رواية ازمة ضمير الفصل الرابع وأربعون 44 - بقلم Rozaya1122

ازمة ضمير ... البارت الثاني والاربعون
«للكاتبه روزايه»

خسرنا أول خسارة وگلنة تتعوض
وخسرنا الثانية وگلنا العتب عالحظ
ما ظلت بعد حجّة
اشبعد يا روحي نترجّة
هاي الثالثة وبيها السكوت أفرض
....

اسماء ... لو اعرف اخسر عمري كله وما اخسر ادهم اني الي بعت ذهبي ومديت ايدي على فلوس عمي وعمتي واجيب وادفع فلوس لام معتز ولغيرهه وتالي اطلع خسرانه...

احس نفسي ع طرف الهاويه وكلشي خططت اله راح يضيع انكتلت كتل من ادهم مو بانصاف كلما يفوت للغرفه مجرد ما يسمع صوتي يجيني الراشدي ...

بيومهه تعاركت ويا كتله انت خطبتني ليش تعاملني هيج انت كلت اني اريدج..

انفعل حيل وهد عليه خنكني صاك ع اسنانه ويصيح انه ماكتلج احبج انتي الكحتي نفسج بطريقي..

من وراج خسرت امنيه وما ادري بيهه وين انتي ..... و..... جان ينطق بكلمات فشار مايلبس عليهه ثوب مايشوفني بنظره غير بس بالكلمات الي وصفني بيهه..

خشمي ينزف وجسمي تكسر من الدفرات والبوكسيات الي حصلتهه اخذني سحل وشمرني ابيت عمي يومين واني ما اكدر افتح خلكي واكل من قوه الضربه مالته..

اني غلطت بكلشي وغلطي الاكبر امنت وصدكت بام رنا صديقتي جنت ابدال ما اكعد ويه عمتي واحجيلهه اروح اخابر ام رنا واخذ بكلامهه..

هي نصحتني احجي لعمي واكله ادهم مامتقربلي واني بعدني باكر كالت الرجال ما تهزه غير رجولته ومن راح يوجهوله هيج كلام راح يتمم زواجه بيج وانتي اسعي حته تسوين طفل ويجي لدرب..

رحت لمرت عمي سولفتلهه تخبلت ليش شنو السبب مايريدج اشو مبين بطل شلون مامتقربلج لسه..

جنت اموت قهر واني اشوفه من يطب ويطلع روحي متعلقه بي احبه حب موطبيعي مستعده افدي بروحي بكلشي مستعده ادفع عمري ثمن بس اعيش شهر واحد ويا بحب...

بليل اروحله للاستقبال اباوعله شلون نايم وهو نادرا ماينام دائما اراقبه يدخن ويسهر برا لحدمايتعب يله يطب جوه ...

لا لمسني بحنيه ولاسمعت من عنده كلمه حلوه ولا اجت عينه بعيني حته بالخطوبه مجرد ماتلتقي عيونه يدير وجهه ويتهرب من عندي..

راح عمي ومثل ماكالت ام رنا صار الي صار وادهم منفعل بهذا الموضوع ورجعني عمي واني ادعي تتحسن حياتي للافضل...

الكل نابذني بالبيت انقهر من اشوف شذره بنت الخدامه صارت ام البيت واني الي دفعت كومه فلوس مامحصله بس الاهانه..

اسمع صوتهم جوه والحجي الي عليه من وكعت شذره والكتله الحصلتهه من ايوب احس ظهري مفتوح من النص عبالك يكتل برجال كسر عوده الماسحه عليه ..

جنت مقرره اشتكي علي والا اذبه بالسجن احجي لعمي والا اخلي يجي يعتذر كدام الكل..

جنت كاعده بالغرفه وكالعاده البس واحضر يوميه املي يجي ادهم واالكا متغير سمعت فاروق وهو يكل لادهم ربيهه..

دب الخوف بداخلي وقررت اسبقهم واشكيله على ايوب شلون ضربني وهو ماله حق يمد ايده عليه..

انفتح الباب واني لابسه سيت نوم طويل ومكياج وفاتحه شعري بس شافني استغفر الله وهز راسه بقله صبر..

كمت من مكاني تقربت يمه وحجيت بدلع ادهم شوف ايوب شلون مد ايده عليه وضربني وين اكو هيج شي وهي شذره الي اتجاوزت عليه ...

ماحجه اي شي بس دفعني بايده ارجع ليورا وهو يتقرب عليه لحدما وكعت ع الجربايه وهو صار فوكاي...

ما اعرف احجي عن هاي الليله ولا اكدر اوصفهه باي كلمه خنكني بايده والايد الثانيه ضاغط ع ايدي وصاك اسنانه بقوه ويحجي..

ادهم.. تدرين اصعب شي راح امر بي بحياتي هي هاي اللحظه ضربني راشدي فر وجهي فر وصاح لاتباوعين بوجهي...

غمضت عيني وابجي كتله ادهم موهيج لا تضيع هاي الليله من عمري موهيج ادهم ماسمع اي حرف من عندي اكدر امثلهه بحاله اغتصاب بهالعنف جانت..

جنت اباوع ع الساعه من دخل ومن كمل وكام من عندي اجت عيني ع الساعه بالمضبوط 7 دقايق ...

الالم ذبحني وابجي واندب حضي وهو راح للحمام كرهت نفسي حسيت نفسي حيوانه بسرعه كمت لملمت الفراش وبدلت ولميت شعري وكاعده ابجي..

طلع من الحمام الخاولي ع اكتافه بكل جبروت وقوه وكانو الكدامي جبل غاضب صاح بيه ربع تسبحين والكاج جوه..

نزل واني شبعت بجي ع السريع سبحت ونزلت ورا جنت مقرره كدام الكل اعتذر منهم نفر نفر بس ادهم اله رأي ثاني..

طلكني كدامهم خلاني لا اخذ ولا انطي اخذني وطلكني كلهه مامرت عليهه نص ساعه صرت متزوجه وورا دقايق مطلقه..

انفعلت حيل وكمت اصيح بس محد ادخل منهم اخذني لبيت عمي وسلمني بيد عمي وكاله هاي بنت اخوك طلكتهه جنت امشي ورا بشارع وابجي صوت نحيبي ماهزه ولاحرك شعره من عنده...

ولا انسه هاي الليله اذا ما اخليك يا ادهم تموت من القهر اذا ما ادمرج يا امنيه وين ماجنتي ومايشفعلج لا حب ادهم ولا عطفهم..

الا ادمرهم نفر نفر الا اخلي امنيه تضوك من نفس الكاس اني الطلعت خسرانه وهي بعدهه بكرامتهه ...

...

ثريا... عم الهدوء بعد طلاك اسماء واني اخذت اجازه اداري بشذره احس بيتنه رجع طبيعي وهم ونزاح عنه ...

كلما توصل للمحكمه ويريد يطلك مايقبل يطلك القاضي لان هي ماتقبل تطلك وادهم ماعندو دليل عليهه وحاولو ويا بشتى الطرق بس بسبيل يغير رايو...

المحامي مالتهه طلب مده اسبوع بحجه حالتهه الصحيه تعبانه وادهم التحق وكالو ارجع الكا كلشي منتهي ...

سويت حليب لشذره واخذتو الهه تشربه قبل لا تنام فتحت الباب ما انفتح مقفول عرفت اخوي يمهه ماكدرت حته ادكه رجعت للمطبخ همزين ام شذره والحجيه نايمات...

شويه وادحك فاروق طلع من الغرفه رحت اريد انطيهه الحليب لكيتهه غافيه ومغطايه وبسابع نومه ...

ثاني يوم كعدتهه يوم جمعه وكالت اريد اسبح بس ساعديني امهه عدهه انزلاق وماتكدر تسندهه وانه اخذت اجازه علمودهه...

اخذتهه للحمام كعدت ع الطبله صغيره وحضرتلهه ملابسهه ومي كدامهه وطلعت شويه وصاحتني طلعتهه ...

مشطت شعرهه وانه كاعده يمهه اجت عيني ع ركبتهه الي تحاول تخفيهه بكل طريقه بوسط نحرهه زركه ومتوزعه على جانب ركبتهه بقع صغيره حمره الي اثرهه جديد والي قديم...

سويت نفسي مامهتمه بس حته لا تخجل ولاسالتهه لان تحاول تخفيهه بكل وسيله...

بعدهه تمشط وفاتت امهه خلت شذره ماتعرف شتسوي نزلت الخاولي على ركبتهه وجهه صار اصفر وعبالك مسويه جريمه..

ايام وشذره لابسه الشال ماتنزعه ابد دائما دكول مايلحكن يختفن لان في حاله تجدد ...
...

شذره.. ولج ثريا احس رجلي راح تصير عوجه ..
ثريا.. ماعليهه شي لان هستوج فليتي الجبس مالتهه بالمشي تتعدل..

شذره.. اكلج ثريا استحي احجي لفاروق بس صديقاتي يكولن مخطوبه وماعندي موبايل وما اكدر اكلهن كاعدين نفس البيت..

ثريا.. مابيهه شي كليله خلي يجيبلج انتي مرته هسه ..
شذره.. مااكدر اكله بس اريد شي من عندج حفله الحنه مال صديقتي وعزمتني واني ما اكدر اكل لفاروق ماادري شبيه ..

ثريا.. يولي مابيهه شي كليله وروحي اذا قبل..
شذره.. اصلا ماما ماتخليني اروح وحدي بس انتي عادي عندج تروحين وياي اذا اكلهم اني وثريا...

ثريا.. ماشي روحي انتي كليله واذا قبل اروح وياج..
شذره.. انتظرت فاروق يجي من الدوام دائما يجي المغرب لان مرات يمر ع المجمع من اجه جنت اصلي واني لازم ارجع خبر لصديقاتي ينتظرني باجر اتفقنه ما انداوم...

كملت صلاة وصعدت لغرفته وثريا تسوي عشه وماما تقره قران دكيت الباب مره مارد عليه دكيت مره ثانيه ماكو جواب فتحته على كيف ومديت راسي..

شفته يصلي وكاعد يسلم ظليت واكفه بالباب انتظره يكمل لان مايقبل واحد يمر من كدامه وهو يصلي...

لم السجاده وكام وهو يحجي وياي واني واكفه يم الباب...

فاروق.. هاشذرتي حدري هين ليش واكفه؟؟

شذره.. مو جنت تصلي عبالي ماموجود بالغرفه وتقدمت بخطوات بطيئه اتجاهه خله السجاده على الميز ومد ايده لخصري ورفعني لصدره..

شذره.. فاروق موهستوك صليت اكعد راحه..
فاروق.. شمسوي حلالي ..

شذره.. رفعني اكثر وايدي حاوطت ركبته وبدون سابق انذار غمر راسه بركبتي ويبوس بيه من ورا اذني وينزل على ركبتي لحد كتفي ...

حركت راسي يمينه ويسره لان ادغدغت من ركبتي بس فاروق حته ماسالني على شنو جايه خلاني نسيت الموضوع وتفاعلت وياا...

ما ادري بنفسي ولا حاسه باي تصرف يبدر من عندي غامر راسه بركبتي ويتحرك بخجوات بطيئه للجربايه وصار فوكاي..

اني كصيره انرفعت رجليه من الكاع بس هو نص جسمه على الجربايه ورجلي بالكاع وايده انمدت على مقدمة دشداشتي وهو يحاول ينزلهه ..

هنا حسيت بلمسته لزمت ايده واني مغمضه عيوني بس انرفعت ايدي وثبتهه فوك راسي واخذ بوسه اكثر من رومانسيه خلاني مسلوبه الاراده..

لملمني بحضنه وارتجى ع الجربايه واني ع صدره وهو يلعب بشعري لان حس بخطوره الموقف واني صرت بحاله يرثى لها..

همس يم اذاني بعد ممنوع تجين برجليج للغرفه مااضمن سلامتج..

شذره.. ولا كدرت اجاوبه لان حسيت علي صدك تازم الوضع عنده واحتمال يتصرف غير تصرف..

رجع رفع راسي وعيونه ملتقيه كال كولي الحجي الي بلحكج..

شذره.. فاروق عرس صديقتي وباجر مسويه حفله خلي اروح اني وثريا ما اروح وحدي..

فاروق... نفسهه هاي الي كلتيلي بالخطبه عليهه وهسه حنتهه الا تروحين انتي كلتي موصديقتج جثير..

شذره.. اني ماعندي صديقه مقربه كلهن صديقاتي جنت احجي والعب بدكم القميص مالته ...

فاروق.. لا ياحبيبتي باجر صديقي عازمنه للمزرعه مالتهم ومقرر اخذكم كلكم وانتي بكيفج تريدين تروحين وياي تريدين لصديقتج..

شذره.. ااوف منك فاروق يعني انت ماقابل تروح بس مامنعتي مباشر صدك قاضي..

فاروق.. بعدني يولي ماصرت قاضي بس انه احجي صدك انتي مخيره بالمكان الي يعجبج..

شذره.. صوت ماما تصيح شذره خلاني اكمز من مكاني بسرعه وهو كال انزلي بين ما اغسل وانزل وراج..

نزلت اتختل من ماما دكول عيب صيري ثكيله وعزيزه ولاكلساع ناطه ليفوك ...

ثريا.. فرشنه السفره وكعدنه كلنه ادهم التحق وقيس مانزل واوس خفر وبس ايوب وفاروق كال باجر معزومين للمزرعه صاحبو ورفع حاجبو لشذره عرفت اخوي ماراد يكسر بخاطرهه ويمنعهه بس طلع المزرعه حجه..

جنت مسويه عشه كبه وكباب عروك وطماطه وزلاطه وايوب هذني كلهن ماياكلهن ...

ايوب.. يولي ثريا مالكيتي غير هذني اتجمعيهن سوه شاكل هسه..

الحجيه.. جده خير من الله كله لحم بعد شنسوي انت شو اكلك موشي ..

ايوب.. تمن گلي تريديني اكل لو الكباب ينكط دهن لانفع ولادفع ثريا انطيهه تخريب استاذ ..

ثريا.. شمخربه اني بس اتذم بيه شجاك وياي هسه اكوم اسويلك غير شي..

ايوب.. لا يابه عليمن اذمج يولي الثوله منو كاسر الشاحنه مال التليفون موانتي ؟؟

ثريا.. ما ادري بيهه وكعت من ايدي وتفلشت قحط شجاك ايوب هي شاحنه..

الحجيه.. اسكتي ياجده هو اخوج ماينعرف صاير خاف حبيت يول ..

ايوب.. الله يسمع منج واحب موكتلج انطيني شي شياتين حته احب ..

الحجيه.. هم رد عليه خايب شكالولك عليه؟؟
ايوب.. كالولي عليج تعرفين بسوالف الطالع بلله بروح حليمه ماتقرين هالوجه البشوش...

الحجيه.. يمه من لسانك جيبلنه وياك زلابيه حلوكنه فاهيه .

ايوب.. نعيمه حلوه وتاكل حلو موتتدلين...

ثريا... طلع ايوب واحنه كمنه نحضر بغراضنه لباجر هذا الحجي مر اسبوعين ع طلاك اسماء.. فاروق طلع ونسمع الباب يندك ...

طلعت الحجيه واجت كالت فتحي الديوانيه ام نجم وعمة اسماء بدون مقدمات وهن امهات الراهي كالن طلاك اسماء باطل لان طلعت حامل..

مثل الضربه وواحد ضربنه ع راسنه وحده ادحك بالثانيه هذا الخايفين منه سبحانك ربي مارايدي وحبلت ولو نريدو جان اسنين نفتر بلاطباء..

الحجيه.. مانكدر نحجي شي يا ام نجم ولا ندخل يجي ادهم ويتفاهم وياكم يريد يرجع مرتو يريد يطلكهه قرارو هذا ..

ام نجم.. حجيه انتي مره جبيره ادخلي بالمعروف البنيه لاتاكل ولاتشرب وروح ابطنهه حرام تطلك وهي حابته تنحل الامور ونوعدكم ما تطلع منهه العيبه...

الحجيه.. يمه ام نجم انه ماندخل ولا اخوتو هو صاحب الشان يجي وتفاهمو وياا احنه هم مانقبل بالحرام...

ثريا.. طلعت ام نجم والحجيه الهه نظره وحده بالبشر بس طلعت كالت خايبه جذابات يريدن يردنهه حبهه ولبط وصارت حامل شو هي بيومهه اطلكت..

ام شذره.. لانعيمه يجوز الله قاسم يصير حمل انه حبلت بشذره من ليلتهه لاتاخذون غيبتهه خابرو ادهم وكلوله...

ثريا.. ادهم  وقيس باجر ينزلون وكلنه متحضرين نحجيلو ويدحك حل لهاي المصيبه الي كلنه خلصنه من عدهه وردت حته للمزرعه مارحنه الحجيه كالت مووكتهه وتاجلت...

اخوتي مايدرون من اجه ادهم تلكتو الحجيه سالتو عن صحتو هاي الايام الاخيره ادحكو تعبان جثير ودائما يتقيء واكلو موتمام..

حضرتلو الحمام سبح وطلع ماينام بغرفتو ابد ع كد يغير ملابس ويطلع ينام بالمضيف ..

طبت يمو الحجيه وما ادري شحجت ويا بس طلعت سالناهه كالت يكول لو تحبل بعشره ما ارجعهه ...

ويكول جذابه ماتطلع حامل انه الرجال وما اغلط هيج غلط هاي اتجذب حته ترجع...

راحت الحجيه لبيت اسماء وكالتلهم بقرار ادهم بس الظاهر هم اكثر منهه ذابحين نفسهم وراحو للمجمع لفاروق وحاجيلو...

بليل ورا العشا اشر فاروق لشذره دكوم وانه كالي روحي سويلنه جاي من يريد يطردني يطلعلي شغله...

واكفه بالمطبخ اسوي جاي وصوت اخوتي بده يعلى ويذمون ادهم وهو منا حالتو النفسيه تعبانه زكح بيهم وكالهم جذابه موحامل انه ما اسمح لهيج غلط...

ايوب.. مثلا شلون ماتسمح ماتعلمنه يخوي بروح حليمه ماتعلمنه...

يول تظل اثول الحيه مالتك جابت التحليل والتحليل يكول حامل وانت دكول ما اسمح ...

ادهم.. ايوب لم السانك كتلك موحامل اكعد اشرحلك شلون؟؟

ثريا... حجي ايوب جريء وعوزه بالقلم العريض يحجي من العصبيه الي عند ادهم خلا ينفعل وكالو يول زمال اكلك ما اجت ما اجت اكعد افهمك قندره براسك لو عقل...

ايوب... لا بحلكك يول قابل حاضر جنت واكعد ابرلك مو ادري بيك اثول وخاف تيهت...

اوس.. ادري ماعدكم تفاهم بس صياح اذا جذابه تنكشف خلي تجي للمستشفى وانه وياهه واعرضهه لطبيبه وتعيد التحليل وخلاص..

ادهم.. اسمعوني زين قسما بالله وروح جدتي اذا مافكيتو عني اطلع من البيت وما ادحكون وجهي كافي رحمه لامه محمد..

تعبت فوك طيحان حظي فوك حجيكم السم كتلكم ما ارجعهه لو حامل بعشره ومهرهه ادفعه وبهذا الاسبوع اطلكهه لو تنكلب الدنيا ما اتراجع بقراري ...

فاروق.. هاهي احنه كاعد نتفاهم مونتكاون ياادهم اكعد خلي نحجي وياك.

ادهم.. فاروق طول عمري معتبرك ابوي وما اكول اخوي الجبير واكول انت احن واحد بينه وتخاف علينه اكثر من نفسنه بس بهاي المواقف خلتني اراجع نفسي اتوسلك هذا الشهر الخامس بس اريد خيط امل تبشرني بي وانت ماتحجي..

ماخليت مكان مادورت عليهه ومتاكد واحلفلكم بالقران ايوب وفاروق تدرون بكلشي بس ما ادري شنو من كلب عدكم...

بنت نيران ميته قبل شهر والي مستلمهه ايوب يعني عندك اتصال بيهن وتعرف مكان وتعبت من كدما اسال ...

ثريا.. كلنه فزينه من كلام ادهم ركضت للديوانيه وادحك الوجه ونظرات الاستغراب على وجوهم وقيس كام على حيلو وزنگ ايوب من ياختو وكالو وين نيران؟؟

ايوب.. لزم ادين قيس وبعدو وكالو شوتسالني يمكن انه الدرت ظهري الهه وانت بصفتك شنو وتسال خاف ناسي نفسك ومعتبر نفسك حبيب...

قيس.. ايوب وين نيران احجي قبل لا اطلع روحك وين البنات؟؟

ايوب.. اوكف وحده وحده انت تاخذ روحي خاف عزرائيل وما ادري اسمع يول هاي تهديداتك حطهه بجيبك ...

لوتصير موقيس ما اكلك وين ومدام هلكد لحيتو البنات يمي وما انطيهن ولا ادحكون شعره من عدهن...

قيس.. تكاونو هو وايوب وضرب ايوب بوكس ورد علي ايوب والحجيه تصيح تهديهم وفاروق كاعد يدحك عليهم وقيس يصيح اذا ماكتلي وينهه هسه اكتلك..

ايوب... كوم يول بيك خير جان اخذت حكههه من ابوهه ورجلهه العار سالت عليهه تعالجت شلون مريضه تنام ليلهه من الالم لو اهم شي كرامتك وعود دحكوني انه مجروح..

وانت ادهم والله وروح رؤى الي اول مره احلف بيهه ( من ذكر اسمهه نبرتو تغيرت وكانو بلع الغصه وهو يحلف بروحهه)

كمل كلامو وكالو والله وروحهه ما اخليكم تندلوهن لو اخر يوم الا هن يقررن حياتهن ومن يكولن مسموح هذيج الساعه افكر اكلكم...

اوس.. ايوب اعصابك يول دحك اخوتك شحالهم خلي نفسك بمكانهم..

ايوب.. ما اخلي نفسي بمكانهم لان مو نذل مثلهم خلي واحد يفتح حلكو وانه اعلمو كلكم شاهدين على معامله قيس لنيران..

خلي ازيدك معلومه تدري جانت ماتشبع اكل دكول احس نفسي ثكيله وخاصه كدام قيس والبنيه لسه تعاني من فقر الدم الحاد واعراض الحبوب القبل اخذتهه ماكفلت نفسك وكتلهه شمحتاجه ...

لاتعاملهه حبيبتك السابقه عاملهه بانسانيتك عاملهه كبنت عم وواجبك توكفلهه وتساعدهه

وانت ادهم هم خلي اكلك تدري امنيه مريضه وبيهه سكر مزمن لوماتدري...

واحد بيكم خلي يجاوبني منو راح يرجع ربيعهم وانتم كسرتوهن هالكسره ..

انه من ساعدتهن دحكت ثريا بيهن ولو ثريا اختكم لاسامح الله متعرضه لهيج مواقف جان كومتو الدنيا وكعدتوهه وواحد صار بطل..

فاروق.. كافي ايوب كوم اوس اخذ ايوب حجه هيج فاروق لان كلنه نعرف ايوب من يعصب يفقد خلاص بس الشرار يطاير من عيونو...

اوس اخذ ايوب وطلع وقيس رجع ع فاروق بس اريد افسر حالة قيس ماكاعد اعرف شبي ليش تغير لهدرجه احن واحد وكلبه طيب الى ابعد حد ليش هالشكل صار..

انه اخته مايسال عني ولا يعرف شبيه مابيه بعدماجان كل نزله يبوسني من راسي من يوم الي اجت نيران وهو انتهى وتغير تغير جذري...

ظل فاروق يهدي بهذا ويرجع ع هذا بس ادهم صحتو ماكاعد تعينو اخوي بين يوم وليله وزنو قل وحته ماعندو قابليه يحجي ...

كلام ايوب الاخير وهو يكول امنيه بيهه سكر مزمن هذا الخبر جان كفيل يخلي ادهم يدنك راسو ويكعد على ركبو...

فاروق طبطب على ظهرو والحجيه كعدت كدامو تهدي بي ودكوله بعدهه مامستوعبه الصار هسه تتحسن وانجيبهه الكل جان يجذب باي كلمه تواسي بس كون ينتبه على صحتو...

كام وهو يجر بخطوات ثقيله محمله هموم ومايعرف وين يروح طلع ليبرا وانه ادحك علي شلون يمشي بيأس ..

وقيس ما ادري ليش ماجاي يحجي بس دحكتو كاعد بالحديقه ومخلي ايدو على وجهو ..

وفاروق اخذ سويج السياره وطلع كال الحك ايوب لان عصبي وخاف يلزملو واحد ويطلع غضبو بي...

لحد ١٢ بليل يله رجعوا كل واحد لغرفتو وايوب نار صاير مايتقبل حرف واحد..

اتسائل ايوب وين مخلي البنات ومنو جاي يبات يمهن  وهو ليل نهار لو بالمجمع لو بالبيت نايم...

يومين واخوتي زعلانين واحد مايدحك بوجه الثاني تالي فاروق ادخل ورضاهم بس ظلت الخواطر خشنه والكلوب تحجي الف عتب وعتب ..

بعد مرور 4 اشهر...

شذره تخرجت واسماء اطلكت واخذت كلشي الهه مهر والغرفه والملابس واي شي خاص بامنيه قبل ...

جنت كاعده اجرد بقائمه الادويه بالمستشفى واحضر بدفاتر العلاجات المزمنه ...

انه جنت ادوم بغير قطاع وصار اسبوع من انقلت هين انه ودكتور صيدلاني رجال جبير كاعدين انحضر بيهن..

هو يردلي بلاسماء واني احضر العلاج والكميه ردلي اسم احس الدنيا افترت بيه وانه اسمعه...

امنيه فلاح شاكر العمر ٢٠ سنه ....

اريد امد ايدي على العلاج ما اكدر ايدي ترجف ودموعي ماسيطرت عليهه انتبه عليه الرجال وكام كالي بنتي خيرج؟؟

مااكدر اجاوبه وشحجي امنيه اتمنى ادحكهه واطلب السماح منهه بس هسه كاعد احضر بعلاجهه المزمن .

شنو من قهر شاله كلبج وشنو من صدمه تعرضتيلهه حته شكل عندج سكر وانتي ابدايه الشباب ...

كل الذنب انه كل الصوج بيه انهاريت وكعدت بالكاع ابجي والدكتور طلع يصيح وحده من الممرضات احس مثل الخنجر ونبت بكلبي وانه اقره اسمهه...

اجتني وحده من الممرضات جابتلي مي وكعدت اخذ نفس اصريت الا انه اظل اليوم لنهايه الدوام وادحك منو يستلم علاجهه ....

لحد الوحده الظهر وانه كاعده واسمع صوت الممرضه دكول دكتوره ثريا محضرين العلاجات المزمنه...

كتلهه اي شنو الاسم كالت امنيه فلاح اجو على علاجهه...

كمت من مكاني وانه ادحك يمنه ويسرى اريد اعرف منو اجه على علاجهه كتلهه خلي يتفضل هين..

جان كل ضني راح ادحك اخوي ايوب توقعتو هو يجي على علاجهه بس انصدمت بالشخص الواكف كدامي وهو نفس وضعي علامات الاستغراب انرسمت على ملامحو...

فتحت عيني على وسعهه وانه مصدومه وحته الساني انعكد معقوله الي كاعد يصير ؟؟؟؟

يتتتتبع... متابعه شيقه