رواية ازمة ضمير الفصل التاسع والعشرون 29 - بقلم Rozaya1122

ازمة ضمير ... البارت الثامن والعشرون
«للكاتبه روزايه»

ليش رحتي
و ليش فوتّي قطاري .. و گلبچ يحب السفر
و ليش اخذتي .. الما مشـه خطوه بطـريقـچ
وانه و جدامي مشينالج دهر
لا بقـيتي ويـاي ضـحكـه
ولا مشه بستانچ بصف النهر
سافريتي جناح و الدنيا مطر
رحتي چملتيني ليل...وانه مو گد السهر
ليش يا رازونه فارگتي الگمر
قابل تردين نسمه... وانه و گليبي جمر
وانه من شفتچ...مشيتي اويه الخذاچ بواهس و متگاودين
طلعت القسمه عذر ..
ليش اخذتي سنيني...چكليت اعله عرسچ
ليش يهلالي ...خذاچ الما يعّرف العشگ عيد
ليش يگلاده مشيتي الغير جيد
و انتي تدرين الگمر يندل مچانه..ليش عفتيني بمچانه
....

الحجيه... يبنيات شو انه ضايجه وروحي ماتريد البيت انتن مثلي لو بس انه،؟؟

امنيه.. اني مثلج بيبي روحي بخشمي افتح الصبح الكاج اغمض الكاج ...

الحجيه.. من كون ماعاجبج وجهي كومي منا عود كاعده اسولف وياهه خفه هالحلك...

امنيه... بيبي انتي الخير والبركه بس اقصد ماطالعين الله وايدج اطلعينه ...

الحجيه.. خلي يجي فاروق واكلو ياخذنه للمزرعه مال جدج الله يرحمو نشتم هوه وهم انتي يابنيتي تغيرين جو...

امنيه.. اي والله بيبي مخنوكه وحته جانت نيران يمي هسه اتصفن وحدي...

.. دكومي انتي وثريا حضرن حته بس يجي الظهر اكلو موتظلن تركضن منا ومنا ...

ثريا.. ماندري يقبل فاروق لولا بس الي علينه حضرنه كلشي بس ناخذ الموافقه انبدل وانه اعرفه مايرد طلب للحجيه ...

كعدنه ع الغده وكالت جدتي فاروق يمه ماتاخذنه للمزرعه انه والبنيات وانتم تعالو ورانه شويه مالهن خلك وملن من كعدة البيت ...

فاروق.. اليوم انه ما اكدر معزوم بس عادي خلي الولد يرحون وياكم ...

ايوب.. انه ما اكدر هم معزوم خلي ادهم واوس يرحون...

الحجيه.. شبيكم سويتوهه قصه لو نساوينكم الرادت جان مالحكتو تلبسون الدشاديش...

ايوب.. كل سالفه وبيهه نساوينكم حجيه انه معزوم وماترهك اعوف جماعتي موهذوله اوس وادهم يرحون وياكم...

الحجيه.. ما انريد ولا انروح كومن يمه خلي انلف روسنه وننخمد اخوتجن ما منهم رجه...

فاروق.. جده مو هاي الولد يرحون وياكم الا فاروق والله معزوم وماترهم اعتذر منهم لو كايلتلي قبل يوم...
الحجيه.. وانه شوكت ادحكم وعزايمكم ماتخلص ...

ثريا... اصرت الحجيه وقفلت الا كلهم يرحون عدلي بدلي ماقبلت دكول لو كلنه لو السبع ياكلنه...

واخيرا قبل فاروق وكال امري لله وكلشي ولاتزعلين كومن بدلن بين ما يروح اوس يفول بانزين للسياره...

بسرعه بدلنه واجه اوس وصاح علينه يله استعجلن طلعنه انريد نصعد السياره ماتكفي انه والحجيه وامنيه كعدنه ورا وادهم بالصدر...

وايوب خله الحجيه تلتهي واجت سياره علي وانهزم وحاجاهه من الجامه حجيه عود اعوضج وهي غمتو ....

اوس كال اجي وراكم بالدراجه مال ايوب لان المزرعه قريبه اول مره نطلع كلنه وفاروق ويانه صدك محتاجين هيج طلعه ..

مرينه من يم باب بيتنه جهال زغار يلعبون بالشارع غربه كلت لفاروق هذولي منين ابابنه عجل ابوي وين؟؟

جان يسوق والجكاره بحلكو وطنشني وعبالك ماسمعني عدت السؤال مره ثانيه جاوبني ادهم...

ادهم... ابوج شال من هين من زمان وراح كعد يم عمج فلاح بالفلوجه؟؟
... ليش؟؟

.. البيت بيتنه وكافي صار جثير ابوج ساكن بي اكو ناس اولى منو وفقره خلي يروح يدبر امرو...

ثريا.. ادنيت من الكشن انه جنت كاعده ورا فاروق مباشره كتلو تعاركتو ويا لو شال برضاتو؟؟

فاروق.. ثريا شوكت تبطلين فضول لازم تعرفين صغيره وجبيره شال وراح بعد هالاسئله عليمن...

ثريا.. تدري بيه ما اسكت الا اعرف ادهم جاوبني انتي...
الحجيه.. خايبه صرعتي راسي ماتسكتين مهجوم البيت اليلفيج ...

ثريا... جده انتي هم جنتي تدرين عجل انه شنو ناطور خضره بالبيت ومحد يكلي...

فاروق.. وهسه كنالج شراح تسوين ثريا ابوج ما اكل من النعمه الكدامو وانه اخذت البيت واجرتو لغيرو وراح كعد يم عمج بعد طالبتني بشي...

ثريا.. سكتت والسياره تمشي قريب راح نوصل اتذكرت حلمي مال البستان هم رجعت ادنيت ولزمت الكشن وحجيت يم اذان فاروق ...

فاروق فاروق!!! هااا كولي...
ماكتلي شنو الحلم مالتي وشتقصد جدتي يا امانه؟؟

ادهم.. اللهم طولج ياروح يابه اليوم شعندج بهالاسئله كلساع وطالعه بواحد جديد...

فاروق.. ثريا خلي نوصل ونحجي ...
ثريا.. سكتت بلا فايده اخوتي مايطلعون الحجي لو يدحكوني اموت حلو الواحد يضم سر بس موهيج عجل انه شبيه مفضوحه ماتبات كلمه بحلكي....

نزلنه للمزرعه ياما وياما لعبنه بيهه جانت وين ماتروح جدتي اركض وراهه فرشنه بالكاع وكعدنه وقريب علينه الشط مسافه موبعيده ...

التهو يسولفون ويه الحجيه وشويه وكامو بين ما اجه اوس كالو نفتر ونجي...

بس راحو لزمتني الحجيه كالت يولي شبيج خبصتي اخيج تعاي اسولفلج الحلم...

انتي مو حجيتلو وهو رايح لنفس المكان الي محددته يكول صدك اكو باب طالع من بيتنه ع بيت الفلاح بس مايعرف قصدهه شنو...

ظال يحجي ويه الفلاح وكاعد مسولفلو ع دكات ابوج كايلو يوميه انبات بدون عشا ابوك مايرضه ينطينه تعبنه بس نتغده ومرات ناخذ من الزرع ويجي يتعارك ويانه وليل نهار يسب بابو وبحليمه وصوتو واصل لشارع ...

وكايم ابوج كاطع المي عليهن مسوي تل وسادو من يم هذا الباب وكل الوادم الداير مداير المزرعه ماتحص مي والوادم تسب بالحجيه وبجدك الله يرحمو ...

كتلو يافاروق تفسير الحلم هاي جاي توصلهم مسبه من ورا عماد والحجيه من كالت سد الباب سدو لان ماذيهم ...

فاروق يكول قبل ماتموت جدتي اكو عائله فقيره وايتام عدهم والله يرحمهه جانت كافتلهم وتنطيهم مصروف وموصيه فاروق بيهم ...

يكول من طردنه ابوي جنت اشتغل وكل اسبوع اجمع من اخوتي وادزلهم مصرف ومن رجع الورث هم مساعدتهم بس بالفتره الاخيره فاروق ملتهي وناسيهم ونسته الدنيا ....

من مذكرتو انتي رايح بوجهو عليهم لاكيهم ابو البيت مطلعهم وماعدهم مكان ومنا ابوج مخلي اجدادج علج من السب رايحلو وكايلو اريد البيت وطلع ابوج للفلوجه عندو كاع هناك...

وابوج شال والبيت انطا لهذوله الايتام كعدو بي والمي فتحو ورجعت الناس تترحم لحليمه وجدج...

يابنتي كل انسان بينه عندو عمل صالح وهذا عملو الصالح من اول يوم من يطلع من الدنيا هو يرافقو يساعدو ويدافع عنو الي حلمتي بيهه هاي عملهه الصالح اتجسد ع هيئه بشر واجاج حته تحجين لاخوج...

ثريا.. الله يرحمهه جدتي عاشت وماتت والناس تحبهه وساعدت ناس جثيره وهذا تلكا مسجل كدامهه...

امنيه... كمت من يمهن وعفتهن يسولفن اتمشه وحدي وصلت قريب ع الشط المنطقه كلهه خضار وكفت ع حافه الشط وصورتي انعكست بالمي الصافي كلما يهب الهوه يلالي خيط انكسار ...

احس نفسي مسجونه داخل قفص ومااكدر اطلع من عنده قريب على الشط بيت مدري كوخ مدري شيسمو هي غرفه وحده يمكن من الكصب والسعف...

اتمشى على حافه الشط واشتم هوه نقي وصوت الطيور وزقزقه العصافير تاخذني للبعيد اتمنى اكون حره مثلهه واتحرر من حب ادهم واحلق لغير مكان ....

وصلت قريب ع هاي الغرفه باوعت بيهه جانت فارغه بس يمهه ماطور جبير مال ضخ عجبني المكان حيل خليت طابوكه وكعدت اباب الغرفه وعيني تتحرك ويه حركه الغيم وسرب الحمام...

جنت صافنه فززني صوت ادهم وهو يكلي يولي امنيه وين رحتي عبالي تيهتي...

امنيه.. لا ماتيهت هو طريق عدل بس حلو هذا المكان وكعدت هنا...

جر طابوكه وكعد بصفي بدت دكات كلبي تنبض بقوه وراح تجتاحني هاي الريح الي تكسر شكو شي بداخلي مجرد ما اسمع صوته...

ادهم.. امنيه اكو شي تريدين دكولينه الي ؟؟

... لا ماكو شي بس حجيت بتوتر وما اعرف وين اودي وجهي بسرعه كمت لو اظل دقيقه افضح نفسي بسرعه يبين عليه الارتباك وخدودي تصير حمره...

هستوني مشيت من يمه وهو كام بعدني ماتعديت باب الغرفه ما احس غير ايده تسحبني بقوه من زندي ويدخلني للغرفه الهاويه ....

لو ادورون عليه ماتلكوني بهاي اللحظه منظري بين ادي وكلبي الي فضحني اتمنيت اختفي وانهزم من عيونه...

جان لاف ايده على خصري والثانيه لازمني بيهه من زندي واديه اثنينهن صايرات ع صدره واني ناعمه وهو طويل وضخم ضعت بين ادي...

رفعت راسي وكتله ادهم شدسوي وخر من عندي بس جانن اسناني يطخن واحد بالثاني وكلبي عنده سباق تلاقت عيونه وسرحت بهاي العيون الي ما املك من الدنيا بس هاي...

كلما ترمش عينه تزيد نبضاتي من كدما مركزه بي اشوف نفسي بالبؤبؤ مالته نفضت من حالتي وكتله وخر ادهم شبيك...

بس ماتحرك ابد حسيت نفسي ضعيفه ودموعي اتجمعت بعيني ابعد نفسي بس اريده يوخر مايحجي اي كلمه بس صافن عليه ومحاوطني باديه...

ترك زندي وايده انرفعت من خصري لراسي بحركه سريعه لزمني من راسي باثنين ادي واخذ شفايفي ببوسه طويله ماجنت حاسه بالي يسوي بس غير ايدي لازمه اديه الي لازمني بيهم...

يبتعد ثواني ياخذ نفس ويرجع من جديد يعيد ببوسه اكدر اكول عليهه شبه عنيفه واني امشي بالغرفه بدون شعور وهو بنفس حركاتي يتحرك...

ماعندي حيل ولا طاقه ولا اكدر اقاوم بكد الشعره حسيت نفسي مثل الصحراء الجافه الي تفطرت من العطش ومطرت عليهه الدنيا ورجعت حيت من جديد...

جانت بوسته قويه بحيث اختنكت وماكدرت بعد وهي منا الغرفه صغيره ومابيهه منفذ دفعته من صدره وحركت راسي بسرعه يله كدرت افلت من قبضته...

بعده لازمني من خصري واني مدنكه ودايره وجهي صفح ما اكدر حته اباوعله احس رجليه صارت خيوط وبس يترك ايده اوكع بالكاع  ...

صوت انفاسه عاليه واني بحاله يرثى لها عقلي بهاي اللحظه جمد ماجاي يكدر يفسر كلشي ومعقوله ادهم هذا بين المصدكه وبين البعدني بالصدمه...

لزمني من ايدي وطلعني من الغرفه لنفس المكان الجنت كاعده بي لزمني من اكتافي وكعدت وكل هذا ومارفعت راسي بوجهه...

ولاهو كدر يحجي شي بعد هدوء مستمر كال كومي غسلي حته نرجع وشويه سوي نفسج طبيعيه ترى اخوتي ينتبهون ...

ما اعرف شجاوبه كمت ورا نمشي باتجاه الشط وكفني ع الجرف وهو نزل خطوتين ودنك شال مي بيده واشرلي اتقرب شمره على وجهي ورجع نفس الشي هم شال مي وجر راسي غسل وجهي بيده وطلع...

اليوم هواي عليه بحيث كعدت ع الجرف ما اكدر اكوم وكلشي بيه يرجف مد ايده ع شفايفي وايده الثانيه جوه فكي يحرك اصابعه بهدوء عليهن واني مغمضه عيوني وما اسيطر ع رجفة فكي ...

همس يم اذني بكلمات لسه اتذكرهم كال دخيلج يا امنيه شكد بريئه ....

اول حب الي ادهم واخر حب مدامني اشم الهوه لا يوم زلت عيني على غيره ولا فكرت ارتبط بشخص ثاني اول واحد يبوسني هو وماجربت هذا الشعور بس بهذا اليوم وع ايده ....

كام وكف وسحبني من ايدي ومشينه جنت امشي خطوتين واتعثر وهو يلتفت علي ويكلي ع كيفج يولي راح تتخربطين...

وصلنه للمكان الي كاعدين بي ما ادري شجاني اتمنى اختفي وجسمي مكزبر واخاف ارفع راسي احسهه كلهه شافتنه ...

راح اوس جاب سمج شوي وكباب وكعدنه انريد ناكل جنت مقبطه شبعانه احس نفسي ممليه من كلشي فززني صوت الحجيه وهي دكول امنيه شبيج جده شو رحت واجيتي مضروبه ع راسج؟؟

... لا مابيه شي..
.. وين جنتي؟؟ تمشيت شويه للشط ورجعت...
الحجيه .. نزلت النظارات ع خشمهه وباوعت ع ادهم كالتله وانت وين جنت يجده؟؟

ادهم.. مرتجي ع رجل فاروق ومدد جسمه وفاروق مستند ع جذع شجره ويشرب بيبسي سوه نفسه مويمه الحجي..

الحجيه.. ها يجده بلعت السانك اخاف نسيتو بشط يول ..

ادهم.. ضحك كاع الله شكبرهه رحت اتمشيت لو لازم ادليج وين ياجدتي العزيزه وشدد ع الكلمه الاخيره ورفعلهه حاجبه يريدهه تسكت...

الحجيه.. لا مو البت اجت مفزوعه كلت خاف طلعلهه بعبع لو جني من الشط وبلكي انت دحكتو بدربك...

امنيه.. يريد يحجي ادهم ماكدر واني اكثر من عنده الحجيه مالهه مثيل خلت اوس وفاروق يضحكون وادهم احتار وين يودي وجهه...

ثريا... تونسنه وغيرنه جو ورجعنه ورا الاذان بالباب وجان ينزل ايوب الله جابو كدام الحجيه استلمتو وهو خربان ضحك ...
بلاخير جرتو من راسو وباستو كالتلو الله لا يحرمك من هاي الضحكه ...

امنيه تتختل وماتريد تختلط باحد اركض وراهه وهي حته عيونهه ماتخليهن بعيني ركضت وراهه للغرفه خلت ايدهه ع عيونهه تريد تنهزم من عندي ...

سحبت اديهه واتلاوه وياهه بشقه شهكت وانه ادحك طرف شفتهه بي خيط ازرك ..

خزرتهه جان توكع دموعهه وكالت هو اخوج اني مالي علاقه؟؟؟

بلاول تفاجات بعدين ضحكت كعدتهه افتهم منهه معقوله ادهم تحرك انه جنت شاكه بي بالفتره الاخيره ادحكو نظراتو تفتر ع امنيه بس جنت اكول يعطف على حالهه ....

بس هسه لا تاكدلي اخوي بده يحبهه وفرحت جثير مولاجل اخوي بس لاجل امنيه المسكينه الي ماتملك بهاي الدنيا غير بس حب ادهم...

بين يوم ويوم ومرات كل اسبوع تخابرنه نيران ونطمن عليهه دكول زينه وابوي صحتو زينه من يخابر قيس انطمنو ونكلو لايظل بالك نيران بخير....

بهاي الفتره فاجانه قرار فاروق وهو يكول انه مقدم على معهد القضاة وبس يطلع اسمي اكمل دراسه اتذكر شكد فرحت واكمز مثل الطفله كدامو واكلو اخوتي واحد قاضي وواحد ضابط وواحد طيار .....

حته الحجيه تصيح خايبه شوكت تكبرين ما دللج غير فاروق جده زوجهه خلصنه من عدهه جنهه جاهله تكمز وهو يضحك ويكلهه هاي ثريا الغاليه...

....

خابرنه قيس كال بعد يومين اوصلكم قدمو اجازتنه يابه فرحتنه ماتنوصف اروح وارجع اكل للحجيه جده انه اسعد انسانه بهاي الدنيا الله يحبني جثير وهي ترفع ايدهه بالدعاء...

ركضت ع التليفون خابرت نيران هي ماعدهه تليفون نخابر على ابوهه كتلهه نيران يولي باجر تعالي حته يلكاج قيس بالبيت راح يجي...

قابلتني برد بارد ماتوقعتو منهه كالت يوصل بالسلامه انه ما اكدر اجي ابوي متخربط...

ثريا.. نيران يولي لاتحزنين قيس جاي من بعيد علمودج يكول بالي يمهه وما مرتاح تعالي شكم يوم ورجعي وجيبي عمي وياج يظل يمنه...

نيران.. لا ما اكدر اجي هسه من يجي قيس عود اجي اشوفه يله سلميلي ع امنيه وسدته...

ثريا.. تفاجات بكلامهه وبرودهه هاي شبيهه موصاحيه اكيد ركضت ع فاروق بغرفتو سولفتلو على حالتهه كال باجر الصبح اخذج ونروحلهه هاي تريد تقضي ع قيس...

الليل صار شطولو وبديت اتذكر كلام الحجيه ورجعت استعيد مخابراتهه صوتهه مايطمن ابد وكلما اسالهه شبيج دكول مابيه شي وتحجي كلمتين وتروح...

حته اختهه امنيه كالت نيران بيهه شي وماتقبل تجي ولاتقبل تحجي خلت القلق ياكل بينه اكل بس اجه الصبح طلعت ويه فاروق رحنه انريد انجيبهه...

دكينه الباب طلع عمي يمشي ع عكازه من دحكنه جفل مامتوقعنه دخلنه لبيتو وهو عيونو تتجول منا منا ومرتبك...

صاح ع نيران تجي اول ماطبت شهكت وكلت نيران انصدمت بيهه حته فاروق اكثر من عندي تفاجا جانت جلد ع عظم مثل هذولي المجاعه الي بالتلفزيون ...

العيون منوگره والحلك صاير ازرك عبالك تشرب جكاير  والادين ضامتهن باردان الثوب تقربت عليهه بعدت نفسهه من عندي وكعدت احجي وياهه استفسر بس دكلي مابيه شي ...

كوه اخذتهه للغرفه اهز بيهه واكلهه نيران شبيج ابوج مسوي هيج بيج بس دموعهه تنزل ودكلي لا ابوي زين وياي اني اكلي قليل ما اشتهي...

فوك الساعه وانه اتوسل بيهه بس اريد اعرف كلمه وحده منهه ماترضه تحجي وايست وطلعت كالهه فاروق يله انتي وعمي اخذج وياي قيس راح يجي كالت ما اروح...

ابوهه يقنع بيهه ويكلهه يله يا بويه خلي انروح وهي دكلو ما اروح عصب فاروق عليهه وهي مدنكه ومصره ودكول روحو ما اجي وياكم ...

زگح بيهه بصوت عالي جفلت من مكانهه وابوهه يهدي بفاروق وهي دكلو ما اروح والاعظم من هذا وكفت بنص الديوانيه وكالتلو انه ما اريد قيس من يجي خلي يطلكني انه اصلا اطلكت من عندو غيابيآ.....

من اثر كلامهه كعدت بالكاع رغم عصبيه فاروق وصوت ابوهه وانه مامستوعبه كلامهه الواكفه كدامي شيطان مو انسانه طبيعيه...

فاروق.. يولي هو لعب ومنو سمحلج تطلكين غيابيا ويا شيخ كلب كدر يطلكج بدون علمو موبعينج العايش بالغربه ...

فلاح.. هدي اعصابك فاروق انه ما اعرف شبيهه وهسه حاير شسوي هو قيس مايريدهه وانه بنتي مو ذليله انه وياهه وما اسمحلكم تاذوهه...

فاروق.. شتحجي انت مشاركهه بالجريمه لو شنو واحد بيكم يفهمني شنو اطلكت غيابيا صح ما عاقدين محكمه بس شيخ بس ياشيخ يرضه يطلك بدون حضور الزوج شلفقتو تهمه شحجيتو ...

فلاح... بنتي ماتريدو وهو هم مايريدهه بس جبرتوهه ع الخطبه وانه مالي علاقه بالي يصير هي مصره تريد تطلك واخذتهه لشيخ وكال مدام مسافر ومامنو جيه يصير تطلك بغيابو ولو محمكه مايصير الا بعد سنتين بس هي بس شيخ...

فاروق... شنو ماتريدو شنو جبرتوهه منو ضربهه ع ايدهه توافق احنه نقذناهه من عندك صرنه مو خوش اوادم وليش مامنو جيه حضرتهه ماتدري ٦ اشهر ويجي ....

اذا طلعت الك ايد بهاي اللعبه القذره الي سويتهه انت وبنتك والله وامانتو اكتلك وادفنك بكاعك وطز بالعمر الي يخلص بالسجن ...

التفت على نيران وكالهه حرامات فتحنالج بيتنه وحرامات بيوم وكفنالج عديمه التربيه لاعتب عليج اذا ابوج فلاح وعمج عماد ...

اسمعي يول ماراح اعديهه الج مدامني عدل وحرگة كلب اخوي الجاي من اخر الدنيا علمود يدحك وجهج السزز راح اندمج عليهه ....

ثريا ... طلعت اركض ورا فاروق واني بدوامه افتر ياطلاك ياغيابي احسهه لعبه لو جاي يجسون نبضنه مستحيل صدك....

طول الطريق ابجي وفاروق ساكت وصلت للبيت كعدت بنص الديوانيه ادك ع رجليه والحجيه مكابلتني وتصيح مشعوله الصفحه منو مات؟؟؟

كعدت احجيلهه وانحب مثل الميتلهه عزيز نيران عساج احتركتي بنارج ولا تلوعين اخوي امنيه كعدت بالزاويه متفاجئه بحقارة اختهه ...

والحجيه تمتمت بكلمات سمعتهه كالت بدت نارج على هالمسكين من كون التفت عليج وحركتج ....

فقدت بهذا اليوم كل الفرح والضحك طلع من عيني باجر يجي قيس اخوي الحنين الي اتعنه علمودهه يكول ثريا مامرتاح احسهه بخطر...

تالي يجي شيكول باجر شنكلو شنحجي وين خطيبتك اطلكت غيابي !!! والله لونحجيهه للمخابيل مايصدكون ...

جانت مصره ودكل لفاروق اقدم بلاغ عليكم روحو منا ما اريدكم ادعي عليج بشنو يولي ليش مثل اسمج حركتي كلب اخوي...

ماهدءت ابد ولا عيني غمضت انه وامنيه والحجيه نبجي ونرجع الوم بيهه حته امنيه تخربطت واجاهه ادهم اخذهه للمستوصف طلع عدهه هبوط ....

الليل المر ع الناس واحنخ كاعدين اخوتي كلهم كاعدين بالحديقه وعبالك عدهم عزاااا شراح يكولون لقيس الي امنهم عليهه...

طلعت الحجيه حجت وياهم اسمع ايوب يكلهه شلون انكلو حبيبتك راحت وطعنتك بظهرك ...

كليلهه هاي الماعدهه ذرة مستحه ماوكف بعينهه دلالو شنو السوا الهه وهيج جازتو ليش مكتوبلنه شلعان الگلب...

صبح الصبح وياريت الصبح ماطر راحو يستقبلون اخوهم المطعون ومايدري شلون يضحكوم بوجهو وشلون وشلون لحدما اجو وانه احس بهذا اليوم طار نص عمري لا والله كلو....

كلنه تلكينا نحضن ونبوس بي مثل جيتو الاولى وعينو ادور عليهه بكل ركن عبالو خجلانه وراح تنتظرو جوه كعد بالديوانيه وعينه تصعد ع الدرج وترجع للغرفه كلساع يعدل كعدتو عبالو راح تجي بلاحضان...

صاح نيران يولي خاف زعلانه عليه ترى جاي من روسيا علمودج....

الهدوء مسيطر ودموعي نزلت وملامحه التعبانه من السفر بين عليهه الحزن التفت ع فاروق كالو وين نيران؟؟؟

ماعرف شيجاوبو رجع اندار عليه بغصه وبلع ريگو وكانو فهم كلشي وكال ثريا صاير شي بنيران وينهه؟؟؟

ياريت يا اخوي صاير بيهه شي وندفنهه يم رؤى ونكعد نذكرهه بالزين ولا طعنتك هاي الطعنه...

وكف ع حيلو وكال وين نيران يمعودين شبيهه وجوهكم ماتبشر بخير .....

كام فاروق وخله ايدو على كتفو وكالو تعال وياي جان قيس يمشي بدون روح وكانو مسير ورا فاروق واخوتي كلهم مدنكين راسهم ومايعرفون شيسوون...

اتمنى احصل جواب من عدهه ليش هيج سويتي ليش جازيتي تعبو وغربتو بالنكران والخيانه ليش حركتي بنارج وقضيتي علي لهذا اليوم...

فرحة اخوي وتشتت اخوتي بركبتج ليوم الدين محد راح يسامحج دمرتي قيس وسلبتي منو روحه وفرحتو وخليتي يعد ايام عمرو مجرد ايام وتمشي...

يتببببببع... متابعه ممتعه

حبايبي متابعه ويانه تطلب من عدكم تساعدوهه الي تحب تنصحهه ولو بكلمه وحده اكون ممنونه منهه دزتلي مشكلتهه وهاي كدامكم....