رواية استاذي_زوجي الفصل الثالث عشر 13 - بقلم 𝓑𝓝𝓘𝓝♥️✨

سعاد: يمة اشبيك

سامر: يمة مابية شي

سعاد: سامر انتة هسة عصبي من تهدأ عود نحجي

سامر بصياح.: يمة مابية شي اذا هسة محچيتي وية خالة والحسين بعد ماازوج

علي: خلص يمة خطبيها تعال سامر ادخل للغرفة

في غرفة سامر

علي: شوف سامر انتة اخوية وشگد مچنت اقسي عليك فهذا الشي من محبتي الك والي يرميك بوردة ارمي برصاص لتسوي مثل ماسويت خوية شوف حياتك ولتسرع ولتسوي شي بلحظة غضب

سامر: اخخخ ياخوية اخ كسرتي والله كسرتني

علي: لك سامر تبچي ولك شخليت للنسوان لعد والله هية الخسرانة وبعدين اتعض اصابعيها ندم

سامر: هو المطلوب الا اخلية تتمناني تتحسر علية اخ ياعلي لو تدري شگالت هانتني واتگلي هه خلف الله على أبوية الي معيشكم.وصرتوا احوال

علي: شنووو 😡😠  هاي شتحجي

سامر: علي بعد عوف الشغل من عمي وخل نفتح مشروع اني وياك احنا منعيش على افضال غيرنة

علي: من باجر اني اترك الشغل وهاي يرادلها جرت اذن انعل ابوها لابو حتى الي خلفها

سامر: لا علي عمي شعلية بس هاي اني اعرف دواها شنو ويجي يوم وداعتك وتبجي دم

علي: زين ونالين

سامر: اووف ياخوي والله اذا اكلك شكلها مميزة ياهي منهن هنة هواي واني ممباوع عليهن بغير نضرة خوة

علي: الله كريم

طلعت من غرفة سامر وعيوني بگصتي من ورة احچاية سمر اني عندي عزة نفس وابد مااحب أحد ايمن علية دخلت لغرفتي وفاير من الغضب شفت سالي گدامي لا ارادي ضربتها

علي بصياح : شكو واكفة گدامي ثولة الله بلاني بيچ وبثولج وخررري

سالي: 😭😩😨 اهى

من صارت سالفة سامر وعلي دخل للغرفة وياي صعدت لغرفتي ولهناك اسمع صوت علي ايصيح خفت وگلت الله يستر بدلت چنت واكفة ودخل علي صرت گدامة مااحس الا كفخة عمت عيني واشو هذا گام يحجي ويصيح علية دخل للحمام وضليت صافنة بعدين استوعبت استهضمت حيل منة بحيث الدمعة گامت تحرگني من تنزل يعني صعبة واحد واگف وتجي كفخة لا بيها ولا عليها گمت اشهگ من البجي احس النفس بالگوة اخذة حست بذل مچنت حاستة عد خولة بس طلع من الحمام دخلت وقفلت الباب وضليت ابجي واشهگ. باوعت على نفسي بالمراية واگول الله ياخذني واخلص كتلت نفسي اضرب بروحي شعري ملختة اگول الله خالقني بس للمكفخة واحس نار بگلبي شفت موس اخذتة بس خفت من الله انتحر گمت شوهت ايدي گام الدم اينفط طبعا مو من عوايد اسوي هيج بس حيل چان محترگ گلبي وية كل قطرة دم طلعت گلبي طفت نارة ضليت گاعدة بالگاع والدم ايسيل من ايدية اشوي واندگت الباب

علي: سالي ليش مطلعين

سالي لا رد

علي: سالي اسمعيني ليش بعدج بالحمام

سالي

علي: سالي بيج شي لج ساااااااالي

سالي

علي: راح اكسر الباب

سالي: ارد اسبح

علي: ليش شسوين من ذيج الساع لهسة

سالي

علي: سالي والله ماادري ذيج الساع قفدت وضربتج اعذريني والله مو قصد اسمعيني

سالي: ارد اسبح

علي: اي براحتج

من ضربت سالي دخلت للحمام شوي هديت ورخت اعصابي فكرت البنية شنو ذنبها حتى هيج اسوي بيها وادور اخوية راح ايسوي نفس الغلط الي سويتة طلعت من الحمام عساس احجي وياها اشو هاي بسرعة دخلت للحمام استغربت من تصرفها رحت بدلت وانتضرت تطلع وانتضرت صار ساعة وهية بالحمام مو بالعادة اطول هية اتقربت من الباب ماكو صوت دوش دگيت مترد دگيت ماكو حيل خفت عليها من ماردت گمت ارجف گلت خاف سوت شي بروحها بس من ردت ارتاحيت عفتها براحتها ورجعت نمت على الگاع انتضرت هم مطلعت غفيت من التعب مااحس على نفسي الساعة سبعة ونص گمت مخروع اليوم گاعد متاخر شفت سالي مموجودة والفراش مرتب گلت هاي نزلت طلعت اهدومي ردت ادخل للحمام الباب مقفول شنو السالفة دگيت دگيت ماكو صوت استغفرالله نزلت جوة اسبح من الاستعجال بدلت على السريع دخلت المطبخ سالي مموجودة

علي: يمة سالي وين

سعاد: ماادري لهسة منازلة ليش غير فوگ مشفتها

علي: هااا لا خاف بالحمام

سعاد: اي يلة تعال اتريگ

هاي وينها فوگ بالحمام ماكو صوت شگد اضوج من لعب الزعاطيط خلصت رحت للدوام دخلت محاضرات ودخلت لقسم سالي ماموجودة صديقتها موجودة بس هية لا اطيت المحاضرة وطلعت ضل بالي معقولة لهسة زعلانة بس اني عصبي دائما بس متزعل ضلت فكرة اجيبني وفكرة اتوديني خلصت على ٢ وطلعت رجعت للبيت امي ونور ايحضر بالاكل هية مموجودة سلمت وصعدت دخلت للغرفة لگيتها نايمة شعجب مو من عوايدها عفتها بدلت ونزلت

نرجع بالزمن الساعة 7:50

نور: طق طق ✊✊

سالي بتعب: اتفضل

نور: هاي شنو بعدج ممبدلة

سالي: لا مااروح اليوم مالي خلگ

نورة: اشبيج مريضة

سالي: اي شوي تعبانة

نورة: مابيج الا العافية لعد راح اروح

سالي: تسلمين الله وياج

طلعت نورة واحس بروحي دايخة بالگوة غسلت الحمام من الدم خلصت رحت لفراشي اباوع علية ادية وشبعانة بجي وقهر ونمت ولا حسيت بروحي

نرجع الساع 2:30

علي: نور شنو سالي ممداومة اليوم

نورة: اي سودة علية مالها خلگ وجها اصفر

سعاد: اسم الله اشبيها واگول اليوم ولا شفتها

علي: روحي صعديلها گعديها

نورة: اي هسة

بالغرفة

نورة: سالي سالي سوسو

سالي: امم

نورة: گومي حبيبتي اتغدي

سالي: نور كلشي مااريد عوفيني

نورة: سالي اشبيج وجهج اصفر وبالگوة تحجين مريضة اصيح علي وامي

سالي: والله مابية والله بس عوفيني ابوس ايدج كلشي مااريد

نورة: اي ماشي حبي ماكو داعي للانفعال ارتاحي

هاي شبيها اول مرة هيج تصرف وجها اصفر والله ماادري اكيد هذا عليوان شو شمسوي

سعاد: ها يمة وينها

نورة: اتگول مااشتهي

علي: شنو بكيفها روحي صحيها گلها علي ايريدج

نور: علي عوفيها البنية متشتهي ومن اجوع تنزل تاكل

علي: والله ماادري تالي وياها

سامر: دعوفها خوية يعني واحد ميريد ياكل غصب

علي: استغفرالله

سامر: يمة خابرتي خالة

سعاد: يمة اليوم اخابرها واگلها

سامر: يمة معقولة تطيها بعدها صغيرة وسادس

سعاد: هههههه هي من چانت بالاول متوسط گلتلي گبعيها واخذيها

نورة: والعباس سامر يمكن زواجك من نالين اكثر شي صح سويتة بحياتك

سعاد : اي والله يايمة ادب واخلاق وجمال ونزاكة وندارة

سامر: ههه محد يمدح العروس غير امها وخالتها

سعاد: اي هية صح حلوة بس متجي بجمال سالي

علي بدون ميحس : وهو منو بجمال سالي

الكل 😨😱😱😱😨😨😨

علي: الا كحو كحو كحو مي كحو

سعاد: يمة اسم الله اطي مي

سامر: هااااا هااااا علوش طلعت رومانسي واني ماادري

علي: يبوي صرت بعد بحلگ سامر ماادري طلعت بالغلط

نورة: اي خوية طلعت من وحدها معناها انتة صادق بكل كلمة واصلا كلامك صحيح

سامر ايدنبگ علة الصينة: فصوص روبة ياگفاها وين دورها ولگاها

نورة: كلللللوووش

علي: شنو هل استهتار عود هاي اني گاعد وهيج

سامر: لا خوية مو صغرن بيك بس اني واختك مشلاتية فعادي هههه

نور 😳😳

سعاد،😂😂

علي:😡😡

خلصت غدة وگمت غسلت وصعدت شفتها متمدة على الجرباية

علي: السلام عليكم

سالي بتعب: وعليكم السلام

علي: اليوم ليش ممداومة

سالي: تعبانة

علي: اشبيج مريضة

سالي: لا مالي خلگ

علي: وليش تحجين من ورة خشمج

سالي: لا مااحجي

علي: اشبيج انتي اليوم

سالي: اااي مابية شي اووووووووف

علي: 😨😨 ها عليمن اصيحين

سالي: هسة گتلك مابية شي ليش اتلح

لزمها من أيدها

علي: لجججج

سالي بصياح: ااااي ايييدي اااه

علي: شبيها اي..... هاي شنووو 😨 هاي شبيها

سالي: مابيها شي

علي: رفعي الردان داشوف

سالي: مابيها شي

علي بصياح :. رررررفعييي داگول

رفعت الردان ويارتها مارفعت

علي: لج هااااااااي شنووووو 😨😨 انتي مخبلة جاوبيني مخبلة

سالي بصياح؛ اي مخبلة انتة خبلتني راح اموت من وراك اريد اخلص منك مللليت اختنگت مسويني مكفخة اهى شوكت متريد تجي تضرب وآلله مليت اريد اعرف الله خلقني مكفخة الكم ارححححموووووني كافي تعبت اهى

علي 💏💏💏💏

من شفت أيدها اتخبلت شلون مجرحة نفسها مشوها أيدها المنظر يخوف ضلت تحجي واتصيح عفتها اتطلع الي بگلبها واتصيح وتبجي. متحملت مااعرف ليش اضعف من اتصير هيج مگدرت اصيطر على نفسي وبستها ضلت اترفس وادفع واني لازمها أبدت مهدأت طلعت البوسة سم علية

سالي: وخر اني مو لعبة عندك اشوكت ما عصبي اتكفخ واشوكت ما مزاجك مرتاح اتبوس اني مو عبدة عند

علي: سالي ملاحضة السانج طولان وصايرة اتجاوبين

سالي: اي ملاحضة وبعد كلة هيج واذا مو عاجبك طلگني

علي: سمعي لج اني مو مربيلي گرون حتى تحجين هيج وياي واتصيحين ومحمد ادفنج هل مرة سوييها مرة لخ وشوفي يلة امشي انطمري

سالي: 😠

علي: عيووونج

سالي: اوف

اتعاركت وية علي ونزلت جوة ميتة من الجوع حميت الاكل واكلت بالگوة اتوضيت من ورة ايدي تحرگني صليت واستغفرة ربي على الي سويتة خلصت خابرت درة اخذت منها المحاضرات وضلت تسأل ليش مااجيتي حچيتلها ضلت تسب علي وضلينا انسوالف سديت التليفون ورحت اقرة بقى على امتحانات نص السنة عشرين يوم قريت وبعدين شوي نضفت لهناك نزل علي ضل گاعد وايخوزر مدرتلة بال وهو صار اعصاب ضليت اقرة

سعاد: هايمة سالي شخيرج

سالي: هلا خالة لا ليضل بالج بس اشوي تعب

سعاد: شو وجهج اصفر وتعبانة خاف. حامل

علي: كحو كحو كحووو

سعاد: اسم الله اشبيك

علي: لا ماكو بس غصيت

سالي: لا خالة ويني وين الحبالة😏

سعاد: ياخالة هو الي بگد علي عند جهال بطولة

علي: لا والله مو هذا إياد بگدي حتى بعدة ممزوج

سعاد: اي چا الي يعاشرك شنو

سالي 😀

علي 😠

نورة: هلا بالضلعة اشلون صرتي

سالي: هلا الحمدلله

نورة: اوي اليوم ولا شافيج شبي وجهج اصفر عبالك ماخذين منها بدل دم

سالي:😩

علي 😒

سامر: يمة هلا تو مانور البيت

سالي: امنور باهلة

سامر: ها شنو مدام سالي شنو هل غيبة

سالي: ههه هو ساعات

سامر: تو تو ساعات وأثرت علينة من اموتين اشلون اااقصد من اطلعين

سالي: هههههه مقبولة منك

سعاد: عابت هل حلگ بيش مفاول البنية

سامر: هية متعودة على هذا الشي مو اول مرة

نورة: هذاك اليوم ايگلها انشاللة رجلج يزوج عليج الثانية نذرا علية اروح للكاظم حافي

سعاد: اي. ميجوز من اسوالفة وعلي بعد وين لگلة احلى من سالي

سامر: چا ادگلي خل يزوج واذا ايريد اني اروح اخطبلة

علي 😠😒 ليش نايم على گلبج

سامر: اهوو راح يتعارك ترى دنشاقة

سعاد: نورة گومي جيبيلي الموبايل اخابر خالتج على نالين

سامر: اا اني طالع عندي شغل مع السلامة

الكل: الله وياك

سعاد: تعاي دوريلي الرقم مااشوف

نورة: هذا ديدگ

سعاد: الوو هلا خية اشلونج اشلون صحتج اخبارج جهالج رجلج اشلونهم

شيماء: هلا. خية هلا بيج والله كلنة زينين انتو اشلونكم

سعاد: والله الحمدلله بخير

شيماء: شعجب ذكرتينا

سعاد: عفاا الي يگول ابد مااسأل عليج

شيماء: ههه لا بس اگول

سعاد: أي والله خية دگيج عليج علمود نالين

شيماء: اشبيها نالين

سعاد: والله اني اريدها لسامر

شيماء: والله الساعة المباركة وين الگى احسن من سامر فدوووة بس الرأي راي ابوها

سعاد: اي براحتكم سألي ابو جيهان وردوانة خبر واسألي نالين

شيماء: خوش لعد اني اترخص منكم مع السلامة

سعاد: إللة وياج

في محافظة كركوك

شيماء: ازاد اريد اكلك شغلة

ازاد: اي گولي خير انشاللة

شيماء: اليوم خابرت ام علي اختي

ازاد: اي

شيماء: اي اتريد نالين لبنها سامر

ازاد: سامر

شيماء: اي سامر

ازاد: اي والنعم من تربية ام علي بس لازم ناخذ رأي نالين انتي كليلها خاف تستحي مني

شيماء: اي انشاللة

طلعت من الغرفة مكيفة من زمان ارد نالين لسامر وشوف هسة صارت القسمة

شيماء: نالين تعاي احجي وياج

نالين: اي جيت

لحضة لحضة خل اعرفكم بنفسي

هلاو اني نالين بت خالت سامر سامر اووي ياسامر فارس احلامي واني عمري ١٠ سنين اموت علية ومن كبرت صرت اعشقة ماانام اذا مااشوف صورتة ومن اگعد اخلي صورتة گدامي طبعا اني شابعة قهر من ورى من انروح يمهم يتحاهلني حتى ميباوع علية يمكن بس يعرف اسمي بس سشوي القلب وما يهوى وچنت اشوفة شلون يباوع على بت عمة يأكلها بعيونها وهية ولا معبرتة شگد چنت اتمنى منة بس نضرة بس اووف خل اوصفلكم شكلي اني رشيقة وشعري اسود وشعري يوصل لنهاية ضهري وسرح على عماتي وقصيرة طولي 166 عيوني جوزي غامق بيضة ووشكلي مرتب طبعا اني سافرة بس محجبة بس لبسي كلة بناطير وقمصان گصار يعني عادي احنة بكركوك وأبوية اسبورت لدرجة اني صف سادس عمري١٨ وية نورة بت خالتي ها طبعا كل هذا الجمال بس مو احلة من سالي مرت علي هاي كارثة مدري وين لگاها  اووف حچيت اهواي خل اشوف امي شتريد راح انكتل

شيماء: ولججججج وييينج

نالين: اي اجيت

شيماء: تعاي ماما گعدي اريد احجي وياج

نالين: اي ماما خير

شيماء: شوفي ماما انتي كبرتي وصرتي مرة واجاج نصيبج سامر ابن خالتج ايردج على سنة الله ورسوله

نالين😨😨

شيماء: هااا ماما اشگلتي

نالين: ااا بكيفج الي شوفي مناسب

شيماء: ماكو بكيفي انتي گولي مواقفة لو لا

نالين: اي موافقة😊

شيماء: يمة فدوة بنيتي كبرت وصارت عروس

من حجت وياي امي على الزواج انعصر گلبي وسامر شلون بس من گالت سامر احس روحي بغير عالم الدنيا ماوسعتني من الفرحة خدودي صارن حمر كيفت حييل يمة واخيرا الي احبة ايصير الي صعدت فوگ بغرفتي وشبعت بچي من الفرحة نعشني هذا الخبر

تالين: ها اشبيج

نالين: ماكو شي بس هيج

تالين: اي الله يهديج

في محافظة بغداد.

علي: طلعت من البيت اتمشى واذكر من امي گالت لسالي خاف حامل ماادري ليش حسيت بروحي اني اريد طفل وابتسمت دا امشي وصدت عيني على بنية ماادري كان شكلها مألوف اتقربت واذكرت ضاق نفسي من شفتها وحسيت روحي مختنگ هه ليلى اي ليلى الي خانتني وية اعز اصدقائي بش شفتها لابسة عباية وجواريب وحتى چفوف مال ادين وجها يادوب طالع من الحجاب محنك شفت يمها اطفال واحد منهم طاح اجة واحد سمين وطبع التربة بگصتة گام ايصيح عليها وراد يضربها الا اشوي عرفت هذول جهالها وهذا رجلها ومبين متعصب حييل اخذهم وراح گام ايدردم وهية تبچي فاتوا مني وعينها صدت بعيني ضلت اتباوع تتذكر وين شايفتني بعد فتحت اعيونها وگامت تبچي بالزايد اني ابتسمت باستهزاء وهزيت ايدي ومشيت حسيت نفسيتي ارتاحت حيل شفت الدنيا صار مغرب وگام ايأذن رحت للجمامع صليت وارتاحيت بالزايد رجعت للبيت وشفتهم ايصبون عشة رحت گعدت بالهول وگام ايجيبن الاكل مدري ليش حبيت اضوج سالي بنضراتي گمت اباوعلها من فوگ ليجوة اكلتها اكل حسيت بيها. ارتبكت

سامر: علي اشصار بالمحل الي نفتحة

علي: والله داادور على محل زين  طبعا اني مفكر انسوي مطعم احسن اشو الناس كلها تاكل بالمطاعم وانتة استلمة من ماعندي شغل اجي وياك

سامر: اي خوش مشروع احسن منضل بعازت هذا وذاك اني عندي كم فلس اطيكياهن حتى المستلزمات ترميم

علي: لا هذا الكم فلس ازوج بيها اني عندي خير من الله

سامر: ميص...

علي: كافي لتعاند

سعاد: شنوو السالفة انتو شنو مطعم شنو فلوس

علي: ماكو شي بس اريد نفتح مطعم نشتغل بي

سعاد: هااا الله يسهل الكم

سامر: الله يسمع منج

سعاد: صدگ يمة علي مرتك صار هواي مشايفة اهلها وديها الهم خطية

علي: لعد هية متگول بالسانها عظم

سالي 😒😒

خلصنا عشا هذا علي نرفزني نضراتة مدري اشلونها عبالك مشايفني ودور ايگول بحلگها عظم اووف منة من رجال غسلت الماعين واني ادردم علية خلصت استأذنت وصعدت اقرة ورة شوي دخل علاوي وصاير اعصاب والله اليستر

علي: مدام سالي شو رافعة خشمج عيوني تعاي اخذيلج راشدي

سالي: لا حشاك

علي: لا والله تعاي وبعدين شنو اتگولين لمي  اريد. اروح لاهلي

سالي: اني مگلتلها هية وحدها لان شافتني مرايحة من نهد العرس

علي: وانتي متگدرين اتگولين اريد اروح لاهلي

سالي: گلت اكيد متقبل

علي: گلتيلي وماقبلت

سالي: لا

علي: گومي طفي الضوة اريد انام

سالي: مشوفني دااقرة

علي: لا مااشوف اعمى گومي اقري بالصالة

سالي: اووف

علي: لتتأفأفين

نمت على الچرباية

سالي: ها استاذ اليوم اتنام على الچرباية

علي: اي عدج مانع

سالي: لا بس گلت حتى انام بالگاع

علي: وليش متنامين على الچربايةة

سالي: اشلون وانتة نايم

علي: لتخافين مااكلج تعبان مابية حيل

سالي 😮😮

علي: وبعدين عيب اتگولين استاذ باجر عگبة ايصير عدج جهال اشلون

سالي 😨😨 جهال منو

علي: جهالنة😉 طفي الضوة يلة

سالي,😱

علي: طفي الضوة لو اجتج الحالة

طفت الضوة وطلعت واني اضحك شگد فطيرة يااابة شنو هاي الجرباية والله مريحة خرب بلة اني اشلون نايم وعايفلها الچرباية ونايم على الگاع ومن اگعد احس ضهري يابس تعبت ونمت

سالي
من طلعت ضليت مصدومة شلون نام على الچرباية ومامانع انام يمة وشلون يحجي على الجهال عززة هذا ايريد مني جهال وووو اوووف اشلون بية اووي عزة مجرد التفكير اخجل بالگوة قريت قريت اشلون مچان وگمت دخلت للغرفة استحيت انام يمة جبت افراش وفرشت بالگاع اريد انام ماكو احس نايمة على طابوگ مو مثل الچرباية من انام اغطس جوة بالمندر هلگد ماترف ضليت اتگلب ماگدرت انام شلت فراشي واريد انام على الچرباية ماگدر بعدين قويت نفسي ونمت يمة

الساعه 7:00

گعدت دخلت للحمام سبحت طبعا مااحجيلكم على أيدي اشلون اتموتني من اخلي عليها ماي اشبع بچي طلعت لگيتة گاعد ومبتسم ردت انجلط الا اشوية علييييي يبتسم مستحيل صبح علية بابتسامة ودخل ضليت واكفة مثل الثولة على گولتة اجتني الحالة رحت مشطت وبدلت لبست حجابي ونزلت جوة حضرت ويية خالة الريوگ نزل علي ماادري شنو سالفتة مبتسم اتريگ وايوزع ابتسامات

سامر: لاااااااا هاي شنو نهاية العام يعني حنموت بعد هاهية لا ياربي

سعاد: ولك اشبيك حلمان اسم الله

سامر: لا محلمان اليوم الدنيا مگلبة هاهية

علي: شكوووووووو

سامر: علللللي علللللي علللي جواد الي معبس اربع وعشرين ساعة اليوووم يضحك لا اليوم لازم صاير بالدنيا شي

سعاد: طاح حضك خرعني عبالي شو شكو

علي: هية هاي استغفرالله يلة اني شبعت

سامر: ولج اسويلان خاف مغيرتة ولج حتى مارزلني

نورة ,سالي:😂😂😁😁

علي: الله ياالله يلة مع السلامة

سعاد: الله وياك انتة شبيك حتى گومت الاكل مسربت ليش انتة هيج

سامر: غير تربايتج.   اطفرررر🏃🏃

سعاد: ياادب سزز

سالي

خلصنا ريوگ وكملنا اجة السايق ورحت للكلية وكالعادة درة واكفة وسوالف دخلنا محاضرات واليوم الكلية مخبوصة استاذ عليي مبتسم اكو بنات اجن سألني اشبي اليوم اني اضحك اگلهم الله هادي خلصنا محاضرات ورجعنا للبيت صليت واتغديت علي گلي اوديج العصر لبيت اهلج غسلت االاماعين وصعدت اقرة نمت اشوي گعدت العصر لبست ملابسي وعدلت نفسي العطر مني ايفعفع علي گعد وايباوع من فوگ ليجوة جنت خالة كحلة وبارزة عيوني طالعة اشرد خلص ورحنا بالسيارة گلي انزل اسلم على ابوج گتلة أبوية هسة بالشغل گال ماشي من ارجعج عود  دخلت للبيت وكل ذكرياتي المؤلمة رجعت اووف قبط گلبي دخلت كلهم اتفاجوا يعني اني صايرة احوال يعني صح چنت حلوة بس هسة مكياج وحفافة وذهب وملابس راقية والعطر من رأس الشارع ينشم سلمن علية من ورة خشمهن گعدت بالصالة

خولة؛ اي اشلونج شو گاطعة فدة مرة

مدري ليش حبيت اغثها

سالي: والله شسوي ملتهية وية علاوي

خولة: هااا 😒

سالي: اي اشلونكم احوالكم

خولة: زينين

سالي: اي ندى شلونج

ندى: زينة

سالي: دووم انشاللة

ضلينا گاعدين وايباعن علي من فوگ ليجوة وعلى الذهب وعلى الملابس اشگد اكره واحد هيج ايسوي طبعا بالچذب مي ماقدمن علبوا اني من اهل البيت المهم عطشت رحت اشرب ماي ودخلت للمطبخ يبوي خراااب وصخ وازبالة ولعبان نفس اماعين الغدة بعدهن ممغسولات والبيت يكتل وصخ اني استحيت گلت خاف يجي علي وايشوف هاي المزبلة چان. عندي دشداشة بيت أبوية

لبستها وگمت انضف خولة اتگلي لاا عوفيها گلتلها عادي بيت أبوية هذا  خوب كيفن من شافني انضف خيستهن حتى الهدوم غسلتهن صار البيت يلمع ارتاحيت صار المغرب سو العشة اجة أبوية روحي علية لهفانة دخل اتفاجأ من شافني گمتلة اضحك

خليل: ها سالي اشعدج جاية

انكسر خاطري لمن حجة هاي الحجاية

سالي: ليش بابا متريدني

خليل: لا بس اگول عبالي زعلانة

سالي: گتلة لا لتخاف
رحت بستة ورحت للحمام خانني ادموعي ونزلن

خليل
من دخلت للبيت البيت ريحتة طيبة نضيف ويلمع طبعا آخر مرة شفتة نضيف قبل لتزوج سالي بيوم وبعدين وصخ ولعبان نفس وريحة حتى الملابس معفنات شفت اكو تغير دخلت شفت سالي گاعدة گلبي مفرفح عليها وشلون گامتلي بابتسامة شفت خولة گدامي گمت احجي واخربط حسيتها انكسر خاطرها صبوا العشة وتاكل بالكوة حيل ضجت من نفسيي گامت غسلت الماعين ردت اروح احجي وياها بس خولة گاعدة اصل اسويلي سالفة ورة اشوي بدلت گالت راح يجي علية علي ضجت حيل اشوي اجة رجلها

علي: السلام عليكم اشلونك عمي اخبارك

خليل: والله الحمدلله انتة اشلونك ليش متخليها اتبات

علي: هههه واني اگدر بلياها

خليل: هااا اهنا السالفة الله يخليكم

علي: تسلم ها خلصتي

سالي: اي

علي: يلة مع السلامة

خليل: الله وياك

علي
طلعنا من بيتهم وهية ضايجة ضلت افتر وصلت يم الشط وگفت

علي: اشبيج

سالي: ماببية شي

علي: اشلون مابيج شي وضايجة وعيونج مغرغرة

سالي: اهى اهى

علي: اشبيج😨😨

__________________________________

لهنا ويخلص النشر انتضروني بارت جديد

توقعاتكم للبارت الجاي؟

تقييم البارت من ١٠؟

البارت اهداء لعيون المتابعين😍😍😍

النشر كل يومين ،