سامر : اني قررت ازوج
علي وسعاد: شنوو 😱
سامر: مثل مسمعتوا
سعاد: ومنو بلة
سامر: سمر بت عمي
سعاد : شنننو اتخبلت
علي: سامر انت وينك وين الزواج انت بعدك طالب
سامر: يعني قصدك ماعدي فلوس
علي: مو هيج انت طالب طب وينك وين الزواج انجح شوف مستقبلك مو على الفلوس خوية
سامر: ليش هاي الطلاب وياي كلها دتزوج بعدين اتريدني مثلك انتي هسة لو مااا ..
علي: اي كمل
سامر: مو قصدي خوية لتزعل هسة انتة حتدخل بالتلاثين شوكت ايصير عندك جهال اشوكت اتربيهم اني هسة اريد اتزوج
علي: محد لازمك اتريد تزوج انتة تدفع ثمن اغلاطك
سامر: انتو ليس معتبرين كل الي اسوي غلط.
سعاد: يمة بالعكس اني اكيف بس سمر انتة تدري بيها هاي خشم يابس وتضرب بالعالي والله يا امي والله متناسبك وراح اتعبك اهواي
سامر: يمة ميخالف اني احبها واريدها
علي: يمة بعد قفل هاهية اني احجي وية عمي
سعاد: اووف يايمة على راحتكم
سامر: علي لاتزعل مني خاف اذيتك بحجاية اعذرني خوية
علي: معذور خوية
گمت صعدت فوگ سالي چانت هستوها طالعة من الحمام
علي: هااا.اشون صرتي
سالي: اااا زززيينة 🤒
علي: اي خوش راح انام گعدي بالأربعة عدي شغل
سالي: صار
يمة گلبي وگف من دخل وخدودي صاراً حمر سألني اشلون صرت خاف يقصد شي هذا على مال بارحة يبووي خليت نشفت شعري ونمت
الساعه 4:00 عصراً
سالي: استاذ استاذ علي
علي: هممممم
سالي: استاذ علي گوم يلة بالأربعة
علي: عوفيني
سالي: استاذ انتة گتلي گعديني
علي: مااريد عوفيني
سالي: استاذ الساعة بالخمسة الا ربع
علي؛ شنووووو 😨 اني مو گتلج گعديني
سالي: صار ساعة اگعد وانتة متقبل
علي: استغفرالله اشلون اتأخرت
سالي: اااا العفو استاذ بس توها بالأربعة
علي: هااا شنو لج تقشمرين علية
سالي: لا حشاك بس انتة مقبلت استعملت هاي الطريقة
علي؛ اي ماشاءالله صاير عندج طرق هو الي يعاشر سامر ونور شيطلع وخري وخري
گمت دخلت للحمام بالي يم عمي اشلون حفاتحة بسالفة سامر وصدگ هاي سمر خشم يابس اشلون ختقبل بي واذا رفضت اخوية ينكسر اووف ياسامر مين طلعت بهاي الشغلة طلعت من الحمام لگيت اهدومي على الچرباية مكويات ومعطرات وحتى حذائي(تكرمون) مصبوغ ويلمع اي والله ياهيج النسوان يابلة لبست وخلصت نزلت جوة لگيت سامر ينتضرني
علي: ها مخلص
سامر: اي منتضرك من زمان
علي: يلة امشي
في السيارة
سامر: علي شتگول عمي يقبل
علي: والله هي مناحية عمي سهلة بس الاصعب من ناحية البنية وانت كلش زين تعرف شنو سمر وعمي تعرف ماعدة نوع انو يغصب الواحد على شي ميريدة
سامر: اووف علي لو مسألك احسلي بس اني ادري حتوافق لان ادري هية هم اتحبني
علي: اي ياخوية اني شريد الله يقدم الي بي الخير وتفرح ونفرح بيك
سامر: انشاللة
علي: الله كريم
وصلنا للمحل مال عمي چان گاعد وايحاسب يمة ناس دخلنا سلمنا عليهم وگعدنا انسوالف كملوا الشغل وطلعوا ضلينا نحجي وية عمي بعدين نزني سامر بمعنى ادخل بالموضوع
علي: والله ياعمي جيتنا اليوم الك غير كل الجيات
فؤاد: خير عمي گول
علي: عمي اليوم جاين الك بطلب
فؤاد: عيني الكم گول وانة عمك
علي: سالمة اعيونك متقصر اليوم جاي نطلب ايد سمر لسامر على سنة الله ورسولة
فؤاد 😨
علي: ها عمي شنو متقبل
فؤاد: لك عمي شتحجي يوم المنى اناسب واحد من ولد جواد والله ياعمي فرحان بس اشوي انصدمت بس عمي تعرف القرار قرار سمر بس مناحيتي اخذها مگبعة
علي: طبعا عمي لازم تأخذ رأيها اهم شي
فؤاد: والنعم من سامر اي والله
سامر: تسلم عمي
علي: يلة لعد احنا نستأذن
فؤاد: اهلا وسهلا بيكم شرفتونا يومين وانردلكم خبر
علي: براحتكم عمي يلة مع السلامة
فؤاد: الله وياكم
في السيارة
علي: اي ياالله شفت عمك شلون هلهل وجها من گلنالة
سامر: اي والله كلش فرح عبالك منتضر الخبر من زمان
علي: هسة عمي وقبل بعد ام خشم يابس
سامر: علللي
علي: اوكي هههه سكت عمي بعدك ممزوجها وهيج متقبل لو تزوج اشلون الله يستر
سامر: دخل تقبل الا العب جولة
علي: اي انشاللة
رحنا على إياد للبيت سوينة كبسة علية
سامر:طق طق
إياد: منو
سامر: ابوك افتح الباب
اياد: هاا اهلا وسهلا
علي: السلام عليكم
إياد: وعليكم السلام هلا ومرحبا
سامر: بلة رجال طول وعرض اتگول منو لعد شخليت للنسوان
إياد: ديلا اننجب. الوكت مو امان فتحت الباب ولن واحد مطيني طلقة براسي لو سچينة بطني وبعدين اني رجل مهم اخاف على روحي
سامر: تفي عليك خسيس بلة هذا بيت استاذ جامعي شنو هاي عايش بمزبلة
إياد: حبيبي اشبيك اليوم متخبل والله غير متاني نهاية الأسبوع
سامر: ههههه ذكرتني بامي من تلزم نور بالعطلة
علي: خوية كافي هسة لا تخليني احجي وغرفتك اعوذ بالله من تدخل الها الهدوم اهنا واهنا الله اكبر انقلاب هاي عنك حبشكلات الليل والزيايل خطية نور طايح حضها من ورى
سامر: ليش هيج تطعني بضهري هاي عود انتة اخوية لماذا
إياد: صدگ لو گالوا ميعيب الا المعيوب
علي: لا صدگ إياد متزوج
إياد: لازم الزواج حلو 😉 حتى اتريدني ازوج
علي: هههه لا جديات
إياد: خاب عود امي مثل الناس اگلها يمة شوفيلي مرة وين اني فارغة اتريدني ادورلك انت شوف وحدة واني اخطبها الك
سامر: ههههه زين اسوي هههههه صدگ راح اخطب
إياد: اي دكل خرة انتة مال زواج اگص ايدي اذا بنات الكلية كلهن حاجي وياهن وتعرفهن
سامر: لاوالله صدگ
اياد: انجب لك
علي : لا صدگ
إياد: هااااا
سامر: لعد من گتلك ماصدگت
إياد: مو ادري بيك مشنتر صدگ منية هاي
سامر: بت عمي اخت حسام
إياد؛ هاااا اگلك مو تزعل هو اني صح محاجي وياها بس مبينة انفة وخشم يابس
علي: ههههه
سامر: اشبيكم انتو
إياد: لا والله مو تزعل
سامر: لا ماازعل ادري بيها تتغير وداعتك
إياد: اي انشاللة زين وصاحباتك
سامر: وعلي اعوفهن بس تقبل
إياد: ههههه الله على الحب
علي: بلكت تقبل واتعوف بنات الناس بحالهن
وضلينا انسوالف ونضحك وأخذنا الوكت الساعة 6:30
علي: يلة سامر بعد اشوي وايأذن
إياد: لازم اشتاقيت
علي: انجب لك ماعدي هيج اسوالف
إياد: خرب روحك لو ماهية مرتك قابل حرام
سامر: عوفة هذا دگات قبل
إياد: ههه تعرفة كلش زين
علي: ديلة امشي بلا اتمسلت
رجعنا للبيت باقي اشوي على الأذان دخلت لگيتتهم ديسون عشة باوعت على سالي باعت علية ودنگت دخلت امي سألتنة شسويتوا وحجينالها الصار صعدت فوگ لگيت اهدومي جاهزة غيرت ملابسي ونزلت اذن اتوضيت وصلينا وفرشوا السفرة اتعشينا وخلاصنا شربنا الچاي وكلنة اتلمينة بالهول
نورة: سمور عفية مشتهية موطة
سامر: اي وشتردين
نور: گوم جبيلنا
سامر: خاب والله بطرانة
نورة:بداعتي حتى سالي اتريد
سالي: شنو 😨😶
سعاد: گوم جيبلهن يمة هياتة الفقمة براس الشارع
سامر: يمة والله مابية حيل
علي: گوم جيبلهن يلة هاك سويچ السيارة
سامر: مترووح انتة لان انتة اقرب مرتك واختك
علي: گوم ولك دنيا ليل هسة البنات كتل
سامر: هااا اااي هسة گايم وين السويچ
علي: هياتة متشوف
سامر؛ اي هياتة اي عيني شتردون
نورة: اني اريدها كاكو وكرميل وبنكهة الفستق وو
سامر: وووو كااافي
نورة: اي اشبيك اتصيح اف
سامر: وانتي يمة
سعاد: جيبلي ام الفستق
سامر: وانتي سالي
سالي: بكيفك
سامر: الله عليج قنوعة والله قنوعة حتى امي تشرط وانتي لا كون تطلع الغبرة مالتي مثلج
سامر: وانتة استاذ علي
علي: ابني جيبلي ام الگهوة
سامر: الله لايرضة عليك همة ليش ايسون موطة غير حتى يستلذون بيها ادري ليش گهوة شهل نكد
علي: هسة انتة شعليك بابا
سامر: هاهية
نورة: لا جيب وياك كرزات حباب
سامر: استغفرالله بعد
علي: هاهية
راح سامر وضلينا گاعدة سالي تحجي وية امي ونورة واني گاعد على الموبايل ضلينا گاعدين ورة ربع ساعة اجة سامر
نورة: هلا بضلع هلا والله
سامر: هاكم فضونة حتى بنات ماكو
علي: لعد انتة رحت علمود البنات
سامر: لا بس يعني واحد ايحلي اعيونة
نورة: الله سامر ليش مجبتلي ام القوقعة مثل مالتك
سامر: انطمي واكلي لضلين عينج وراية افتهمتي
علي: هسة ليش العرك عود اكلوا واسكتوا
في جهة أخرى
فؤاد: ام حسام اليوم اجوا على سمر خطابة
نورهان؛ ها منو
فؤاد:. سامر
نورهان: سامر ما غيرة
فؤاد: اي
نورهان: اي والنعم بعد تربيت جواد وسعاد
فؤاد: اي هسة روحي صيحي سمر خل احجي وياها
نورهان: اي هسة
⚛️
سمر: ها بابا ردتني
فؤاد: اي بابا اگعدي داحجي وياج بموضوع مهم
سمر: اي بابا گول
فؤاد: شوفي بابا انتي كبرتي وصرتي مرة وانتي حلوة واخلاقج احلى منج بابا اليوم اجوا عليج خطابة
سمر: منو
فؤاد: سامر ابن عمج
سمر: شنووو 😨
فؤاد: اي بابا اني هم مثلج اتفاجأة
سمر: بس بابا اني مااريدة
فؤاد: شنووووو 😨 ليش اشبي اكو شي ايعيبة
نورهان: ولج اشبي الولد حتى اترفضي
سمر: ماما اني مااريدة سامر غير واني غير
فؤاد: اشبي گليلي ليش
سمر: بابا سامر ابد مچنت اشوفة غير بس مثل حسام وهو شقايجي وايصنف اني من چنت اروح لبيت عمو مااتحملة اشلون هسة اتريدني ازوجة ابد بابا مااگدر
فؤاد: بابا هذا طبعة ورة الزواج اتحبي وتتعودين علية
سمر: اهى بابا فدوة لتجبرني اني مااريدة هية گوة اهى
فؤاد: اووف هاهية متردي متردي باجر اردلهم خبر
نورهان: هاي بنتك عوبة ختولي متعرف مصلحتها .
فؤاد: مااريد أجبرها على شي وبتج من اتعرفيها متقنع ومن اتگول لا يعني لا
نورهان: اووف دنام وارتاح خل تولي
حسام: السلام عليكم
نورهان: وعليكم السلام
حسام: خير شكو
نورهان: حچت الصار
حسام: شنووو وينها هاي
نورهان: عوفها يمة
سمر: هاي اشبيك اكو واحد يدخل هيج غير ادگ الباب
حسام: ولج ليش رافضة سامر
سمر: يعني مااريدة اشلون غصب
حسام: وليش متردي خاف عدج واحد انهيج والله
سمر: لا لتخاف مااعدي واحد يعني لان مااريد ابن عمك صار عندي واحد
حسام' هين سمر هين
سمر: درووح اووف مين طلعلي قندرة عشتو يريد يخطبني خلف إللة على أبوية الي معيشهم
في جهة أخرى
علي: شنوو اليوم متنامون
سامر: اشعدنا الساعة ١١
علي: لا مگلت شي هسة اني بالگوة مفتح اعيوني
سامر: انت مثل العجايز من ٨ ايبنچرن
علي: ديلا گوم باجر مو دوام وانتي عيني ست باجر اكو دوام لو أني غلطان
نورة: لا اكو بس منعسانين حباب خلينة گاعدين
علي :يلة 😠 كلمن لغرفتة وماكو سهر وحدة سادس واحد طبية
سامر: لعد مو مرتك گاعدة
علي: انتة كل ماحجيت وگلت مرتي مرتي هسة حاخذها ونصعد إنام
سامر: متأكد اتنامون 😏
سالي😳😳
سعاد: انجب شنو هل حجي وانتي يلة گومي فاكة حلگج
نورة: ااي گمنا شصار
علي: لتنترين ولج
نورة:اني شح......
علي: كافي لتجاوبين يلة روحي
نورة: اووف
سالي في نفسها: هذا اشبي اتخبل هسة چان گاعد وشحلاتة هسة طلع الگعدة من خشومنة
سامر: لاااا شسوي ليش تشلع الواير يمعود النت
علي: احسن حتى خام بالغرف على الانترنيت هسةماكو
سامر: اهوووو خاب هذا شعلية
علي: يلة گوم راح اروح اقفل البيان واذا اجيت وشفتك موجود شوف شسوي
سامر: اهوووو استغفرالله رايحين .
علي:. وانتي ليش واگفة تردين رزالة
سالي: لا
علي:: لعد متصعدين
سالي: اي راح اصعد
علي: ها يمة شو بعدج گاعدة
سعاد؛ گايمة ولك خاف اتريد اترزلني
علي: لا حشة انتي ام علاوي شحدة الي يحجي وياج
سعاد: يابعد هلي يلة يمة تصبح على خير
علي: وانتي من اهل الخير
رحت قفلت البيان وطفيت الضويات وشربت مي وصعدت فوگ دخلت لگيت سالي توها طالعة من الحمام مغيرة ملابسها لابسة تراك ربع ردن بس مو كلش حصر بس اني ضلت فاك حلگي لونة احمر وضارب على اخدودها عبالك لعابة
علي: احم وين فراشي
سالي: استاذ نام انتة على الچرباية واني. بالگاع اتكسر ضهرك
علي؛ لا معليج فرشي الفراش
سالي: است.......
علي: گتلت فرشي لفراش لتخليني اعيد كلامي مرة لخ.
راحت فتحت الكنتور وطلعت الفراش وفرشتة ووتتحرك گدامي وشعرها كلساع ينزل على عيونة وسرح اني ضليت الوب بعدين وخرتها واني فرشتا لان بعد مااتحمل
علي: يلة نامي مو استهلستي على الاجايز
سالي: اي حنام
في نفسها ؛ هذا اشبي لو ماهو گال اني اخذلج ادور مان علية اووف راح ايموتني اشگد متسلط
نمت من التعب والتفكير واحس غير المنبه ايدگ هذا مو منبه هذا غضب ايگعد العراق كلة اني كل مرة اگعد مفزوعة عبالي انفجار گعدت علي بعدة نايم طفيت المنبه وگمت دخلت للحمام سبحت اشوي اصحصح گعدت لگيت علي دينتضر صبح علية ودخل بدلت ملابسي ومشطت شعري وهوة طلع وشعرة مبلل وريحة الحمام اتخبل لبس ملابس رسمية وخرت اني سويت حجابي ونزلت هوة ضل ايعدل نزلت جوة صبحت على خالة دنحضر بالريوگ دخلت نور وساعدتنة نزل علي ونزل سامر اتريگوا وطلعوا ضلينا اني ونور لميت الاكل ودگ علينا السايق وصل نور وبعدين وصلني نزلت فتت باب الكليية
درة: صباح الخير
سالي: يهههه يمة عزة العزاج
درة: اشبيج
سالي: ولج خرعتيني
درة: اي ديلا عيني والله اني زعلانة منج
سالي؛ ليش
درة: ليش متخابرين واتسألين گاطعة.ولج عني وين سالي القديمة الي اربع وعشرين ساعة بخلقتي
سالي: شسوي ياخية غير ازوجت والي تزوج استاذ علي ايضل براسها عقل
درة: هههه سودة علية اي شخبار اهلج
سالي: والله ماادري هل يومين فارغة بلكت علي يقبل اروح واشوفهم ولو لحد هسة محد رفع التليفون علية وسأل
درة: اي لعد شسوين ايضلون اهلج
سالي: مأگتلج اخر الاخبار
درة: لا شنو
سالي: حچتلها من اتمرضت
سولفنة اني ودرة بدت المحاضرات ومتنة تعب من محاضرة لمحاضرة خلصنا وكلمن رجع لبيتة دخلت لگيت علي بعدة مجاي صعدت بدلت. وصليت وخلصت نزلت حمينا الاكل اجة علي اشوي واجة سامر صلوا صبينا الغدة واتغدينا وشربوا چاي غسلت الماعين اجة لعلي تليفون عمة اليوم يجي للبيت خلصت صعدت فوگ نمت من التعب
الساعه 5:00 عصراً
گعدت لگيت علي ماهو بالفراش يمكن جوة غسلت بدلت ونزلت شفت عمهم جوة سلمت علية گعدنا اني ونور بالمطبخ انسوي چاي
سالي:شكووو
نورة: متدرين سامر خاطب سمر بت عمو وهسة اجة ايرد خير يارب مموافقة والله اخوية يستاهل احسن من هاي المغرورة
سالي: يوو بس لاسمر هاي خشمها ميگصة الطبر.
في الصالة
فؤاد: والله اجيت ارد خبر
علي: اي عمي انسمعك اشقررتوا
فؤاد: والله ياعمي فشلان منكم اخذ نفس ، البنية مموافقة
سامر 😨
سعاد: ليش اشبي ابني ومتوافق عليه عيوني
فؤاد: والله سامر والنعم بس اتگول هوة مثل اخوية ومااگدر ارتبط بي اعذرني سامر والله لوبيدي اطيها الك مگبعة بس تعرفني اني مااجبر أحد على شي
سامر: لاعمي لتگول هيج كلشي قسمة ونصيب ومو بيدك
فؤاد: والله خجلان منكم
علي: عفاا عمي لتگول هيج ومثل مگال سامر كلشي قسمة ونصيب
فؤاد: اتمنى الي صار ميأثر علينة
علي: لا عمي اعتبر الصار مصار وانتة اتضل عمة وسندنة
فؤاد: يلة من رخصتكم مع السلامة
علي: الله وياك
سعاد. : يمة خلص لاتقهر خل اتولي ماتسوى
علي: ها سامر ها خوية كلشي قسمة ونصيب والله ضاملك احلى
سامر: ليش هيج سوت كسرت گلبي مواني ابن عمها 💔
سعاد: اتولي يمة اذا انتة اتريد تزوج اروح اخطبلك بت خالتك احسن من سمر واحلى من سمر وبكلشي احسن
سامر: منو منهن
سعاد: نالين
سامر: شنووو 😨 نالين
سعاد: اي اشبيها يمة مبين البنية هاويتك ومن تدخل انتة عيونها تضحك قبل شفايفها وحتى امها تعرف ومنتضرة حچاية من عدنا
سامر بصياح: يام انتي شتحجين البنية بگد نور واني مااريدها هسة سمر ومتريدني بعد ماازوج
سامر: نور
نورة: ها
سامر: دگي على سمر
نورة: شنووو
سامر بصياح: گتلج دگي على سمر
نورة: اي هسة هاك
سامر: امشي طلعي
سمر: الو
سامر: ليش رفضتني وتدرين بية اموت بيج
سمر: ها هلو سامر
سامر: سمررر حاچيني ليش ولج احبج اني اعشق التراب الي تمشين علية ليش اتكسرين گلبي 💔 واني ابن عمج سند وحزام ضهرج ولجج ليش
سمر؛ اهووو سامر اني مااحبك اضوج منك من نجي لبيتكم چنك انسواني تگعد بالوسطة واضل اتلفح وتشنتر اني احب الرجال الهادي الراكز مو مثلك مشعشع
سامر: هيج صارت يابت عمي
سمر: اي انتة اتريد تعرف ليش
سامر: لازم عدج واحد فارس الاحلام أغنى مني
سمر: هههه ليش منو گلك انتة غني خلف الله على ابوي الي يصرف عليكم وصرتوا احول
سامر بغضب : هيج صارت مو ابوج يصرف علينة بسيطة يجي واكسر گلبج مثل مكسرتني سمر واني وياج والزمن طويل سد الخط
سامر بصياح: يييييممممممة
سعاد: هااااا يمة اشبيك
سامر: خطبيلي نالين
___________________________________
لهنا ويخلص النشر انتضروني بارت جديد
توقعاتكم للبارت الجاي؟
تقييم البارت من ١٠؟
البارت اهداء للجميع 😍😍❤️
النشر كل يومين
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!