جهالنا بالالعاب

جمان غصيت كمت اكح نطاني مي وكال : شبلاج (شبيج) يولي

جمان : من هسه ترا جهال ما اريد

اسر ضحك : مو هية بكيفج بابا انا الي احبل شنو تمنعيني

جمان زادت كحتي واحمر وجهي عزاا
اسر : هههههه شبيج يمعودة تتخوعين ومدري شبيج جنج الحامل كلنالج ورا الزواج مو من هسه

جمان : وخر عني سخيف

اسر : منو سخيف

جمان : انا

اسر : شكد جبانة دكولي كلمة كوني كدها
نزل النا سيف تمشينا ورحنا وين ما كاعدين اهلي كالو يلا هاهية حنروح

اسر : عمة جمان انا اجيبها وياي

ام جمان : بكيفك يمة كلها نفس الشي يلا امشو
طلعو للسيارات واسر وداني باتجاه سيارته صعدنا ومشى تذكرت انو اني ما كايلتله : اسر صدك ترا طلعت التقديرات وطلعت جيد جدا

اسر : اعرف سئلت العميد قبل يومين عليج وكلي جيدا جدا س انتضرتج تكوليلي

جمان : نسيت

اسر : على هل تقدير الزين تستحقين هدية فتحي هاي الي كدامج (الجكمجة مدوي شسمها)

جمان فتحتها شفت بيها علبة صغيرة فتحتها بيها محبس ذهب حيل فرحت لان محد تذكرني من نجحت بشي ابتسمتله : عزااا يجنن شكرا اسر لان تذكرتني

اسر باسني من خدي : دللي حبيبي قابل بس اكول لايات ولاحسان نجحو واطلبو الي تريدوه انتي هم صرت بنتي وياهم

جمان يحجي وانا فاتحة حلكي من الشرق للغرب كال : لبسيه خل اشوفها على ايدج الترفات

لبسته لزم ايدي وعصرها بايده ضحك عليه
شغل اغنية اسجل روحي
من بدت الأغنية ب (راح اسجل روحي باسمك حتى اضل كل عمري يمك)
اسر كال : تحضري راح اسجل روحج باسميي

جمان انا بس اوزع ابتسامات وصلني باسني بخدي ونزلت وانا فرحانة بلطافته اليوم
دخلت تمددت ماما كامت تصيح كومي بدلي كمت سبحت وبدلت ونمت تعبانة

بعد مرور اسبوعين وكم يوم جان بابا ايفاد ببغداد
خابرني اسر العصر جنت كاعدة بالصالة فتحت الخط كال : جمان حضري روحج باجرر........

يتبع........