رواية استاذي_زوجي الفصل الحادي عشر 11 - بقلم 𝓑𝓝𝓘𝓝♥️✨

اتلمست خدها عبالك تنور حرارتها مرتفعة

علي: سالي سالي ولجچج سالي اسمعيني دخيل الله سالي

سالي: بررررردددانةة

علي: اتسمعيني ليش هيج حرارتج مرتفعة گومي وياي

سالي: مابيه حيل

علي: استغفرالله خل اروح ابدل حتى اسيطر عليها

راحت بدلت بسرعة نزلت جوة گتلهم مراح نتغدة وليش وشلون گتلهم منشتهي ماردت اگلهم ويتكومون عليها صععدت فوگ

علي: سالي شو سالي گومي وياي

سالي: مااريد بردانة

علي: گومي وياي هسة اطيبين

سالي: اهى مااگدر

علي: گومي هسة بس اسبحين اصيرين زينة

سالي: اهى عوفني

علي: ولج گومي لشلعين گلبي

شلتها حرارتها مرتفعة كلش دخلت للحمام فتحت المي البارد وحطيتها هية بملابسها

سالي: يمممممة بارد اهى

علي: احسن حتى تروح الصخونة

سالي: طلعني مااريد اهى

علي: اسكتي لصيرين مثل الجهال شوفي راح اطلع اجيبلج ملابس انتي نزعي ذن واني اجيبلج واخذيهن من ورى الباب اسمعيني ولج سالي

سالي : هااا هااا

علي: وجعا وصخونا فوگ صخونتج گومي نزعي

سالي: شنووو 😨

علي: ولج اني راح اطلع وانتي نزعي

سالي: اي اطلع

علي
طلعت من الحمام فتحت الكنتور فتحت خانتها طلعت الها ملابس طلعت الها تراك اترددت بالبداية افتح خانتها مال ملابس داخلية بالگوة فتحتها وشلت الگدامي اخذتهن رحت للحمام

علي: هاج هاي الملابس ولججججج وينج

سالي: اي جيت

علي: حرام تصرفاتج مال وحدة سكرانة لزمي هاي الملابس مدي ايدج

سالي؛ اي جيبهن شكرا

علي: شوفي راح انزل جوة خل امي اسويلج شوربة حتى اتخف الصخونة

سالي: ماكو داعي هسة اطيب

علي: انجبي معليج انتي لبسي وطلعي عود فتحي السبلت مااوصيج

نزلت جوة البيت صنطة دورت بالغرف ماكو احد صحت ماكو طلعت موبايلي ودگيت على امي

علي: هاا يمة اشلونج

سعاد: هلا يمة حبيب

علي: يمة وينكم البيت صنطة محد ماكو

سعاد: يمة بيبيتك تعبانة ورحنة انشوفها

علي،: ها شخيرها

سعاد: لامابيها شي بس تعبانة اگلك يمكن اليوم انبات هذا سامر ويانة ليضل بالك ودير بالك على مرتك

علي: ها اي انشاللة سلميلي على بيبي عدها العافيه

سديت الموبايل

علي: بلة هسة منو ايسوي الشوربة استغفرالله انزلها هية أسويها لا شلون ايصير هية مريضة اوف شنوو 😨بس لا اني أسويها تالي عمري اطبخ للنسوان اووف امري لله 😤 زين اني مااذكر اشلون ايسويها ها اي ذكرت

رحت جبت چدر وحطيت بي ماي وخليتا على النار وجبت العدس وهل سوالف سويتها شوربة حمرة احيا صبيتها وخليتها بالصينية وصعدت فتحت باب الغرفة لگيتها نايمة اتقربت منها

علي: سالي سالي هاج شو گومي

سالي: هاا🤒

علي: گومي چبتلج شوربة هسة اصيرين زينة

سالي: مااريد نفسي تلعب

علي: ميصير اكلي حتى تاخذين دوة يلة اكلي

سالي: هاي شنو

علي: قوزي يعني شنو غير شوربة يلة اكلي

سالي: بسم الله

علي: احم هاا طيبة

سالي: ماادري

علي: لعد منو گاعد يأكل أبوية

سالي: كلشي مااحس طعم لا مالحة ولاماصخة

علي: ميخالف اكلي هاي من الصخونة هيج

ضلت تاكل كل لگمة تصفن وتاكل الثانية اني اباوع علية وبگلبي ميت ضحك تصرفاتها مو مال وحدة صاحية عبالك سكرانة خرب ههههه

علي: خلصتي اخذتي خيرة

سالي: اي خلصت

علي: هاج اشربي الدوة

سالي: بردانة

علي: اخذتي الدوة هسة اصيرين زينة يلة نامي

سالي: اي نعسانة

علي: يلة نامي

نزلت جوة تعبان وميت جوع ماكو شي غير بس الشوربة الي سويتها رحت صبيت بالماعون وگعدت اكل واول لگمة تفلت الاكل مااااصخ دم 😓 نسيت اني ماخال ملح همزين مريضة ومتحس على طعم الحمدلله گمت جبت المملحة خليت ملح واكلت خلصت كومت الماعين على السسنگ

علي: لا بعد هم عوزي اغسل ماعين تالي عمري

اتوضيت وصليت صعدت فوگ حارة تسمط ماشاعل اي اي شي وكل هذا واصيح بردانة شعلت البنكة وهم حارة ردت انزل جوة خاف تگعد وهية حيل مصخنة ايصير بيها شي نمت واتگلب شفتها بسابع نومة نزعت التيشيرت وبقيت بالفانيلة متت من الحر نمت والعرگ ايصب بس مااحس الا صوت بالحمام فتحت عيوني شفتها ماكو بالفراش ركضت للحمام شفتها گاعد تتقيء

علي: هاا اشبيج

سالي: 🤥 ااه ورجعت اتقيأت

علي: خلصتي

سالي بتعب: اي

علي: هسة ترتاحين تعالي

اخذتها رجعتها للفراش وهية اتون لزمت خدها حرارتها مرتفعة بالزايد استغفرالله

علي: شنو الي يوجعج

سالي: جسمي كلة يوجعني وارسي دايخة

علي: هسة اجيبلج كمادة طبية واجي

نزلت جوة اخذت الكمادة وصعدت لگيتها متمددة

علي: هاي جبتها هسة تسحب كل الحرارة من جسمج

فتحتها وخليتها على جبينها وعفتها نامت اني هم رجعت نمت
الساعة ٦:٠٠
گعدت اووف شگد صار نايم شفتها بعدها نايمة گمت شلت الكمادة من جبينها اتلمستها حرارتها احسن نازلة گعدتها ميصير اضل نايمة

علي: سالي سالي گومي يلة الساعة بالستة

سالي: نعسانة والله بعدني

علي: گومي ميصير كلة نايمة تتمرضين بالزايد يلة

سحبتها گوة من الفراش ديتها للحمام غسلت وجها وايديها طبعا ولا حاسة بس وكفة واني احرك بيها نزلتها جوة بالتراك لان ادري ماكو احد گعدتها على التخم وشعرها على عيونها شلت شعرها ليفوگ وگعدت

علي: اي ست سالي شسوين عشة اليوم

(طبعا سالي كلامها مثل وحدة. سكرانة )

سالي: شنو. مابية حيل وآللة

علي: لعد اشلون مناكل اليوم

سالي: ماابية حيل والله

علي: داشاقة عود اوصي من المطعم

سالي: اي اني حنام

علي: مااااكو نوم اگعدي مثل الاوادم چنج سكرانة

سالي: هسة انتة ليش منزلني

علي: غير اريد اكحل عيوني بيج

سالي: اووف

علي: گومي غسلي ووجهج ولضلين تتأفئين يلة

گامت غسلت وجها وتتطوح ادري بيها  هسة مو بوعيها وگاعدة وتحجي وياي لان اصخونتها قوية فمتدري شيصير هههه

علي: هاغسلتي

سالي: اي

علي: يلة گومي اتوضي وصلي

سالي: ليش ماگتلي من رحت

علي: هو غير هسة اذن

سالي: مابية حيل

علي: دگومي لا هسة راشدي ايفرج فر مابية حيل گومي ذكري ربج

سالي: اي گمت

علي: يلة گدامي
گمت صليت وهية هم صلت طلبنا اكل من برة مااكلت هواي لان تلعب نفسها خلصت وصعدت فوگ اني اكلت وبعدين شلتهن بالمطبخ المطبخ صار للستار من الهوسة
صعدت لگيتها نايمة شعلت التلفزيون واگلب خليتة على فلم اكشن مرت ساعات وهية نايمة بعدين ماسمعها الاتهذي گامت مدري شتحجي اتقربت منها هم رجعت ارتفعت حرارتها وتحجي حجي ممفهوم

علي: سالي سالي اشبيج

سالي: اهى اخاف

علي: لا لتخافين اني يمج

سالي: تعال نام يمي اني اخاف

علي: شنوو اتخبلتي

سالي: اهى اخاف شسوي اهى

علي: انتي مو بوعيج يلة نامي

سالي: گتلك اخاف انت متفتهم انت ماعندك گلب نسيت هذا گلبك من حجر اكرهك دمرتني اهى الله ياخذني اني اشلون عايشة انتة راح اتموتني انتو كلكم اتموتني اكرهك مااحبك انت ليش اس........

علي:💏💏💏

من گامت تحجي واصيح وتضرب على صدري واتگول اكرهك ودموعها يجرن وخدودها حمر من الصخونة وشفايها همين ورگبتها مبينه اني فقدت بعد رادت تحجي واني بستها حييل گطعتها گامت ادفع واتقاوم بس اني لازم ايديها بايد وايد ورة ضهرها ضليت ابوس بيها واتقاوم بعدين ذابت بين ادية  بعدين حسيت بدت تتجاوب وياية واني بعد فقدت عمقت القبلة وضلت اتبادلني شمرتها على السرير ونزلت لرگبتها دميتها رجعت ابوس بيها ردت انجرف رأسن وخرت هية مو بوعيها وخاف ايصير شي وهية متدري وخرت منها وطلعت من الغرفة وطلعت برة اشتم هوة اختنگت مدري ليش حسيت برغبة بيها شلون بية مرت ساعة رجعت دخلت للغرفة لگيتها نايمة عرفت صدگ جانت مو بوعيها اني اخذت فراشي ونمت جوة البيت تايه

الساعه 7:00

گعدت فتحت اعيوني گمت اذكرت البارحة ابتسمت لا إرادي گمت غسلت وجهي وصعدت ابدل لگيتها نايمة دخلت سبحت وطلعت لگيتها هستوها گاعدة

سالي: صباح الخير استاذ

علي:😨😨😨😨 ااااا صباح النور

سالي: استاذ اعذرني البارحة مگدرت احضر المحاضرة مالتك مادري اشبية راسي وجعني ودخت ورجعت

علي: لا عادي بس البارحة لزمتج صخونة قوية

سالي: اي اني هيج من اتمرض تلزمني صخونة قوية واضل اسبوع بالفراش بس هسة متفاجئة بسرعة طبت (أثر بوسة علاوي حبي هههه😁)

ملاحظة: تم اكتشاف علاج قوي وفعال لأمراض الرشح القوي والصخونة دزوا على علاوي وبالشفاء العاجل عندة الدوة

علي: اي يعني انتي متذكرين البارحة اشصار

سالي: لا ليش اشصار

علي: هاا لا ماكو شي مجرد سوأل

سالي: يوو اتأخرت

علي: لا انتي لااداومين اليوم اخذلج إجازة

سالي: لا استاذ شلون

علي: خلص گتلج اخذلج إجازة

سالي: براحتك

علي: على فكرة امي والبقية مموجودين بالبيت بيت جدي جوز للضهر يجون

سالي: لعد اشلون اضل وحدي

علي: لا اكو حرس برة اي طبعا حوز فد اشوي يجون وهنا ماعدنا حرامية لتخافين يلة مع السلامة

سالي: مع السلامة نننننننن ماعدنا حرامية يمه اشلون هسة ابقى وحدي اووف منك ومن عنادك تجلطني فد يوم متأكدة خل اگوم

گمت دخلت للحمام سبحت حتى ارتاح من الصخونة وگفت دابدل واشوف رگبتي

سالي: يمةةة اسم الله شنو هاي مدماية شبيها يمة عزةةةة بس لا جني لا بالغرفة الزهرة ام الحسين اهى هاي شنوو 😱😱😨😨 اخ راسي البارحة اشصار
()اتذكرت() عزززززززززة العززززززاني فلك فلكني شمسوية البارحة شلاعبة صخام صخمني على هل طرگاعة شهل وكاحة مگدرتي ادفعي اصخمي اي مو اني ادري بروحي اكيف على هيج سوالف اهى هسة اني شلون بعد اباوع بوجها اوووف اهى

خلصت دگ ولطم لبست وطلعت نضفت الغرفة هوسة نزلت جوة دخلت المطبخ حدث ولا حرج مفجورة بي قبلة غسلت الماعين نضفت المطبخ وطلعت كنست ومسحت البيت صار يلمع صارت الساعة
9:45 رردت اسوي غدة لا مو هسة گعدت على التخم وأتذكر وابچي امدة حظي اشلون اباوع بوجهة بعد اووف مااسمع صوت سيارة اجت خالة ونور وسامر ركضت للحمام غسلت وجهي بالصابون حتى إذا گالوا ليش عيونج حمر اگلهم دخل بيها صابون طلعت لگيتهم گاعدين

سالي: السلام عليكم

الجميع: وعليكم السلام

سالي: ها خالة شلونكم

سعاد: هلا يمة هلا

سالي: عدها العافية بيبي سليمة علي گال مريضة

سعاد: الله يعافيج اي شوي تعب ماتگعد اتضل اتحوس

سامر: اشبيها هم احسن مني اتهز الحياطين اني مو مثلها

سعاد:😒😒 خوب انتة استغفرالله

سامر: شنو تحجين وية ابليس تستغفرين

سعاد: حشة ابليس منك انتة

سامر: اهوو خل اروح انام مانمت زين كسر ضهري فراش امج من زمن جدي الثامن عشر

سعاد: اي انجب ذني اصليات

سامر: اي والله اصليات مال تكسير ظهر اني البارحة نايم عبالك نايم على طابوگة يلة تصبحون على خير

نورة: وأنت من أهل الخير هههه

سامر: باع اشلون تضحك چنها قرد

نورة: أو أو تم قصف الجبهة

سالي: شتردون على الغدة(خوب انتي بس بالغدة اتفكرين)

سعاد: لا اني اطبخ

سالي: لا خالة انتي تعبانة روحي ارتاحي اني اسوي

سعاد: اي والله ضهري تكسر على گولت هذا المشيطن نايمين على طابوگ

سالي: هههههههه

گمت لميت الغراض دخلت المطبخ سويت غدة 11:00 طبگت الجدورة رحت يم نور سولفنا كوومة گام ايأذن گمنا صلينا صارت بالوحدة اجة علي يبووي وين انطي وجهي هسة وين اختل لا عيب شهل سوالف هو اني ملگوفة ملگوفة دخل باوع علية خدودي حمر صارن طماطة دخل سلم على أهلة وصعد گمنا انصب فرشنا السفرة  وخلينا الاكل هوة نزل يالله ادور بس ايباوع علية وين ما اروح اووف گعدنا ناكل وكلساع ايباوع اووف بالگوة اكلت خلصنا اكل شلنا السفرة وصبيت الچاي وديتة

علي

دخلت للبيت شفتها باوعت عليها نزلت راسها وصارت طماطة عرفت بيها اتذكرت صعدت فوگ ابتسمت نزلت مادري بس اباوع عليها لهناك خلصنا وشالن السفرة جابت الجاي وضلينا انسوالف

سامر: اريد اگلكم شغلة

سعاد: گول شكو

سامر: شوفوا الي راح احجي أخذوا على محمل الجد واني صدگ احجي مااشقاقة

علي: اشبيك خوية احجي

سامر: قررت ..........

سعاد و علي: شنوووو 😨😨

سامر: مثل مسمعتوا

سعاد: ومنو بلة

سامر: .......ً........

سعاد : شنوووو اتخبلت 😱

___________________________________

لهنا يخلص النشر انتضروني بارت جديد

توقعاتكم للبارت الجاي؟

تقييم البارت من ١٠؟

موعد النشر كل يومين لحد ايلح رجاءا

البارت اهداء للجميع 😍😍⁦❤️⁩

,