رواية ازمة ضمير الفصل الخامس وخمسون 55 - بقلم Rozaya1122

ازمة ضمير ... البارت الثاني والخمسون
«للكاتبه روزايه»

شنهي گلبك ؟
حتى ع العآفوك حَّن !!
وشنهي صبرك ؟
گآعد اتآني الموآعيد الجِزن !!
روح عيش !!
المنتظرهم عآيشين
وذني العيون آنسنّ !
نآس ملتهيه بـ فرحهآ ..
ونآس ملتهيه بـ حِزنهآ ..
وكُل الگلوب التهن !!
روح ..
بس تنسى جرحهم آحسب جروحك گضّن !
يآ غريب !! آرضى بـ قِسمتك ..
عيش وحدك .. لآ تدورلك وطّن !!
....

ثريا.. تقربت ع البنيه كتلهه محتاجه شي جانت تبجي وخايفه وتتلفت يمنه ويسرى كالت تيهت امي واختي ...

... تعالي اوكفي يمنه هسه ندورهن الج لاتبجين انتي شسمج..
... اسمي مريم واحنه مو من هنا نازحين من الموصل وما اندل احد..

... اخذتهه وكفت بجانب السياج واهدي بيهه رحت كلت لفاروق كال وين تيهتهن..

سالتهه واخذتهه تشرح لفاروق والله تحجي وصافنه عليهه طريقه كلامهه وشكلهه نسخه من شذره لاول مره اومن بالصدف..

فاروق.. ما تندلين علامه ..
.. اي اندل احنه اجينه لمول المنصور وطلعنه من عنده واجرنه تكسي للمرطبات وهناك تيهت هوسه..

... اصعدي خلي اخذج لنفس المكان بلاول البنيه ماقبلت تصعد كوه صعدناهه وتخاف بس انه طمنتهه وكتلهه لاتخافين صعدت ويانه واخذناهه لنفس المكان الي وصفتو..

ادحك ع اخوي ابد ما دحك عليهه ولا رفع راسو بالرغم من علامات الاستغراب بينت ع ملامحو ...

ظلينه بحدود النص ساعه واكفين لمحنه مره ادور وتبجي هي دحكتهه وركضت ع امهه وتاشر علينه ..

اجت امهه تشكرت من عدنه ووياهن بنيه بعدهه صغيره بلابتدائيه...

كتلهه خاله اصعدي انوصلج دنيا ليل وماعدكم سياره خطيه جانت الام ترجف من الخوف والهبطه الماكلتهه شكد دعت النه وشكد شكرت رب العالمين..

وصلناهه لمكان بيوتو تعبانه الله يعينهم شلون كاعدين سلمت علينه وتشكرتنه وراحت ..

ردت احجي واكلو تشبه شذره بس هو ساكت طول الطريق عينو ع الفراغ والجكاره بيدو ..

عمر مايرضه يرجع يكلو بعد خلي نفتر بسياره وهو مايرفضلو طلب يكلو موتتدل انت..

افترينه بسياره واخذنه من باب المجمع مالتنه اسواق جمله جبيره كلش وبيهه صناع جانو قبل اخوتي يكعدون بيهه هسه محد يكعد بيهه بس يرحون اشراف ع العمل ويرجعون وعايفيهه ورا ايوب..

فاروق خفف بالسياقه واحجي ويا عن الاسواق اكلو شكم صانع وهيج شي دحكنه ايوب طلع من المجمع الجكاره بحلكو ومامنتبه علينه كدامه واكفين ...

الصناع تعزل وعود هو مشرف عمل عليهم اكو كارتونات فارغه يشيلوهه للمخزن ..

ايوب مايدنك الجكاره بحلكو واديه بجيبو ويضرب الكارتونه دفره يكعدهه فوك الكراتين الباقيه ..

عمر.. بابا دحك عمي ايوب شيسوي ..
.. عمك ايوب ضارب الدنيا بعرض الحايط ..

..دكلو هورن فاروق التفت علينه لكح جكارتو بالكاع وداس عليهه واجه من جهه الصدر كاعد عمر تعارك وياي والا كعد بالصدر..

ايوب.. هااا اليوم هين زارتنه البركه..

فاروق.. ننتظرك تروح ويانه لوعندك السياره..

ايوب.. لا والله ماعندي سياره رجيلي بس منتظر جماعتي خلي اعزل اذا ما اجو اروح وياكم ...

.. يله استعجل ننتظرك راح يعزل ويريد يسد المحل اجو ٢ من جماعتو ادحك عليهم نسخه ايوب بالتحشيش..

واحد اسمو ابراهيم وواحد اسمو ادم دائما يكول ايوب يكول منين ما التفت اسم نبي ...

ابراهيم اصلع دائما يزين صفر وشكلو وحدو يخرب ضحك وحشاش اكشر تشاقو ويه ايوب واسمعو يكلو يول بروح حليمه خلي نروح باجر..

حته جماعتو يعرفون حليمه ظل شويه يحجي وياهم وراحو واجه صعد ويانه وكعد عمر بحضنو..

فاروق.. شلونو الشغل زين ؟؟
.. اي زين بس لازم نتسوك هالاسبوع وانه ما اروح راح ادز واحد من الصناع واخابر ابو الجمله ...

ثريا.. وصلنه للبيت بدلت لعمر ونام من وقت تعب من الفره واني كعدت شويه ويه امل والحجيه ام شذره نايمه ...

قبل لا انام كمت غسلت اسناني ورجعت دحكت ادهم صعد ليفوك والفوك محد يصعد لان بس فاروق وغرفه امنيه..

امنيه.. من يوم الراحت نيران اتواصل وياهه دكول زينه مرتاحه ورجلهه زين بس الجهال متعبين اختي دمرت نفسهه مرضهه خلاهه عاجزه عن كلشي...

متابعه مسلسل تركي يوميه اكعد اشوفه ب١١ مندمجه ويه المسلسل وما احس الباب غير ينفتح التفتت واشوفه ادهم..

كمزت من مكاني اول شي فززني لان هدوء وثاني شي اخاف من تواجدنه وحدنه لان اخرب الاول والتالي..

امنيه.. ها ادهم رايد شي..
ادهم.. اي اريدج بدون سابق انذار بسرعه تقرب عليه وحضني من خصري..

دفعته حيل ماتحرك اريد اوخر من عنده ماكدرت ادهم وخر شتريد جاي لغرفتي وخر من عندي...

ادهم.. امنيه كافي كافي ما اعوفج لوموتزعلين كافي يولي غلطه وصارت..

جان يحجي ويشم بركبتي وانفاسه الحاره ادغدغني كزبر جلدي وبديت احرك ركبتي بس اريد ابتعد..

ايده الي حاوطت خصري والثانيه حاوطت ركبتي وصار يبوس بكل شغف بوسات متفرقه على ركبتي ويصعد لشفايفي ويرجع لكتفي ..

موبس فقدت السيطره لا انهارت قواي مثل الاعصار والريح العاليه الي تكسر شكو شي كدامهه هاي اني بين ادين ادهم..

ايدي الي جانت تدفع بي ارتخت وصارت لازمته بكل قوه رغم داخلي يصيح ابتعد ماريد ومن جهه ثانيه كل اعظائي متمسكه بي...

مستمر يبوس بيه وهو ياخذني بخطوات سريعه للجربايه جنت حاسه بحجم الخطر وكلامي صار مثل ورقه واخذهه الريح..

بس ضعفي وقله حيلتي كدامه ما اكدر اتخلص منهه هاي اني بسرعه اضعف مجرد ما اشوف رموشه واستنشق انفاسه..

رفع نفسه من عندي واخذني لحظنه واني بعدني بين الوعي واللاوعي دموعي نزلت سريع وحسيت بعجز وضعف موطبيعي..

الساني يحجي شكل بس افعالي اترجم شي ثاني باسني هواي من راسي ومن عيوني جنت ابجي وهو يبوس بعيوني..

ماسوالي شي غير البوسات بس جنت ابجي ع نفسي وع اسنين الحرمان والفراك العشتهه ابجي على صحتي الي خسرتهه وبعدني باول العمر..

ضمني لصدره حييل حسيت اظلاعي بدت اطك واني لازمه قميصه حيل وايده تتغلغل بشعري..

ادهم.. امنيه خلي نتزوج موكافي افراك ..
امنيه.. ماجاوبته لان ماكو داعي احجي حجي بدون فائده اكول لا وانت هيج وانت هيج وبس مجرد مايتقرب من عندي يتيه الاول والتالي.

ظل بحدود الساعه هو يمي واني ع نفس وضعي بحضنه خلاني امدد على الجربايه وهو نام بصفي بس ع الحافه لان ماتكفينه بس نفر واحد..

خله ايده جوه راسي وهو يلعب بشعري واني مغمضه عيوني ونايمه على ظهري احسه كلساع يبوسني من كصتي..

بديت استرخي واني بحضنه وهو يحرك اصابعه بكل هدوء على شفايفي وبين حواجبي وعلى خدودي..

غطيت بنوم عميق اول مره احس بلامان وانام واني ماخايفه ولامفكره بشي موزين ...

ثاني يوم صادفت جمعه كعدت الصبح غسلت ونزلت لكيت الكل كاعد هم كل جمعه يجتمعون ع الريوك لان فاروق يكعد الصبح ويجمعهم..

ما اعرف ليش خجلت كوه كملت خطواتي واني انزل مم الدرج كتلهم صباح الخير كلهم ردو عليه ادهم جان كاعد وبصفو عمر...

من شافني كوم عمر كعده بصف ايوب واني ظليت مرتبكه شلون اكعد بصفه بس الحجيه صاحت تعالي امينه تريكي ويانه..

اجيت كعدت بصف ادهم وبصفي الحجيه ثريا هي تصب الجاي وتنطي الصمون وكل واحد صاح ثريا ثريا...

وكله مجتمعين باوعت عليهم واجت عيني ع قيس اجت ابالي نيران انحرمت من هيج اجواء..

ادهم دنك وهمسلي اكلي زين ترى مابيج لحمه ...

خاف خجلانه زادت ولا كدرت ارفع راسي صبتلي ثريا جاي وهي لفتلي لفه وانطتني بديت اكل والاجواء تخلي الواحد غصب علي ينتعش..

عمر زعل وعاف الريوك وادنى ليورا ومكتف ادي ..

ثريا.. ياعمه ليش زعلت اكوم اسويلك بيضه ..

...ما اريد سلك اريد عيون..
... اكل هسه جبن واكوم اسويلك اشرب حليبك حباب واني اكوم اسويلك..

فاروق.. عمر اكل وخلي عمتك تتريك ووراهه تسويلك يله يا ابني ..

قيس.. فاروق اني قدمت استقالتي ومنتظر الموافقه مالتهه وبس تطلع راح اسافر للخارج ..

فاروق.. ليش تعوف وضيفتك ووين تعيش وشعندك بالخارج..

... احسن اريد اعيش هناك بس خلي يوافقون ع الاستقاله..

الحجيه.. صدك جذب ياجده راتبك خيريات الله وتعوفه تروح برجليك للغربه ليش وهذوله اخوتك ..

ثريا.. تحجي صدك قيس شلون نكدر نفاركك العمر كله انت رحت دراسه لو خلصت كلوبنه لاتسوي هيج وتعاقبنه..

قيس.. يولي ثريا عليمن اعاقبكم قابل هين عليه الفراك بس ثقي بلله تعبت واحس بغداد تخنكني بكل مكان ..

ثريا.. فاروق جان ساكت وماحجه واخوتي كلهم سكتو كام قيس وحجيت كتلهم ليش ساكتين بوقت الجد محد يمنع وكلكم تنطون موافقتكم..

فاروق.. سمعتي زين كال مقدم استقالتو يعني بدون ماياخذ راينه وراح تصرف بكيفو بعد اجي امنعو لو اجي اتوسل بي..

دحكي ياثريا بس بلاسم فاروق الجبير وعبالك انه الي حرمتهم من حبهم ...

الحجيه.. يافاروق تكدر تمنعو لادكول ما اكدر..

.. اكدر ارفع بي كتاب اخلي مايوصل طرف الحدود بس مدام اختيارو وماحسب احساب لعشرتنه ولا لاخوتو خلي يروح..

عمرو ب٣٠ موزغير ياحجيه واكعد اعلمو موبس قيس حب وفارك كلنه حبينه وفاركنه ودفنتهه بيدي بس مومعناتهه اتخبل على اخوتي..

من يوم الي راحت نيران لابوهه وهو محملنه المسوؤليه وحمل الكل الغلط وهو برىء نفسو اجتو البنيه واعتذرت من عندو وهي صغيره وطبيعي شالتهه المحنه ع ابوهه..

اتزوجت وتعذبت واطلكت هالحقد الشايلو شنو انه جنت اكثر واحد بيهم ناوي انتقم من فلاح وابوي وابوي انتقمت من عندو وخليتو كاعد ع الحديده بس لخاطر بناتو ياكلون لكمه لابالله هو مايستاهل...

وفلاح كلشي ماكدرت اسويلو لان اخوتي حبو بناتو اكدر من يوم الي اجه بي للانبار اخلي يجدي بس وقرتو وانطيتو بيت وكعدتو لخاطر منو ماخذت حقي منو؟؟

لخاطر اخوتب تالي هاي جزاتي دحكي شلون حاقد ع اخوتو ومايحجي وينفذ الي براسو بيك زود احتويهه مو تحملنه الذنب..

مالكم علاقه بي يريد يروح بالسلامه محد مزعلو ولا اخذنه حبيبتو من عندو سوء تصرفو وراسو اليابس وصلو لهين..

الحجيه.. هذا قيس الحنين الهادىء والله اكول جذب تلحكو تالي تغير من الحب والنسوان ...

ايوب... شلج بيهه جده شتغير كل الي يفارك يكعد ينوح ويلطم ع الاقل هي كدامو وما اخذهه شحال كلوبنه الي دفناهن بدينه ...

هو حكم ع نفسو بالسجن وبتصرفاتو وخسرنه وباع عشرتنه بسبيل نفسو ...

الحجيه.. بالهداوه يا ايوب ع كيفكم ويا اكو بشر هيج طبعو انجرح وما جاي يشفي جرحو ...

ثريا.. اخذو ع خاطرهم اخوتي وقيس ولابرر ولاحجه وفعلا سكتو عنو وعافو وحدو لان اكثر من مره حجو ويا ومافاد...

خلصت الجمعه بالقهر من اولهه عود كعدت الصبح كلت اليوم مجتمعين على الخير...

تالي لليل والوجه حزينه ومتكأبه وكل واحد سرح بهمو وصبح ع هم جديد...

مددت بفراشي اكلب بالتليفون صار كدامي حساب اوس فتحتو اكلب بي ماناشر شي لكيت حساب ايوب دخلتلو هم مابي شي بس مشارك منشور مال صفحه عامه...

دخلت ع الصفحه اكلب بيهه من الملل دحكت تعليق صديق ايوب ابراهيم ع منشور سمعونه قفشه شعريه ...

جان معلق بهذا الشعر ...أتمنى ابيع الماي يم الاحبه
كلساعه آدك الباب واترسله دبة⁦
-ماي آرو ماي آرو...

نايمه بفراشي وخربانه ضحك على تعليقاتهم ايوب وجماعتو مسوين الردود فوك ١٥٠ رد كله تحشيش

والي يدحكهم يكول مامهموين وهم كلهم مضروبين بوري ومفاركين...

اكلب بالردود لكيت ايوب راد علي بشعر...

تواعدنا وجنت بالموعد مكيف
وبالقران طلعت تشبه عاليه نصيف...

دعيتلهم من كل كلبي الله يريح بالهم ابراهيم سامعه قصتو من ايوب يحب بنت خالو وعافتو واتزوجت واحد استاذ هو مامتعين خريج ...

والثاني ادهم هذاك يتيم الاب وعندو ٨ اخوات يكول حاير ازوج وارجع الزعلانات ومامدحك لحالو...

طفيت التليفون ونمت ثاني يوم كعدت سويت ريوك وكعدت ايوب يروح للمجمع بالشافعات يله كعد ...

طلعنه انه ويا سوه وصلني وراح للمجمع والبقيه عفتهم نايمين حته امنيه ماعدهه دوام بس انه اداوم السبت...

اكره دوامي من النظره مال الموضفين عدهم المطلقه سلعه رخيصه وتصير فريسه سهله ...

والخبال عند الكبار شكو شايب تلكو طايح حظو ويدحك من فوك ليجوه ...

اليوم اعررف هذاد التاريخ وحافظتو عيد ميلاد امنيه ما ادري شلون طلعت من عندي وفكرت اسويلهه عيد ميلاد..

وصيت العامله تروح تحجزلي كيكه وحلويات كتبتلهه قائمه وانطيتهه العنوان يجيبو للبيت هي تكفلتو وكالت دكتوره انه اجيبه واحضر كلشي احسن ماتنطي لسايق ...

انطيتهه فلوس وكتلهه الج خاله اتصرفي بكيفج عدهه عزة نفس وماتاخذ عطيه الا بتعبهه ..

اشتريتلهه هديه فستان جنت موصيتو الي بس اجه بيومهه جان من نصيبهه...

رجعت للبيت هدوء ومحد يدري بتحضيرات جنت احضر بالمضيف وبس ياقوت وامل يدرن المضيف محد يطبلو...

كملنه عشا ورادو يطلعون اخوتي قيس بالدوام واوس خفر كتلهم لاطلعون مسويه عيد ميلاد لامنيه..

ابتسم ادهم لان مبين ماناسي وكال مو ردت اطلعهه هسه بس يله عاد تصالحن...

صعدت ياقوت صاحتهه نزلت تريد ادحك شكو تفاجات بالاجواء والحجيه تصفك وتصيح حبيبه زيتو يو ...

امنيه... اجت ياقوت صاحتني كالت فاروق يريدج لبست حجابي ونزلت ماكو احد بالصاله كلهه بالمضيف...

طبيت وصوت الصفك وعمر يهوس اشوف الكيكه والشموع ما ادري شنو الصار دموعي تجري وكلبي يدك سريع ...

اريد احرك رجليه اوصل يمهم ما اكدر خليت اديه على عيوني وابجي من الفرح حسيت بشعور فضيع ...

ادين ادهم التفت على كتفي واخذني لحضنو وهو يكلي عليمن تبجين هاي ثريا مسويتو...

.. مسحت دموعي ورحت حضنت ثريا وتشكرتهه طفيت الشمعه وكصيت الكيكه وكعدو ياكلون ويتشاقون وانه بصف ادهم...

طلع من سترته علبه صغيره فتحهه ولبسنياهه حلقه تركيه هي ومحبسهه ..

هواي عليه اليوم دموعي ماوكفت حسيت نفسي طايره من الفرح مثل الطير وانفتحله القفص وحلق بالسما...

اجت عيني ع ايوب الرافع تك حاجب وماياكل كيك بس شرب عصير

كال هسه نرجع لسالفتنه والشروط..

ادهم.. يول تلصم حلكك لا ابتلي بيك انت الطيحت حظي ..

ايوب.. موزين ادافعلك طبك طوب بس انه ما اسكت لان الواحد الي موكدهه شكو يحجي ويكول شروط ويبيع نقاط براسنه..

فاروق.. صح امنيه انتي جانت شروطج ٣ ووافقنه عليهم بس من تخلين بيهم معناتهه نفرض عليج ضريبه..

وهسه كدام الكل اما تلتزمين بشروطج يا اما شرطج الثاني يلغي ويتم زواجكم...

امنيه.. اريد اخذ نفس ما اكدر بعد الخجل والفشله الي بيهه ماتسولف وادهم بصفي ضغطت على ايده حيل اريده ينقذني من فاروق وايوب...

ادهم.. لافاروق ماكو شروط هي خسرتهن وصارن من نصيبي يعني اني احدد الضريبه...

امنيه.. اريده يساعدني انوب كملهه عليه ..

ايوب.. اسمع يول امنيه مسكينه مومال ضرائب توكل بالله واتزوجو ترى طلعتو ارواحنه..

ثريا.. لحظات ماتنوصف من الفرح كلشي بسيط يفرحنه ضحك وشقه الحجيه ويه ايوب وهي دكلو الا ازوجك...

الحجيه.. السنه يا ابو سمره الا اخليك تتدفه ماتظل وحداني..

ايوب.. قصدج اتجيبيلي سمينه الضعيفه معصعصه ما ادفي ..

الحجيه.. خايب اكو احلى من السمينه منين ماتكضهه لحمه حته ترد روحك وشبابك الضاع...

ايوب.. لا ع بختج اصوم وافطر ع بصلايه اريد رشيقه وكون بس اطب للبيت اخرب وانسحل ...

الحجيه.. جنك راح تطلع بس حجي يولي ..

ايوب.. اااافه غير لوتجي واخليج ادحكين يوميه شارده الج تكلج خلصيني من ايوب..

الحجيه.. خايب فاروق اخذ ايوب وسكتو مانلحك ع السانو دهر لابي بريك ولا طسه..

فاروق.. هذا كل البله بي هسه يتزوج وادحكي لايغرج ..

الحجيه.. يعطل من وكت لان مايحب الحلا والرجال يحتاج حلا ينطي طاقه..٤ ٨
ت٠

ايوب.. هاي سوالف قبل يشربون قوطيه دبس حته يخلصلو ليله ...

لا هسه مانحتاج نفوت ونطلع منتصرين لادبس ولا غيرو...

الحجيه.. غطت وجهه ودموعهه تجري من الضحك مداهرهم مايخلص ..

دهر فرك يابنت مسكينه توكع بيدك حالفه كل بطن توم من وراك..

ثريا ... خلصت سهرتنه بحب وادهم وامنيه رجعو عشاق
وياقوت واوس بينهم الحب والاحترام ...

ورا يومين جنه كاعدين العصر واندك الباب راح عمر فتحو واجه كال عمه هاي مره حجيه عليج..

طلعت ادحك منو وجان ادحك امي الي ما اعرف شكم سنه مرت وانه ناسيتهه وعبالي ماتت ..

ظليت واكفه ادحك عليهه وهي تطلب من عندي اطببهه واعرف بفاروق مايقبل وشعدهه اجت خاف عوزنه قهر  ...

يتتتبع... متابعه شيقه...

فيديو من سارونه