رواية استاذي_زوجي الفصل العاشر 10 - بقلم 𝓑𝓝𝓘𝓝♥️✨

يوم السبعة

علي

گعدت الصبح لگيتها نايمة طبعا لگفتها اليوم عطلة ماكو دوام دخلت ماسبحت بس غسلت حتى لااتأخر وتفلت غسلت. طلعت فتحت التلفزيون عليتله گامات تتحرك بفراشها بنزعاج اني ماادري شصار بية من سوت هيج المهم گعدت على التخم واباوع على التلفزيون جان تگعد باوعت علية ودارت وجها مدري شحجت گامت غسلت وطلعت لبست الحجاب ورادت تطلع

علي: سالمين ووين

سالي: وين جوة

علي: لا والله اگعدي گدامي

سالي: سالي: ارد انزل اسوي ريوگ

علي😠😠

سالي في نفسها: استغفرالله راح تبدي المحاضرات

سالي: اي استاذ اتفضل

علي: مدام سالي هاي شنو معناها من اجي لو نايمة لو جوة

سالي: لعد استاذ وين اروح

علي: وين ترحين من اشوفيني اصعد ليش متصعدين وراية

سالي بغباء: شسوي

علي: هاا احم لا بس علمود لحد ايشك

سالي: لا استاذ محد ايشك ابد

علي: هاا اي ميخالف للاحتياط

سالي: اشوف

علي: شنو اتشوفين 😡 من احجي حچاية تتنفذ

سالي: اي

علي: يلة رجعي نامي

سالي: ليش

علي: لان اليوم عطلة وبالعطل محد يگعد من وكت للعشرة

سالي: لعد انتة ليش گاعد

علي: شعليج باباتي انتي عندي شغل اني مو گلت ممنوع أسئلة يلة روحي نامي

سالي: تمام

اووي هذا راح ايخبلي شيريد ماادري استغفرالله بس ليش من نصعد ايريد اصعد ورى يووومة بس لا الي بالي. يممممة عزة اذا صدگ معقولة ايريد اصير مرتة شرعا لاااا ابد مااخلي اگلة اذبح روحي بس تتقرب ياا عزة حتى ايسويني يريد اذا أمنعة يمممة اشلون هل انام والله كريم

الساعه ١٠:٠٠ صباحا

سالي: اووف هذا شيريد ايدگ ميگول واحد نايم امداني غير اني وقتة والله وكت سالي وين چنتي وين صرتي چنتي يم خولة اتگعدين للعشرة ههه حتى تشوي فوگ راسج بصل وعلي وهسة اخ والله الوكت يلعب جولة هسة شگد حچيت خل اگوم
نزلت جوة لگيت خالة گاعدة اتسوي ريوگ ساعدتها

سعاد: خالة مترحين اتگعدين نورة لهسة نايمة البارحة سهرانة عشتو احتفال بالعطلة

سالي: هههه اي خالة هسة خطية ترة هم حقها السادس ضيم

سعاد: اي سودة علية هواي تقرة واتگلي اريد ارفع راسج انتي وعلي

سالي: فدوووة يلة خل اروح اگعدها

سعاد: اي فدوة لطولج

في غرفة نور

سالي: نورة نورة يلة گعدي حبيبتي گومي اتريگي

نورة بحلم نومها : ههه حبيبي ايودي

سالي😨 عزةةةة بعينج منو ايودي ولججججج نويرة

نور: هااا شكو منوو مات

سالي: منو مات اسم الله ولججججج منو ايودي

نور: ياايودي

سالي: هذا حبيبي ايودي

نور😱😱 عزززة اني هيج گلت

سالي: اي عيني

نور: يمة عزززة همزين مااسمعت امي

سالي: ااتگولين لو اروح اگلها

نورة : لا حبيبة فدوووة اروحلج لتگولين سالي بداعت كل عزيز عندج لتگولين

سالي: لتخافين اني مو فتانة بس گولي منو ايودي

نورة: بعدين اگلج اصعدلج فوگ مااريد امي تسمع

سالي: تمام لعد يلة امشي نتريگ

نورة: اغسل واجي

سالي: يلة

طلعت من الغرفة رحت للمطبخ شفت علي گاعد على الميز على اللابتوب اجت نورة فرشنا السفرة بالگاع وحطينا الكل

سعاد: يمة علاوي اليوم السبعة مالتكم سالي مرادت حفلة گالت اتريد اترووح للكاظم اتزور هم خوش فكرة انروح العصر ونتعشة ونرجع هم ازيارة وهم ثواب وهم طلعة

علي: براحتكم

سامر: ماشاءالله مرت اخوية متدينة مثل اخوية

نورة: هههه كلش هي  الطيور على اشكالها تقع

علي:😡😡

سعاد 😠😠

سالي😶😶

سامر ونورة:🤐🤐😓

خلصنا. ريوگ شلنا الماعين علي بدل وطلع حسب ماعرفت ايروح وية عمة يشتغل بالمحل خلصنا الماعين ونظفنة البيت

سالي: نويرة

نورة: خير

سالي: راح. اصعد ورة خمس دقايق اگاج فوگ يمي

نورة: يووووه بعدج ماانسيتي

سالي: لاحبي اني ماانسة

نورة: تمام صعدي والحگج

سالي: خوش

صعدت فوگ شلت فراش علي الغرفة نظيفة لملمت الغراض اجت نورة

سالي: اي عيني ست نورة اتفضلي احجي

نورة: راح احجي بس احلفي متگولين

سالي: مااگول

نورة: احلفي

سالي: اووف والله مااگول

نورة: خوش شوفي إياد هو صديق علي وسامر

سالي: عزززة بس لا استاذ إياد نفسة 😱

نورة؛ اي بس هو ميحبني حب من طرف واحد ⁦💔

سالي: زين شمدريج جوز هو همين يحبج

نورة: لا اني ادري ابد ميبن الي ميرفع عينة ويباوع

سالي: يعني واذا مو شرط ألا يباوع عليج

نورة: لا ميسويها لان اخواني اصدقائة يمكن يعتبرها خيانة

سالي: اتحبي

نورة: شنو احبة لا اني اعشقة ولج باحلامي اشوفة سويت صفحة بغير صفحتي بس مقبل لان أبنية ادور سويتها باسم ولد وسويتلة طلب وقبل وكل افتح عيوني على صورة وانام على صوررتة مجنني

سالي: الله ينولج الي بالج

نورة: امييين هيج والله يخليني من نصيبة نذرا علية بس ايصير الي اروح من بيتة. للكاظم مشي

سالي: انشاللة يارب يجمعكم سوة حياتي

نورة: إللة يسمع منج

سعاد: وللججججج نورة

نورة: هااااا

سعاد: يلة تعاي نزلي  صديقتج اتخابر عليج

نورة: اي اجييت

نورة: يلة اروح راح يجي الحب

سالي: ياحب

نورة؛ علاوي اشبيج

سالي بضحكة مصطنعة : هههههه اي

نزلت نور گمت نضفت طلعت الهدوم الوصخة وغسلتهن وهدووم علي كويتهن وعطرتهن نضفت الغرفة مسحتها وعطرتها ونضفت الصالة مال الگعدة همين شعلت السبالت ودخلت للحمام سبحت لفيت المنشفة على جسمي طلعت لبست ملابسي الداخلية داريد البس الگلابية

سالي: عاااااااااا

علي: هاي شنو

سالي: دير وجهك

علي: اكو واحد يلبس بالغرفة خلصتي

سالي: اي خلصت

علي: اكو واحد اهنا يبدل ماكو حمام

سالي: والله ماادري هسة راح تجي

علي: استغفرالله منج

دخلت للحمام وسبحت احس روحي شبت نار صورتها ضلت بالي جسمها ابيض حيل وملابسها ونعومتها دخيللك ياللهي شلون بية اووف طلعت بدلت صليت ونزلت شفتها گاعد اصب الاكل دايرة وجها ماادري رأسن اجت بالي صورتة بالملابس الداخلية هزيت راسي ورحت غسلت وجهي گعدنا على السفرة وبالگوة اكل مدري أسوت بية هل بنية

سعاد: يمة اليوم بيش ساعة نطلع

علي: يمة على التلاثة نطلع

سعاد : خوش

نورة: سمور جيبنة حلويات من ابو فرزدق

سامر: رايحين للصحراء قابل يعني غادي ماكو

نورة: اشبيك ننمنامات الطريق

سامر: هااا ومن ادوخين تعلب نفسج واطشي علينة

علي: هااااي شبيك موگاعد ناكل

سامر: ههههه نسيت انتة تلعب نفسك من هيج اسوالف

نورة: سامر تذكر لمن رحنة وية بيت عمو لكربلة لمن سمر اتقيأت شلون علي صار وجهة اصفر واتخربطت احوالة

سامر: هههههههه ضل مصخن طول الطريق وجها يطي الوان

نورة: ههههههههه

علي: كافي يلة ماكو شي ايضحك

سالي

كملنا غدة لمينة السفرة غسلت الماعين لملمت المطبخ وصعدت فوگ طلعت ملابسي طلعت ملابس خفيفة لان حارة طلعتهن قفلت الباب حتى ميتكرر الصار الصبح لبست هدومي ولبست حذاء فلات وشال وشجر بالورد خليت شوية مسكارة وكحلة وحمرة خلصت اخذت عباتي وجنطتي وأفلت لغرفة نور حتى لايشوفني علي وايسويلي سالفة

سالي: طق طق

نورة: اتفضل

سالي: خلصتي لوو لا

نورة: اي بس الف شالي تعاي ولج هاي شنو

سالي: شنو

نورة: لج شنو هل جمال

سالي: هههه شكرا

نورة: عزة بعينج شافج علي

سالي: اسكتي اصلا بسرعةبدلت وفلتت يمج

نورة.: ولج اذا شافج غير يمحيج هاج خففي المكياج

سالي: ولج والله خفيف

نورة: ادري خفيف بس انتي جمالج بارز حتى لو متخلين مكياج حلوة والله يمكن نص جمال يوسف انتي ماخذتة

سالي: ههه شدعوة عساس انتي مقصرة جيبي خل اخفف

نور

خلصت نور تبديل وخففت مكياجي طلعنة رحنة لخالة

سعاد: خلصتن

سالي,نورة: اي

سعاد: اللهم صل على محمد وال محمد طالعة اتخبلين خالة

سالي:شكرا خالة عيونج الحلوة

سامر: السلام

الجميع: وعليكم السلام

سامر: اتفضلي عيني ست نور الحبشكلات

نورة: يمة فديتة للئورنج الله هاي شنو كلة كاكو

سامر: بلكت ايغزر حتى من اجي واگلج سويلي عشا اتسوين

نورة: خوية اني اسويللك بس انتة تجي توالي الليل اتريد عشة يعني

سامر: ديلا يلا

سعاد: وين علي

سامر: راح يترس السيارة بانزين

سعاد: هااا نورة چبتي دبة مال ثلج

سامر: يمة دبة وين رايحين للصحراء قابل ماكو مي

سعاد: انجب مشوف الدنيا حارة وذن البطالة بسرعة ايصرن حارات

سامر: والله انشوف تاليها وياجن شنو هاااا يلة دگ علي امشوا

سعاد: يلا

سالي
طلعنا من. البيت سيارة علي واكفة اني گلبي مثل الطبل صار من الخوف چان مدنگ على الموبايل ومشافني صعدت خالة بصدر اني ونور وسامر ليورة نور گاعد بالنص

علي: هلا نتوكل

سعاد: اي يمة

علي: يالله

رحت عبيت السيارة بانزين ورجعت رمشت على سامر وطلعوا ماچنت منتبه چنت مدنگ على الموبايل صعدوا كلهم حچيت وية امي ماادري شلون عيني صدت بالمراية باوعت على سالي وعيوني صارن بگصتي من شافتني باوعت عليها رأسن دنگت رأسه عيوني صارن حمر صح طالعة آية من الجمال بس هاي راح تجلطني اشلون بيها

سامر: علي اشبيك متحرك

سعاد: يمةة شبيك يلة امشي

علي: هااا اي يلة

سعاد: اللهم صل على محمد وال محمد اللهم عليك. توكلنا

علي
طبعا اني امشي وعيوني بالمراية ماخلت براسي عقل كل مترفع عينها اخزرها تنزلها مشينا بسرعة وصلنا تقريب المسافة من الكرادة للكاظمية 38دقيقة صفيت السيارة بالگراج ونزلنا وعيوني تجدح نار ملاحظها شلون تشرد وبس وين ترحين مشينا اتقسمنا بالتفتيش ضلينا متانين اني وسامر برة بعد جررجرة نسوان طلعن هية طلعت بالاخير گتلة سامر اخذهم اليگدام اخذهم سامر چانت اريد تلحگ خزرت عليها وصحت

علي: تعاي اهنا😠

سالي: مووو اريد ااروح

علي: شوفي سالي قسما بالله وحق هذا الكاظم الي اجينة الة اذا مادخلتي للمغاسل وغسلتي وجهج وامير المؤمنين اشوفج شي مشايفتة بحياتج يلة گدامي ادخلين وقطرة مكياج بوجهج مااريد جلفي جلف گدامي يلة

مشينا شفت سامر وامي ونور واكفين

علي: هاا شو واكفين اهنا

سامر: يردن ايدخلن للحمامات

علي: اي ماشي سالي هم تريد تدخل يلة دخلوا بس لاتتأخرون انتانيكم اهنا

سعاد: اي خوش يلة امشن

گعدنا اني وسامر على جهة ضلينا نسولف ودگ الموبايل

علي: هلا إياد اشلونك

إياد: هلا بعلاوي والله زين انتة اشلونك

علي: الحمدلله

إياد: شو ماكو اليوم لاانت لا سامر

علي: اي والله مو احنة بالامام الكاظم

إياد: هااا اتابتون

علي: لا لا باليل نرجع

إياد: هاا خوش زيارة مقبولة مقدما

علي: قبل اعمالك

إياد: مع السلامة

علي: الله وياك

سامر: شيريد

علي: ميريد شي بس يسأل

سامر: خاب ذني نامن

علي: جوز ازدحام

في جهة أخرى

فاطمة: شلونها سالي شگد عيب لهسة مارايحين انوديلها فضل

درة: زينة

فاطمة: شلونها وية رجلها

درة: مشعوطها شكوكي شك بروحة

فاطمة: سودة علية يلة هم حقة البنية حلوة اكلج اخذها

درة: شأخذ

فاطمة: سوت روحة ثولة يعني دخل عليها

درة: هاا اي اشلون لعد

فاطمة: خوش اكلج هم راحت لهلها

درة: علساس شلون اهل ماما تدرين من ازوجت لليوم ابوها ماخابرها وابركلها

فاطمة: اي هوة هذا خليل مدري شمالة چان هم مشعوط جنات(ام سالي) والله شگد چان متعافي چان ليشوفها يتحصر عليها وهو مگعدها بكتلة ومگومها بكتلة

درة: جانت احلى من سالي

فاطمة: جنات شگد چانت حلوة آية من الجمال بس سالي احلى

درة: اي لعد مو شگد رادوها بالكلية وراحوا خطبوها وماقبل ابوها ومن چنة بالمدرسة فد مرة اجانة مدرس هيج عمرة بالتلاثين اتخبل عليها شگد مشة عليها وماقبل ابوها حتى من الضيم والقهر انقل من المدرسة

فاطمة: اي هوة هذا خليل عاب شكلة شگد نحس

درة: اووف همزين خلصت

في الكاظمية

سامر: اهلهل متگللي نمتن صار ساعة واكفين

سعاد: يعني شلون غير ازدحام

علي: يلة فضونا امشوا

ضلينا ساعة انتاني متنة حر بالاخير طلعن رأسن گمت ادور عليها بعيوني وشفتها هاي البنية اتموتني على اديها اني شايف الي يمسح المكياج تنگلب خلقتة بس الي عندي تحلة بالزياد يالله شلون بيها گمنا نمشي دخلنا جوة ورة التفتيش ولعبان نفس درت ادر اگلهم اگعدوا بالحضرة اباوع عليها صايرة طماطة من الحر الخدود حمر وصايرة اتموت استغفرالله منها شسوي بيها گمت ادور على مكان مابي ناس لگيت مكان معزول

علي: امشي اروح غاد نگعد

سامر: صدگ تحجي انتة وين مودينة بالختلة

سعاد: اي يمة اني ايقبط گلبي

نور؛لا علي حباب خل نگعد گبال الامام وين امودينة

علي: استغفرالله يلة گعدوا شوفوا هذا المكان لتتحركن انروح انزور وبعدين انتوا ارتاحوا

سعاد: اي يمة روحوا

علي: يلة سامر امشي

سامر: يلة

علي
رحنا اني وسامر انزور ماطولنا هواي لان مال الزلم خفيفة وگفت گدام الامام ودعيت لاهلي والأصدقائي والي اعرفهم غمضت عيوني اجت بالي سالي وزاوجنة وعيشتنة كلشي محجيت ضليت واگف وبس هيج اشوف فتحت عيوني وگلت

علي: يالكاظم انتة ادرى بحالي

سامر: يلة نطلع

علي: يلة امشي

طلعنا رحنا شفناهم گاعدين ايسولفن

علي: يلة روحوا زورو

سعاد: ها يمة زرتوا زيارة مقبولة

علي، سامر: زرنة وانديعنالج

سعاد: يلة گومن

سالي: يلة

رحنا دخلنة بالامام شگد ارتاحيت والريحة اتجنن انشرح صدري وارتاح بالي اول مرة اجي لمراقد اهل البيت لان خولة مچانت تقبل اروح وياهم من يرحون دخلنا زرنا صح ازدحام بس زرت وگفت مجرد موگفت نزلن ادموعي شگد چنت انخيك واني مشايفتك وابد ماقصرت وياي شگد چنت انخيك من يدخل علية رزاق ويرد يضربني وهو سكران يتقدم علي يرفع ايدة وبعدين اينزلة ويطلع دخيلكم شگد نخيتكم انتوا اهل البيت من ضيم خولة ومن قهر أبوية ومن غيرة خواتي ومن ضيم الدنيا گمت اشهگ بالبجي اجة بالي علي وحياتي وية علي

سالي في نفسها: سيدي ومولاي بحق جدك الحسين المظلوم اريد اشوف شنو نهايتة حياتي وية هذا الزواج دخيلكم

سعاد: يلة خالة خلصتي

سالي: اي خالة

طلعنا رحنا گعدنا يمهم ضلينة انسولف كل ساع اباوع لعلي اشوف ايباوع علية ومن اباوع علية ايسوي روحة يحجي وية سامر. صار المغرب وصار جمال مو طبيعي ايجنن الجو صار گام ايأذن علي وسامر راحوا صلوا جماعة واحنة صلينا بمكانة خلصنا صلاة اجو گعدنا اشوي وگمنا رحنة نتعشة گعدنا بمطعم  طلبنا واتعشينا اكلهم چان طيب ونضيف خلصنا طلعنا نفتر السوگ ايجنن ضلينا نفتر نور اشترت قلاقيل اكسسوارات وكذا طبعا اني عندي فلوس علي اطاني بس مااحب هيج اشياء دنمشي من يم محلات الذهب عجبتني حيل گلادة على شكل نبض حيل حلوة ونازكة بس اكيد غالية ومشايلة هواي فلوس مشينا وضلت بحسرتي الگلادة اتمشينا للگراج ركبا السيارة ورجعنة للبيت من وصلنا نور نامت بالطريق وصلنا گعدناها. صدگ چنة حيل تعبانين نزلنة نزلنة الغراض كلمن دخل لغرفتة دخلت للغرفة اخذت ملابسي ودخلت للحمام سبحت وبدلت وطلعت لگيت علي گاعد اني طلعتلة ملابسة اخذهن وهم دخل سبح طبعا السبلت مشعول نشفت شعري ماشلتة دخلت جوة الفراش ومن التعب ماحسيت على شي

علي
اخذت ملابسي ودخلت للحمام سبحت ارتاحيت تعبت هواي سياقة وتعب طلعت لگيتها نايمة وشعرها مفتوح والسبلت والغرفة ثلج اتقربت يم وجها شلون الملاك نايمة مديت ايدي ردت اخليها على خدها صحيت على روحي اخذت الفراش فرشت بالگاع لان جسمي اتكسر من التخم حطيت راسي على االمخدة نمت بسرعة من التعب

اليوم التالي مر بشكل عادي دون إحداث مهمة

سالي
گعدت على صوت المنبه ٧:٠٠ گمت دخلت للحمام غسلت طلعت هدومي وبدلت لفيت شالي صارت  ٧:٣٠ نزلت جوة حضرت الريوگ وية خالة اجت نور ساعدتنة نزل علي اتريگ وطلع رمش علينا السايق طلعنا وصلنا نور وبعدين وصلني للجامعة نزلت لگيت درة بعد السلام والكلام وحچيتلها اصار وياية وين رحنة بعد درة من اتريد تعرف شي دخلنا للمحاضرات بس

علي: طلعت رحت للجامعة انطيت محاضراتي دخلت لقسم.سالي چان اخر محاضرة عدهم دخلت دااشرح بالمحاضرة انتبهت اليوم مالمحتها ولا بالمحاضرة ولا اتجاوبني من انطي سوأل ضليت ادور عليها بعيوني ماكو شفت صديقتها بس هية ماكو اتنرفزت حيل بالگوة خلصت المحاضرة طلعت لميت غراضي وطلعت طاير للبيت دخلت مشفتها جوة سلمت وصعدت فوگ دخلت لگيتها نايمة استغربت اتقربت منها قربت ايدي من وجهااا اتفاجأت😨

___________________________________

لهنا ويخلص النشر انتضروني بارت جديد

توقعاتكم للبارت الجاي؟

تقيم البارت من ١٠؟

البارت اهداء للجميع 😍😍